ലോകത്തെ വീക്ഷിക്കൽ

കുരങ്ങു​ക​ളി

ഇഷ്ടം​പോ​ലെ കുരങ്ങ​ന്മാ​രെ വേണ്ടു​വോ​ളം ടൈപ്‌​റൈ​റ്റ​റു​കൾ കൊടുത്ത്‌ ടൈപ്പ്‌ ചെയ്യാൻ ഏൽപ്പി​ക്കു​ക​യാ​ണെ​ങ്കിൽ ക്രമേണ അവർ ഷെയ്‌ക്‌സ്‌പി​യ​റി​ന്റെ മുഴുവൻ കൃതി​ക​ളും എഴുതി​ത്തീർക്കും എന്നു ചിലർ സിദ്ധാ​ന്തി​ച്ചു. അതു​കൊണ്ട്‌ ഇംഗ്ലണ്ടി​ലെ പ്ലിമത്ത്‌ സർവക​ലാ​ശാ​ല​യി​ലെ ഗവേഷകർ ആറു കുരങ്ങ​ന്മാർക്ക്‌ ഒരു മാസ​ത്തേക്ക്‌ ഒരു കമ്പ്യൂട്ടർ കൊടു​ത്തു. “ഒരൊറ്റ വാക്കു​പോ​ലും ടൈപ്പ്‌ ചെയ്യാൻ” കുരങ്ങ​ന്മാർക്കു “കഴിഞ്ഞില്ല” എന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു. തെക്കു പടിഞ്ഞാ​റൻ ഇംഗ്ലണ്ടി​ലെ പെയ്‌ന്റൺ മൃഗശാ​ല​യി​ലെ ഈ ആറു കുരങ്ങ​ന്മാർക്ക്‌ “അഞ്ചു പേജുകൾ ടൈപ്പ്‌ ചെയ്യാനേ കഴിഞ്ഞു​ള്ളൂ.” എസ്‌ എന്ന അക്ഷരമാ​യി​രു​ന്നു അതിൽ ഒട്ടുമു​ക്കാ​ലും. ഒടുവി​ലാ​യ​പ്പോൾ ജെ, എ, ഐ, എം എന്നീ ഏതാനും അക്ഷരങ്ങൾകൂ​ടെ കുരങ്ങ​ച്ച​ന്മാർ ടൈപ്പ്‌ ചെയ്‌തി​രു​ന്നു. കീബോർഡി​നെ കുരങ്ങ​ന്മാർ തങ്ങളുടെ പൊതു കക്കൂസ്‌ ആയും ഉപയോ​ഗി​ച്ചു. (g03 01/22)

 മുട്ടക​ളിൽനിന്ന്‌ പാമ്പിൻ വിഷത്തി​നുള്ള പ്രതി​വി​ഷം

“കോഴി​മു​ട്ട​യ്‌ക്ക്‌ സർപ്പദം​ശ​ന​ത്തി​നു ചികി​ത്സാർഥം ഉപയോ​ഗി​ക്കാ​നുള്ള തന്മാ​ത്ര​ക​ളു​ടെ ഒരു ഉറവാ​യി​രി​ക്കാൻ കഴിയു​മെന്ന്‌ ഇന്ത്യൻ ശാസ്‌ത്രജ്ഞർ കണ്ടുപി​ടി​ച്ചി​രി​ക്കു​ന്നു.” ദ ടൈസ്‌ ഓഫ്‌ ഇന്ത്യ ആണ്‌ ഇതു റിപ്പോർട്ടു ചെയ്‌തത്‌. ഏതാണ്ട്‌ 12 ആഴ്‌ച പ്രായ​മുള്ള കോഴി​ക​ളിൽ “പേശി​കൾക്കു​ള്ളി​ലൂ​ടെ മാരക​മ​ല്ലാത്ത ഡോസി​ലുള്ള വിഷം” കുത്തി​വെ​ക്കു​ന്നു. രണ്ടോ മൂന്നോ ആഴ്‌ച​യ്‌ക്കു ശേഷം ഒരു ബൂസ്റ്റർ ഡോസും​കൂ​ടെ നൽകുന്നു. 21 ആഴ്‌ച​യ്‌ക്കു ശേഷം കോഴി​കൾ പ്രതി​വിഷ പ്രതി​വ​സ്‌തു​ക്കൾ (antibodies) അടങ്ങുന്ന മുട്ടക​ളി​ടാൻ തുടങ്ങു​ന്നു. കോഴി​മു​ട്ട​യിൽനി​ന്നു കിട്ടുന്ന പ്രതി​വി​ഷം കുതി​ര​ക​ളിൽനിന്ന്‌ ലഭിക്കു​ന്ന​വ​യു​ടെ സ്ഥാനത്ത്‌ ഉപയോ​ഗി​ക്കാൻ കഴി​ഞ്ഞേ​ക്കു​മെന്നു ഗവേഷകർ പ്രത്യാ​ശി​ക്കു​ന്നു. കുതി​ര​ക​ളിൽനിന്ന്‌ “സർപ്പ വിഷത്തി​നുള്ള പ്രതി​വി​ഷം ശേഖരി​ക്കു​ന്ന​തിന്‌ അവയെ വേദന​യേ​റിയ നടപടി​കൾക്ക്‌ വിധേ​യ​മാ​ക്കേ​ണ്ട​തുണ്ട്‌” എന്ന്‌ ദ ടൈംസ്‌ പറയുന്നു. ഓസ്‌​ട്രേ​ലി​യ​യി​ലുള്ള ശാസ്‌ത്രജ്ഞർ ഇതി​നോ​ട​കം​തന്നെ പുതിയ സാങ്കേ​തി​ക​വി​ദ്യ ജന്തുക്ക​ളിൽ പരീക്ഷിച്ച്‌ വിജയം നേടി​യി​രി​ക്കു​ന്ന​താ​യി അവകാ​ശ​പ്പെ​ടു​ന്നു. മുട്ടയിൽനി​ന്നുള്ള പ്രതി​വി​ഷം മനുഷ്യ​രിൽ ഫലകര​മെന്നു തെളി​ഞ്ഞാൽ ഇത്‌ ഇന്ത്യയ്‌ക്കു വലി​യൊ​രു അനു​ഗ്രഹം ആയിരി​ക്കും. കാരണം, വർഷം​തോ​റും ഇവിടെ സർപ്പദം​ശ​ന​ത്തി​ന്റെ 3,00,000 കേസുകൾ രേഖ​പ്പെ​ടു​ത്താ​റുണ്ട്‌. ഇവരിൽ 10 ശതമാനം പേർ മരണമടയുന്നു.(g03 01/08)

പൂമ്പാ​റ്റ​ക​ളു​ടെ പറക്കൽ

“ചിത്ര​ശ​ല​ഭ​ങ്ങൾക്ക്‌ കുറഞ്ഞ വേഗത്തിൽ അതിവി​ദ​ഗ്‌ധ​മാ​യി ചലിക്കാൻ, കാര്യ​മായ ശ്രമ​മൊ​ന്നും കൂടാതെ ചിറക​ടി​ച്ചു നിൽക്കാ​നും പുറ​കോ​ട്ടും വശങ്ങളി​ലേ​ക്കും പറക്കാ​നും കഴിയു​ന്നത്‌ എങ്ങനെ​യെന്ന്‌ മനസ്സി​ലാ​ക്കാൻ ശാസ്‌ത്രജ്ഞർ വർഷങ്ങ​ളാ​യി ശ്രമി​ച്ചു​വ​രി​ക​യാ​യി​രു​ന്നു” എന്ന്‌ ലണ്ടനിലെ ദി ഇൻഡി​പ്പെൻഡന്റ്‌ പറയുന്നു. ഒടുവിൽ ഇപ്പോൾ ഈ ശലഭങ്ങ​ളു​ടെ പറക്കലി​ന്റെ രഹസ്യം തങ്ങൾ മനസ്സി​ലാ​ക്കി​യെന്ന്‌ ഓക്‌സ്‌ഫോർഡ്‌ സർവക​ലാ​ശാ​ല​യി​ലെ ഗവേഷകർ വിശ്വ​സി​ക്കു​ന്നു. വായു​ഗതി മനസ്സി​ലാ​ക്കു​ന്ന​തിന്‌, പ്രത്യേ​കം രൂപകൽപ്പന ചെയ്‌ത ഒരു വിൻഡ്‌ ടണലും നേരിയ പുകപ​ട​ല​വും ഉപയോ​ഗിച്ച്‌ അവർ ചുവന്ന അഡ്‌മി​റൽ ചിത്ര​ശ​ല​ഭ​ങ്ങ​ളു​ടെ പറക്കൽ നിരീ​ക്ഷി​ച്ചു. വിൻഡ്‌ ടണലിൽ വെച്ചി​രുന്ന കൃത്രിമ പുഷ്‌പ​ങ്ങ​ളി​ലേ​ക്കും തിരി​ച്ചും ശലഭങ്ങൾ പറക്കു​മ്പോൾ അവയുടെ ചിറകു​കൾക്കു ചുറ്റു​മു​ണ്ടാ​കുന്ന വായു​ഗതി ഒപ്പി​യെ​ടു​ക്കാൻ അവർ അതിവേഗ ഡിജിറ്റൽ ക്യാമ​റകൾ ഉപയോ​ഗി​ച്ചു. “ചിത്ര​ശ​ല​ഭ​ങ്ങ​ളു​ടെ പറക്കൽ ക്രമര​ഹി​ത​വും അലക്ഷ്യ​വും ആയ ചുറ്റി​ത്തി​രി​യൽ അല്ല, മറിച്ച്‌ നാനാ​ത​ര​ത്തി​ലുള്ള വായു​ഗ​തിക വിദ്യ​ക​ളു​ടെ മേലുള്ള നിയ​ന്ത്ര​ണ​ശേ​ഷി​യു​ടെ ഫലമാണ്‌” എന്ന്‌ ഗവേഷകർ കണ്ടെത്തി. ഈ വിവരങ്ങൾ ഉപയോ​ഗിച്ച്‌, പത്തു സെന്റി​മീ​റ്റർ മാത്രം ചിറകു​വി​രി​വു​ള്ള​തും ദൂരെ​നി​ന്നു നിയ​ന്ത്രി​ക്കാ​വു​ന്ന​തു​മായ കൊച്ചു​വി​മാ​നങ്ങൾ ഉണ്ടാക്കാൻ കഴിയു​മെന്ന പ്രതീ​ക്ഷ​യി​ലാണ്‌ ശാസ്‌ത്രജ്ഞർ. ക്യാമറ ഘടിപ്പിച്ച്‌ ഇവയെ ഇടുങ്ങിയ സ്ഥലങ്ങളി​ലേക്ക്‌ ചിറകുള്ള നിരീ​ക്ഷ​ക​രാ​യി അയയ്‌ക്കാൻ കഴിയും. (g03 01/08)

ആനക്കൊ​മ്പി​ന്റെ നിയമ​പ​ര​മായ വിൽപ്പന

ആഫ്രി​ക്ക​യി​ലെ ആനകളു​ടെ എണ്ണം 1979 മുതൽ 1989 വരെയുള്ള വെറും പത്തുവർഷം കൊണ്ട്‌ പകുതി​യി​ല​ധി​കം കുറഞ്ഞു. ഇവയുടെ കൊമ്പു​കൾകൊണ്ട്‌ ഉണ്ടാക്കിയ ഉത്‌പ​ന്ന​ങ്ങൾക്ക്‌ ആവശ്യ​ക്കാർ ഏറിയ​താ​യി​രു​ന്നു ഇതിന്‌ ഒരു കാരണം. ഓട്ടോ​മാ​റ്റിക്‌ ആയുധങ്ങൾ അനധി​കൃത നായാ​ട്ടു​കാ​രു​ടെ ഇടയിൽ സുലഭ​മാ​യി​ത്തീർന്ന​താണ്‌ മറ്റൊരു കാരണം. തത്‌ഫ​ല​മാ​യി, വംശനാശ ഭീഷണി നേരി​ടുന്ന ജീവി​വർഗ​ങ്ങ​ളു​ടെ അന്താരാ​ഷ്‌ട്ര വ്യാപാ​രം സംബന്ധിച്ച കരാർ (സിഐ​റ്റി​ഇ​എസ്‌) 1989-ൽ ആനക്കൊമ്പ്‌ വ്യാപാ​ര​ത്തി​ന്മേൽ സമ്പൂർണ നിരോ​ധനം ഏർപ്പെ​ടു​ത്തി. എന്നിരു​ന്നാ​ലും, ദക്ഷിണാ​ഫ്രിക്ക, ബോട്‌സ്വാ​ന, നമീബിയ എന്നിവി​ട​ങ്ങ​ളിൽനി​ന്നുള്ള 60 ടൺ ആനക്കൊമ്പ്‌ ഒറ്റത്തവ​ണ​യാ​യി വിൽക്കു​ന്ന​തിന്‌ സിഐ​റ്റി​ഇ​എസ്‌ ആ രാജ്യ​ങ്ങൾക്ക്‌ അടുത്ത​കാ​ലത്ത്‌ അനുമതി നൽകി​യ​താ​യി അമേരി​ക്കൻ വൈൽഡ്‌​ലൈഫ്‌ മാസിക റിപ്പോർട്ടു ചെയ്യുന്നു. ഈ കൊമ്പു​കൾ അനധി​കൃത നായാ​ട്ടു​കാ​രിൽനി​ന്നു പിടി​ച്ചെ​ടു​ത്ത​തോ തനിയെ ചത്തു​പോയ ആനകളിൽനിന്ന്‌ എടുത്ത​തോ ആയിരു​ന്നു. വേറെ രണ്ടു രാജ്യ​ങ്ങൾക്ക്‌ ആനക്കൊ​മ്പു വിൽപ്പ​ന​യ്‌ക്ക്‌ അനുമതി നൽകി​യില്ല. ലേഖനം പറയു​ന്ന​ത​നു​സ​രിച്ച്‌, ‘ആനക്കൊ​മ്പി​ന്റെ നിയമ​വി​രുദ്ധ വ്യാപാ​രം തടയാ​നാ​കു​മെ​ന്ന​തിന്‌ അവർ മതിയായ ഉറപ്പു നൽകാ​ഞ്ഞ​താ​ണു’ കാരണം. (g03 01/08)

കഷ്ടത്തി​ലായ കർഷകർ

ഒരു റിപ്പോർട്ട്‌ അനുസ​രിച്ച്‌, “കാർഷി​കോ​ത്‌പ​ന്ന​ങ്ങ​ളു​ടെ അളവിൽ ലോക​ത്തി​ന്റെ മിക്കയി​ട​ങ്ങ​ളി​ലും വർധന നേടി​ക്കൊ​ടുത്ത ഹരിത​വി​പ്ല​വ​ത്തി​നു​വേണ്ടി [ചിലർക്ക്‌] ഒരു വില​യൊ​ടു​ക്കേണ്ടി വന്നു: ലോക​ത്തി​ലെ പരമദ​രി​ദ്ര​രായ ലക്ഷക്കണ​ക്കിന്‌ ആഫ്രിക്കൻ കർഷകർ ദാരി​ദ്ര്യ​ത്തി​ലേക്ക്‌ ഒന്നുകൂ​ടി കൂപ്പു​കു​ത്തി” എന്ന്‌ ന്യൂ സയന്റിസ്റ്റ്‌ മാസിക പറയുന്നു. അതെങ്ങനെ? ലോക ജനസംഖ്യ ത്വരി​ത​ഗ​തി​യിൽ വർധി​ച്ച​തി​ന്റെ ഫലമായി പ്രതീ​ക്ഷി​ച്ചി​രുന്ന ക്ഷാമത്തെ ചെറു​ക്കു​ന്ന​തിന്‌ 1950-കളുടെ അവസാനം മുതൽ വർധിച്ച വിളവു നൽകുന്ന തരം ഗോത​മ്പും നെല്ലും കൃഷി ചെയ്യു​ക​യു​ണ്ടാ​യി. എന്നാൽ, ഇവ ധാന്യ​ങ്ങ​ളു​ടെ ആധിക്യ​ത്തി​നും അങ്ങനെ വിലയി​ടി​വി​നും കാരണ​മാ​യി. “വില കുറ​ഞ്ഞെ​ങ്കി​ലും വിളവു കൂടുതൽ കിട്ടി​യ​തി​നാൽ ഈ പുതിയ തരം വിളകൾ കൃഷി​യി​റ​ക്കാൻ കഴിഞ്ഞ കർഷകർക്ക്‌ നഷ്ടം വന്നില്ല. പക്ഷേ അതിനു ശേഷി​യി​ല്ലാ​തി​രുന്ന പാവപ്പെട്ട കർഷകർക്ക്‌ കനത്ത നഷ്ടം ഏറ്റുവാ​ങ്ങേ​ണ്ടി​വന്നു” എന്ന്‌ ന്യൂ സയന്റിസ്റ്റ്‌ മാസിക പറയുന്നു. അതു മാത്രമല്ല, ആഫ്രിക്കൻ ചുറ്റു​പാ​ടു​കൾ ഈ പുതിയ തരം വിത്തു​കൾക്ക്‌ ചേർന്ന​താ​യി​രു​ന്നില്ല. കാരണം അവ ഏഷ്യയ്‌ക്കും ലാറ്റിൻ അമേരി​ക്ക​യ്‌ക്കും വേണ്ടി വികസി​പ്പി​ച്ചെ​ടു​ത്ത​താ​യി​രു​ന്നു. (g03 01/22)

ഉറക്കം തൂങ്ങുന്ന ഡ്രൈ​വർമാ​രേ, അപകടം പതിയി​രി​ക്കു​ന്നു!

“ഡ്രൈ​വർമാ​രു​ടെ ക്ഷീണം അല്ലെങ്കിൽ ഉറക്കം തൂങ്ങൽ നമ്മുടെ സമൂഹ​ത്തി​ലെ വ്യാപ​ക​വും ഗുരു​ത​ര​വു​മായ ഒരു പ്രശ്‌ന​മാണ്‌” എന്ന്‌ മെഡിക്കൽ ജേർണൽ ഓഫ്‌ ഓസ്‌​ട്രേ​ലി​യ​യിൽ (എംജെഎ) വന്ന ഒരു പഠന റിപ്പോർട്ട്‌ പറയുന്നു. “20 ശതമാ​ന​ത്തി​ല​ധി​കം റോഡ്‌ അപകട​ങ്ങൾക്കു കാരണം ഡ്രൈ​വർമാ​രു​ടെ ഉറക്കം തൂങ്ങലാ​ണെന്നു പഠനങ്ങൾ വ്യക്തമാ​ക്കു​ന്നു” എന്ന്‌ ഗവേഷകർ അഭി​പ്രാ​യ​പ്പെ​ടു​ന്നു. എംജെഎ-യിൽ വന്ന പഠന റിപ്പോർട്ട്‌ ഇപ്രകാ​രം പറയുന്നു: “ഉറക്കം തൂങ്ങു​ന്ന​തി​ന്റെ ഫലമാ​യു​ണ്ടാ​കുന്ന അപകട​ങ്ങ​ളിൽ മിക്കതും ഉണ്ടാകു​ന്നത്‌ ഡ്രൈ​വർമാർ തനിച്ച്‌ രാത്രി​യി​ലോ ഉച്ചമയ​ക്ക​ത്തി​ന്റെ സമയത്തോ താരത​മ്യേന നല്ല വേഗത്തിൽ വാഹന​മോ​ടി​ച്ചു പോകു​മ്പോ​ഴാണ്‌. മോ​ട്ടോർ വാഹന അപകട​ങ്ങ​ളു​ടെ മറ്റു കാരണ​ങ്ങ​ളു​ടെ കാര്യ​ത്തി​ലെ​പോ​ലെ​തന്നെ ഉറക്കം തൂങ്ങി വാഹന​മോ​ടിച്ച്‌ അപകട​ത്തിൽ പെടു​ന്നത്‌ 30 വയസ്സിൽ താഴെ​യുള്ള പുരു​ഷ​ന്മാർക്കി​ട​യിൽ ഏറെ സാധാ​ര​ണ​മാണ്‌.” വണ്ടി​യോ​ടി​ച്ചു​കൊ​ണ്ടി​രി​ക്കെ ഉറക്കത്തി​ലേക്കു വഴുതി​വീ​ഴാൻ സാധ്യ​ത​യു​ള്ളവർ ഒബ്‌സ്‌ട്ര​ക്‌റ്റീവ്‌ സ്ലീപ്പ്‌ ആപ്‌നിയ (ഒഎസ്‌എ) എന്ന, ഉറക്കവു​മാ​യി ബന്ധപ്പെട്ട ഒരു സാധാരണ ക്രമ​ക്കേ​ടു​ള്ള​വ​രാണ്‌. “മധ്യവ​യ​സ്‌ക​രായ ഏതാണ്ട്‌ 25 ശതമാനം പുരു​ഷ​ന്മാ​രെ” ഈ പ്രശ്‌നം ബാധി​ക്കു​ന്ന​താ​യി ജേർണൽ പറയുന്നു. ഈ ക്രമ​ക്കേട്‌ ഉള്ളവർ വാഹന​മോ​ടി​ച്ചു​കൊ​ണ്ടി​രി​ക്കെ ഉറക്കം തൂങ്ങാൻ പോകു​ക​യാ​ണെ​ങ്കി​ലും ആ കാര്യം സംബന്ധിച്ച്‌ ബോധ​വാ​ന്മാ​ര​ല്ലാ​തി​രു​ന്നേ​ക്കാം. (g03 01/22)

ഉരുകുന്ന ഹിമാ​നി​കൾ

വൈകുന്ന മൺസൂൺ കാരണം ഇന്ത്യയി​ലെ പഞ്ചാബി​ലുള്ള മറ്റു ജലസം​ഭ​ര​ണി​ക​ളി​ലെ ജലനി​രപ്പ്‌ താഴ്‌ന്നി​രി​ക്കു​മ്പോൾ സത്‌ലജ്‌ നദിയി​ലെ ബക്ര ഡാമിലെ ജലനി​രപ്പ്‌ കഴിഞ്ഞ വർഷ​ത്തെ​ക്കാൾ ഏതാണ്ട്‌ ഇരട്ടി​യാ​യി ഉയർന്നു. എന്തു​കൊണ്ട്‌? സത്‌ല​ജി​ന്റെ മുഖ്യ പോഷ​ക​നദി ഒഴുകി​വ​രു​ന്നത്‌ 89 ഹിമാ​നി​കൾ ഉള്ള സ്ഥലത്തു​കൂ​ടെ​യാണ്‌ എന്ന്‌ ഡൗൺ റ്റു എർത്ത്‌ എന്ന മാസിക പറയുന്നു. “മൺസൂ​ണി​ന്റെ അഭാവം ഹിമാ​നി​ക​ളു​ടെ വലുപ്പം വർധി​ച്ച​തോ​തിൽ കുറഞ്ഞു​പോ​കാൻ കാരണ​മാ​യി​രി​ക്കു​ന്നു. മേഘങ്ങൾ ഒന്നും ഇല്ലാത്ത​തി​നാൽ സൂര്യ​ര​ശ്‌മി​കൾ കൂടുതൽ തീവ്ര​മാ​യി ഹിമാ​നി​ക​ളിൽ പതിക്കു​ന്നു. ഇതും വളരെ ഉയർന്ന താപനി​ല​യും ഹിമാ​നി​കൾ പെട്ടെന്ന്‌ ഉരുകാൻ ഇടയാ​ക്കു​ന്നു” എന്ന്‌ ജവഹർലാൽ നെഹ്രു സർവക​ലാ​ശാ​ല​യി​ലെ ഹിമാനി വിദഗ്‌ധ​നായ സയെദ്‌ ഇക്‌ബാൽ ഹാസ്‌നെയ്‌ൻ വിശദീ​ക​രി​ക്കു​ന്നു. ഇങ്ങനെ ഉരുകു​ക​യാ​ണെ​ങ്കിൽ അത്‌ ഹിമാ​നി​കൾ ഉരുകി രൂപം​കൊ​ള്ളുന്ന തടാകങ്ങൾ നിറഞ്ഞു​ക​വി​യാൻ ഇടയാ​ക്കി​യേ​ക്കും എന്ന്‌ വിദഗ്‌ധർ കരുതു​ന്നു. കൂടാതെ, വലുപ്പം കുറഞ്ഞ ഹിമാ​നി​കൾ, ഭാവി​യിൽ ജലലഭ്യത കുറയാ​നും അങ്ങനെ ഊർജോ​ത്‌പാ​ദ​ന​വും കൃഷി​യും പ്രതി​കൂ​ല​മാ​യി ബാധി​ക്ക​പ്പെ​ടാ​നും ഇടയാ​ക്കും. (g03 01/22)