വാഹന അപകടങ്ങൾ—നിങ്ങൾ സുരക്ഷി​ത​നോ?

“ഇതുവരെ ഞാൻ വണ്ടി​യോ​ടി​ക്കു​മ്പോൾ അപകട​മൊ​ന്നും വരുത്തി​യി​ട്ടില്ല, അതു​കൊ​ണ്ടി​പ്പോൾ അതേക്കു​റിച്ച്‌ ഓർത്ത്‌ തലപു​ക​യ്‌ക്കേണ്ട കാര്യ​മില്ല.” “പ്രായം​കു​റഞ്ഞ, അശ്രദ്ധ​രായ ഡ്രൈ​വർമാർക്കാണ്‌ അപകടങ്ങൾ ഉണ്ടാകു​ന്നത്‌.” തങ്ങൾക്ക്‌ ഒരിക്ക​ലും ഒരു വാഹനാ​പ​കടം ഉണ്ടാകു​ക​യി​ല്ലെന്ന്‌ അനേക​രും വിചാ​രി​ക്കു​ന്നു. നിങ്ങൾക്ക്‌ അങ്ങനെ തോന്നു​ന്നു​ണ്ടോ? നിങ്ങൾക്ക്‌ ഒരിക്ക​ലും ഒരു വാഹനാ​പ​കടം ഉണ്ടാകി​ല്ലെന്ന്‌ തറപ്പിച്ചു പറയാൻ കഴിയു​മോ?

നിങ്ങൾ ജീവി​ക്കു​ന്നത്‌ ഒരു വികസിത രാജ്യ​ത്താ​ണെ​ങ്കിൽ ആയുഷ്‌കാ​ലത്ത്‌ ഒരിക്ക​ലെ​ങ്കി​ലും ഒരു വാഹനാ​പ​ക​ട​ത്തിൽപ്പെട്ട്‌ പരി​ക്കേൽക്കാ​നുള്ള സാധ്യ​ത​യു​ള്ള​താ​യി കണക്കുകൾ സൂചി​പ്പി​ക്കു​ന്നു. പലരു​ടെ​യും കാര്യ​ത്തിൽ അത്തരം അപകടങ്ങൾ അവരുടെ മരണത്തിൽ കലാശി​ക്കു​ന്നു. ലോക​വ്യാ​പ​ക​മാ​യി ഇപ്പോൾ ഓരോ വർഷവും അഞ്ചു ലക്ഷത്തി​ല​ധി​കം പേർ റോഡ​പ​ക​ട​ങ്ങ​ളിൽ കൊല്ല​പ്പെ​ടു​ന്നു. ഒരുപക്ഷേ ഇക്കഴിഞ്ഞ വർഷം കൊല്ല​പ്പെ​ട്ട​വ​രിൽ പലരും കരുതി​യി​രു​ന്നത്‌ തങ്ങൾക്ക്‌ അത്‌ ഒരിക്ക​ലും സംഭവി​ക്കു​ക​യില്ല എന്നായി​രി​ക്കാം. ഒരു വാഹനാ​പ​ക​ട​ത്തിന്‌ ഇരയാ​കാ​നുള്ള സാധ്യത കുറയ്‌ക്കാൻ നിങ്ങൾക്ക്‌ എന്തു ചെയ്യാ​നാ​കും? അപകടം തടയു​ക​യാണ്‌ പ്രധാന സംഗതി. ഉറക്കം​തൂ​ങ്ങ​ലി​ന്റെ​യും പ്രായാ​ധി​ക്യ​ത്തി​ന്റെ​യും ഫലമാ​യുള്ള അപകടങ്ങൾ എങ്ങനെ തടയാൻ കഴിയു​മെന്നു പരിചി​ന്തി​ക്കുക.

ഉറക്കം​തൂ​ങ്ങുന്ന ഡ്രൈവർ

ഉറക്കം​തൂ​ങ്ങുന്ന ഡ്രൈവർ മദ്യപി​ച്ചു വാഹനം ഓടി​ക്കു​ന്ന​യാ​ളു​ടെ അത്രയും തന്നെ അപകട​കാ​രി​യാ​യി​രി​ക്കാം എന്ന്‌ ചില വിദഗ്‌ധർ പറയുന്നു. ഉറക്കം​തൂ​ങ്ങൽ മൂലമു​ണ്ടാ​കുന്ന അപകടങ്ങൾ വർധി​ക്കു​ന്ന​താ​യി റിപ്പോർട്ടു​കൾ സൂചി​പ്പി​ക്കു​ന്നു. ഒരൊറ്റ വർഷത്തെ കണക്കെ​ടു​ത്ത​പ്പോൾ നോർവേ​യി​ലെ 12 ഡ്രൈ​വർമാ​രിൽ ഒരാൾ വീതം വണ്ടി​യോ​ടി​ക്കുന്ന സമയത്ത്‌ ഉറങ്ങി​പ്പോ​യ​താ​യി സമ്മതി​ച്ചെന്ന്‌ ഫ്‌ളീറ്റ്‌ മെയ്‌ന്റ​നൻസ്‌ & സേഫ്‌റ്റി റിപ്പോർട്ട്‌ അടുത്ത​കാ​ലത്തു പ്രസ്‌താ​വി​ച്ചു. ദക്ഷിണാ​ഫ്രി​ക്ക​യി​ലെ ജോഹാ​ന​സ്‌ബർഗിൽനി​ന്നുള്ള ദ സ്റ്റാർ റിപ്പോർട്ടു ചെയ്യു​ന്ന​ത​നു​സ​രിച്ച്‌, ആ രാജ്യത്തെ വാഹനാ​പ​ക​ട​ങ്ങ​ളു​ടെ മൂന്നി​ലൊ​ന്നി​നും കാരണം ഡ്രൈ​വർമാർ ക്ഷീണി​ച്ചി​രി​ക്കെ വണ്ടി ഓടി​ക്കു​ന്ന​താണ്‌. മറ്റു രാജ്യ​ങ്ങ​ളിൽനി​ന്നുള്ള റിപ്പോർട്ടു​കൾ ക്ഷീണം എല്ലായി​ട​ത്തു​മുള്ള ഡ്രൈ​വർമാ​രെ ബാധി​ക്കു​ന്നു എന്നു കാണി​ക്കു​ന്നു. ഇത്രയ​ധി​കം ഡ്രൈ​വർമാ​രു​ടെ കാര്യ​ത്തിൽ ഉറക്കം​തൂ​ങ്ങൽ ഒരു പ്രശ്‌ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

ഒരു കാരണം ഇന്നത്തെ തിരക്കു​പി​ടിച്ച ജീവി​ത​ശൈ​ലി​യാണ്‌. ന്യൂസ്‌വീക്ക്‌ മാസി​ക​യു​ടെ അടുത്ത​കാ​ലത്തെ ഒരു റിപ്പോർട്ട്‌, അമേരി​ക്ക​ക്കാർ ഇപ്പോൾ “ഈ നൂറ്റാ​ണ്ടി​ന്റെ [20-ാം നൂറ്റാ​ണ്ടി​ന്റെ] തുടക്ക​ത്തിൽ ഉറങ്ങി​യി​രു​ന്ന​തി​നെ​ക്കാൾ ഒന്നര മണിക്കൂർ കുറവാ​യി​രി​ക്കാം ദിവസ​വും ഉറങ്ങു​ന്നത്‌” എന്നും “ഈ പ്രശ്‌നം കൂടുതൽ വഷളാ​കാ​നാ​ണു സാധ്യത” എന്നും പറഞ്ഞു. എന്തു​കൊണ്ട്‌? നിദ്രാ​ഗ​വേ​ഷകൻ ടെറി യങ്ങിന്റെ പിൻവ​രുന്ന വാക്കുകൾ മാസിക ഉദ്ധരിച്ചു: “ഉറക്കത്തി​ന്റെ സമയം കുറച്ചാ​ലും കുഴപ്പ​മില്ല എന്ന്‌ ആളുകൾ ചിന്തി​ക്കു​ന്നു. തീരെ കുറച്ച്‌ ഉറങ്ങുക എന്നത്‌ ഒരുവൻ കഠിനാ​ധ്വാ​നി​യും പുരോ​ഗ​മ​നേ​ച്ഛു​വും ആണ്‌ എന്നതിന്റെ ലക്ഷണം ആയാണ്‌ കണക്കാ​ക്ക​പ്പെ​ടു​ന്നത്‌.”

ഒരു ശരാശരി വ്യക്തിക്ക്‌ ദിവസ​വും ആറര മുതൽ ഒമ്പതു വരെ മണിക്കൂർ ഉറക്കം ആവശ്യ​മാ​ണെന്നു പറയ​പ്പെ​ടു​ന്നു. ഇതു കിട്ടാതെ വരു​മ്പോൾ, “ഉറക്കക്കടം” എന്നു വിശേ​ഷി​പ്പി​ക്കുന്ന അവസ്ഥ സംജാ​ത​മാ​കു​ന്നു. ഗതാഗത സുരക്ഷ​യ്‌ക്കാ​യുള്ള എഎഎ ഫൗണ്ടേ​ഷന്റെ ഒരു റിപ്പോർട്ട്‌ ഇങ്ങനെ പറയുന്നു: “ജോലി​യുള്ള ഒരു സാധാരണ ആഴ്‌ച​യിൽ ദിവസ​വും ആവശ്യ​മാ​യ​തി​നെ​ക്കാൾ 30 അല്ലെങ്കിൽ 40 മിനിട്ടു പോലും കുറച്ച്‌ ഉറങ്ങു​ന്നത്‌ വാരാ​ന്ത​മാ​കു​മ്പോ​ഴേ​ക്കും മൂന്നു​നാ​ലു മണിക്കൂർ സമയത്തെ ഉറക്കക്കടം ഉളവാ​ക്കും, ഇത്‌ പകൽസ​മ​യത്തെ ഉറക്കം​തൂ​ങ്ങൽ വളരെ വർധി​പ്പി​ക്കും.”

ചില​പ്പോൾ നിങ്ങൾക്കു രാത്രി​യിൽ നല്ലവണ്ണം ഉറങ്ങാൻ പറ്റി​യെന്നു വരില്ല. ഉറക്കമി​ല്ലായ്‌മ, സുഖമി​ല്ലാത്ത കുഞ്ഞിനെ പരിച​രി​ക്കേ​ണ്ടി​വ​രിക എന്നിങ്ങനെ നിങ്ങളു​ടെ നിയ​ന്ത്ര​ണ​ത്തിന്‌ അതീത​മായ പല ഘടകങ്ങ​ളും നിമിത്തം ആവശ്യ​ത്തിന്‌ ഉറങ്ങാൻ കഴിയാ​തെ വന്നേക്കാം. പിറ്റേ ദിവസം വണ്ടി​യോ​ടി​ക്കു​മ്പോൾ നിങ്ങൾക്ക്‌ ഉറക്കം വന്നേക്കാം. ഇങ്ങനെ സംഭവി​ക്കു​ന്നെ​ങ്കിൽ എന്തു ചെയ്യാൻ കഴിയും?

പലരും സ്വീക​രി​ക്കാ​റുള്ള പരിഹാ​ര​ങ്ങ​ളാണ്‌ കഫീൻ അടങ്ങിയ പാനീ​യങ്ങൾ കുടി​ക്കുക, ജനാല തുറന്നി​ടുക, ച്യൂയിം​ഗം ചവയ്‌ക്കുക, എരിവുള്ള എന്തെങ്കി​ലും കഴിക്കുക എന്നിവ. എന്നാൽ ഇതൊ​ന്നും ഉണർന്നി​രി​ക്കാൻ നിങ്ങളെ സഹായി​ച്ചെന്നു വരില്ല.  പരിഹാ​ര​ങ്ങ​ളാ​യി കരുത​പ്പെ​ടുന്ന ഇവയൊ​ന്നും യഥാർഥ പ്രശ്‌നത്തെ ഇല്ലാതാ​ക്കു​ന്നില്ല. നിങ്ങൾക്ക്‌ ആവശ്യം ഉറക്കമാണ്‌. അതു​കൊണ്ട്‌ കുറച്ചു സമയ​ത്തേക്ക്‌ ഒന്നു മയങ്ങാൻ ശ്രമി​ക്ക​രു​തോ? ദ ന്യൂ​യോർക്ക്‌ ടൈംസ്‌ ഈ നിർദേശം നൽകി: “പകൽസ​മ​യത്തെ മയക്കം ഉന്മേഷ​ദാ​യകം ആയിരി​ക്ക​ണ​മെ​ങ്കിൽ അത്‌ 30 മിനി​ട്ടിൽ കൂടരുത്‌; അതിലും കൂടി​യാൽ ശരീരം ഗാഢനി​ദ്ര​യി​ലേക്ക്‌ വഴുതി​വീ​ഴു​ക​യും ഉണരാൻ ബുദ്ധി​മുട്ട്‌ അനുഭ​വ​പ്പെ​ടു​ക​യും ചെയ്യും.” ഒന്നു മയങ്ങു​ന്നത്‌ നിങ്ങൾ ലക്ഷ്യസ്ഥാ​നത്ത്‌ വൈകി എത്താൻ ഇടയാ​ക്കി​യേ​ക്കാം. എന്നാൽ അതിന്‌ നിങ്ങളു​ടെ ആയുസ്സ്‌ ദീർഘി​പ്പി​ക്കാൻ കഴിയും.

നിങ്ങളു​ടെ ജീവി​ത​ശൈലി നിങ്ങൾ വാഹനം ഓടി​ക്കു​മ്പോൾ ഉറക്കം​തൂ​ങ്ങാ​നുള്ള സാധ്യത വർധി​പ്പി​ച്ചേ​ക്കാം. ഇന്റർനെറ്റ്‌ ഉപയോ​ഗി​ച്ചു​കൊ​ണ്ടോ ടെലി​വി​ഷൻ കണ്ടു​കൊ​ണ്ടോ നിങ്ങൾ രാത്രി​യിൽ വളരെ നേരം ഉറക്കമി​ള​യ്‌ക്കു​ന്നു​ണ്ടോ? അല്ലെങ്കിൽ, പുലർകാ​ലം വരെ നീണ്ടു​പോ​കുന്ന സാമൂ​ഹിക കൂടി​വ​ര​വു​ക​ളിൽ നിങ്ങൾ സംബന്ധി​ക്കു​ന്നു​വോ? ഇത്തരം സംഗതി​കൾ നിങ്ങളു​ടെ ഉറക്കത്തെ കവർന്നു കളയാൻ അനുവ​ദി​ക്ക​രുത്‌. ജ്ഞാനി​യായ ശലോ​മോൻ രാജാവ്‌ ഒരിക്കൽ “ഒരുപി​ടി” വിശ്ര​മ​ത്തി​ന്റെ പോലും മൂല്യം എടുത്തു​കാ​ട്ടി.—സഭാ​പ്ര​സം​ഗി 4:6, പി.ഒ.സി. ബൈബിൾ.

അനുഭ​വ​സ്ഥ​രെ​ങ്കി​ലും പ്രായ​ക്കൂ​ടു​തൽ ഉള്ളവർ

പ്രായം കൂടു​ത​ലുള്ള ഡ്രൈ​വർമാർക്കാണ്‌ മിക്ക​പ്പോ​ഴും ഏറ്റവും കൂടുതൽ അനുഭ​വ​പ​രി​ചയം ഉള്ളത്‌. കൂടാതെ, അവർ അപകട​ക​ര​മായ സാഹച​ര്യ​ങ്ങ​ളിൽ ചെന്നു ചാടാതെ ശ്രദ്ധി​ക്കു​ന്നു. അവർ തങ്ങളുടെ പരിമി​തി​കൾ മനസ്സി​ലാ​ക്കി​യാണ്‌ പ്രവർത്തി​ക്കുക. എന്നിരു​ന്നാ​ലും, പ്രായ​ക്കൂ​ടു​ത​ലുള്ള ഡ്രൈ​വർമാർ വാഹനാ​പ​ക​ട​ത്തി​ന്റെ സാധ്യ​ത​യിൽനിന്ന്‌ ഒഴിവു​ള്ള​വരല്ല. വാസ്‌ത​വ​ത്തിൽ പ്രായം കൂടു​ന്തോ​റും അവരുടെ അപകട​സാ​ധ്യ​ത​യും വർധി​ച്ചേ​ക്കാം. കാർ & ട്രാവൽ എന്ന യു.എസ്‌. മാസിക ഇങ്ങനെ റിപ്പോർട്ടു ചെയ്‌തു: “70 വയസ്സിനു മുകളി​ലു​ള്ളവർ ജനസം​ഖ്യ​യു​ടെ 9 ശതമാനം വരും, എന്നാൽ വാഹനാ​പ​ക​ടങ്ങൾ നിമി​ത്ത​മുള്ള മരണങ്ങ​ളു​ടെ 13 ശതമാ​ന​വും അവരുടെ ഇടയി​ലാ​ണു സംഭവി​ക്കു​ന്നത്‌.” ദുഃഖ​ക​ര​മെന്നു പറയട്ടെ, പ്രായ​മുള്ള ഡ്രൈ​വർമാർ ഉൾപ്പെ​ടുന്ന അപകട​ങ്ങ​ളു​ടെ എണ്ണം വർധി​ച്ചു​വ​രി​ക​യാണ്‌.

എൺപതു വയസ്സുള്ള മെർട്ടി​ലി​നു പറയാ​നു​ള്ളതു ശ്രദ്ധി​ക്കുക. a അവർ ഡ്രൈ​വിങ്‌ തുടങ്ങി​യിട്ട്‌ 60 വർഷത്തി​ലേ​റെ​യാ​യി. ഇതുവരെ ഒരൊറ്റ അപകടം പോലും ഉണ്ടായി​ട്ടില്ല. എന്നാൽ മറ്റു പലരെ​യും പോലെ മെർട്ടി​ലി​നു വാർധ​ക്യ​സ​ഹ​ജ​മായ പ്രശ്‌നങ്ങൾ അനുഭ​വ​പ്പെ​ടു​ന്നുണ്ട്‌—ഒരു അപകടം ഉണ്ടാകാ​നുള്ള സാധ്യത വർധി​പ്പി​ക്കുന്ന പ്രശ്‌നങ്ങൾ. അടുത്ത​കാ​ലത്ത്‌ അവർ ഉണരുക!യോട്‌ ഇങ്ങനെ പറഞ്ഞു: “പ്രായം ചെല്ലു​മ്പോൾ ജീവി​ത​ത്തി​ലെ എല്ലാ കാര്യ​ങ്ങ​ളും [ഡ്രൈ​വിങ്‌ ഉൾപ്പെടെ] വെല്ലു​വി​ളി നിറഞ്ഞ​താ​യി​ത്തീ​രു​ന്നു.”

ഒരു വാഹനാ​പ​ക​ട​ത്തി​ന്റെ സാധ്യത കുറയ്‌ക്കാൻ അവർ എന്താണു ചെയ്‌തി​ട്ടു​ള്ളത്‌? “ഈ കഴിഞ്ഞു​പോയ വർഷങ്ങ​ളി​ലെ​ല്ലാം എന്റെ പ്രായം കണക്കി​ലെ​ടുത്ത്‌ ഞാൻ പല പൊരു​ത്ത​പ്പെ​ടു​ത്ത​ലു​ക​ളും വരുത്തി​യി​രി​ക്കു​ന്നു” എന്നു മെർട്ടിൽ പറയുന്നു. ഉദാഹ​ര​ണ​ത്തിന്‌ വാഹനം ഓടി​ക്കുന്ന സമയം അവർ കുറച്ചി​രി​ക്കു​ന്നു, പ്രത്യേ​കി​ച്ചും രാത്രി സമയങ്ങ​ളിൽ. ഈ ചെറിയ മാറ്റം അപകട​മൊ​ന്നും വരുത്താ​തി​രി​ക്കാൻ സഹായി​ച്ചി​രി​ക്കു​ന്ന​തി​നാൽ അവർക്ക്‌ ഡ്രൈ​വിങ്‌ പാടേ ഉപേക്ഷി​ക്കേണ്ടി വന്നിട്ടില്ല.

അംഗീ​ക​രി​ക്കാൻ വിഷമം തോന്നി​യേ​ക്കാ​മെ​ങ്കി​ലും, പ്രായ​മേ​റു​ന്ന​തു​മാ​യി ബന്ധപ്പെട്ട പ്രശ്‌നങ്ങൾ എല്ലാവ​രെ​യും ബാധി​ക്കു​ന്നു. (സഭാ​പ്ര​സം​ഗി 12:1-7) പല ആരോ​ഗ്യ​പ്ര​ശ്‌ന​ങ്ങ​ളും തലപൊ​ക്കു​ന്നു, നമ്മുടെ പ്രതി​ക​ര​ണ​ശേഷി മന്ദഗതി​യി​ലാ​വു​ന്നു, കാഴ്‌ച​ശക്തി കുറയു​ന്നു. ഇതെല്ലാം സുരക്ഷി​ത​മാ​യി വാഹനം ഓടി​ക്കുക ബുദ്ധി​മു​ട്ടാ​ക്കി​ത്തീർക്കു​ന്നു. എന്നാൽ പ്രായാ​ധി​ക്യം ഒന്നു​കൊ​ണ്ടു മാത്രം ഒരാൾ വാഹന​മോ​ടി​ക്കാൻ അയോ​ഗ്യൻ ആയിത്തീ​രു​ന്നില്ല. അയാൾ എത്ര നന്നായി വാഹനം ഓടി​ക്കു​ന്നു എന്നതാണു പ്രധാനം. ശാരീ​രിക പ്രാപ്‌തി​ക​ളിൽ മാറ്റം സംഭവി​ക്കു​ന്നു എന്ന കാര്യം അംഗീ​ക​രി​ക്കു​ക​യും നമ്മുടെ ദിനച​ര്യ​യിൽ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തു​ക​യും ചെയ്യു​ന്നത്‌ നമ്മുടെ ഡ്രൈ​വിങ്‌ മെച്ച​പ്പെ​ടു​ത്താൻ സഹായി​ച്ചേ​ക്കാം.

നിങ്ങൾ അതു ശ്രദ്ധി​ക്കു​ന്നി​ല്ലാ​യി​രി​ക്കാം, എന്നാൽ നിങ്ങളു​ടെ കാഴ്‌ച​ശ​ക്തി​ക്കു മാറ്റം വരുന്നുണ്ട്‌. പ്രായം​ചെ​ല്ലു​ന്തോ​റും നിങ്ങളു​ടെ ദൃഷ്ടി​മ​ണ്ഡലം ചുരു​ങ്ങു​ക​യും റെറ്റി​ന​യ്‌ക്ക്‌ കൂടുതൽ വെളിച്ചം ആവശ്യ​മാ​യി​ത്തീ​രു​ക​യും ചെയ്യുന്നു. പ്രായ​വും ജ്ഞാനവും കൂടു​ത​ലുള്ള ഡ്രൈവർ (ഇംഗ്ലീഷ്‌) എന്ന ചെറു​പു​സ്‌തകം പറയുന്നു: “60 വയസ്സുള്ള ഒരു ഡ്രൈ​വർക്ക്‌ ഒരു കൗമാ​ര​പ്രാ​യ​ക്കാ​ര​നെ​ക്കാൾ മൂന്നി​രട്ടി വെളിച്ചം വേണം, അതു​പോ​ലെ വെളി​ച്ച​ത്തിൽനി​ന്നു പെട്ടെന്ന്‌ ഇരുട്ടി​ലേക്കു വരു​മ്പോൾ അതുമാ​യി പൊരു​ത്ത​പ്പെ​ടാൻ അയാൾ ഇരട്ടി സമയം എടുക്കും.” കണ്ണിന്‌ ഉണ്ടാകുന്ന ഈ മാറ്റങ്ങൾ രാത്രി​കാല ഡ്രൈ​വിങ്‌ അങ്ങേയറ്റം ബുദ്ധി​മു​ട്ടു​ള്ള​താ​ക്കി​ത്തീർത്തേ​ക്കാം.

ഹെൻട്രിക്ക്‌ 72 വയസ്സുണ്ട്‌. 50 വർഷമാ​യി അദ്ദേഹം സുരക്ഷി​ത​മാ​യി വാഹനം ഓടി​ക്കു​ന്നു. എന്നാൽ വർഷങ്ങൾ പിന്നി​ട്ട​പ്പോൾ രാത്രി​സ​മ​യത്ത്‌ വാഹന​ങ്ങ​ളു​ടെ വെളിച്ചം കണ്ണില​ടി​ക്കു​ന്നത്‌ വണ്ടി​യോ​ടി​ക്കാൻ വളരെ ബുദ്ധി​മു​ട്ടു​ള​വാ​ക്കു​ന്ന​താ​യി അദ്ദേഹം കണ്ടെത്തി. ഒരു കണ്ണു പരി​ശോ​ധ​ന​യ്‌ക്കു ശേഷം, അദ്ദേഹം മറ്റു വാഹന​ങ്ങ​ളു​ടെ വെളിച്ചം  കണ്ണി​ലേക്ക്‌ അടിക്കു​ന്നതു കുറയ്‌ക്കാൻ സഹായി​ക്കുന്ന പുതിയ കണ്ണട ധരിക്കാൻ തുടങ്ങി. “രാത്രി​യി​ലെ ഡ്രൈ​വിങ്‌ ഇപ്പോൾ ഒരു പ്രശ്‌നമല്ല,” ഹെൻട്രി പറയുന്നു. ഈ ചെറിയ പൊരു​ത്ത​പ്പെ​ടു​ത്തൽ അദ്ദേഹ​ത്തി​ന്റെ ഡ്രൈ​വി​ങ്ങിൽ വലിയ മാറ്റം വരുത്തി. എന്നാൽ മെർട്ടി​ലി​നെ പോലുള്ള മറ്റു ചിലരെ സംബന്ധി​ച്ചി​ട​ത്തോ​ളം ഒരുപക്ഷേ രാത്രി​കാല ഡ്രൈ​വിങ്‌ പൂർണ​മാ​യും നിറു​ത്തുക എന്ന ഒരു പരിഹാ​രം മാത്ര​മാ​യി​രി​ക്കാം ഉള്ളത്‌.

പ്രായം കൂടു​ന്ന​ത​നു​സ​രിച്ച്‌ ഒരു വ്യക്തി പ്രതി​ക​രി​ക്കാൻ എടുക്കുന്ന സമയത്തി​ലും മാറ്റം വരുന്നു. പ്രായം കൂടുതൽ ഉള്ളവർക്ക്‌ പ്രായം കുറഞ്ഞ​വ​രെ​ക്കാൾ ബുദ്ധി​യും വിവര​വും ഉണ്ടായി​രി​ക്കാം. എന്നാൽ പ്രായം കൂടു​ന്ന​ത​നു​സ​രിച്ച്‌ ഒരു വ്യക്തി വിവരങ്ങൾ അപഗ്ര​ഥിച്ച്‌ അവയോ​ടു പ്രതി​ക​രി​ക്കാ​നും കൂടുതൽ സമയം എടുക്കു​ന്നു. ഇതു ഡ്രൈ​വിങ്‌ വെല്ലു​വി​ളി നിറഞ്ഞ​താ​ക്കി​ത്തീർക്കു​ന്നു, കാരണം ഗതാഗ​ത​ത്തി​ലും റോഡി​ന്റെ അവസ്ഥയി​ലും നിരന്തരം മാറ്റങ്ങൾ സംഭവി​ച്ചു​കൊ​ണ്ടി​രി​ക്കു​ന്നു. ആവശ്യ​മു​ള്ള​പ്പോൾ വേണ്ട നടപടി​കൾ സ്വീക​രി​ക്ക​ണ​മെ​ങ്കിൽ ഈ മാറ്റങ്ങൾ സമയം​ക​ള​യാ​തെ പെട്ടെന്ന്‌ അപഗ്ര​ഥി​ക്കേ​ണ്ട​തുണ്ട്‌.

“പ്രായം കൂടു​ത​ലുള്ള ഡ്രൈ​വർമാ​രു​ടെ മരണത്തി​നി​ട​യാ​ക്കുന്ന അപകട​ങ്ങൾക്കുള്ള മുഖ്യ കാരണം ഡ്രൈവർ ഒരു ഗതാഗത നിയന്ത്രണ സൂചന അവഗണി​ച്ചു മുന്നോ​ട്ടു പോയി എന്നതാണ്‌” എന്ന്‌ കാർ & ട്രാവൽ എന്ന മാസിക റിപ്പോർട്ടു ചെയ്യുന്നു. ഇതു സംഭവി​ക്കു​ന്നത്‌ എന്തു​കൊ​ണ്ടാണ്‌? അതേ റിപ്പോർട്ട്‌ തുടർന്നു പറയുന്നു: “ഈ പ്രശ്‌നം . . . പ്രായ​മേ​റിയ ഡ്രൈവർ ഒരു ജങ്‌ഷ​നി​ലേക്കു വണ്ടി എടുക്കു​ന്ന​തി​നു മുമ്പ്‌ ഇടത്തും വലത്തു​മുള്ള ദൃഷ്ടി​മ​ണ്ഡ​ല​ത്തി​ലെ വിവരങ്ങൾ അപഗ്ര​ഥി​ക്കേണ്ടി വരുന്ന​തു​മാ​യി ബന്ധപ്പെട്ട ഒന്നായി​രി​ക്കു​ന്ന​താ​യി കാണ​പ്പെ​ടു​ന്നു.”

പ്രതി​ക​ര​ണ​ശേ​ഷി മന്ദഗതി​യിൽ ആകുന്ന​തി​ന്റെ കുറവു നികത്താൻ എന്തു ചെയ്യാൻ കഴിയും? ജങ്‌ഷ​നു​കളെ സമീപി​ക്കു​മ്പോൾ ജാഗ്രത പാലി​ക്കുക. എപ്പോ​ഴും വാഹനം മുമ്പോട്ട്‌ എടുക്കു​ന്ന​തി​നു മുമ്പ്‌ മറ്റു വാഹന​ങ്ങ​ളൊ​ന്നു​മി​ല്ലെന്ന്‌ രണ്ടാമ​തൊ​രി​ക്കൽ കൂടി ഉറപ്പു​വ​രു​ത്തുക. വണ്ടി തിരി​ക്കു​മ്പോൾ പ്രത്യേ​കി​ച്ചും ജാഗ്രത പാലി​ക്കുക. ജങ്‌ഷ​നു​ക​ളിൽ വണ്ടി തിരി​ക്കു​ന്നത്‌ വളരെ അപകട​ക​ര​മാണ്‌, പ്രത്യേ​കിച്ച്‌ എതിർ വശത്തു​നി​ന്നുള്ള വാഹന​ങ്ങ​ളു​ടെ മാർഗം മുറി​ച്ചു​ക​ട​ക്കേണ്ടി വരു​ന്നെ​ങ്കിൽ.

റോഡി​ന്റെ വലതു​വ​ശ​ത്തു​കൂ​ടെ വാഹനങ്ങൾ ഓടി​ക്കുന്ന ഐക്യ​നാ​ടു​ക​ളിൽ 75 വയസ്സിനു മേലോ​ട്ടുള്ള ഡ്രൈ​വർമാ​രു​ടെ മരണത്തി​നി​ട​യാ​ക്കുന്ന 40 ശതമാനം ജങ്‌ഷൻ അപകട​ങ്ങ​ളും ഇടത്തോ​ട്ടു തിരി​യു​മ്പോൾ സംഭവി​ക്കു​ന്ന​വ​യാണ്‌. ഗതാഗത സുരക്ഷ​യ്‌ക്കാ​യുള്ള എഎഎ ഫൗണ്ടേഷൻ ആ രാജ്യത്തെ ഡ്രൈ​വർമാർക്ക്‌ ഈ നിർദേശം നൽകുന്നു: “ചില​പ്പോൾ വലത്തോ​ട്ടു മൂന്നു പ്രാവ​ശ്യം വാഹനം തിരി​ച്ചു​കൊ​ണ്ടു നിങ്ങൾക്ക്‌ ഇടത്തോ​ട്ടുള്ള ഒരു തിരിയൽ ഒഴിവാ​ക്കാൻ കഴിയും.” നിങ്ങൾ ജീവി​ക്കു​ന്നി​ടത്തെ സാഹച​ര്യ​ങ്ങ​ളോ​ടു പൊരു​ത്ത​പ്പെ​ടുന്ന വിധത്തിൽ നിങ്ങൾക്ക്‌ ഈ തത്ത്വം ബാധക​മാ​ക്കാൻ കഴി​ഞ്ഞേ​ക്കും. മുൻകൂ​ട്ടി​യുള്ള അൽപ്പം ആസൂ​ത്രണം ഉണ്ടെങ്കിൽ അപകട​ക​ര​വും വെല്ലു​വി​ളി നിറഞ്ഞ​തു​മായ ജങ്‌ഷ​നു​കൾ നിങ്ങൾക്ക്‌ ഒഴിവാ​ക്കാ​നാ​യേ​ക്കും.

പരിചി​ന്തനം അർഹി​ക്കുന്ന ഒരു തീരു​മാ​നം

നിങ്ങൾക്ക്‌ എങ്ങനെ നിങ്ങളു​ടെ ഡ്രൈ​വിങ്‌ പ്രാപ്‌തി​കൾ വിലയി​രു​ത്താൻ കഴിയും? ഒരുപക്ഷേ നിങ്ങൾ ആദരി​ക്കുന്ന ഒരു കുടും​ബാം​ഗ​ത്തോ​ടോ സുഹൃ​ത്തി​നോ​ടോ വണ്ടി​യോ​ടി​ക്കു​മ്പോൾ കൂടെ ഇരിക്കാൻ ആവശ്യ​പ്പെ​ടാ​വു​ന്ന​താണ്‌. എന്നിട്ട്‌ അവർക്കു പറയാ​നു​ള്ളത്‌ ശ്രദ്ധാ​പൂർവം കേൾക്കുക. ഒരു സുരക്ഷിത ഡ്രൈ​വിങ്‌ പരിശീ​ലന പരിപാ​ടി​യിൽ ചേരാ​നും നിങ്ങൾക്കു കഴി​ഞ്ഞേ​ക്കും. അനേകം ഡ്രൈ​വിങ്‌ സംഘട​ന​ക​ളും പ്രായ​മേ​റിയ ഡ്രൈ​വർമാർക്കു വേണ്ടി പ്രത്യേ​കം രൂപ​പ്പെ​ടു​ത്തിയ കോഴ്‌സു​കൾ നടത്തു​ന്നുണ്ട്‌. ഒന്നുരണ്ടു തവണ നിങ്ങൾ അപകട​ത്തിൽനി​ന്നു കഷ്ടിച്ചു രക്ഷപ്പെ​ടു​ന്നെ​ങ്കിൽ, നിങ്ങളു​ടെ ഡ്രൈ​വിങ്‌ പണ്ടത്തെ​യത്ര നല്ലതല്ല എന്നതിന്റെ സൂചന ആയിരി​ക്കാം അത്‌.

വസ്‌തു​നി​ഷ്‌ഠ​മാ​യി നോക്കു​മ്പോൾ, ഒരു ഘട്ടം എത്തു​മ്പോൾ ഡ്രൈ​വിങ്‌ നിറു​ത്തു​ന്ന​താ​യി​രി​ക്കാം നിങ്ങൾക്ക്‌ ഏറ്റവും നല്ലത്‌. ഈ തീരു​മാ​നം വേദനാ​ജ​ന​ക​മായ ഒന്നായി​രി​ക്കാം. നേരത്തേ പരാമർശിച്ച മെർട്ടി​ലിന്‌ ഏറെ താമസി​യാ​തെ ഒരുനാൾ തനിക്കു ഡ്രൈ​വിങ്‌ നിറു​ത്തേണ്ടി വരു​മെന്ന്‌ അറിയാം. ആ ദിവസം സമീപി​ച്ചു​കൊ​ണ്ടി​രി​ക്കെ, ഇപ്പോൾത്തന്നെ അവർ കൂടു​ത​ലും മറ്റുള്ളവർ ഓടി​ക്കുന്ന വാഹന​ങ്ങ​ളി​ലാ​ണു യാത്ര ചെയ്യു​ന്നത്‌. മറ്റാ​രെ​യെ​ങ്കി​ലും​കൊണ്ട്‌ വണ്ടി ഓടി​പ്പി​ക്കു​ന്ന​തി​നെ കുറിച്ച്‌ അവരുടെ അഭി​പ്രാ​യം എന്താണ്‌? “ഡ്രൈ​വി​ങ്ങി​ന്റെ സമ്മർദം ഇല്ലാതെ യാത്ര ചെയ്യാൻ കഴിയു​ന്നതു നല്ലതാണ്‌,” അവർ പറയുന്നു.

ഇതിനെ കുറിച്ചു ഗൗരവ​മാ​യി ചിന്തി​ച്ച​ശേഷം നിങ്ങൾക്കും അങ്ങനെ തോന്നി​യേ​ക്കാം. കടയിൽ പോകാ​നും കൂടി​ക്കാ​ഴ്‌ച​കൾക്കോ യോഗ​ങ്ങൾക്കോ വേണ്ടി യാത്ര ചെയ്യാ​നും മറ്റും ഒരു സുഹൃത്ത്‌ കൂടെ​യു​ണ്ടെ​ങ്കിൽ അവ കൂടുതൽ ആസ്വാ​ദ്യ​മാ​യി​രു​ന്നേ​ക്കാം. ഒരുപക്ഷേ നിങ്ങളു​ടെ കാറിൽത്തന്നെ നിങ്ങൾക്കു യാത്ര ചെയ്യാ​നാ​കും, എന്നാൽ സുഹൃ​ത്തി​നെ​ക്കൊണ്ട്‌ വണ്ടി​യോ​ടി​പ്പി​ക്കുക. ഒറ്റയ്‌ക്കു യാത്ര ചെയ്യു​ന്ന​തി​നെ​ക്കാൾ സുരക്ഷി​ത​വും ആസ്വാ​ദ്യ​വു​മാ​യി​രു​ന്നേ​ക്കാം അത്‌. സാധ്യ​മായ ഇടങ്ങളിൽ പൊതു വാഹനങ്ങൾ ഉപയോ​ഗി​ക്കു​ന്ന​താ​യി​രി​ക്കാം മറ്റൊരു പ്രാ​യോ​ഗിക സംഗതി. ഒരു വ്യക്തി എന്ന നിലയി​ലുള്ള നിങ്ങളു​ടെ മൂല്യം നിങ്ങളു​ടെ ഡ്രൈ​വിങ്‌ പ്രാപ്‌തി​യെ ആശ്രയി​ച്ചി​രി​ക്കു​ന്നില്ല എന്ന്‌ ഓർക്കുക. നിങ്ങളു​ടെ നല്ല ഗുണങ്ങ​ളാണ്‌ നിങ്ങളു​ടെ കുടും​ബ​ത്തി​നും സുഹൃ​ത്തു​ക്കൾക്കും സർവോ​പരി ദൈവ​ത്തി​നും നിങ്ങളെ വില​പ്പെ​ട്ട​വ​നാ​ക്കു​ന്നത്‌.—സദൃശ​വാ​ക്യ​ങ്ങൾ 12:2; റോമർ 14:18.

പ്രായ​മു​ള്ള വ്യക്തി​യോ പ്രായം കുറഞ്ഞ വ്യക്തി​യോ അനുഭ​വ​പ​രി​ചയം ഉള്ളയാ​ളോ ഇല്ലാത്ത ആളോ ആയിരു​ന്നാ​ലും, വാഹനാ​പ​കടം ഉണ്ടാകാ​നുള്ള സാധ്യ​ത​യിൽനിന്ന്‌ നിങ്ങൾ ഒഴിവു​ള്ള​വനല്ല. ഡ്രൈ​വി​ങ്ങി​നോ​ടു ബന്ധപ്പെട്ട ഗൗരവ​മായ ഉത്തരവാ​ദി​ത്വം തിരി​ച്ച​റി​യുക. ഒരു അപകട​ത്തിൽ പെടാ​നുള്ള സാധ്യത കുറയ്‌ക്കാൻ വേണ്ട മുൻക​രു​ത​ലു​കൾ എടുക്കുക. അങ്ങനെ ചെയ്യു​ന്ന​തി​നാൽ വരാനി​രി​ക്കുന്ന പല യാത്ര​ക​ളി​ലും നിങ്ങ​ളെ​യും മറ്റുള്ള​വ​രെ​യും സംരക്ഷി​ക്കാൻ നിങ്ങൾക്കു കഴി​ഞ്ഞേ​ക്കും. (g02 8/22)

[അടിക്കു​റിപ്പ്‌]

[28-ാം പേജിലെ ചിത്രം]

രാത്രിയിൽ നന്നായി ഉറങ്ങി​ക്കൊണ്ട്‌ ശരീര​ത്തിന്‌ ആവശ്യ​മായ “ഇന്ധനം” ലഭിക്കു​ന്നു​വെന്ന്‌ ഉറപ്പു​വ​രു​ത്തു​ക

[29-ാം പേജിലെ ചിത്രം]

ചെറുതായൊന്നു മയങ്ങു​ന്നത്‌ ലക്ഷ്യസ്ഥാ​നത്ത്‌ വൈകി എത്താൻ ഇടയാ​ക്കി​യേ​ക്കാം, എന്നാൽ അതിനു ജീവര​ക്ഷാ​കരം ആയിരി​ക്കാൻ കഴിയും

[29-ാം പേജിലെ ചിത്രം]

പ്രായമുള്ള ഡ്രൈ​വർമാർക്ക്‌ അനുഭ​വ​പ​രി​ചയം കൂടു​മെ​ങ്കി​ലും അവർ പ്രത്യേക വെല്ലു​വി​ളി​കളെ നേരി​ടു​ന്നു

[30-ാം പേജിലെ ചിത്രം]

മറ്റൊരാളുടെ കൂടെ യാത്ര ചെയ്യു​ന്ന​തിന്‌ പ്രയോ​ജ​ന​ങ്ങ​ളുണ്ട്‌