ഒരു കുഞ്ഞു ചെവി​യു​ടെ രഹസ്യം ചുരു​ള​ഴി​യു​ന്നു

“കഴിഞ്ഞ പത്തുവർഷം കൊണ്ട്‌ ജന്തുശാ​സ്‌ത്ര​ജ്ഞ​ന്മാർ, ശബ്ദതരം​ഗ​ങ്ങ​ളു​ടെ ഉറവിനെ തിരി​ച്ച​റി​യാൻ മൃഗങ്ങളെ പ്രാപ്‌ത​മാ​ക്കുന്ന ഒരു പുതിയ വിദ്യയെ കുറിച്ചു മനസ്സി​ലാ​ക്കി​യി​രി​ക്കു​ന്നു,” എന്ന്‌ സയൻസ്‌ ന്യൂസ്‌ മാസിക പറയുന്നു. “ഒരുതരം പരാന്ന ഈച്ച, ചീവീ​ടു​ക​ളു​ടെ ശബ്ദം​കേട്ട്‌ അവയെ രഹസ്യ​മാ​യി, വിടാതെ പിന്തു​ട​രു​ന്നതു നിരീ​ക്ഷി​ക്കാൻ ഇടയാ​യ​താണ്‌ പുതിയ കണ്ടെത്ത​ലി​നു വഴി​തെ​ളി​ച്ചത്‌. ഈച്ചയു​ടെ തലയാ​ണെ​ങ്കിൽ തീരെ ചെറു​താണ്‌. മുമ്പ്‌ അറിയ​പ്പെ​ട്ടി​രുന്ന സങ്കീർണ​മായ ശബ്ദനിർണയ സംവി​ധാ​നങ്ങൾ ഒന്നും ഉൾക്കൊ​ള്ളാ​നുള്ള വലുപ്പം ആ തലയ്‌ക്കില്ല.” അത്തരം സംവി​ധാ​നങ്ങൾ പ്രവർത്തി​ക്കു​ന്ന​തിന്‌ രണ്ടു കർണപ​ടങ്ങൾ തമ്മിൽ നിശ്ചി​ത​മായ അകലം ഉണ്ടായി​രി​ക്കണം.

യു.എസ്‌.എ.-യിലെ കോർണൽ സർവക​ലാ​ശാല അടുത്ത​കാ​ലത്തു നടത്തിയ ഒരു പഠനം വെളി​പ്പെ​ടു​ത്തുന്ന പ്രകാരം, ഈച്ചയു​ടെ കർണപ​ടങ്ങൾ തമ്മിലുള്ള അകലം വെറും ഒരു മില്ലി​മീ​റ്റ​റാ​ണെ​ങ്കി​ലും “ഓർമിയ ഓക്‌റാ​സ്യ വർഗത്തിൽ പെട്ട പെണ്ണീ​ച്ച​കൾക്ക്‌ ഒരു മൂങ്ങ ചെയ്യു​ന്നത്ര കൃത്യ​മാ​യി ശബ്ദതരം​ഗ​ങ്ങ​ളു​ടെ ഉറവ്‌ കണ്ടുപി​ടി​ക്കാൻ കഴിയും—രണ്ടു ഡിഗ്രി​ക്കു​ള്ളിൽ പോലും. ഈച്ചയു​ടെ ശ്രവണ​സം​വി​ധാ​ന​ത്തി​ലെ ഒരു സവി​ശേ​ഷ​ത​യാണ്‌ മൂങ്ങയു​ടേ​തു​പോ​ലുള്ള അതിസൂക്ഷ്‌മ ശ്രവണ​പ്രാ​പ്‌തി അതിനു നൽകു​ന്നത്‌.

ഈ കൊച്ചു​പ്രാ​ണി​യു​ടെ കർണപ​ട​ങ്ങ​ളി​ലെ സ്‌തര​ങ്ങളെ ഒരൊറ്റ യൂണി​റ്റാ​യി മുമ്പോ​ട്ടും പിമ്പോ​ട്ടും ചലിപ്പി​ക്കാൻ കഴിയത്തക്ക വിധത്തി​ലുള്ള ഒരു വസ്‌തു​കൊണ്ട്‌ കർണപ​ട​ങ്ങളെ പരസ്‌പരം ബന്ധിപ്പി​ച്ചി​രി​ക്കു​ന്നു. അതായത്‌ പാർക്കു​ക​ളി​ലും മറ്റുമുള്ള സീസോ​യു​ടെ ചലനം പോലെ. ചീവീട്‌ പുറ​പ്പെ​ടു​വി​ക്കുന്ന ശബ്ദം ഈച്ചയു​ടെ കാതു​ക​ളിൽ എത്തു​മ്പോൾ ചീവീ​ടിന്‌ അഭിമു​ഖ​മാ​യുള്ള കർണപടം കമ്പനം ചെയ്യുന്നു. ഈ കമ്പനങ്ങൾ നൊടി​യി​ട​യിൽ രണ്ടാമത്തെ കർണപ​ട​ത്തി​ലേക്ക്‌ അയയ്‌ക്ക​പ്പെ​ടു​ന്നു. അതാകട്ടെ വന്നു​കൊ​ണ്ടി​രി​ക്കുന്ന ശബ്ദതരം​ഗ​ങ്ങ​ളോ​ടു പ്രതി​ക​രി​ക്കു​ന്ന​തിൽനിന്ന്‌ രണ്ടാമത്തെ കർണപ​ടത്തെ തടയുന്നു. അതു​കൊണ്ട്‌ ചീവി​ടിന്‌ അഭിമു​ഖ​മാ​യി​രി​ക്കുന്ന സ്‌തരം കൂടുതൽ ശക്തമായി കമ്പനം ചെയ്യുന്നു. അങ്ങനെ ഈച്ചയ്‌ക്ക്‌ ലക്ഷ്യം പിഴയ്‌ക്കാ​തെ ഉദ്ദേശിച്ച സ്ഥലത്ത്‌ എത്താൻ കഴിയു​ന്നു.

ഈ കണ്ടുപി​ടി​ത്തം​കൊണ്ട്‌ എന്തെങ്കി​ലും പ്രാ​യോ​ഗിക പ്രയോ​ജനം ഉണ്ടോ? ഉണ്ടെന്നാണ്‌ ഗവേഷകർ വിശ്വ​സി​ക്കു​ന്നത്‌. മൈ​ക്രോ​ഫോ​ണു​കൾ, ശ്രവണ​സ​ഹാ​യി​കൾ എന്നിവ രൂപകൽപ്പന ചെയ്യു​ന്ന​തിന്‌ ഇതു സഹായ​ക​മാ​കും എന്ന്‌ അവർ പറയുന്നു. ഉദാഹ​ര​ണ​ത്തിന്‌, ഇത്തരത്തിൽ രൂപകൽപ്പന ചെയ്യുന്ന ശ്രവണ​സ​ഹാ​യി​കൾകൊണ്ട്‌ “കേൾവി​ക്കാ​രന്‌, തനിക്ക്‌ അഭിമു​ഖ​മാ​യി​രി​ക്കുന്ന ദിശയിൽനി​ന്നുള്ള ശബ്ദം പിടി​ച്ചെ​ടു​ക്കു​ന്ന​തി​നു കഴിയും,” എന്നു റിപ്പോർട്ടു പറയുന്നു. അതേ, യഹോ​വ​യു​ടെ വിസ്‌മ​യ​ക​ര​മായ സൃഷ്ടി​ക​ളിൽ എത്രമാ​ത്രം ജ്ഞാനമാണ്‌ പ്രകട​മാ​യി​രി​ക്കു​ന്നത്‌!—ഇയ്യോബ്‌ 42:2. (g03 4/22)

[31-ാം പേജിലെ ചിത്ര​ങ്ങൾക്ക്‌ കടപ്പാട്‌]

R. Hoy/Cornell University

മുകളിലെ രണ്ടു ചിത്രങ്ങൾ: R. Wyttenbach/ Cornell University