പക്ഷിമൃ​ഗാ​ദി​കൾ ദൈവ​ത്തിൽനി​ന്നുള്ള ഒരു ദാനം

നിങ്ങൾ എന്നെങ്കി​ലും ഒരു മൃഗശാ​ല​യി​ലോ സർക്കസ്‌ കൂടാ​ര​ത്തി​ലോ പോയി​ട്ടു​ണ്ടോ? അവിടെ കണ്ട അഴകാർന്ന മൃഗങ്ങ​ളി​ലൊ​ന്നി​നെ, ഗാംഭീ​ര്യ​വും രൂപഭം​ഗി​യും ഒത്തു​ചേർന്ന ഒരു സിംഹ​ത്തെ​യോ ഒരു കൂറ്റൻ സൈബീ​രി​യൻ കടുവ​യെ​യോ ഒന്നു തൊട്ടു​ത​ലോ​ടാൻ നിങ്ങൾക്കു കൊതി തോന്നി​യോ? ഒരുപക്ഷേ, ഒരു മൃഗപ​രി​ശീ​ല​ക​നോ പരിപാ​ല​ക​നോ അതു ചെയ്യു​ന്നത്‌ കൗതു​ക​ത്തോ​ടും വിസ്‌മ​യ​ത്തോ​ടും കൂടെ നിങ്ങൾ നോക്കി​നി​ന്നി​ട്ടു​ണ്ടാ​കും. ഏതാണ്ട്‌ 2,000 വർഷം മുമ്പ്‌ ഒരു ബൈബി​ളെ​ഴു​ത്തു​കാ​രൻ പറഞ്ഞതു ശ്രദ്ധി​ക്കുക: “എല്ലാ ഇനം വന്യമൃ​ഗ​ങ്ങ​ളെ​യും പക്ഷിക​ളെ​യും ഇഴജന്തു​ക്ക​ളെ​യും സമു​ദ്ര​ജീ​വി​ക​ളെ​യും ഇണക്കി​യെ​ടു​ക്കേ​ണ്ട​താ​യി​ട്ടുണ്ട്‌, മനുഷ്യ​വർഗം ഇണക്കി​യെ​ടു​ത്തി​ട്ടു​മുണ്ട്‌.”—യാക്കോബ്‌ 3:7, NW.

എല്ലാത്തരം ജീവി​ക​ളും, അവയ്‌ക്കു ലഭിക്കുന്ന ശ്രദ്ധ​യോ​ടും സ്‌നേ​ഹ​പൂർവ​ക​മായ പരിപാ​ല​ന​ത്തോ​ടും പ്രതി​ക​രി​ക്കു​ന്നു. പക്ഷിമൃ​ഗാ​ദി​ക​ളും അവയെ ഇണക്കി​യെ​ടുത്ത മനുഷ്യ​രും തമ്മിലുള്ള സ്‌നേ​ഹ​പ്ര​ക​ട​നങ്ങൾ കാണു​ന്നത്‌ തീർച്ച​യാ​യും സന്തോ​ഷ​ക​ര​മായ ഒരു അനുഭ​വ​മാണ്‌. ആന, സിംഹം, കടുവ, കഴുകൻ, മുതല, പാമ്പ്‌ തുടങ്ങിയ ജീവി​ക​ളെ​യും, എന്തിന്‌ മത്സ്യത്തെ പോലും ഇണക്കി​യെ​ടു​ക്കു​ന്ന​തി​നെ കുറിച്ച്‌ ബൈബിൾ എഴുത്തു​കാ​ര​നായ യാക്കോ​ബി​ന്റെ സമകാ​ലി​ക​നും ഒരു റോമൻ എഴുത്തു​കാ​ര​നു​മായ പ്ലിനി പറയു​ക​യു​ണ്ടാ​യി.

മൃഗങ്ങളെ മെരു​ക്കി​യെ​ടു​ത്തു വളർത്തു​ന്നത്‌ കാലങ്ങൾക്കു മുമ്പേ തുടങ്ങിയ ഒരു സംരം​ഭ​മാണ്‌. യാക്കോ​ബും പ്ലിനി​യും ജീവി​ച്ചി​രു​ന്ന​തി​നു ദീർഘ​കാ​ലം മുമ്പു​തന്നെ ഈജി​പ്‌തു​കാർ വന്യമൃ​ഗ​ങ്ങളെ മെരു​ക്കി​യെ​ടുത്ത്‌ തങ്ങളുടെ സഹചാ​രി​ക​ളാ​ക്കി​യി​രു​ന്നു. ഇക്കാലത്ത്‌ ചില രാജ്യ​ങ്ങ​ളിൽ, മൃഗശാ​ല​യിൽ സൂക്ഷി​ക്കുന്ന മൃഗങ്ങ​ളിൽ പലതി​നെ​യും വീടു​ക​ളി​ലും കാണാൻ കഴിയും.

ആദിമ കാലത്ത്‌ മനുഷ്യ​രു​മാ​യി ഉണ്ടായി​രുന്ന ബന്ധം

മനുഷ്യ ചരി​ത്രത്തെ കുറി​ച്ചുള്ള ഏറ്റവും പുരാതന രേഖയായ ബൈബിൾ, ആദ്യ മനുഷ്യ​നായ ആദാം പക്ഷിമൃ​ഗാ​ദി​കൾക്കു പേരു നൽകി​യ​തി​നെ കുറിച്ചു പറയുന്നു: “സകലജീ​വ​ജ​ന്തു​ക്കൾക്കും മനുഷ്യൻ ഇട്ടതു അവെക്കു പേരായി; മനുഷ്യൻ എല്ലാ കന്നുകാ​ലി​കൾക്കും ആകാശ​ത്തി​ലെ പറവകൾക്കും എല്ലാ കാട്ടു​മൃ​ഗ​ങ്ങൾക്കും പേരിട്ടു.” (ഉല്‌പത്തി 2:19, 20) ജീവജ​ന്തു​ക്കൾക്ക്‌ ഉചിത​മായ പേരു നൽകാൻ സാധി​ക്ക​ത്ത​ക്ക​വണ്ണം അവയെ അറിയു​ന്ന​തിന്‌ ആദാം അവയു​മാ​യി വളരെ അടുത്ത്‌ ഇടപഴ​കി​യി​രു​ന്നു. എന്നാൽ അവന്‌ അവയിൽനിന്ന്‌—വന്യമൃ​ഗ​ങ്ങ​ളിൽനി​ന്നു പോലും—സംരക്ഷണം ആവശ്യ​മി​ല്ലാ​യി​രു​ന്നു. അവ അവനു​മാ​യി സമാധാ​ന​ത്തി​ലാ​യി​രു​ന്നു. അവയു​മാ​യുള്ള ചങ്ങാത്തം അവൻ എത്രയ​ധി​കം ആസ്വദി​ച്ചി​രു​ന്നി​രി​ക്കണം!

ആദാമി​നും അവന്റെ ഭാര്യ ഹവ്വായ്‌ക്കും ജീവജ​ന്തു​ക്കളെ പരിപാ​ലി​ക്കാ​നുള്ള ചുമതല ദൈവം നൽകി. ബൈബി​ളിൽ പ്രസ്‌താ​വി​ച്ചി​രി​ക്കുന്ന പ്രകാരം, മനുഷ്യർക്ക്‌ “കടലിലെ മത്‌സ്യ​ങ്ങ​ളു​ടെ​യും ആകാശ​ത്തി​ലെ പറവക​ളു​ടെ​യും നാൽക്കാ​ലി​ക​ളു​ടെ​യും ഭൂമി മുഴു​വ​ന്റെ​യും ഭൂമി​യിൽ ഇഴയുന്ന സർവ്വ ജീവി​ക​ളു​ടെ​യും​മേൽ ആധിപ​ത്യം ഉണ്ടായി​രി”ക്കണം എന്നതാ​യി​രു​ന്നു ദൈവ​ത്തി​ന്റെ ഉദ്ദേശ്യം.—ഉല്‌പത്തി 1:26, പി.ഒ.സി. ബൈബിൾ.

നിലനിൽക്കുന്ന ഉറ്റബന്ധം

ആളുകൾ ജീവജ​ന്തു​ക്ക​ളു​ടെ മേൽ ഉചിത​മായ ആധിപ​ത്യം പുലർത്തു​മ്പോൾ ഫലം സന്തുഷ്ട​ദാ​യ​ക​മാ​യി​രി​ക്കും. ചിലർ തങ്ങളുടെ ഓമന​മൃ​ഗത്തെ ഒരടുത്ത ചങ്ങാതി​യാ​യി, കുടും​ബ​ത്തി​ന്റെ ഒരു ഭാഗമാ​യി പോലും വീക്ഷി​ച്ചേ​ക്കാം. ആയിര​ക്ക​ണ​ക്കി​നു വർഷം മുമ്പു​പോ​ലും ഇത്തരം ബന്ധങ്ങൾ നിലനി​ന്നി​രു​ന്നു. ദരി​ദ്ര​നായ ഒരു മനുഷ്യൻ വളർത്തി​യി​രുന്ന ഒരു  ‘പെൺകു​ഞ്ഞാ​ടി​നെ’ കുറി​ച്ചുള്ള ബൈബിൾ വിവര​ണ​ത്തിൽനിന്ന്‌ അതു മനസ്സി​ലാ​ക്കാ​വു​ന്ന​താണ്‌. പ്രവാ​ച​ക​നായ നാഥാൻ ദാവീദ്‌ രാജാ​വി​നോട്‌ ആ ദരി​ദ്ര​നെ​യും അയാളു​ടെ കുഞ്ഞാ​ടി​നെ​യും കുറിച്ച്‌ ഇങ്ങനെ പറഞ്ഞു: ‘[കുഞ്ഞാട്‌] അവൻ തിന്നു​ന്ന​തിൽ ഓഹരി തിന്നു​ക​യും അവൻ കുടി​ക്കു​ന്ന​തിൽ ഓഹരി കുടി​ക്ക​യും അവന്റെ മടിയിൽ കിടക്ക​യും ചെയ്‌തു; [അത്‌] അവന്‌ ഒരു മകളെ​പ്പോ​ലെ ആയിരു​ന്നു.’—2 ശമൂവേൽ 12:1-3.

ഒരു മൃഗത്തിന്‌ ഒരു പ്രിയ​പ്പെട്ട ചങ്ങാതി​യാ​യി മാറാൻ, കുടും​ബ​ത്തി​ലെ ഒരു അംഗ​ത്തെ​പ്പോ​ലെ ആകാൻ കഴിയു​ന്നത്‌ എങ്ങനെ​യെന്ന്‌ ഇന്നു പലർക്കും മനസ്സി​ലാ​വും. സിംബാ​ബ്‌വേ​യു​ടെ തലസ്ഥാന നഗരി​യായ ഹരാ​രേക്കു സമീപം താമസി​ക്കുന്ന ഒരു കുടും​ബ​ത്തി​ന്റെ അനുഭ​വം​തന്നെ ഉദാഹ​രണം. മാതാ​പി​താ​ക്കൾ തങ്ങളുടെ മക്കൾക്ക്‌ കൂട്ടി​നാ​യി ഓരോ നായയെ വീതം വാങ്ങി​ക്കൊ​ടു​ത്തു. ഒരിക്കൽ, വീട്ടിലെ എട്ടു വയസ്സു​കാ​രൻ തന്റെ നായ​യെ​യും​കൊണ്ട്‌ നടക്കാ​നി​റങ്ങി. പെട്ടെന്ന്‌ ഒരു മരത്തിൽനിന്ന്‌ വലി​യൊ​രു വിഷപ്പാമ്പ്‌ (മാംപ) അവരുടെ മുന്നി​ലേക്കു വീണു. പാമ്പ്‌ കൊത്താ​നാ​ഞ്ഞു, എന്നാൽ മിന്നൽ വേഗത്തിൽ അതി​ന്റെ​മേൽ ചാടി​വീണ നായ കുട്ടി​യു​ടെ ജീവൻ രക്ഷിച്ചു. പിന്നീട്‌ ആ നായ വീട്ടു​കാർക്ക്‌ എത്ര പ്രിയ​പ്പെ​ട്ട​താ​യി​രു​ന്നി​രി​ക്കണം!

തങ്ങളെ സഹായി​ക്കാൻ പരിശീ​ലി​പ്പി​ക്ക​പ്പെട്ട നായ്‌ക്ക​ളു​ടെ സേവനം ബധിരർ വിശേ​ഷി​ച്ചും വിലമ​തി​ക്കു​ന്നു. ഒരു സ്‌ത്രീ പറയു​ന്നതു ശ്രദ്ധി​ക്കുക: “കോളിംഗ്‌ ബെൽ ശബ്ദിക്കു​മ്പോൾ ട്വിങ്കി എന്റെ കാലിൽ വന്നു തട്ടിയിട്ട്‌ എന്നെ മുൻവാ​തി​ലി​ലേക്കു നയിക്കും. അതു​പോ​ലെ​തന്നെ, എന്റെ അവ്‌ന്റെ ബസർ ശബ്ദിക്കു​മ്പോ​ഴും അവൾ എന്റെ അടു​ത്തേക്ക്‌ ഓടി​വ​രും, ഞാൻ അവളെ പിന്തു​ട​രും. പുകയോ തീപി​ടി​ത്ത​മോ സൂചി​പ്പി​ക്കാ​നുള്ള അലാറം കേൾക്കു​മ്പോൾ എന്റെ ശ്രദ്ധ ആകർഷി​ക്കാ​നും നിലത്തു കിടന്നു​കൊണ്ട്‌ അപകട​സൂ​ചന തരാനും ട്വിങ്കി​ക്കു പരിശീ​ലനം നൽകി​യി​ട്ടുണ്ട്‌.”

അന്ധരും അവരുടെ വഴികാ​ട്ടി​പ്പ​ട്ടി​ക​ളും തമ്മിലുള്ള ബന്ധം വിശേ​ഷാൽ ശ്രദ്ധേ​യ​മാണ്‌. വിലതീ​രാത്ത സേവന​മാണ്‌ ഈ പട്ടികൾ അവയുടെ യജമാ​ന​ന്മാർക്കു​വേണ്ടി അനുഷ്‌ഠി​ക്കു​ന്നത്‌. ഒരു വഴികാ​ട്ടി​പ്പട്ടി അതിന്റെ അന്ധനായ യജമാ​നന്‌ “സ്വാത​ന്ത്ര്യ​വും സ്വാ​ശ്ര​യ​ത്വ​വും ചലനക്ഷ​മ​ത​യും ചങ്ങാത്ത​വും” പ്രദാനം ചെയ്‌തു​കൊണ്ട്‌ പുതി​യൊ​രു ലോകം​തന്നെ തുറന്നു​കൊ​ടു​ക്കു​ന്നു​വെന്ന്‌ വഴികാ​ട്ടി​പ്പ​ട്ടി​ക​ളു​ടെ പരിശീ​ല​ക​നും വഴികാ​ട്ടുന്ന കണ്ണുകൾ (ഇംഗ്ലീഷ്‌) എന്ന ഗ്രന്ഥത്തി​ന്റെ രചയി​താ​വു​മായ മൈക്കൾ ടക്കർ അഭി​പ്രാ​യ​പ്പെ​ടു​ന്നു. അതേ, വഴികാ​ട്ടി​പ്പ​ട്ടി​ക​ളും അവയുടെ യജമാ​ന​ന്മാ​രും തമ്മിലുള്ള ഉറ്റബന്ധം പലപ്പോ​ഴും ഹൃദയ​സ്‌പർശ​ക​മാണ്‌!

മറ്റു തരത്തി​ലുള്ള ശാരീ​രിക വൈക​ല്യ​ങ്ങ​ളു​ള്ള​വ​രും തങ്ങളുടെ വാലാ​ട്ടും ചങ്ങാതി​മാ​രിൽനിന്ന്‌ വിലതീ​രാത്ത സഹായങ്ങൾ സ്വീക​രി​ക്കു​ന്നുണ്ട്‌. ചക്രക്ക​സേ​രയെ അഭയം പ്രാപി​ച്ചി​രി​ക്കുന്ന ഒരു സ്‌ത്രീ​യു​ടെ വളർത്തു​നായ, ഫോൺ ശബ്ദിക്കു​മ്പോൾ റിസീവർ എടുത്തു​കൊ​ടു​ക്കാ​നും പോസ്റ്റൽ കവറിൽ ഒട്ടിക്കാ​നുള്ള സ്റ്റാമ്പുകൾ നക്കാനു​മൊ​ക്കെ പഠിച്ചി​രി​ക്കു​ന്നു! മറ്റൊരു നായ 120 ആജ്ഞാവാ​ക്കു​ക​ളോ​ടു പ്രതി​ക​രി​ക്കും. സൂപ്പർമാർക്ക​റ്റി​ന്റെ ഷെൽഫു​ക​ളിൽനിന്ന്‌ ടിന്നു​ക​ളും പായ്‌ക്ക​റ്റു​ക​ളും ശേഖരി​ക്കാൻ പോലും ഇതിനെ പരിശീ​ലി​പ്പി​ച്ചി​ട്ടുണ്ട്‌. ശാരീ​രിക വൈക​ല്യ​മുള്ള യജമാനൻ തനിക്കു വാങ്ങാ​നുള്ള സാധനങ്ങൾ തിരി​ച്ച​റി​യി​ക്കാ​നാ​യി ഒരു ലേസർ ഡോട്ട്‌ ഉപയോ​ഗി​ക്കു​ന്നു. ഈ ഉപകര​ണ​ത്തിൽനി​ന്നുള്ള ചുവന്ന ലേസർ രശ്‌മി സാധന​ത്തിൽ പതിക്കു​മ്പോൾ നായ അത്‌ യജമാ​നനു കൊണ്ടു​ചെന്നു കൊടു​ക്കും.

ഓമന​മൃ​ഗ​ങ്ങൾ പ്രായ​മാ​യ​വർക്കും തുണ​യേ​കു​ന്നു. “ജീവി​ത​സാ​യാ​ഹ്ന​ത്തിൽ, പലപ്പോ​ഴും ഒറ്റപ്പെ​ട​ലി​ന്റേ​തായ തോന്ന​ലു​ക​ളു​മാ​യി മല്ലി​ടേണ്ടി വരുന്ന​വ​രു​ടെ ജീവി​ത​ത്തിന്‌” നായ്‌ക്കൾ ഉൾപ്പെ​ടെ​യുള്ള ഓമന​മൃ​ഗങ്ങൾ “അർഥവും ഉദ്ദേശ്യ​വും നൽകു”ന്നതായി ഒരു മൃഗചി​കി​ത്സകൻ പറഞ്ഞു. ദ ടൊറ​ന്റോ സ്റ്റാർ ഇങ്ങനെ റിപ്പോർട്ടു ചെയ്‌തു: “കൂട്ടി​നാ​യി ഓമന​മൃ​ഗങ്ങൾ ഉള്ളവർക്ക്‌ മാനസിക പിരി​മു​റു​ക്കം പൊതു​വേ കുറവാ​ണെന്നു കാണ​പ്പെ​ടു​ന്നു. ഡോക്ടർമാ​രെ ചെന്നു​കാ​ണേണ്ട സാഹച​ര്യ​ങ്ങ​ളും താരത​മ്യേന കുറവാ​യി​രി​ക്കും.  ഇവർ ഹൃദയാ​ഘാ​തത്തെ അതിജീ​വി​ക്കാ​നുള്ള സാധ്യ​ത​യും കൂടു​ത​ലാ​ണെന്ന്‌ കണ്ടെത്തി​യി​രി​ക്കു​ന്നു.”

ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ശ്രദ്ധേ​യ​മായ ഒരു പ്രസ്‌താ​വന നടത്തുന്നു: “പദവികൾ ലഭിക്കു​ന്നത്‌ ഉത്തരവാ​ദി​ത്വ​ബോ​ധത്തെ ആശ്രയി​ച്ചാണ്‌ എന്ന സംഗതി കുട്ടി​കളെ പഠിപ്പി​ക്കാ​നും ലൈം​ഗി​ക​തയെ കുറി​ച്ചുള്ള ചില കാര്യങ്ങൾ അവർക്കു മനസ്സി​ലാ​ക്കി​ക്കൊ​ടു​ക്കാ​നും ഉള്ള അവസരങ്ങൾ ഓമന​മൃ​ഗ​ങ്ങളെ വളർത്തു​ന്ന​തി​ലൂ​ടെ ലഭിക്കു​ന്നു. ഇണചേ​ര​ലും ഗർഭാ​വ​സ്ഥ​യും പ്രസവ​വു​മാ​യി ബന്ധപ്പെട്ട വിവിധ പ്രശ്‌ന​ങ്ങ​ളും കുഞ്ഞു​ങ്ങ​ളു​ടെ പരിപാ​ല​ന​വു​മൊ​ക്കെ കുട്ടി​കൾക്കു നിരീ​ക്ഷി​ക്കാൻ കഴിയു​ന്നു.”

ഓമന​മൃ​ഗ​ങ്ങ​ളോ​ടുള്ള സ്‌നേഹം

ഓമന​മൃ​ഗങ്ങൾ പ്രകടി​പ്പി​ക്കുന്ന അസാധാ​ര​ണ​മായ കൂറ്‌, തങ്ങളുടെ കുടും​ബാം​ഗ​ങ്ങ​ളെ​ക്കാൾ ഗാഢമാ​യി അവയെ സ്‌നേ​ഹി​ക്കാൻ ചിലരെ പ്രേരി​പ്പി​ക്കു​ന്നു. ചില വിവാ​ഹ​മോ​ചന കേസു​ക​ളിൽ, സ്വത്തു​സം​ബ​ന്ധ​മായ തർക്കങ്ങ​ളി​ലെ ഒത്തുതീർപ്പി​ന്റെ ഭാഗമാ​യി ഓമന​മൃ​ഗ​ത്തി​ന്റെ സംരക്ഷ​ണാ​വ​കാ​ശം വിട്ടു​കൊ​ടു​ക്കാ​റുണ്ട്‌. കണക്കി​ല്ലാത്ത സ്വത്തിന്റെ അവകാ​ശി​യാ​യി വിൽപ്പ​ത്ര​ത്തിൽ തങ്ങളുടെ പൊ​ന്നോ​മ​ന​മൃ​ഗ​ത്തി​ന്റെ പേരു വെച്ചി​ട്ടു​ള്ള​വ​രു​മുണ്ട്‌.

ഓമന​മൃ​ഗ​ങ്ങ​ളു​ടെ പരിപാ​ല​ന​വു​മാ​യി ബന്ധപ്പെട്ട ബിസി​ന​സ്സു​കൾ ഇന്ന്‌ ലാഭം വാരി​ക്കൂ​ട്ടു​ന്ന​തിൽ അതിശ​യ​മില്ല! ഇത്തരം മൃഗങ്ങളെ സംബന്ധി​ക്കുന്ന ഏതു വിഷയത്തെ കുറി​ച്ചും ബുദ്ധി​യു​പ​ദേശം നൽകുന്ന പുസ്‌ത​ക​ങ്ങ​ളും മാസി​ക​ക​ളു​മുണ്ട്‌. ചിലർ തങ്ങൾ ഓമനി​ച്ചു വളർത്തുന്ന മൃഗങ്ങൾക്കു​വേണ്ടി എത്ര പണം വാരി​യെ​റി​യാ​നും ഒരുക്ക​മാ​ണെന്നു മനസ്സി​ലാ​ക്കി​യി​ട്ടുള്ള ബിസി​നസ്സ്‌ മേഖല ഈ ഉടമസ്ഥർ ആഗ്രഹി​ക്കു​ന്ന​തെ​ന്തും നൽകാൻ തയ്യാറാ​യി നിൽക്കു​ന്നു.

ഉദാഹ​ര​ണ​ത്തിന്‌, ഓമന​മൃ​ഗ​ങ്ങളെ ബാധി​ക്കുന്ന ഏതു രോഗ​വും ചികി​ത്സി​ക്കുന്ന പ്രത്യേക വൈദ​ഗ്‌ധ്യം നേടിയ  ഡോക്ടർമാ​രു​ടെ സേവനം ഇപ്പോൾ ലഭ്യമാണ്‌. മൃഗങ്ങ​ളി​ലെ വിഷാദം അകറ്റാൻ ആന്റിഡി​പ്ര​സന്റ്‌ ഔഷധം കുറി​ച്ചു​കൊ​ടു​ക്കുന്ന ഓമന​മൃഗ-മനോ​രോഗ ചികി​ത്സ​ക​രുണ്ട്‌. കൂടാതെ, ഓമന​മൃ​ഗ​ങ്ങൾക്കാ​യി പ്രത്യേക അഭിഭാ​ഷ​ക​രും ഇൻഷ്വ​റൻസ്‌ ഏജന്റു​മാ​രും ഉണ്ട്‌. ഇത്തരം മൃഗങ്ങ​ളു​ടെ സൗന്ദര്യ​സം​ര​ക്ഷ​ണ​ത്തി​നുള്ള ബ്യൂട്ടി​പാർല​റു​ക​ളും പരിശീ​ല​ന​ത്തി​നുള്ള പ്രത്യേക സ്ഥാപന​ങ്ങ​ളും ഇന്ന്‌ കാണാ​വു​ന്ന​താണ്‌. തങ്ങളുടെ ഓമന​മൃ​ഗ​ങ്ങൾക്കാ​യി ശവസം​സ്‌കാര ചടങ്ങുകൾ ഏർപ്പെ​ടു​ത്തുന്ന ആളുക​ളുണ്ട്‌. ഓമന​മൃ​ഗ​ങ്ങ​ളു​ടെ ക്ലോണു​കൾ സൃഷ്ടി​ച്ചു​കൊ​ടു​ക്കാ​മെന്ന വാഗ്‌ദാ​ന​ങ്ങ​ളും ഇന്ന്‌ ഉടമസ്ഥർക്കു ലഭിക്കു​ന്നു—എല്ലാത്തി​നും പണം എണ്ണി​ക്കൊ​ടു​ക്ക​ണ​മെ​ന്നേ​യു​ള്ളൂ!

അതേ, ഓമന​മൃ​ഗ​ങ്ങ​ളോ​ടുള്ള സ്‌നേഹം വ്യാപ​ക​മാ​ണെന്നു വ്യക്തം. ദി ആനിമൽ അട്രാക്ഷൻ എന്ന തന്റെ പുസ്‌ത​ക​ത്തിൽ ഡോ. ജോന്നി​ക്കാ ന്യൂബി ഇങ്ങനെ അഭി​പ്രാ​യ​പ്പെ​ടു​ന്നു: “നമ്മൾ വീട്ടിൽ തിരി​ച്ചെ​ത്തി​യ​താണ്‌ അന്ന്‌ ഉണ്ടായ ഏറ്റവും നല്ല കാര്യം എന്ന മട്ടിൽ ഒരു നായ വാലാ​ട്ടി​ക്കൊണ്ട്‌ നമ്മുടെ അടു​ത്തേക്ക്‌ ഓടി​വ​രി​ക​യും നമ്മെ നക്കുക​യു​മൊ​ക്കെ ചെയ്യു​മ്പോൾ അതിനെ ‘സ്‌നേഹം’ എന്നു വിശേ​ഷി​പ്പി​ക്കു​ന്നത്‌ ഉചിത​മാ​ണെന്നു തോന്നു​ന്നു.” ആ “സ്‌നേഹം” തിരി​ച്ചു​നൽകാൻ പല ഉടമസ്ഥ​രും പ്രേരി​ത​രാ​കു​ന്നത്‌ എന്തു​കൊ​ണ്ടെന്നു മനസ്സി​ലാ​ക്കാ​വു​ന്ന​തേ​യു​ള്ളു.

എങ്കിലും ഒരു ഓമന​മൃ​ഗ​ത്തോട്‌ മനുഷ്യ​നോ​ടെ​ന്ന​പോ​ലെ ഇടപെ​ടാൻ ശ്രമി​ക്കു​ന്നതു ദോഷ​ഫ​ലങ്ങൾ ഉളവാ​ക്കി​യേ​ക്കാം. ഒരു വ്യക്തി​യു​ടെ ആവശ്യങ്ങൾ നിറ​വേ​റ്റാൻ സഹമനു​ഷ്യ​രെ പോലെ ഒരു ഓമന​മൃ​ഗ​ത്തി​നാ​വില്ല എന്നത്‌ ഒരു വസ്‌തു​ത​യാണ്‌. തന്നെയു​മല്ല, ഈ മൃഗങ്ങൾക്ക്‌ നഗരത്തി​ന്റെ ചുറ്റു​പാ​ടു​ക​ളു​മാ​യി പൊരു​ത്ത​പ്പെ​ടേ​ണ്ടി​വ​രു​ന്നത്‌ അവയ്‌ക്കും ഉടമസ്ഥർക്കും പ്രശ്‌നങ്ങൾ സൃഷ്ടി​ച്ചേ​ക്കാം. അടുത്ത ലേഖന​ത്തിൽ നാം ആ വിഷയങ്ങൾ പരി​ശോ​ധി​ക്കു​ന്ന​താ​യി​രി​ക്കും. (g04 2/22)

[3-ാം പേജിലെ ചിത്രം]

പുരാതനകാലം മുതൽ മനുഷ്യൻ വന്യമൃ​ഗ​ങ്ങളെ മെരു​ക്കി​യെ​ടുത്ത്‌ വളർത്തി​യി​രി​ക്കു​ന്നു

[കടപ്പാട്‌]

ജോവാന്നി സ്റ്റ്രാഡ​ന്നോ വരച്ച മഹാനായ പാർത്തി​യൻ രാജാവ്‌ വളർത്തു പുലി​ക​ളോ​ടൊ​പ്പം നായാ​ട്ടിൽ എന്ന ചിത്ര​ത്തി​ന്റെ ഒരു ഭാഗം: © Stapleton Collection/CORBIS

[4-ാം പേജിലെ ചിത്രം]

ഇസ്രായേലിലെ ഇടയന്മാർ ആട്ടിൻകു​ട്ടി​കളെ ആർദ്രാ​നു​ക​മ്പ​യോ​ടെ​യാണ്‌ പരിപാ​ലി​ച്ചി​രു​ന്നത്‌

[5-ാം പേജിലെ ചിത്രം]

വൈകല്യമുള്ളവരെയും പ്രായ​മാ​യ​വ​രെ​യും സഹായി​ക്കാൻ ഓമന​മൃ​ഗ​ങ്ങൾക്കു സാധി​ക്കും