ഞങ്ങളുടെ വായന​ക്കാ​രിൽനിന്ന്‌

ചൂതാട്ടം “ചൂതാട്ടം—നിരു​പ​ദ്ര​വ​ക​ര​മായ വിനോ​ദ​മോ?” എന്ന ലേഖന പരമ്പര ഞാൻ വായിച്ചു കഴിഞ്ഞ​തേ​യു​ള്ളൂ. (സെപ്‌റ്റം​ബർ 8, 2002) കാലോ​ചി​ത​മായ ഈ വിവരങ്ങൾ പ്രസി​ദ്ധീ​ക​രി​ക്കാൻ നിങ്ങളെ ഉപയോ​ഗി​ച്ച​തിന്‌ ഞാൻ യഹോ​വ​യോ​ടു നന്ദി പറയുന്നു. ചൂതാട്ട ആസക്തി​യു​ള്ള​വ​രു​ടെ ലക്ഷണങ്ങൾ പട്ടിക​പ്പെ​ടു​ത്തി​യി​രു​ന്നതു വായി​ച്ച​പ്പോൾ എനിക്ക്‌ അതിശയം തോന്നി. കാരണം നിങ്ങൾ എന്റെ ഭർത്താ​വി​നെ കുറി​ച്ചു​തന്നെ വിവരി​ക്കു​ന്ന​തു​പോ​ലെ ആയിരു​ന്നു അത്‌! ദുഃഖ​ക​ര​മെന്നു പറയട്ടെ, മോശ​മായ ഈ ശീലം ഗുരു​ത​ര​മായ മറ്റു പാപങ്ങ​ളി​ലേ​ക്കും നയിച്ചു. ചൂതാട്ടം തീക്കളി​യാണ്‌. ഇതു നിരു​പ​ദ്ര​വ​ക​ര​മായ വിനോ​ദമല്ല എന്ന്‌ എല്ലാവ​രും ഓർമി​ക്കും എന്നു ഞാൻ പ്രത്യാ​ശി​ക്കു​ന്നു.

എം. ജി., ഐക്യ​നാ​ടു​കൾ (g03 3/22)

യുവജ​നങ്ങൾ ചോദി​ക്കു​ന്നു “യുവജ​നങ്ങൾ ചോദി​ക്കു​ന്നു . . . എന്നെ കൂടുതൽ ആകർഷ​ക​മാ​ക്കാൻ എന്തു ചെയ്യാ​നാ​കും?” എന്ന ലേഖന​ത്തിന്‌ എന്റെ ഹൃദയം​ഗ​മ​മായ നന്ദി. (സെപ്‌റ്റം​ബർ 8, 2002) എനിക്ക്‌ 22 വയസ്സുണ്ട്‌. എന്റെ ആന്തരിക ഗുണങ്ങൾ മെച്ച​പ്പെ​ടു​ത്താൻ ആ ലേഖനം എന്നെ പ്രോ​ത്സാ​ഹി​പ്പി​ച്ചു. സൗമ്യത എന്ന ഗുണം വളർത്തി​യെ​ടു​ക്കുക എന്നതാണ്‌ എന്റെ പ്രഥമ​ല​ക്ഷ്യം. എല്ലാറ്റി​ലും ഉപരി​യാ​യി യഹോ​വ​യു​ടെ ദൃഷ്ടി​യിൽ അഴകുള്ള വ്യക്തി​യാ​യി​ത്തീ​രാൻ ഞാൻ ആഗ്രഹി​ക്കു​ന്നു. ഇത്തരം നല്ല ലേഖനങ്ങൾ ദയവായി തുടർന്നും പ്രസി​ദ്ധീ​ക​രി​ക്കുക.

എ. എച്ച്‌., ജപ്പാൻ (g03 3/8)

ഈ ലേഖനം എന്റെ ഹൃദയത്തെ തൊട്ടു​ണർത്തി. എനിക്ക്‌ 18 വയസ്സുണ്ട്‌. ആത്മീയ ഗുണങ്ങൾ വളർത്തി​യെ​ടു​ക്കേ​ണ്ട​തി​ന്റെ പ്രാധാ​ന്യ​ത്തെ കുറിച്ചു ഞാൻ ചില​പ്പോ​ഴൊ​ക്കെ മറന്നു പോകാ​റുണ്ട്‌. ഇനിമു​തൽ യഹോ​വ​യു​ടെ സഹായ​ത്താൽ ആത്മാവി​ന്റെ ഫലങ്ങൾ നട്ടുവ​ളർത്താൻ ഞാൻ ദൃഢനി​ശ്ചയം ചെയ്‌തി​രി​ക്കു​ന്നു.—ഗലാത്യർ 5:22, 23.

എം. ആർ. എ., ബ്രസീൽ (g03 3/8)

ആളുകൾക്ക്‌ എന്നെ കണ്ടാൽ ആകർഷണം തോന്നു​മോ എന്ന്‌ കഴിഞ്ഞ രണ്ടു വർഷമാ​യി ഞാൻ പലപ്പോ​ഴും ചിന്തി​ക്കു​മാ​യി​രു​ന്നു. എന്നെ കാണാൻ അത്ര ഭംഗി​യി​ല്ലെന്നു ചില​പ്പോൾ തോന്നു​മാ​യി​രു​ന്നു. എന്നാൽ ഈ ലേഖനം വായിച്ചു കഴിഞ്ഞ​പ്പോൾ, ദൈവ​ത്തി​ന്റെ നീതി​യുള്ള ഒരു ദാസി​യാ​യി​രി​ക്കു​ന്ന​തി​ലൂ​ടെ എനിക്കു ദൈവ​മു​മ്പാ​കെ ആകർഷ​ക​ത്വം ഉള്ളവളാ​യി​രി​ക്കാൻ കഴിയു​മെ​ന്നും അതാണ്‌ ഏറ്റവും പ്രധാ​ന​മാ​യി​രി​ക്കു​ന്നത്‌ എന്നും എനിക്ക്‌ മനസ്സി​ലാ​ക്കാൻ കഴിഞ്ഞു. ആ വിവര​ങ്ങൾക്ക്‌ വളരെ നന്ദി.

ഐ. പി., ഐക്യ​നാ​ടു​കൾ (g03 3/8)

പ്രസവാ​നന്തര വിഷാദം “പ്രസവാ​നന്തര വിഷാ​ദ​വു​മാ​യുള്ള പോരാ​ട്ട​ത്തിൽ ഞാൻ വിജയി​ച്ചു” (സെപ്‌റ്റം​ബർ 8, 2002) എന്ന ലേഖന​ത്തി​ലെ വിവരങ്ങൾ വായി​ച്ച​പ്പോൾ ഏതു തരത്തി​ലു​മുള്ള വിഷാ​ദ​ത്തി​നും അത്‌ അനു​യോ​ജ്യ​മാ​യി​രി​ക്കു​ന്ന​താ​യി എനിക്കു തോന്നി. ഞാൻ വിഷാ​ദ​വു​മാ​യി സ്ഥിരം മല്ലിടു​ന്നു. ഇക്കാര്യ​ത്തിൽ ഞാൻ ഒറ്റയ്‌ക്കല്ല എന്നറി​ഞ്ഞത്‌ എനിക്കു പ്രോ​ത്സാ​ഹ​ന​മാ​യി. മാത്രമല്ല മറ്റ്‌ എല്ലാ രോഗ​ങ്ങ​ളെ​യും പോലെ വിഷാ​ദ​വും ദൈവ​രാ​ജ്യ​ത്തിൻ കീഴിൽ നിർമാർജനം ചെയ്യ​പ്പെ​ടും എന്നുള്ള പ്രത്യാ​ശ​യും എന്നെ ആശ്വസി​പ്പി​ക്കു​ന്നു.

സി. എച്ച്‌., ഐക്യ​നാ​ടു​കൾ (g03 3/22)

പത്തുമാ​സം മുമ്പ്‌, ഒരു പെൺകു​ഞ്ഞി​നു ജന്മമേ​കിയ ശേഷം പ്രസവാ​നന്തര ബുദ്ധി​ഭ്രമം എന്നെ ബാധി​ക്കാൻ തുടങ്ങി. എന്റെ കുഞ്ഞിന്റെ ഒരു കാര്യ​ത്തി​ലും ശ്രദ്ധി​ക്കാൻ എനിക്കു താത്‌പ​ര്യ​മി​ല്ലാ​യി​രു​ന്നു. വൈദ്യ​സ​ഹാ​യ​വും കുടും​ബാം​ഗ​ങ്ങ​ളു​ടെ​യും സഭയിലെ സഹോ​ദ​ര​ങ്ങ​ളു​ടെ​യും സ്‌നേ​ഹ​പൂർവ​ക​മായ പിന്തു​ണ​യും എനിക്കു വലിയ സഹായ​മാ​യി​രി​ക്കു​ന്നു. ഈ രോഗത്തെ കുറിച്ചു മനസ്സി​ലാ​ക്കാൻ മറ്റു സ്‌ത്രീ​ക​ളെ​യും അവരുടെ കുടും​ബാം​ഗ​ങ്ങ​ളെ​യും ഈ ലേഖനം സഹായി​ക്കു​മെന്നു ഞാൻ പ്രത്യാ​ശി​ക്കു​ന്നു. ഈ മാസി​ക​യു​ടെ ഒരു പ്രതി എന്റെ ഡോക്ടർക്കു നൽകാൻ ഞാൻ ആഗ്രഹി​ക്കു​ന്നു.

എസ്‌. ഇസ്സഡ്‌., ദക്ഷിണാ​ഫ്രിക്ക (g03 3/22)

തലമുടി “നിങ്ങൾ തലമു​ടി​യെ കുറിച്ച്‌ ഉത്‌ക​ണ്‌ഠ​പ്പെ​ടു​ന്നു​വോ?” എന്ന ലേഖന​ത്തി​നു ഹൃദയം​ഗ​മ​മായ നന്ദി പറയാൻ ഞാൻ ആഗ്രഹി​ക്കു​ന്നു. (സെപ്‌റ്റം​ബർ 8, 2002) എനിക്കു 36 വയസ്സുണ്ട്‌. ചെറിയ തോതി​ലാ​ണെ​ങ്കി​ലും എന്റെ മുടി കൊഴി​യു​ന്ന​തി​നെ​യും ഉള്ളു കുറയു​ന്ന​തി​നെ​യും ചൊല്ലി ഞാൻ വിഷമി​ക്കാൻ തുടങ്ങി​യിട്ട്‌ കുറച്ചു​നാ​ളാ​യി. എന്നാൽ ദിവസ​വും കുറച്ചു മുടി കൊഴി​യു​ന്നതു സ്വാഭാ​വി​ക​മാ​ണെന്നു മനസ്സി​ലാ​ക്കാൻ ഈ ലേഖനം എന്നെ സഹായി​ച്ചു. ഇപ്പോൾ എനിക്ക്‌ വളരെ​യേറെ ആശ്വാസം തോന്നു​ന്നു. ഇത്തരം ലേഖനങ്ങൾ പ്രസി​ദ്ധീ​ക​രി​ക്കു​ന്നതു നിറു​ത്ത​രുത്‌!

വി. ജി., സ്ലൊവാ​ക്യ (g03 3/22)

തക്കസമ​യ​ത്താണ്‌ എനിക്ക്‌ ഈ ലേഖനം കിട്ടി​യത്‌. എന്റെ മുടി കൊഴി​യു​ന്ന​തു​കൊ​ണ്ടു ഞാൻ അങ്ങേയറ്റം വിഷമ​ത്തി​ലാ​യി​രു​ന്നു. ഈ ലേഖനം, പ്രത്യേ​കി​ച്ചും “സാധാ​ര​ണ​ഗ​തി​യിൽ നിങ്ങൾ നിങ്ങളു​ടെ മുടിയെ കുറിച്ചു ചിന്തി​ക്കുന്ന അത്രയും മറ്റുള്ളവർ ചിന്തി​ക്കു​ന്നില്ല” എന്ന പ്രസ്‌താ​വന, എന്നെ ഏറെ സാന്ത്വ​ന​പ്പെ​ടു​ത്തി. മാത്രമല്ല, കേശസം​ബ​ന്ധ​മായ പ്രശ്‌ന​ങ്ങ​ളൊ​ന്നും ഇല്ലാത്ത ഒരാളു​ടെ തലയിൽനി​ന്നു പോലും ദിവസ​വും ഏകദേശം 70 മുതൽ 100 വരെ മുടികൾ കൊഴി​ഞ്ഞു​പോ​കു​ന്നുണ്ട്‌ എന്നറി​ഞ്ഞ​തും എത്ര ആശ്വാ​സ​മാ​യി​രു​ന്നെ​ന്നോ!

ഇ. എൽ., ഐക്യ​നാ​ടു​കൾ (g03 3/22)