നിലനിൽക്കുന്ന സമാധാ​നം ആർ കൊണ്ടു​വ​രും?

ലോക​ത്തി​ലെ വിവിധ മതനേ​താ​ക്ക​ന്മാർ സമാധാ​ന​ത്തി​നാ​യി നടത്തി​യി​ട്ടുള്ള പ്രാർഥ​ന​കൾക്ക്‌ ദൈവം ഉത്തരം നൽകി​യി​ട്ടി​ല്ലാ​ത്തത്‌ എന്തു​കൊ​ണ്ടാണ്‌? ബൈബി​ളി​ന്റെ ഉത്തരം താത്‌പ​ര്യ​ജ​ന​ക​മാണ്‌. അത്‌, സമാധാ​നം സ്ഥാപിച്ചു കാണാൻ ദൈവ​ത്തിന്‌ ആഗ്രഹം ഇല്ലാഞ്ഞി​ട്ടല്ല. വാസ്‌ത​വ​ത്തിൽ, സമാധാ​ന​ത്തി​നാ​യുള്ള ദൈവ​ത്തി​ന്റെ ആഗ്രഹം അതിനു വേണ്ടി പ്രാർഥി​ക്കുന്ന മതനേ​താ​ക്ക​ന്മാ​രു​ടേ​തി​നെ​ക്കാൾ എത്രയോ ശക്തമാണ്‌. എന്തിന്‌, ലോക​സ​മാ​ധാ​നം കൊണ്ടു​വ​രു​ന്ന​തി​നുള്ള സുനി​ശ്ചിത ക്രമീ​ക​ര​ണങ്ങൾ അവൻ ഇപ്പോൾത്തന്നെ ചെയ്‌തു കഴിഞ്ഞി​രി​ക്കു​ന്നു. ആ ലക്ഷ്യം കൈവ​രി​ക്കു​ന്ന​തി​നുള്ള നിർണാ​യക നടപടി​കൾ അവൻ എടുത്തി​രി​ക്കു​ന്നു. തന്റെ ഉദ്ദേശ്യ​ങ്ങൾ വളരെ വ്യക്തമാ​യി അവൻ മനുഷ്യ​വർഗത്തെ അറിയി​ച്ചി​ട്ടു​മുണ്ട്‌. എന്നാൽ ദുഃഖ​ക​ര​മെന്നു പറയട്ടെ, ലോക​മ​തങ്ങൾ ദൈവ​ത്തി​ന്റെ വാക്കു​കൾക്ക്‌ യാതൊ​രു വിലയും കൽപ്പി​ക്കു​ന്നില്ല.

ദൈവം ഒരു “സന്തതി”യെ, ഒരു ഭരണാ​ധി​കാ​രി​യെ എഴു​ന്നേൽപ്പി​ക്കു​മെന്ന്‌ കാലങ്ങൾക്കു മുമ്പു​തന്നെ വാഗ്‌ദാ​നം ചെയ്‌തി​രു​ന്നു. അത്‌ ആരായി​രി​ക്കും എന്നതിനെ കുറി​ച്ചുള്ള വിവരങ്ങൾ ബൈബി​ളിൽ ക്രമാ​നു​ഗ​ത​മാ​യി വെളി​പ്പെ​ടു​ത്ത​പ്പെട്ടു. (ഉല്‌പത്തി 3:15; 22:18; 49:10) മിശി​ഹാ​യെ സംബന്ധിച്ച തികച്ചും ശ്രദ്ധേ​യ​മായ പ്രവച​നങ്ങൾ രേഖ​പ്പെ​ടു​ത്തിയ യെശയ്യാ പ്രവാ​ചകൻ, മുൻകൂ​ട്ടി പറയപ്പെട്ട ഈ നേതാവ്‌ മുഴു​ഭൂ​മി​യു​ടെ​യും​മേൽ “സമാധാ​ന​പ്രഭു” എന്ന നിലയിൽ വാഴു​മെ​ന്നും അവന്റെ ഭരണത്തിൻകീ​ഴിൽ ‘സമാധാ​ന​ത്തിന്‌ അവസാനം ഉണ്ടാക​യില്ല’ എന്നും പ്രവചി​ച്ചു. (യെശയ്യാ​വു 9:6, 7) സ്വർഗീയ ഭരണാ​ധി​കാ​രി​യെന്ന നിലയിൽ അവൻ ഇടപെട്ട്‌ ദുഷ്ടത നീക്കം ചെയ്യു​ക​യും ഭൂമിയെ പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യും ചെയ്യും. അപ്പോൾ അനീതി​യും രോഗ​വും ദാരി​ദ്ര്യ​വും മരണവും നീക്ക​പ്പെ​ടും. സമാധാ​ന​വും നിത്യ​ജീ​വ​നും യാഥാർഥ്യ​മാ​യി​ത്തീ​രും. (സങ്കീർത്തനം 72:3, 7, 16; യെശയ്യാ​വു 33:24; 35:5, 6; ദാനീ​യേൽ 2:44; വെളി​പ്പാ​ടു 21:4, 5) ഇത്‌ എപ്പോ​ഴാ​യി​രി​ക്കും സംഭവി​ക്കുക?

ലോക സമാധാ​നം അടു​ത്തെ​ത്തി​യി​രി​ക്കു​ന്നു

ഈ ദുഷ്ട വ്യവസ്ഥി​തി​യു​ടെ നാശത്തി​നും ഒരു പുതിയ മനുഷ്യ സമുദാ​യ​ത്തി​ന്റെ പിറവി​ക്കും മുമ്പായി, ലോകത്തെ പിടി​ച്ചു​ല​യ്‌ക്കുന്ന ശ്രദ്ധേ​യ​മായ ഒരു കൂട്ടം സംഭവങ്ങൾ ഒരുമിച്ച്‌ ഒരേ കാലത്ത്‌ അരങ്ങേ​റു​മെന്ന്‌ യേശു തന്റെ ശിഷ്യ​ന്മാ​രോ​ടു പറഞ്ഞു. (മത്തായി 24:3, 7-13) ഈ സംഭവ​ങ്ങ​ളിൽ പലതും—ഉദാഹ​ര​ണ​ത്തിന്‌ യുദ്ധങ്ങൾ, ഭക്ഷ്യക്ഷാ​മങ്ങൾ, ഭൂകമ്പങ്ങൾ തുടങ്ങി​യവ—എല്ലാ കാലത്തും ഉണ്ടായി​ട്ടുണ്ട്‌. എന്നാൽ ഇന്നത്തെ​പ്പോ​ലെ ഒരേസ​മ​യത്ത്‌ ആഗോള തലത്തിൽ അവ മനുഷ്യ​വർഗത്തെ മുമ്പൊ​രി​ക്ക​ലും ബാധി​ച്ചി​ട്ടില്ല. അതു​പോ​ലെ ഭൂമി ഇന്നു കൂടുതൽ ജനനി​ബി​ഡ​മാ​യി​രി​ക്കു​ന്ന​തി​നാൽ ഇത്തരം വിപത്തു​കൾ കൂടുതൽ വിനാ​ശ​ക​മായ ഫലങ്ങൾ ഉളവാ​ക്കു​ന്നു.

മനുഷ്യ​ന്റെ പ്രവൃ​ത്തി​ക​ളു​ടെ ഫലമായി ഇന്ന്‌ സംഭവി​ച്ചു​കൊ​ണ്ടി​രി​ക്കുന്ന പരിസ്ഥി​തി നശീക​ര​ണ​മാണ്‌ ബൈബി​ളിൽ മുൻകൂ​ട്ടി പറഞ്ഞി​രി​ക്കുന്ന മറ്റൊരു സംഗതി. (വെളി​പ്പാ​ടു 11:18) കൂടാതെ, മുൻകൂ​ട്ടി പറയപ്പെട്ട നാശത്തി​നു  മുമ്പായി ലോക​വ്യാ​പ​ക​മായ ഒരു മുന്നറി​യി​പ്പു മുഴക്ക​പ്പെ​ടേ​ണ്ട​തുണ്ട്‌, അതായത്‌ ‘രാജ്യ​ത്തി​ന്റെ സുവി​ശേഷം’ മുഴു ഭൂമി​യി​ലും പ്രസം​ഗി​ക്ക​പ്പെ​ടണം. ഇന്ന്‌ യഹോ​വ​യു​ടെ സാക്ഷികൾ ഗോള​വ്യാ​പ​ക​മാ​യി ആ വേല നിർവ​ഹി​ച്ചു​കൊ​ണ്ടി​രി​ക്കു​ന്നു.—മത്തായി 24:14.

വിശ്വ​സ്‌ത മനുഷ്യ​വർഗത്തെ സംബന്ധി​ച്ചി​ട​ത്തോ​ളം ഈ പ്രവച​ന​ങ്ങ​ളു​ടെ നിവൃത്തി ഒരു സുവാർത്ത​യാണ്‌. കാരണം മുൻകൂ​ട്ടി പറഞ്ഞി​രി​ക്കുന്ന, സമാധാ​നം കളിയാ​ടുന്ന പുതിയ ലോകം തൊട്ട​ടുത്ത്‌ എത്തിയി​രി​ക്കു​ന്ന​താ​യി അത്‌ പ്രകട​മാ​ക്കു​ന്നു! അത്‌ വിദ്വേ​ഷ​ത്തെ​യും ഭീകര​പ്ര​വർത്ത​ന​ത്തെ​യും എന്നേക്കു​മാ​യി പിഴു​തെ​റി​യും. ബൈബിൾ ഇങ്ങനെ വിശദീ​ക​രി​ക്കു​ന്നു: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:9.

ദൈവം കേൾക്കുന്ന പ്രാർഥ​ന​കൾ

ദൈവ​ത്തോ​ടു പ്രാർഥി​ക്കു​ന്നത്‌ ഒരിക്ക​ലും വ്യർഥ​മായ ഒരു പ്രവൃ​ത്തി​യോ അർഥശൂ​ന്യ​മായ ഒരു ചടങ്ങോ അല്ല. ബൈബിൾ യഹോ​വയെ ‘പ്രാർഥന കേൾക്കു​ന്നവൻ’ എന്നു വിളി​ക്കു​ന്നു. (സങ്കീർത്തനം 65:2) അതു​കൊണ്ട്‌ ഭൂമി​യി​ലെ ആത്മാർഥ​ഹൃ​ദയർ നടത്തുന്ന അസംഖ്യം പ്രാർഥ​നകൾ അവൻ എല്ലായ്‌പോ​ഴും കേട്ടു​കൊ​ണ്ടാ​ണി​രി​ക്കു​ന്നത്‌. എന്നാൽ ദൈവം നമ്മുടെ പ്രാർഥന കേൾക്ക​ണ​മെ​ങ്കിൽ നാം എന്തെങ്കി​ലും നിബന്ധ​നകൾ അനുസ​രി​ക്കേ​ണ്ട​തു​ണ്ടോ? ദൈവത്തെ കുറി​ച്ചുള്ള സത്യം ബൈബി​ളിൽനി​ന്നു മനസ്സി​ലാ​ക്കുന്ന ആത്മാർഥ​ഹൃ​ദയർ അതി​നോ​ടു പ്രതി​ക​രി​ക്കു​ക​യും അവനെ “ആത്മാവി​ലും സത്യത്തി​ലും” ആരാധി​ക്കുന്ന “സത്യാ​രാ​ധകർ” ആയിത്തീ​രു​ക​യും ചെയ്യേ​ണ്ട​തു​ണ്ടെന്ന്‌ ബൈബിൾ പ്രകട​മാ​ക്കു​ന്നു. (യോഹ​ന്നാൻ 4:23, ന്യൂ ഇൻഡ്യാ ബൈബിൾ ഭാഷാ​ന്തരം) തന്റെ ഹിതത്തി​നു തെല്ലും വില കൽപ്പി​ക്കാ​ത്ത​വ​രു​ടെ പ്രാർഥ​നകൾ ദൈവം കേൾക്കു​ന്നില്ല: “[ദൈവ​ത്തി​ന്റെ] ന്യായ​പ്ര​മാ​ണം കേൾക്കാ​തെ ചെവി തിരി​ച്ചു​ക​ള​ഞ്ഞാൽ അവന്റെ പ്രാർത്ഥ​ന​ത​ന്നെ​യും വെറു​പ്പാ​കു​ന്നു.”—സദൃശ​വാ​ക്യ​ങ്ങൾ 28:9.

ദുഃഖ​ക​ര​മെ​ന്നു പറയട്ടെ, ഇന്നത്തെ മതനേ​താ​ക്ക​ന്മാ​രിൽ അനേക​രും സമാധാ​നം സ്ഥാപി​ക്കാ​നുള്ള ദൈവ​ത്തി​ന്റെ ഉദ്ദേശ്യ​ത്തെ കുറിച്ചു പഠിപ്പി​ക്കു​ക​യോ അതിനു​വേണ്ടി പ്രാർഥി​ക്കു​ക​യോ ചെയ്യു​ന്നില്ല. മറിച്ച്‌ ഇത്തരം പ്രശ്‌നങ്ങൾ പരിഹ​രി​ക്കാൻ മനുഷ്യ ഗവൺമെ​ന്റു​കൾക്കു കഴിയട്ടെ എന്നാണ്‌ അവർ പ്രാർഥി​ക്കു​ന്നത്‌. അങ്ങനെ, ‘മനുഷ്യ​ന്നു തന്റെ കാലടി​കളെ നേരെ ആക്കുന്നതു സ്വാധീ​നമല്ല’ എന്ന ബൈബി​ളി​ന്റെ വ്യക്തമായ വാക്കു​കളെ അവർ അവഗണി​ക്കു​ന്നു.—യിരെ​മ്യാ​വു 10:23.

‘അന്ത്യകാ​ലത്ത്‌,’ അതായത്‌ നമ്മുടെ കാലത്ത്‌ സമാധാ​ന​പ്രേ​മി​കൾ യഹോ​വ​യു​ടെ ‘ആലയമുള്ള [പ്രതീ​കാ​ത്മക] പർവത​ത്തി​ലേക്ക്‌’—സത്യാ​രാ​ധ​ന​യി​ലേക്ക്‌—ഒഴുകി​ച്ചെ​ല്ലു​മെന്നു പ്രവചി​ക്ക​പ്പെ​ട്ടി​ട്ടുണ്ട്‌. അത്തരം ആളുകൾ തങ്ങളുടെ ജീവി​ത​ത്തിൽ വലിയ മാറ്റങ്ങൾ വരുത്തും: “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.”—യെശയ്യാ​വു 2:2-4.

ഇന്ന്‌ ഏതെങ്കി​ലും മതത്തിൽ പെട്ടവർ ആ വാക്കു​കൾക്കു ചേർച്ച​യിൽ ജീവി​ക്കാൻ ശ്രമി​ക്കു​ന്നു​ണ്ടോ? അതോ എല്ലാവ​രും സമാധാ​ന​ശ്ര​മങ്ങൾ ചർച്ചക​ളിൽ മാത്രം ഒതുക്കി​ക്കൊണ്ട്‌ യുദ്ധത്തെ പ്രോ​ത്സാ​ഹി​പ്പി​ക്കു​ക​യാ​ണോ ചെയ്യു​ന്നത്‌? അടുത്ത പ്രാവ​ശ്യം നിങ്ങൾ യഹോ​വ​യു​ടെ സാക്ഷി​കളെ കണ്ടുമു​ട്ടു​മ്പോൾ സമാധാ​നം എന്ന വിഷയത്തെ കുറിച്ച്‌ അവരു​മാ​യി സംസാ​രി​ക്കുക. സകലരു​മാ​യി സമാധാ​ന​ത്തി​ലാ​യി​രി​ക്കാൻ മനുഷ്യ​രെ പഠിപ്പി​ക്കുന്ന മതം ഏതാ​ണെന്നു മനസ്സി​ലാ​ക്കുക.

(g02 10/22)