‘ഹ്രസ്വമെങ്കിലും വിവരസമ്പുഷ്ടം’
‘ഹ്രസ്വമെങ്കിലും വിവരസമ്പുഷ്ടം’
ദൈവം നമ്മിൽനിന്ന് എന്ത് ആവശ്യപ്പെടുന്നു? എന്ന ലഘുപത്രികയെ ഒരു സ്ത്രീ വർണിച്ചത് അങ്ങനെയാണ്. ആ അഭിപ്രായപ്രകടനം നടത്താൻ തന്നെ പ്രചോദിപ്പിച്ചത് എന്താണെന്ന് അവർ വിവരിച്ചു: “ഈ ലഘുപത്രിക, ഗ്ലോറിയ എന്നു പേരുള്ള പ്രായമായ ഒരു സ്ത്രീയുടെ ബൈബിൾ വായിക്കാനുള്ള ആഗ്രഹത്തെ പുനരുജ്ജീവിപ്പിച്ചിരിക്കുന്നു. അൽപ്പ സമയംപോലും അനങ്ങാതിരുന്ന് ശ്രദ്ധ കേന്ദ്രീകരിക്കാൻ കഴിയുമായിരുന്നില്ലാത്ത അവസ്ഥയിൽനിന്ന് ഒറ്റയിരിപ്പിനു രണ്ടു മണിക്കൂർവരെ പഠിക്കാമെന്ന സ്ഥിതിയിലായിരിക്കുന്നു ഇപ്പോൾ അവർ. എല്ലാ പാഠങ്ങളും അവർ മുൻകൂട്ടി തയ്യാറാകുകയും തിരുവെഴുത്തുകളെല്ലാം എടുത്തു നോക്കുകയും ചെയ്യുന്നു.”
ദൈവം നമ്മിൽനിന്ന് എന്ത് ആവശ്യപ്പെടുന്നു? എന്ന 32 പേജുള്ള പ്രസിദ്ധീകരണത്തിന് ഈ മാസികയുടെ അതേ വലിപ്പമാണ്. മനുഷ്യവർഗത്തെ സംബന്ധിച്ച ദൈവത്തിന്റെ ഉദ്ദേശ്യം എന്താണെന്നും അവന്റെ അംഗീകാരം ലഭിക്കാൻ നാം എന്തു ചെയ്യണമെന്നും അതു വ്യക്തമായി കാണിക്കുന്നു. “ദൈവം ആരാണ്?,” “യേശുക്രിസ്തു ആരാണ്?,” “ഭൂമിയെസംബന്ധിച്ച ദൈവത്തിന്റെ ഉദ്ദേശ്യം എന്താണ്?,” “ദൈവരാജ്യം എന്താണ്?” തുടങ്ങിയ രസകരമായ പാഠങ്ങൾ ഈ പത്രികയിൽ ഉണ്ട്.
ഈ പത്രികയെ കുറിച്ചു കൂടുതൽ വിവരങ്ങൾ ലഭിക്കുന്നതിന് ഇതോടൊപ്പമുള്ള കൂപ്പൺ പൂരിപ്പിച്ച് ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയച്ചാൽ മതിയാകും. (g03 01/08)
□ കടപ്പാടുകളൊന്നും കൂടാതെ, ദൈവം നമ്മിൽനിന്ന് എന്ത് ആവശ്യപ്പെടുന്നു? എന്ന പത്രികയെ കുറിച്ച് കൂടുതൽ വിവരങ്ങൾ അറിയാൻ ഞാൻ ആഗ്രഹിക്കുന്നു.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്പര്യമുണ്ട്. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു: