ലോകത്തെ വീക്ഷിക്കൽ

“ധനത്തെ​ക്കു​റി​ച്ചുള്ള മിഥ്യാ സങ്കൽപ്പങ്ങൾ”

ചൂതാ​ട്ട​ത്തി​ലൂ​ടെ ദാരി​ദ്ര്യ​ത്തിൽ നിന്നു കരകയ​റാ​മെന്നു വിശ്വ​സി​പ്പി​ച്ചു​കൊണ്ട്‌, പരസ്യങ്ങൾ നിരവധി നിർധ​നരെ വഞ്ചിച്ചി​രി​ക്കു​ന്ന​താ​യി ടൈംസ്‌ ഓഫ്‌ സാംബിയ റിപ്പോർട്ടു ചെയ്യുന്നു. വാസ്‌ത​വ​ത്തിൽ, വലിയ തുക നേടി​ക്കൊ​ണ്ടു വിജയി​ക്കാ​നുള്ള സാധ്യത തീരെ കുറവാണ്‌ എന്നും അതു കൂട്ടി​ച്ചേർത്തു. പ്രസ്‌തുത ലേഖനം പറയു​ന്ന​ത​നു​സ​രിച്ച്‌, “ലോട്ടറി പരസ്യങ്ങൾ, ആളുക​ളു​ടെ മനസ്സിൽ ധനത്തെ​യും ആഡംബ​ര​ത്തെ​യും കുറി​ച്ചുള്ള വിചിത്ര ഭാവനകൾ സൃഷ്ടി​ക്കു​ന്നു, പ്രശ്‌ന​ര​ഹി​ത​മായ ഒരു ജീവിതം ക്ഷണത്തിൽ കൈവ​രി​ക്കാ​നാ​കു​മെന്ന്‌ അവ അവരെ വ്യാ​മോ​ഹി​പ്പി​ക്കു​ന്നു. അതേസ​മയം, വിജയ​സാ​ധ്യത തീരെ കുറവാ​ണെന്ന യാഥാർഥ്യം ഇവ വിരള​മാ​യേ പരാമർശി​ക്കാ​റു​ള്ളൂ.” ആ പത്രറി​പ്പോർട്ട്‌ ഇങ്ങനെ ഉപസം​ഹ​രി​ക്കു​ന്നു: “ഒരുവൻ എന്തൊക്കെ വാദഗ​തി​കൾ നിരത്തി​യാ​ലും ചൂതാട്ടം അതിനി​ന്ദ്യ​മായ മോഷ​ണ​മാണ്‌, നീതി​ബോ​ധ​മുള്ള ഏതൊരു സമൂഹ​ത്തി​ലും അതു നിയമ​വി​രു​ദ്ധ​മാ​ക്കേ​ണ്ട​താണ്‌.” (g02 10/22)

 ഇരുട്ടി​നെ പേടി

“മാതാ​പി​താ​ക്കൾ തങ്ങളുടെ കുട്ടി​ക്കാ​ലത്ത്‌ ഇരുട്ടി​നെ പേടി​ച്ച​തി​ലു​മ​ധി​കം അവരുടെ കുട്ടികൾ ഇരുട്ടി​നെ ഭയക്കുന്നു” എന്ന്‌ ലണ്ടന്റെ ദ ടൈംസ്‌ റിപ്പോർട്ടു ചെയ്യുന്നു. “കൃത്രിമ വെളി​ച്ച​ങ്ങ​ളു​ടെ ഉപയോ​ഗ​ത്തി​ലെ വർധന മൂലം കൂരി​രു​ട്ടി​ലാ​കുന്ന അവസരങ്ങൾ നന്നേ കുറഞ്ഞു​പോ​യ​താണ്‌ അതിനുള്ള കാരണം” എന്ന്‌ പത്രം പറയുന്നു. മനശ്ശാ​സ്‌ത്ര​ജ്ഞ​നും എഴുത്തു​കാ​ര​നു​മായ ഓറിക്ക്‌ സിഗ്‌മാ​ന്റെ ഗവേഷ​ണ​ഫലം അനുസ​രിച്ച്‌, പത്തു വയസ്സിനു താഴെ​യുള്ള കുട്ടി​ക​ളിൽ മൂന്നിൽ രണ്ടു ഭാഗവും ഉറങ്ങു​മ്പോൾ, രാത്രി​യിൽ ഉടനീളം വെളിച്ചം വേണ​മെന്നു ശാഠ്യം പിടി​ക്കു​ന്നു. രാത്രി​യിൽ ഉറങ്ങാൻ കിടക്കു​മ്പോൾ പോലും ഇരുട്ടു​മാ​യി സമ്പർക്കം ഇല്ലാത്ത​തു​മൂ​ലം യുവജ​ന​ങ്ങ​ളു​ടെ ഭാവന അടിച്ച​മർത്ത​പ്പെ​ടു​ക​യാണ്‌ എന്ന്‌ അദ്ദേഹം പറയുന്നു. “കുട്ടി​ക​ളു​ടെ ഭാവന വികസി​ക്കാൻ അവസര​മൊ​രു​ക്കണം” എന്നു റിപ്പോർട്ട്‌ തുടർന്നു പറയുന്നു. “ഇരുട്ടിൽ തങ്ങളുടെ കൊച്ചു​മ​ന​സ്സു​ക​ളിൽ സൃഷ്ടി​ക്ക​പ്പെ​ടുന്ന അനുപ​മ​മായ ഭാവനാ​ചി​ത്ര​ങ്ങ​ളോ​ടൊ​പ്പം തന്നെത്താൻ കളിക്കു​ന്ന​തും വിനോ​ദി​ക്കു​ന്ന​തും കുട്ടി​കൾക്കു ഹരം പകരുന്ന ഒരു അനുഭ​വ​മാ​യി​രി​ക്കാൻ കഴിയും.” എന്നാൽ ഇന്ന്‌, “ടെലി​വി​ഷ​നി​ലൂ​ടെ​യും സിനി​മ​യി​ലൂ​ടെ​യും കമ്പ്യൂട്ടർ കളിക​ളി​ലൂ​ടെ​യു​മെ​ല്ലാം കുട്ടി​ക​ളു​ടെ മനസ്സിൽ പതിയുന്ന രൂപങ്ങൾ അവരെ പേടി​പ്പെ​ടു​ത്തു​ന്നു.” ഡോ. സിഗ്‌മൻ ഇങ്ങനെ അഭി​പ്രാ​യ​പ്പെ​ടു​ന്നു: “ടെലി​വി​ഷൻ കാണു​ന്നതു കുറച്ചു​കൊണ്ട്‌ കൂടുതൽ സമയം വായി​ക്കുക എന്നത്‌ കേട്ടു​ത​ഴ​മ്പിച്ച ഒരു പഴയ ഉപദേ​ശ​മാ​ണെന്നു തോന്നി​യേ​ക്കാം. എന്നാൽ വീണ്ടും വീണ്ടും ആവർത്തി​ക്ക​പ്പെ​ടേണ്ട ഒന്നാണ്‌ അത്‌.”(g02 10/22)

മനുഷ്യ​രോട്‌ അലർജി

“അനേകം മൃഗങ്ങൾ മനുഷ്യ​രോട്‌ അലർജി​യു​ള്ള​വ​യാണ്‌,” ജർമൻ വർത്തമാ​ന​പ്പ​ത്ര​മായ ലൈപ്‌റ്റ്‌സി​ഗർ ഫോൽക്ക്‌​സ്റ്റൈ​റ്റൂൺ പറയുന്നു. അലർജി​യെ​ക്കു​റി​ച്ചും ആസ്‌ത​മ​യെ​ക്കു​റി​ച്ചും പഠനം നടത്തുന്ന ഒരു ജർമൻ അസോ​സി​യേഷൻ (ഡിഎഎബി) അടുത്ത​കാ​ലത്ത്‌ ഇങ്ങനെ പ്രസ്‌താ​വി​ച്ചു: “ഇരുപത്‌ ഓമന​മൃ​ഗ​ങ്ങ​ളിൽ ഒരെണ്ണ​ത്തി​നു വീതം, മനുഷ്യ​നു​മാ​യുള്ള സമ്പർക്ക​ത്തിൽ നിന്ന്‌ അലർജി​യു​ടെ ലക്ഷണങ്ങ​ളായ സ്ഥിരമായ തുമ്മൽ, തൊലി ചൊറി​ഞ്ഞു പൊട്ടൽ എന്നിവ ഉണ്ടാകു​ന്നു.” മനുഷ്യ ശരീര​ത്തിൽനി​ന്നു പൊഴി​യുന്ന മൃതചർമ​വും അതിലൂ​ടെ ഉപജീ​വനം നടത്തുന്ന പൊടി​ച്ചെ​ള്ളു​ക​ളു​ടെ വിസർജ്യ​ങ്ങ​ളു​മാ​ണു പലപ്പോ​ഴും ഇതിനു കാരണ​മാ​കു​ന്നത്‌. ഓമന​മൃ​ഗ​ത്തി​ന്റെ ശരീര​ത്തിൽ ചെള്ളു​ക​ളൊ​ന്നു  ഇല്ലെങ്കി​ലും അത്‌ ചൊറി​യു​ക​യോ നക്കുക​യോ രോമം പിഴു​തു​ക​ള​യു​ക​യോ ചെയ്യു​ന്നതു കാണു​മ്പോൾ അതിനു മനുഷ്യ​നോട്‌ അലർജി​യാണ്‌ എന്ന്‌ ഉടമസ്ഥനു മനസ്സി​ലാ​ക്കാം. യജമാനൻ അടുത്തി​ല്ലാ​ത്ത​പ്പോൾ മൃഗത്തി​ന്റെ അവസ്ഥ മെച്ച​പ്പെ​ടു​ന്നെ​ങ്കിൽ അത്‌ മറ്റൊരു തെളി​വാ​യി കണക്കാ​ക്കാ​വു​ന്ന​താണ്‌. ആഹാര​വും പൂമ്പൊ​ടി​യും മൃഗങ്ങ​ളിൽ അലർജി ഉണ്ടാക്കു​ന്നു​വെന്നു പറയ​പ്പെ​ടു​ന്നു. ഉദാഹ​ര​ണ​ത്തിന്‌, ചില പ്രത്യേ​ക​തരം പൂമ്പൊ​ടി​കൾ കുതി​ര​ക​ളു​ടെ കൺപോ​ള​കൾക്കു വീക്കം ഉണ്ടാക്കു​ന്നു എന്ന്‌ അടുത്ത​കാ​ലത്തു ഡിഎഎബി നിരീ​ക്ഷി​ച്ചി​ട്ടുണ്ട്‌. (g02 8/22)

അനൊ​റെ​ക്‌സി​യ​യു​ടെ പ്രഥമ ലക്ഷണങ്ങൾ

“തങ്ങളുടെ കുട്ടി​ക​ളി​ലെ അനൊ​റെ​ക്‌സിയ, ബൂളി​മിയ എന്നിങ്ങ​നെ​യുള്ള ഭക്ഷണ​ക്ര​മ​ക്കേ​ടു​ക​ളു​ടെ ആദ്യ ലക്ഷണങ്ങൾ അവരുടെ ആഹാര​ശീ​ല​ങ്ങ​ളിൽ നിന്നു മാതാ​പി​താ​ക്കൾക്കു കണ്ടുപി​ടി​ക്കാ​നാ​വും” എന്നു ലണ്ടന്റെ ദ ടൈംസ്‌ റിപ്പോർട്ടു ചെയ്യുന്നു. ഭക്ഷണ​ക്ര​മ​ക്കേ​ടു​കൾ ഗുരു​ത​രാ​വ​സ്ഥ​യിൽ എത്തുന്ന​തി​നു മുമ്പ്‌ അവ തിരി​ച്ച​റി​യാൻ മാതാ​പി​താ​ക്ക​ളെ​യും ആയമാ​രെ​യും സഹായി​ക്കുന്ന ഒരു പുസ്‌തകം ഭക്ഷണ​ക്ര​മ​ക്കേ​ടു​ക​ളെ​പ്പറ്റി പഠിക്കുന്ന സമിതി (ഇഡിഎ) പ്രസി​ദ്ധീ​ക​രി​ച്ചി​ട്ടുണ്ട്‌. ഭക്ഷണപ​ദാർഥങ്ങൾ കുനു​കു​നെ മുറി​ക്കു​ന്ന​തും ഓരോ തവണയും ഭക്ഷണം വായിൽ വെക്കു​ന്ന​തിന്‌ അഞ്ചു മിനി​ട്ടോ​ളം സമയ​മെ​ടു​ക്കു​ന്ന​തും ആദ്യ മുന്നറി​യി​പ്പു​ക​ളിൽ പെടുന്നു. ഇത്തരം ക്രമ​ക്കേ​ടുള്ള ചിലർ വളരെ അയഞ്ഞവ​സ്‌ത്രം ധരിച്ചിട്ട്‌ കഴിക്കാത്ത ഭക്ഷണം സൂത്ര​ത്തിൽ അതി​ലൊ​ളി​പ്പി​ക്കു​ന്നു. സാധാരണ വണ്ണം തോന്നി​പ്പി​ക്കുന്ന, നല്ല ആരോ​ഗ്യ​മു​ള്ള​താ​യി കാണി​ക്കുന്ന തങ്ങളുടെ ഫോ​ട്ടോ​കൾ എടുത്തു മാറ്റാ​നും ഇവർ ആവശ്യ​പ്പെ​ട്ടേ​ക്കാം. ഈ ലക്ഷണങ്ങൾ അവഗണി​ക്കു​ന്ന​തി​നു പകരം കുട്ടി​ക​ളു​മാ​യി കാര്യങ്ങൾ തുറന്നു സംസാ​രി​ക്കാൻ ഇഡിഎ പ്രസി​ദ്ധീ​ക​രിച്ച പുസ്‌തകം മാതാ​പി​താ​ക്ക​ളോ​ടു നിർദേ​ശി​ക്കു​ന്നു. (g02 10/8)

തെർമോ​മീ​റ്റ​റു​ക​ളിൽ നിന്നു വിഷം

“ഒരൊറ്റ തെർമോ​മീ​റ്റ​റി​ലെ മെർക്കു​റി മതി പതി​നൊന്ന്‌ ഏക്കർ വിസ്‌താ​ര​മുള്ള തടാകം മലിന​മാ​ക്കാൻ. പൊട്ടിയ തെർമോ​മീ​റ്റ​റു​ക​ളിൽ നിന്ന്‌ വർഷം തോറും 17 ടൺ മെർക്കു​റി​യാണ്‌ ഐക്യ​നാ​ടു​ക​ളു​ടെ മലിന​ജ​ല​ത്തിൽ കലരു​ന്നത്‌” എന്ന്‌ നാഷണൽ ജിയോ​ഗ്ര​ഫിക്ക്‌ മാസിക പറയുന്നു. ഈ മെർക്കു​റി, മത്സ്യങ്ങൾ ആഗിരണം ചെയ്യുന്നു, മനുഷ്യർ ഈ മത്സ്യങ്ങളെ ഭക്ഷിക്കു​മ്പോൾ മെർക്കു​റി​യെന്ന ലോഹം അവരുടെ ഉള്ളിൽ പ്രവേ​ശി​ക്കു​ന്നു. ഇതു നാഡീ​സം​ബ​ന്ധ​മായ തകരാ​റു​കൾക്ക്‌ ഇടയാ​ക്കു​ന്നു. ഐക്യ​നാ​ടു​ക​ളി​ലെ ബോസ്റ്റൺ ഉൾപ്പെ​ടെ​യുള്ള നിരവധി നഗരങ്ങ​ളിൽ മെർക്കു​റി​യുള്ള തെർമോ​മീ​റ്റ​റു​കൾ നിരോ​ധി​ച്ചി​ട്ടുണ്ട്‌. ചില സ്റ്റോറു​ക​ളിൽ, മെർക്കു​റി​യുള്ള തെർമോ​മീ​റ്റ​റു​കൾ കൊടു​ക്കു​ക​യാ​ണെ​ങ്കിൽ, ഡിജിറ്റൽ തെർമോ​മീ​റ്റ​റു​ക​ളോ അപകട​സാ​ധ്യത കുറഞ്ഞ ഉപകര​ണ​ങ്ങ​ളോ പകരം നൽകാ​റുണ്ട്‌.

(g02 10/8)

മിതമായ വ്യായാ​മം

“നീന്തൽ, സൈക്കിൾസ​വാ​രി, പതി​യെ​യുള്ള ഓട്ടം എന്നിങ്ങ​നെ​യുള്ള വ്യായാ​മങ്ങൾ ആഴ്‌ച​യിൽ മൂന്നു തവണ ഒരു മണിക്കൂ​റോ അരമണി​ക്കൂ​റോ ചെയ്യു​ന്നതു പ്രയോ​ജ​ന​പ്ര​ദ​മാണ്‌” എന്ന്‌ ഫ്രഞ്ച്‌ വാർത്താ​മാ​സി​ക​യായ ലെക്‌സ്‌പ്രസ്‌ അഭി​പ്രാ​യ​പ്പെ​ടു​ന്നു. എന്നിരു​ന്നാ​ലും അതിരു​കടന്ന വ്യായാ​മം ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങൾക്കു വഴി​തെ​ളി​ക്കു​മെന്ന്‌ ഓർക്കുക. അമിത​മായ കായി​കാ​ഭ്യാ​സം സന്ധികൾക്കു തേയ്‌മാ​നം, തരുണാ​സ്ഥി​കൾ പൊടി​യൽ, ഡിസ്‌കു​കൾക്കു സ്ഥാന​ഭ്രം​ശം, ആവർത്തി​ച്ചുള്ള ഉപയോ​ഗ​ത്താൽ എല്ലുകൾക്ക്‌ ഉണ്ടാകുന്ന പോറൽ, ഉയർന്ന രക്തസമ്മർദം, ദഹനസം​ബ​ന്ധ​മായ പ്രശ്‌നങ്ങൾ, അകാല​ത്തി​ലു​ണ്ടാ​കുന്ന അസ്ഥി​ദ്ര​വീ​ക​രണം എന്നിവ​യ്‌ക്കു പുറമേ, ഹൃദയാ​ഘാ​ത​ത്തി​നു​പോ​ലും കാരണ​മാ​കു​ന്നു. ലെക്‌സ്‌പ്രസ്‌ പിൻവ​രു​ന്ന​പ്ര​കാ​രം റിപ്പോർട്ടു ചെയ്യുന്നു: “ഓരോ വർഷവും ഫ്രാൻസിൽ, കായി​കാ​ഭ്യാ​സങ്ങൾ, അരോ​ഗ​ദൃ​ഢ​ഗാ​ത്ര​രായ 1,500 കളിക്കാ​രു​ടെ പെട്ടെ​ന്നുള്ള മരണത്തിന്‌ ഇടയാ​ക്കു​ന്നു.” വാരാ​ന്ത്യ​ങ്ങ​ളിൽ കളിക​ളി​ലേർപ്പെട്ട്‌, അവസാനം ആശുപ​ത്രി​യെ അഭയം പ്രാപി​ക്കേ​ണ്ടി​വ​രുന്ന “ഞായറാഴ്‌ച കളിക്കാർ”ക്ക്‌ പാരീ​സി​ലെ പിറ്റ്യേ സാൽപെ​ട്രെയർ ആശുപ​ത്രി​യി​ലെ സ്‌പോ​ട്‌സ്‌ മെഡി​സിൻ വിദഗ്‌ധൻ ഡോ. സ്റ്റീഫൻ കാസ്‌ക്വ ഈ ഉപദേശം നൽകുന്നു: “ക്രമമാ​യി വ്യായാ​മം ചെയ്‌തോ​ളൂ, പക്ഷേ അതു നിങ്ങളു​ടെ ഹൃദയ​ധ​മനീ പ്രാപ്‌തി​യു​ടെ 75 ശതമാ​ന​ത്തോ​ളമേ ആകാവൂ.”(g02 10/8)

ചൈന​യു​ടെ ബഹിരാ​കാശ പരിപാ​ടി

ഒരാഴ്‌ചത്തെ ദൗത്യ​ത്തി​നു​ശേഷം, ചൈന​യു​ടെ ഷെൻജോ III എന്ന മനുഷ്യ​വാ​ഹി​യ​ല്ലാത്ത ബഹിരാ​കാശ പേടകം, 2002 ഏപ്രിൽ 1-ന്‌ ഇന്നർ മംഗോ​ളി​യ​യിൽ വിജയ​ക​ര​മാ​യി ഇറങ്ങി എന്ന്‌ ബിബിസി വാർത്ത റിപ്പോർട്ടു ചെയ്യുന്നു. പേടക​ത്തിൽ ഒരു കൃത്രിമ മനുഷ്യ​ഡമ്മി ഉണ്ടായി​രു​ന്നു, ഊഷ്‌മാ​വും ഓക്‌സി​ജന്റെ അളവും നിരീ​ക്ഷി​ക്കാൻ കഴിവുള്ള സജ്ജീക​ര​ണങ്ങൾ ഈ ഡമ്മിയിൽ ഉണ്ടായി​രു​ന്നു. ഭാവി​യിൽ മനുഷ്യ​നെ വഹിച്ചു​കൊ​ണ്ടുള്ള യാത്ര​യിൽ, ജീവൻ നിലനി​റു​ത്തു​ന്ന​തിന്‌ അനു​യോ​ജ്യ​മായ സാഹച​ര്യ​മി​ല്ലാത്ത ബഹിരാ​കാ​ശത്ത്‌ അതിനുള്ള സാഹച​ര്യം ഒരുക്കുക എന്ന ലക്ഷ്യത്തിൽ രൂപകൽപ്പന ചെയ്‌ത​താണ്‌ ഈ സാങ്കേ​തിക സജ്ജീക​രണം. രണ്ടായി​ര​ത്തഞ്ച്‌ ആകു​മ്പോ​ഴേ​യ്‌ക്ക്‌ മനുഷ്യ​നെ ബഹിരാ​കാ​ശ​ത്തേക്ക്‌ അയയ്‌ക്കാ​നുള്ള പദ്ധതി​യി​ലാ​ണു തങ്ങൾ എന്നു ചൈന​യു​ടെ ബഹിരാ​കാശ ഉദ്യോ​ഗസ്ഥർ പ്രഖ്യാ​പി​ച്ചു. “2010 ആകു​മ്പോ​ഴേ​യ്‌ക്കു മനുഷ്യ​നെ ചന്ദ്രനി​ലേക്ക്‌ അയയ്‌ക്കാ​നുള്ള ഒരു ദീർഘ​കാല പദ്ധതി​യും ചൈന​യു​ടെ ബഹിരാ​കാശ ഏജൻസിക്ക്‌ ഉണ്ട്‌” എന്ന്‌ റിപ്പോർട്ട്‌ പറയുന്നു. (g02 10/22)

ആപത്തി​ലായ സിംഹങ്ങൾ

“ആഫ്രി​ക്ക​യു​ടെ ഒരു വലിയ പ്രദേ​ശ​ത്തു​നി​ന്നു പെട്ടെ​ന്നു​തന്നെ സിംഹങ്ങൾ നാമാ​വ​ശേ​ഷ​മാ​കും” എന്ന്‌ ന്യൂ സയന്റിസ്റ്റ്‌ മാസിക റിപ്പോർട്ടു ചെയ്യുന്നു. അന്തഃ​പ്ര​ജ​നനം ഒഴിവാ​ക്കി, 100 പ്രജനന ജോഡി​കളെ ലഭ്യമാ​ക്കാൻ ഒരു പ്രദേ​ശത്ത്‌ 500 മുതൽ 1,000 വരെ സിംഹങ്ങൾ വേണം. വേൾഡ്‌ കൺസർവേഷൻ യൂണി​യന്റെ അഭി​പ്രാ​യ​മ​നു​സ​രിച്ച്‌, പശ്ചിമ, മധ്യ ആഫ്രി​ക്ക​ക​ളി​ലെ സിംഹ​ങ്ങ​ളു​ടെ എണ്ണം അതിലും കുറവാണ്‌. “ഇത്‌ ഗുരു​ത​ര​മായ ഒരു സ്ഥിതി​വി​ശേ​ഷ​മാണ്‌,” നെതർലൻഡ്‌സി​ലെ ലീഡൻ സർവക​ലാ​ശാ​ല​യിൽ നിന്നുള്ള ഹാൻസ്‌ ബാവുവ പറയുന്നു. “ഒരു പ്രദേ​ശ​ത്തുള്ള സിംഹ​ങ്ങ​ളെ​ങ്കി​ലും അവിടെ അതിജീ​വി​ക്കു​മോ എന്നു നമുക്ക്‌ ഉറപ്പില്ല.” മൃഗങ്ങ​ളു​ടെ സ്വാഭാ​വിക വാസസ്ഥ​ല​ത്തേ​ക്കുള്ള മനുഷ്യ​ന്റെ കടന്നു​ക​യ​റ്റ​മാണ്‌ ഈ നാശത്തി​നു പ്രധാന കാരണം. സിംഹ​ങ്ങൾക്കു വേട്ടയാ​ടാൻ വിസ്‌താ​ര​മേ​റിയ പ്രദേശം ആവശ്യ​മാണ്‌—അതായത്‌ ഒരു ആൺ സിംഹ​ത്തിന്‌ 200 ചതുരശ്ര കിലോ​മീ​റ്റർ പ്രദേശം വേണം. “സിംഹങ്ങൾ ആവാസ​വ്യ​വ​സ്ഥ​യു​ടെ ഒരു കാതലായ ഭാഗമാണ്‌” എന്ന്‌ ബാവുവ മുന്നറി​യി​പ്പു നൽകുന്നു. “സിംഹങ്ങൾ ഭീഷണി​യി​ലാ​ണെ​ങ്കിൽ, അതു കാണി​ക്കു​ന്നത്‌ 20 മുതൽ 30 വരെ വർഷത്തി​നി​ട​യിൽ മറ്റു ജീവി വർഗ്ഗങ്ങ​ളും ഭീഷണി​യി​ലാ​കാ​നുള്ള സാധ്യതയാണ്‌.”(g02 10/22)

മദ്യാ​സ​ക്തി

ബ്രിട്ടീ​ഷു​കാ​രിൽ, പതിമൂ​ന്നു പേരിൽ ഒരാൾ വീതം മദ്യത്തിന്‌ അടിമ​യാണ്‌ എന്ന്‌ ലണ്ടന്റെ ദി ഇൻഡി​പെൻഡന്റ്‌ റിപ്പോർട്ടു ചെയ്യു​ക​യു​ണ്ടാ​യി. “കുറി​പ്പ​ടി​പ്ര​കാ​രം കിട്ടുന്ന മരുന്നു​കൾക്കോ നിയമ​വി​രു​ദ്ധ​മായ മയക്കു​മ​രു​ന്നു​കൾക്കോ അടിമ​പ്പെ​ടു​ന്ന​തി​ലും രണ്ടിരട്ടി മദ്യത്തിന്‌” അടിമ​പ്പെ​ടു​ന്ന​താ​യി റിപ്പോർട്ടു സൂചി​പ്പി​ച്ചു. 1994 മുതൽ 1999 വരെയുള്ള കാലയ​ള​വിൽ, മദ്യത്തി​ന്റെ ദുരു​പ​യോ​ഗ​വു​മാ​യി നേരിട്ടു ബന്ധമുള്ള മരണങ്ങൾ—ഹൃ​ദ്രോ​ഗം, കരൾദ്ര​വീ​ക​രണം, മദ്യവി​ഷ​ബാധ എന്നിവ അതിൽ ഉൾപ്പെ​ടു​ന്നു—43 ശതമാനം വർധി​ച്ചി​രി​ക്കു​ന്നു. മദ്യപി​ച്ചു വാഹന​മോ​ടി​ക്കു​മ്പോൾ ഉണ്ടാകുന്ന അപകടങ്ങൾ, 1998-ൽ 10,100 ആയിരു​ന്നത്‌ 2000-ത്തിൽ 11,780 ആയി ഉയർന്നു. റോഡി​ലെ 7 മരണങ്ങ​ളിൽ ഒരെണ്ണ​ത്തി​നു കാരണ​വും ഇതുത​ന്നെ​യാണ്‌. അറുപതു ശതമാനം തൊഴി​ലു​ട​മ​ക​ളും മുഴു​ക്കു​ടി​യ​ന്മാ​രായ തൊഴി​ലാ​ളി​കൾ മൂലം പ്രശ്‌നം അനുഭ​വി​ക്കു​ന്ന​വ​രാണ്‌. അക്രമാ​സക്ത കുറ്റകൃ​ത്യ​ങ്ങ​ളിൽ ഏർപ്പെ​ടു​ന്ന​വ​രിൽ 40 ശതമാ​ന​വും അതു ചെയ്യു​ന്നതു മദ്യത്തി​ന്റെ ലഹരി​യി​ലാണ്‌. ബ്രിട്ടീഷ്‌ ചാരിറ്റി ആൾക്ക​ഹോൾ കൺസേ​ണി​ന്റെ ഡയറക്ടർ എറിക്‌ ആപ്പിൾബീ ഇങ്ങനെ പറയുന്നു: “ആളുക​ളു​ടെ ആരോ​ഗ്യം, മറ്റുള്ള​വ​രു​മാ​യുള്ള ബന്ധങ്ങൾ, പണനഷ്ടം, പൊതു​സേ​വ​നങ്ങൾ എന്നിവ​യു​ടെ​മേൽ മദ്യപാ​ന​ത്തി​നുള്ള ദൂരവ്യാ​പക ഫലങ്ങൾ ഒറ്റക്കെ​ട്ടാ​യി ഒരു അടിയ​ന്തിര നടപടി സ്വീക​രി​ക്കേ​ണ്ട​തി​ന്റെ ആവശ്യത്തെ കാണിക്കുന്നു.”(g02 10/22)