ഗ്ലാമറി​ന്റെ ഇരുണ്ട​വ​ശം

ഫാഷനു ചേർച്ച​യി​ലുള്ള വസ്‌ത്ര​ധാ​രണം നിങ്ങളു​ടെ ആകാര​ഭം​ഗി​ക്കു മിഴി​വേ​കു​ക​യും ആത്മവി​ശ്വാ​സ​ത്തി​നു തിളക്കം വർധി​പ്പി​ക്കു​ക​യും ചെയ്യും എന്നതിനു സംശയ​മില്ല. നന്നായി ഇണങ്ങുന്ന വസ്‌ത്രം ധരിക്കു​ന്നത്‌ ബാഹ്യാ​കാ​ര​ത്തി​ന്റെ ന്യൂന​തകൾ പരിഹ​രി​ക്കു​ക​യും നിങ്ങളു​ടെ ആകർഷ​ക​മായ സവി​ശേ​ഷ​ത​കൾക്കു മാറ്റു​കൂ​ട്ടു​ക​യും ചെയ്യും. മറ്റുള്ളവർ നിങ്ങളെ വീക്ഷി​ക്കുന്ന വിധ​ത്തെ​യും അതു സ്വാധീ​നി​ക്കും.

എന്നാൽ ഫാഷൻ ലോക​ത്തിന്‌, അവഗണി​ക്കാ​നാ​കാത്ത ഒരു ഇരുണ്ട​വ​ശ​മുണ്ട്‌. അതായത്‌, പുതിയ പുതിയ വസ്‌ത്രങ്ങൾ വാങ്ങി​ക്കൂ​ട്ടാ​നുള്ള ഒരു ത്വര അത്‌ ഉപഭോ​ക്താ​ക്ക​ളിൽ ഉളവാ​ക്കി​യേ​ക്കാം. ഫാഷൻ വ്യവസാ​യം പുത്തൻ സ്റ്റൈലു​കൾ പുറത്തി​റ​ക്കു​ന്നു. ഇത്‌ അവർ മനഃപൂർവം ചെയ്യു​ന്ന​താണ്‌. കാരണം വസ്‌ത്രങ്ങൾ പെട്ടെന്നു ഫാഷന​ല്ലാ​താ​കു​ന്തോ​റും ഫാഷൻ ഡി​സൈ​നിങ്‌ സ്ഥാപന​ങ്ങൾക്ക്‌ വൻ ലാഭം കൊയ്യാൻ കഴിയു​ന്നു. ഫാഷൻ ഡി​സൈ​ന​റായ ഗബ്രി​യേൽ ചാനൽ ഇപ്രകാ​രം പറയുന്നു: “ഫാഷന​ല്ലാ​താ​കു​ന്ന​തി​നു​വേ​ണ്ടി​യാണ്‌ ഫാഷനു​കൾ സൃഷ്ടി​ക്കു​ന്ന​തു​തന്നെ.” തങ്ങൾ ഒട്ടും പിന്നി​ലാ​കാ​തി​രി​ക്ക​ണ​മെ​ങ്കിൽ പുതിയ വസ്‌ത്രങ്ങൾ വാങ്ങി​ക്കൊ​ണ്ടേ​യി​രി​ക്കണം എന്ന്‌ വേണ്ടത്ര ജാഗ്രത പുലർത്താത്ത ഉപഭോ​ക്താ​ക്കൾ കരുതു​ക​യും ചെയ്യുന്നു.

പരസ്യം വളരെ തന്ത്രപ​ര​മാ​യി ചെലു​ത്തുന്ന സമ്മർദ​ത്തി​നു വഴി​പ്പെ​ടു​ന്ന​താണ്‌ മറ്റൊരു അപകടം. ഫാഷൻ കമ്പനികൾ തങ്ങളുടെ ഉത്‌പന്നം വിറ്റഴി​ക്കു​ന്ന​തി​നാ​യി ദശലക്ഷ​ക്ക​ണ​ക്കി​നു ഡോള​റാ​ണു മുടക്കു​ന്നത്‌. അവരുടെ ഒരു പ്രത്യേക ബ്രാൻഡ്‌ ഉത്‌പന്നം ഉപയോ​ഗി​ക്കു​ന്നവർ യാതൊ​രു അല്ലലു​മി​ല്ലാത്ത ഒരു പ്രത്യേ​ക​തരം ജീവിതം ആസ്വദി​ക്കു​ന്ന​താ​യി അവർ പരസ്യ​ങ്ങ​ളി​ലൂ​ടെ ചിത്രീ​ക​രി​ക്കു​ന്നു. ഇത്തരം ആശയങ്ങൾക്ക്‌ ശക്തമായ പ്രഭാവം ചെലു​ത്താൻ കഴിയും. “കൗമാ​ര​പ്രാ​യ​ക്കാ​രെ സംബന്ധി​ച്ചി​ട​ത്തോ​ളം ‘നല്ല ബ്രാൻഡി​ന്റെ’ ഷൂസ്‌ ഇല്ലെങ്കിൽ, അവരെ അതു​പോ​ലെ അലട്ടുന്ന മറ്റൊരു സംഗതി​യു​ണ്ടാ​വില്ല” എന്ന്‌ സ്‌പെ​യി​നി​ലെ ഒരു സ്‌കൂൾ അധ്യാ​പിക പറയുന്നു.

ഭ്രമത്തി​ന്റെ കുരുക്ക്‌

ഒരു പ്രത്യേക കൂട്ടത്തിൽ പെട്ടവ​രാ​യി തങ്ങളെ തിരി​ച്ച​റി​യി​ക്കു​ന്ന​തിന്‌ ചിലയാ​ളു​കൾ ഒരു പ്രത്യേക വസ്‌ത്ര​ധാ​ര​ണ​രീ​തി പിൻപ​റ്റു​ന്നു. അതു ചില​പ്പോൾ സമൂഹ​ത്തോ​ടുള്ള ധിക്കാ​ര​ത്തെ​യോ, കൂടുതൽ സ്വത​ന്ത്ര​മായ ഒരു ജീവി​ത​രീ​തി​യെ​യോ, അക്രമ​ത്തെ​യോ വർഗീയ ചിന്താ​ഗ​തി​യെ​യോ​പോ​ലും പ്രതി​ഫ​ലി​പ്പി​ച്ചേ​ക്കാം. ഇത്തരം കൂട്ടങ്ങ​ളു​ടെ വസ്‌ത്ര​ധാ​ര​ണ​ത്തി​ന്റെ സ്റ്റൈലു​കൾ അങ്ങേയറ്റം ഞെട്ടി​ക്കുന്ന തരത്തി​ലു​ള്ളത്‌ ആയിരി​ക്കാ​മെ​ങ്കി​ലും കൂട്ടത്തിൽ എല്ലാവ​രും​തന്നെ അതു പിൻപ​റ്റു​ന്നു. ചിലർക്ക്‌ ഇങ്ങനെ​യുള്ള കൂട്ടത്തി​ന്റെ ആശയഗ​തി​ക​ളോ​ടു പ്രതി​പത്തി ഇല്ലെങ്കി​ലും അവരുടെ വസ്‌ത്ര​ധാ​ര​ണ​രീ​തി​യോട്‌ ആകർഷണം തോന്നി​യേ​ക്കാം. ഇത്തരം വേഷവി​ധാ​ന​രീ​തി​കൾ പകർത്തു​ന്നവർ, തങ്ങളും ഈ കൂട്ടത്തി​ന്റെ ആശയഗ​തി​കൾ പങ്കിടു​ക​യും ഉന്നമി​പ്പി​ക്കു​ക​യും ചെയ്യു​ന്ന​വ​രാ​ണെന്ന തോന്നൽ മറ്റുള്ള​വ​രിൽ ഉളവാ​ക്കി​യേ​ക്കാം.

ഫാഷൻ വരിക​യും പോവു​ക​യും ചെയ്യും, ചിലതാ​ണെ​ങ്കിൽ ഏതാനും മാസങ്ങൾക്കു​ള്ളിൽത്തന്നെ അപ്രത്യ​ക്ഷ​മാ​കും. ജനപ്രി​യ​രായ സിനി​മാ​താ​ര​ങ്ങ​ളോ പുതിയ സ്റ്റൈലു​കൾ തുടങ്ങി​വെ​ക്കു​ന്ന​വ​രോ ഒക്കെ ആയിരി​ക്കാം ഫാഷനു​കൾ ഇറക്കു​മതി ചെയ്യു​ന്നത്‌. എന്നിരു​ന്നാ​ലും, ചില ഫാഷനു​കൾ പിന്നീട്‌ വ്യവസ്ഥാ​പിത വസ്‌ത്ര​ധാ​ര​ണ​രീ​തി​ക​ളാ​യി മാറി​യി​ട്ടുണ്ട്‌. ഉദാഹ​ര​ണ​ത്തിന്‌, 1950-കളിലും 60-കളിലും യുവ വിപ്ലവ​കാ​രി​കൾക്കു പ്രിയ​ങ്ക​ര​മാ​യി​രു​ന്നു നീല ജീൻസ്‌. എന്നാൽ ഇന്ന്‌, ആളുകൾ പ്രായ​ഭേ​ദ​മ​ന്യേ പല അവസര​ങ്ങ​ളി​ലും അതു ധരിക്കു​ന്നു.

ആകാര​വ​ടി​വി​നാ​യുള്ള വാഞ്‌ഛ

ഫാഷനെ കണ്ണുമ​ടച്ചു പിന്തു​ട​രു​ന്ന​വർക്ക്‌ തങ്ങളുടെ ആകാരം സംബന്ധിച്ച്‌ അമിത​മാ​യി ഉത്‌കണ്‌ഠ തോന്നാ​നി​ട​യുണ്ട്‌. ഫാഷൻ മോഡ​ലു​കൾ സാധാരണ വളരെ പൊക്ക​മു​ള്ള​വ​രും മെലി​ഞ്ഞ​വ​രു​മാണ്‌. എങ്ങോ​ട്ടു​തി​രി​ഞ്ഞാ​ലും അവരുടെ ചിത്ര​ങ്ങൾതന്നെ. a വാഹന​ങ്ങ​ളു​ടെ മുതൽ മിഠാ​യി​ക​ളു​ടെ വരെ പരസ്യ​ങ്ങ​ളിൽ “ശരിയായ” ആകാര​വ​ടി​വി​നാ​ണു പ്രാധാ​ന്യം. ബ്രിട്ടന്റെ സോഷ്യൽ ഇഷ്യൂസ്‌ റിസർച്ച്‌ സെന്ററി​ന്റെ കണക്കു പ്രകാരം “നമ്മുടെ അമ്മമാർ അവരുടെ കൗമാ​ര​ത്തിൽ ആകെ കണ്ടതി​നെ​ക്കാൾ കൂടുതൽ എണ്ണം സുന്ദരി​ക​ളു​ടെ ചിത്രങ്ങൾ ഇന്നത്തെ യുവ​പ്രാ​യ​ക്കാ​രി​കൾ ഒരുദി​വ​സം​തന്നെ കാണുന്നു.”

ഇടതട​വി​ല്ലാ​തെ കൺമു​ന്നിൽ വന്നുനി​റ​യുന്ന ഈ രൂപങ്ങൾക്ക്‌ ആളുക​ളിൽ ഹാനി​ക​ര​മായ ഫലം ഉളവാ​ക്കാൻ കഴിയും. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ വെള്ളക്കാ​രായ പെൺകു​ട്ടി​ക​ളിൽ 90 ശതമാ​ന​വും തങ്ങളുടെ ശരീര​വ​ടി​വിൽ സംതൃ​പ്‌ത​രാ​യി​രു​ന്നില്ല എന്ന്‌ ന്യൂസ്‌വീ​ക്കിൽ പ്രസി​ദ്ധീ​ക​രിച്ച ഒരു സർവേ വെളി​പ്പെ​ടു​ത്തു​ന്നു. ഇവരിൽ ചിലർ ‘എല്ലാം തികഞ്ഞ ആകാര​വ​ടിവ്‌’ കിട്ടാൻ അക്ഷരാർഥ​ത്തിൽത്തന്നെ എന്തും ചെയ്‌തു​ക​ള​യും. എന്നാൽ തൂക്കത്തി​ലും ആകാര​ത്തി​ലും  മാധ്യ​മങ്ങൾ അവതരി​പ്പി​ക്കുന്ന മോഡ​ലു​ക​ളെ​പ്പോ​ലെ​യാ​കാൻ കഴിയു​ന്നവർ വനിതാ ജനസം​ഖ്യ​യു​ടെ വെറും 5 ശതമാ​ന​ത്തിൽ കുറവാ​ണെന്ന്‌ സോഷ്യൽ ഇഷ്യൂസ്‌ റിസർച്ച്‌ സെന്റർ പറയുന്നു. എന്നിരു​ന്നാ​ലും, മെലിഞ്ഞ സുന്ദരി​കളെ ആരാധ​നാ​പാ​ത്ര​ങ്ങ​ളാ​ക്കി​യതു മൂലം ദശലക്ഷ​ക്ക​ണ​ക്കി​നു യുവ വനിത​ക​ളാണ്‌ കഠിന​മായ ആഹാര​നി​യ​ന്ത്ര​ണ​ത്തി​നും മറ്റും അടിമ​ക​ളാ​യി​രി​ക്കു​ന്നത്‌. ചിലരാ​കട്ടെ, ഗുരു​ത​ര​മായ പ്രത്യാ​ഘാ​ത​ങ്ങ​ളുള്ള അനൊ​റെ​ക്‌സിയ നെർവോസ എന്ന ആഹാര​ക്ര​മ​ക്കേ​ടി​ന്റെ പിടി​യി​ലേക്കു വഴുതി​വീ​ണി​രി​ക്കു​ന്നു. b അനൊ​റെ​ക്‌സി​യ​യു​ടെ പിടി​യി​ലാ​യി​രുന്ന സ്‌പാ​നീഷ്‌ മോഡ​ലായ നീവെസ്‌ ആൽബാ​രെത്ത്‌ ഇപ്രകാ​രം പറയുന്നു: “വണ്ണം​വെ​ക്കു​ന്നത്‌ മരിക്കു​ന്ന​തി​നെ​ക്കാൾ ഭയമാ​ണെ​നിക്ക്‌.”

അനൊ​റെ​ക്‌സി​യ, ബൂളി​മിയ എന്നീ ആഹാര​ക്ര​മ​ക്കേ​ടു​കൾക്കു നിദാ​ന​മാ​കുന്ന മറ്റുപല ഘടകങ്ങ​ളും ഉണ്ടെന്നു​ള്ളതു ശരിയാണ്‌. എന്നിരു​ന്നാ​ലും, ഡോക്ടർമാ​രായ ആൻ ഗീയ്‌മോ​യും മീഷെൽ ലെക്‌സെ​നെ​റും ഇപ്രകാ​രം പറയുന്നു: “വണ്ണക്കു​റ​വി​നോ​ടുള്ള ഉപാസ​ന​യാണ്‌ ഇതിൽ വലി​യൊ​രു പങ്ക്‌ വഹിക്കു​ന്നത്‌.”

 തീർച്ച​യാ​യും, ഫാഷന്‌ നല്ലവശ​വും ചീത്തവ​ശ​വു​മുണ്ട്‌. അത്‌ മറ്റുള്ള​വ​രു​ടെ മുമ്പിൽ ആകർഷ​ക​മാ​യി കാണ​പ്പെ​ടാ​നുള്ള മനുഷ്യ​ന്റെ സ്വാഭാ​വിക വാഞ്‌ഛ​യെ​യും പുതിയ വസ്‌ത്രങ്ങൾ ധരിക്കാ​നുള്ള അഭിലാ​ഷ​ത്തെ​യും പൂവണി​യി​ക്കു​ന്നു. എന്നാൽ അങ്ങേയ​റ്റത്തെ ഫാഷൻ ഭ്രമം മറ്റുള്ള​വർക്കു തെറ്റായ ധാരണ നൽകു​ന്ന​തരം വസ്‌ത്രം ധരിക്കു​ന്ന​തി​ലേക്കു നമ്മെ നയിക്കും. മാത്രമല്ല, നമ്മുടെ ബാഹ്യാ​കാ​ര​ത്തിന്‌ നാം അതിരു​ക​വിഞ്ഞ പ്രാധാ​ന്യം കൊടു​ക്കു​ന്നെ​ങ്കിൽ, നമ്മുടെ മൂല്യം നമ്മുടെ ആന്തരിക ഗുണങ്ങ​ളെയല്ല മറിച്ച്‌ ‘പുറം​മോ​ടി​യെ’ ആശ്രയി​ച്ചാ​ണി​രി​ക്കു​ന്നത്‌ എന്നു തെറ്റായി വിശ്വ​സി​ക്കു​ന്ന​വ​രോ​ടൊ​പ്പം കൈ​കോർക്കു​ക​യാ​യി​രി​ക്കും നാം ചെയ്യു​ന്നത്‌. “കേവലം പുറം​മോ​ടി​ക്കല്ല, മറിച്ച്‌ ഒരു വ്യക്തി​യു​ടെ കഴിവി​നും ആന്തരിക വ്യക്തി​ത്വ​ത്തി​നും നാം മൂല്യം കൽപ്പി​ക്കാൻ തുട​ങ്ങേ​ണ്ട​തുണ്ട്‌” എന്ന്‌ മേലു​ദ്ധ​രിച്ച ആൽബാ​രെത്ത്‌ പറയുന്നു. പക്ഷേ മാനദ​ണ്ഡ​ങ്ങ​ളിൽ അത്തരം മാറ്റങ്ങൾ ഉടനെ​യെ​ങ്ങും ദർശി​ക്കാ​മെന്നു തോന്നു​ന്നില്ല. അങ്ങനെ​യെ​ങ്കിൽ, ഫാഷ​നോട്‌ സമനി​ല​യുള്ള ഒരു വീക്ഷണം പുലർത്താൻ നമുക്ക്‌ എങ്ങനെ കഴിയും? (g03 9/08)

[അടിക്കു​റി​പ്പു​കൾ]

 [8, 9 പേജു​ക​ളി​ലെ ചതുരം/ചിത്രങ്ങൾ]

അതൊക്കെ വാസ്‌ത​വ​ത്തിൽ ആരെങ്കി​ലും ധരിക്കു​മോ?

ന്യൂ​യോർക്ക്‌, പാരീസ്‌, മിലാൻ എന്നിവി​ട​ങ്ങ​ളി​ലെ ഫാഷൻ ഹൗസുകൾ ഓരോ വസന്തത്തി​ലും ശരത്‌കാ​ല​ത്തും ഫാഷൻ സാമ്രാ​ജ്യ​ത്തി​ലെ മുടി​ചൂ​ടാ​മ​ന്നൻമാ​രായ ഡി​സൈ​നർമാർ രൂപം കൊടുത്ത വസ്‌ത്രങ്ങൾ പ്രദർശി​പ്പി​ക്കാ​റുണ്ട്‌. ഈ വസ്‌ത്ര​ങ്ങൾക്കു വളരെ വിലക്കൂ​ടു​ത​ലാ​ണെന്നു മാത്രമല്ല അവ തികച്ചും ഉപയോ​ഗ​ശൂ​ന്യ​വും ആയിരി​ക്കും, അവ സാധാരണ ധരിക്കാൻ പറ്റിയതല്ല. “ധാരാ​ളി​ത്തം വഴി​ഞ്ഞൊ​ഴു​കുന്ന, അതിരു​വിട്ട അതിന്റെ ഡി​സൈ​നു​കൾ പൊതു​ജ​നത്തെ മനസ്സിൽ കണ്ടു​കൊ​ണ്ടു​ള്ളതല്ല” എന്ന്‌ സ്‌പാ​നീഷ്‌ ഡി​സൈ​ന​റായ ച്വാൻ ഡുയോസ്‌ പറയുന്നു. “ഫാഷൻഷോ​ക​ളു​ടെ ഉദ്ദേശ്യം, പ്രദർശ​ന​ത്തി​നു വെച്ചി​രി​ക്കുന്ന വസ്‌ത്രങ്ങൾ വിൽക്കുക എന്നതി​ലു​പരി അതു ഡിസൈൻ ചെയ്‌ത വ്യക്തി​യി​ലേ​ക്കോ അല്ലെങ്കിൽ ബ്രാൻഡ്‌ നെയി​മി​ലേ​ക്കോ ശ്രദ്ധ ക്ഷണിക്കുക എന്നതാ​യി​രി​ക്കാം.” ഉദാഹ​ര​ണ​ത്തിന്‌, വളരെ​യ​ധി​കം മാധ്യമ ശ്രദ്ധ പിടി​ച്ചു​പ​റ്റുന്ന അത്യാ​കർഷ​ക​ങ്ങ​ളായ ഉടയാ​ടകൾ ഒരു ഡി​സൈനർ ഹൗസിന്റെ അതേ ബ്രാൻഡി​ലുള്ള പെർഫ്യൂം വിറ്റഴി​ക്കു​ന്ന​തി​നു വേണ്ടി​യാ​യി​രി​ക്കാം.”

[7-ാം പേജിലെ ചിത്രം]

ഫാഷനു പിന്നാലെ പോകു​ന്നത്‌ വളരെ ചെല​വേ​റി​യ​താണ്‌

[7-ാം പേജിലെ ചിത്രം]

ചിലർ അനൊ​റെ​ക്‌സി​യ​യു​ടെ പിടി​യി​ലേക്കു വഴുതി​വീ​ണി​രി​ക്കു​ന്നു

[7-ാം പേജിലെ ചിത്രം]

ചിലതരം വസ്‌ത്ര​ധാ​ര​ണ​രീ​തി പിൻപ​റ്റു​ന്നത്‌ നിങ്ങളെ ഒരു പ്രത്യേക കൂട്ടത്തിൽപ്പെട്ട വ്യക്തി​യാ​യി വീക്ഷി​ക്കാ​നി​ട​യാ​ക്കി​യേ​ക്കാം