അവർ അധരച​ലനം വായി​ച്ചെ​ടു​ക്കുന്ന വിധം

ബ്രിട്ടനിലെ ഉണരുക! ലേഖകൻ

ഭീകര​വാ​ദി​കൾ എന്നു സംശയി​ക്ക​പ്പെട്ട രണ്ടുപേർ ഒരു പാർക്കിൽ സംസാ​രി​ച്ചു​നിൽക്കുന്ന രംഗം ഒരു വീഡി​യോ പിടി​ച്ചെ​ടു​ത്തു. അവർ എന്താണ്‌ പറഞ്ഞ​തെന്നു കേൾക്കാൻ കഴിയു​മാ​യി​രു​ന്നില്ല. എന്നിട്ടും പോലീസ്‌ അവരെ അറസ്റ്റു​ചെ​യ്‌തു, അനന്തരം അവരെ അനേക വർഷത്തെ തടവി​നും വിധിച്ചു. വീഡി​യോ​യിൽ പിടിച്ച അവരുടെ സംഭാ​ഷണം അധരചലന വായനാ​വി​ദ്യ​യിൽ പ്രാവീ​ണ്യം നേടിയ ഒരു സ്‌ത്രീ വായി​ച്ചെ​ടു​ത്തു. ബ്രിട്ട​നിൽ ഈ വിദ്യ​യു​ടെ പ്രയോ​ഗം ഒരു വിദഗ്‌ധ സാക്ഷ്യ​മാ​യി അംഗീ​ക​രി​ച്ചി​ട്ടുണ്ട്‌. മാത്രമല്ല, ബ്രിട്ടീഷ്‌ പോലീ​സി​ന്റെ “ശക്തമായ ഒരു രഹസ്യാ​യു​ധം” എന്നും ഇതിനെ വർണി​ക്കു​ന്നു.

അധരചലന വായനാ​വി​ദ്യ​യെ കുറിച്ചു കൂടുതൽ അറിയാൻ ഞാൻ മൈക്കി​നെ​യും ക്രിസ്റ്റീ​ന​യെ​യും കാണാൻ പോയി. ക്രിസ്റ്റീന മൂന്നു വയസ്സു മുതൽ ബധിര​യാണ്‌. പിൽക്കാ​ലത്ത്‌ ഒരു ബധിര​വി​ദ്യാ​ല​യ​ത്തിൽ പഠിക്കവേ, അധരച​ലനം വായി​ച്ചെ​ടു​ക്കുന്ന വിദ്യ അവൾ പഠി​ച്ചെ​ടു​ത്തു. മൈക്കാ​കട്ടെ ക്രിസ്റ്റീ​ന​യു​മാ​യുള്ള വിവാ​ഹ​ശേഷം സ്വന്തമാ​യി പഠി​ച്ചെ​ടു​ത്ത​താണ്‌ ഈ വിദ്യ.

അധരച​ല​നം വായി​ച്ചെ​ടു​ക്കു​ന്നത്‌ അത്ര എളുപ്പ​മുള്ള സംഗതി​യാ​ണോ? “ചുണ്ടുകൾ, നാവ്‌, കീഴ്‌ത്താ​ടി എന്നിവ​യു​ടെ ചലനത്തി​ലും രൂപത്തി​ലും ശ്രദ്ധ കേന്ദ്രീ​ക​രി​ക്കണം” എന്ന്‌ മൈക്ക്‌ പറയുന്നു. ക്രിസ്റ്റീന ഇങ്ങനെ കൂട്ടി​ച്ചേർക്കു​ന്നു: “നിങ്ങ​ളോ​ടു സംസാ​രി​ക്കുന്ന വ്യക്തിയെ സുസൂ​ക്ഷ്‌മം നോക്കി​ക്കൊ​ണ്ടി​രി​ക്കണം. ചുണ്ടു​ക​ളു​ടെ ചലനം വായി​ച്ചെ​ടു​ക്കാ​നുള്ള നിങ്ങളു​ടെ പ്രാപ്‌തി അഭിവൃ​ദ്ധി​പ്പെ​ടവേ, മുഖഭാ​വ​വും ശരീര​ഭാ​ഷ​യും കൂടെ ശ്രദ്ധി​ക്കുക.”

ബധിരനെ സഹായി​ക്കു​ക​യെന്ന ഉദ്ദേശ്യ​ത്തിൽ ഉച്ചത്തി​ലും ചുണ്ടുകൾ കൂടുതൽ കോട്ടി​യും സംസാ​രി​ക്കു​ന്നത്‌ ഏറ്റവും വലിയ മണ്ടത്തര​മാ​യി ഞാൻ മനസ്സി​ലാ​ക്കു​ന്നു. അത്‌ അയാളെ ആകെ കുഴപ്പി​ക്കും എന്നു മാത്രമല്ല, സഹായി​ക്കാ​നുള്ള മറ്റേ ആളുടെ ശ്രമത്തെ വൃഥാ​വാ​ക്കു​ക​യും ചെയ്യും. പ്രാവീ​ണ്യം നേടി​ക്ക​ഴി​ഞ്ഞാൽ പിന്നെ ഉച്ചാര​ണ​ത്തി​ലെ ദേശ്യ​ഭേ​ദങ്ങൾ പോലും തിരി​ച്ച​റി​യുക സാധ്യ​മാണ്‌. എന്നിരു​ന്നാ​ലും, ഇതൊ​ന്നും അത്ര എളുപ്പ​മുള്ള കാര്യ​മ​ല്ലെന്നു തീർച്ച! അധരച​ലനം വായി​ച്ചെ​ടു​ക്കു​ന്ന​തിൽ പരിശീ​ലനം നൽകുന്ന ഒരു സ്ഥാപന​മായ ‘ഹിയറിംഗ്‌ കൺസേൺ’ ഇപ്രകാ​രം തുറന്നു​പ​റഞ്ഞു: “അധരചലന വായന​യ്‌ക്കു പരിശീ​ല​ന​മാണ്‌ ആവശ്യം, ആവർത്തി​ച്ചുള്ള പരിശീ​ലനം.”

ചില​പ്പോ​ഴൊ​ക്കെ ബസ്സിലോ തീവണ്ടി​യി​ലോ വെച്ച്‌ മനപ്പൂർവ​മ​ല്ലെ​ങ്കി​ലും ആളുക​ളു​ടെ സംഭാ​ഷ​ണങ്ങൾ ഇരുന്നു “കേട്ടു” പോകാ​റുണ്ട്‌ എന്നു ക്രിസ്റ്റീന സമ്മതി​ക്കു​ന്നു. കേൾക്കേണ്ട എങ്കിൽ പെട്ടെന്നു നോട്ടം മാറ്റു​കയേ വേണ്ടൂ. പക്ഷേ, ഈ പ്രാപ്‌തി അവർക്കൊ​രു സംരക്ഷണം കൂടെ​യാണ്‌. ക്രിസ്റ്റീന ടെലി​വി​ഷ​നിൽ പന്തുകളി കാണു​ന്നതു നിറു​ത്തി​യി​രി​ക്കു​ക​യാണ്‌, കളിക്കാ​രിൽ ചിലരു​ടെ അസഭ്യ വർഷങ്ങൾ അസ്വസ്ഥത ഉളവാ​ക്കു​ന്ന​തു​കൊ​ണ്ടാണ്‌ അവർ ഇങ്ങനെ​യൊ​രു തീരു​മാ​നം എടുത്തി​രി​ക്കു​ന്നത്‌.

ബ്രിട്ടീഷ്‌ പോലീ​സി​ന്റെ ഈ “രഹസ്യാ​യുധ” വിദ്യ അധിക​മാ​രും പഠി​ച്ചെ​ടു​ക്കു​മെന്നു തോന്നു​ന്നില്ല. ശ്രവണ​ശേഷി പൂർണ​മാ​യി നഷ്ടപ്പെട്ട ശേഷം അധരചലന വായന​യു​ടെ ലളിത​മായ ഒരു രൂപ​മെ​ങ്കി​ലും പഠി​ച്ചെ​ടു​ക്കു​ന്നത്‌ തക്ക മൂല്യ​മുള്ള ഒരു കലയാണ്‌. (g02 10/8)

[31-ാം പേജിലെ ചിത്രം]

ക്രിസ്റ്റീന

[31-ാം പേജിലെ ചിത്രം]

മൈക്ക്‌