ഒരു വടി​കൊണ്ട്‌ ഭൂമിയെ അളക്കുന്നു

ഗ്രീക്ക്‌ ഗണിത​ശാ​സ്‌ത്ര​ജ്ഞ​നും ജ്യോ​തി​ശ്ശാ​സ്‌ത്ര​ജ്ഞ​നു​മായ ഇറാ​തോ​സ്‌ത​നീ​സി​നെ കുറിച്ച്‌ നിങ്ങൾ കേട്ടി​ട്ടു​ണ്ടോ? ഒരുപക്ഷേ അദ്ദേഹം ഏറ്റവു​മ​ധി​കം അറിയ​പ്പെ​ടു​ന്നത്‌ ജ്യോ​തി​ശ്ശാ​സ്‌ത്ര​ജ്ഞ​രു​ടെ ഇടയി​ലാ​യി​രി​ക്കാം. അവർക്കി​ട​യി​ലെ അദ്ദേഹ​ത്തി​ന്റെ ഈ പ്രശസ്‌തി​ക്കു കാരണം എന്താണ്‌?

പൊതു​യു​ഗ​ത്തി​നു മുമ്പ്‌ (പൊ.യു.മു.) ഏകദേശം 276-ലാണ്‌ ഇറാ​തോ​സ്‌ത​നീസ്‌ ജനിച്ചത്‌. ഗ്രീസി​ലെ ഏഥൻസി​ലാ​യി​രു​ന്നു അദ്ദേഹ​ത്തി​ന്റെ പ്രാഥ​മിക ഗുരു​കുല ശിക്ഷണം. അക്കാലത്ത്‌ ഗ്രീക്കു ഭരണത്തിൻ കീഴി​ലാ​യി​രുന്ന ഈജി​പ്‌തി​ലെ അലക്‌സാൻഡ്രി​യ​യി​ലാണ്‌ പിന്നീട്‌ അദ്ദേഹം ജീവി​ത​ത്തി​ന്റെ നല്ലൊരു ഭാഗവും ചെലവ​ഴി​ച്ചത്‌. പൊ.യു.മു. ഏകദേശം 200-ൽ ഇറാ​തോ​സ്‌ത​നീസ്‌ കേവലം ഒരു വടി​കൊണ്ട്‌ ഭൂമിയെ അളക്കാൻ നിശ്ചയി​ച്ചു. ‘അസാധ്യം!’ എന്നായി​രി​ക്കാം നിങ്ങളു​ടെ പ്രതി​ക​രണം. അദ്ദേഹം എങ്ങനെ​യാണ്‌ അതു ചെയ്‌തത്‌?

സൈയി​നെ നഗരത്തിൽ (ഇന്ന്‌ അസ്‌വാൻ എന്ന്‌ അറിയ​പ്പെ​ടു​ന്നു) വേനൽക്കാ​ല​ത്തി​ന്റെ ആദ്യദി​വസം നട്ടുച്ച​യ്‌ക്ക്‌ സൂര്യൻ കൃത്യം തലയ്‌ക്കു മുകളിൽ എത്തുന്ന​താ​യി ഇറാ​തോ​സ്‌ത​നീസ്‌ നിരീ​ക്ഷി​ച്ചു. ആ സമയത്ത്‌ ആഴമുള്ള കിണറു​ക​ളിൽ നിഴൽ ഉണ്ടാകു​ന്നില്ല എന്നതിൽ നിന്നാണ്‌ അദ്ദേഹം ഇതു തിരി​ച്ച​റി​ഞ്ഞത്‌. എന്നാൽ അതേ സമയത്ത്‌ സൈയി​നെക്ക്‌ 5,000 സ്റ്റേഡിയ a വടക്കായി സ്ഥിതി​ചെ​യ്‌തി​രുന്ന അലക്‌സാൻഡ്രി​യ​യിൽ നിഴൽ ഉണ്ടായി​രു​ന്നു​താ​നും. അത്‌ കണ്ട ഇറാ​തോ​സ്‌ത​നീ​സി​ന്റെ മനസ്സിൽ ഒരു ബുദ്ധി ഉദിച്ചു.

അദ്ദേഹം ഭൂമി​യിൽ ഒരു വടി ലംബമാ​യി ഉറപ്പി​ച്ചു​നി​റു​ത്തി. എന്നിട്ട്‌ ഉച്ചയ്‌ക്ക്‌ സൂര്യൻ തലയ്‌ക്കു മുകളിൽ എത്തിയ​പ്പോൾ അത്‌ അലക്‌സാൻഡ്രി​യ​യിൽ സൃഷ്ടിച്ച നിഴലി​ന്റെ കോൺ അളന്നു. അത്‌ 7.2 ഡിഗ്രി ആയിരു​ന്ന​താ​യി അദ്ദേഹം കണ്ടു.

ഭൂമി ഒരു ഗോള​മാണ്‌ എന്ന്‌ ഇറാ​തോ​സ്‌ത​നീസ്‌ വിശ്വ​സി​ച്ചി​രു​ന്നു. കൂടാതെ ഒരു വൃത്തത്തിൽ 360 ഡിഗ്രി ഉണ്ടെന്നും അദ്ദേഹ​ത്തിന്‌ അറിയാ​മാ​യി​രു​ന്നു. അതു​കൊണ്ട്‌ അളന്നു​കി​ട്ടിയ കോണായ 7.2 കൊണ്ട്‌ അദ്ദേഹം 360-നെ ഹരിച്ചു. എന്തായി​രു​ന്നു ഫലം? 7.2 എന്നത്‌ ഒരു പൂർണ വൃത്തത്തി​ന്റെ 50-ൽ 1 ഭാഗം ആയിരു​ന്നു. അതു​കൊണ്ട്‌ സൈയി​നെ മുതൽ അലക്‌സാൻഡ്രിയ വരെയുള്ള ദൂരമായ 5,000 സ്റ്റേഡിയ, ഭൂമി​യു​ടെ ചുറ്റള​വി​ന്റെ 50-ൽ 1 ആയിരി​ക്കണം എന്ന്‌ അദ്ദേഹം നിഗമനം ചെയ്‌തു. 50-നെ 5,000 കൊണ്ട്‌ ഗുണിച്ച്‌ ഭൂമി​യു​ടെ ചുറ്റളവ്‌ 2,50,000 സ്റ്റേഡിയ ആണെന്ന്‌ അദ്ദേഹം കണക്കു​കൂ​ട്ടി.

ആധുനിക കണക്കു​കൂ​ട്ട​ലു​ക​ളോ​ടുള്ള താരത​മ്യ​ത്തിൽ ഇത്‌ എത്ര​ത്തോ​ളം കൃത്യ​മാണ്‌? ഇപ്പോ​ഴത്തെ അളവുകൾ പ്രകാരം 2,50,000 സ്റ്റേഡിയ, 40,000 കിലോ​മീ​റ്റ​റി​നും 46,000 കിലോ​മീ​റ്റ​റി​നും ഇടയിൽ വരും. നിശ്ചിത ഭ്രമണ​പ​ഥ​ത്തി​ലൂ​ടെ സഞ്ചരി​ക്കുന്ന ബഹിരാ​കാശ പേടകങ്ങൾ ഉപയോ​ഗിച്ച്‌ ഭൂമി​യു​ടെ ധ്രുവ​പ്ര​ദേ​ശ​ത്തി​ന്റെ ചുറ്റളവ്‌ അളന്ന ജ്യോ​തി​ശ്ശാ​സ്‌ത്രജ്ഞർ അത്‌ 40,008 കിലോ​മീ​റ്റർ ആണെന്നു കണ്ടെത്തി​യി​ട്ടുണ്ട്‌. അപ്പോൾ 2,000-ത്തിലധി​കം വർഷം മുമ്പ്‌ ഇറാ​തോ​സ്‌ത​നീസ്‌, അതിശ​യ​ക​ര​മാം​വി​ധം ആധുനിക കണക്കു​കൂ​ട്ട​ലി​നോട്‌ അടു​ത്തെ​ത്തി​യി​രു​ന്നു. ഒരു വടിയും ജ്യാമി​തീയ യുക്തി​യും മാത്രം ഉപയോ​ഗി​ച്ചാണ്‌ അതു കണ്ടെത്തി​യത്‌ എന്നതു പരിഗ​ണി​ക്കു​മ്പോൾ അദ്ദേഹ​ത്തി​ന്റെ കൃത്യത കൂടുതൽ ശ്രദ്ധേ​യ​മാ​കു​ന്നു! സൗരയൂ​ഥ​ത്തി​നു പുറത്തുള്ള ദൂരം അളക്കു​ന്ന​തിന്‌ ഇതേ ഗണിത​ശാ​സ്‌ത്ര രീതി​യാണ്‌ ജ്യോ​തി​ശ്ശാ​സ്‌ത്രജ്ഞർ ഇന്ന്‌ ഉപയോ​ഗി​ക്കു​ന്നത്‌.

ഭൂമി ഉരുണ്ട​താണ്‌ എന്ന്‌ ഇറാ​തോ​സ്‌ത​നീ​സിന്‌ അറിയാ​മാ​യി​രു​ന്നു എന്നത്‌ വിസ്‌മ​യാ​വ​ഹ​മായ ഒരു കാര്യ​മാ​യി പലരും കരുതി​യേ​ക്കാം. വിശേ​ഷി​ച്ചും ശാസ്‌ത്ര പരിജ്ഞാ​ന​മു​ണ്ടാ​യി​രുന്ന ചിലർ പോലും ഏതാനും ശതകങ്ങൾക്കു മുമ്പു​വരെ ഭൂമി പരന്നതാണ്‌ എന്നു വിശ്വ​സി​ച്ചി​രുന്ന സാഹച​ര്യ​ത്തിൽ. തങ്ങളുടെ ശാസ്‌ത്രീയ നിരീ​ക്ഷ​ണ​ങ്ങളെ അടിസ്ഥാ​ന​പ്പെ​ടു​ത്തി​യാണ്‌ പുരാതന ഗ്രീക്കു​കാർ ഭൂമി​യു​ടെ ആകൃതി സംബന്ധിച്ച നിഗമ​ന​ത്തി​ലെ​ത്തി​യത്‌. എന്നാൽ ഇറാ​തോ​സ്‌ത​നീ​സിന്‌ ഏതാണ്ട്‌ 500 വർഷം മുമ്പ്‌ ഒരു എബ്രായ പ്രവാ​ചകൻ നിശ്വ​സ്‌ത​ത​യിൽ ഇങ്ങനെ എഴുതി: “അവൻ [ദൈവം] ഭൂമണ്ഡ​ല​ത്തി​ന്മീ​തെ [അതായത്‌ ഭൂവൃ​ത്ത​ത്തി​ന്മീ​തെ] അധിവ​സി​ക്കു​ന്നു.” (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) (യെശയ്യാ​വു 40:22) യെശയ്യാവ്‌ ശാസ്‌ത്രജ്ഞൻ ആയിരു​ന്നില്ല. ഭൂമി ഉരുണ്ട​താ​ണെന്ന്‌ അവൻ എങ്ങനെ മനസ്സി​ലാ​ക്കി? ദൈവ​മാണ്‌ അവന്‌ അതു വെളി​പ്പെ​ടു​ത്തി​ക്കൊ​ടു​ത്തത്‌. (g04 6/22)

[അടിക്കു​റിപ്പ്‌]

[29-ാം പേജിലെ രേഖാ​ചി​ത്രം]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

സൂര്യരശ്‌മി

സൈയിനെ

7.2°

അലക്‌സാൻഡ്രിയ

7.2°