“പറുദീസയെക്കുറിച്ചുള്ള സ്വപ്‌നങ്ങൾ”
“പറുദീസയെക്കുറിച്ചുള്ള സ്വപ്‌നങ്ങൾ”
യഹോവയുടെ സാക്ഷികളുടെ പാപ്പുവ ന്യൂഗിനിയിലെ ബ്രാഞ്ചിന്‌ കഴിഞ്ഞ വർഷം ഒരു കത്തുകിട്ടി. ലോയേ നഗരത്തിലെ മോറോബേ പ്രവിശ്യയിൽ താമസിക്കുന്ന ഒരു ഉണരുക! വായനക്കാരനിൽനിന്ന്‌ ഉള്ളതായിരുന്നു അത്‌. അദ്ദേഹം ഇപ്രകാരം എഴുതി:
“അഞ്ചു വർഷം മുമ്പ്‌ പോർട്ട്‌ മോവറസ്‌ബിയിലായിരുന്നപ്പോൾ ഞാൻ ഒരു തീരുമാനമെടുത്തു, നിങ്ങളുടെ സംഘടന പ്രസിദ്ധീകരിക്കുന്ന ഉണരുക! മാസിക വായിക്കാൻ. അത്‌ എത്ര നല്ല ഒരു തീരുമാനമായിരുന്നു എന്ന്‌ ആത്മാർഥമായി സമ്മതിക്കാതെ തരമില്ല. ഉണരുക!യുടെ 1997 മുതലുള്ള എല്ലാ ലക്കങ്ങളും ഞാൻ വായിച്ചു കഴിഞ്ഞു. എന്റെ വീടു നിറയെ ഉണരുക! മാസികയാണിപ്പോൾ.
“ഞാൻ ഒരുപാടു കാര്യങ്ങൾ പഠിച്ചു. എന്റെ പദസമ്പത്ത്‌, പൊതു വിജ്ഞാനം, വ്യാകരണം എന്നിവയെല്ലാം ഏറെ മെച്ചപ്പെട്ടു. സ്രഷ്ടാവിനെ കുറിച്ചുള്ള എന്റെ ഗ്രാഹ്യം വർധിച്ചു. എന്റെ വ്യക്തിത്വത്തിലും മാറ്റങ്ങൾ വന്നു. ഞാൻ കൂടുതൽ വിശാല ഹൃദയനായി. മറ്റുള്ളവരോടു പരിഗണന കാണിക്കുന്നതിലും അവരിൽ താത്‌പര്യമെടുക്കുന്നതിലും ഞാൻ ഏറെ പുരോഗമിച്ചു. സസ്യലതാദികളെയും പക്ഷിമൃഗാദികളെയും കൂടുതൽ മതിപ്പോടെ വീക്ഷിക്കാൻ ഞാൻ പഠിച്ചു. ഉണരുക!യും നിങ്ങളുടെ മറ്റു പ്രസിദ്ധീകരണങ്ങളും വായിക്കാൻ ഞാൻ ആളുകളെ ശുപാർശ ചെയ്യുകയാണ്‌.”
അദ്ദേഹം ഇപ്രകാരം ഉപസംഹരിക്കുന്നു: “ഈ ലോകത്തിലുള്ള എല്ലാവരും യഹോവയുടെ സാക്ഷികൾ ആയിത്തീർന്നിരുന്നെങ്കിൽ പറുദീസയെക്കുറിച്ചുള്ള നമ്മുടെ സ്വപ്‌നങ്ങളൊക്കെ ഒറ്റ രാത്രികൊണ്ടു സാക്ഷാത്‌കരിക്കപ്പെടുമായിരുന്നു. നിങ്ങളുടെ നല്ല വേല തുടരുക.”
ഇപ്പോഴത്തെ വ്യവസ്ഥിതി വേഗംതന്നെ നീക്കം ചെയ്യപ്പെട്ട്‌ തത്‌സ്ഥാനത്ത്‌ ദൈവരാജ്യത്തിൻ കീഴിലുള്ള ഒരു പുതിയ ലോകം സ്ഥാപിക്കപ്പെടുമെന്ന ബൈബിളിന്റെ വാഗ്‌ദാനമാണ്‌ യഹോവയുടെ സാക്ഷികളുടെ പ്രസിദ്ധീകരണങ്ങളിൽ ഉള്ളത്‌. നിത്യജീവനിലേക്കു നയിക്കുന്ന പരിജ്ഞാനം എന്ന പുസ്‌തകം മനുഷ്യ വർഗത്തിന്റെ പ്രശ്‌നങ്ങൾക്കുള്ള പരിഹാരമെന്ന നിലയിൽ ദൈവരാജ്യത്തിലേക്കു വിരൽ ചൂണ്ടുന്നു.
192 പേജുള്ള ഈ പുസ്‌തകത്തെ കുറിച്ച്‌ കൂടുതൽ വിവരങ്ങൾ അറിയാൻ ആഗ്രഹിക്കുന്നെങ്കിൽ, ദയവായി ഇതോടൊപ്പം നൽകിയിരിക്കുന്ന കൂപ്പൺ പൂരിപ്പിച്ച്‌ ഈ മാസികയുടെ 5-ാം പേജിലെ അനുയോജ്യമായ ഒരു മേൽവിലാസത്തിൽ യഹോവയുടെ സാക്ഷികൾക്ക്‌ അയയ്‌ക്കുക. (g02 12/08)
□ നിത്യജീവനിലേക്കു നയിക്കുന്ന പരിജ്ഞാനം എന്ന പുസ്‌തകത്തെ കുറിച്ച്‌ കൂടുതൽ വിവരങ്ങൾ എനിക്ക്‌ അയച്ചുതരിക.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്‌പര്യമുണ്ട്‌.