യുവജ​നങ്ങൾ ചോദി​ക്കു​ന്നു . . .

എനി​ക്കൊ​രു ദത്തുപു​ത്രി ആകേണ്ടി​വ​ന്നത്‌ എന്തു​കൊണ്ട്‌?

“ഇതൊരു ആജീവ​നാന്ത വൈക​ല്യം പോ​ലെ​യാണ്‌, ഒരിക്ക​ലും ഭേദമാ​ക്കാൻ കഴിയാത്ത ഒരു ഹൃദയ​നൊ​മ്പരം.”—റോബർട്ട്‌ a

ജനിച്ച​പ്പോൾത്തന്നെ ദത്തെടു​ക്ക​പ്പെട്ട ഒരു വ്യക്തി തന്റെ ജീവി​തത്തെ വർണി​ക്കു​ന്നത്‌ അങ്ങനെ​യാണ്‌. അദ്ദേഹം ഇങ്ങനെ തുടരു​ന്നു: “എന്റെ ശരിക്കുള്ള കുടും​ബം ഏതാണ്‌? എന്റെ വീട്ടു​കാ​രൊ​ക്കെ താമസി​ക്കു​ന്നത്‌ എവി​ടെ​യാണ്‌? അവരെന്നെ ഉപേക്ഷി​ച്ചത്‌ എന്തിനാണ്‌? എന്നിങ്ങ​നെ​യുള്ള ചോദ്യ​ങ്ങൾക്ക്‌ വാസ്‌ത​വ​ത്തിൽ ജീവി​ത​ത്തി​ലെ ഓരോ ദിവസ​വും ഉള്ളി​ന്റെ​യു​ള്ളിൽ നിങ്ങൾ ഉത്തരം​തേ​ടു​ക​യാ​വും.”

ചാൻറ്റ്യെ​ലി​ന്റെ പിതാ​വി​നെ ആരോ ദത്തെടു​ത്തു വളർത്തി​യ​താ​യി​രു​ന്നു. തന്റെ യഥാർഥ മുത്തശ്ശീ​മു​ത്ത​ശ്ശ​ന്മാർ ആരെന്ന​റി​യാ​ത്ത​തിൽ അവൾക്കു വലിയ സങ്കടമുണ്ട്‌. അവൾ ഇങ്ങനെ പറയുന്നു: “അമ്മാവ​ന്മാ​രു​ടെ​യും അമ്മായി​മാ​രു​ടെ​യും അടുത്ത ബന്ധുക്ക​ളു​ടെ​യും സഹവാസം ലഭിക്കാ​ത്തത്‌ തികച്ചും അന്യായം ആണെന്ന്‌ എനിക്കു തോന്നു​ന്നു.” ദത്തെടു​ത്തു വളർത്ത​പ്പെട്ട എല്ലാവർക്കും ഇങ്ങനെ​യൊ​ക്കെ തോന്ന​ണ​മെ​ന്നില്ല, എന്നാൽ ചിലർക്ക്‌ അങ്ങനെ തോന്നു​ന്നു. എന്തു​കൊണ്ട്‌?

ഒരു കോപ​കാ​ര​ണം

യഥാർഥ മാതാ​പി​താ​ക്ക​ളിൽനിന്ന്‌ താൻ എടുത്തു​മാ​റ്റ​പ്പെ​ട്ടി​രി​ക്കു​ക​യാണ്‌ എന്നറി​യു​ന്നത്‌ ഒരു കുട്ടിയെ വൈകാ​രിക സംഘർഷ​ത്തി​ലേക്കു തള്ളിവി​ട്ടേ​ക്കാം. കുഞ്ഞു​ന്നാ​ളിൽത്തന്നെ ദത്തെടു​ക്ക​പ്പെട്ട കത്രീന ഇങ്ങനെ പറയുന്നു: “എപ്പോ​ഴും കോപി​ക്കുന്ന ഒരു പ്രകൃ​ത​മാ​യി​രു​ന്നു എന്റേത്‌. കാരണം എന്റെ പെറ്റമ്മ എന്നെ ഉപേക്ഷി​ച്ചത്‌ എന്തു​കൊ​ണ്ടെന്ന്‌ എത്ര ആലോ​ചി​ച്ചി​ട്ടും എനിക്കു മനസ്സി​ലാ​യില്ല. എന്നെ കാണാൻ ഭംഗി​യി​ല്ലാ​ത്ത​തു​കൊ​ണ്ടും സ്‌നേ​ഹി​ക്കാൻ കൊള്ളാ​ത്ത​തു​കൊ​ണ്ടു​മാണ്‌ അമ്മ എന്നെ ഉപേക്ഷി​ച്ചത്‌ എന്ന്‌ എനിക്കു തോന്നി. അമ്മ എനി​ക്കൊ​രു അവസരം തന്നിരു​ന്നെ​ങ്കിൽ തീർച്ച​യാ​യും ഞാൻ അമ്മയുടെ പ്രതീ​ക്ഷ​യ്‌ക്കൊത്ത്‌ ഉയരു​മാ​യി​രു​ന്നു. പെറ്റമ്മ​യെ​പ്പറ്റി ചിന്തിച്ച ഓരോ നിമി​ഷ​വും എന്റെ കോപം ഇരട്ടി​ക്കു​ക​യാ​യി​രു​ന്നു.”

കത്രീ​ന​യെ ദത്തെടുത്ത മാതാ​പി​താ​ക്ക​ളു​മാ​യുള്ള അവളുടെ ബന്ധവും സമ്മർദ​പൂ​രി​ത​മാ​യി​രു​ന്നു. “എന്റെ ദത്തുമാ​താ​പി​താ​ക്കൾ വാസ്‌ത​വ​ത്തിൽ എന്നെ എന്റെ അമ്മയിൽനിന്ന്‌ അകറ്റി​ക്ക​ള​യു​ക​യാ​യി​രു​ന്നു എന്ന്‌ എനിക്കു തോന്നി,” കത്രീന പറയുന്നു. “അതു​കൊണ്ട്‌ ഞാൻ ദേഷ്യം മുഴുവൻ അവരോ​ടു തീർക്കു​മാ​യി​രു​ന്നു.” അതേ, ദത്തെടു​ക്ക​പ്പെ​ടുന്ന കുട്ടികൾ പലപ്പോ​ഴും കോപ​ത്തി​ലൂ​ടെ​യാണ്‌ തങ്ങളുടെ പ്രതി​ക​രണം പ്രകടി​പ്പി​ക്കു​ന്നത്‌.

 അത്തരം കോപം അപകട​ക​ര​മാണ്‌. കത്രീ​ന​യു​ടെ കാര്യ​ത്തിൽ നാം കണ്ടതു​പോ​ലെ, ചില​പ്പോൾ അനുചി​ത​മായ വിധത്തിൽ, അല്ലെങ്കിൽ നിർദോ​ഷി​ക​ളു​ടെ മേൽ ആയിരി​ക്കും ദേഷ്യം തീർക്കു​ന്നത്‌. ബൈബിൾ ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “കോപം കളഞ്ഞു ക്രോധം ഉപേക്ഷിക്ക.” (സങ്കീർത്തനം 37:8) അത്‌ എങ്ങനെ സാധി​ക്കും? ദൈവ​വ​ചനം അതിനും ഉത്തരം നൽകുന്നു: “വിവേ​ക​ബു​ദ്ധി​യാൽ [“ഉൾക്കാ​ഴ്‌ച​യാൽ,” NW] മനുഷ്യ​ന്നു ദീർഘ​ക്ഷ​മ​വ​രു​ന്നു.” (സദൃശ​വാ​ക്യ​ങ്ങൾ 19:11) നിങ്ങളു​ടെ​തന്നെ സാഹച​ര്യം സംബന്ധിച്ച്‌ ഉൾക്കാ​ഴ്‌ച​യു​ള്ള​വ​രാ​യി​രി​ക്കു​ന്നത്‌ കോപത്തെ നിയ​ന്ത്രി​ക്കാൻ നിങ്ങളെ സഹായി​ച്ചേ​ക്കാം. അത്‌ എങ്ങനെ​യാണ്‌?

തെറ്റായ നിഗമ​നങ്ങൾ തിരുത്തൽ

നിങ്ങളു​ടെ കോപ​ത്തിന്‌ ഇന്ധനം പകരുന്ന നിഗമ​ന​ങ്ങളെ പരി​ശോ​ധി​ക്കാൻ ഉൾക്കാഴ്‌ച നിങ്ങളെ സഹായി​ക്കും. ദൃഷ്ടാ​ന്ത​ത്തിന്‌, നിങ്ങൾക്ക്‌ എന്തോ കുഴപ്പം ഉള്ളതു​കൊ​ണ്ടാണ്‌ നിങ്ങളു​ടെ സ്വന്തം മാതാ​പി​താ​ക്കൾ നിങ്ങളെ ദത്തുനൽകാൻ തീരു​മാ​നി​ച്ചത്‌ എന്ന്‌ നിങ്ങൾ നിഗമനം ചെയ്യു​ന്നു​ണ്ടോ? കത്രീ​ന​യ്‌ക്ക്‌ അങ്ങനെ​യാ​ണു തോന്നി​യത്‌. എന്നാൽ എല്ലായ്‌പോ​ഴും വാസ്‌തവം അതാണോ? നിങ്ങളെ ദത്തുനൽകാൻ അവരെ പ്രേരി​പ്പി​ച്ചത്‌ എന്താണ്‌ എന്ന്‌ കണക്കു​കൂ​ട്ടി​യെ​ടു​ക്കുക അസാധ്യ​മാ​യി​രു​ന്നേ​ക്കാം, എന്നുവ​രി​കി​ലും നിഷേ​ധാ​ത്മ​ക​മായ നിഗമ​നങ്ങൾ നടത്താ​തി​രി​ക്കാൻ തക്ക കാരണ​മുണ്ട്‌. ഇതു ചിന്തി​ക്കുക, എന്തു​കൊ​ണ്ടാണ്‌ ചില മാതാ​പി​താ​ക്കൾ തങ്ങളുടെ കുട്ടി​കളെ ദത്തുനൽകു​ന്നത്‌? പലപ്പോ​ഴും, മറ്റുമാർഗ​മില്ല എന്ന്‌ അവർ ചിന്തി​ക്കു​ന്ന​തു​കൊ​ണ്ടാണ്‌.

മോ​ശെ​യു​ടെ കാര്യ​മെ​ടു​ക്കാം. പുറപ്പാ​ടു 2-ാം അധ്യാ​യ​ത്തിൽ ബൈബിൾ വിവരണം പറയുന്ന പ്രകാരം ഇസ്രാ​യേ​ല്യർക്കു പിറക്കുന്ന ആൺകു​ഞ്ഞു​ങ്ങ​ളെ​യെ​ല്ലാം കൊന്നു​ക​ള​യാൻ ഫറവോൻ കൽപ്പന പുറ​പ്പെ​ടു​വി​ച്ച​പ്പോൾ യോ​ഖേ​ബെദ്‌ ശിശു​വാ​യി​രുന്ന മോ​ശെയെ മൂന്നു​മാ​സം ഒളിപ്പി​ച്ചു​വെച്ചു. ഒടുവിൽ, കാര്യം പരസ്യ​മാ​കു​മെന്ന സ്ഥിതി​യാ​യി. എന്നാൽ തന്റെ കുഞ്ഞ്‌ വധിക്ക​പ്പെ​ടു​ന്നതു കാണാൻ ആ അമ്മയ്‌ക്കാ​കു​മാ​യി​രു​ന്നില്ല. അതു​കൊണ്ട്‌ “അവനെ പിന്നെ ഒളിച്ചു​വെ​പ്പാൻ കഴിയാ​തെ ആയപ്പോൾ അവൾ ഒരു ഞാങ്ങണ​പ്പെ​ട്ടകം വാങ്ങി, അതിന്നു പശയും കീലും തേച്ചു, പൈത​ലി​നെ അതിൽ കിടത്തി, നദിയു​ടെ അരികിൽ ഞാങ്ങണ​യു​ടെ ഇടയിൽവെച്ചു.”—പുറപ്പാ​ടു 2:3.

തന്റെ പൊ​ന്നോ​മ​നയെ ഇങ്ങനെ ഉപേക്ഷി​ക്കു​ന്നത്‌ തീർച്ച​യാ​യും അവളെ സംബന്ധി​ച്ചി​ട​ത്തോ​ളം ഹൃദയ​ഭേ​ദ​ക​മാ​യി​രു​ന്നു. പക്ഷേ അതല്ലാതെ അവൾക്ക്‌ വേറെ എന്തു​ചെ​യ്യാൻ കഴിയു​മാ​യി​രു​ന്നു? കുഞ്ഞി​നോ​ടുള്ള സ്‌നേഹം, അവന്‌ ഏറ്റവും നല്ലതെന്ന്‌ അവൾക്കു തോന്നി​യതു ചെയ്യാൻ അവളെ പ്രേരി​പ്പി​ച്ചു. രസകര​മെന്നു പറയട്ടെ, അവളുടെ മകൾ ഞാങ്ങണ​പ്പെ​ട്ട​ക​ത്തി​നു കാവൽ നിൽപ്പു​ണ്ടാ​യി​രു​ന്നു, തന്റെ കുഞ്ഞനു​ജൻ സുരക്ഷി​ത​മായ കൈക​ളിൽ എത്തുന്ന​തു​വരെ അവൾ ആ നിൽപ്പു തുടർന്നു. ഉത്‌ക​ണ്‌ഠാ​കു​ല​യായ അമ്മയുടെ നിർദേ​ശ​പ്ര​കാ​രം ആയിരി​ക്കണം അവൾ അങ്ങനെ ചെയ്‌തത്‌.

അത്തരം വ്യക്തമായ അടിയ​ന്തിര സാഹച​ര്യ​ങ്ങൾ നിമി​ത്തമല്ല എല്ലായ്‌പോ​ഴും ദത്തുനൽകൽ നടക്കു​ന്നത്‌ എന്നതു സത്യം​തന്നെ, പക്ഷേ അങ്ങനെ ചെയ്യു​ന്ന​തി​നു പിന്നിലെ മാതാ​പി​താ​ക്ക​ളു​ടെ ആന്തരം പലപ്പോ​ഴും ഒന്നുത​ന്നെ​യാണ്‌. റോബർട്ട്‌ പറയുന്നു: “ഞാനൊ​രു ജാരസ​ന്ത​തി​യാ​യി​രു​ന്നു. എന്നെ വളർത്തി​ക്കൊ​ണ്ടു​വ​രു​ന്നത്‌ അമ്മയുടെ വീട്ടു​കാർക്ക്‌ വലി​യൊ​രു ഭാരമാ​കു​മാ​യി​രു​ന്നു, പ്രത്യേ​കി​ച്ചും കുടും​ബ​ത്തിൽ മറ്റു കുട്ടി​ക​ളും​കൂ​ടെ ഉണ്ടായി​രു​ന്ന​തി​നാൽ. അതു​കൊണ്ട്‌ എന്നെ ദത്തുനൽകു​ന്ന​താ​യി​രി​ക്കും എനി​ക്കേ​റ്റ​വും നല്ലത്‌ എന്ന്‌ എന്റെ അമ്മ ചിന്തി​ച്ചി​ട്ടു​ണ്ടാ​വണം.”

കുട്ടി​ക​ളെ മറ്റു കുടും​ബ​ങ്ങ​ളിൽ വളർത്താൻ നൽകു​ന്ന​തി​നു മറ്റനേകം കാരണ​ങ്ങ​ളും കണ്ടേക്കാം എന്നതു ശരിതന്നെ.  എന്നാൽ ഈ ദൃഷ്ടാ​ന്ത​ങ്ങ​ളിൽ നമ്മൾ കണ്ടതു​പോ​ലെ അമ്മ തന്റെ കുഞ്ഞിനെ വെറു​ക്കു​ന്ന​തു​കൊ​ണ്ടോ അതി​നെ​ന്തെ​ങ്കി​ലും വൈക​ല്യ​മു​ള്ള​തു​കൊ​ണ്ടോ ആയിരി​ക്ക​ണ​മെ​ന്നില്ല ദത്തുനൽകാൻ തീരു​മാ​നി​ക്കു​ന്നത്‌. മറ്റൊരു കുടും​ബം തന്റെ കുഞ്ഞിനെ വളർത്തി​യാൽ തനിക്കു നൽകാൻ കഴിയാത്ത പരിലാ​ളനം അതിന്‌ അവിടെ ലഭിക്കും എന്ന്‌ ഈ അമ്മമാ​രിൽ പലരും ആത്മാർഥ​മാ​യി വിശ്വ​സി​ക്കു​ന്നു.

സ്‌നേ​ഹി​ക്ക​പ്പെ​ടു​ന്ന​തി​ന്റെ മൂല്യം

ഉൾക്കാഴ്‌ച നേടു​ന്നത്‌ മറ്റൊരു വിധത്തി​ലും നിങ്ങളെ സഹായി​ക്കും. നിങ്ങൾ എന്തു​കൊ​ണ്ടാണ്‌ ദത്തെടു​ക്ക​പ്പെ​ട്ടത്‌ എന്നു ചിന്തി​ക്കുക. വീണ്ടും നമുക്ക്‌ മോ​ശെ​യു​ടെ കാര്യ​ത്തി​ലേക്കു മടങ്ങാം. അങ്ങനെ, “ഫറവോ​ന്റെ മകൾ അവനെ എടുത്തു തന്റെ മകനായി വളർത്തി.” (പ്രവൃ​ത്തി​കൾ 7:21) കൊന്നു​ക​ള​യാൻ കൽപ്പന​യി​ട്ടി​രി​ക്കുന്ന എബ്രായ ശിശു​ക്ക​ളിൽ ഒന്നാ​ണെന്ന്‌ അറിയാ​മാ​യി​രു​ന്നി​ട്ടും അതിനു സംരക്ഷണം നൽകാൻ ഫറവോ​ന്റെ പുത്രി​യെ പ്രേരി​പ്പി​ച്ചത്‌ എന്തായി​രി​ക്കും? ബൈബിൾ വിവരണം ശ്രദ്ധി​ക്കുക: “കുട്ടി ഇതാ, കരയുന്നു. അവൾക്കു അതി​നോ​ടു അലിവു​തോ​ന്നി.” (പുറപ്പാ​ടു 2:6) അതേ, അങ്ങനെ മോ​ശെയെ അവൾ ദത്തെടു​ത്തു. അവൻ വെറു​ക്ക​പ്പെ​ടു​ക​യോ ഉപേക്ഷി​ക്ക​പ്പെ​ടു​ക​യോ ചെയ്‌തില്ല, മറിച്ച്‌ അവനു സ്‌നേഹം ലഭിച്ചു.

മാതാ​പി​താ​ക്കൾ തങ്ങളെ വെറുതെ ഉപേക്ഷി​ച്ചി​ട്ടു പോകു​ക​യാ​യി​രു​ന്നില്ല—ഇന്ന്‌ അത്തരം പ്രവണത സാധാ​ര​ണ​മാ​ണെ​ങ്കി​ലും—മറിച്ച്‌ തങ്ങൾക്കു​വേണ്ടി കരുതു​ന്ന​തി​നുള്ള ഏർപ്പാ​ടു​കൾ ചെയ്‌ത്‌ ചില ശിശു​പ​രി​പാ​ലന സംഘട​ന​ക​ളിൽ ഏൽപ്പി​ക്കു​ക​യാ​യി​രു​ന്നു എന്ന്‌ ദത്തെടു​ക്ക​പ്പെട്ട പല കുട്ടി​ക​ളും പിന്നീട്‌ തിരി​ച്ച​റി​ഞ്ഞി​ട്ടുണ്ട്‌. തുടർന്ന്‌ ആരെങ്കി​ലും അവരെ സ്‌നേ​ഹി​ച്ചു​കൊണ്ട്‌ അവരെ പോറ്റി​പ്പു​ലർത്താൻ തയ്യാറാ​യ​പ്പോൾ അവർ ദത്തെടു​ക്ക​പ്പെട്ടു. നിങ്ങളു​ടെ കാര്യം ഏതാണ്ട്‌ ഇങ്ങനെ​യാ​ണോ? നിങ്ങൾക്കു ലഭിച്ച സ്‌നേ​ഹ​ത്തിൽ ശ്രദ്ധ കേന്ദ്രീ​ക​രി​ക്കു​ന്ന​തും അതു വിലമ​തി​ക്കു​ന്ന​തും നിങ്ങളു​ടെ ദുഃഖ​ങ്ങ​ളിൽനിന്ന്‌ ആശ്വാസം നേടാൻ നിങ്ങളെ സഹായി​ക്കും.

കൂടാതെ, നിങ്ങളെ ദത്തെടുത്ത കുടും​ബ​ത്തി​ന്റെ മാത്രമല്ല മറ്റുള്ള​വ​രിൽനി​ന്നുള്ള സ്‌നേ​ഹ​വും നിങ്ങൾക്കു ലഭി​ച്ചേ​ക്കാം. നിങ്ങൾ ക്രിസ്‌തീയ സഭയുടെ ഭാഗമാ​ണെ​ങ്കിൽ നിങ്ങളെ സ്‌നേ​ഹി​ക്കുന്ന നിരവധി ആത്മീയ മാതാ​പി​താ​ക്ക​ളും സഹോ​ദ​രീ​സ​ഹോ​ദ​ര​ന്മാ​രും ഉണ്ടായി​രി​ക്കു​ന്ന​തി​ന്റെ സന്തോഷം നിങ്ങൾക്ക്‌ ആസ്വദി​ക്കാൻ കഴിയും. (മർക്കൊസ്‌ 10:29, 30) ക്രിസ്‌തീയ മൂപ്പന്മാർ “കാററി​ന്നു ഒരു മറവും പിശറി​ന്നു ഒരു സങ്കേത​വും ആയി വരണ്ട നിലത്തു നീർത്തോ​ടു​കൾപോ​ലെ​യും ക്ഷീണമുള്ള ദേശത്തു ഒരു വമ്പാറ​യു​ടെ തണൽപോ​ലെ​യും” ആയിരി​ക്കും. (യെശയ്യാ​വു 32:2) പക്വത​യുള്ള സഹക്രി​സ്‌ത്യാ​നി​കളെ കണ്ടെത്തി അവരു​മാ​യി മനസ്സു​തു​റ​ക്കാൻ വിമുഖത കാണി​ക്കാ​തി​രി​ക്കുക. നിങ്ങളു​ടെ മനസ്സി​ലും ഹൃദയ​ത്തി​ലു​മു​ള്ളത്‌ അവരു​മാ​യി തുറന്നു സംസാ​രി​ക്കുക.

ക്രിസ്‌തീ​യ സഭയിൽ ശക്തമായ ബന്ധങ്ങൾ വളർത്തി​യെ​ടു​ക്കു​ന്നതു വളരെ പ്രധാ​ന​മാ​ണെന്ന്‌ റോബർട്ട്‌ കരുതു​ന്നു. “ഒരു ശൂന്യ​താ​ബോ​ധം എനിക്ക്‌ ഇപ്പോ​ഴു​മുണ്ട്‌,” റോബർട്ട്‌ മനസ്സു​തു​റ​ക്കു​ന്നു. “പക്ഷേ, എന്റെ ആത്മീയ കുടും​ബം എനിക്കു തരുന്ന സ്‌നേഹം എന്റെ നൊമ്പ​ര​ങ്ങ​ളെ​യെ​ല്ലാം മനസ്സിന്റെ ഒരു കോണി​ലേക്കു തള്ളിമാ​റ്റാൻ എന്നെ സഹായി​ക്കു​ന്നു.”

നിങ്ങൾക്കു വിജയി​ക്കാൻ കഴിയും

അതു​കൊണ്ട്‌ തെറ്റായ, നിഷേ​ധാ​ത്മക ചിന്തകളെ ചെറു​ക്കുക. ദത്തെടു​ത്തു വളർത്ത​പ്പെ​ട്ട​തു​കൊണ്ട്‌ ജീവി​ത​ത്തിൽ വിജയി​ക്കാൻ കഴിയില്ല എന്ന ചിന്തയും അതിൽ ഉൾപ്പെ​ടു​ന്നു. അത്തരം നിഷേ​ധാ​ത്മക ചിന്തകൾ മുരടി​പ്പി​ക്കു​ന്ന​താണ്‌! (സദൃശ​വാ​ക്യ​ങ്ങൾ 24:10) മാത്ര​വു​മല്ല, വാസ്‌ത​വ​ത്തിൽ അങ്ങനെ ചിന്തി​ക്കു​ന്ന​തി​നു യുക്തി​സ​ഹ​മായ യാതൊ​രു അടിസ്ഥാ​ന​വും ഇല്ലതാ​നും.

മോശെ തനിക്കു ലഭിച്ച അവസരങ്ങൾ നന്നായി പ്രയോ​ജ​ന​പ്പെ​ടു​ത്തി എന്നത്‌ ഓർത്തി​രി​ക്കേണ്ട ഒരു സംഗതി​യാണ്‌. ബൈബിൾ ഇങ്ങനെ പറയുന്നു: “മോശെ മിസ്ര​യീ​മ്യ​രു​ടെ സകല ജ്ഞാനവും അഭ്യസി​ച്ചു വാക്കി​ലും പ്രവൃ​ത്തി​യി​ലും സമർത്ഥ​നാ​യി​ത്തീർന്നു.” (പ്രവൃ​ത്തി​കൾ 7:22) അതിലു​പരി, അവൻ ആത്മീയ പ്രബോ​ധ​ന​വും സ്വീക​രി​ച്ചു. അവന്റെ സ്വർഗീയ പിതാ​വായ യഹോവ അവന്റെ ഹൃദയ​ത്തിൽ പൂർണ​മാ​യും ഒരു യാഥാർഥ്യ​മാ​യി​ത്തീ​രാൻ ആ പ്രബോ​ധനം ഇടയാക്കി. (എബ്രായർ 11:27) അവൻ തന്റെ ജീവി​ത​ത്തിൽ വിജയി​ച്ചോ?

പിന്നീട്‌ മോശെ 30 ലക്ഷത്തി​ല​ധി​കം വരുന്ന ശക്തമായ ഒരു ജനതയു​ടെ നായക​നാ​യി​ത്തീർന്നു. ഒരു പ്രവാ​ച​ക​നും ന്യായാ​ധി​പ​നും സൈന്യാ​ധി​പ​നും ചരി​ത്ര​കാ​ര​നും ന്യായ​പ്ര​മാണ ഉടമ്പടി​യു​ടെ മധ്യസ്ഥ​നും ബൈബി​ളി​ലെ അഞ്ചു പുസ്‌ത​ക​ങ്ങ​ളു​ടെ എഴുത്തു​കാ​ര​നും ഒക്കെ ആയിത്തീ​രാ​നുള്ള പദവി അവനു ലഭിച്ചു. കൂടാതെ, ഇയ്യോ​ബി​ന്റെ പുസ്‌ത​ക​വും 90-ാം സങ്കീർത്ത​ന​വും അവൻ എഴുതി​യ​താ​ണെ​ന്നാണ്‌ പൊതു​വെ കരുത​പ്പെ​ടു​ന്നത്‌. അതേ, മോ​ശെ​യു​ടെ ജീവിതം തികച്ചും വിജയ​പ്ര​ദ​മാ​യി​രു​ന്നു. ദത്തെടു​ത്തു വളർത്ത​പ്പെട്ട നിരവധി കുട്ടി​കൾക്ക്‌ ഇതു​പോ​ലെ വിജയി​ക്കാൻ കഴിയു​ന്നുണ്ട്‌, നിങ്ങൾക്കും അതിനു കഴിയും.

റോബർട്ട്‌ വിവാ​ഹി​ത​നാ​വു​ക​യും തന്റെ രണ്ടു കുട്ടി​കളെ വിജയ​ക​ര​മാ​യി വളർത്തി​ക്കൊ​ണ്ടു​വ​രി​ക​യും ചെയ്‌തി​രി​ക്കു​ന്നു. അദ്ദേഹം ഇന്ന്‌ ക്രിസ്‌തീയ സഭയിലെ ഒരു മൂപ്പനാണ്‌. ഒരു ദത്തുപു​ത്ര​നാ​യി വളർന്നു​വന്ന വർഷങ്ങ​ളി​ലേക്കു പിന്തി​രി​ഞ്ഞു​നോ​ക്കി​ക്കൊണ്ട്‌ അദ്ദേഹം ഇങ്ങനെ പറയുന്നു: “എനിക്കു നേരെ​യാ​ക്കാൻ കഴിയാത്ത കാര്യങ്ങൾ ചിന്തിച്ച്‌ മനസ്സു പുണ്ണാ​ക്കു​ന്നതു നിറു​ത്തി​യിട്ട്‌ ലഭിച്ചി​രി​ക്കുന്ന അനു​ഗ്ര​ഹ​ങ്ങൾക്കു നന്ദിയു​ള്ള​വ​നാ​യി​രി​ക്കാൻ ഞാൻ പഠിച്ചി​രി​ക്കു​ന്നു.”

കുട്ടി​ക​ളെ വളർത്തുന്ന ഒരു ‘ഫോസ്റ്റർ ഹോമിൽ’ മാതാ​പി​താ​ക്കൾ നിങ്ങളെ ഏൽപ്പി​ച്ചി​രി​ക്കുന്ന, അല്ലെങ്കിൽ ഒരു കുടും​ബം നിങ്ങളെ ദത്തെടു​ത്തി​രി​ക്കുന്ന സാഹച​ര്യ​ത്തിൽ നിഷേ​ധാ​ത്മക ചിന്തക​ളോട്‌ കൂടെ​ക്കൂ​ടെ നിങ്ങൾക്കു പോരാ​ടേ​ണ്ട​തു​ണ്ടാ​യി​രി​ക്കാം. എന്നാൽ ക്രിയാ​ത്മക ചിന്തകൾ വളർത്തി​യെ​ടു​ക്കാൻ പരി​ശ്ര​മി​ക്കുക. ഫിലി​പ്പി​യർ 4:8, 9 വാഗ്‌ദാ​നം ചെയ്യു​ന്ന​തു​പോ​ലെ ദൈവ​ത്തി​നു പ്രസാ​ദ​ക​ര​മായ കാര്യങ്ങൾ “പരിചി​ന്തി​ക്കു​ന്ന​തിൽ തുടരുക”യാണെ​ങ്കിൽ (NW) “സമാധാ​ന​ത്തി​ന്റെ ദൈവം നിങ്ങ​ളോ​ടു​കൂ​ടെ ഇരിക്കും.” എന്നിരു​ന്നാ​ലും, നിങ്ങളെ ദത്തെടു​ത്തി​രി​ക്കുന്ന കുടും​ബ​ത്തിൽ ജീവി​ക്കു​മ്പോൾത്തന്നെ വിജയം​വ​രി​ക്കാൻ നിങ്ങളെ സഹായി​ക്കുന്ന ചില പ്രാ​യോ​ഗിക നടപടി​കൾ എന്തൊ​ക്കെ​യാണ്‌? ഈ പരമ്പര​യു​ടെ ഒരു ഭാവി ലേഖനം അതിനുള്ള ഉത്തരം നൽകു​ന്ന​താ​യി​രി​ക്കും. (g03 4/22)

[അടിക്കു​റിപ്പ്‌]

[26-ാം പേജിലെ ചിത്രങ്ങൾ]

നിങ്ങളെ ആരെങ്കി​ലും ദത്തെടു​ത്തി​രി​ക്കു​ന്ന​തു​തന്നെ കാണി​ക്കു​ന്നത്‌, അവരുടെ കുടും​ബ​ത്തി​ലെ ഒരംഗ​മാ​യി നിങ്ങളെ സ്വീക​രി​ക്കാ​നും പരിപാ​ലി​ക്കാ​നും തയ്യാറാ​യി​ക്കൊണ്ട്‌ അവർ നിങ്ങളെ സ്‌നേ​ഹി​ച്ചി​രി​ക്കു​ന്നു എന്നാണ്‌