ശബ്ദമലി​നീ​ക​രണം—അവൾ കണ്ടെത്തിയ പരിഹാ​രം

“ഞാൻ ഒരു കളിപ്പാട്ട നിർമാണ കമ്പനി​യി​ലാ​ണു ജോലി ചെയ്യു​ന്നത്‌. ഇത്‌ ആവർത്തന വിരസത ഉളവാ​ക്കുന്ന ഒരു തൊഴിൽ ആയതി​നാൽ ജോലി​സ​മ​യത്ത്‌ സംഗീതം കേൾക്കാൻ ജോലി​ക്കാർക്ക്‌ അനുവാ​ദം നൽകി​യി​ട്ടുണ്ട്‌. എന്റെ തൊട്ട​ടുത്ത വിഭാ​ഗ​ത്തി​ലെ ഒരു ജോലി​ക്കാ​രി തരംതാഴ്‌ന്ന സംഗീതം ശ്രവി​ക്കാൻ ഇഷ്ടപ്പെ​ടു​ന്നു. എന്നോ​ടൊ​പ്പം ജോലി​ചെ​യ്യുന്ന മറ്റു രണ്ടു​പേർക്കും അത്തരം സംഗീ​ത​ത്തോ​ടാണ്‌ താത്‌പ​ര്യം. എനിക്കാ​കട്ടെ ദിവസ​വും എട്ടു മണിക്കൂർ വീതം ഇതു കേൾക്കേ​ണ്ടി​വ​രു​ന്നത്‌ ഒരു പരി​ശോ​ധന തന്നെ ആയിരു​ന്നു.

“ഈ ജോലി​യിൽ തുടരു​ന്ന​തി​ന്റെ പ്രയോ​ജ​ന​ങ്ങ​ളെ​ക്കു​റി​ച്ചും ഞാൻ ചിന്തിച്ചു. ഒന്നാമ​താ​യി, കൺ​വെൻ​ഷ​നു​ക​ളി​ലും യഹോ​വ​യു​ടെ സാക്ഷി​ക​ളു​ടെ മുഴു​സമയ ശുശ്രൂ​ഷ​കർക്കാ​യുള്ള പ്രത്യേക യോഗ​ങ്ങ​ളി​ലും പങ്കെടു​ക്കേ​ണ്ട​തു​ള്ള​പ്പോൾ എന്റെ മേലധി​കാ​രി എനിക്ക്‌ അവധി നൽകു​മാ​യി​രു​ന്നു. ജോലി​സ്ഥ​ല​ത്തേക്ക്‌ ആണെങ്കിൽ വീട്ടിൽ നിന്ന്‌ ഏറെ ദൂരമി​ല്ല​താ​നും. മുഴു​സമയ ശുശ്രൂഷ സുഗമ​മാ​യി മുന്നോ​ട്ടു കൊണ്ടു​പോ​കു​ന്ന​തിന്‌ അനു​യോ​ജ്യ​മായ ജോലി സമയവു​മാ​യി​രു​ന്നു എന്റേത്‌.

“മറ്റെ​ന്തെ​ങ്കി​ലും സംഗീതം കേൾക്കു​ക​യോ അൽപ്പം ശബ്ദം കുറച്ചു വെക്കു​ക​യോ ചെയ്യാ​മോ എന്നു ഞാൻ വിനയ​ത്തോ​ടെ സഹപ്ര​വർത്ത​ക​രോ​ടു ചോദി​ച്ചു. അവർ എന്റെ അഭ്യർഥ​ന​യോ​ടു പ്രതി​ക​രി​ച്ചു, മേലധി​കാ​രി​യോ​ടു പരാതി പറഞ്ഞു​കൊ​ണ്ടാ​യി​രു​ന്നെന്നു മാത്രം. മേലധി​കാ​രി എന്നെ ഓഫീ​സി​ലേക്കു വിളി​പ്പി​ച്ചി​ട്ടു പറഞ്ഞു: ‘ഷാരൻ, നിങ്ങളു​ടെ മതം അനുശാ​സി​ക്കു​ന്നതു പോലെ പോകാൻ ഈ കമ്പനിക്കു പറ്റില്ല, ഞങ്ങളുടെ ജോലി​ക്കാർക്ക്‌ അവർ ആഗ്രഹി​ക്കുന്ന എന്തും ശ്രവി​ക്കാ​നുള്ള സ്വാത​ന്ത്ര്യ​മുണ്ട്‌.’

“അങ്ങനെ​യെ​ങ്കിൽ എനിക്ക്‌ എന്റെ കാസെറ്റ്‌ പ്ലെയറും ഹെഡ്‌ഫോ​ണും കൊണ്ടു​വ​രാ​മോ എന്നു ഞാൻ ചോദി​ച്ചു. അവർ അതിന്‌ അനുമതി നൽകി. ഞാൻ വീക്ഷാ​ഗോ​പു​ര​ത്തി​ന്റെ ഓഡി​യോ റെക്കോ​ഡു​കൾ കൊണ്ടു​വന്നു കേൾക്കാൻ തുടങ്ങി. അങ്ങനെ അനാ​രോ​ഗ്യ​ക​ര​മായ സംഗീതം ശ്രവി​ക്കു​ന്നത്‌ ഒഴിവാ​ക്കാൻ എനിക്കു സാധിച്ചു. മാത്രമല്ല, ആത്മീയ ശക്തി നിലനി​റു​ത്താ​നും ഈ റെക്കോ​ഡി​ങ്ങു​കൾ എന്നെ പ്രാപ്‌ത​യാ​ക്കി.”—ഷാരൻ ക്വാൻ പറഞ്ഞ​പ്ര​കാ​രം. (g02 12/08)