‘അതു നിറയെ രത്നങ്ങളാണ്’
‘അതു നിറയെ രത്നങ്ങളാണ്’
മാരകരോഗം ബാധിച്ചവർക്ക് ശാരീരികവും വൈകാരികവുമായ പരിചരണം നൽകുന്ന യു.എസ്.എ.-യിലെ ഇല്ലിനോയ്സിലുള്ള ഒരു സ്ഥാപനത്തിന്റെ ഡയറക്ടർ, നിങ്ങൾ സ്നേഹിക്കുന്ന ആരെങ്കിലും മരിക്കുമ്പോൾ എന്ന ലഘുപത്രികയെ കുറിച്ചു പറഞ്ഞതാണ് അത്. ആ ലഘുപത്രികയും ഒരു ഉണരുക! മാസികയും കൂടെ യഹോവയുടെ സാക്ഷികളിൽ ഒരാൾ അദ്ദേഹത്തിന് അയച്ചുകൊടുത്തതായിരുന്നു. വൃദ്ധജനങ്ങൾക്കിടയിൽ ആത്മഹത്യാനിരക്ക് വളരെ കൂടുതലാണ് എന്ന് ഉണരുക! മാസികയിൽ വായിച്ചതാണ് അവ അയച്ചുകൊടുക്കാൻ ആ സാക്ഷിയെ പ്രേരിപ്പിച്ചത്. സാഹിത്യം ലഭിച്ചയുടനെ ഡയറക്ടർ പ്രതികരിച്ചു.
നിങ്ങൾ സ്നേഹിക്കുന്ന ആരെങ്കിലും മരിക്കുമ്പോൾ എന്ന ലഘുപത്രിക നിറയെ രത്നങ്ങളാണ് എന്ന് അഭിപ്രായപ്പെട്ടശേഷം അദ്ദേഹം എഴുതി: “അതിൽ അടങ്ങിയിരിക്കുന്ന പ്രായോഗിക ജ്ഞാനത്തിൽനിന്നും ബൈബിൾ പരാമർശങ്ങളിൽനിന്നും ചർച്ചകളിൽനിന്നും ആശ്വാസം നേടിയേക്കാവുന്ന കുടുംബങ്ങൾക്ക് . . . അതു നൽകാൻ എനിക്കു സന്തോഷമായിരിക്കും.”
ഉടനെതന്നെ സാക്ഷി അദ്ദേഹത്തെ ഫോണിൽ വിളിച്ച് തമ്മിൽ കാണാനുള്ള ക്രമീകരണം ചെയ്തു. ഡയറക്ടർ ലഘുപത്രികയുടെ 20 പ്രതികൾ ആവശ്യപ്പെടുകയും അവ തീരുന്നതനുസരിച്ച് രണ്ടോ മൂന്നോ മാസം കൂടുമ്പോൾ വന്ന് കൂടുതൽ പ്രതികൾ നൽകാൻ അഭ്യർഥിക്കുകയും ചെയ്തു.
32 പേജുള്ള ഈ ലഘുപത്രിക നിങ്ങൾക്കോ ഒരുപക്ഷേ നിങ്ങൾക്കറിയാവുന്ന ആർക്കെങ്കിലുമോ ആശ്വാസം പ്രദാനം ചെയ്തേക്കാം. ഇതിനെ കുറിച്ചു കൂടുതൽ വിവരങ്ങൾ ലഭിക്കുന്നതിന് ഇതോടൊപ്പമുള്ള കൂപ്പൺ പൂരിപ്പിച്ച് ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയയ്ക്കുക. (g04 3/8)
□ കടപ്പാടുകളൊന്നും കൂടാതെ, നിങ്ങൾ സ്നേഹിക്കുന്ന ആരെങ്കിലും മരിക്കുമ്പോൾ എന്ന ലഘുപത്രികയെ കുറിച്ച് കൂടുതൽ വിവരങ്ങൾ അറിയാൻ ഞാൻ ആഗ്രഹിക്കുന്നു.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്പര്യമുണ്ട്. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു: