ജനസം​ഖ്യാ​ശാ​സ്‌ത്ര​വും ബൈബി​ളും ഭാവി​യും

സ്വീഡനിലെ ഉണരുക! ലേഖകൻ

ഇരുപ​താം നൂറ്റാ​ണ്ടി​ന്റെ ആരംഭ​ത്തിൽ 165 കോടി ആയിരുന്ന മാനവ കുടും​ബ​ത്തി​ലെ അംഗസം​ഖ്യ 20-ാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും 600 കോടി​യി​ലേക്ക്‌ കുതി​ച്ചു​യർന്നി​രി​ക്കു​ന്നു. ലോക​ജ​ന​സം​ഖ്യ​യു​ടെ അമ്പരപ്പി​ക്കുന്ന ഈ വളർച്ച നിരക്ക്‌ ഇങ്ങനെ​തന്നെ തുടരു​മോ? ഈ സഹസ്രാ​ബ്ദം ഒരു ജനസം​ഖ്യാ​സ്‌ഫോ​ട​ന​ത്തി​നു സാക്ഷ്യം വഹിക്കു​മോ? ഇത്തരം സങ്കീർണ​മായ ചോദ്യ​ങ്ങൾക്ക്‌ ഉത്തരം കണ്ടെത്താൻ കിണഞ്ഞു ശ്രമി​ക്കുന്ന വിദഗ്‌ധ​രാണ്‌ ജനസം​ഖ്യാ​ശാ​സ്‌ത്രജ്ഞർ; അവരുടെ പഠന മേഖല​യാണ്‌ ജനസം​ഖ്യാ​ശാ​സ്‌ത്രം.

“മനുഷ്യ ജനസം​ഖ്യ​യെ കുറിച്ച്‌, പ്രത്യേ​കിച്ച്‌ അതിന്റെ വലുപ്പം, സാന്ദ്രത, വിതരണം, ജനന-വിവാഹ-മരണങ്ങൾ എന്നിവയെ കുറി​ച്ചുള്ള സ്ഥിതി​വി​വ​ര​ക്ക​ണക്ക്‌,” വെബ്‌സ്റ്റേ​ഴ്‌സ്‌ ഡിക്‌ഷ്‌ണറി ജനസം​ഖ്യാ​ശാ​സ്‌ത്ര​ത്തി​നു നൽകുന്ന നിർവ​ചനം ഇതാണ്‌. സന്താ​നോ​ത്‌പാ​ദനം (ജനനനി​രക്ക്‌); മരണം (മരണനി​രക്ക്‌); ദേശാ​ന്ത​ര​ഗ​മനം (ഒരു ദേശത്തു​നിന്ന്‌ മറ്റൊരു ദേശ​ത്തേക്കു കുടി​യേറി പാർക്കു​ന്ന​വ​രു​ടെ എണ്ണം) എന്നിങ്ങനെ ജനസം​ഖ്യ​യു​ടെ​മേൽ സുനി​ശ്ചിത പ്രഭാവം ചെലു​ത്തുന്ന മൂന്നു ഘടകങ്ങൾ വിദഗ്‌ധർ പഠനവി​ധേ​യ​മാ​ക്കു​ന്നു.

ഭൂതകാ​ല​ത്തെ ജനസം​ഖ്യാ​സം​ബ​ന്ധ​മായ വളർച്ച​യെ​യും വ്യതി​യാ​ന​ങ്ങ​ളെ​യും കുറി​ച്ചുള്ള പഠനമാണ്‌ ആഗമിക ജനസം​ഖ്യാ​ശാ​സ്‌ത്രം. ഈ പഠനശാഖ ലിഖി​തങ്ങൾ, നാശാ​വ​ശി​ഷ്ടങ്ങൾ, അസ്ഥികൂ​ടങ്ങൾ, കരകൗശല വസ്‌തു​ക്കൾ എന്നിവയെ കൂലങ്ക​ഷ​മായ പഠനത്തി​നു വിധേ​യ​മാ​ക്കി പുരാതന സംസ്‌കാ​ര​ങ്ങളെ കുറിച്ചു കഴിയു​ന്നത്ര വിവരങ്ങൾ ശേഖരി​ക്കു​ന്നു. ആഗമിക ജനസം​ഖ്യാ​ശാ​സ്‌ത്രം ഭാഗി​ക​മാ​യി അനുമാ​ന​വും ഭാഗി​ക​മാ​യി ശാസ്‌ത്ര​വു​മാണ്‌. അറ്റ്‌ലസ്‌ ഓഫ്‌ വേൾഡ്‌ പോപ്പു​ലേഷൻ ഹിസ്റ്ററി അത്‌  അംഗീ​ക​രി​ക്കു​ന്നു: “ആഗമിക ജനസം​ഖ്യാ​ശാ​സ്‌ത്ര​ജ്ഞന്റെ സിദ്ധാ​ന്തങ്ങൾ തെളി​യി​ക്കു​ന്ന​തി​നുള്ള മാർഗ​ങ്ങ​ളൊ​ന്നും ഈ പഠനരം​ഗത്ത്‌ ഇതുവരെ ലഭ്യമാ​യി​ട്ടില്ല. അതു​കൊ​ണ്ടു​തന്നെ അവരുടെ സ്ഥിതി​വി​വ​ര​ക്ക​ണ​ക്കു​ക​ളിൽ പൂർണ​മാ​യി ആശ്രയി​ക്കാ​നും സാധ്യമല്ല.” എന്നിരു​ന്നാ​ലും, ജനസം​ഖ്യാ​ശാ​സ്‌ത്ര​ജ്ഞ​രു​ടെ അനുമാ​ന​ങ്ങ​ളിൽ ബൈബിൾ വിദ്യാർഥി​കൾ തത്‌പ​ര​രാണ്‌. വാസ്‌ത​വ​ത്തിൽ ഈ അനുമാ​ന​ങ്ങ​ളിൽ മിക്കതും ബൈബിൾ വിവര​ണ​ങ്ങ​ളോ​ടു യോജി​പ്പി​ലാണ്‌.

പ്രളയ​ത്തി​നു​ശേ​ഷ​മുള്ള ജനസം​ഖ്യാ​വ​ളർച്ച

എട്ടു പേർ മാത്രമേ നോഹ​യു​ടെ നാളിലെ പ്രളയത്തെ അതിജീ​വി​ച്ചു​ള്ളു എന്ന്‌ ബൈബിൾ പറയുന്നു. ഏകദേശം 1,400 വർഷത്തി​നു ശേഷം ഭൂമി​യി​ലെ ജനസംഖ്യ അഞ്ചു കോടി ആയിത്തീർന്നി​രി​ക്കാം എന്നാണ്‌ ചില ജനസം​ഖ്യാ​ശാ​സ്‌ത്ര​ജ്ഞ​രു​ടെ അനുമാ​നം. 1,400 വർഷം​കൊണ്ട്‌ 8 പേരിൽനിന്ന്‌ അഞ്ചു കോടി​യി​ലേ​ക്കുള്ള വർധന അസാധ്യ​മാ​ണോ?

ആദ്യം​ത​ന്നെ ഒരു കാര്യം മനസ്സിൽ പിടി​ക്കണം, അഞ്ചു കോടി എന്ന സംഖ്യ ഒരു അനുമാ​നം മാത്ര​മാണ്‌. എന്നാൽ ഉല്‌പത്തി 9:1-ൽ ബൈബിൾ പറയു​ന്നത്‌ താത്‌പ​ര്യ​ജ​ന​ക​മാണ്‌: “ദൈവം നോഹ​യെ​യും അവന്റെ പുത്ര​ന്മാ​രെ​യും അനു​ഗ്ര​ഹി​ച്ചു അവരോ​ടു അരുളി​ച്ചെ​യ്‌ത​തെ​ന്തെ​ന്നാൽ: നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറവിൻ.” തുടർന്ന്‌ 10, 11 അധ്യാ​യ​ങ്ങ​ളിൽ നോഹ​യു​ടെ മക്കളായ ശേം, ഹാം, യാഫെത്ത്‌ എന്നിവ​രിൽനിന്ന്‌ ഉളവായ 70 കുടും​ബ​ങ്ങളെ കുറിച്ചു നാം വായി​ക്കു​ന്നു. ശേം മുതൽ അബ്രാ​ഹാം വരെയുള്ള വംശാ​വ​ലി​യിൽ ‘പുത്ര​ന്മാ​രെ​യും പുത്രി​മാ​രെ​യും ജനിപ്പിച്ച’ പുരു​ഷ​ന്മാ​രെ കുറിച്ചു തുടർന്ന്‌ ബൈബിൾ വിവരി​ക്കു​ന്നു. ഇത്‌ “ഭൂമി​യിൽ നിറവിൻ” എന്ന ദൈവ​ത്തി​ന്റെ കൽപ്പന​യ്‌ക്കു ചേർച്ച​യിൽ വർധിച്ച സന്താ​നോ​ത്‌പാ​ദ​ന​ത്തി​ന്റെ ഒരു കാലയ​ളവ്‌ ആയിരു​ന്നി​രി​ക്കാം.

മരണനി​രക്ക്‌ സംബന്ധി​ച്ചെന്ത്‌? ഉല്‌പ​ത്തി​യി​ലെ അതേ അധ്യാ​യങ്ങൾ, പ്രളയ​ശേ​ഷ​മുള്ള നൂറി​ല​ധി​കം വർഷങ്ങ​ളി​ലെ മനുഷ്യ​രു​ടെ അസാധാ​ര​ണ​മാം​വി​ധം ദീർഘ​മായ ജീവി​ത​കാ​ല​യ​ള​വി​നെ കുറിച്ചു പറയുന്നു. a ഉയർന്ന ജനനനി​ര​ക്കും താഴ്‌ന്ന മരണനി​ര​ക്കും കൂടി​ച്ചേർന്നാൽ ഫലം എന്തായി​രി​ക്കും? ത്വരി​ത​ഗ​തി​യി​ലുള്ള ജനസംഖ്യ വർധന തന്നെ.

ഇസ്രാ​യേ​ല്യ​രു​ടെ ഈജി​പ്‌തി​ലെ വാസം

ഇസ്രാ​യേ​ല്യർ ഈജി​പ്‌തിൽ പാർത്തു​കൊ​ണ്ടി​രു​ന്ന​പ്പോൾ അവരുടെ ജനസം​ഖ്യ​യിൽ വൻ വർധന​യു​ണ്ടാ​യി എന്ന ബൈബിൾ വിവര​ണത്തെ ചില പണ്ഡിത​ന്മാർ സംശയ​ദൃ​ഷ്ടി​യോ​ടെ​യാണ്‌ വീക്ഷി​ക്കു​ന്നത്‌. യാക്കോ​ബി​ന്റെ പുത്ര​ഭാ​ര്യ​മാ​രെ കൂടാതെ “മിസ്ര​യീ​മിൽ വന്നവരായ യാക്കോ​ബി​ന്റെ കുടും​ബം ആകെ എഴുപതു പേർ” എന്നു ബൈബിൾ പ്രസ്‌താ​വി​ക്കു​ന്നു. (ഉല്‌പത്തി 46:26, 27) എന്നിരു​ന്നാ​ലും അതിശ​യ​ക​ര​മെന്നു പറയട്ടെ, 215 വർഷങ്ങൾക്കു ശേഷം ഇസ്രാ​യേ​ല്യർ ഈജി​പ്‌തു വിട്ട​പ്പോൾ ‘കുട്ടികൾ ഒഴികെ ഏകദേശം ആറുലക്ഷം പുരു​ഷ​ന്മാ​രാണ്‌ കാൽന​ട​യാ​യി യാത്ര പുറ​പ്പെ​ട്ടത്‌.’ (പുറപ്പാ​ടു 12:37) സ്‌ത്രീ​ക​ളെ​യും കുട്ടി​ക​ളെ​യും കൂടെ കണക്കാ​ക്കു​മ്പോൾ ഇസ്രാ​യേ​ല്യ​രു​ടെ എണ്ണം 30 ലക്ഷത്തോ​ളം ഉണ്ടായി​രു​ന്നി​രി​ക്കണം! അത്തര​മൊ​രു വർധന സാധ്യ​മാ​ണോ?

ആ ചോദ്യ​ത്തിന്‌ ഉത്തരം കണ്ടെത്തു​ന്ന​തിന്‌, ആദ്യം ഈജി​പ്‌തി​ലെ ഇസ്രാ​യേ​ല്യ​രു​ടെ വർധനയെ കുറിച്ചു ബൈബിൾ എന്തു പറയു​ന്നു​വെന്ന്‌ നമുക്കു ശ്രദ്ധാ​പൂർവം പരി​ശോ​ധി​ക്കാം. “യിസ്രാ​യേൽമക്കൾ സന്താന​സ​മ്പ​ന്ന​രാ​യി അത്യന്തം വർദ്ധിച്ചു പെരുകി ബലപ്പെട്ടു; ദേശം അവരെ​ക്കൊ​ണ്ടു നിറഞ്ഞു.” അതേ, അക്കാലത്തെ അവരുടെ വർധന അസാധാ​ര​ണ​മാ​യി​രു​ന്നു.—പുറപ്പാ​ടു 1:7.

അത്തരം വർധന ആധുനിക കാലത്തും ഉണ്ടായി​ട്ടുണ്ട്‌ എന്നതു താത്‌പ​ര്യ​ജ​ന​ക​മാണ്‌, 1980-കളിൽ കെനി​യ​യിൽ സംഭവി​ച്ച​തു​പോ​ലെ. എന്നാൽ, വലിയ തോതി​ലുള്ള വർധന ദീർഘ​കാ​ലം നീണ്ടു​നി​ന്നു എന്നതാണ്‌ ഇസ്രാ​യേ​ല്യ​രു​ടെ ഇടയിലെ ജനസം​ഖ്യാ​വ​ളർച്ചയെ വ്യതി​രി​ക്ത​മാ​ക്കിയ സംഗതി.

ഇസ്രാ​യേ​ല്യ​രു​ടെ ഇടയിലെ ത്വരിത ജനസം​ഖ്യാ​വർധ​ന​യ്‌ക്ക്‌ ബൈബിൾ മറ്റൊരു കാരണ​വും നൽകുന്നു. ഇസ്രാ​യേ​ല്യർ ഈജി​പ്‌തിൽ ആയിരുന്ന കാലത്ത്‌ അവിടെ ഭക്ഷ്യക്ഷാ​മം ഉണ്ടായി​രു​ന്നില്ല. വ്യക്തമാ​യും ഒരു ക്ഷാമം ബാധി​ക്കു​ക​യാ​ണെ​ങ്കിൽ ധാരാളം ആളുകൾ ചെറു​പ്രാ​യ​ത്തിൽ തന്നെ മരിച്ചു​പോ​കും. തത്‌ഫ​ല​മാ​യി അക്കാലത്ത്‌ ജനിക്കുന്ന കുട്ടി​ക​ളു​ടെ എണ്ണവും കുറയും. എന്നാൽ ഇസ്രാ​യേ​ല്യർക്ക്‌ ധാരാളം ഭക്ഷ്യവ​സ്‌തു​ക്കൾ ലഭ്യമാ​യി​രു​ന്നു എന്നു ബൈബിൾ സൂചി​പ്പി​ക്കു​ന്നു. യോ​സേ​ഫി​ന്റെ കുടും​ബം ഈജി​പ്‌തി​ലേക്കു വന്നപ്പോൾ ഫറവോൻ യോ​സേ​ഫി​നോ​ടു പറഞ്ഞു: “ദേശത്തി​ലേ​ക്കും നല്ലഭാ​ഗത്തു നിന്റെ അപ്പനെ​യും സഹോ​ദ​ര​ന്മാ​രെ​യും പാർപ്പിക്ക; അവർ ഗോ​ശെൻദേ​ശ​ത്തു​തന്നേ പാർത്തു​കൊ​ള്ളട്ടെ.”  (ഉല്‌പത്തി 47:6) ഇസ്രാ​യേ​ല്യർ ഈജി​പ്‌തു​കാ​രു​ടെ അടിമ​ക​ളാ​യി​ത്തീർന്ന​തി​നു ശേഷം പോലും അവർക്കു മതിയായ ഭക്ഷണം ലഭിച്ചി​രു​ന്നു എന്നു വേണം കരുതാൻ. വാസ്‌ത​വ​ത്തിൽ, അടിമ​ത്ത​ത്തിൽ നിന്നുള്ള വിടു​ത​ലി​നു ശേഷം, അടിമ​ക​ളാ​യി​രുന്ന കാലത്ത്‌ ഭക്ഷിച്ചി​രുന്ന അപ്പം, മത്സ്യം, വെള്ളരിക്ക, മത്തങ്ങ, ഉള്ളി, ചുവന്നു​ള്ളി, ചിറ്റുള്ളി, മാംസം എന്നിവയെ കുറിച്ച്‌ അവർ ഓർക്കു​ന്നുണ്ട്‌.—പുറപ്പാ​ടു 16:3; സംഖ്യാ​പു​സ്‌തകം 11:5.

പൊതു​യു​ഗം ഒന്നാം നൂറ്റാ​ണ്ടിൽ

ജനസം​ഖ്യാ​ശാ​സ്‌ത്ര​ത്തിന്‌ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ സംബന്ധിച്ച നമ്മുടെ ഗ്രാഹ്യ​ത്തി​ന്മേ​ലും വെളിച്ചം വീശാൻ കഴിയും. ദൃഷ്ടാ​ന്ത​ത്തിന്‌, “സകല ജാതി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന തന്റെ ശിഷ്യ​ന്മാ​രോ​ടുള്ള യേശു​വി​ന്റെ കൽപ്പനയെ കുറിച്ചു വായി​ക്കു​മ്പോൾ അത്‌ എത്ര വലി​യൊ​രു നിയോ​ഗം ആയിരു​ന്നി​രി​ക്കും എന്നു നാം ചിന്തി​ച്ചേ​ക്കാം. (മത്തായി 28:20) ഒന്നാം നൂറ്റാ​ണ്ടിൽ റോമാ സാമ്രാ​ജ്യ​ത്തി​ലെ ജനസംഖ്യ എത്രയാ​യി​രു​ന്നു? അഞ്ചു കോടി​ക്കും ആറു കോടി​ക്കും ഇടയി​ലാ​യി​രു​ന്നു എന്ന്‌ ചിലർ അനുമാ​നി​ക്കു​ന്നു. അതു ശരിയാ​ണെ​ങ്കിൽ ആ ആദിമ ക്രിസ്‌തീയ സുവി​ശേ​ഷ​കർക്ക്‌ ബൃഹത്തായ ഒരു വേലയാണ്‌ ചെയ്യാ​നു​ണ്ടാ​യി​രു​ന്നത്‌.

അപ്പൊ​സ്‌ത​ല​നാ​യ പത്രൊസ്‌ സുവാർത്ത പ്രസം​ഗി​ക്കു​ന്ന​തിന്‌ വിദൂ​ര​സ്ഥ​മായ ബാബി​ലോൺ സന്ദർശി​ച്ചു എന്ന്‌ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ വായന​യിൽ നിന്നു നാം മനസ്സി​ലാ​ക്കു​ന്നു. (1 പത്രൊസ്‌ 5:13) അവൻ ബാബി​ലോൺ തിര​ഞ്ഞെ​ടു​ക്കാൻ കാരണം എന്തായി​രി​ക്കാം? ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നി​ക്ക​യി​ലെ ഒരു പരാമർശം അതി​ലേക്കു വെളിച്ചം വീശുന്നു: “പാലസ്‌തീ​നു പുറത്തുള്ള മുഖ്യ യഹൂദ കേന്ദ്രങ്ങൾ സിറിയ, ഏഷ്യാ​മൈനർ, ബാബി​ലോ​ണിയ, ഈജി​പ്‌ത്‌ എന്നിവി​ട​ങ്ങ​ളി​ലാ​യി​രു​ന്നു. ഇവിട​ങ്ങ​ളിൽ കുറഞ്ഞത്‌ 10,00,000 യഹൂദർ വീതം ഉണ്ടായി​രു​ന്ന​താ​യി കണക്കാ​ക്ക​പ്പെ​ടു​ന്നു.” പത്രൊ​സി​ന്റെ പ്രസംഗ നിയമനം മുഖ്യ​മാ​യും യഹൂദ​ന്മാ​രു​ടെ ഇടയിൽ ആയിരു​ന്ന​തി​നാൽ അവൻ യഹൂദ​ന്മാ​രു​ടെ ഒരു കേന്ദ്ര​മാ​യി​രുന്ന ബാബി​ലോൺ സന്ദർശി​ച്ചത്‌ തികച്ചും ന്യായ​യു​ക്ത​മാ​യി​രു​ന്നു. (ഗലാത്യർ 2:9) അവിടത്തെ യഹൂദ​ന്മാ​രു​ടെ ബാഹു​ല്യം കണക്കി​ലെ​ടു​ക്കു​മ്പോൾ അവന്‌ എപ്പോ​ഴെ​ങ്കി​ലും പ്രദേശം തികയാ​തെ വന്നിരി​ക്കാൻ ഇടയില്ല!

ഭാവി​യിൽ സംഭവി​ക്കാ​നി​രി​ക്കു​ന്നത്‌

നാം കണ്ടുക​ഴി​ഞ്ഞതു പോലെ, ജനസം​ഖ്യാ​ശാ​സ്‌ത്ര​ജ്ഞർക്ക്‌ മനുഷ്യ​ന്റെ ഭൂതകാ​ല​ത്തോ​ടു ബന്ധപ്പെട്ട ചില വിശദാം​ശ​ങ്ങ​ളിൽ താത്‌പ​ര്യ​മുണ്ട്‌. എന്നാൽ ഭാവിയെ സംബന്ധിച്ച്‌ അവർക്ക്‌ എന്താണു പറയാ​നു​ള്ളത്‌? അവർ ചില സുപ്ര​ധാന ചോദ്യ​ങ്ങൾ ഉന്നയി​ക്കു​ന്നു. ഈ സഹസ്രാ​ബ്ദ​ത്തിൽ ഒരു ജനസം​ഖ്യാ​സ്‌ഫോ​ടനം ഉണ്ടാകു​മോ? ആർക്കും നിശ്ചയ​മില്ല. ധാരാളം രാജ്യ​ങ്ങ​ളിൽ ജനനനി​രക്ക്‌ കുറയു​ന്നത്‌ ചൂണ്ടി​ക്കാ​ണി​ച്ചു​കൊണ്ട്‌ ചില ഗവേഷകർ ലോക​ജ​ന​സം​ഖ്യ​യിൽ ഒരു സ്ഥിരത പ്രവചി​ക്കു​ന്നു.

എന്നാൽ എല്ലാ വിദഗ്‌ധ​രും ഇതി​നോ​ടു യോജി​ക്കു​ന്നില്ല. പോപ്പു​ലേഷൻ റ്റുഡേ എന്ന പ്രസി​ദ്ധീ​ക​രണം പ്രസ്‌താ​വി​ക്കു​ന്നു: “ജനസം​ഖ്യാ​വർധ​നയെ ആസ്‌പ​ദ​മാ​ക്കി ഇന്ന്‌ ലോക​രാ​ജ്യ​ങ്ങളെ രണ്ടായി വർഗീ​ക​രി​ക്കാം: ഒരു ദമ്പതി​കൾക്ക്‌ രണ്ടോ അതിൽ താഴെ​യോ മക്കൾ എന്ന ജനനനി​രക്ക്‌ ഉള്ളവ, അതിൽ കൂടുതൽ ജനനനി​രക്ക്‌ ഉള്ളവ. ആദ്യത്തെ വിഭാ​ഗ​ത്തിൽ യൂറോപ്പ്‌, ഐക്യ​നാ​ടു​കൾ, കാനഡ, ജപ്പാൻ എന്നിവ​യും ത്വരി​ത​ഗ​തി​യിൽ വ്യവസാ​യ​വ​ത്‌ക​ര​ണ​ത്തി​ലേക്കു നീങ്ങുന്ന ചില രാജ്യ​ങ്ങ​ളും ഉൾപ്പെ​ടു​ന്നു . . . എന്നാൽ ആഫ്രിക്ക, ഏഷ്യ, ലാറ്റിൻ അമേരിക്ക എന്നിവി​ട​ങ്ങ​ളി​ലെ മിക്ക രാജ്യ​ങ്ങ​ളും രണ്ടാമത്തെ വിഭാ​ഗ​ത്തി​ലാണ്‌. ലോക​ജ​ന​സം​ഖ്യ​യു​ടെ പകുതി​യി​ല​ധി​ക​വും ഉള്ള ഈ രാജ്യ​ങ്ങ​ളിൽ ശരാശരി ഓരോ സ്‌ത്രീ​ക്കും നാലു മക്കൾ വീതം ഉണ്ട്‌.”

അപ്പോൾ ചില രാജ്യ​ങ്ങ​ളിൽ ജനസംഖ്യ കുറഞ്ഞി​ട്ടു​ണ്ടെ​ങ്കി​ലും മറ്റു ചില രാജ്യ​ങ്ങ​ളിൽ അത്‌ വർധി​ക്കു​ക​യോ വ്യത്യാ​സ​മി​ല്ലാ​തെ തുടരു​ക​യോ ചെയ്‌തി​രി​ക്കു​ന്നു. പോപ്പു​ലേഷൻ റ്റുഡേ ഭാവി​യിൽ സംഭവി​ക്കാൻ ഇടയു​ള്ളത്‌ എന്താ​ണെന്ന്‌ ഇങ്ങനെ സംഗ്ര​ഹി​ക്കു​ന്നു: “മിക്ക വികസ്വര രാജ്യ​ങ്ങ​ളി​ലും ത്വരി​ത​ഗ​തി​യി​ലുള്ള ജനസം​ഖ്യാ​വ​ളർച്ച നിലച്ചി​ട്ടില്ല. ജനസം​ഖ്യാ​സ്‌ഫോ​ട​ന​ത്തി​ന്റെ യഥാർഥ അന്ത്യം—സാങ്കൽപ്പി​കമല്ല—ശിശു​മ​ര​ണ​നി​രക്ക്‌ കുറയ്‌ക്കു​ന്ന​തി​നും സ്‌ത്രീ​വി​ദ്യാ​ഭ്യാ​സ​വും കുടും​ബാ​സൂ​ത്ര​ണ​വും വ്യാപ​ക​മാ​ക്കു​ന്ന​തി​നും എത്രയ​ധി​കം രാജ്യങ്ങൾ എത്ര​ത്തോ​ളം വേഗത്തിൽ നടപടി​യെ​ടു​ക്കു​ന്നു എന്നതിനെ ആശ്രയി​ച്ചി​രി​ക്കു​ന്നു.”

ലോക​ജ​ന​സം​ഖ്യ ഇപ്പോ​ഴത്തെ 600 കോടി​യെ കടത്തി​വെട്ടി വളരെ​യ​ധി​കം മുമ്പോ​ട്ടു പോകു​മോ? കാലം ഉത്തരം തരട്ടെ. എന്നാൽ ദൈവ​ത്തി​ന്റെ ഉദ്ദേശ്യം ജനപ്പെ​രു​പ്പം ആയിരു​ന്നില്ല, ഭൂമിയെ നിറയ്‌ക്കുക എന്നതാ​യി​രു​ന്നു എന്നു നമുക്ക​റി​യാം. (ഉല്‌പത്തി 1:28) ദൈവ​രാ​ജ്യ​ത്തിൻകീ​ഴിൽ അതു സംഭവി​ക്കും എന്ന്‌ ഉറപ്പോ​ടെ വിശ്വ​സി​ക്കു​ന്ന​തി​നു നമുക്ക്‌ എല്ലാ കാരണ​ങ്ങ​ളു​മുണ്ട്‌.—യെശയ്യാ​വു 55:10, 11. (g04 5/8)

[അടിക്കു​റിപ്പ്‌]

[14-ാം പേജിലെ ചിത്രം]

പ്രളയത്തെ അതിജീ​വി​ച്ചവർ, 600 കോടി കവിഞ്ഞി​രി​ക്കുന്ന ഇന്നത്തെ ജനസം​ഖ്യ​യ്‌ക്കു തുടക്ക​മി​ട്ടു

[15-ാം പേജിലെ ചിത്രം]

ഈജിപ്‌തിൽ ആയിരി​ക്കെ, എണ്ണത്തിൽ കുറവാ​യി​രുന്ന ഇസ്രാ​യേ​ല്യർ 215 വർഷം​കൊണ്ട്‌ ഏതാണ്ട്‌ 30 ലക്ഷമായി വർധിച്ചു