ഏകാന്ത​തയെ തരണം​ചെ​യ്യൽ

ഏകാന്ത​തയെ തരണം​ചെ​യ്യുക എന്നത്‌ അത്ര എളുപ്പമല്ല. കാരണം അതിൽ ഉൾപ്പെ​ട്ടി​രി​ക്കു​ന്നത്‌ ശക്തമായ വികാ​ര​ങ്ങ​ളാണ്‌. ഒരു വ്യക്തിക്ക്‌ ഏകാന്ത​തയെ എങ്ങനെ കൈകാ​ര്യം ചെയ്യാം? തീവ്ര​ത​യേ​റിയ ഈ വികാ​രത്തെ തരണം​ചെ​യ്യാൻ ചിലർ എന്താണു ചെയ്‌തി​രി​ക്കു​ന്നത്‌?

ഏകാന്ത​തയെ തരണം​ചെ​യ്യൽ

ചില തീരു​മാ​നങ്ങൾ എടുക്കു​മ്പോൾ ഒറ്റയ്‌ക്കാ​യി​രി​ക്കാൻ ഹെലന്‌ a ഇഷ്ടമാണ്‌. എന്നാൽ ഏകാന്ത​ത​യ്‌ക്ക്‌ അപകട​കരം ആയിരി​ക്കാൻ കഴിയു​മെ​ന്നാണ്‌ ഹെലനു തോന്നു​ന്നത്‌. കുട്ടി​യാ​യി​രു​ന്ന​പ്പോൾ അവൾക്ക്‌ മാതാ​പി​താ​ക്ക​ളു​മാ​യി ആശയവി​നി​മയം തീരെ ഇല്ലായി​രു​ന്നു. മാതാ​പി​താ​ക്ക​ളു​ടെ ശ്രദ്ധ പിടി​ച്ചു​പ​റ്റാൻ എന്തു ചെയ്യണ​മെ​ന്ന​റി​യാ​തെ​യാ​യ​പ്പോൾ അവൾ മുഴു​സ​മ​യ​വും തന്റെ മുറി​യിൽ കയറി കതകടച്ച്‌ ഇരിപ്പാ​യി. അവൾ പറയുന്നു: “എനിക്ക്‌ ഭക്ഷണ​ക്ര​മ​ക്കേ​ടു​കൾ ഉണ്ടാകാൻ തുടങ്ങി. ഞാൻ വിഷാ​ദ​ത്തി​ന്റെ പടുകു​ഴി​യി​ലാ​യി. ‘എന്റെ പ്രശ്‌നത്തെ കുറിച്ച്‌ മാതാ​പി​താ​ക്കൾക്കു ചിന്തയി​ല്ലാത്ത സ്ഥിതിക്ക്‌ ഞാനെ​ന്തിന്‌ അവരുടെ പ്രശ്‌ന​ങ്ങളെ കുറിച്ചു വേവലാ​തി​പ്പെ​ടണം’ എന്നു ഞാൻ സ്വയം ചോദി​ക്കു​മാ​യി​രു​ന്നു. വിവാ​ഹ​ത്തിന്‌ ഒരുപക്ഷേ ഞാൻ അനുഭ​വി​ക്കുന്ന ഏകാന്ത​ത​യിൽനിന്ന്‌ മോചനം നേടി​ത്ത​രാൻ കഴി​ഞ്ഞേ​ക്കു​മെന്നു ഞാൻ ചിന്തിച്ചു. രക്ഷപ്പെ​ടാ​നുള്ള ഒരു പഴുത്‌ എന്ന നിലയി​ലാണ്‌ ഞാൻ വിവാ​ഹത്തെ കണ്ടത്‌. പക്ഷേ പിന്നെ തോന്നി: ‘വെറുതെ എന്തിന്‌ മറ്റൊ​രാ​ളു​ടെ ജീവി​ത​വും കൂടി നശിപ്പി​ക്കണം? ആദ്യം സ്വന്തം ചിന്താ​ഗതി നേരെ​യാ​ക്കി​യി​ട്ടു മതി മറ്റു കാര്യങ്ങൾ!’ പ്രാർഥ​ന​യിൽ ഞാൻ യഹോ​വ​യു​ടെ സഹായം​തേടി, അവന്റെ മുമ്പിൽ ഞാൻ എന്റെ മനോ​വ്യ​ഥ​ക​ളെ​ല്ലാം പകർന്നു.

 “ബൈബി​ളിൽ, യെശയ്യാ​വു 41:10-ലേതു പോലെ, വളരെ ആശ്വാ​സ​ദാ​യ​ക​മായ ചില വാക്കുകൾ ഞാൻ കണ്ടു, ‘നീ ഭയപ്പെ​ടേണ്ടാ; ഞാൻ നിന്നോ​ടു​കൂ​ടെ ഉണ്ടു; ഭ്രമി​ച്ചു​നോ​ക്കേണ്ടാ, ഞാൻ നിന്റെ ദൈവം ആകുന്നു; ഞാൻ നിന്നെ ശക്തീക​രി​ക്കും; ഞാൻ നിന്നെ സഹായി​ക്കും; എന്റെ നീതി​യുള്ള വല​ങ്കൈ​കൊ​ണ്ടു ഞാൻ നിന്നെ താങ്ങും.’ ഈ വാക്കുകൾ എനിക്ക്‌ ഒരുപാട്‌ സാന്ത്വനം നൽകി, കാരണം ഒരു പിതാ​വി​ല്ലാ​ത്ത​തു​പോ​ലെ​യാണ്‌ എനിക്ക്‌ അനുഭ​വ​പ്പെ​ട്ടി​രു​ന്നത്‌. ഇപ്പോൾ ഞാൻ ക്രമമാ​യി ബൈബിൾ വായി​ക്കു​ക​യും എന്റെ സ്വർഗീയ പിതാ​വി​നോ​ടു പ്രാർഥി​ക്കു​ക​യും ചെയ്യുന്നു. എന്റെ ഏകാന്ത​തയെ കീഴട​ക്കാൻ ഞാൻ പഠിച്ചി​രി​ക്കു​ന്നു.”

പ്രിയ​പ്പെട്ട ഒരാളെ മരണം തട്ടി​യെ​ടു​ക്കു​മ്പോൾ ഉണ്ടാകുന്ന ദുഃഖ​ത്തിന്‌ ഏകാന്ത​ത​യി​ലേക്കു നയിക്കാൻ കഴിയും. 16 വയസ്സുള്ള ലൂയിസാ തന്റെ കഠിന​മായ മനോ​വ്യ​ഥയെ കുറിച്ചു വിവരി​ക്കു​ന്നു: “എനിക്ക്‌ അഞ്ചുവ​യ​സ്സു​ള്ള​പ്പോൾ എന്റെ അച്ഛൻ കൊല്ല​പ്പെട്ടു. ആശ്വാ​സ​ത്തി​നാ​യി ഞാൻ എന്റെ വല്യമ്മ​യി​ലേക്കു തിരിഞ്ഞു. പക്ഷേ വല്യമ്മ​യിൽനിന്ന്‌ എനി​ക്കൊ​രി​ക്ക​ലും സ്‌നേഹം കിട്ടി​യി​രു​ന്നില്ല. എന്റെ കുട്ടി​ക്കാ​ലത്ത്‌, എനിക്ക്‌ സ്‌നേ​ഹ​വും വാത്സല്യ​വും ഏറ്റവും ആവശ്യ​മാ​യി​രുന്ന സമയത്ത്‌, എനിക്കത്‌ വേണ്ടത്ര ലഭിച്ചില്ല. എനിക്കും മൂന്നു ചേച്ചി​മാർക്കും നിത്യ​വൃ​ത്തി​ക്കുള്ള വക കണ്ടെത്തു​ന്ന​തിന്‌ എന്റെ അമ്മ വളരെ കഷ്ടപ്പെ​ടു​ക​യാ​യി​രു​ന്നു. അതു​കൊണ്ട്‌ ഞാൻ ജീവ​നൊ​ടു​ക്കു​ന്ന​താണ്‌ കുടും​ബ​ത്തി​നു നല്ലതെന്നു ഞാൻ വിചാ​രി​ച്ചു, എട്ടും ഒമ്പതും വയസ്സി​നി​ട​യ്‌ക്ക്‌ മൂന്നു പ്രാവ​ശ്യം ഞാൻ ആത്മഹത്യ​ക്കു ശ്രമിച്ചു. അങ്ങനെ​യി​രി​ക്കെ​യാണ്‌ ഞങ്ങൾ യഹോ​വ​യു​ടെ സാക്ഷി​ക​ളോ​ടൊ​ത്തു സഹവസി​ക്കാൻ തുടങ്ങി​യത്‌. ഒരു യുവ ദമ്പതികൾ എന്റെ കാര്യ​ത്തിൽ ആത്മാർഥ​മായ താത്‌പ​ര്യ​മെ​ടു​ത്തു. അവർ എന്നോടു പറയു​മാ​യി​രു​ന്നു: ‘നീ ഞങ്ങൾക്ക്‌ എത്ര വേണ്ട​പ്പെ​ട്ട​വ​ളാ​ണെ​ന്നോ!’ ‘നീ ഞങ്ങൾക്കു വേണ്ട​പ്പെ​ട്ട​വ​ളാണ്‌’ എന്ന വാക്കുകൾ എനിക്ക്‌ ഒരുപാ​ടു ശക്തിപ​കർന്നു. ചില​പ്പോൾ എനിക്ക്‌ എന്റെ വികാ​രങ്ങൾ മറ്റൊ​രാ​ളോ​ടു തുറന്നു പ്രകടി​പ്പി​ക്കാൻ കഴിയാ​തെ വരാറുണ്ട്‌. എന്നാൽ വീക്ഷാ​ഗോ​പു​രം, ഉണരുക! മാസി​ക​ക​ളി​ലെ ലേഖനങ്ങൾ വായി​ക്കു​മ്പോൾ ഈ പ്രസി​ദ്ധീ​ക​ര​ണ​ങ്ങ​ളി​ലൂ​ടെ യഹോ​വ​യു​ടെ സ്‌നേഹം അനുഭ​വി​ച്ച​റി​യാൻ കഴിഞ്ഞ​തിന്‌ ഞാൻ അവനു നന്ദിപ​റ​യു​ന്നു. ഇപ്പോൾ ഞാൻ വളരെ മാറി​യി​ട്ടുണ്ട്‌. ഇന്നെനിക്ക്‌ പുഞ്ചി​രി​ക്കാ​നാ​കു​ന്നു, എന്റെ സങ്കടങ്ങ​ളും സന്തോ​ഷ​വും അമ്മയു​മാ​യി പങ്കു​വെ​ക്കാ​നും കഴിയു​ന്നു. ചില​പ്പോ​ഴൊ​ക്കെ കഴിഞ്ഞ​കാ​ലത്തെ അസുഖ​ക​ര​മായ ഓർമകൾ മനസ്സി​ലേക്കു തികട്ടി വരാറുണ്ട്‌. എന്നാൽ അത്‌ മുമ്പ​ത്തെ​പ്പോ​ലെ—അതായത്‌ ഞാൻ ആത്മഹത്യ ചെയ്യാൻ തുനി​ഞ്ഞ​പ്പോ​ഴ​ത്തെ​യും എന്റെ വീട്ടു​കാ​രോ​ടു സംസാ​രി​ക്കാ​തെ ഇരുന്ന​പ്പോ​ഴ​ത്തെ​യും​പോ​ലെ—എന്റെ മനസ്സിനെ ബാധി​ക്കു​ന്നില്ല. സങ്കീർത്ത​ന​ക്കാ​ര​നായ ദാവീദ്‌ പറഞ്ഞത്‌ ഞാൻ എല്ലായ്‌പോ​ഴും ഓർക്കു​ന്നു: ‘എന്റെ സഹോ​ദ​ര​ന്മാ​രും കൂട്ടാ​ളി​ക​ളും നിമിത്തം നിന്നിൽ സമാധാ​നം ഉണ്ടാകട്ടെ എന്നു ഞാൻ പറയും.’”—സങ്കീർത്തനം 122:8.

മാർത്ത വിവാ​ഹ​മോ​ചനം നേടി​യിട്ട്‌ 22 വർഷമാ​യി. ഈ കാലയ​ള​വിൽ അവൾ ഒരു കുഞ്ഞി​നെ​യും വളർത്തി​വ​ലു​താ​ക്കി. “[വിവാഹ ജീവി​ത​ത്തിൽ] ഞാൻ ഒരു പരാജ​യ​മാ​യി​രു​ന്ന​ല്ലോ എന്നോർക്കു​മ്പോ​ഴൊ​ക്കെ ഞാൻ വില​കെ​ട്ട​വ​ളാ​ണെ​ന്നുള്ള തോന്ന​ലും ഏകാന്ത​ത​യും മനസ്സിൽ പൊന്തി​വ​രാൻ തുടങ്ങും,” അവൾ പറയുന്നു. ഈ വികാ​ര​ങ്ങളെ അവൾ തരണം​ചെ​യ്യു​ന്നത്‌ എങ്ങനെ​യാണ്‌? മാർത്ത ഇപ്രകാ​രം പറയുന്നു: “അപ്പോൾത്തന്നെ അതേക്കു​റിച്ച്‌ യഹോ​വ​യാം ദൈവ​ത്തോ​ടു  സംസാ​രി​ക്കു​ന്ന​താണ്‌ അതിനെ നേരി​ടാ​നുള്ള ഏറ്റവും മെച്ചമായ മാർഗ​മാ​യി ഞാൻ കണ്ടെത്തി​യി​രി​ക്കു​ന്നത്‌. പ്രാർഥി​ക്കു​മ്പോൾ ഞാൻ ഒറ്റയ്‌ക്ക​ല്ലെന്ന്‌ എനിക്ക​റി​യാം. എന്നെ ഞാൻ മനസ്സി​ലാ​ക്കു​ന്ന​തി​ലും മെച്ചമാ​യി യഹോവ മനസ്സി​ലാ​ക്കു​ന്നു. മറ്റുള്ള​വ​രിൽ വ്യക്തി​പ​ര​മായ താത്‌പ​ര്യം കാണി​ക്കു​ന്ന​തി​നുള്ള അവസര​ങ്ങ​ളും ഞാൻ തേടുന്നു. നിഷേ​ധാ​ത്മക വികാ​ര​ങ്ങ​ളോ​ടു പൊരു​തു​ന്ന​തി​നുള്ള വളരെ ശക്തമായ ആയുധ​മാണ്‌ എന്റെ മുഴു​സമയ ശുശ്രൂഷ. നിങ്ങൾ മറ്റുള്ള​വ​രോ​ടു ദൈവ​രാ​ജ്യ​ത്തി​ന്റെ അനു​ഗ്ര​ഹ​ങ്ങളെ കുറിച്ചു സംസാ​രി​ക്കു​മ്പോൾ, യാതൊ​രു പ്രത്യാ​ശ​യു​മി​ല്ലാ​തെ, തങ്ങളുടെ പ്രശ്‌ന​ങ്ങ​ളിൽനിന്ന്‌ ഒരു മോചനം ലഭിക്കു​മെന്ന പ്രതീ​ക്ഷ​യി​ല്ലാ​തെ കഴിയു​ന്ന​വ​രാണ്‌ അവർ എന്നു നിങ്ങൾ കാണുന്നു. ജീവി​ക്ക​ണ​മെന്ന ആഗ്രഹം വളർത്തി​യെ​ടു​ക്കാ​നും മനസ്സി​ടി​ച്ചു​ക​ള​യുന്ന കാര്യ​ങ്ങ​ളോ​ടു പൊരു​തി​ക്കൊ​ണ്ടി​രി​ക്കാ​നു​മുള്ള എത്ര ശക്തമായ കാരണ​മാണ്‌ നിങ്ങൾക്കു​ള്ള​തെന്ന്‌ അപ്പോൾ നിങ്ങൾ മനസ്സി​ലാ​ക്കു​ന്നു.”

93 വയസ്സുള്ള എൽബാ​യു​ടെ കാര്യം പരിചി​ന്തി​ക്കുക. എൽബാ​യു​ടെ ഏക മകൾ മറ്റൊരു രാജ്യത്തു മിഷന​റി​യാ​യി സേവി​ക്കു​ക​യാണ്‌. താൻ ഏകാന്ത​തയെ എങ്ങനെ​യാണ്‌ തരണം​ചെ​യ്യു​ന്ന​തെന്ന്‌ എൽബാ പറയുന്നു: “എന്റെ മോൾക്കും ഭർത്താ​വി​നും വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളിൽ പങ്കെടു​ക്കാ​നുള്ള ക്ഷണം വന്നപ്പോൾ അവരുടെ മുഖം സന്തോ​ഷം​കൊ​ണ്ടു തിളങ്ങു​ന്നതു ഞാൻ കണ്ടു. ഞാനും അവരോ​ടൊ​പ്പം സന്തോ​ഷി​ച്ചു. എന്നാൽ പിന്നീട്‌ അവർക്ക്‌ മറ്റൊരു രാജ്യ​ത്തേക്ക്‌ മിഷനറി നിയമനം ലഭിച്ച​പ്പോൾ, ഞാൻ അൽപ്പം സ്വാർഥ​യാ​കാൻ തുടങ്ങി. ഇനി അവർ എന്റെ അടുത്തു​ണ്ടാ​യി​രി​ക്കി​ല്ല​ല്ലോ എന്നോർത്ത​പ്പോൾ എനിക്കു സങ്കടം വന്നു. ന്യായാ​ധി​പ​ന്മാർ 11-ാം അധ്യാ​യ​ത്തിൽ വിവരി​ച്ചി​രി​ക്കുന്ന, യിഫ്‌താ​ഹി​ന്റെ​യും അവന്റെ ഏക പുത്രി​യു​ടെ​യും സാഹച​ര്യം പോ​ലെ​യാ​ണിത്‌ എന്ന്‌ എനിക്കു​തോ​ന്നി. ക്ഷമയ്‌ക്കാ​യി ഞാൻ കണ്ണീ​രോ​ടെ യഹോ​വ​യോട്‌ അപേക്ഷി​ച്ചു. എന്റെ മോളും മോനും എല്ലായ്‌പോ​ഴും ഞാനു​മാ​യി സമ്പർക്ക​ത്തി​ലാണ്‌. അവർക്ക്‌ വളരെ തിരക്കാ​ണെന്ന്‌ എനിക്ക​റി​യാം. എന്നാൽ എവി​ടെ​യാ​യി​രു​ന്നാ​ലും എനിക്ക്‌ കത്തെഴു​തു​ന്നത്‌ അവർ മുടക്കാ​റില്ല, വയൽശു​ശ്രൂ​ഷ​യി​ലെ അനുഭ​വ​ങ്ങ​ളും മറ്റും ക്രമമാ​യി അവർ എന്നെ എഴുതി അറിയി​ക്കു​ന്നു. ഞാൻ അവരുടെ കത്തുകൾ വീണ്ടും വീണ്ടും വായി​ക്കും. ഓരോ ആഴ്‌ച​യും അവർ എന്നോടു സംസാ​രി​ക്കു​ന്ന​തു​പോ​ലെ​യാ​ണിത്‌. എനിക്ക്‌ അതിന്‌ ഒരുപാ​ടു നന്ദിയുണ്ട്‌. മാത്രമല്ല, സഭയിലെ ക്രിസ്‌തീയ മൂപ്പന്മാർ പ്രായാ​ധി​ക്യ​വും ശാരീ​രി​ക​വൈ​ക​ല്യ​വും ഉള്ളവരു​ടെ ആവശ്യങ്ങൾ വേണ്ടവി​ധം നോക്കി നടത്തു​ക​യും ഞങ്ങൾക്ക്‌ സഭാ​യോ​ഗ​ങ്ങ​ളിൽ സംബന്ധി​ക്കാൻ വാഹന​സൗ​ക​ര്യം ഉണ്ടെന്ന്‌ ഉറപ്പു​വ​രു​ത്തു​ക​യും മറ്റ്‌ ആവശ്യങ്ങൾ നടത്തി​ത്ത​രി​ക​യും ചെയ്യുന്നു. എന്റെ ആത്മീയ സഹോ​ദ​രീ​സ​ഹോ​ദ​ര​ന്മാ​രെ യഹോ​വ​യിൽനി​ന്നുള്ള ഒരു അനു​ഗ്ര​ഹ​മാ​യി ഞാൻ കണക്കാ​ക്കു​ന്നു.”

നിങ്ങൾക്കും ഏകാന്ത​തയെ തരണം​ചെ​യ്യാൻ കഴിയും

നിങ്ങൾ യുവ​പ്രാ​യ​ത്തി​ലു​ള്ള​യാ​ളോ പ്രായം​ചെന്ന വ്യക്തി​യോ, വിവാ​ഹി​ത​നോ അവിവാ​ഹി​ത​നോ, മാതാ​പി​താ​ക്ക​ളുള്ള കുട്ടി​യോ അനാഥ​നോ, പ്രിയ​പ്പെട്ട ആരെ​യെ​ങ്കി​ലും മരണത്തിൽ നഷ്ടപ്പെ​ട്ട​യാ​ളോ മറ്റേ​തെ​ങ്കി​ലും തരത്തി​ലുള്ള ഏകാന്തത അനുഭ​വി​ക്കു​ന്ന​യാ​ളോ ആണെങ്കിൽ നിങ്ങളു​ടെ വികാ​ര​ങ്ങ​ളു​ടെ​മേൽ ജയം​നേ​ടാൻ വഴിക​ളുണ്ട്‌. 18 വയസ്സുള്ള ഹോക്കാ​ബെദ്‌ എന്ന പെൺകു​ട്ടി​യു​ടെ കാര്യം ചിന്തി​ക്കുക. അവളുടെ പിതാവ്‌ ആറംഗ​ങ്ങ​ളുള്ള കുടും​ബത്തെ ഉപേക്ഷിച്ച്‌ മറ്റൊരു രാജ്യ​ത്തേക്കു പോയി. അവൾ പറയുന്നു: “തുറന്നു സംസാ​രി​ക്കുക! നമ്മുടെ ഉള്ളിലുള്ള കാര്യങ്ങൾ തുറന്നു പ്രകടി​പ്പി​ക്കു​ന്നത്‌ പ്രധാ​ന​മാണ്‌. ഇല്ലെങ്കിൽ ആരും നമ്മെ മനസ്സി​ലാ​ക്കാൻ പോകു​ന്നില്ല.” അവൾ ഇപ്രകാ​രം ഒരു നിർദേശം മുന്നോ​ട്ടു വെക്കുന്നു: “നിങ്ങളെ കുറി​ച്ചു​തന്നെ ഒരുപാട്‌ ചിന്തി​ച്ചു​കൂ​ട്ടു​ന്നത്‌ നിറു​ത്തുക. പക്വത​യു​ള്ള​വ​രിൽനി​ന്നു സഹായം തേടുക, അല്ലാതെ മറ്റു ചെറു​പ്പ​ക്കാ​രിൽനി​ന്നല്ല. അവർ ചില​പ്പോൾ നിങ്ങ​ളെ​ക്കാൾ ശോച​നീ​യ​മായ സ്ഥിതി​യി​ലാ​യി​രു​ന്നേ​ക്കാം.” മുമ്പു പരാമർശിച്ച ലൂയിസാ ഇങ്ങനെ പറയുന്നു: “മുന്നിലെ സകല വഴിക​ളും അടഞ്ഞ്‌, വഴിമു​ട്ടി നിൽക്കുന്ന ഒരു സാഹച​ര്യ​ത്തിൽ യഹോ​വ​യോ​ടുള്ള ഹൃദയം​ഗ​മ​മായ പ്രാർഥ​നകൾ രക്ഷപ്പെ​ടാ​നുള്ള സഹായം പ്രദാനം ചെയ്യുന്നു.” ഭാര്യയെ മരണത്തിൽ നഷ്ടമായ ഹോർഹെ എന്നയാൾ താൻ ഏകാന്ത​തയെ എങ്ങനെ നേരി​ടു​ന്നു​വെന്നു പറയുന്നു: “സ്ഥിരമായ ശ്രമം ആവശ്യ​മാണ്‌. മറ്റുള്ള​വ​രിൽ താത്‌പ​ര്യം കാണി​ക്കു​ന്നത്‌ എന്നെ വളരെ​യേറെ സഹായി​ക്കു​ന്നു. മറ്റുള്ള​വ​രോ​ടു സംസാ​രി​ക്കു​മ്പോൾ ‘സഹതാപം’ അല്ലെങ്കിൽ സമാനു​ഭാ​വം കാണി​ക്കു​ന്നത്‌ നമ്മുടെ സംഭാ​ഷണം അർഥവ​ത്താ​ക്കു​ക​യും മറ്റുള്ള​വ​രു​ടെ നല്ല ഗുണങ്ങൾ കണ്ടെത്തു​ക​യും ചെയ്യു​ന്ന​തിന്‌ നമ്മെ സഹായി​ച്ചേ​ക്കും.”—1 പത്രൊസ്‌ 3:8.

ഏകാന്ത​ത​യോ​ടു പോരാ​ടാൻ അനേകം കാര്യങ്ങൾ ചെയ്യാൻ കഴിയും. എന്നാൽ മേലാൽ ഏകാന്തത അനുഭ​വി​ക്കേ​ണ്ടി​വ​രി​ല്ലാത്ത ഒരുകാ​ലം എന്നെങ്കി​ലും വരുമോ? എങ്കിൽ, അതെങ്ങനെ സംഭവി​ക്കും? തുടർന്നു​വ​രുന്ന ലേഖനം ഈ ചോദ്യ​ങ്ങൾക്ക്‌ ഉത്തരം നൽകും. (g04 6/8)

[അടിക്കു​റി​പ്പു​കൾ]

[8-ാം പേജിലെ ആകർഷക വാക്യം]

“മുന്നിലെ സകല വഴിക​ളും അടഞ്ഞ്‌, വഴിമു​ട്ടി നിൽക്കുന്ന ഒരു സാഹച​ര്യ​ത്തിൽ യഹോ​വ​യോ​ടുള്ള ഹൃദയം​ഗ​മ​മായ പ്രാർഥ​ന​കൾര​ക്ഷ​പ്പെ​ടാ​നുള്ള സഹായം പ്രദാനം ചെയ്യുന്നു.”—ലൂയിസ

 [7-ാം പേജിലെ ചതുരം/ചിത്രങ്ങൾ]

ഏകാന്തതയെ തരണം​ചെ​യ്യാ​നുള്ള വഴികൾ

◼ രക്ഷപ്പെ​ടാൻ യാതൊ​രു പഴുതും ഇല്ല എന്നു വിചാ​രി​ക്ക​രുത്‌, നിങ്ങളു​ടെ സാഹച​ര്യം മാറ്റം വരുത്താ​വു​ന്ന​താ​ണെ​ന്നും മറ്റു പലരും സമാന​മായ അനുഭ​വ​ത്തി​ലൂ​ടെ കടന്നു​പോ​കു​ന്നു​ണ്ടെ​ന്നും ഓർക്കുക.

◼ നിങ്ങളിൽനിന്ന്‌ സ്വന്തം കഴിവി​നും അപ്പുറ​ത്തുള്ള കാര്യങ്ങൾ പ്രതീ​ക്ഷി​ക്കാ​തി​രി​ക്കുക.

◼ പൊതു​വിൽ ആത്മസം​തൃ​പ്‌തി വളർത്തി​യെ​ടു​ക്കുക.

◼ ഭക്ഷണകാ​ര്യ​ങ്ങൾ, വ്യായാ​മം എന്നിവ​യിൽ നല്ല ശീലങ്ങൾ വളർത്തുക, നന്നായി ഉറങ്ങുക.

◼ നിങ്ങൾ തനിയെ ആയിരി​ക്കു​മ്പോൾ സർഗാ​ത്മകത ആവശ്യ​മായ എന്തെങ്കി​ലും ചെയ്യു​ക​യോ പുതിയ വൈദ​ഗ്‌ധ്യ​ങ്ങൾ പഠി​ച്ചെ​ടു​ക്കു​ക​യോ ചെയ്യുക.

◼ നിങ്ങൾ കണ്ടുമു​ട്ടുന്ന ആളുകളെ കഴിഞ്ഞ​കാല അനുഭ​വ​ങ്ങ​ളു​ടെ വെളി​ച്ച​ത്തിൽ വിധി​ക്കാ​തി​രി​ക്കുക.

◼ നിങ്ങളു​ടെ സുഹൃ​ത്തു​ക്ക​ളെ​യും അവരുടെ സവിശേഷ ഗുണങ്ങ​ളെ​യും വിലമ​തി​ക്കുക. നല്ല ഒരു സുഹൃ​ദ്വ​ലയം രൂപ​പ്പെ​ടു​ത്തി​യെ​ടു​ക്കാൻ ശ്രമി​ക്കുക. പ്രായ​വും അനുഭ​വ​പ​രി​ച​യ​വു​മു​ള്ള​വ​രോട്‌ നിർദേ​ശങ്ങൾ ആരായുക.

◼ മറ്റുള്ള​വർക്കാ​യി എന്തെങ്കി​ലും ചെയ്യുക—ഒന്നു പുഞ്ചി​രി​ക്കാ​നോ ഒരു ദയാവാക്ക്‌ പറയാ​നോ അവരു​മാ​യി ബൈബി​ളിൽനി​ന്നൊ​രു ആശയം പങ്കു​വെ​ക്കാ​നോ കഴിയും. മറ്റുള്ള​വർക്ക്‌ നിങ്ങളെ ആവശ്യ​മുണ്ട്‌ എന്ന തിരി​ച്ച​റിവ്‌ ഏകാന്ത​ത​യ്‌ക്കുള്ള ഒരു മറുമ​രു​ന്നാണ്‌.

◼ സിനിമ, ടെലി​വി​ഷൻ, ഇന്റർനെറ്റ്‌, ലിഖി​ത​മാ​ധ്യ​മങ്ങൾ എന്നിവ​യി​ലെ വ്യക്തി​കളെ കുറി​ച്ചും അവരു​മാ​യി ബന്ധം സ്ഥാപി​ക്കു​ന്ന​തി​നെ കുറി​ച്ചു​മൊ​ക്കെ ദിവാ​സ്വ​പ്‌നം കാണു​ന്നത്‌ ഒഴിവാ​ക്കുക.

◼ വിവാഹം കഴിച്ച വ്യക്തി​യാ​ണു നിങ്ങ​ളെ​ങ്കിൽ നിങ്ങളു​ടെ മുഴു​വൈ​കാ​രിക ആവശ്യ​ങ്ങ​ളും ഇണ നിറ​വേ​റ്റാൻ പ്രതീ​ക്ഷി​ക്ക​രുത്‌. സഹകരി​ക്കാ​നും വിട്ടു​വീഴ്‌ച ചെയ്യാ​നും സഹായി​ക്കാ​നും പരസ്‌പരം പിന്തു​ണ​യ്‌ക്കാ​നും പഠിക്കുക.

◼ മറ്റുള്ള​വ​രോ​ടു സംസാ​രി​ക്കാൻ പഠിക്കുക, നല്ല ഒരു ശ്രോ​താവ്‌ ആയിരി​ക്കുക. മറ്റുള്ള​വ​രി​ലും അവരുടെ താത്‌പ​ര്യ​ങ്ങ​ളി​ലും ശ്രദ്ധ​കേ​ന്ദ്രീ​ക​രി​ക്കുക. സമാനു​ഭാ​വം പ്രകട​മാ​ക്കുക.

◼ നിങ്ങൾക്ക്‌ ഏകാന്തത അനുഭ​വ​പ്പെ​ടു​ന്നു​ണ്ടെന്നു തിരി​ച്ച​റിഞ്ഞ്‌, നിങ്ങൾക്കു വിശ്വ​സി​ക്കാ​വുന്ന, പക്വത​യുള്ള ഒരു സുഹൃ​ത്തി​നോ​ടു സംസാ​രി​ക്കുക. എല്ലാം നിശ്ശബ്ദം സഹിക്ക​രുത്‌.

◼ അമിത​കു​ടി ഒഴിവാ​ക്കുക. അല്ലെങ്കിൽ ഒട്ടും കുടി​ക്കാ​തി​രി​ക്കുക. നിങ്ങളു​ടെ പ്രശ്‌ന​ങ്ങളെ മദ്യത്തിൽ മുക്കി​ത്താ​ഴ്‌ത്താൻ സാധി​ക്കു​ക​യില്ല. അൽപ്പ​നേ​ര​ത്തി​നു​ശേഷം പ്രശ്‌നങ്ങൾ പിന്നെ​യും പൊന്തി​വ​രും.

◼ ദുരഭി​മാ​നം ഒഴിവാ​ക്കുക. നിങ്ങളെ വ്രണ​പ്പെ​ടു​ത്തു​ന്ന​വ​രോ​ടു ക്ഷമിക്കു​ക​യും അവരു​മാ​യുള്ള ബന്ധം വിളക്കി​ച്ചേർക്കു​ക​യും ചെയ്യുക. എല്ലാവ​രെ​യും സംശയ​ത്തോ​ടെ വീക്ഷി​ക്കാ​നുള്ള പ്രവണത ഒഴിവാ​ക്കുക.

[6-ാം പേജിലെ ചിത്രം]

ഒരു വ്യക്തിക്ക്‌ ഏകാന്ത​തയെ എങ്ങനെ തരണം​ചെ​യ്യാൻ കഴിയും?