അശ്ലീലം വിപരീത കാഴ്‌ച​പ്പാ​ടു​കൾ

“ഒരിക്ക​ലും ഉണ്ടാക​രു​താത്ത അഭിനി​വേ​ശ​ങ്ങൾക്ക്‌ അതു തിരി​കൊ​ളു ത്തുന്നു, ഒരിക്ക​ലും തൃപ്‌തി​പ്പെ​ടു​ത്ത​രു​താത്ത തൃഷ്‌ണ​കളെ അത്‌ തൊട്ടു​ണർത്തു​ന്നു.”—പംക്തി​യെ​ഴു​ത്തു​കാ​ര​നായ ടോണി പാർസൺസ്‌.

‘ഇന്റർനെറ്റ്‌ ലൈം​ഗി​ക​ത​യിൽ’ ആസക്തനാ​കാൻ ജോൺ ഒരിക്ക​ലും ഉദ്ദേശി​ച്ചി​രു​ന്നില്ല. a അശ്ലീല സൈറ്റു​ക​ളി​ലും ലൈം​ഗിക സല്ലാപ വേദി​ക​ളി​ലും യാദൃ​ശ്ചി​ക​മാ​യി ചെന്നു​പെ​ടുന്ന മറ്റനേ​ക​രെ​യും പോലെ, ഒരുനാൾ ഇന്റർനെ​റ്റിൽ പരതു​മ്പോൾ അത്തരം സല്ലാപ​ത്തി​നു വേദി​യൊ​രു​ക്കുന്ന ഒരു സൈറ്റിൽ ജോണി​ന്റെ​യും കണ്ണുടക്കി. സൈബർസെ​ക്‌സി​ന്റെ ചതുപ്പി​ലാ​ണ്ടു​പോ​കാൻ പിന്നെ വലിയ താമസ​മൊ​ന്നും ഉണ്ടായില്ല. “ഭാര്യ ജോലി​ക്കു പോകു​ന്ന​തും കാത്ത്‌ ഞാനങ്ങനെ കിടക്കു​മാ​യി​രു​ന്നു, പിന്നെ കിടക്ക​യിൽനിന്ന്‌ ചാടി​യെ​ഴു​ന്നേറ്റ്‌ കമ്പ്യൂ​ട്ട​റി​ന്റെ മുന്നി​ലേക്ക്‌ ആർത്തി​യോ​ടെ ഓടും, അവിടെ മണിക്കൂ​റു​കൾതന്നെ കഴിച്ചു​കൂ​ട്ടും,” ജോൺ ഓർമി​ക്കു​ന്നു. ചില നെടു​നീ​ളൻ സല്ലാപ​ങ്ങൾക്കി​ട​യിൽ അയാൾ തിന്നാ​നും കുടി​ക്കാ​നും​കൂ​ടെ മറന്നു​പോ​കു​മാ​യി​രു​ന്നു. “വിശ​പ്പൊ​ന്നും ഞാൻ അറിഞ്ഞ​തേ​യില്ല,” അയാൾ പറയുന്നു. തന്റെ ഈ രഹസ്യ ഏർപ്പാ​ടു​ക​ളെ​പ്പറ്റി അയാൾ ഭാര്യ​യോ​ടു കള്ളം പറഞ്ഞു നിന്നു. അത്‌ ജോലി​യി​ലെ അയാളു​ടെ ഏകാഗ്രത നഷ്ടപ്പെ​ടു​ത്തി. പെരു​മാ​റ്റ​ത്തിൽ ഒരുതരം പേടി​യും പരി​ഭ്ര​മ​വു​മൊ​ക്കെ നിഴലി​ക്കാൻ തുടങ്ങി, അത്‌ ഒന്നി​നൊന്ന്‌ കൂടി​വ​രി​ക​യും ചെയ്‌തു. ജോണി​ന്റെ വിവാ​ഹ​ബ​ന്ധ​ത്തെ​യും അതു ബാധിച്ചു. ഒടുവിൽ അയാൾ തന്റെ സൈബർസെ​ക്‌സ്‌ പങ്കാളി​ക​ളിൽ ഒരാളെ നേരിട്ടു കാണാൻ ക്രമീ​ക​രി​ച്ച​പ്പോൾ അയാളു​ടെ ഭാര്യ അതു കണ്ടുപി​ടി​ച്ചു. സൈബർസെ​ക്‌സ്‌ ആസക്തി​യിൽ നിന്നു മോചനം തേടി ജോൺ ഇന്നു ചികി​ത്സ​യി​ലാണ്‌.

അശ്ലീല​ത്തി​ന്റെ അധഃപ​തി​പ്പി​ക്കുന്ന ഫലങ്ങൾക്കു തെളി​വാ​യി അശ്ലീല-വിരുദ്ധ പ്രവർത്തകർ ഇത്തരം അനുഭ​വങ്ങൾ ചൂണ്ടി​ക്കാ​ണി​ക്കാ​റുണ്ട്‌. അശ്ലീലം ബന്ധങ്ങളെ ശിഥി​ല​മാ​ക്കു​ക​യും സ്‌ത്രീ​കളെ അപഹസി​ക്കു​ക​യും കുട്ടി​കളെ ദുരു​പ​യോ​ഗം ചെയ്യു​ക​യും ലൈം​ഗി​ക​തയെ കുറിച്ച്‌ വികട​വും അപകട​ക​ര​വു​മായ ഒരു വീക്ഷണം ഉരുത്തി​രി​യാൻ ഇടയാ​ക്കു​ക​യും ചെയ്യു​മെന്ന്‌ അവർ വാദി​ക്കു​ന്നു. അതേസ​മയം, അതിനെ അനുകൂ​ലി​ക്കു​ന്നവർ അതൊരു തുറന്ന വികാ​ര​പ്ര​ക​ട​ന​മാണ്‌ എന്ന്‌ സമർഥി​ക്കു​ക​യും അശ്ലീല-വിരുദ്ധ പ്രവർത്തകർ, ഇത്തരം കാര്യങ്ങൾ തങ്ങളെ ഞെട്ടി​ക്കു​ന്ന​താ​യി വെറുതേ നടിക്കു​ക​യാണ്‌ എന്ന്‌ ആരോ​പി​ക്കു​ക​യും ചെയ്യുന്നു. “ആളുകൾ തങ്ങളുടെ ലൈം​ഗിക അഭിനി​വേ​ശ​ങ്ങളെ അഥവാ രതി തൃഷ്‌ണ​കളെ മൂടി​വെ​ക്കേ​ണ്ട​തില്ല” എന്ന്‌ ഒരു അനുകൂ​ല​വാ​ദി തുറ​ന്നെ​ഴു​തു​ന്നു. “ഒരൽപ്പം അശ്ലീലം ഉപയോ​ഗിച്ച്‌ ലൈം​ഗി​ക​തയെ കുറി​ച്ചുള്ള സരളമായ ചർച്ചകൾക്ക്‌ വഴിതു​റ​ക്കാൻ കഴിയും” എന്നും അയാൾ കൂട്ടി​ച്ചേർക്കു​ന്നു. രതിസം​ബ​ന്ധി​യായ വിഷയ​ങ്ങ​ളു​ടെ വ്യാപനം ഹൃദയ​വി​ശാ​ല​ത​യും മാനസി​കാ​രോ​ഗ്യ​വു​മുള്ള ഒരു സമൂഹ​ത്തി​ന്റെ മുഖമു​ദ്ര​യാണ്‌ എന്നുവരെ ചിലർ പറയുന്നു. “മുതിർന്ന രണ്ടാളു​കൾ പരസ്‌പ​ര​സ​മ്മ​ത​ത്തോ​ടെ ഏർപ്പെ​ടുന്ന രതി​ക്രീ​ഡ​ക​ളു​ടെ മറയി​ല്ലാത്ത ചിത്ര​ണങ്ങൾ കണ്ടുനിൽക്കാൻ കെൽപ്പുള്ള ഒരു സമൂഹ​ത്തി​ലെ ആളുകൾ സാധ്യ​ത​യ​നു​സ​രിച്ച്‌ രതി​വൈ​ചി​ത്ര്യ​ങ്ങ​ളും സ്‌ത്രീ​സ​മ​ത്വ​വും വെച്ചു​പൊ​റു​പ്പി​ക്കു​ന്ന​വ​രാ​യി​രി​ക്കും” എന്ന്‌ എഴുത്തു​കാ​ര​നായ ബ്രയൻ മെക്‌നേർ അഭി​പ്രാ​യ​പ്പെ​ടു​ന്നു.

സമൂഹ​ത്തി​ന്റെ സമ്മിശ്ര കാഴ്‌ച​പ്പാ​ടു​കൾ അശ്ലീലത്തെ അംഗീ​കാ​ര​യോ​ഗ്യ​മാ​ക്കു​ന്നു​ണ്ടോ? അത്‌ ഇത്ര വ്യാപകം ആയിരി​ക്കു​ന്നത്‌ എന്തു​കൊ​ണ്ടാണ്‌? അശ്ലീലം കണ്ട്‌ ആസ്വദി​ക്കു​ന്നത്‌ അത്ര അപകട​ക​ര​മായ ഒരു സംഗതി​യാ​ണോ? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ പരിചി​ന്തി​ക്കു​ന്ന​താ​യി​രി​ക്കും. (g03 7/22)

[അടിക്കു​റിപ്പ്‌]