ഞങ്ങളുടെ വായന​ക്കാ​രിൽനിന്ന

ലോക​സ​മാ​ധാ​നം “ലോക സമാധാ​നം വെറു​മൊ​രു സ്വപ്‌ന​മോ?” (ജൂൺ 8, 2002) എന്ന ലേഖന പരമ്പര വളരെ നന്നായി​രു​ന്നു. എല്ലാ രാഷ്‌ട്രീ​യ​ക്കാ​രും ഇതു വായി​ച്ചി​രി​ക്കേ​ണ്ട​താണ്‌. ഒരുവൻ എന്തെല്ലാം കാര്യങ്ങൾ അറിഞ്ഞി​രി​ക്കണം, എങ്ങനെ ജീവി​ക്കണം എന്നെല്ലാം സംബന്ധി​ച്ചു നിങ്ങളു​ടെ പ്രസി​ദ്ധീ​ക​ര​ണങ്ങൾ വ്യക്തമായ ധാരണ നൽകുന്നു.

ജെ. എസ്‌., ചെക്ക്‌ റിപ്പബ്ലിക്ക്‌ (g02 12/22)

ഒരു യുവ​പ്രാ​യ​ക്കാ​രി മുൻ​കൈ​യെ​ടു​ത്തു പ്രവർത്തി​ക്കു​ന്നു ഈ മാസി​ക​ക​ളു​ടെ വായന ഞാൻ വളരെ​യ​ധി​കം ആസ്വദി​ക്കു​ന്നു എന്ന്‌ നിങ്ങ​ളോ​ടു പറയണ​മെന്ന്‌ എപ്പോ​ഴും ഓർക്കാ​റു​ണ്ടെ​ങ്കി​ലും ഇതുവരെ അതിനു സാധി​ച്ചില്ല. എന്നാൽ “മുൻ​കൈ​യെ​ടു​ത്തു പ്രവർത്തി​ച്ച​തിന്‌ പ്രതി​ഫലം” (ജൂൺ 8, 2002) എന്ന ലേഖനം വായി​ച്ച​തോ​ടെ അതു പറഞ്ഞി​ട്ടു​തന്നെ അടുത്ത കാര്യം എന്നു ഞാൻ തീരു​മാ​നി​ച്ചു. സ്റ്റെല്ലയു​ടേതു പോലുള്ള ഒരു അനുഭവം ഈയിടെ എനിക്കു​മു​ണ്ടാ​യി. എന്നെ​പ്പോ​ലെ യഹോ​വ​യ്‌ക്ക്‌ തങ്ങളുടെ ജീവി​ത​ത്തിൽ പ്രഥമ സ്ഥാനം നൽകുന്ന യുവജ​നങ്ങൾ ലോക​മെ​മ്പാ​ടും ഉണ്ടെന്ന്‌ അറിയു​ന്നത്‌ എന്നെ ഏറെ സന്തോ​ഷി​പ്പി​ക്കു​ന്നു. ഇത്തരം അനുഭ​വങ്ങൾ യുവജ​ന​ങ്ങൾക്കും പ്രായ​മാ​യ​വർക്കും ഒരു​പോ​ലെ പ്രോ​ത്സാ​ഹ​ജ​ന​ക​മാണ്‌.

എൽ. പി., ഐക്യ​നാ​ടു​കൾ (g02 12/22)

മൃഗങ്ങൾ “ഹിമപു​ള്ളി​പ്പു​ലി—ഈ നിഗൂഢ ജീവിയെ പരിച​യ​പ്പെ​ടുക” (ജൂൺ 8, 2002) എന്ന ലേഖനം ഞാനി​പ്പോൾ വായിച്ചു കഴിഞ്ഞതേ ഉള്ളൂ. യഹോവ സൃഷ്ടിച്ച ഓരോ ജീവി​യെ​യും ഞാൻ വളരെ പ്രിയ​പ്പെ​ടു​ന്നു. മൃദു​വായ രോമ​ക്കു​പ്പാ​യ​മു​ള്ള​വയെ പ്രത്യേ​കി​ച്ചും. ഹിമപു​ള്ളി​പ്പു​ലി​കൾ വംശനാ​ശ​ഭീ​ഷ​ണി​യെ നേരി​ടു​ന്നു എന്നു വായി​ച്ച​പ്പോൾ എനിക്കു നല്ല ദേഷ്യം വന്നു. അങ്ങനെ​യെ​ങ്കിൽ യഹോ​വ​യ്‌ക്ക്‌ ഇതേക്കു​റിച്ച്‌ എന്തായി​രി​ക്കും തോന്നു​ന്ന​തെന്ന്‌ ഒന്നു ചിന്തിച്ചു നോക്കൂ.

ഡി. ആർ., ഐക്യ​നാ​ടു​കൾ (g02 12/22)

ചിലന്തി​കൾ “ഉറുമ്പാ​യി വേഷം​കെ​ട്ടുന്ന ചിലന്തി” (മേയ്‌ 8, 2002) എന്ന ലേഖനം എനിക്കു വലിയ ഇഷ്ടമായി. യഹോവ എത്ര അത്ഭുത​വാ​നായ സ്രഷ്ടാ​വാണ്‌! പുതിയ ലോക​ത്തി​ലെ ജീവി​ത​ത്തി​നാ​യി ആകാം​ക്ഷ​യോ​ടെ ഞാൻ കാത്തി​രി​ക്കു​ന്നു. അപ്പോൾ എനിക്ക്‌ യഹോ​വ​യു​ടെ സൃഷ്ടി​ക​ളെ​പ്പറ്റി കൂടുതൽ പഠിക്കാ​മ​ല്ലോ.

പി. പി., ശ്രീലങ്ക (g02 12/22)

യുവജ​നങ്ങൾ ചോദി​ക്കു​ന്നു “യുവജ​നങ്ങൾ ചോദി​ക്കു​ന്നു. . . സ്‌കൂ​ളി​ലുള്ള ആരെ​യെ​ങ്കി​ലും കണ്ടുമു​ട്ടി​യാ​ലോ?” (മാർച്ച്‌ 8, 2002) എന്ന ലേഖനം പ്രസി​ദ്ധീ​ക​രി​ച്ച​തി​നു നന്ദി. വളരെ വർഷങ്ങൾക്കു മുമ്പ്‌ ഏറെ നാണം​കു​ണു​ങ്ങി​യായ ഒരു കൗമാര പ്രായ​ക്കാ​ര​നാ​യി​രു​ന്നു ഞാൻ. എനിക്കു വിക്കു​ണ്ടാ​യി​രു​ന്നു. ക്രിസ്‌തീയ ശുശ്രൂഷ എനിക്കു വളരെ ദുഷ്‌ക​ര​മാ​യി​രു​ന്നു, പ്രത്യേ​കിച്ച്‌ എന്റെ സ്‌കൂ​ളി​ലെ കുട്ടി​കളെ കണ്ടുമു​ട്ടു​മ്പോൾ. ഈ ലേഖനം മറ്റു യുവജ​ന​ങ്ങൾക്കും വലിയ സഹായ​മാ​കു​മെന്ന്‌ എനിക്ക്‌ ഉറപ്പുണ്ട്‌.

ഡബ്ലിയു. റ്റി., ഐക്യ​നാ​ടു​കൾ (g02 12/22)

ആശ്രയ​യോ​ഗ്യ​മായ ഉപദേ​ശങ്ങൾ വിജ്ഞാ​ന​പ്ര​ദ​മായ വിവരങ്ങൾ സമൃദ്ധ​മാ​യി പ്രദാനം ചെയ്യു​ന്ന​തി​നു നിങ്ങൾക്കു നന്ദി. നിങ്ങളു​ടെ ലേഖന​ങ്ങ​ളിൽ വ്യത്യസ്‌ത വിഷയ​ങ്ങ​ളു​ടെ വിശാ​ല​മാ​യൊ​രു ലോകം തന്നെയുണ്ട്‌. ഇതര പ്രസി​ദ്ധീ​ക​ര​ണ​ങ്ങ​ളിൽ നിന്നു വ്യത്യ​സ്‌ത​മാ​യി നിങ്ങളു​ടേത്‌, മുൻവി​ധി കൂടാതെ മറ്റുള്ള​വ​രു​ടെ വിശ്വാ​സ​ങ്ങളെ ആദരി​ക്കു​ന്നു. ഉണരുക! ഇന്നെനിക്ക്‌ പിരി​യാ​നാ​വാത്ത ഒരു ഉത്തമസു​ഹൃ​ത്താണ്‌. ജീവിത പ്രശ്‌ന​ങ്ങളെ പ്രത്യാ​ശ​യോ​ടു​കൂ​ടി നേരി​ടാൻ എന്നെ സഹായി​ക്കുന്ന ആശ്രയ​യോ​ഗ്യ​മായ ഉപദേ​ശ​ങ്ങ​ളു​ടെ ഉറവാ​ണത്‌.

എൻ. പി., ബ്രസീൽ (g02 12/22)

ജീവി​തകഥ “പരി​ശോ​ധ​ന​ക​ളിൻ മധ്യേ​യും മങ്ങലേൽക്കാത്ത പ്രത്യാ​ശ​യു​മാ​യി” (മേയ്‌ 8, 2002) എന്ന ജീവി​തകഥ വായി​ച്ച​പ്പോൾ സങ്കടവും സന്തോ​ഷ​വും കൊണ്ട്‌ ഞാൻ വിതു​മ്പി​പ്പോ​യി. 20 വയസ്സു​ള്ള​പ്പോൾ ഹന്നാക്ക്‌ സഹോ​ദരൻ കാണിച്ച ധൈര്യം ഒരു കാര്യം എന്നെ ഓർമി​പ്പി​ച്ചു, യഹോ​വ​യിൽ ആശ്രയി​ച്ചു​കൊണ്ട്‌ അവന്റെ നീതി​യുള്ള നിലവാ​ര​ങ്ങളെ മുറു​കെ​പ്പി​ടി​ക്കാൻ നമുക്കും നമ്മുടെ കുട്ടി​കൾക്കും സാധി​ക്കും എന്ന്‌. ഇത്തരം മനോ​ഹ​ര​മായ ലേഖനങ്ങൾ തുടർച്ച​യാ​യി പ്രസി​ദ്ധീ​ക​രി​ക്കു​ന്ന​തി​നു നന്ദി. ഈ ദുർഘട കാലങ്ങ​ളിൽ ജീവി​ക്കുന്ന നമുക്ക്‌ ആവശ്യ​മായ പ്രോ​ത്സാ​ഹ​ന​ത്തി​ന്റെ വലിയ ഉറവുകൾ ആണിവ.

കെ. ജി., ഐക്യ​നാ​ടു​കൾ (g02 12/08)