ഒരു വൻദു​ര​ന്തം

എറിക്കിന്‌ ആറുമാ​സം പ്രായ​മുണ്ട്‌. a പക്ഷേ, അവന്റെ ഉയരവും തൂക്കവും കേവലം ഒന്നോ രണ്ടോ മാസം പ്രായ​മായ കുട്ടി​യു​ടേ​തു​പോ​ലെ​യാണ്‌. അവനു തൂക്കം വളരെ കുറവാ​ണെ​ങ്കി​ലും കാലു​ക​ളും വയറും വീർത്തി​രി​ക്കു​ന്നു. മുഖമാ​കട്ടെ ചീർത്ത്‌ വൃത്താ​കൃ​തി​യി​ലാണ്‌. അവനു വിളർച്ച​യുണ്ട്‌. മുടി​യാ​ണെ​ങ്കിൽ എളുപ്പം പൊട്ടി​പ്പോ​കു​ന്ന​തും ശോഭ മങ്ങിയ​തു​മാണ്‌. അവന്റെ തൊലി​പ്പു​റത്തു വ്രണങ്ങ​ളുണ്ട്‌. അവൻ അങ്ങേയറ്റം അസ്വസ്ഥ​നാണ്‌. എറിക്കി​ന്റെ കണ്ണുകൾ പരി​ശോ​ധി​ക്കു​മ്പോൾ ഡോക്ടർ വളരെ ശ്രദ്ധി​ക്കേ​ണ്ട​തുണ്ട്‌, കാരണം അവന്റെ നേത്ര​ക​ല​യ്‌ക്ക്‌ എളുപ്പ​ത്തിൽ ക്ഷതം സംഭവി​ച്ചേ​ക്കാം. സാധ്യ​ത​യ​നു​സ​രിച്ച്‌ എറിക്കി​ന്റെ മാനസിക വികാ​സ​ത്തി​നും തകരാറു സംഭവി​ച്ചി​ട്ടുണ്ട്‌. ദുഃഖ​ക​ര​മെന്നു പറയട്ടെ, ഈ കുട്ടി​യു​ടേ​തു​പോ​ലുള്ള അവസ്ഥ അസാധാ​ര​ണ​മായ ഒന്നല്ല.

“ലോക​മൊ​ട്ടാ​കെ​യുള്ള പകുതി​യി​ല​ധി​കം ശിശു​മ​ര​ണ​ങ്ങ​ളി​ലും ഇതിനു പങ്കുണ്ട്‌. മാനവ​രാ​ശി​യെ ഗ്രസിച്ച കറുത്ത മരണമെന്ന പകർച്ച​വ്യാ​ധി​ക്കു ശേഷം ഇത്രയ​ധി​കം മരണങ്ങൾക്ക്‌ ഇടയാ​ക്കി​യി​ട്ടുള്ള ഒരു രോഗം തലപൊ​ക്കി​യി​ട്ടില്ല. എന്നാൽ ഇതാകട്ടെ ഒരു പകർച്ച​വ്യാ​ധി അല്ലതാ​നും. ഇതിനെ അതിജീ​വി​ക്കു​ന്ന​വ​രും ഇതിന്റെ വിനാ​ശ​ക​ഫ​ലങ്ങൾ പേറുന്നു. ദശലക്ഷങ്ങൾ അംഗ​വൈ​ക​ല്യ​മു​ള്ള​വ​രാ​യി​ത്തീ​രു​ന്നു, ഇവരുടെ രോഗ​പ്ര​തി​രോധ ശേഷി താറു​മാ​റാ​കു​ന്നു, മാനസിക വൈക​ല്യ​ങ്ങ​ളും ഇവരെ ബാധി​ക്കു​ന്നു. ഇതിന്റെ കരാള​ഹ​സ്‌തങ്ങൾ സ്‌ത്രീ​ക​ളെ​യും കുടും​ബ​ങ്ങ​ളെ​യും ആത്യന്തി​ക​മാ​യി സമൂഹ​ത്തെ​ത്തന്നെ വരിഞ്ഞു​മു​റു​ക്കു​ന്നു.”—ഐക്യ​രാ​ഷ്‌ട്ര ശിശു​ക്ഷേമ നിധി​യു​ടെ (യൂനി​സെഫ്‌) റിപ്പോർട്ടായ ലോക​ത്തി​ലെ കുട്ടി​ക​ളു​ടെ അവസ്ഥ (ഇംഗ്ലീഷ്‌).

മേൽ വിവരി​ച്ചത്‌ ഏതു രോഗ​ത്തെ​പ്പ​റ്റി​യാണ്‌? “ശ്രദ്ധി​ക്ക​പ്പെ​ടാ​തെ പോകുന്ന ഒരു അടിയ​ന്തിര പ്രശ്‌നം” എന്നു ലോകാ​രോ​ഗ്യ സംഘടന വിശേ​ഷി​പ്പിച്ച വികല​പോ​ഷ​ണത്തെ—പ്രത്യേ​കിച്ച്‌ മാംസ്യ-ഊർജ വികല​പോ​ഷ​ണത്തെ (പ്രൊ​ട്ടീൻ-എനർജി മാൽന്യു​ട്രീ​ഷ്യൻ, പിഇഎം) [മാംസ്യ​ങ്ങ​ളു​ടെ​യോ കലോ​റി​ക​ളു​ടെ​യോ അതിന്റെ രണ്ടി​ന്റെ​യു​മോ കുറവു മൂലമു​ണ്ടാ​കുന്ന വികല​പോ​ഷണം]—കുറിച്ച്‌. ഈ ദുരന്തം എത്ര വലുതാണ്‌? ലോകാ​രോ​ഗ്യ സംഘടന ഇപ്രകാ​രം പറയുന്നു: “ഓരോ വർഷവും ലോക​മൊ​ട്ടാ​കെ മരിക്കുന്ന 1 കോടി 4 ലക്ഷം കുട്ടി​ക​ളിൽ പകുതി പേരു​ടെ​യെ​ങ്കി​ലും മരണത്തിൽ ഇതി​നൊ​രു പങ്കുണ്ട്‌.”

 വികല​പോ​ഷ​ണ​ത്തി​ന്റെ പട്ടിക​യിൽ ഉൾപ്പെ​ടു​ത്താ​വുന്ന വളരെ​യ​ധി​കം ആരോ​ഗ്യ​പ്ര​ശ്‌നങ്ങൾ ഉണ്ട്‌. ജീവക​ങ്ങ​ളോ ധാതു​ക്ക​ളോ പോലെ ഒന്നോ അതില​ധി​ക​മോ പോഷ​ക​ങ്ങ​ളു​ടെ അപര്യാ​പ്‌തത മൂലമുള്ള പോഷ​ണ​ക്കു​റവ്‌ മുതൽ പൊണ്ണ​ത്ത​ടി​യും ഭക്ഷണ​ക്ര​മ​ത്തോ​ടു ബന്ധപ്പെട്ട സ്ഥായി​യായ മറ്റു രോഗ​ങ്ങ​ളും ഇവയ്‌ക്ക്‌ ഉദാഹ​ര​ണ​ങ്ങ​ളാണ്‌. എന്നിരു​ന്നാ​ലും, “പിഇഎം ആണ്‌ വികല​പോ​ഷ​ണ​ത്തി​ന്റെ ഏറ്റവും മാരക​മായ രൂപം” എന്നു ലോകാ​രോ​ഗ്യ സംഘടന പറയുന്നു. അഞ്ചു വയസ്സിൽ താഴെ​യുള്ള കുട്ടി​ക​ളാണ്‌ ഇതിന്റെ മുഖ്യ ഇരകൾ.

തുടക്ക​ത്തിൽ പരാമർശിച്ച എറിക്കി​നെ​പ്പോ​ലെ വികല​പോ​ഷി​ത​രായ ദശലക്ഷ​ക്ക​ണ​ക്കി​നു കുഞ്ഞു​ങ്ങളെ കുറിച്ച്‌ ഒന്നു ചിന്തി​ക്കുക. അത്തര​മൊ​രു അവസ്ഥയി​ലാ​യ​തിന്‌ അവർ ഉത്തരവാ​ദി​കളല്ല, അവർക്ക്‌ അതിൽ നിന്നു രക്ഷപ്പെ​ടാൻ കഴിയു​ക​യു​മില്ല. ശിശു​പോ​ഷക വിദഗ്‌ധ​യായ ഹിയോർഹീ​നാ റ്റൂസാ​യിന്റ്‌ ഉണരുക!യോട്‌ ഇങ്ങനെ പറഞ്ഞു: “നിരപ​രാ​ധി​ക​ളും നിസ്സഹാ​യ​രു​മാണ്‌ ദുരന്ത​ഫ​ലങ്ങൾ അനുഭ​വി​ക്കു​ക​യും കഷ്ടപ്പെ​ടു​ക​യും ചെയ്യു​ന്നത്‌.”

എല്ലാവർക്കും വേണ്ടു​വോ​ളം ഭക്ഷണം ലഭ്യമ​ല്ലെ​ന്നും തത്‌ഫ​ല​മാ​യി ഈ ദുരവസ്ഥ ഒഴിവാ​ക്കാ​നാ​വാത്ത ഒന്നാ​ണെ​ന്നും ചിലർ നിഗമനം ചെയ്‌തേ​ക്കാം. എന്നാൽ ലോകാ​രോ​ഗ്യ സംഘടന പറയു​ന്നതു ശ്രദ്ധി​ക്കുക: “നാം ജീവി​ക്കു​ന്നത്‌ സമൃദ്ധി​യു​ടെ ഒരു ലോക​ത്താണ്‌.” അതേ, ഭൂമി​യി​ലെ സകല മനുഷ്യർക്കും ആവശ്യ​മാ​യ​തി​ലും അധികം ഭക്ഷണം ഇവി​ടെ​യുണ്ട്‌. മാത്രമല്ല, ഏറ്റവും എളുപ്പ​ത്തിൽ തടയാ​വു​ന്ന​തും ഏറ്റവും കുറഞ്ഞ ചിലവിൽ ചികി​ത്സി​ച്ചു ഭേദമാ​ക്കാ​വു​ന്ന​തു​മായ രോഗ​മാ​ണു വികല​പോ​ഷണം. ഈ വസ്‌തു​തകൾ നിങ്ങളെ രോഷം കൊള്ളി​ക്കു​ന്നി​ല്ലേ?

 വികല​പോ​ഷ​ണ​ത്തി​ന്റെ ഇരകൾ

വികല​പോ​ഷണം കുട്ടി​ക​ളിൽ മാത്രം ഒതുങ്ങി​നിൽക്കു​ന്നില്ല. ലോകാ​രോ​ഗ്യ സംഘട​ന​യു​ടെ 2001 ജൂ​ലൈ​യി​ലെ റിപ്പോർട്ട​നു​സ​രിച്ച്‌ “വികല​പോ​ഷണം വീഴ്‌ത്തുന്ന കരിനി​ഴൽ എങ്ങും വ്യാപി​ച്ചി​രി​ക്കു​ക​യാണ്‌. ഏതാണ്ട്‌ 80 കോടി ആളുകളെ, ലോകത്തെ വികസ്വര രാജ്യ​ങ്ങ​ളി​ലെ മൊത്തം ആളുക​ളു​ടെ 20 ശതമാ​നത്തെ, അതു ബാധി​ച്ചി​രി​ക്കു​ന്നു.” ലോക​വ്യാ​പ​ക​മാ​യി എട്ടു പേരിൽ ഒരാൾ വീതം ഇതിന്റെ കെടു​തി​കൾ സഹിക്കു​ന്നു എന്നാണ്‌ ഇതിന്റെ അർഥം.

വികല​പോ​ഷി​ത​രായ ആളുകൾ ഏറ്റവും കൂടുതൽ ഉള്ളത്‌ ഏഷ്യയി​ലാണ്‌, പ്രധാ​ന​മാ​യും ദക്ഷിണ മധ്യ ഏഷ്യയിൽ. എന്നാൽ ജനസം​ഖ്യ​യോ​ടുള്ള അനുപാ​ത​ത്തിൽ നോക്കി​യാൽ ഏറ്റവും കൂടുതൽ വികല​പോ​ഷി​ത​രു​ള്ളത്‌ ആഫ്രി​ക്ക​യി​ലാണ്‌. കരീബി​യ​നി​ലും ലാറ്റിൻ അമേരി​ക്ക​യി​ലു​മുള്ള ചില വികസ്വര രാജ്യ​ങ്ങൾക്കാണ്‌ അടുത്ത സ്ഥാനം.

വികസി​ത​രാ​ജ്യ​ങ്ങൾ വികല​പോ​ഷ​ണ​ത്തി​ന്റെ പിടി​യിൽനി​ന്നും വിമു​ക്ത​മാ​ണോ? അല്ല. ലോക​ത്തി​ലെ ഭക്ഷ്യ അരക്ഷി​ത​ത്വം 2001 (ഇംഗ്ലീഷ്‌), എന്ന റിപ്പോർട്ടു പ്രകാരം, വ്യവസാ​യ​വ​ത്‌കൃത രാജ്യ​ങ്ങ​ളിൽ ജീവി​ക്കുന്ന 1 കോടി 10 ലക്ഷം ആളുകൾ വികല​പോ​ഷി​ത​രാണ്‌. മാത്രമല്ല, പ്രത്യേ​കി​ച്ചും കിഴക്കൻ യൂറോ​പ്പിൽ ഉള്ള രാജ്യ​ങ്ങ​ളും മുൻ സോവി​യറ്റ്‌ യൂണി​യന്റെ ഭാഗമാ​യി​രുന്ന റിപ്പബ്ലി​ക്കു​ക​ളും പോലെ, വികസിത രാജ്യ​ങ്ങ​ളു​ടെ നിരയി​ലേക്കു പുരോ​ഗ​മി​ച്ചു​കൊ​ണ്ടി​രി​ക്കു​ന്ന​വ​യിൽ വികല​പോ​ഷി​ത​രായ 2 കോടി 70 ലക്ഷം ആളുക​ളുണ്ട്‌.

വികല​പോ​ഷ​ണം ഇത്രമാ​ത്രം ഗുരു​ത​ര​മാ​കാൻ കാരണ​മെ​ന്താണ്‌? വികല​പോ​ഷി​ത​രു​ടെ അവസ്ഥ മെച്ച​പ്പെ​ടു​ത്താൻ ഇപ്പോൾ എന്തെങ്കി​ലും ചെയ്യാൻ കഴിയു​മോ? ഇതിന്റെ കരാള​ഹ​സ്‌ത​ത്തിൽനി​ന്നു നമ്മുടെ ഭൂഗ്രഹം എന്നെങ്കി​ലും മോചി​ത​മാ​കു​മോ? അടുത്ത ലേഖനങ്ങൾ ഈ ചോദ്യ​ങ്ങൾ പരിചി​ന്തി​ക്കു​ന്ന​താ​യി​രി​ക്കും. (g03 2/22)

[അടിക്കു​റിപ്പ്‌]

[4-ാം പേജിലെ ചാർട്ട്‌/മാപ്പ്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

വികലപോഷണത്തിന്റെ അപകട​സാ​ധ്യ​ത​യി​ലാ​യി​രി​ക്കുന്ന രാജ്യങ്ങൾ

ഉയർന്ന അപകട​സാ​ധ്യ​ത

ശരാശരി അപകട​സാ​ധ്യ​ത

കുറഞ്ഞ അപകട​സാ​ധ്യ​ത

അപകടസാധ്യത ഇല്ല അല്ലെങ്കിൽ വിവരങ്ങൾ അപര്യാ​പ്‌തം

[3-ാം പേജിലെ ചിത്രം]

സുഡാനിൽ ദുരി​താ​ശ്വാ​സ സഹായ​വും പ്രതീ​ക്ഷിച്ച്‌

[കടപ്പാട്‌]

UN/DPI Photo by Eskinder Debebe