ചികി​ത്സ​യു​ടെ വെല്ലു​വി​ളി

“ഗുരു​ത​രമല്ല എന്നു പറയാ​വുന്ന തരത്തി​ലുള്ള പ്രമേഹം ഇല്ല, എല്ലാം ഗുരു​ത​ര​മാണ്‌.”—ആൻ ഡാലി, അമേരി​ക്കൻ ഡയബറ്റിസ്‌ അസ്സോ​സി​യേഷൻ.

“നിങ്ങളു​ടെ രക്തപരി​ശോ​ധന കാണി​ക്കു​ന്നത്‌ നിങ്ങൾക്കു ഗുരു​ത​ര​മായ ചില ആരോഗ്യ പ്രശ്‌നങ്ങൾ ഉണ്ടെന്നാണ്‌. നിങ്ങൾ എത്രയും പെട്ടെന്ന്‌ വൈദ്യ​സ​ഹാ​യം തേടേ​ണ്ട​തുണ്ട്‌.” ഡോക്ട​റു​ടെ വാക്കുകൾ കേട്ട്‌ ഡെബോര ഇടി​വെ​ട്ടേറ്റ പോലെ ഇരുന്നു​പോ​യി. “ലബോ​റ​ട്ട​റി​ക്കാർക്ക്‌ എന്തെങ്കി​ലും പിശകു പറ്റിയ​താ​യി​രി​ക്കും, എനിക്കു രോഗം വരാൻ യാതൊ​രു സാധ്യ​ത​യു​മില്ല എന്ന്‌ രാത്രി മുഴുവൻ ഞാൻ സ്വയം വിശ്വ​സി​പ്പി​ച്ചു​കൊ​ണ്ടി​രു​ന്നു,” അവൾ പറയുന്നു.

അനേക​രെ​യും പോലെ, ഡെബോ​ര​യും വിചാ​രി​ച്ചി​രു​ന്നത്‌ താൻ സാമാ​ന്യം ആരോ​ഗ്യ​വ​തി​യാണ്‌ എന്നാണ്‌. അതു​കൊണ്ട്‌, അടിക്കടി ഉണ്ടായി​ക്കൊ​ണ്ടി​രുന്ന രോഗ​ല​ക്ഷ​ണ​ങ്ങളെ അവൾ അവഗണി​ച്ചു. അമിത​മായ ദാഹം അനുഭ​വ​പ്പെ​ട്ട​പ്പോ​ഴൊ​ക്കെ അവൾ വിചാ​രി​ച്ചത്‌, താൻ കഴിച്ചു​കൊ​ണ്ടി​രി​ക്കുന്ന അലർജി​ക്കുള്ള മരുന്നി​ന്റെ പാർശ്വ​ഫ​ല​മാണ്‌ അത്‌ എന്നാണ്‌. കൂടെ​ക്കൂ​ടെ മൂത്രശങ്ക അനുഭ​വ​പ്പെ​ട്ട​പ്പോൾ, താൻ ധാരാളം വെള്ളം കുടി​ക്കു​ന്ന​തു​കൊ​ണ്ടാ​യി​രി​ക്കും അതെന്ന്‌ അവൾ കരുതി. ക്ഷീണം തോന്നി​യ​പ്പോ​ഴോ? കൊള്ളാം, ജോലി​ക്കാ​രി​യായ ഏത്‌ അമ്മയ്‌ക്കാണ്‌ ക്ഷീണം തോന്നാ​ത്തത്‌?

പക്ഷേ, ഇതി​ന്റെ​യെ​ല്ലാം പിന്നിൽ മറഞ്ഞി​രുന്ന വില്ലൻ, പ്രമേഹം ആണെന്നു രക്തപരി​ശോ​ധ​ന​യിൽ തെളിഞ്ഞു. പരി​ശോ​ധനാ ഫലം അംഗീ​ക​രി​ക്കാൻ ഡെബോ​ര​യ്‌ക്കു ബുദ്ധി​മു​ട്ടാ​യി​രു​ന്നു. “എന്റെ രോഗ​ത്തെ​പ്പറ്റി ഞാൻ ആരോ​ടും പറഞ്ഞില്ല,” അവൾ പറയുന്നു. “രാത്രി, വീട്ടിൽ എല്ലാവ​രും ഉറങ്ങി​ക്ക​ഴി​യു​മ്പോൾ ഞാൻ ഇരുട്ട​ത്തി​രു​ന്നു കരയും.” തങ്ങൾക്കു പ്രമേഹം ഉണ്ടെന്നു മനസ്സി​ലാ​ക്കു​മ്പോൾ ഡെബോ​ര​യെ​പ്പോ​ലെ ചിലർക്കു വികാ​ര​ങ്ങ​ളു​ടെ തിരത്തള്ളൽ അനുഭ​വ​പ്പെ​ടു​ന്നു, വിഷാ​ദ​വും കോപ​വും എല്ലാം. “യാഥാർഥ്യ​ത്തെ അംഗീ​ക​രി​ക്കാ​നാ​വാ​തെ ഒരു കാലഘട്ടം മുഴുവൻ ഞാൻ കരഞ്ഞു​ക​രഞ്ഞ്‌ കഴിച്ചു​കൂ​ട്ടി” എന്നു കാരെൻ പറയുന്നു.

 ഇത്തരം സ്ഥിതി​വി​ശേ​ഷ​ങ്ങ​ളോ​ടുള്ള സ്വാഭാ​വിക പ്രതി​ക​ര​ണ​ങ്ങ​ളാണ്‌ ഇവയൊ​ക്കെ. എന്നിരു​ന്നാ​ലും, പിന്തുണ ലഭിച്ചാൽ പ്രമേ​ഹ​മു​ള്ള​വർക്ക്‌ അതുമാ​യി പൊരു​ത്ത​പ്പെ​ടാൻ കഴിയും. “എന്റെ യഥാർഥ അവസ്ഥ അംഗീ​ക​രി​ക്കാൻ എന്റെ നഴ്‌സ്‌ എന്നെ സഹായി​ച്ചു” എന്നു കാരെൻ പറയുന്നു. “കരയു​ന്ന​തു​കൊണ്ട്‌ ഒരു കുഴപ്പ​വു​മില്ല എന്ന്‌ അവർ എന്നോടു പറഞ്ഞു. വികാ​രങ്ങൾ കണ്ണീരി​ലൂ​ടെ അലിയി​ച്ചു​ക​ള​ഞ്ഞത്‌ എന്റെ അവസ്ഥയു​മാ​യി പൊരു​ത്ത​പ്പെ​ടാൻ എന്നെ സഹായി​ച്ചു.”

ഇതു ഗുരു​ത​ര​മാ​യി​രി​ക്കു​ന്ന​തി​ന്റെ കാരണം

“ജീവന്റെ എഞ്ചിനു​തന്നെ സംഭവി​ക്കുന്ന തകരാറ്‌” ആണ്‌ പ്രമേഹം എന്നു പറയ​പ്പെ​ട്ടി​രി​ക്കു​ന്നു. അങ്ങനെ പറയാൻ കാരണ​മുണ്ട്‌. ഗ്ലൂക്കോ​സി​നെ ശരീരാ​വ​ശ്യ​ങ്ങൾക്കു വേണ്ടവി​ധം ഉപയോ​ഗി​ക്കാൻ കഴിയാ​തെ വരു​മ്പോൾ, ചില ജീവത്‌പ്ര​ധാന പ്രവർത്ത​ന​ങ്ങൾതന്നെ നിലച്ചു​പോ​കും. ചില​പ്പോൾ ജീവൻ അപകട​ത്തി​ലാ​യെ​ന്നും വരാം. “പ്രമേഹം നിമിത്തം നേരിട്ടു മരണം സംഭവി​ക്കു​ന്നില്ല” എന്ന്‌ ഡോ. ഹാർവി കാറ്റ്‌സെഫ്‌ പറയുന്നു. “ആളുകൾ മരിക്കു​ന്നത്‌, ഇതിന്റെ ചുവടു​പി​ടി​ച്ചെ​ത്തുന്ന മറ്റു രോഗ​ങ്ങ​ളും ഗുരു​ത​ര​മായ ആരോഗ്യ പ്രശ്‌ന​ങ്ങ​ളും നിമി​ത്ത​മാണ്‌. അവ തടയു​ന്ന​തിൽ നാം മിടു​ക്ക​രാണ്‌, എന്നാൽ ഒരിക്കൽ അവ ഉണ്ടായാൽ അതു ചികി​ത്സി​ക്കു​ന്ന​തി​ലാ​ണു നാം പിന്നോ​ക്കം നിൽക്കു​ന്നത്‌.” a

പ്രമേ​ഹ​രോ​ഗി​കൾക്ക്‌ പ്രതീ​ക്ഷ​യ്‌ക്കു വകയു​ണ്ടോ? തീർച്ച​യാ​യും—അവർ ഈ ക്രമ​ക്കേ​ടി​ന്റെ ഗൗരവം മനസ്സി​ലാ​ക്കി ചികിത്സാ നടപടി​കൾക്കു വിധേ​യ​രാ​കു​ന്നെ​ങ്കിൽ മാത്രം. b

ഭക്ഷണ​ക്ര​മ​വും വ്യായാ​മ​വും

ടൈപ്പ്‌ 1 പ്രമേഹം തടയാൻ കഴിയുന്ന ഒന്നല്ല. എങ്കിലും, അതു വരാൻ ഇടയാ​ക്കുന്ന പാരമ്പര്യ ഘടകങ്ങളെ പറ്റി ശാസ്‌ത്ര​ജ്ഞ​ന്മാർ പഠിച്ചു​കൊ​ണ്ടി​രി​ക്കു​ക​യാണ്‌. മാത്രമല്ല, ശരീര​ത്തി​ന്റെ പ്രതി​രോ​ധ​വ്യ​വസ്ഥ പാൻക്രി​യാ​സി​ലെ ബീറ്റാ​കോ​ശ​ങ്ങളെ നശിപ്പി​ക്കുന്ന അവസ്ഥയായ “ഓട്ടോ ഇമ്മ്യൂ​ണി​റ്റി” വികാസം പ്രാപി​ക്കു​ന്നത്‌ തടയാ​നുള്ള മാർഗ​ങ്ങ​ളും അവർ ആരായു​ന്നു. (8-ാം പേജിലെ “ഗ്ലൂക്കോ​സി​ന്റെ ധർമം” എന്ന ചതുരം കാണുക) “ടൈപ്പ്‌ 2 പ്രമേ​ഹ​ത്തി​ന്റെ കാര്യ​ത്തിൽ പ്രതീ​ക്ഷ​യ്‌ക്കു വകയുണ്ട്‌” എന്ന്‌  പ്രമേഹം—നിങ്ങളു​ടെ വികാ​ര​ങ്ങ​ളെ​യും ആരോ​ഗ്യ​ത്തെ​യും പരിപാ​ലി​ക്കൽ (ഇംഗ്ലീഷ്‌) എന്ന പുസ്‌തകം പറയുന്നു. “പാരമ്പ​ര്യ​മാ​യി പ്രമേഹം കൈമാ​റി​ക്കി​ട്ടാൻ സാധ്യ​ത​യുള്ള അനേക​രും, സന്തുലി​ത​മായ ഒരു ഭക്ഷണ​ക്ര​മ​ത്തി​ലൂ​ടെ​യും പതിവായ വ്യായാ​മ​ത്തി​ലൂ​ടെ​യും തൂക്കം നിയ​ന്ത്രി​ച്ചു​കൊണ്ട്‌ തങ്ങളുടെ ആരോ​ഗ്യം കാത്തു​സൂ​ക്ഷി​ക്കു​ന്നു. അവരിൽ ഈ രോഗ​ത്തി​ന്റെ യാതൊ​രു ലക്ഷണവും ഇല്ല.” c

ജേർണൽ ഓഫ്‌ ദി അമേരി​ക്കൻ മെഡിക്കൽ അസ്സോ​സി​യേഷൻ വ്യായാ​മ​ത്തി​ന്റെ പ്രാധാ​ന്യ​ത്തിന്‌ ഊന്നൽ നൽകുന്ന ഒരു പഠന റിപ്പോർട്ട്‌ പുറത്തി​റ​ക്കു​ക​യു​ണ്ടാ​യി. “അൽപ്പ​നേ​രത്തെ ശാരീ​രിക അധ്വാനം മൂലം, 24 മണിക്കൂ​റിൽ അധികം സമയ​ത്തേക്ക്‌, ഇൻസു​ലിൻ കടത്തി​വി​ടുന്ന ഗ്ലൂക്കോ​സി​നെ ശരീര​കോ​ശങ്ങൾ ആഗിരണം ചെയ്യുന്ന പ്രക്രിയ വർധി​ക്കു​ന്നു” എന്ന്‌ സ്‌ത്രീ​കളെ ഉൾപ്പെ​ടു​ത്തി​ക്കൊ​ണ്ടു നടത്തിയ വിപു​ല​മായ ഈ പഠനം വെളി​പ്പെ​ടു​ത്തു​ന്നു. അതു​കൊണ്ട്‌ റിപ്പോർട്ട്‌ ഇപ്രകാ​രം ഉപസം​ഹ​രി​ക്കു​ന്നു: “നടത്തം, ഊർജ​സ്വ​ല​മായ പ്രവർത്തനം എന്നിവ, സ്‌ത്രീ​ക​ളിൽ ടൈപ്പ്‌ 2 പ്രമേ​ഹ​ത്തി​ന്റെ അപകട സാധ്യ​തകൾ ഗണ്യമാ​യി കുറയ്‌ക്കു​ന്നു.” അതു​കൊണ്ട്‌, ആഴ്‌ച​യിൽ എല്ലാ ദിവസ​വും അല്ലെങ്കിൽ മിക്ക ദിവസ​ങ്ങ​ളി​ലും കുറഞ്ഞത്‌ 30 മിനിട്ട്‌ മിതമായ തോതിൽ ശാരീ​രി​കാ​ധ്വാ​നം ചെയ്യാൻ ഗവേഷകർ ശുപാർശ ചെയ്യുന്നു. ഈ വ്യായാ​മ​ത്തിൽ ഉൾപ്പെ​ടു​ത്താൻ കഴിയുന്ന ലളിത​മായ ഒന്നാണു നടത്തം. അത്‌, “ഏറ്റവും മെച്ചവും സുരക്ഷി​ത​വും ചെലവു​കു​റ​ഞ്ഞ​തു​മായ ഒരു വ്യായാ​മ​മാണ്‌” എന്ന്‌ അമേരി​ക്കൻ ഡയബറ്റിസ്‌ അസ്സോ​സി​യേഷൻ കംപ്ലീറ്റ്‌ ഗൈഡ്‌ റ്റു ഡയബറ്റിസ്‌ പറയുന്നു.

എന്നിരു​ന്നാ​ലും, പ്രമേ​ഹ​രോ​ഗി​കൾ ഡോക്ടർമാ​രു​ടെ നിർദേ​ശ​പ്ര​കാ​രം ആയിരി​ക്കണം വ്യായാ​മം ചെയ്യേ​ണ്ടത്‌. അതിന്റെ ഒരു കാരണം, പ്രമേ​ഹ​ത്തി​നു രക്തപര്യ​യന വ്യവസ്ഥ​യെ​യും നാഡി​ക​ളെ​യും തകരാ​റി​ലാ​ക്കാൻ കഴിയും എന്നതാണ്‌. അതു രക്തചം​ക്ര​മ​ണ​ത്തെ​യും സ്‌പർശ​ന​പ്രാ​പ്‌തി​യെ​യും പ്രതി​കൂ​ല​മാ​യി ബാധി​ക്കും. അതു​കൊണ്ട്‌, കാലിലെ ഒരു ചെറിയ പോറൽ ചില​പ്പോൾ ശ്രദ്ധയിൽപ്പെ​ടാ​തെ പോ​യേ​ക്കാം. ക്രമേണ അത്‌ പഴുത്തു വ്രണമാ​കാൻ സാധ്യ​ത​യുണ്ട്‌. തത്സമയം ചികി​ത്സി​ച്ചി​ല്ലെ​ങ്കിൽ കാൽ മുറിച്ചു മാറ്റേ​ണ്ട​താ​യും വരും. d

എന്നിരു​ന്നാ​ലും, ക്രമമായ വ്യായാ​മം​കൊണ്ട്‌ പ്രമേ​ഹത്തെ നിയ​ന്ത്രി​ക്കാൻ കഴിയും. “ക്രമമായ വ്യായാ​മ​ത്തി​ന്റെ പ്രയോ​ജ​ന​ങ്ങ​ളെ​പ്പറ്റി ഗവേഷകർ കൂടുതൽ പഠിക്കു​ന്തോ​റും അതിന്റെ പ്രയോ​ജ​ന​ങ്ങളെ കുറി​ച്ചുള്ള കൂടുതൽ വിവരങ്ങൾ അവർക്കു ലഭിക്കു​ന്നു” എന്ന്‌ എഡിഎ കംപ്ലീറ്റ്‌ ഗൈഡ്‌ പറയുന്നു.

ഇൻസു​ലിൻ ചികിത്സ

പ്രത്യേക ഭക്ഷണ​ക്ര​മ​വും വ്യായാ​മ​മു​റ​ക​ളും പിൻപ​റ്റു​ന്നതു കൂടാതെ പ്രമേ​ഹ​രോ​ഗി​ക​ളിൽ പലർക്കും, ദിവസ​വും രക്തത്തിലെ ഗ്ലൂക്കോ​സി​ന്റെ അളവു പരി​ശോ​ധി​ക്കു​ക​യും ദിവസ​ത്തിൽ പലതവണ ഇൻസു​ലിൻ കുത്തി​വെ​ക്കു​ക​യും ചെയ്യേ​ണ്ട​തുണ്ട്‌. ടൈപ്പ്‌ 2 പ്രമേഹം ഉള്ളവരിൽ ചിലർക്ക്‌ ഭക്ഷണ​ക്ര​മ​ത്തി​ലൂ​ടെ​യും ക്രമമായ വ്യായാ​മ​ത്തി​ലൂ​ടെ​യും ആരോ​ഗ്യം മെച്ച​പ്പെ​ടു​ത്താ​നും കുറച്ചു​കാ​ല​ത്തേക്ക്‌ എങ്കിലും ഇൻസു​ലിൻ ചികിത്സ നിറു​ത്തി​വെ​ക്കാ​നും കഴിഞ്ഞി​ട്ടുണ്ട്‌. e ടൈപ്പ്‌ 1 പ്രമേ​ഹ​മുള്ള കാരെൻ പറയു​ന്നത്‌, അവളിൽ കുത്തി​വെ​ക്കുന്ന ഇൻസു​ലി​ന്റെ ഫലപ്രാ​പ്‌തി വർധി​പ്പി​ക്കു​ന്ന​തി​നു വ്യായാ​മം സഹായി​ച്ചി​ട്ടുണ്ട്‌ എന്നാണ്‌. ഫലമോ? ദിവസ​വും ആവശ്യ​മായ  ഇൻസു​ലി​ന്റെ അളവ്‌ 20 ശതമാനം കുറയ്‌ക്കാൻ അവൾക്കു കഴിഞ്ഞി​രി​ക്കു​ന്നു.

ഇൻസു​ലിൻ എടു​ക്കേ​ണ്ടത്‌ ആവശ്യ​മാ​യി വരു​ന്നെ​ങ്കിൽ, രോഗി അതോർത്തു വിഷമി​ക്കേണ്ട യാതൊ​രു കാര്യ​വു​മില്ല. “ഇൻസു​ലിൻ എടു​ക്കേ​ണ്ടി​വ​രു​ന്നത്‌ നിങ്ങളു​ടെ ഭാഗത്തെ ഏതെങ്കി​ലും ന്യൂനത നിമി​ത്തമല്ല” എന്നു നിരവധി പ്രമേ​ഹ​രോ​ഗി​കളെ പരിച​രി​ച്ചി​ട്ടുള്ള നഴ്‌സായ മേരി ആൻ പറയുന്നു. “നിങ്ങളു​ടേത്‌ ഏതുത​ര​ത്തി​ലുള്ള പ്രമേഹം ആയിരു​ന്നാ​ലും ശരി, രക്തത്തിലെ പഞ്ചസാര ശ്രദ്ധാ​പൂർവം നിയ​ന്ത്രി​ക്കു​ന്നത്‌, പിന്നീട്‌ കൂടുതൽ ആരോ​ഗ്യ​പ്ര​ശ്‌നങ്ങൾ ഉണ്ടാകാ​തി​രി​ക്കാൻ സഹായി​ക്കും.” രക്തത്തിലെ പഞ്ചസാ​ര​യു​ടെ അളവു കർശന​മാ​യി നിയ​ന്ത്രിച്ച ടൈപ്പ്‌ 1 പ്രമേഹം ഉള്ളവർക്ക്‌, “പ്രമേ​ഹ​വു​മാ​യി ബന്ധപ്പെട്ട നേത്ര​രോ​ഗം, വൃക്ക​രോ​ഗം, നാഡീ​രോ​ഗങ്ങൾ എന്നിവ ഉണ്ടാകാ​നുള്ള സാധ്യത അതിശ​യ​ക​ര​മാം​വി​ധം കുറവാണ്‌” എന്ന്‌ അടുത്ത കാലത്തെ പഠനങ്ങൾ തെളി​യി​ക്കു​ന്നു. ഉദാഹ​ര​ണ​ത്തിന്‌, കാചപടല വൈക​ല്യ​ത്തി​ന്റെ (കണ്ണിലെ റെറ്റി​നയെ ബാധി​ക്കുന്ന ഒരു രോഗം) അപകട സാധ്യത 76 ശതമാനം കുറഞ്ഞു! രക്തത്തിലെ പഞ്ചസാ​ര​യു​ടെ അളവിനെ കർശന​മാ​യി നിയ​ന്ത്രി​ക്കു​ന്ന​പക്ഷം ടൈപ്പ്‌ 2 പ്രമേഹം ഉള്ളവർക്കും സമാന​മായ പ്രയോ​ജ​നങ്ങൾ ആസ്വദി​ക്കാൻ കഴിയും.

ഇൻസു​ലിൻ ചികിത്സ എളുപ്പ​മാ​ക്കു​ന്ന​തി​നും കുത്തി​വെ​പ്പി​ന്റെ വേദന കുറയ്‌ക്കു​ന്ന​തി​നും സിറി​ഞ്ചു​ക​ളി​ലും അതു​പോ​ലെ ഇന്ന്‌ അത്യധി​കം ഉപയോ​ഗ​ത്തി​ലുള്ള ഇൻസു​ലിൻ പേനക​ളി​ലും അതിസൂ​ക്ഷ്‌മ​മായ സൂചി​ക​ളാണ്‌ ഉള്ളത്‌. അവ അസ്വാ​സ്ഥ്യം വളരെ കുറയ്‌ക്കു​ന്നു. “ആദ്യത്തെ കുത്തി​വെ​പ്പാണ്‌ പലപ്പോ​ഴും അരോ​ചകം” എന്ന്‌ മേരി ആൻ പറയുന്നു. “പിന്നെ​പ്പി​ന്നെ കുത്തി​വെ​ക്കു​മ്പോൾ തങ്ങൾ ഒന്നും അറിയു​ന്നില്ല എന്നാണു രോഗി​കൾ പറയു​ന്നത്‌.” ഇവയ്‌ക്കു പുറമേ, വേദന ഇല്ലാതെ തൊലി​ക്കു​ള്ളി​ലേക്കു സൂചി കയറ്റാൻ കഴിയുന്ന ഇൻജക്‌റ്റ​റു​കൾ ഉണ്ട്‌. തൊലി​യി​ലൂ​ടെ ഇൻസു​ലിൻ അതി​വേ​ഗ​ത്തിൽ കയറ്റുന്ന ജെറ്റ്‌ ഇൻജക്‌റ്റ​റാണ്‌ മറ്റൊന്ന്‌. കൂടാതെ ഇൻസു​ലിൻ ഇൻഫ്യൂ​സ​റു​ക​ളും ഉണ്ട്‌. ഇതിൽ, ഒരു കത്തീറ്റർ സൂചി ഉപയോ​ഗിച്ച്‌ ഉദരത്തി​ലോ മറ്റ്‌ എവി​ടെ​യെ​ങ്കി​ലു​മോ ഒരു ഇൻഫ്യൂ​ഷൻ ട്യൂബ്‌ കടത്തി​വെ​ക്കു​ക​യും അതിലൂ​ടെ ഇൻസു​ലിൻ നൽകു​ക​യും ചെയ്യുന്നു. രണ്ടോ മൂന്നോ ദിവസ​ത്തേക്ക്‌ ഈ ട്യൂബ്‌ മാറ്റേ​ണ്ട​തു​മില്ല. പോക്ക​റ്റിൽ കൊണ്ടു​ന​ട​ക്കാ​വുന്ന പേജറി​ന്റെ വലുപ്പ​ത്തി​ലുള്ള ഒരുതരം ഇൻസു​ലിൻ പമ്പ്‌ ഇന്നു പ്രചാരം സിദ്ധിച്ചു വരുന്നു. കമ്പ്യൂ​ട്ട​റി​ന്റെ സഹായ​ത്തോ​ടെ പ്രോ​ഗ്രാം ചെയ്‌തു വെച്ചി​രി​ക്കുന്ന ഈ ഉപകരണം കൃത്യ​മായ അളവിൽ ശരീര​ത്തി​ന്റെ ദിവ​സേ​ന​യുള്ള ആവശ്യ​മ​നു​സ​രിച്ച്‌, തൊലി​ക്ക​ടി​യി​ലേക്കു കടത്തി​വെ​ച്ചി​രി​ക്കുന്ന ട്യൂബി​ലൂ​ടെ ഇൻസു​ലിൻ പ്രദാനം ചെയ്‌തു​കൊ​ണ്ടി​രി​ക്കും. ശരിയായ അളവി​ലും സൗകര്യ​പ്ര​ദ​മാ​യും ഇൻസു​ലിൻ  ശരീര​ത്തിൽ പ്രവേ​ശി​പ്പി​ക്കാൻ ഈ ഉപകരണം സഹായി​ക്കു​ന്നു.

പഠിച്ചു​കൊ​ണ്ടി​രി​ക്കുക

ഇത്ര​യെ​ല്ലാം പരിചി​ന്തി​ച്ചെ​ങ്കി​ലും, പ്രമേ​ഹ​ത്തിന്‌ ഒരു ഒറ്റമൂലി ഇല്ല. ഏതു ചികിത്സ തിര​ഞ്ഞെ​ടു​ക്കണം എന്നതു സംബന്ധിച്ച്‌ തീരു​മാ​ന​മെ​ടു​ക്കു​ന്ന​തിന്‌ ഓരോ വ്യക്തി​യും കുറേ​യേറെ കാര്യങ്ങൾ പരിചി​ന്തി​ക്കേ​ണ്ട​തുണ്ട്‌. “ഏതെങ്കി​ലും ചികി​ത്സ​ക​രിൽനി​ന്നു നിങ്ങൾക്കി​പ്പോൾ വൈദ്യ​സ​ഹാ​യം ലഭിക്കു​ന്നു​ണ്ടാ​യി​രി​ക്കു​മെ​ങ്കി​ലും, ചികി​ത്സ​യു​ടെ ഗതി നിർണ​യി​ക്കു​ന്നത്‌ നിങ്ങൾത​ന്നെ​യാണ്‌” എന്ന്‌ മേരി ആൻ പറയുന്നു. ഡയബറ്റിസ്‌ കെയർ എന്ന ജേർണൽ ഇപ്രകാ​രം പറയുന്നു: “സ്വയം കാര്യങ്ങൾ നിർവ​ഹി​ക്കാ​നുള്ള ബോധ​വ​ത്‌ക​രണം ക്രമീ​കൃ​ത​മാ​യി നൽകാതെ പ്രമേ​ഹ​ത്തി​നു ചികി​ത്സി​ക്കു​ന്നത്‌ നിലവാ​ര​മി​ല്ലാ​ത്ത​തും സദാചാ​ര​ശൂ​ന്യ​വു​മായ ഒരു പ്രവൃ​ത്തി​യാ​യി​രി​ക്കും.”

പ്രമേ​ഹ​മു​ള്ള​വർ തങ്ങളുടെ രോഗത്തെ കുറിച്ച്‌ എത്രയ​ധി​കം മനസ്സി​ലാ​ക്കു​ന്നു​വോ അത്രധി​ക​മാ​യി അവർക്കു തങ്ങളുടെ ആരോ​ഗ്യം പരിപാ​ലി​ക്കാ​നും കൂടുതൽ കാലം ആരോ​ഗ്യ​ക​ര​മായ ജീവിതം നയിക്കാ​നും കഴിയും. ഫലപ്ര​ദ​മായ ബോധ​വ​ത്‌ക​രണം നേടു​ന്ന​തി​നു ക്ഷമ ആവശ്യ​മാണ്‌. പ്രമേഹം—നിങ്ങളു​ടെ വികാ​ര​ങ്ങ​ളെ​യും ആരോ​ഗ്യ​ത്തെ​യും പരിപാ​ലി​ക്കൽ എന്ന പുസ്‌തകം ഇപ്രകാ​രം വിശദീ​ക​രി​ക്കു​ന്നു: “എല്ലാം ഒറ്റയടി​ക്കു പഠിക്കാൻ ശ്രമി​ച്ചാൽ നിങ്ങൾ ആകെ കുഴയും, വിവരങ്ങൾ ഫലപ്ര​ദ​മാ​യി ഉപയോ​ഗി​ക്കാ​നും നിങ്ങൾക്കു കഴിയില്ല. മാത്രമല്ല, നിങ്ങൾക്ക്‌ ഏറ്റവും പ്രയോ​ജ​ന​ക​ര​മായ എല്ലാ വിവര​ങ്ങ​ളും പുസ്‌ത​ക​ങ്ങ​ളി​ലോ ലഘു​ലേ​ഖ​ക​ളി​ലോ കണ്ടെന്നു​വ​രില്ല. അറി​യേ​ണ്ടത്‌ ഇതാണ്‌ . . . ദിനച​ര്യ​കൾക്ക്‌ അനുസ​രിച്ച്‌ നിങ്ങളു​ടെ രക്തത്തിലെ പഞ്ചസാ​ര​യു​ടെ അളവ്‌ എങ്ങനെ വ്യത്യാ​സ​പ്പെ​ടു​ന്നു. കുറച്ചു കാലം​കൊ​ണ്ടേ അതു മനസ്സി​ലാ​ക്കാൻ കഴിയൂ. അതും പരീക്ഷണ നിരീ​ക്ഷ​ണ​ങ്ങ​ളി​ലൂ​ടെ മാത്രം.”

ഉദാഹ​ര​ണ​ത്തിന്‌, സമ്മർദ​ത്തോ​ടു നിങ്ങളു​ടെ ശരീരം പ്രതി​ക​രി​ക്കു​ന്ന​വി​ധം ശ്രദ്ധാ​പൂർവ​മായ നിരീ​ക്ഷ​ണ​ത്തി​ലൂ​ടെ നിങ്ങൾ പഠിക്കു​ന്നു. സമ്മർദ​ത്തി​നു നിങ്ങളു​ടെ രക്തത്തിലെ പഞ്ചസാ​ര​യു​ടെ അളവിനെ പൊടു​ന്നനെ വർധി​പ്പി​ക്കാൻ കഴിയും. “പ്രമേ​ഹ​രോ​ഗ​വു​മാ​യി ഞാൻ ജീവി​ക്കാൻ തുടങ്ങി​യിട്ട്‌ 50 വർഷമാ​യി, എന്റെ ശരീരം എന്നോട്‌ എന്താണു പറയു​ന്ന​തെന്ന്‌ എനിക്ക​റി​യാം,” കെൻ പറയുന്നു. ശരീരം പറയു​ന്നതു “ശ്രദ്ധി​ക്കു​ന്നത്‌” കെന്നിനു വളരെ പ്രയോ​ജനം ചെയ്‌തി​ട്ടുണ്ട്‌. 70 വയസ്സു പിന്നി​ട്ടെ​ങ്കി​ലും അദ്ദേഹ​ത്തിന്‌ ഇപ്പോ​ഴും മുഴു​സമയ ജോലി​യിൽ ഏർപ്പെ​ടാൻ കഴിയു​ന്നു!

കുടുംബ പിന്തു​ണ​യു​ടെ പ്രാധാ​ന്യം

പ്രമേ​ഹ​രോ​ഗ​ത്തി​ന്റെ ചികി​ത്സ​യിൽ അവഗണി​ക്ക​രു​താത്ത ഒരു ഘടകമുണ്ട്‌. അതാണു കുടും​ബ​ത്തി​ന്റെ പിന്തുണ. കുട്ടി​ക​ളി​ലും ചെറു​പ്പ​ക്കാ​രി​ലും ഉള്ള പ്രമേ​ഹത്തെ നിയ​ന്ത്രി​ക്കു​ന്ന​തി​ലെ “ഏറ്റവും സവി​ശേ​ഷ​മായ ഘടകം പരസ്‌പര സ്‌നേ​ഹ​വും സഹകര​ണ​വു​മുള്ള ഒരു കുടും​ബാ​ന്ത​രീ​ക്ഷ​മാണ്‌” എന്ന്‌ ഒരു ഉറവിടം പറയുന്നു.

കുടും​ബാം​ഗ​ങ്ങൾ പ്രമേ​ഹത്തെ കുറിച്ചു നന്നായി പഠിക്കു​ന്ന​തും രോഗി​യോ​ടൊ​പ്പം മാറി​മാ​റി ആശുപ​ത്രി​യിൽ പോകു​ന്ന​തും പ്രയോ​ജ​ന​ക​ര​മാണ്‌. കാര്യങ്ങൾ സംബന്ധിച്ച അറിവു​ണ്ടെ​ങ്കിൽ പിന്തുണ നൽകാ​നും രോഗ​ല​ക്ഷ​ണങ്ങൾ തിരി​ച്ച​റി​യാ​നും അതി​നോ​ടു മെച്ചമാ​യി പ്രതി​ക​രി​ക്കാ​നും കുടും​ബാം​ഗ​ങ്ങൾക്കു കഴിയും. നാലു വയസ്സു​മു​തൽ ടൈപ്പ്‌ 1 പ്രമേഹം ഉണ്ടായി​രുന്ന തന്റെ ഭാര്യ ബാർബ​റാ​യെ കുറിച്ച്‌ ടെഡ്‌ ഇങ്ങനെ പറയുന്നു: “ബാർബ​റാ​യു​ടെ രക്തത്തിലെ പഞ്ചസാ​ര​യു​ടെ അളവു തീരെ താഴു​ന്നത്‌ എനിക്കു കൃത്യ​മാ​യി പറയാൻ കഴിയും. സംസാ​രി​ച്ചു​കൊ​ണ്ടി​രി​ക്കു​ന്ന​തി​നി​ടെ അവൾ പെട്ടെന്നു നിറു​ത്തും, ധാരാളം വിയർക്കും, ഒരു കാരണ​വു​മി​ല്ലാ​തെ ദേഷ്യ​പ്പെ​ടും. കാര്യങ്ങൾ ചെയ്യു​ന്നതു മന്ദഗതി​യി​ലാ​കും.”

സമാന​മാ​യി, കെൻ വിളറു​ന്ന​തും നിശ്ശബ്ദ​നാ​യി​രി​ക്കു​ന്ന​തും അദ്ദേഹ​ത്തി​ന്റെ പെരു​മാ​റ്റ​ത്തിൽ മാറ്റങ്ങൾ ഉണ്ടാകു​ന്ന​തും കാണു​മ്പോൾ അദ്ദേഹ​ത്തി​ന്റെ ഭാര്യ കാതറീൻ ഒരു നിസ്സാര കണക്ക്‌ ചെയ്യാൻ കൊടു​ക്കു​ന്നു. ആ ചോദ്യ​ത്തിന്‌ ഉത്തരം കാണാ​നാ​കാ​തെ കെൻ ഉഴലു​മ്പോൾ അവൾക്കു മനസ്സി​ലാ​കും, ഉടൻതന്നെ താൻ നിർണാ​യക നടപടി​കൾ സ്വീക​രി​ക്കേ​ണ്ട​താ​ണെന്ന്‌. തങ്ങളെ അടുത്ത​റി​യുന്ന, സ്‌നേ​ഹി​ക്കാ​നും ആശ്രയി​ക്കാ​നും കൊള്ളാ​വുന്ന വിവാ​ഹ​പ​ങ്കാ​ളി​കളെ ലഭിച്ച​തിൽ കെന്നും ബാർബ​റാ​യും ആഴമായ വിലമ​തി​പ്പു​ള്ള​വ​രാണ്‌. f

സ്‌നേ​ഹ​ധ​ന​രാ​യ കുടും​ബാം​ഗങ്ങൾ രോഗി​യെ പിന്തു​ണ​യ്‌ക്കാ​നും ദയയോ​ടെ ഇടപെ​ടാ​നും ക്ഷമ കാണി​ക്കാ​നും ശ്രമി​ക്കേ​ണ്ട​താണ്‌. ഇത്തരം അഭികാ​മ്യ​മായ ഗുണങ്ങൾ തന്റെ ജീവി​ത​ത്തി​ലെ വെല്ലു​വി​ളി​കളെ അഭിമു​ഖീ​ക​രി​ക്കാൻ രോഗി​യെ സഹായി​ക്കും. എന്തിന്‌, ചില​പ്പോൾ അത്‌ അയാളു​ടെ രോഗാ​വസ്ഥ മെച്ച​പ്പെ​ടാൻതന്നെ ഇടയാ​ക്കി​യേ​ക്കാം. കാരെന്റെ ഭർത്താവ്‌, അവളെ താൻ സ്‌നേ​ഹി​ക്കു​ന്നു എന്ന്‌ ഉറപ്പു​നൽകി, അതിനു മികച്ച ഫലം ഉണ്ടായി. കാരെൻ ഇപ്രകാ​രം പറയുന്നു: “നൈജൽ എന്നോട്‌ ഇങ്ങനെ പറഞ്ഞു, ‘ജീവൻ നിലനി​റു​ത്താൻ ആളുകൾ ഭക്ഷണവും വെള്ളവും കഴിക്കു​ന്നു. അതു​പോ​ലെ തന്നെ നിനക്കും ഭക്ഷണവും വെള്ളവും ആവശ്യ​മാണ്‌, കൂടെ ഒരൽപ്പം ഇൻസു​ലി​നും.’ ഈ ഹൃദ്യ​മായ വാക്കു​കൾത​ന്നെ​യാ​യി​രു​ന്നു എനിക്കു വേണ്ടി​യി​രു​ന്ന​തും.”

രക്തത്തിലെ പഞ്ചസാ​ര​യു​ടെ അളവിൽ വ്യതി​യാ​നം സംഭവി​ക്കു​മ്പോൾ രോഗി​ക്കു ഭാവവ്യ​ത്യാ​സങ്ങൾ ഉണ്ടാകു​മെന്ന്‌ കുടും​ബാം​ഗ​ങ്ങ​ളും സുഹൃ​ത്തു​ക്ക​ളും മനസ്സി​ലാ​ക്കു​ക​യും വേണം. “രക്തത്തിലെ പഞ്ചസാ​ര​യു​ടെ അളവിൽ വ്യത്യാ​സങ്ങൾ ഉണ്ടാകു​മ്പോൾ ഞാൻ തികച്ചും നിശ്ശബ്ദ​യാ​കും. എനിക്കു വല്ലായ്‌മ തോന്നും, പെട്ടെന്നു കോപ​വും നിരാ​ശ​യും വരും” എന്ന്‌ ഒരു സ്‌ത്രീ പറയുന്നു. അവർ തുടരു​ന്നു, “ഇത്ര ബാലി​ശ​മാ​യി പെരു​മാ​റി​യ​തി​യ​തിൽ എനിക്ക്‌ അസ്വസ്ഥത തോന്നും. എന്റെ വികാ​രങ്ങൾ നിയ​ന്ത്രി​ക്കാൻ ഞാൻ ശ്രമി​ക്കു​ന്നുണ്ട്‌, എങ്കിലും ഞാൻ അങ്ങനെ​യെ​ല്ലാം പെരു​മാ​റു​ന്ന​തി​നു പിന്നി​ലുള്ള കാരണങ്ങൾ മറ്റുള്ളവർ മനസ്സി​ലാ​ക്കു​ന്നു എന്നറി​യു​ന്നത്‌ എനിക്കാ​ശ്വാ​സ​മാണ്‌.”

കുടും​ബാം​ഗ​ങ്ങ​ളു​ടെ​യും സുഹൃ​ത്തു​ക്ക​ളു​ടെ​യും പിന്തു​ണ​യു​ണ്ടെ​ങ്കിൽ പ്രമേ​ഹത്തെ വിജയ​ക​ര​മാ​യി നേരി​ടാൻ രോഗി​കൾക്കു സാധി​ക്കും. ബൈബിൾ തത്ത്വങ്ങ​ളും സഹായ​ക​മാ​യി​രി​ക്കും. എങ്ങനെ? (g03 5/08)

[അടിക്കു​റി​പ്പു​കൾ]

[6-ാം പേജിലെ ചതുരം/ചിത്രം]

യുവജനങ്ങളെയും ബാധി​ക്കുന്ന രോഗ​മോ?

പ്രമേഹം ഇന്ന്‌ “യുവജ​ന​ങ്ങ​ളു​ടെ രോഗ​മാ​യി മാറി​ക്കൊ​ണ്ടി​രി​ക്കു​ക​യാണ്‌” എന്ന്‌ ന്യൂ​യോർക്കി​ലുള്ള മൗണ്ട്‌ സൈനായ്‌ സ്‌കൂൾ ഓഫ്‌ മെഡി​സി​നി​ലെ പ്രമുഖ അന്തഃ​സ്രാവ വിജ്ഞാന വിദഗ്‌ധ​നും ഉപദേ​ഷ്ടാ​വു​മായ ഡോ. ആർതർ റൂബെൻസ്റ്റൈൻ പറയുന്നു. പ്രമേഹം പിടി​പെ​ടുന്ന ശരാശരി പ്രായം കുറഞ്ഞു​കു​റഞ്ഞു വരുന്നു. ടൈപ്പ്‌ 2 പ്രമേ​ഹത്തെ കുറിച്ചു പരാമർശി​ക്കവേ, “40 വയസ്സിൽ താഴെ​യു​ള്ള​വ​രിൽ ഈ രോഗം കാണു​ക​യില്ല എന്നു പത്തുവർഷം മുമ്പ്‌ ഞങ്ങൾ വൈദ്യ​ശാ​സ്‌ത്ര വിദ്യാർഥി​കളെ പഠിപ്പി​ച്ചി​രു​ന്നു” എന്ന്‌ പ്രമേ​ഹ​രോഗ വിദഗ്‌ധ​യായ ഡോ. റോബിൻ എസ്‌. ഗോല്ലൻഡ്‌ പറയുന്നു. “ഇന്ന്‌, 10 വയസ്സിനു താഴെ ഉള്ളവരി​ലും ഈ രോഗം കാണുന്നു.”

യുവജ​ന​ങ്ങൾക്കി​ട​യിൽ പ്രമേ​ഹ​രോ​ഗം വർധി​ക്കാ​നുള്ള കാരണം എന്താണ്‌? ചില​പ്പോ​ഴൊ​ക്കെ ജനിതക ഘടകങ്ങൾ ഒരു കാരണ​മാ​കു​ന്നുണ്ട്‌. എന്നാൽ തൂക്കവും ചുറ്റു​പാ​ടു​ക​ളും അതിൽ ഒരു പങ്കു വഹിക്കു​ന്നു. കഴിഞ്ഞ 20 വർഷം കൊണ്ട്‌ അമിത തൂക്കമുള്ള കുട്ടി​ക​ളു​ടെ എണ്ണം ഇരട്ടി​യാ​യി. എന്താണ്‌ കാരണം? “കഴിഞ്ഞ 20 വർഷങ്ങൾകൊണ്ട്‌ ആളുക​ളു​ടെ ഭക്ഷണശീ​ല​ങ്ങ​ളി​ലും ശാരീ​രിക പ്രവർത്ത​ന​ങ്ങ​ളി​ലും എല്ലാം വലിയ മാറ്റം ഉണ്ടായി​രി​ക്കു​ന്നു” എന്ന്‌ യുഎസ്‌-ലെ, രോഗ​നി​യ​ന്ത്ര​ണ​ത്തി​നും പ്രതി​രോ​ധ​ത്തി​നും ഉള്ള കേന്ദ്ര​ത്തി​ലെ ഡോ. വില്യം ഡിറ്റ്‌സ്‌ പറയുന്നു. “പുറത്തു​നിന്ന്‌ ആഹാരം കഴിക്കു​ന്നത്‌, പ്രഭാ​ത​ഭ​ക്ഷണം തുടർച്ച​യാ​യി മുടക്കു​ന്നത്‌, ലഘുപാ​നീ​യ​ങ്ങ​ളും ഫാസ്റ്റ്‌ ഫുഡും ധാരാ​ള​മാ​യി കഴിക്കു​ന്നത്‌, സ്‌കൂ​ളു​ക​ളിൽ വേണ്ടത്ര കായിക വിദ്യാ​ഭ്യാ​സ​പ​രി​പാ​ടി​കൾ ഇല്ലാത്തത്‌, പഠനത്തിന്‌ ഇടയ്‌ക്ക്‌ ആവശ്യ​ത്തിന്‌ ഇടവേള ലഭിക്കാ​ത്തത്‌ എല്ലാം ഇതിൽ ഉൾപ്പെ​ടു​ന്നു.”

ഒരിക്കൽ പ്രമേഹം പിടി​പെ​ട്ടാൽ അതിൽനി​ന്നു പൂർണ​വി​മോ​ച​ന​മില്ല. അതു​കൊണ്ട്‌, പ്രമേ​ഹ​രോ​ഗി​യായ ഒരു കൗമാ​ര​പ്രാ​യ​ക്കാ​രന്റെ ജ്ഞാനപൂർവ​ക​മായ ഉപദേ​ശ​ത്തി​നു ചെവി​കൊ​ടു​ക്കുക: “പോഷ​ക​ഗു​ണം തീരെ​യി​ല്ലാത്ത സാധനങ്ങൾ കഴിക്കു​ന്നതു നിറു​ത്തുക, ആരോ​ഗ്യ​മു​ള്ളവർ ആയിരി​ക്കുക.”

 [8, 9 പേജു​ക​ളി​ലെ ചതുരം/ചിത്രം]

ഗ്ലൂക്കോസിന്റെ ധർമം

ശരീര​ത്തി​ലെ ശതസഹ​സ്ര​കോ​ടി​ക്ക​ണ​ക്കി​നു വരുന്ന കോശ​ങ്ങ​ളു​ടെ ഊർജ സ്രോ​തസ്സ്‌ ആണു ഗ്ലൂക്കോസ്‌. ഗ്ലൂക്കോ​സിന്‌ കോശ​ങ്ങ​ളി​ലേ​ക്കുള്ള “വാതിൽ തുറന്നു”കൊടു​ക്കു​ന്നത്‌, ആഗ്നേയ​ഗ്രന്ഥി സ്രവി​പ്പി​ക്കുന്ന ഒരു രാസപ​ദാർഥ​മായ ഇൻസു​ലി​നാണ്‌. ടൈപ്പ്‌ 1 പ്രമേഹം ഉള്ളവരു​ടെ ശരീര​ത്തിൽ ഇൻസു​ലിൻ തീരെ കുറവാ​യി​രി​ക്കും. ടൈപ്പ്‌ 2 പ്രമേഹം ഉള്ളവരു​ടെ ശരീരം ഇൻസു​ലിൻ ഉത്‌പാ​ദി​പ്പി​ക്കു​ന്നു​ണ്ടെ​ങ്കി​ലും, മിക്ക​പ്പോ​ഴും അത്‌ വേണ്ടത്ര കാണില്ല. g മാത്രമല്ല, കോശങ്ങൾ ഇൻസു​ലി​നെ ആഗിരണം ചെയ്യു​ന്ന​തിൽനി​ന്നു വിട്ടു​നിൽക്കു​ക​യും ചെയ്യുന്നു. ഈ അവസ്ഥയ്‌ക്കാണ്‌ ഇൻസു​ലിൻ പ്രതി​രോ​ധം എന്നു പറയു​ന്നത്‌. മേൽപ്പറഞ്ഞ രണ്ടുതരം പ്രമേ​ഹ​ത്തി​ന്റെ​യും ഫലം ഒന്നുത​ന്നെ​യാണ്‌: കോശ​ങ്ങൾക്ക്‌ ആവശ്യ​ത്തി​നു ഗ്ലൂക്കോസ്‌ ലഭിക്കാ​തെ വരുന്നു, രക്തത്തിലെ പഞ്ചസാ​ര​യു​ടെ അളവ്‌ അപകട​ക​ര​മാം വിധം ഉയരുന്നു.

ടൈപ്പ്‌ 1 പ്രമേ​ഹ​മുള്ള ഒരു വ്യക്തി​യു​ടെ പ്രതി​രോ​ധ​വ്യ​വസ്ഥ, ആഗ്നേയ​ഗ്ര​ന്ഥി​യി​ലെ ഇൻസു​ലിൻ ഉത്‌പാ​ദി​പ്പി​ക്കുന്ന ബീറ്റാ​കോ​ശ​ങ്ങളെ ആക്രമി​ക്കു​ന്നു. ഇത്തരം പ്രമേ​ഹ​ത്തിൽ, ശരീരം അതി​ന്റെ​തന്നെ കോശ​ങ്ങ​ളോ​ടോ കലയോ​ടോ യുദ്ധം ചെയ്യു​ന്ന​തു​കൊണ്ട്‌ ചില​പ്പോ​ഴൊ​ക്കെ ഇതിനെ പ്രതി​രോ​ധ​വ്യ​വ​സ്ഥ​യു​ടെ പ്രേര​ണ​യാൽ ഉണ്ടാകുന്ന പ്രമേഹം എന്നു വിളി​ക്കാ​റുണ്ട്‌. വൈറ​സു​ക​ളും വിഷാം​ശ​മുള്ള രാസവ​സ്‌തു​ക്ക​ളും ചില മരുന്നു​ക​ളു​മൊ​ക്കെ പ്രതി​രോ​ധ​വ്യ​വ​സ്ഥ​യു​ടെ ഈ പ്രതി​ക​ര​ണ​ത്തി​നു കാരണ​മാ​കു​ന്ന​താ​യി കണ്ടെത്തി​യി​രി​ക്കു​ന്നു. ജനിതക ഘടനയും ഒരു പങ്കുവ​ഹി​ച്ചേ​ക്കാം. കാരണം ടൈപ്പ്‌ 1 പ്രമേഹം സാധാ​ര​ണ​ഗ​തി​യിൽ  പാരമ്പ​ര്യ​മാ​യി കണ്ടുവ​രാ​റുണ്ട്‌. വെള്ളക്കാർക്കി​ട​യിൽ അതു വളരെ സാധാ​ര​ണ​മാണ്‌.

ടൈപ്പ്‌ 2 പ്രമേഹം പാരമ്പ​ര്യ​മാ​യി കണ്ടുവ​രു​ന്നത്‌ കൂടു​ത​ലും വെള്ളക്കാർ അല്ലാത്ത​വ​രു​ടെ ഇടയി​ലാണ്‌. അതായത്‌ ഓസ്‌​ട്രേ​ലി​യൻ ആദിവാ​സി​കൾക്കി​ട​യി​ലും സ്വദേ​ശി​ക​ളായ അമേരി​ക്ക​ക്കാർക്ക്‌ ഇടയി​ലും മറ്റും. ലോക​ത്തിൽ ഏറ്റവും കൂടുതൽ, ടൈപ്പ്‌ 2 പ്രമേ​ഹ​രോ​ഗി​കൾ ഉള്ളത്‌ സ്വദേ​ശി​ക​ളായ അമേരി​ക്ക​ക്കാ​രു​ടെ ഇടയി​ലാണ്‌. പാരമ്പര്യ ഘടകവും പൊണ്ണ​ത്ത​ടി​യും തമ്മിലുള്ള ബന്ധത്തെ കുറിച്ചു ഗവേഷകർ പഠിച്ചു​കൊ​ണ്ടി​രി​ക്കു​ക​യാണ്‌. h അതു​പോ​ലെ, പാരമ്പ​ര്യ​മാ​യി​ത്തന്നെ ഇൻസു​ലിൻ പ്രതി​രോ​ധം ഉണ്ടാകാൻ സാധ്യ​ത​യുള്ള ആളുക​ളിൽ, അമിത കൊഴുപ്പ്‌ ഇൻസു​ലിൻ പ്രതി​രോ​ധം വർധി​പ്പി​ക്കു​ന്നത്‌ എങ്ങനെ​യാണ്‌ എന്നതു സംബന്ധി​ച്ചും ഗവേഷ​ണങ്ങൾ നടന്നു​കൊ​ണ്ടി​രി​ക്കു​ന്നു. ടൈപ്പ്‌ 1 പ്രമേ​ഹ​ത്തിൽനി​ന്നു വ്യത്യ​സ്‌ത​മാ​യി ടൈപ്പ്‌ 2 പ്രമേഹം ഉണ്ടാകു​ന്നതു പ്രധാ​ന​മാ​യും 40 വയസ്സു കഴിഞ്ഞ​വ​രി​ലാണ്‌.

[അടിക്കു​റി​പ്പു​കൾ]

[ചിത്രം]

ഗ്ലൂക്കോസ്‌ തന്മാത്ര

[കടപ്പാട്‌]

Courtesy: പസിഫിക്‌ നോർത്ത്‌വെസ്റ്റ്‌ നാഷണൽ ലബോ​റ​ട്ട​റി

[9-ാം പേജിലെ ചതുരം]

ആഗ്നേയഗ്രന്ഥിയുടെ ധർമം

ഏതാണ്ട്‌ ഒരു വാഴപ്പ​ഴ​ത്തി​ന്റെ അത്രയും വലുപ്പ​മുള്ള ആഗ്നേയ​ഗ്രന്ഥി ഉദരത്തി​നു പിന്നി​ലാ​യാ​ണു സ്ഥിതി​ചെ​യ്യു​ന്നത്‌. ദി അൺഒഫീ​ഷ്യൽ ഗൈഡ്‌ റ്റു ലിവിങ്‌ വിത്ത്‌ ഡയബറ്റിസ്‌ എന്ന പുസ്‌തകം ഇപ്രകാ​രം പറയുന്നു: “ആരോ​ഗ്യ​മുള്ള ആഗ്നേയ​ഗ്രന്ഥി അതിവി​ശി​ഷ്ട​മായ വിധത്തിൽ, കൃത്യ​ത​യോ​ടെ അതിന്റെ ധർമം നിർവ​ഹി​ക്കു​ന്നു. രക്തത്തിൽ കൂടി​യും കുറഞ്ഞും നിൽക്കുന്ന ഗ്ലൂക്കോ​സി​ന്റെ അളവു ക്രമീ​ക​രി​ക്കാൻ ആവശ്യ​മാ​യത്ര ഇൻസു​ലിൻ അത്‌ ദിവസം മുഴു​വ​നും പുറ​പ്പെ​ടു​വി​ച്ചു​കൊ​ണ്ടി​രി​ക്കു​ന്നു.” ആഗ്നേയ​ഗ്ര​ന്ഥി​യി​ലെ ബീറ്റാ​കോ​ശ​ങ്ങ​ളാണ്‌ ഇൻസു​ലിൻ എന്ന ഹോർമോ​ണി​ന്റെ ഉറവി​ടങ്ങൾ.

ആവശ്യ​ത്തിന്‌ ഇൻസു​ലിൻ ഉത്‌പാ​ദി​പ്പി​ക്കാൻ ബീറ്റാ​കോ​ശ​ങ്ങൾക്കു കഴിയാ​തെ വരു​മ്പോൾ, രക്തത്തിൽ ഗ്ലൂക്കോ​സി​ന്റെ അളവു വർധി​ക്കു​ന്നു. ഇതിനെ ഹൈപ്പർ​ഗ്ലൈ​സീ​മിയ എന്നു പറയുന്നു. നേരെ വിപരീ​തം സംഭവി​ക്കു​ന്ന​തി​നെ—രക്തത്തിലെ പഞ്ചസാ​ര​യു​ടെ അളവു സാധാ​ര​ണ​യി​ലും കുറഞ്ഞു​പോ​കു​ന്ന​തി​നെ—ഹൈ​പ്പോ​ഗ്ലൈ​സീ​മിയ എന്നും പറയുന്നു. രക്തത്തിലെ ഗ്ലൂക്കോ​സി​ന്റെ അളവു ക്രമീ​ക​രി​ക്കു​ന്ന​തിൽ ആഗ്നേയ​ഗ്ര​ന്ഥി​യെ​പ്പോ​ലെ കരളും ഒരു പങ്കുവ​ഹി​ക്കു​ന്നുണ്ട്‌. കരൾ, അധികം വരുന്ന ഗ്ലൂക്കോ​സി​നെ ഗ്ലൈ​ക്കോ​ജ​നാ​ക്കി മാറ്റി സംഭരി​ച്ചു​വെ​ക്കു​ന്നു. പിന്നീട്‌ ആഗ്നേയ​ഗ്ര​ന്ഥി​യു​ടെ നിർദേ​ശ​പ്ര​കാ​രം, അത്‌ ഗ്ലൈ​ക്കോ​ജനെ തിരികെ ഗ്ലൂക്കോ​സാ​ക്കി മാറ്റി​ക്കൊ​ണ്ടു ശരീര​ത്തി​ന്റെ ഉപയോ​ഗ​ത്തി​നാ​യി ലഭ്യമാ​ക്കു​ന്നു.

[9-ാം പേജിലെ ചതുരം/ചിത്രം]

പഞ്ചസാരയുടെ ധർമം

പഞ്ചസാര അധികം കഴിച്ചാൽ പ്രമേഹം പിടി​പെ​ടും എന്നൊരു മിഥ്യാ​ധാ​രണ പൊതു​വേ ഉണ്ട്‌. എന്നാൽ, കഴിക്കുന്ന പഞ്ചസാ​ര​യു​ടെ അളവ്‌ എത്രയാ​യി​രു​ന്നാ​ലും, തൂക്കം കൂടു​ന്നത്‌ പാരമ്പ​ര്യ​മാ​യി ഈ രോഗം ഉണ്ടാകാ​നി​ട​യുള്ള വ്യക്തി​ക​ളിൽ അപകട സാധ്യത വർധി​പ്പി​ക്കു​ന്നു എന്ന്‌ ചികി​ത്സാ​രം​ഗത്തെ ചില തെളി​വു​കൾ കാണി​ക്കു​ന്നു. എന്നിരു​ന്നാ​ലും, പഞ്ചസാര അധികം കഴിക്കു​ന്നത്‌ ആരോ​ഗ്യ​ത്തിന്‌ നല്ലതല്ല. പഞ്ചസാ​ര​യിൽ പോഷ​കങ്ങൾ തീരെ കുറവാണ്‌. മാത്രമല്ല അതു പൊണ്ണ​ത്ത​ടിക്ക്‌ ഇടയാ​ക്കു​ക​യും ചെയ്യും.

പ്രമേ​ഹ​രോ​ഗി​കൾക്കു പഞ്ചസാ​ര​യോട്‌ അമിത​മായ ആഗ്രഹം തോന്നു​മെ​ന്നുള്ള അബദ്ധ ധാരണ​യും നിലവി​ലുണ്ട്‌. വാസ്‌ത​വ​ത്തിൽ, മറ്റാളു​കൾക്കു മധുര​ത്തോ​ടുള്ള അതേ താത്‌പ​ര്യ​മാണ്‌ ഇവർക്കും ഉള്ളത്‌. പ്രമേഹം നിയ​ന്ത്രി​ക്കാ​ത്ത​പക്ഷം അതു വിശപ്പു​ണ്ടാ​ക്കും, എന്നാൽ അതു കേവലം പഞ്ചസാ​ര​യ്‌ക്കു​വേ​ണ്ടി​യു​ള്ളത്‌ ആയിരി​ക്കണം എന്നില്ല. പ്രമേഹം ഉള്ളവർക്കും മധുരം കഴിക്കാം. പക്ഷേ അവരുടെ മൊത്തം ആഹാര​ക്ര​മ​ത്തി​നു ചേർച്ച​യി​ലാ​യി​രി​ക്കണം അത്‌.

അടുത്ത​കാ​ലത്തെ പഠനങ്ങൾ കാണി​ക്കു​ന്നത്‌, പഴങ്ങളി​ലും പച്ചക്കറി​ക​ളി​ലും അടങ്ങി​യി​രി​ക്കുന്ന പഞ്ചസാര അധിക​മുള്ള ഭക്ഷണം കഴിക്കു​ന്നത്‌ ഇൻസു​ലിൻ പ്രതി​രോ​ധ​ത്തി​നു കാരണ​മാ​കു​ന്നു എന്നാണ്‌. മാത്രമല്ല അതു മൃഗങ്ങ​ളിൽപ്പോ​ലും—അവയുടെ തൂക്കം എത്രയാ​യി​രു​ന്നാ​ലും—പ്രമേ​ഹ​മു​ണ്ടാ​ക്കു​ന്നു.

[8, 9 പേജു​ക​ളി​ലെ രേഖാ​ചി​ത്രങ്ങൾ/ചിത്രങ്ങൾ]

ലളിതമായി പറഞ്ഞാൽ എന്താണ്‌ പ്രമേഹം?

ആഗ്നേയഗ്രന്ഥി

↓ ↓ ↓

ആരോഗ്യമുള്ള വ്യക്തി​യിൽ ടൈപ്പ്‌ 1 പ്രമേ​ഹ​മു​ള്ള​വ​രിൽ ടൈപ്പ്‌ 2 പ്രമേ​ഹ​മു​ള്ള​വ​രിൽ

ഭക്ഷണം കഴിച്ചു​ക​ഴി​യു​മ്പോൾ, ഇൻസു​ലിൻ ഉത്‌പാ​ദി​പ്പി​ക്കുന്ന മിക്ക കേസുകളിലും

രക്തത്തിൽ അടങ്ങി​യി​രി​ക്കുന്ന ആഗ്നേയ​ഗ്ര​ന്ഥി​യി​ലെ ബീറ്റാ​കോ​ശ​ങ്ങളെ ആഗ്നേയഗ്രന്ഥി

ഗ്ലൂക്കോസിന്റെ അളവു വർധി​ക്കു​ന്നു. ശരീര​ത്തി​ലെ പ്രതി​രോ​ധ​വ്യ​വ​സ്ഥ​തന്നെ കുറഞ്ഞതോതിൽ

ഉടനെ ആവശ്യ​ത്തിന്‌ ഇൻസു​ലിൻ ആക്രമി​ക്കു​ന്നു. തത്‌ഫ​ല​മാ​യി മാത്രമേ ഇൻസുലിൻ

സ്രവിപ്പിച്ചുകൊണ്ട്‌ ആഗ്നേയ​ഗ്രന്ഥി ഇൻസു​ലിൻ ഉത്‌പാ​ദനം ഉത്‌പാദിപ്പിക്കുന്നുള്ളൂ

പ്രതികരിക്കുന്നു നടക്കാ​തി​രി​ക്കു​ന്നു.

↓ ↓ ↓

ഇൻസുലിൻ തന്മാ​ത്രകൾ ഇൻസു​ലി​ന്റെ സഹായ​മി​ല്ലാ​തെ ഗ്രാഹി​ക​ളു​ടെ പ്രതികരണം

പേശീകോശങ്ങളിലെയും ഗ്ലൂക്കോസ്‌ തന്മാ​ത്ര​കൾക്കു മന്ദഗതി​യി​ലാ​ണെ​ങ്കിൽ,

മറ്റുകോശങ്ങളിലെയും പേശീ​കോ​ശ​ങ്ങ​ളിൽ രക്തത്തിൽനി​ന്നു ഗ്ലൂക്കോസ്‌

ഇൻസുലിൻ ഗ്രാഹി​ക​ളോ​ടു പ്രവേ​ശി​ക്കാൻ സാധി​ക്കില്ല തന്മാ​ത്ര​കളെ ആഗിരണം

പറ്റിച്ചേരുന്നു. തുടർന്ന്‌, ഗ്ലൂക്കോസ്‌ ചെയ്യാ​നുള്ള പ്രവർത്തനങ്ങൾ

തന്മാത്രകൾ പേശീ​കോ​ശ​ങ്ങ​ളി​ലേക്കു നടക്കാതെ പോകുന്നു

പ്രവേശിക്കുന്നു

↓ ↓ ↓

പേശീ​കോ​ശങ്ങൾ രക്തത്തിൽ ഗ്ലൂക്കോസിന്റെ

ഗ്ലൂക്കോസിനെ ആഗിരണം അളവു വർധി​ക്കു​ന്നു.

ചെയ്‌തു ദഹിപ്പി​ക്കു​ന്നു. അതാകട്ടെ, ശരീരത്തിലെ

അങ്ങനെ രക്തത്തിലെ സുപ്ര​ധാന പ്രവർത്തനങ്ങൾക്കെല്ലാം

ഗ്ലൂക്കോസിന്റെ അളവ്‌ വിലങ്ങു​ത​ടി​യാ​യി നിൽക്കുകയും

സാധാരണ നിലയി​ലാ​കു​ന്നു രക്തക്കു​ഴ​ലു​ക​ളു​ടെ ഭിത്തിക്കു

ക്ഷതം വരുത്തു​ക​യും ചെയ്യുന്നു

[രേഖാ​ചി​ത്രം]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

കോശം

പ്രവേ​ശി​ക

ഇൻസു​ലിൻ ഗ്രാഹി

ഇൻസു​ലിൻ

കോശ​മർമം

ഗ്ലൂക്കോസ്‌

[രേഖാ​ചി​ത്രം]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

രക്തക്കുഴൽ

അരുണ​ര​ക്താ​ണു​ക്കൾ

ഗ്ലൂക്കോസ്‌

[കടപ്പാട്‌]

മനുഷ്യൻ: The Complete Encyclopedia of Illustration/J. G. Heck

[7-ാം പേജിലെ ചിത്രം]

പ്രമേഹമുള്ളവർ ഉചിത​മായ ആഹാര​ക്രമം പിൻപ​റ്റേ​ണ്ടത്‌ അത്യന്താ​പേ​ക്ഷി​ത​മാണ 

[10-ാം പേജിലെ ചിത്രങ്ങൾ]

പ്രമേഹരോഗികൾക്ക്‌ സാധാരണ ജീവിതം നയിക്കാൻ കഴിയും