യുവജ​നങ്ങൾ ചോദി​ക്കു​ന്നു . . .

മറ്റുള്ള​വ​രിൽ നിന്നുള്ള സമ്മർദം—അത്‌ വാസ്‌ത​വ​ത്തിൽ അത്ര ശക്തമാ​ണോ?

“മറ്റ്‌ ആളുക​ളിൽ നിന്നുള്ള സമ്മർദ​മൊ​ന്നും എനിക്ക്‌ അനുഭ​വ​പ്പെ​ടു​ന്നില്ല.”—ഹൈസ്‌കൂൾ വിദ്യാർഥി​നി​യായ പമീല

“മറ്റുള്ള​വ​രിൽ നിന്നുള്ള സമ്മർദം എന്റെ മേൽ അത്ര വലിയ സ്വാധീ​നം ചെലു​ത്തു​ന്നുണ്ട്‌ എന്നൊ​ന്നും എനിക്കു തോന്നു​ന്നില്ല. എന്റെ സമ്മർദങ്ങൾ മിക്കതും എന്റെ ഉള്ളിൽനി​ന്നു തന്നെ ഉരുത്തി​രി​യു​ന്ന​വ​യാണ്‌.”—റോബി എന്ന യുവാവ്‌.

നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ തോന്നി​യി​ട്ടു​ണ്ടോ? “മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു” എന്നു ബൈബിൾ പറയു​ന്നത്‌ നിങ്ങൾക്ക്‌ അറിയാ​മാ​യി​രി​ക്കും. (1 കൊരി​ന്ത്യർ 15:33, NW) എങ്കിലും നിങ്ങൾ ചിന്തി​ച്ചേ​ക്കാം, ‘സമപ്രാ​യ​ക്കാ​രിൽ നിന്നും മറ്റുമുള്ള സമ്മർദം എന്റെ മാതാ​പി​താ​ക്ക​ളും ചില മുതിർന്ന​വ​രും പറയു​ന്നത്ര ശക്തമാ​ണോ, അതേക്കു​റിച്ച്‌ കുറെ​യൊ​ക്കെ വെറുതെ പെരു​പ്പി​ച്ചു പറയു​ന്ന​തല്ലേ?’

അത്തരം സംശയങ്ങൾ ഇടയ്‌ക്കി​ടെ നിങ്ങളെ അലട്ടു​ന്നു​ണ്ടെ​ങ്കിൽ, അതൊരു ഒറ്റപ്പെട്ട വീക്ഷണമല്ല. എങ്കിലും ഒരു സാധ്യത പരിചി​ന്തി​ക്കു​ന്നതു നന്നായി​രി​ക്കും. മറ്റുള്ള​വ​രിൽ നിന്നുള്ള സമ്മർദം ഒരുപക്ഷേ നിങ്ങൾ വിചാ​രി​ക്കു​ന്ന​തി​നെ​ക്കാൾ ശക്തമാ​യി​രു​ന്നു കൂടേ? അനവധി യുവാക്കൾ പുറമേ നിന്നുള്ള സമ്മർദ​ത്തി​ന്റെ ശക്തിയിൽ ആശ്ചര്യ​പ്പെ​ട്ടി​ട്ടുണ്ട്‌. ഉദാഹ​ര​ണ​ത്തിന്‌, സമൂഹ​വു​മാ​യി ഇണങ്ങി​ച്ചേ​രാൻ, ആഗ്രഹി​ക്കു​ന്ന​തി​ല​ധി​കം ശ്രമം താൻ ചെയ്യു​ന്നു​ണ്ടെന്ന്‌ ആൻജി എന്ന യുവതി തുറന്നു സമ്മതി​ക്കു​ന്നു. അവൾ ഇങ്ങനെ തുടരു​ന്നു: “സമൂഹം ചെലു​ത്തുന്ന സമ്മർദം ശക്തമാണ്‌. അതു പുറമേ നിന്നുള്ള സമ്മർദ​മാ​ണെന്നു നാം തിരി​ച്ച​റി​ഞ്ഞെ​ന്നു​പോ​ലും വരില്ല. പലപ്പോ​ഴും അതിനെ ഉള്ളിൽനി​ന്നു​തന്നെ ഉരുത്തി​രി​യുന്ന സമ്മർദ​മാ​യി നാം കണക്കാ​ക്കി​യേ​ക്കും.”

തുടക്ക​ത്തിൽ പരാമർശിച്ച റോബി​യും പറയു​ന്നത്‌ തന്റെ ഏറ്റവും വലിയ സമ്മർദം തന്റെ ഉള്ളിൽ നിന്നു​തന്നെ വരുന്ന​താ​ണെ​ന്നാണ്‌. എങ്കിലും ഒരു വലിയ നഗരത്തി​നു സമീപം താമസി​ക്കുക ബുദ്ധി​മു​ട്ടാ​ണെന്ന്‌ അവൻ സമ്മതി​ക്കു​ന്നു. കാരണം? ചുറ്റു​പാ​ടു​മുള്ള ഭൗതി​കാ​സക്ത സമൂഹ​ത്തി​ന്റെ സമ്മർദം​തന്നെ. “സമ്പത്താണ്‌ ഇവിടെ പ്രധാനം,” അവൻ പറയുന്നു. തീർച്ച​യാ​യും നാം ഗൗനി​ക്കേണ്ട ഒന്നുത​ന്നെ​യാണ്‌ പുറമേ നിന്നുള്ള ഈ സമ്മർദം. പിന്നെ എന്തു​കൊ​ണ്ടാണ്‌ മറ്റുള്ള​വ​രിൽ നിന്നുള്ള സമ്മർദം തങ്ങളെ ബാധി​ക്കു​ന്നേ​യില്ല എന്ന്‌ ഒട്ടനവധി യുവജ​നങ്ങൾ ചിന്തി​ക്കു​ന്നത്‌?

തിരി​ച്ച​റി​യ​പ്പെ​ടു​ന്നി​ല്ലെ​ങ്കി​ലും ശക്തം

സമൂഹ​ത്തി​ന്റെ സമ്മർദ​ത്തി​നു വഞ്ചനാ​ത്മകം ആയിരി​ക്കാൻ കഴിയും—വാസ്‌ത​വ​ത്തിൽ നാം അത്‌ തീരെ ശ്രദ്ധി​ക്കാ​തെ പോലും പോ​യേ​ക്കാം. ഒരു ദൃഷ്ടാന്തം ചിന്തി​ക്കുക: നാം സമുദ്ര നിരപ്പിൽ ആയിരി​ക്കു​മ്പോൾ അന്തരീക്ഷം നമ്മു​ടെ​മേൽ ഒരു ചതുരശ്ര സെന്റി​മീ​റ്റ​റിന്‌ 1 കിലോ​ഗ്രാം എന്ന തോതിൽ സ്ഥിരമർദം ചെലു​ത്തു​ന്നുണ്ട്‌. a എല്ലായ്‌പോ​ഴും  ആ മർദത്തി​നു വിധേ​യ​രാ​യാണ്‌ നിങ്ങൾ ജീവി​ക്കു​ന്നത്‌ എങ്കിലും നിങ്ങൾ അതിനെ കുറിച്ച്‌ ഒട്ടും ബോധ​വാ​ന്മാ​രല്ല. എന്തു​കൊണ്ട്‌? നിങ്ങൾ അതുമാ​യി പരിച​യി​ച്ചി​രി​ക്കു​ന്നു എന്നതാണ്‌ അതിനു കാരണം.

അന്തരീ​ക്ഷ​മർദം ഹാനി​കരം ആയിരി​ക്ക​ണ​മെ​ന്നില്ല എന്നതു ശരിതന്നെ. പക്ഷേ ആളുകൾ നമ്മു​ടെ​മേൽ ചെലു​ത്തുന്ന നേരിയ സമ്മർദം പോലും ക്രമേണ നമ്മെ മാറ്റി​യെ​ടു​ത്തേ​ക്കാം. ചുറ്റു​മുള്ള ആളുകൾക്ക്‌ നമ്മുടെ മേലുള്ള സ്വാധീ​ന​ശ​ക്തി​യെ കുറിച്ച്‌ അപ്പൊ​സ്‌ത​ല​നായ പൗലൊസ്‌ തികച്ചും ബോധ​വാ​നാ​യി​രു​ന്നു. റോമി​ലെ ക്രിസ്‌ത്യാ​നി​കൾക്ക്‌ അവൻ ഇപ്രകാ​രം മുന്നറി​യി​പ്പു നൽകി: “നിങ്ങൾക്കു ചുറ്റു​മുള്ള ലോകം നിങ്ങളെ അതിന്റെ മൂശയിൽ തിരു​കി​ക്ക​യ​റ്റാൻ അനുവ​ദി​ക്ക​രുത്‌.” (റോമർ 12:2, ദ ന്യൂ ടെസ്റ്റ​മെന്റ്‌ ഇൻ മോഡേൺ ഇംഗ്ലീഷ്‌) എന്നിരു​ന്നാ​ലും, അത്‌ എങ്ങനെ സംഭവി​ച്ചേ​ക്കാം?

പുറമേ നിന്നുള്ള സമ്മർദം പ്രവർത്തി​ക്കുന്ന വിധം

മറ്റുള്ളവർ നിങ്ങളെ സ്വീക​രി​ക്കു​ന്ന​തും അംഗീ​ക​രി​ക്കു​ന്ന​തും നിങ്ങൾക്കി​ഷ്ട​മല്ലേ? ആണെന്ന്‌ മിക്കവ​രും സമ്മതി​ക്കും. എങ്കിലും അത്തരം അംഗീ​കാ​രം നേടാ​നുള്ള നമ്മുടെ സ്വാഭാ​വിക ആഗ്രഹ​ത്തിന്‌ ഗുണവും ദോഷ​വും ഉണ്ട്‌. ആ അംഗീ​കാ​രം നേടി​യെ​ടു​ക്കാൻ നാം എത്ര​ത്തോ​ളം പോകും? ‘ഒരുത​ര​ത്തി​ലും ഞാൻ സമ്മർദ​ങ്ങൾക്കു വഴങ്ങില്ല’ എന്നു നാം ചിന്തി​ച്ചേ​ക്കാം. എങ്കിലും നമുക്കു ചുറ്റു​മു​ള്ള​വരെ സംബന്ധി​ച്ചെന്ത്‌? മറ്റുള്ള​വ​രിൽ നിന്നുള്ള സമ്മർദത്തെ ചെറു​ത്തു​നിൽക്കാൻ അവർ ശ്രമം ചെയ്യു​ന്നു​ണ്ടോ, അതോ തങ്ങളെ വാർത്തെ​ടു​ക്കാൻ അവർ അതിനെ അനുവ​ദി​ക്കു​ക​യാ​ണോ?

ഉദാഹ​ര​ണ​ത്തിന്‌, ആധുനിക ലോക​ത്തിൽ ബൈബി​ളി​ലെ ധാർമിക നിലവാ​രങ്ങൾ പ്രാ​യോ​ഗി​ക​മ​ല്ലാ​ത്ത​വ​യും അറുപ​ഴ​ഞ്ച​നു​മാ​ണെന്ന്‌ അനേക​രും കരുതു​ന്നു. ദൈവം തന്റെ വചനത്തിൽ ആവശ്യ​പ്പെ​ടുന്ന പ്രകാ​രം​തന്നെ അവനെ ആരാധി​ക്കു​ന്നത്‌ അത്ര പ്രധാ​ന​മ​ല്ലെന്ന്‌

അനേകർ വിചാ​രി​ക്കു​ന്നു. (യോഹ​ന്നാൻ 4:24) അവർക്ക്‌ അങ്ങനെ തോന്നു​ന്നത്‌ എന്തു​കൊ​ണ്ടാണ്‌? ഒരുത​ര​ത്തിൽ പറഞ്ഞാൽ മറ്റുള്ള​വ​രിൽ നിന്നുള്ള സമ്മർദം നിമി​ത്ത​മാ​ണത്‌. ഈ ലോക​വ്യ​വ​സ്ഥി​തിക്ക്‌ ഒരു ‘ആത്മാവ്‌,’ ഒരു പ്രബല മനോ​ഭാ​വം ഉള്ളതായി എഫെസ്യർ 2:2-ൽ പൗലൊസ്‌ പറയുന്നു. യഹോ​വയെ അറിയാത്ത ഈ ലോക​ത്തി​ന്റെ ചിന്താ​ഗ​തി​യോട്‌ അനുരൂ​പ​പ്പെ​ടാൻ ആ ആത്മാവ്‌ ആളുക​ളു​ടെ മേൽ സമ്മർദം ചെലു​ത്തു​ന്നു. ഇതു നമ്മെ എങ്ങനെ ബാധി​ക്കും?

സ്‌കൂൾ പ്രവർത്ത​നങ്ങൾ, പഠനം, കുടും​ബ​കാ​ര്യ​ങ്ങൾ, തൊഴിൽ എന്നിങ്ങ​നെ​യുള്ള ദൈനം​ദിന കാര്യാ​ദി​ക​ളോ​ടുള്ള ബന്ധത്തിൽ, നമ്മുടെ ക്രിസ്‌തീയ മൂല്യ​ങ്ങളെ വിലമ​തി​ക്കാത്ത ആളുക​ളു​മാ​യി നമുക്ക്‌ ഇടപഴ​കേണ്ടി വരുന്നു. ദൃഷ്ടാ​ന്ത​ത്തിന്‌, എങ്ങനെ​യും മറ്റുള്ള​വ​രു​ടെ മുന്നിൽ കേമനാ​കാൻ ശ്രമി​ക്കുന്ന, അധാർമിക ബന്ധങ്ങൾ പുലർത്തുന്ന, മയക്കു​മ​രു​ന്നും മദ്യവും ദുരു​പ​യോ​ഗം ചെയ്യുന്ന അനവധി വിദ്യാർഥി​കളെ ഇന്നത്തെ സ്‌കൂ​ളു​ക​ളിൽ കാണാം. അത്തരം പ്രവൃ​ത്തി​ക​ളിൽ ഏർപ്പെ​ടു​ന്ന​വരെ അല്ലെങ്കിൽ അവയെ ഒരു സാധാരണ കാര്യ​മോ പ്രശം​സ​നീ​യ​മായ കാര്യം പോലു​മോ ആയി കരുതു​ന്ന​വരെ അടുത്ത സുഹൃ​ത്തു​ക്ക​ളാ​യി നാം തിര​ഞ്ഞെ​ടു​ക്കു​ന്നെ​ങ്കിൽ എന്തായി​രി​ക്കും സംഭവി​ക്കുക? ക്രമേണ നാമും അത്തരം ചിന്താ​ഗ​തി​കൾ സ്വീക​രി​ക്കാൻ തുടങ്ങി​യേ​ക്കാം. അങ്ങനെ, ലോക​ത്തി​ന്റെ ‘ആത്മാവ്‌’ അല്ലെങ്കിൽ “വായു” നമ്മു​ടെ​മേൽ സമ്മർദം ചെലു​ത്തി​ക്കൊണ്ട്‌ നമ്മെ അതിന്റെ മൂശയിൽ തിരു​കി​ക്ക​യ​റ്റും.

രസാവ​ഹ​മാ​യി, ആധുനിക സാമൂ​ഹിക ശാസ്‌ത്രജ്ഞർ നടത്തി​യി​ട്ടുള്ള ചില പരീക്ഷ​ണ​ങ്ങ​ളു​ടെ ഫലങ്ങൾ ഈ ബൈബിൾ തത്ത്വങ്ങളെ ശരി​വെ​ക്കു​ന്നു. അതിൽ ഒന്നാണ്‌ പ്രശസ്‌ത​മായ ‘ആഷ്‌ പരീക്ഷണം.’ പരീക്ഷണം ഇപ്രകാ​ര​മാ​യി​രു​ന്നു: ഒരു കൂട്ടം ആളുക​ളു​ടെ ഇടയി​ലേക്ക്‌ ഒരു വ്യക്തിയെ ക്ഷണിക്കു​ന്നു. ആദ്യം, ലംബമായ ഒരു വര മാത്ര​മുള്ള ഒരു കാർഡ്‌ ഡോക്ടർ ആഷ്‌ ഉയർത്തി​ക്കാ​ട്ടു​ന്നു. തുടർന്ന്‌ വ്യത്യസ്‌ത നീളത്തി​ലുള്ള മൂന്നു വരക​ളോ​ടു കൂടിയ മറ്റൊരു കാർഡും. ആദ്യത്തെ കാർഡി​ലെ വരയു​മാ​യി ഒത്തുവ​രു​ന്നത്‌ ഈ മൂന്നു വരകളിൽ ഏതാണ്‌ എന്ന്‌ അടുത്ത​താ​യി അദ്ദേഹം ഓരോ​രു​ത്ത​രോ​ടും ചോദി​ക്കു​ന്നു. ഉത്തരം വളരെ എളുപ്പ​മാണ്‌. ആദ്യത്തെ രണ്ടു പ്രാവ​ശ്യം എല്ലാവ​രും ഒരേ ഉത്തരമാണ്‌ പറയു​ന്നത്‌. എന്നാൽ മൂന്നാം പ്രാവ​ശ്യം കാര്യ​ങ്ങൾക്കു മാറ്റം വരുന്നു.

ഏതു വരകൾക്കാ​ണു തുല്യ നീള​മെന്ന്‌ പറയുക ഇപ്പോ​ഴും എളുപ്പ​മാണ്‌. എന്നാൽ കൂട്ടത്തി​ലുള്ള മറ്റുള്ള​വ​രെ​യെ​ല്ലാം പരീക്ഷ​ണ​ത്തി​ന്റെ ഭാഗമാ​യി കൂലി​കൊ​ടുത്ത്‌ അഭിന​യി​പ്പി​ക്കു​ക​യാ​ണെന്ന്‌ പരീക്ഷണ വിധേ​യ​നാ​കുന്ന വ്യക്തി അറിയു​ന്നില്ല. അവരെ​ല്ലാം തെറ്റായ ഉത്തര​ത്തോ​ടു യോജി​ക്കു​ന്നു. സംഭവി​ക്കു​ന്ന​തോ? പരീക്ഷ​ണ​ത്തി​നു വിധേ​യ​രാ​യ​വ​രിൽ 25 ശതമാനം മാത്രമേ ശരി​യെന്നു തങ്ങൾക്ക്‌ അറിയാ​വു​ന്ന​തി​നോ​ടു പറ്റിനി​ന്നു​ള്ളൂ. മറ്റുള്ള​വ​രെ​ല്ലാം ഒരിക്ക​ലെ​ങ്കി​ലും കൂട്ട​ത്തോ​ടു യോജി​ച്ചു—സ്വന്ത കണ്ണു​കൊ​ണ്ടു കണ്ടത്‌ തള്ളിപ്പ​റ​ഞ്ഞു​കൊ​ണ്ടു പോലും!

വ്യക്തമാ​യും, തങ്ങൾക്കു ചുറ്റു​മു​ള്ള​വ​രോട്‌ അനുരൂ​പ​പ്പെ​ടാൻ ആളുകൾ ആഗ്രഹി​ക്കു​ന്നു. സത്യമാ​ണെന്നു തങ്ങൾക്കു ബോധ്യ​മു​ള്ള​തു​പോ​ലും തള്ളിപ്പ​റ​ഞ്ഞു​കൊ​ണ്ടാണ്‌ മിക്കവ​രും അങ്ങനെ ചെയ്യു​ന്നത്‌. പല യുവജ​ന​ങ്ങ​ളും വ്യക്തി​പ​ര​മാ​യി ഇത്തരം സമ്മർദം അനുഭ​വി​ച്ചി​ട്ടു​ള്ള​വ​രാണ്‌. 16 വയസ്സു​കാ​രൻ ദാനീ​യേൽ ഇങ്ങനെ പറഞ്ഞു: “നമ്മളിൽ മാറ്റങ്ങൾ വരുത്താൻ പുറമേ നിന്നുള്ള സമ്മർദ​ത്തി​നു കഴിയും. നമുക്കു ചുറ്റും കൂടുതൽ ആളുകൾ ഉള്ളപ്പോൾ സമ്മർദം വർധി​ക്കു​ന്നു. അവർ ചെയ്യു​ന്ന​താണ്‌ ശരി എന്നു പോലും നാം ചിന്തിച്ചു തുടങ്ങി​യേ​ക്കാം.”

വിദ്യാ​ല​യ​ങ്ങ​ളിൽ സാധാ​ര​ണ​മാ​യി കാണ​പ്പെ​ടുന്ന അത്തരം സമ്മർദത്തെ മുമ്പു പറഞ്ഞ ആൻജി എന്ന യുവതി വിവരി​ക്കു​ന്നു: “ജൂനിയർ ഹൈസ്‌കൂ​ളി​ലെ കുട്ടി​കളെ സംബന്ധി​ച്ചി​ട​ത്തോ​ളം എന്തു ധരിക്കു​ന്നു എന്നത്‌ വളരെ പ്രധാ​ന്യം  അർഹി​ക്കുന്ന ഒരു സംഗതി​യാ​യി​രു​ന്നു. പ്രത്യേക കമ്പനി​യു​ടെ പേരോ​ടു​കൂ​ടിയ വസ്‌ത്രങ്ങൾ അഭിമാന ചിഹ്നങ്ങ​ളാ​യാണ്‌ വീക്ഷി​ക്ക​പ്പെ​ട്ടി​രു​ന്നത്‌. വാസ്‌ത​വ​ത്തിൽ, 50 ഡോള​റും മറ്റും കൊടുത്ത്‌ ഒരു ഷർട്ട്‌ വാങ്ങാൻ ആരും ആഗ്രഹി​ച്ചി​രു​ന്നതല്ല—സ്വാഭാ​വി​ക​മാ​യി ആരും അങ്ങനെ ആഗ്രഹി​ക്കു​ക​യു​മി​ല്ല​ല്ലോ?” ആൻജി അഭി​പ്രാ​യ​പ്പെ​ടു​ന്നതു പോലെ, നിങ്ങൾ സമ്മർദ​ത്തി​നു വഴി​പ്പെ​ടു​മ്പോൾ അതു തിരി​ച്ച​റി​യുക പ്രയാ​സ​മാണ്‌. എന്നാൽ കൂടുതൽ ഗൗരവ​മുള്ള കാര്യ​ങ്ങ​ളിൽ മറ്റുള്ള​വ​രിൽ നിന്നുള്ള സമ്മർദം നമ്മെ ബാധി​ക്കു​മോ?

മറ്റുള്ള​വ​രിൽ നിന്നുള്ള സമ്മർദം അപകട​കരം ആയിരി​ക്കാ​വു​ന്ന​തി​ന്റെ കാരണം

നിങ്ങൾ കടലിൽ നീന്തു​ക​യാണ്‌ എന്നു സങ്കൽപ്പി​ക്കുക. തിരമാ​ല​കൾക്ക്‌ ഒപ്പമാണ്‌ നിങ്ങൾ നീങ്ങു​ന്നത്‌. എന്നാൽ, നിങ്ങൾ അറിയു​ന്നി​ല്ലെ​ങ്കി​ലും മറ്റുചില ശക്തികൾകൂ​ടെ പ്രവർത്ത​ന​ത്തി​ലുണ്ട്‌. തിരകൾ നിങ്ങളെ തീര​ത്തേക്കു തള്ളുന്നു​ണ്ടെ​ങ്കി​ലും ശക്തമായ അടി​യൊ​ഴുക്ക്‌ നിങ്ങളെ സാവധാ​നം ദൂരേക്കു കൊണ്ടു​പോ​കു​ന്നു. കുറച്ചു കഴിഞ്ഞു നോക്കു​മ്പോൾ, തീരത്തു നിൽക്കുന്ന കുടും​ബ​ത്തെ​യോ കൂട്ടു​കാ​രെ​യോ കാണാ​നാ​വാത്ത വിധം നിങ്ങൾ ദൂരെ എത്തിക്ക​ഴി​ഞ്ഞി​രി​ക്കും. അടി​യൊ​ഴുക്ക്‌ നിങ്ങളെ അത്രയും ദൂരെ എത്തിച്ചത്‌ നിങ്ങൾ ശ്രദ്ധി​ച്ച​തേ​യില്ല! സമാന​മാ​യി, അനുദിന പ്രവർത്ത​ന​ങ്ങ​ളി​ലൂ​ടെ കടന്നു​പോ​കവേ പല കാര്യ​ങ്ങ​ളും നമ്മുടെ ചിന്തക​ളെ​യും വികാ​ര​ങ്ങ​ളെ​യും സ്വാധീ​നി​ച്ചേ​ക്കാം. നാം എന്നും മുറുകെ പിടി​ക്കു​മെന്നു കരുതി​യി​രുന്ന നിലവാ​ര​ങ്ങ​ളിൽ നിന്നു നമ്മെ ബഹുദൂ​രം വ്യതി​ച​ലി​പ്പി​ക്കാൻ ഈ സ്വാധീ​ന​ങ്ങൾക്കു കഴിഞ്ഞത്‌ വൈകി​യാ​യി​രി​ക്കും നാം തിരി​ച്ച​റി​യു​ന്നത്‌.

ഉദാഹ​ര​ണ​ത്തിന്‌, അപ്പൊ​സ്‌ത​ല​നായ പത്രൊസ്‌ ധീരനായ ഒരു മനുഷ്യ​നാ​യി​രു​ന്നു. യേശു​വി​നെ അറസ്റ്റ്‌ ചെയ്‌ത രാത്രി​യിൽ, ശത്രു​ക്ക​ളു​ടെ കൂട്ടത്തെ വാൾകൊണ്ട്‌ എതിരി​ട്ട​വ​നാണ്‌ അവൻ. (മർക്കൊസ്‌ 14:43-47; യോഹ​ന്നാൻ 18:10) എന്നാൽ സ്വന്ത ജനത്തിൽ നിന്നു സമ്മർദം ഉണ്ടായ​പ്പോൾ അവൻ പ്രകട​മായ വിധത്തിൽ പക്ഷാ​ഭേദം കാണിച്ചു. വിജാ​തീ​യ​രിൽ നിന്നു​ള്ള​വരെ അശുദ്ധ​രാ​യി വീക്ഷി​ക്ക​രുത്‌ എന്നു നിർദേ​ശി​ച്ചു​കൊണ്ട്‌ ക്രിസ്‌തു​വിൽ നിന്ന്‌ ഒരു ദർശനം അവനു കിട്ടി​യി​രു​ന്ന​താണ്‌. എന്നിട്ടും, അവൻ യഹൂ​ദേതര ക്രിസ്‌ത്യാ​നി​കളെ അവഗണി​ച്ചു. (പ്രവൃ​ത്തി​കൾ 10:10-15, 28, 29) വാൾമു​ന​യെ​ക്കാൾ അഭിമു​ഖീ​ക​രി​ക്കാൻ ബുദ്ധി​മു​ട്ടു​ള്ള​താ​യി പത്രൊസ്‌ കണ്ടെത്തി​യതു മറ്റു മനുഷ്യ​രിൽ നിന്നുള്ള നിന്ദയാ​യി​രി​ക്കാം! (ഗലാത്യർ 2:11, 12) ആളുക​ളിൽ നിന്നുള്ള സമ്മർദ​ത്തി​നു തീർച്ച​യാ​യും അപകട​ക​ര​മാ​യി​രി​ക്കാൻ കഴിയും.

മറ്റുള്ള​വ​രിൽ നിന്നുള്ള സമ്മർദ​ത്തി​ന്റെ ശക്തി തിരി​ച്ച​റി​യു​ന്നതു പ്രധാനം

പത്രൊ​സി​ന്റെ ദൃഷ്ടാ​ന്ത​ത്തിൽനി​ന്നു നമുക്ക്‌ ഒരു പാഠം പഠിക്കാ​നുണ്ട്‌. ചില കാര്യ​ങ്ങ​ളിൽ നാം ശക്തരാ​യി​രി​ക്കാ​മെ​ങ്കി​ലും എല്ലാ കാര്യ​ങ്ങ​ളി​ലും അങ്ങനെ ആയിരി​ക്ക​ണ​മെ​ന്നില്ല. പത്രൊ​സി​നും നമ്മെ​പ്പോ​ലെ ചില ബലഹീന വശങ്ങൾ ഉണ്ടായി​രു​ന്നു. നാം ആരായി​രു​ന്നാ​ലും, നമ്മുടെ ബലഹീന വശങ്ങളെ കുറിച്ച്‌ നാമെ​ല്ലാം ബോധ​വാ​ന്മാ​രാ​കണം. സത്യസ​ന്ധ​മാ​യി നാം സ്വയം ഇപ്രകാ​രം ചോദി​ക്കണം: ‘എന്റെ ബലഹീ​ന​വശം ഏതാണ്‌? ഒരു സമ്പന്ന ജീവി​ത​ശൈ​ലി​ക്കാ​യി ഞാൻ വാഞ്‌ഛി​ക്കു​ന്നു​വോ? എന്റെ പ്രതി​ച്ഛാ​യ​യി​ലും നേട്ടങ്ങ​ളി​ലും എനിക്ക്‌ അൽപ്പം തലക്കനം തോന്നി​ത്തു​ട​ങ്ങി​യി​ട്ടു​ണ്ടോ? പുകഴ്‌ച​യും പദവി​യും പ്രശസ്‌തി​യും നേടാൻ ഞാൻ ഏതള​വോ​ളം പോകും?’

കുത്തഴിഞ്ഞ ജീവിതം നയിക്കു​ക​യോ മയക്കു​മ​രുന്ന്‌ ഉപയോ​ഗി​ക്കു​ക​യോ ഒക്കെ ചെയ്യു​ന്ന​വ​രു​മാ​യി ചങ്ങാത്തം കൂടി​ക്കൊണ്ട്‌ ഒരുപക്ഷേ നാം മനപ്പൂർവം അപകട​ങ്ങ​ളിൽ ചെന്നു​ചാ​ടു​ക​യി​ല്ലാ​യി​രി​ക്കാം. എന്നിരു​ന്നാ​ലും, അത്ര പ്രകട​മ​ല്ലാത്ത നമ്മുടെ ബലഹീ​ന​തകൾ സംബന്ധി​ച്ചെന്ത്‌? നമ്മുടെ ബലഹീന വശത്തെ സ്വാധീ​നി​ച്ചേ​ക്കാ​വു​ന്ന​വ​രു​മാ​യി അടുത്തു സഹവസി​ച്ചാൽ, അവരുടെ സമ്മർദ​ത്തി​നു നാം നമ്മെത്തന്നെ വശംവ​ദ​രാ​ക്കു​ക​യാ​വും ചെയ്യു​ന്നത്‌.

എന്നാൽ സന്തോ​ഷ​ക​ര​മെന്നു പറയട്ടെ, മറ്റുള്ള​വ​രിൽ നിന്നുള്ള എല്ലാ സമ്മർദ​വും മോശ​മാ​യി​രി​ക്കു​ന്നില്ല. അത്തരം സമ്മർദത്തെ നമുക്ക്‌ പ്രയോ​ജ​ന​ക​ര​മായ ഒന്നാക്കി മാറ്റാൻ സാധി​ക്കു​മോ? മറ്റുള്ള​വ​രിൽ നിന്നുള്ള ഹാനി​ക​ര​മായ സമ്മർദ​ത്തിന്‌ എതിരെ നമുക്ക്‌ എങ്ങനെ പോരാ​ടാൻ കഴിയും? “യുവജ​നങ്ങൾ ചോദി​ക്കു​ന്നു. . . ” എന്ന ഈ പരമ്പര​യു​ടെ ഒരു ഭാവി ലേഖന​ത്തിൽ ഈ ചോദ്യ​ങ്ങൾ ചർച്ച ചെയ്യു​ന്ന​താ​യി​രി​ക്കും. (g02 11/22)

[അടിക്കു​റിപ്പ്‌]

[20, 21 പേജു​ക​ളി​ലെ ചിത്രം]

ഒരു ഭൗതി​കാ​സക്ത ചുറ്റു​പാ​ടിൽ പുറമേ നിന്നുള്ള സമ്മർദം ശക്തമാ​യി​രി​ക്കും