രൂഢമൂ​ല​മായ കാരണ​ങ്ങ​ളും ദൂരവ്യാ​പക ഫലങ്ങളും

“എനിക്കു വിശക്കു​ന്നു​ണ്ടാ​യി​രു​ന്നു, എന്റെ വിശപ്പി​നെ​പ്പറ്റി അന്വേ​ഷി​ക്കാൻ നിങ്ങൾ ഒരു കമ്മിറ്റി രൂപീ​ക​രി​ച്ചു. എനിക്കു വീടി​ല്ലാ​യി​രു​ന്നു, എന്റെ ഈ ദുരവ​സ്ഥ​യെ​പ്പറ്റി നിങ്ങൾ ഒരു റിപ്പോർട്ടു തയ്യാറാ​ക്കി. ഞാൻ രോഗി​യാ​യി​രു​ന്നു, ഹതഭാ​ഗ്യ​രെ കുറിച്ച്‌ ചർച്ച ചെയ്യാൻ നിങ്ങൾ ഒരു സെമി​നാർ വിളി​ച്ചു​കൂ​ട്ടി. എന്റെ ദുരി​ത​ത്തി​ന്റെ സമസ്‌ത​ത​ല​ങ്ങ​ളെ​യും കുറിച്ചു നിങ്ങൾ അന്വേ​ഷി​ച്ചു. എന്നി​ട്ടെ​ന്താ​യി, ഇന്നും ഞാൻ വിശക്കു​ന്ന​വ​നും വീടി​ല്ലാ​ത്ത​വ​നും രോഗി​യു​മാ​യി തുടരു​ന്നു.”—അജ്ഞാത ലേഖകൻ.

ലോക​ത്തി​ലെ പല സംഘട​ന​ക​ളും വികല​പോ​ഷണം അവസാ​നി​പ്പി​ക്കാൻ എണ്ണമറ്റ ശ്രമങ്ങൾ നടത്തി​യി​ട്ടുണ്ട്‌. എന്നാൽ അവയൊ​ന്നും പ്രതീ​ക്ഷിച്ച ഫലം കണ്ടില്ല. ഉദാഹ​ര​ണ​ത്തിന്‌, യുഎൻ ഭക്ഷ്യ-കാർഷിക സംഘട​ന​യു​ടെ (എഫ്‌എഒ) 1996-ലെ ലോക ഭക്ഷ്യ ഉച്ചകോ​ടി ലോക​ത്തി​ലെ വികല​പോ​ഷി​ത​രു​ടെ എണ്ണം പകുതി​യാ​യി കുറയ്‌ക്കാൻ ഒരു ലക്ഷ്യം വെക്കു​ക​യു​ണ്ടാ​യി, അതായത്‌, 2015 ആകു​മ്പോ​ഴേക്ക്‌ എണ്ണം ഏതാണ്ട്‌ 40 കോടി​യാ​യി കുറയ്‌ക്കാൻ. a

ചില പുരോ​ഗ​തി​കൾ കൈവ​രി​ക്കാ​നാ​യി എന്നത്‌ അഭിന​ന്ദ​നാർഹ​മാണ്‌. എന്നാൽ ദുഃഖ​ക​ര​മെന്നു പറയട്ടെ, “ലോക​വ്യാ​പ​ക​മാ​യി വികല​പോ​ഷണം കുറച്ചു​കൊ​ണ്ടു​വ​രു​ന്ന​തിൽ  വ്യക്തമാ​യും മാന്ദ്യം നേരി​ട്ടി​രി​ക്കു​ന്നു” എന്ന്‌ എഫ്‌എഒ-യുടെ അടുത്ത​കാ​ലത്തെ റിപ്പോർട്ടായ ലോക​ത്തി​ലെ ഭക്ഷ്യ അരക്ഷി​ത​ത്വം 2001, സമ്മതി​ക്കു​ന്നു. അതു​കൊണ്ട്‌ ഉച്ചകോ​ടി​യു​ടെ ലക്ഷ്യം ഇപ്പോ​ഴും അപ്രാ​പ്യ​മാ​യി തുടരു​ന്നു. മാത്രമല്ല “മിക്ക വികസ്വ​ര​രാ​ജ്യ​ങ്ങ​ളി​ലും വികല​പോ​ഷി​ത​രു​ടെ എണ്ണം ഗണ്യമാ​യി വർധി​ക്കു​ക​യാ​ണു ചെയ്‌തി​രി​ക്കു​ന്നത്‌” എന്നും റിപ്പോർട്ടു സമ്മതി​ക്കു​ന്നു.

ഈ ശത്രു​വി​നെ അടിയ​റവു പറയി​ക്കാൻ ഇത്ര ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊ​ണ്ടാണ്‌? ഇതിന്‌ ഉത്തരം കാണു​ന്ന​തിന്‌, വികല​പോ​ഷണം എന്താ​ണെ​ന്നും അതിന്റെ ദൂരവ്യാ​പക ഫലങ്ങളും രൂഢമൂ​ല​മായ കാരണ​ങ്ങ​ളും എന്തൊ​ക്കെ​യാ​ണെ​ന്നും നാം ആദ്യം പരി​ശോ​ധി​ക്കേ​ണ്ട​തുണ്ട്‌.

വികല​പോ​ഷ​ണ​ത്തിന്‌ ഇടയാ​ക്കു​ന്നത്‌ എന്താണ്‌?

ശരീര​കോ​ശ​ങ്ങൾക്ക്‌ ആവശ്യ​ത്തി​നു പോഷ​കങ്ങൾ ലഭിക്കാ​തെ വരു​മ്പോ​ഴാണ്‌ വികല​പോ​ഷണം സംഭവി​ക്കു​ന്നത്‌. സാധാ​ര​ണ​മാ​യി രണ്ടു ഘടകങ്ങൾ ഒന്നിച്ചു​ചേ​രു​മ്പോ​ഴാണ്‌ ഇത്‌ ഉണ്ടാകു​ന്നത്‌. അതായത്‌, (1) ആവശ്യ​ത്തി​നു മാംസ്യ​ങ്ങൾ, കലോ​റി​കൾ, ജീവകങ്ങൾ, ധാതുക്കൾ എന്നിവ ശരീര​ത്തിൽ എത്താതി​രി​ക്കൽ; (2) തുട​രെ​ത്തു​ടരെ ഉണ്ടാകുന്ന രോഗ​ബാധ.

വയറി​ള​ക്കം, അഞ്ചാം​പനി, മലമ്പനി എന്നിങ്ങ​നെ​യുള്ള രോഗ​ങ്ങ​ളും ശ്വാസ​കോ​ശ​സം​ബ​ന്ധ​മായ തകരാ​റു​ക​ളു​മൊ​ക്കെ ശരീരത്തെ തളർത്തി​ക്ക​ള​യു​ക​യും ശരീര​ത്തി​ലെ പോഷ​കങ്ങൾ നഷ്ടപ്പെ​ടാൻ ഇടയാ​ക്കു​ക​യും ചെയ്യും. രോഗിക്ക്‌ വിശപ്പ്‌ ഇല്ലാതാ​കു​ന്ന​തു​മൂ​ലം വളരെ കുറച്ച്‌ ആഹാരമേ കഴിക്കാ​നാ​കൂ, ഇതു വികല​പോ​ഷ​ണ​ത്തിന്‌ ഇടയാ​ക്കു​ന്നു. ഇനി, മറുവശം ചിന്തി​ച്ചാൽ ഒരിക്കൽ ഒരു കുട്ടി വികല​പോ​ഷി​ത​നാ​യി​ത്തീർന്നാൽപ്പി​ന്നെ അവൻ രോഗ​ബാ​ധി​ത​നാ​കാ​നുള്ള സാധ്യ​ത​യും വർധി​ക്കു​ന്നു. ഇങ്ങനെ പിഇഎം മൂലമുള്ള മരണനി​രക്ക്‌ വർധി​ക്കു​ന്ന​തി​ലേക്കു നയിക്കുന്ന ഒരു വിഷമ​വൃ​ത്തം സൃഷ്ടി​ക്ക​പ്പെ​ടു​ന്നു.

വികല​പോ​ഷ​ണം കൂടു​ത​ലും കുട്ടി​ക​ളിൽ കാണ​പ്പെ​ടു​ന്നത്‌ എന്തു​കൊ​ണ്ടാണ്‌? കുട്ടി​ക​ളു​ടെ വളർച്ച ത്വരിത ഗതിയി​ലാണ്‌. അതു​കൊണ്ട്‌ അവർക്കു കൂടുതൽ കലോ​റി​ക​ളും മാംസ്യ​ങ്ങ​ളും ആവശ്യ​മാണ്‌. സമാന​മായ കാരണ​ങ്ങ​ളാൽ ഗർഭി​ണി​കൾക്കും മുലയൂ​ട്ടുന്ന അമ്മമാർക്കും വികല​പോ​ഷ​ണ​ത്തി​നുള്ള സാധ്യത ഏറെയാണ്‌.

മിക്ക​പ്പോ​ഴും കുഞ്ഞിന്റെ പ്രശ്‌നം അതിന്റെ ജനനത്തി​നു മുമ്പു​തന്നെ തുടങ്ങു​ന്നു. ഗർഭകാ​ല​ത്തും അതിനു മുമ്പും മാതാവു വികല​പോ​ഷി​ത​യാ​ണെ​ങ്കിൽ ജനിക്കുന്ന കുഞ്ഞിനു തൂക്കക്കു​റവ്‌ ഉണ്ടായി​രി​ക്കും. തുടർന്ന്‌, കുഞ്ഞിന്റെ മുലകു​ടി നേരത്തേ നിറു​ത്തു​ന്ന​തും, അനാ​രോ​ഗ്യ​ക​ര​മായ ഭക്ഷണരീ​തി​കൾ പിൻപ​റ്റു​ന്ന​തും ശുചി​ത്വ​മി​ല്ലാ​യ്‌മ​യും വികല​പോ​ഷ​ണത്തെ വരുത്തി​വെ​ക്കു​ന്നു.

ആവശ്യ​ത്തിന്‌ പോഷ​ക​ഘ​ട​കങ്ങൾ ഇല്ലാതെ വരു​മ്പോൾ കുട്ടി​യു​ടെ വളർച്ച മുരടി​ക്കു​ന്നു. ഇത്തരം കുഞ്ഞുങ്ങൾ സദാ കരഞ്ഞു​കൊ​ണ്ടി​രി​ക്കു​ന്ന​താ​യി കാണാം. ഇവർക്ക്‌ രോഗങ്ങൾ പിടി​പെ​ടാ​നുള്ള സാധ്യത കൂടു​ത​ലാണ്‌. അവസ്ഥ വഷളാ​കു​ന്ന​തിന്‌ അനുസ​രിച്ച്‌ തൂക്കക്കു​റവു കൂടുതൽ പ്രകട​മാ​യി​ത്തീ​രു​ന്നു. കുഞ്ഞിന്റെ കണ്ണുക​ളും നെറു​ക​യി​ലെ ലോല​മായ ഭാഗവും (fontanel) കുഴി​യു​ന്നു. ത്വക്കി​നും കലകൾക്കും ഇലാസ്‌തി​കത നഷ്ടപ്പെ​ടു​ന്നു. ശരീ​രോ​ഷ്‌മാവ്‌ നിലനി​റു​ത്താ​നുള്ള കഴിവു കുറയു​ന്നു.

മറ്റു വിധങ്ങ​ളി​ലുള്ള വികല​പോ​ഷ​ണ​വും ഉണ്ട്‌. ഇവയും കുട്ടി​ക​ളു​ടെ വളർച്ച മുരടി​ക്കാൻ ഇടയാ​ക്കി​യേ​ക്കാം. ഉദാഹ​ര​ണ​ത്തിന്‌ ധാതു​ക്ക​ളു​ടെ​യും—പ്രധാ​ന​മാ​യി ഇരുമ്പ്‌, അയഡിൻ, സിങ്ക്‌ എന്നിവ—ജീവക​ങ്ങ​ളു​ടെ​യും—പ്രത്യേ​കി​ച്ചു ജീവകം എ—അപര്യാ​പ്‌തത ഇതിനു കാരണ​മാ​യേ​ക്കാം. ജീവകം എ-യുടെ കുറവ്‌ ലോക​വ്യാ​പ​ക​മാ​യി ഏകദേശം 10 കോടി കുഞ്ഞു​ങ്ങളെ ബാധി​ക്കു​ന്നു​വെ​ന്നും അന്ധതയ്‌ക്കു കാരണ​മാ​കു​ന്നു​വെ​ന്നും യൂനി​സെഫ്‌ പറയുന്നു. ഇതു പ്രതി​രോ​ധ​വ്യ​വ​സ്ഥയെ ദുർബ​ല​മാ​ക്കു​ക​യും രോഗ​ബാ​ധയെ ചെറു​ക്കാ​നുള്ള കുഞ്ഞിന്റെ പ്രാപ്‌തി കുറയ്‌ക്കു​ക​യും ചെയ്യുന്നു.

ദൂരവ്യാ​പക ഫലങ്ങൾ

വികല​പോ​ഷണം, പ്രത്യേ​കിച്ച്‌ കുട്ടി​ക​ളു​ടെ കാര്യ​ത്തിൽ ശരീരത്തെ താറു​മാ​റാ​ക്കു​ന്നു. ഹൃദയം, വൃക്കകൾ, വയറ്‌, കുടലു​കൾ, ശ്വാസ​കോ​ശങ്ങൾ, തലച്ചോറ്‌ എന്നിവ​യുൾപ്പെടെ എല്ലാ അവയവ​ങ്ങ​ളെ​യും വ്യവസ്ഥ​ക​ളെ​യും അതു ബാധി​ച്ചേ​ക്കാം.

വിവിധ പഠനങ്ങൾ തെളി​യി​ക്കുന്ന പ്രകാരം, ശാരീ​രിക വളർച്ച മുരടി​ക്കു​ന്ന​തോ​ടൊ​പ്പം കുട്ടിക്കു ബുദ്ധി​വൈ​ക​ല്യ​വും ഉണ്ടാകു​ന്നു. ഇത്തരം കുട്ടി​ക​ളു​ടെ ബുദ്ധി​നി​ല​വാ​ര​വും പഠന​പ്രാ​പ്‌തി​യും വളരെ താഴ്‌ന്ന​താ​യി​രി​ക്കും. വികല​പോ​ഷ​ണ​ത്തി​ന്റെ ദൂരവ്യാ​പക ഫലങ്ങളിൽ ഏറ്റവും ഗുരു​ത​ര​മാ​യവ എന്നാണ്‌ ഐക്യ​രാ​ഷ്‌ട്ര​ങ്ങ​ളു​ടെ ഒരു റിപ്പോർട്ട്‌ ഈ ഫലങ്ങളെ വിശേ​ഷി​പ്പി​ച്ചത്‌.

വികല​പോ​ഷ​ണ​ത്തെ അതിജീ​വി​ക്കുന്ന കുട്ടികൾ മുതിർന്നു കഴിയു​മ്പോ​ഴും ഇതിന്റെ പരിണ​ത​ഫ​ലങ്ങൾ അവരിൽ നിലനി​ന്നേ​ക്കാം. അതു​കൊ​ണ്ടാണ്‌ യൂനി​സെഫ്‌ ഇപ്രകാ​രം വിലപി​ച്ചത്‌: “പൂർണ​മാ​യി​ത്തന്നെ ഒഴിവാ​ക്കാ​നാ​കു​മാ​യി​രു​ന്നി​ട്ടും മനുഷ്യ ബുദ്ധി ഇത്ര വലിയ തോതിൽ നഷ്ടമാ​കാൻ അനുവ​ദി​ക്കുക എന്നത്‌ തീർത്തും ബുദ്ധി​ശൂ​ന്യ​വും കുറ്റക​ര​വും ആണ്‌.” അതു​കൊണ്ട്‌ വികല​പോ​ഷ​ണ​ത്തി​ന്റെ ദൂരവ്യാ​പക ഫലങ്ങൾ വലിയ ഉത്‌ക​ണ്‌ഠ​യ്‌ക്കു കാരണ​മാ​യി​ത്തീർന്നി​രി​ക്കു​ന്നു. ശൈശ​വ​ത്തിൽ വികല​പോ​ഷ​ണ​ത്തിന്‌ ഇരയായ കുട്ടികൾ മുതിർന്നു കഴിയു​മ്പോൾ അവർക്ക്‌ ഹൃ​ദ്രോ​ഗം, പ്രമേഹം, ഉയർന്ന രക്തസമ്മർദം എന്നിങ്ങ​നെ​യുള്ള നീണ്ടു​നിൽക്കുന്ന രോഗങ്ങൾ ഉണ്ടാകാൻ സാധ്യത കൂടു​ത​ലാ​ണെന്ന്‌ അടുത്ത​കാ​ലത്തെ ഗവേഷ​ണങ്ങൾ കാണി​ക്കു​ന്നു.

എന്നിരു​ന്നാ​ലും, യൂനി​സെഫ്‌ അംഗീ​ക​രി​ക്കുന്ന പ്രകാരം ഗുരു​ത​ര​മായ വികല​പോ​ഷ​ണമല്ല ഏറ്റവും വ്യാപ​ക​മായ പ്രശ്‌നം. അതിങ്ങനെ പറയുന്നു: “വികല​പോ​ഷ​ണ​വു​മാ​യി ബന്ധപ്പെട്ട മരണങ്ങ​ളിൽ 75 ശതമാ​ന​ത്തിൽ അധിക​വും ഉണ്ടായി​രി​ക്കു​ന്നതു മിതവും ചെറിയ തോതിൽ ഉള്ളതു​മായ വികല​പോ​ഷണം നിമി​ത്ത​മാണ്‌.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) കുട്ടി​ക​ളി​ലെ മിതമായ അല്ലെങ്കിൽ ചെറിയ തോതി​ലുള്ള വികല​പോ​ഷ​ണ​ത്തിന്‌ ദീർഘ​കാല ആരോ​ഗ്യ​പ്ര​ശ്‌ന​ങ്ങ​ളി​ലേക്കു നയിക്കാൻ കഴിയും. അതു​കൊണ്ട്‌ കുട്ടി​ക​ളിൽ വികല​പോ​ഷ​ണ​ത്തി​ന്റെ ലക്ഷണങ്ങൾ തിരി​ച്ച​റിഞ്ഞ്‌ ഉചിത​മായ ചികിത്സ നടത്തേ​ണ്ടതു വളരെ പ്രധാ​ന​മാണ്‌.—7-ാം പേജിലെ ചതുരം കാണുക.

 രൂഢമൂ​ല​മായ കാരണങ്ങൾ

നാം മുമ്പു കണ്ടതു​പോ​ലെ, വികല​പോ​ഷ​ണ​ത്തി​ന്റെ പ്രത്യക്ഷ കാരണം ആവശ്യ​ത്തി​നുള്ള ഭക്ഷണത്തി​ന്റെ ദൗർല​ഭ്യ​മാണ്‌. എന്നാൽ കൂടുതൽ സാരമായ സാമൂ​ഹിക, സാമ്പത്തിക, സാംസ്‌കാ​രിക, പാരി​സ്ഥി​തിക കാരണ​ങ്ങ​ളും ഉണ്ട്‌. ഇവയിൽ മുഖ്യം ദാരി​ദ്ര്യം ആണ്‌. ഇത്‌ പ്രത്യേ​കി​ച്ചു വികസ്വര രാജ്യ​ങ്ങ​ളി​ലെ ദശലക്ഷ​ങ്ങളെ ബാധി​ക്കു​ന്നു. എന്നിരു​ന്നാ​ലും, ദാരി​ദ്ര്യം വികല​പോ​ഷ​ണ​ത്തി​നുള്ള ഒരു കാരണം മാത്രമല്ല, അതിന്റെ ഒരു പരിണ​ത​ഫലം കൂടി​യാണ്‌. അതായത്‌, പോഷ​കാ​ഹാര കുറവ്‌ ആളുക​ളു​ടെ പ്രവർത്തന ക്ഷമതയെ ക്ഷയിപ്പി​ക്കു​ന്നു. തന്മൂലം ദാരി​ദ്ര്യ​ത്തി​ന്റെ രൂക്ഷത വർധി​ക്കു​ന്നു.

മറ്റുചില സംഗതി​ക​ളും ഇതിനു കാരണ​മാ​കു​ന്നുണ്ട്‌. അജ്ഞത അനാ​രോ​ഗ്യ​ക​ര​മായ ഭക്ഷണ ശീലങ്ങൾക്കു ഹേതു​വാ​കു​ന്നു.  നാം കണ്ടുക​ഴി​ഞ്ഞ​തു​പോ​ലെ രോഗ​ബാ​ധ​യും ഒരു പങ്കുവ​ഹി​ക്കു​ന്നു. അസന്തു​ലി​ത​മായ ഭക്ഷ്യവി​ത​ര​ണ​വും സ്‌ത്രീ​ക​ളോ​ടുള്ള വിവേ​ച​ന​യും പോലുള്ള സാമൂ​ഹി​ക​വും സാംസ്‌കാ​രി​ക​വു​മായ കാരണ​ങ്ങ​ളും ഉണ്ട്‌. സ്‌ത്രീ​കൾ മിക്ക​പ്പോ​ഴും പുരു​ഷ​ന്മാർ കഴിച്ച​തി​നു ശേഷമാ​ണു ഭക്ഷണം കഴിക്കു​ന്നത്‌, അതും അവരെ​ക്കാൾ കുറച്ചു മാത്രം. അതു​പോ​ലെ സ്‌ത്രീ​കൾക്കു വിദ്യാ​ഭ്യാ​സ​ത്തി​നുള്ള അവസര​ങ്ങ​ളും നിഷേ​ധി​ക്ക​പ്പെ​ടു​ന്നു. തന്മൂലം തങ്ങളുടെ കുട്ടി​കളെ വേണ്ടതു​പോ​ലെ പരിപാ​ലി​ക്കാ​നുള്ള അറിവ്‌ അവർക്കു ലഭിക്കാ​തെ പോകു​ന്നു.

ഇനി, പാരി​സ്ഥി​തിക ഘടകങ്ങൾ ഭക്ഷ്യോ​ത്‌പാ​ദ​ന​ത്തി​ന്റെ തോതു കുറയാൻ ഇടയാ​ക്കു​ന്നു. ഇവയിൽ പ്രകൃതി വിപത്തു​ക​ളും യുദ്ധവും ഉൾപ്പെ​ടും. ലോക​ത്തി​ലെ ഭക്ഷ്യ അരക്ഷി​ത​ത്വം 2001, പറയു​ന്ന​ത​നു​സ​രിച്ച്‌ 1999 ഒക്ടോബർ മുതൽ 2001 ജൂൺ വരെയുള്ള കാലഘ​ട്ട​ത്തിൽ മാത്രം 22 രാജ്യ​ങ്ങളെ വരൾച്ച ബാധി​ക്കു​ക​യു​ണ്ടാ​യി. 17 രാജ്യ​ങ്ങ​ളിൽ ചുഴലി​ക്കൊ​ടു​ങ്കാ​റ്റോ വെള്ള​പ്പൊ​ക്ക​മോ നാശം വിതച്ചു. 14 രാജ്യ​ങ്ങ​ളിൽ ആഭ്യന്ത​ര​യു​ദ്ധ​മോ കലാപ​മോ ഉണ്ടായി. 3 രാജ്യ​ങ്ങ​ളിൽ കൊടും​ശൈ​ത്യം അനുഭ​വ​പ്പെട്ടു, 2 രാജ്യ​ങ്ങ​ളിൽ ഭൂകമ്പം ഉണ്ടായി.

പ്രതി​വി​ധി​യും പ്രതി​രോ​ധ​വും

വികല​പോ​ഷണം ബാധിച്ച ഒരു കുട്ടിയെ എങ്ങനെ ചികി​ത്സി​ക്കാം? വികല​പോ​ഷണം ഗുരു​തരം ആണെങ്കിൽ പ്രാഥ​മിക ചികി​ത്സ​യ്‌ക്കാ​യി കുട്ടിയെ ആശുപ​ത്രി​യിൽ പ്രവേ​ശി​പ്പി​ക്കു​ന്ന​തു​ത​ന്നെ​യാണ്‌ ഉത്തമം. ഡോക്ടർമാർക്കാ​യുള്ള, ലോകാ​രോ​ഗ്യ സംഘട​ന​യു​ടെ ഒരു നിർദേ​ശ​പു​സ്‌തകം അനുസ​രിച്ച്‌, ഡോക്ടർമാർ കുട്ടി​യു​ടെ അവസ്ഥ വിലയി​രു​ത്തി എന്തെങ്കി​ലും രോഗ​ബാ​ധ​യോ നിർജ്ജ​ലീ​ക​ര​ണ​മോ ഉണ്ടെങ്കിൽ അതു ചികി​ത്സി​ക്കും. ക്രമേണ കുട്ടിക്കു ഭക്ഷണം നൽകാൻ തുടങ്ങു​ന്നു. ആദ്യ​മൊ​ക്കെ ട്യൂബു​വ​ഴി​യാണ്‌ ഭക്ഷണം ഉള്ളി​ലെ​ത്തി​ക്കുക. ഈ പ്രാരം​ഭ​ഘ​ട്ട​ത്തിന്‌ ഒരാഴ്‌ച സമയം ആവശ്യ​മാ​യി വന്നേക്കാം.

വികല​പോ​ഷ​ണം സംഭവി​ക്കു​ന്ന​തി​നു മുമ്പു​ണ്ടാ​യി​രുന്ന സ്ഥിതി​യി​ലേക്കു കുട്ടിയെ തിരികെ കൊണ്ടു​വ​രാ​നുള്ള ശ്രമമാണ്‌ അടുത്ത​താ​യി നടക്കു​ന്നത്‌. വീണ്ടും കുട്ടിക്ക്‌ അമ്മയുടെ പാൽ കൊടു​ത്തു തുടങ്ങു​ന്നു. എത്ര​ത്തോ​ളം ഭക്ഷണം കഴിക്കാ​മോ അത്രയും കഴിക്കാൻ പ്രോ​ത്സാ​ഹി​പ്പി​ക്കു​ന്നു. വൈകാ​രി​ക​വും ശാരീ​രി​ക​വു​മായ പിന്തുണ ഈ ഘട്ടത്തിൽ അനു​പേ​ക്ഷ​ണീ​യ​മാണ്‌. കുട്ടിക്കു പരിപാ​ല​ന​വും വാത്സല്യ​വും നൽകു​മ്പോൾ അവന്റെ അവസ്ഥയ്‌ക്ക്‌ അതിശ​യ​ക​ര​മായ പുരോ​ഗ​മനം ഉണ്ടാകു​ന്നു. കുട്ടി വീണ്ടും പഴയ ഗുരു​ത​രാ​വ​സ്ഥ​യിൽ ആകാതി​രി​ക്കാൻ, അമ്മയു​ടെ​യും കുഞ്ഞി​ന്റെ​യും ശുചി​ത്വം, ആരോ​ഗ്യ​ക​ര​മായ ഭക്ഷണ​ക്രമം എന്നിവ സംബന്ധിച്ച്‌ അമ്മയെ ബോധ​വ​ത്‌ക​രി​ക്കു​ന്നു. ഇതിനു​ശേഷം കുട്ടിയെ ആശുപ​ത്രി​യിൽനിന്ന്‌ വിട്ടയ​യ്‌ക്കു​ന്നു. എങ്കിലും അതിനു​ശേ​ഷ​വും ഇടയ്‌ക്കി​ട​യ്‌ക്ക്‌ കുട്ടിയെ ഡോക്ടറെ കാണി​ക്കാൻ ആശുപ​ത്രി​യി​ലോ ക്ലിനി​ക്കി​ലോ കൊണ്ടു​പോ​കേ​ണ്ടതു പ്രധാ​ന​മാണ്‌.

എന്നിരു​ന്നാ​ലും പ്രതി​രോ​ധം അതായത്‌ രോഗം വരാതെ നോക്കു​ന്ന​താണ്‌ എപ്പോ​ഴും അഭികാ​മ്യം. അതു​കൊ​ണ്ടാണ്‌ പല രാജ്യ​ങ്ങ​ളി​ലും ഗവണ്മെന്റ്‌ സ്ഥാപന​ങ്ങ​ളും സ്വകാര്യ സംഘട​ന​ക​ളു​മൊ​ക്കെ, ഭക്ഷണത്തി​ലെ കുറവു​നി​കത്തൽ പരിപാ​ടി​കൾ അഥവാ ജീവക​ങ്ങ​ളും മറ്റും ചേർത്ത്‌ സമ്പുഷ്ട​മാ​ക്കിയ ഭക്ഷണം പൊതു​ജ​ന​ങ്ങൾക്കു ലഭ്യമാ​ക്കുന്ന പരിപാ​ടി​കൾ നടപ്പി​ലാ​ക്കി​യി​രി​ക്കു​ന്നത്‌. വികല​പോ​ഷണം തടയു​ന്ന​തിൽ സമുദാ​യ​വും പല വിധത്തിൽ പങ്കുവ​ഹി​ക്കു​ന്നു. പോഷ​കാ​ഹാ​രത്തെ കുറി​ച്ചുള്ള വിദ്യാ​ഭ്യാ​സ പരിപാ​ടി​കൾ നടത്തുക, കുടി​വെള്ള സ്രോ​ത​സ്സു​കൾ സംരക്ഷി​ക്കുക, കക്കൂസു​കൾ നിർമി​ക്കുക, പരിസരം ശുചി​യാ​യി സൂക്ഷി​ക്കുക, പ്രതി​രോധ കുത്തി​വെപ്പു പ്രചാ​ര​ണ​പ​രി​പാ​ടി​കൾ ഏറ്റെടു​ത്തു നടത്തുക, കുട്ടി​ക​ളു​ടെ വളർച്ച​യും മാനസിക വികാ​സ​വും നിരീ​ക്ഷി​ക്കുക എന്നിങ്ങനെ പല വിധങ്ങ​ളിൽ സമുദാ​യം പൊതു​ജ​നാ​രോ​ഗ്യ​ത്തി​നു സംഭാവന ചെയ്യുന്നു.

എന്നാൽ വികല​പോ​ഷണം തടയാൻ ഓരോ വ്യക്തി​ക്കും എന്തു​ചെ​യ്യാൻ കഴിയും? 8-ാം പേജിലെ ചതുര​ത്തിൽ സഹായ​ക​മായ ചില നിർദേ​ശ​ങ്ങ​ളുണ്ട്‌. കൂടാതെ, ശിശു​പോ​ഷക വിദഗ്‌ധ​യായ ഹിയോർഹീന റ്റൂസാ​യി​ന്റി​ന്റെ ശുപാർശ അനുസ​രിച്ച്‌, കുഞ്ഞു ജനിച്ച്‌ ഏഴു ദിവസ​ത്തി​നു ശേഷം അമ്മ ശിശു​രോഗ വിദഗ്‌ധനെ സമീപി​ക്കു​ക​യോ ആരോ​ഗ്യ​പ​രി​പാ​ലന കേന്ദ്രം സന്ദർശി​ക്കു​ക​യോ ചെയ്യേ​ണ്ട​താണ്‌. കുഞ്ഞിന്‌ ഒരു മാസം പ്രായ​മാ​കു​മ്പോ​ഴും തുടർന്നുള്ള ഓരോ മാസത്തി​ലും ഇപ്രകാ​രം ചെയ്യേ​ണ്ട​താണ്‌. കുഞ്ഞിനു നിർജ്ജ​ലീ​ക​ര​ണ​മോ ഗുരു​ത​ര​മായ വയറി​ള​ക്ക​മോ പനിയോ ഉള്ളതിന്റെ ലക്ഷണങ്ങൾ കാണു​ന്നെ​ങ്കി​ലും അമ്മ വൈദ്യ​സ​ഹാ​യം തേടേ​ണ്ട​താണ്‌.

ഈ ശുപാർശ​ക​ളും നിർദേ​ശ​ങ്ങ​ളു​മൊ​ക്കെ കുട്ടി​ക​ളു​ടെ ഭക്ഷണ​ക്രമം മെച്ച​പ്പെ​ടു​ത്താൻ സഹായ​ക​മാ​ണെ​ങ്കി​ലും വികല​പോ​ഷണം മനുഷ്യ​ശ്ര​മ​ങ്ങ​ളാൽ പരിഹ​രി​ക്കാ​നാ​വാത്ത ഒരു വലിയ സമസ്യ​യാ​ണെന്നു സമ്മതി​ക്കേ​ണ്ടി​യി​രി​ക്കു​ന്നു. എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇങ്ങനെ സമ്മതിച്ചു പറയുന്നു: “എല്ലാവർക്കും ആവശ്യ​ത്തി​നു ഭക്ഷണപ​ദാർഥങ്ങൾ ലഭ്യമാ​ക്കു​ന്ന​തും പോഷ​കാ​ഹാ​രത്തെ കുറി​ച്ചുള്ള വിദ്യാ​ഭ്യാ​സം പ്രദാനം ചെയ്യു​ന്ന​തും ഒരു വിഷമ​പ്ര​ശ്‌ന​മാ​യി​ത്തന്നെ അവശേ​ഷി​ക്കു​ന്നു.” ആ സ്ഥിതിക്ക്‌, വികല​പോ​ഷണം എന്ന അടിയ​ന്തിര പ്രശ്‌നം എന്നെങ്കി​ലും പരിഹ​രി​ക്ക​പ്പെ​ടു​മെന്നു പ്രത്യാ​ശി​ക്കാ​നാ​കു​മോ? (g03 2/22)

[അടിക്കു​റിപ്പ്‌]

 [7-ാം പേജിലെ ചതുരം]

നിങ്ങളുടെ കുട്ടിക്ക്‌ പോഷ​കാ​ഹാര കുറവു​ണ്ടോ?

കുട്ടിക്കു മതിയായ പോഷണം ലഭിക്കു​ന്നു​ണ്ടോ ഇല്ലയോ എന്നതു സംബന്ധിച്ച്‌ ആരോഗ്യ വിദഗ്‌ധർ നിഗമ​ന​ത്തി​ലെ​ത്തു​ന്നത്‌ എങ്ങനെ​യാണ്‌? അവർ കുട്ടി​യിൽ കാണ​പ്പെ​ടുന്ന പല രോഗ​ല​ക്ഷ​ണങ്ങൾ വിശക​ലനം ചെയ്‌തേ​ക്കാം. കുട്ടി​യു​ടെ ആഹാര​ശീ​ല​ങ്ങ​ളെ​പ്പറ്റി അന്വേ​ഷി​ക്കാ​നി​ട​യുണ്ട്‌. ചില​പ്പോൾ ഒരു ലബോ​റ​ട്ടറി പരി​ശോ​ധന നടത്താൻ ആവശ്യ​പ്പെ​ട്ടേ​ക്കാം. എന്നിരു​ന്നാ​ലും, ഏറ്റവും സാധാ​ര​ണ​മാ​യി അവർ പിൻപ​റ്റുന്ന നടപടി​ക്രമം കുട്ടി​യു​ടെ ശരീര അളവുകൾ പരി​ശോ​ധി​ക്കുക എന്നതാണ്‌. കുട്ടി​യു​ടെ ശരീര അളവു​കളെ ആ പ്രായ​ത്തി​ലുള്ള ഒരു കുട്ടിക്ക്‌ ഉണ്ടായി​രി​ക്കേണ്ട തൂക്കം, ഉയരം തുടങ്ങി​യ​വ​യു​ടെ അനുപാ​തം സംബന്ധി​ച്ചുള്ള മാനദ​ണ്ഡ​വു​മാ​യി താരത​മ്യം ചെയ്യുന്നു. എന്തിന്റെ അഭാവ​ത്താ​ലുള്ള വികല​പോ​ഷ​ണ​മാ​ണു കുട്ടി​ക്കു​ള്ള​തെ​ന്നും അത്‌ എത്രമാ​ത്രം ഗുരു​ത​ര​മാ​ണെ​ന്നും വ്യക്തമായ നിഗമ​ന​ത്തി​ലെ​ത്താൻ ഇത്‌ അവരെ സഹായി​ക്കു​ന്നു.

തൂക്കം, ഉയരം, കൈയു​ടെ വണ്ണം എന്നിവ​യാണ്‌ ഏറ്റവും പ്രധാ​ന​പ്പെട്ട അളവുകൾ. തൂക്കവും പ്രായ​വും തമ്മിലുള്ള താരത​മ്യ​ത്തി​ലൂ​ടെ, വികല​പോ​ഷണം എത്ര രൂക്ഷമാ​ണെന്നു വ്യക്തമാ​കു​ന്നു. കുട്ടി വെറും എല്ലും തോലു​മാ​യി കാണ​പ്പെ​ടു​ന്നെ​ങ്കിൽ അവസ്ഥ അപകട​ക​ര​മാണ്‌. കുട്ടിക്ക്‌ സാധാരണ നിലവാ​ര​ത്തിൽനി​ന്നും 40 ശതമാ​ന​ത്തി​ലേറെ തൂക്കക്കു​റവ്‌ ഉണ്ടെങ്കിൽ അവസ്ഥ ഗുരു​ത​ര​മാ​യി​രി​ക്കു​ന്ന​താ​യി കണക്കാ​ക്ക​പ്പെ​ടു​ന്നു. തൂക്കക്കു​റവ്‌ 25 മുതൽ 40 വരെ ശതമാ​ന​മാ​ണെ​ങ്കിൽ വികല​പോ​ഷണം മിതവും 10 മുതൽ 25 വരെ ആണെങ്കിൽ ചെറിയ തോതി​ലു​ള്ള​തു​മാണ്‌. പ്രായ​ത്തോ​ടുള്ള താരത​മ്യ​ത്തിൽ കുട്ടിക്കു തീരെ പൊക്ക​ക്കു​റവ്‌ ആണെങ്കിൽ കുട്ടി വികല​പോ​ഷ​ണ​ത്തിന്‌ ഇരയാ​യിട്ട്‌ ദീർഘ​കാ​ല​മാ​യെന്നു മനസ്സി​ലാ​ക്കാം, കുട്ടി​യു​ടെ വളർച്ച മുരടി​ച്ചി​രി​ക്കു​ന്നു.

പിഇഎ​മ്മി​ന്റെ ഏറ്റവും ഗുരു​ത​ര​മായ രൂപങ്ങ​ളിൽ ചിലതാണ്‌ മരാസ്‌മസ്‌, ക്വാഷി​യോർകർ എന്നിവ. ചില​പ്പോ​ഴൊ​ക്കെ ഇവ രണ്ടി​ന്റെ​യും ലക്ഷണങ്ങൾ ഒരുമി​ച്ചു പ്രത്യ​ക്ഷ​പ്പെ​ടാ​റു​മുണ്ട്‌. 6 മുതൽ 18 വരെ മാസം പ്രായ​മുള്ള, അതായത്‌ മുലകു​ടി​ക്കുന്ന പ്രായ​ത്തി​ലുള്ള കുഞ്ഞു​ങ്ങ​ളി​ലാണ്‌ മരാസ്‌മസ്‌ (ക്രമേ​ണ​യുള്ള തൂക്കം നഷ്ടപ്പെടൽ) കണ്ടുവ​രു​ന്നത്‌. ആവശ്യ​മായ കലോ​റി​ക​ളു​ടെ​യും പോഷ​ക​ങ്ങ​ളു​ടെ​യും അഭാവം കുറെ നാളു​ക​ളാ​യി ശരീര​ത്തിൽ അനുഭ​വ​പ്പെ​ടു​മ്പോ​ഴാണ്‌ ഇതിനു മെല്ലെ തുടക്ക​മി​ടു​ന്നത്‌. ആവശ്യ​ത്തി​നു മുലയൂ​ട്ടാ​തി​രി​ക്കു​ക​യോ അമ്മയുടെ പാലിനു പകരം കൂടുതൽ നേർപ്പിച്ച ആഹാര​സാ​ധ​നങ്ങൾ കൊടു​ക്കു​ക​യോ ചെയ്യു​ന്ന​തി​നാ​ലാണ്‌ ഇതുണ്ടാ​കു​ന്നത്‌. തത്‌ഫ​ല​മാ​യി കുഞ്ഞിന്റെ തൂക്കം തീരെ കുറയു​ന്നു. പേശികൾ തീർത്തും ശോഷി​ച്ചിട്ട്‌ കുഞ്ഞ്‌ എല്ലും തോലു​മാ​കു​ന്നു. കുഞ്ഞിന്റെ വളർച്ച മുരടി​ക്കു​ന്നു. അവന്റെ മുഖം കുട്ടിത്തം നഷ്ടപ്പെട്ട്‌ ഏതാണ്ട്‌ ഒരു “വൃദ്ധന്റെ” മുഖം പോലെ ആയിത്തീ​രു​ന്നു. കുട്ടി സദാ അസ്വസ്ഥ​നാ​കു​ക​യും കരയു​ക​യും ചെയ്യുന്നു.

ക്വാഷി​യോർകർ എന്ന പദം ഒരു ആഫ്രിക്കൻ ഭാഷാ​ഭേ​ദ​ത്തിൽനി​ന്നാണ്‌ എടുത്തി​ട്ടു​ള്ളത്‌. “സ്ഥാന​ഭ്ര​ഷ്ട​നാ​ക്ക​പ്പെട്ട കുട്ടി” എന്നാണ്‌ അതിന്റെ അർഥം. അമ്മയ്‌ക്കു മറ്റൊരു കുഞ്ഞ്‌ ഉണ്ടാകു​മ്പോൾ ഇളയ കുഞ്ഞെന്ന സ്ഥാനം നഷ്ടപ്പെട്ട്‌ മുലകു​ടി നിറു​ത്തേ​ണ്ടി​വ​രുന്ന കുട്ടിയെ ഇത്‌ അർഥമാ​ക്കു​ന്നു. മുലകു​ടി നിറു​ത്തി​യ​തി​നു ശേഷമാണ്‌ ഈ അവസ്ഥ കണ്ടുവ​രു​ന്നത്‌. കലോ​റി​കൾ ആവശ്യ​ത്തിന്‌ അടങ്ങിയ ഭക്ഷണത്തി​ന്റെ അഭാവം ഇതിൽ ഉൾപ്പെ​ട്ടി​ട്ടു​ണ്ടെ​ങ്കി​ലും മാംസ്യ​ങ്ങൾ ഒട്ടും​തന്നെ കുട്ടിക്കു ലഭിക്കാ​തി​രി​ക്കു​ന്ന​താണ്‌ ഇതിനു പ്രധാന കാരണം. ശരീര​ത്തിൽ ദ്രാവ​കങ്ങൾ കെട്ടി​നിൽക്കാൻ ഇത്‌ ഇടയാ​ക്കു​ന്നു. തന്മൂലം ഉദരം, കൈകാ​ലു​കൾ എന്നിങ്ങ​നെ​യുള്ള ശരീര​ഭാ​ഗങ്ങൾ വീർത്തു​വ​രു​ന്നു. ചില​പ്പോൾ ഇതു മുഖ​ത്തെ​യും ബാധി​ക്കു​ന്നു. മുഖം പൂർണ ചന്ദ്ര​നെ​പ്പോ​ലെ വൃത്താ​കൃ​തി​യി​ലാ​യി​ത്തീ​രു​ന്നു. ത്വക്കിൽ വ്രണങ്ങൾ ഉണ്ടാകു​ന്നു, മുടി​യു​ടെ നിറത്തി​നും, ഘടനയ്‌ക്കും വ്യത്യാ​സം വരുന്നു. ഈ അവസ്ഥയി​ലുള്ള കുട്ടി​കൾക്കു കരൾവീ​ക്കം പിടി​പെ​ടു​ന്നു. അവർ ഉദാസീ​ന​രും ദുഃഖി​ത​രും ആയി കാണ​പ്പെ​ടു​ന്നു. മുമ്പു പരാമർശിച്ച എറിക്കി​ന്റെ കാര്യ​ത്തിൽ ഇതാണു സംഭവി​ച്ചത്‌. അവൻ ജനിച്ച ആ മാസം മാത്രമേ അമ്മ അവനെ മുലയൂ​ട്ടി​യു​ള്ളൂ. അതിനു ശേഷം വളരെ നേർപ്പിച്ച പശുവിൻ പാലാണ്‌ അവനു നൽകി​യത്‌. മൂന്നു​മാ​സം ആയപ്പോൾ അവന്‌ പച്ചക്കറി സൂപ്പു​ക​ളും പഞ്ചസാര വെള്ളവും നൽകാൻ തുടങ്ങി. അവനെ ഒരു അയൽക്കാ​രി​യു​ടെ സംരക്ഷ​ണ​യിൽ വിട്ടു.

പിഇഎ​മ്മി​ന്റെ മറ്റൊരു രൂപം മരാസ്‌മ​സി​ന്റെ​യും ക്വാഷി​യോർക​റി​ന്റെ​യും ലക്ഷണങ്ങൾ ഉൾപ്പെ​ടുന്ന ഒന്നാണ്‌. തക്കസമ​യത്തു ചികി​ത്സി​ച്ചി​ല്ലെ​ങ്കിൽ ഇവയെ​ല്ലാം മരണത്തിൽ കലാശി​ച്ചേ​ക്കാം.

[8-ാം പേജിലെ ചതുരം/ചിത്രം]

വികലപോഷണത്തിൽനിന്ന്‌ നിങ്ങളു​ടെ കുട്ടിയെ സംരക്ഷി​ക്കുക!

◼ കുട്ടിയെ വികല​പോ​ഷ​ണ​ത്തിൽ നിന്നും സംരക്ഷി​ക്കു​ന്ന​തിന്‌ അമ്മയുടെ ഭക്ഷണ​ക്രമം മെച്ച​പ്പെ​ടു​ത്തേ​ണ്ടത്‌ അനിവാ​ര്യ​മാണ്‌. ഗർഭി​ണി​ക​ളും മുലയൂ​ട്ടു​ന്ന​വ​രു​മായ സ്‌ത്രീ​കൾ കൂടുതൽ കലോ​റി​ക​ളും മാംസ്യ​ങ്ങ​ളും അടങ്ങിയ ഭക്ഷണം കഴി​ക്കേ​ണ്ട​തുണ്ട്‌. പ്രത്യേ​കി​ച്ചു മാംസ്യ​ങ്ങൾ, അമ്മയുടെ പാൽ വർധി​പ്പി​ക്കാൻ സഹായി​ക്കു​ന്നു. അതു​കൊണ്ട്‌, ഭക്ഷണം വളരെ കുറച്ചു മാത്രം ഉള്ളപ്പോൾ, കൊച്ചു​കു​ട്ടി​കൾക്കും ഗർഭധാ​രണം നടക്കാ​വുന്ന പ്രായ​ത്തി​ലുള്ള സ്‌ത്രീ​കൾക്കും മുൻഗണന കൊടു​ക്കേ​ണ്ട​താണ്‌.

◼ എല്ലായ്‌പോ​ഴും​തന്നെ കുഞ്ഞിനു ലഭിക്കാ​വുന്ന ഏറ്റവും മികച്ച ഭക്ഷണം അതിന്റെ അമ്മയുടെ പാൽ ആണ്‌. വിശേ​ഷിച്ച്‌, കുഞ്ഞു ജനിച്ചു കഴിഞ്ഞുള്ള ആദ്യദി​വ​സ​ങ്ങ​ളി​ലെ പാലിൽ കുഞ്ഞിനെ രോഗ​ബാ​ധ​യിൽ നിന്നു സംരക്ഷി​ക്കാ​നാ​വ​ശ്യ​മായ ആന്റി​ബോ​ഡി​കൾ (പ്രതി​വ​സ്‌തു​ക്കൾ) അടങ്ങി​യി​രി​ക്കു​ന്നു. ആദ്യത്തെ നാലു മാസ​ത്തോ​ളം കുഞ്ഞിന്റെ വളർച്ച​യ്‌ക്ക്‌ ആവശ്യ​മായ പോഷ​കങ്ങൾ എല്ലാം​തന്നെ മുലപ്പാ​ലിൽ നിന്നും ലഭിക്കു​ന്നു.

◼ മുലപ്പാൽ തുടർന്നും കുഞ്ഞിന്റെ മുഖ്യ ഭക്ഷണമാ​ണെ​ങ്കി​ലും നാലു​മാ​സ​ത്തി​നും ആറുമാ​സ​ത്തി​നും ഇടയ്‌ക്ക്‌ മറ്റു ഭക്ഷ്യവ​സ്‌തു​ക്കൾ കുഞ്ഞിനു കൊടു​ത്തു തുടങ്ങാം. ക്രമേണ പഴങ്ങളും പച്ചക്കറി​ക​ളു​മൊക്ക ഞെരടി കുഴച്ചു കൊടു​ക്കാ​വു​ന്ന​താണ്‌. ഓരോ പുതിയ ഭക്ഷണവു​മാ​യി പരിച​യ​ത്തി​ലാ​കാൻ കുഞ്ഞിന്‌ വേണ്ടത്ര സമയം അനുവ​ദി​ക്കുക. രണ്ടോ മൂന്നോ ദിവസം കഴിഞ്ഞ്‌, കുഞ്ഞ്‌ ആ ഭക്ഷണവു​മാ​യി പരിച​യി​ച്ച​ശേഷം മറ്റൊ​രു​തരം ഭക്ഷണം നൽകാൻ കഴിയും. പുതിയ ഭക്ഷണം കുഞ്ഞി​നെ​ക്കൊ​ണ്ടു കഴിപ്പി​ക്കു​ന്ന​തി​നു ക്ഷമയും തുടർച്ച​യായ ശ്രമവും ആവശ്യ​മാണ്‌. കുഞ്ഞി​നു​വേണ്ടി ആഹാരം തയ്യാറാ​ക്കു​മ്പോൾ മനസ്സിൽപ്പി​ടി​ക്കേണ്ട ഒരു സുപ്ര​ധാന സംഗതി​യുണ്ട്‌: കർശന​മായ ശുചി​ത്വ​പാ​ലനം! ഭക്ഷണപ​ദാർഥ​ങ്ങ​ളും ഉപയോ​ഗി​ക്കുന്ന പാത്ര​ങ്ങ​ളു​മെ​ല്ലാം നന്നായി കഴുകി വൃത്തി​യാ​ക്കുക!

◼ അഞ്ചുമു​തൽ ഒമ്പതു​വരെ മാസം പ്രായ​മുള്ള കുഞ്ഞു​ങ്ങൾക്ക്‌, പാലിൽനി​ന്നു കിട്ടുന്ന കലോ​റി​ക​ളും മാംസ്യ​വും മതിയാ​കാ​തെ വരും. അപ്പോൾ തുടർച്ച​യാ​യി മറ്റു ഭക്ഷണപ​ദാർഥങ്ങൾ കൊടു​ക്കേ​ണ്ട​താണ്‌. പച്ചക്കറി​ക​ളിൽ നിന്നു തയ്യാറാ​ക്കുന്ന ബേബി​ഫുഡ്‌, മറ്റുതരം കുറു​ക്കു​കൾ എന്നിവ​യാണ്‌ ആദ്യം കൊടു​ത്തു തുടങ്ങാ​വു​ന്നവ. തുടർന്ന്‌ മാംസ​വും പാൽ ഉത്‌പ​ന്ന​ങ്ങ​ളും നൽകാൻ കഴിയും. ആദ്യ​മൊ​ക്കെ ഭക്ഷണം നന്നായി അരിച്ചു നൽകേ​ണ്ട​താണ്‌. എന്നാൽ കുഞ്ഞിന്‌ ആറുമാ​സം പ്രായ​മാ​കു​ന്ന​തോ​ടെ ഭക്ഷണപ​ദാർഥങ്ങൾ തീരെ ചെറു​താ​യി അരിഞ്ഞു നൽകി​യാൽ മതിയാ​കും. ഉപ്പോ പഞ്ചസാ​ര​യോ ചേർക്കേണ്ട ആവശ്യ​മില്ല, അതു നൽകാൻ ശുപാർശ ചെയ്യു​ന്നു​മില്ല.

◼ എട്ടുമാ​സം കഴിഞ്ഞും അമ്മയുടെ പാൽ കൊടു​ക്കു​ന്നത്‌ നല്ലതാ​ണെ​ങ്കി​ലും അത്‌ മേലാൽ കുഞ്ഞിന്റെ മുഖ്യ​ഭ​ക്ഷ​ണ​മാ​യി കണക്കാ​ക്ക​രുത്‌. മറ്റു കുടും​ബാം​ഗങ്ങൾ കഴിക്കുന്ന ഭക്ഷണം​തന്നെ കുഞ്ഞി​നും കൊടു​ത്തു തുടങ്ങണം. ഭക്ഷണം അങ്ങേയറ്റം ശുചി​യാ​യി​രി​ക്കണം, ചവയ്‌ക്കാൻ എളുപ്പ​ത്തി​നു ചെറു​താ​യി അരിഞ്ഞ​തും ആയിരി​ക്കണം. പഴങ്ങൾ, പച്ചക്കറി​കൾ, ധാന്യങ്ങൾ, പയറു​വർഗങ്ങൾ, മാംസം, പാൽ ഉത്‌പ​ന്നങ്ങൾ എന്നിവ ഉൾപ്പെട്ട ഭക്ഷണ​ക്ര​മ​മാണ്‌ ഏറ്റവും ഉത്തമം. b പ്രത്യേ​കി​ച്ചു കുട്ടി​കൾക്ക്‌ ജീവകം എ ധാരാ​ള​മുള്ള ഭക്ഷണം ആവശ്യ​മാണ്‌. ഉദാഹ​ര​ണ​ത്തിന്‌, മുലപ്പാൽ, കടുംപച്ച നിറമുള്ള ഇലക്കറി​കൾ, മാങ്ങ, കാരറ്റ്‌, പപ്പായ എന്നിങ്ങനെ ഓറഞ്ചോ മഞ്ഞയോ നിറമുള്ള പഴങ്ങൾ, പച്ചക്കറി​കൾ എന്നിവ​യിൽ ജീവകം എ ധാരാളം അടങ്ങി​യി​ട്ടുണ്ട്‌. മൂന്നു വയസ്സിനു താഴെ​യുള്ള കുട്ടികൾ ദിവസം അഞ്ചോ ആറോ തവണ ഭക്ഷണം കഴി​ക്കേ​ണ്ട​തുണ്ട്‌.

◼ വൈവി​ധ്യ​മാർന്ന ഭക്ഷണപ​ദാർഥങ്ങൾ കൊടു​ക്കു​ന്നത്‌ നിങ്ങളു​ടെ കുഞ്ഞിന്റെ സംരക്ഷ​ണ​ത്തിന്‌ ആവശ്യ​മായ പോഷ​കങ്ങൾ പ്രദാനം ചെയ്യും. കുഞ്ഞിനു ഗുണ​മേ​ന്മ​യുള്ള ഭക്ഷണം നൽകാൻ അമ്മ ശ്രദ്ധി​ക്കേ​ണ്ട​തുണ്ട്‌. കുഞ്ഞിന്റെ വയറു നിറഞ്ഞു കഴിഞ്ഞും കഴിക്കാൻ നിർബ​ന്ധി​ക്ക​രുത്‌; എന്നാൽ കുഞ്ഞ്‌ കൂടുതൽ ഭക്ഷണം ആവശ്യ​പ്പെ​ട്ടാൽ കൊടു​ക്കാ​തി​രി​ക്കു​ക​യും അരുത്‌.

[അടിക്കു​റിപ്പ്‌]

[ചിത്രം]

ഒരു നവജാ​ത​ശി​ശു​വി​നെ സംബന്ധി​ച്ചി​ട​ത്തോ​ളം ഏറ്റവും മികച്ച ഭക്ഷണം അതിന്റെ അമ്മയുടെ പാലാ​ണെന്ന്‌ വിദഗ്‌ധർ സമ്മതി​ക്കു​ന്നു

[കടപ്പാട്‌]

© Caroline Penn/Panos Pictures

[7-ാം പേജിലെ ചിത്രം]

ഭൂട്ടാനിലെ ഒരു സ്‌കൂ​ളിൽ കുട്ടികൾ നുറു​ക്കു​ഗോ​ത​മ്പു​കൊ​ണ്ടുള്ള ഒരു വിഭവ​വും പച്ചക്കറി​ക​ളും കഴിക്കു​ന്നു

[കടപ്പാട്‌]

FAO photo/WFP Photo: F. Mattioli

[9-ാം പേജിലെ ചിത്രം]

നിങ്ങളുടെ കുട്ടി​യു​ടെ ഭക്ഷണ​ക്രമം മെച്ച​പ്പെ​ടു​ത്തു​ന്ന​തിന്‌ നിങ്ങൾക്കു നടപടി​കൾ കൈ​ക്കൊ​ള്ളാൻ കഴിയും

[കടപ്പാട്‌]

FAO photo