യുവജ​നങ്ങൾ ചോദി​ക്കു​ന്നു . . .

വിവാ​ഹ​ത്തി​നു മുമ്പുള്ള ലൈം​ഗി​ക​ത​യിൽ എന്താണ്‌ തെറ്റ്‌?

“വിവാ​ഹ​ത്തി​നു മുമ്പുള്ള സെക്‌സിന്‌ ഈ പറയു​ന്നത്ര കുഴപ്പ​മു​ണ്ടോ എന്നു ഞാൻ ചില​പ്പോ​ഴൊ​ക്കെ ചിന്തി​ക്കാ​റുണ്ട്‌. പ്രത്യേ​കിച്ച്‌, ഇതുവ​രെ​യും ഞാൻ സെക്‌സിൽ ഏർപ്പെ​ട്ടി​ട്ടി​ല്ലാ​ത്തത്‌ എനിക്കു വിചി​ത്ര​മാ​യി തോന്നു​മ്പോൾ.”—ജോർഡൻ. a

“സെക്‌സ്‌ പരീക്ഷി​ച്ചു​നോ​ക്കാൻ എനിക്കു സമ്മർദം തോന്നാ​റുണ്ട്‌. അതിനുള്ള സ്വാഭാ​വിക ചായ്‌വ്‌ നമു​ക്കെ​ല്ലാം ഉണ്ടെന്ന്‌ എനിക്കു തോന്നു​ന്നു,” കെല്ലി പറയുന്നു. “എങ്ങോട്ടു തിരി​ഞ്ഞാ​ലും, എല്ലായി​ട​ത്തും സെക്‌സി​നെ ചുറ്റി​പ്പ​റ്റി​യുള്ള സംഗതി​കളേ ഉള്ളൂ!” അവൾ തുടരു​ന്നു.

ജോർഡ​ന്റെ​യും കെല്ലി​യു​ടെ​യും പോലുള്ള വികാ​ര​ങ്ങ​ളാ​ണോ നിങ്ങൾക്കും ഉള്ളത്‌? ഒരിക്കൽ വിവാ​ഹ​ത്തി​നു മുമ്പുള്ള ലൈം​ഗി​ക​ത​യ്‌ക്കു വിലക്ക്‌ ഏർപ്പെ​ടു​ത്തി​യി​രുന്ന പരമ്പരാ​ഗത ആചാര​ങ്ങ​ളും മൂല്യ​ങ്ങ​ളു​മെ​ല്ലാം ഇന്നു കേവലം പഴങ്കഥ​യാ​യി മാറി​യി​രി​ക്കു​ക​യാ​ണ​ല്ലോ. (എബ്രായർ 13:4) ഒരു ഏഷ്യൻ രാജ്യത്ത്‌ 15 മുതൽ 24 വരെ വയസ്സുള്ള യുവാ​ക്ക​ളിൽ നടത്തിയ ഒരു സർവേ വെളി​പ്പെ​ടു​ത്തി​യത്‌, അവരിൽ ഭൂരി​പ​ക്ഷ​വും വിവാ​ഹ​പൂർവ ലൈം​ഗി​ക​ബന്ധം സ്വീകാ​ര്യ​മാ​ണെന്നു മാത്രമല്ല, തങ്ങളിൽനിന്ന്‌ അതു പ്രതീ​ക്ഷി​ക്കു​ക​യും ചെയ്യു​ന്ന​താ​യി കരുതു​ന്നു​വെ​ന്നാണ്‌. അപ്പോൾ, ലോക​മെ​മ്പാ​ടു​മുള്ള യുവജ​ന​ങ്ങ​ളിൽ മിക്കവ​രും 19 വയസ്സ്‌ ആകുന്ന​തി​നു മുമ്പു​തന്നെ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നു എന്നതിൽ അതിശ​യി​ക്കാ​നില്ല.

എന്നാൽ ചില യുവജ​നങ്ങൾ സ്വാഭാ​വിക ലൈം​ഗി​ക​ബ​ന്ധ​ങ്ങ​ളിൽ ഏർപ്പെ​ടാ​തെ പരസ്‌പരം ലൈം​ഗിക അവയവ​ങ്ങ​ളിൽ തലോ​ടു​ന്ന​തു​പോ​ലെ​യുള്ള (ചില​പ്പോൾ പരസ്‌പ​ര​മുള്ള ഹസ്‌ത​മൈ​ഥു​നം എന്നും അറിയ​പ്പെ​ടു​ന്നു), ലൈം​ഗിക ബദൽ രീതികൾ എന്നു വിളി​ക്ക​പ്പെ​ടുന്ന, സംഗതി​ക​ളിൽ ഏർപ്പെ​ടു​ന്നു. ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌ത അലോ​സ​ര​പ്പെ​ടു​ത്തുന്ന ഒരു വാർത്ത ശ്രദ്ധി​ക്കുക: “അധരസം​ഭോ​ഗം ലൈം​ഗി​ക​ത​യി​ലേ​ക്കുള്ള ചവിട്ടു​പടി എന്നനി​ല​യിൽ സാധാ​ര​ണ​മാ​യി​ത്തീർന്നി​രി​ക്കു​ന്നു. സ്വാഭാ​വിക ലൈം​ഗി​ക​ബ​ന്ധ​ത്തെ​ക്കാൾ അപകടം കുറഞ്ഞ​തും അത്ര ശാരീ​രിക അടുപ്പം ആവശ്യ​മി​ല്ലാ​ത്ത​തും ആയ ഒന്നായി അനേകം യുവജ​നങ്ങൾ അതിനെ കണക്കാ​ക്കു​ന്നു . . . [കൂടാതെ] ഗർഭധാ​രണം ഒഴിവാ​ക്കാ​നും തങ്ങളുടെ കന്യകാ​ത്വം സംരക്ഷി​ക്കാ​നു​മുള്ള ഒരു മാർഗ​മാ​യും അവർ ഇതിനെ കാണുന്നു.”

അങ്ങനെ​യെ​ങ്കിൽ വിവാ​ഹ​പൂർവ ലൈം​ഗി​ക​തയെ ഒരു ക്രിസ്‌ത്യാ​നി എങ്ങനെ വീക്ഷി​ക്കണം? ബദൽ രീതികൾ എന്നു വിളി​ക്ക​പ്പെ​ടുന്ന, സ്വാഭാ​വിക ലൈം​ഗി​ക​ബ​ന്ധ​ത്തി​നു പകരമുള്ള രീതികൾ സംബന്ധി​ച്ചെന്ത്‌? അവ ദൈവ​ത്തി​നു സ്വീകാ​ര്യ​മാ​ണോ? അവ സുരക്ഷി​ത​മാ​ണോ? അവ വാസ്‌ത​വ​ത്തിൽ ഒരു വ്യക്തി​യു​ടെ കന്യകാത്വം b സംരക്ഷി​ക്കു​ന്നു​ണ്ടോ?

പരസം​ഗ​ത്തിൽ ഉൾപ്പെ​ടു​ന്നത്‌

മേൽപ്പറഞ്ഞ ചോദ്യ​ങ്ങൾക്ക്‌ ഒരു ആധികാ​രിക ഉത്തരം നൽകാൻ കഴിയു​ന്നത്‌ നമ്മുടെ സ്രഷ്ടാ​വായ യഹോ​വ​യാം ദൈവ​ത്തി​നു മാത്ര​മാണ്‌. അവന്റെ വചനമായ ബൈബി​ളിൽ “ദുർന്ന​ടപ്പു [“പരസംഗം,” NW] വിട്ടു ഓടു​വിൻ” എന്ന്‌ അവൻ നമ്മോടു പറയുന്നു. (1 കൊരി​ന്ത്യർ 6:18) യഥാർഥ​ത്തിൽ എന്താണ്‌ അതിന്റെ അർഥം? “പരസംഗം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ വാക്കിന്റെ അർഥം ലൈം​ഗി​ക​ബ​ന്ധ​ത്തിൽ മാത്രം പരിമി​ത​പ്പെ​ട്ടി​രി​ക്കു​ന്നില്ല, മറിച്ച്‌ അതിൽ പലതരം ലൈം​ഗിക ദുർവൃ​ത്തി​കൾ ഉൾപ്പെ​ടു​ന്നു. അതു​കൊണ്ട്‌, വിവാ​ഹി​ത​ര​ല്ലാത്ത രണ്ടു വ്യക്തികൾ അധരസം​ഭോ​ഗ​ത്തി​ലോ പരസ്‌പരം പുനരു​ത്‌പാ​ദ​നാ​വ​യ​വങ്ങൾ തലോ​ടു​ന്ന​തി​ലോ ഏർപ്പെ​ടു​ന്നെ​ങ്കിൽ അവർ പരസംഗം സംബന്ധി​ച്ചു കുറ്റക്കാ​രാണ്‌.

എന്നാൽ അവർ അപ്പോ​ഴും കന്യകാ​ത്വ​മു​ള്ള​വ​രാ​യി കാണ​പ്പെ​ടു​മോ—അതായത്‌, ദൈവ​ത്തി​ന്റെ ദൃഷ്ടി​യിൽ? ബൈബി​ളിൽ “കന്യക” എന്ന പദം ഉപയോ​ഗി​ച്ചി​രി​ക്കു​ന്നത്‌ ധാർമിക നൈർമ​ല്യ​ത്തെ കുറി​ക്കു​ന്ന​തി​നാണ്‌. (2 കൊരി​ന്ത്യർ 11:2-6) എന്നാൽ അത്‌ ശാരീ​രി​ക​മായ അർഥത്തി​ലും ഉപയോ​ഗി​ച്ചി​ട്ടുണ്ട്‌. റിബെക്കാ എന്നു പേരുള്ള ഒരു യുവതി​യെ കുറിച്ച്‌ ബൈബിൾ പറയുന്നു. അവൾ “പുരുഷൻ തൊടാത്ത കന്യക” ആയിരു​ന്നെന്ന്‌ അതു പറയുന്നു. (ഉല്‌പത്തി 24:16) തെളി​വ​നു​സ​രിച്ച്‌, മൂല എബ്രാ​യ​യിൽ ഈ സന്ദർഭ​ത്തിൽ ഉപയോ​ഗി​ച്ചി​രി​ക്കുന്ന പദം സ്വാഭാ​വിക സ്‌ത്രീ-പുരുഷ ലൈം​ഗി​ക​ബ​ന്ധത്തെ കൂടാതെ മറ്റു നടപടി​ക​ളെ​യും അർഥമാ​ക്കുന്ന ഒന്നായി​രു​ന്നു. (ഉല്‌പത്തി 19:5) അതു​കൊണ്ട്‌, ബൈബിൾ അനുസ​രിച്ച്‌, ഒരു  യുവവ്യ​ക്തി ഏതെങ്കി​ലും രൂപത്തി​ലുള്ള പരസം​ഗ​ത്തിൽ ഏർപ്പെ​ടു​ന്നെ​ങ്കിൽ അവനെ​യോ അവളെ​യോ ‘കന്യകാ​ത്വം’ ഉള്ളയാ​ളാ​യി കണക്കാ​ക്കാൻ കഴിയില്ല.

പരസം​ഗ​ത്തിൽനി​ന്നു മാത്രമല്ല, അതി​ലേക്കു നയി​ച്ചേ​ക്കാ​വുന്ന എല്ലാത്തരം അശുദ്ധ നടത്തയിൽനി​ന്നും ഓടി​യ​ക​ലാ​നാണ്‌ ബൈബിൾ ക്രിസ്‌ത്യാ​നി​ക​ളോ​ടു പറയു​ന്നത്‌. c (കൊ​ലൊ​സ്സ്യർ 3:5) അത്തര​മൊ​രു നിലപാ​ടു സ്വീക​രി​ക്കു​മ്പോൾ, മറ്റുള്ളവർ നിങ്ങളെ പരിഹ​സി​ച്ചേ​ക്കാം. “‘നീ നഷ്ടപ്പെ​ടു​ത്തു​ന്നത്‌ എന്താ​ണെന്നു നിനക്ക​റി​യില്ല!’ ഹൈസ്‌കൂ​ളി​ലാ​യി​രുന്ന സമയ​ത്തെ​ല്ലാം എനിക്ക്‌ ഇതു കേൾക്കേ​ണ്ടി​വന്നു,” ഒരു ക്രിസ്‌തീയ യുവതി​യായ കെല്ലി പറയുന്നു. എന്നിരു​ന്നാ​ലും, വിവാ​ഹ​പൂർവ ലൈം​ഗി​കത “പാപത്തി​ന്റെ തല്‌ക്കാ​ല​ഭോഗ”മല്ലാതെ മറ്റൊ​ന്നു​മല്ല. (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) (എബ്രായർ 11:24) അതിനു ഭാവി​യി​ലേക്കു നീളുന്ന ശാരീ​രി​ക​വും വൈകാ​രി​ക​വും ആത്മീയ​വു​മായ ഹാനികൾ വരുത്തി​വെ​ക്കാൻ കഴിയും.

ഗുരു​ത​ര​മായ ഭീഷണി​കൾ

വിവാ​ഹ​ത്തി​നു മുമ്പുള്ള ലൈം​ഗി​ക​ത​യി​ലേക്കു വഴിപി​ഴ​പ്പി​ക്ക​പ്പെ​ടുന്ന ഒരു യുവാ​വി​നെ ഒരിക്കൽ ശലോ​മോൻ രാജാവു നിരീ​ക്ഷി​ച്ച​തി​നെ കുറിച്ചു ബൈബിൾ നമ്മോടു പറയുന്നു. ശലോ​മോൻ ആ യുവാ​വി​നെ, ‘അറുക്കു​ന്നേ​ട​ത്തേക്കു പോകുന്ന കാള’യോട്‌ ഉപമിച്ചു. അറുക്കാൻ കൊണ്ടു​പോ​കുന്ന ഒരു കാളയ്‌ക്ക്‌ അതി​നെന്തു സംഭവി​ക്കാൻ പോകു​ന്നു എന്നതിനെ കുറിച്ച്‌ ഒന്നുമ​റി​യില്ല. വിവാ​ഹ​പൂർവ ലൈം​ഗി​ക​ത​യിൽ ഏർപ്പെ​ടുന്ന യുവതീ​യു​വാ​ക്കളെ സംബന്ധി​ച്ചും പലപ്പോ​ഴും ഇതുത​ന്നെ​യാണ്‌ സത്യം. തങ്ങളുടെ പ്രവൃ​ത്തി​ക​ളു​ടെ ഗുരു​ത​ര​മായ പരിണ​ത​ഫ​ലങ്ങൾ സംബന്ധിച്ച്‌ അവർ ഒട്ടും​തന്നെ ബോധ​വാ​ന്മാർ അല്ലാത്ത​താ​യി തോന്നു​ന്നു! താൻ കാണാ​നി​ട​യായ യുവാ​വി​നെ കുറിച്ചു ശലോ​മോൻ പറഞ്ഞു, അതു തന്റെ “ജീവഹാ​നി​ക്കു” കാരണ​മാ​കു​മെന്ന്‌ അയാൾ അറിയു​ന്നില്ല എന്ന്‌. (സദൃശ​വാ​ക്യ​ങ്ങൾ 7:22, 23) അതേ, നിങ്ങളു​ടെ ‘ജീവൻ’ ആണ്‌ അപകട​ത്തിൽ ആയിരി​ക്കു​ന്നത്‌.

ഉദാഹ​ര​ണ​ത്തിന്‌, വർഷം​തോ​റും ലക്ഷക്കണ​ക്കി​നു യുവജ​ന​ങ്ങൾക്കാണ്‌ ലൈം​ഗി​ക​മാ​യി പകരുന്ന രോഗങ്ങൾ പിടി​പെ​ടു​ന്നത്‌. “എനിക്ക്‌ ഹെർപ്പിസ്‌ പിടി​പെ​ട്ടി​രി​ക്കു​ന്നു​വെന്നു ഞാൻ മനസ്സി​ലാ​ക്കി​യ​പ്പോൾ എവി​ടേ​ക്കെ​ങ്കി​ലും പൊയ്‌ക്ക​ള​ഞ്ഞാൽ മതി​യെ​ന്നാ​യി എനിക്ക്‌,” ലിഡിയ പറയുന്നു. “വേദനാ​ക​ര​മായ ഒരു തീരാ​വ്യാ​ധി​യാണ്‌ ഇത്‌” എന്ന്‌ അവൾ ദുഃഖ​ത്തോ​ടെ പറയുന്നു. ലോക​വ്യാ​പ​ക​മാ​യി പുതു​താ​യി എച്ച്‌ഐവി ബാധയ്‌ക്ക്‌ ഇരകളാ​കു​ന്ന​വ​രിൽ പകുതി​യി​ലേ​റെ​യും (ദിവസേന 6,000 പേർ) 15-നും 24-നും ഇടയ്‌ക്കു പ്രായ​മു​ള്ള​വ​രാണ്‌.

സ്‌ത്രീ​കൾ വിവാ​ഹ​പൂർവ ലൈം​ഗി​ക​ത​യു​മാ​യി ബന്ധപ്പെ​ട്ടുള്ള നിരവധി പ്രശ്‌ന​ങ്ങൾക്ക്‌ ഇരയാ​കാ​നുള്ള സാധ്യത പ്രത്യേ​കി​ച്ചും കൂടു​ത​ലാണ്‌. വാസ്‌ത​വ​ത്തിൽ, ലൈം​ഗി​ക​മാ​യി പകരുന്ന രോഗ​ങ്ങ​ളു​ടെ (എയ്‌ഡ്‌സ്‌ ഉൾപ്പെടെ) ഭീഷണി പുരു​ഷ​ന്മാ​രെ​ക്കാൾ സ്‌ത്രീ​കൾക്കാ​ണു​ള്ളത്‌. ഒരു ചെറിയ പെൺകു​ട്ടി ഗർഭി​ണി​യാ​കു​ന്നെ​ങ്കിൽ അവൾ അവളെ​ത്ത​ന്നെ​യും അവളുടെ അജാത​ശി​ശു​വി​നെ​യും കൂടു​ത​ലായ ഒരു അപകട​സ്ഥി​തി​യിൽ ആക്കി​വെ​ക്കു​ന്നു. എന്തു​കൊണ്ട്‌? കാരണം ഒരു ശിശു​വി​നു സുരക്ഷി​ത​മാ​യി ജന്മം നൽകാൻ പറ്റിയ വിധത്തിൽ അപ്പോൾ അവളുടെ ശരീരം വളർച്ച പ്രാപി​ച്ചി​ട്ടു​ണ്ടാ​യി​രി​ക്കില്ല.

കൗമാ​ര​പ്രാ​യ​ക്കാ​രി​യായ ഒരു അമ്മയ്‌ക്ക്‌ ആരോ​ഗ്യ​ത്തോ​ടു ബന്ധപ്പെട്ട കടുത്ത ഭവിഷ്യ​ത്തു​ക​ളിൽനി​ന്നു രക്ഷപ്പെ​ടാൻ കഴിഞ്ഞാൽ പോലും മാതാവ്‌ ആയിരി​ക്കു​ന്ന​തി​ന്റെ ഗുരു​ത​ര​മായ ഉത്തരവാ​ദി​ത്വ​ങ്ങൾ അപ്പോ​ഴും അവൾക്കു മുന്നി​ലുണ്ട്‌. സ്വന്തം കാര്യം നോക്കു​ന്ന​തോ​ടൊ​പ്പം ഒരു നവജാത ശിശു​വി​നെ​യും കൂടെ പോ​റ്റേ​ണ്ടി​വ​രു​ന്നത്‌ തങ്ങൾ വിചാ​രി​ച്ച​തി​നെ​ക്കാൾ  വളരെ​യേറെ ദുഷ്‌ക​ര​മാ​ണെന്ന്‌ അനേകം പെൺകു​ട്ടി​ക​ളും കണ്ടെത്തു​ന്നു.

അതിനു പുറമേ, ആത്മീയ​വും വൈകാ​രി​ക​വു​മായ പരിണ​ത​ഫ​ല​ങ്ങ​ളു​മുണ്ട്‌. ദാവീദ്‌ രാജാ​വി​ന്റെ ലൈം​ഗിക പാപം ദൈവ​വു​മാ​യുള്ള അവന്റെ സുഹൃ​ദ്‌ബ​ന്ധത്തെ അപകട​ത്തി​ലാ​ക്കു​ക​യും അവനെ ആത്മീയ തകർച്ച​യു​ടെ വക്കിൽ കൊ​ണ്ടെ​ത്തി​ക്കു​ക​യും ചെയ്‌തു. (51-ാം സങ്കീർത്തനം) എന്നാൽ പിന്നീട്‌ അവൻ ആത്മീയ​മാ​യി സുഖം പ്രാപി​ച്ചെ​ങ്കി​ലും തന്റെ പാപത്തി​ന്റെ അനന്തര ഫലങ്ങൾ ജീവി​ത​കാ​ല​ത്തെ​ല്ലാം അവനെ വിടാതെ പിന്തു​ടർന്നു.

ഇന്നു യുവജ​നങ്ങൾ അതു​പോ​ലെ​യുള്ള ദുരി​ത​ങ്ങ​ളിൽപ്പെട്ട്‌ ഉഴലാൻ ഇടവ​ന്നേ​ക്കാം. ഉദാഹ​ര​ണ​ത്തിന്‌, 17 വയസ്സു മാത്ര​മു​ള്ള​പ്പോൾ ഷെറി ഒരു ആൺകു​ട്ടി​യു​മാ​യി ശാരീ​രിക ബന്ധത്തിൽ ഏർപ്പെട്ടു. അവൻ തന്നെ സ്‌നേ​ഹി​ക്കു​ന്നു​ണ്ടെന്ന്‌ അവൾ കരുതി. വർഷങ്ങൾക്കു ശേഷവും അവൾ തന്റെ പ്രവൃ​ത്തി​യെ കുറിച്ച്‌ ഓർത്തു ദുഃഖി​ക്കു​ന്നു. “ബൈബിൾ സത്യങ്ങളെ ഞാൻ നിസ്സാ​ര​മാ​യി​ത്തള്ളി. അതിന്റെ ഫലം എനിക്ക്‌ അനുഭ​വി​ക്കേ​ണ്ടി​വന്നു. എനിക്ക്‌ യഹോ​വ​യു​ടെ പ്രീതി നഷ്ടപ്പെട്ടു, അത്‌ എന്നെ തകർത്തു​ക​ള​യു​ന്ന​താ​യി​രു​ന്നു,” അവൾ വേദന​യോ​ടെ പറയുന്നു. അതു​പോ​ലെ, ട്രിഷ്‌ എന്ന യുവതി​യും ഇപ്രകാ​രം സമ്മതി​ക്കു​ന്നു: “എന്റെ ജീവി​ത​ത്തി​ലെ ഏറ്റവും വലിയ പിശക്‌ ഞാൻ വിവാ​ഹ​ത്തി​നു മുമ്പുള്ള സെക്‌സിൽ ഏർപ്പെ​ട്ട​താ​യി​രു​ന്നു. കന്യകാ​ത്വം വീണ്ടെ​ടു​ക്കാൻ കഴിഞ്ഞി​രു​ന്നെ​ങ്കിൽ എന്നു ഞാൻ എത്ര ആഗ്രഹി​ക്കു​ന്നെ​ന്നോ.” അതേ, സമ്മർദ​ത്തി​നും ഹൃദയ​വേ​ദ​ന​യ്‌ക്കും ഇടയാ​ക്കി​ക്കൊണ്ട്‌ വൈകാ​രിക മുറി​വു​കൾ വർഷങ്ങ​ളോ​ളം നീണ്ടു​നി​ന്നേ​ക്കാം.

ആത്മനി​യ​ന്ത്രണം പഠിക്കൽ

ഷാൻഡാ എന്ന യുവതി ഒരു സുപ്ര​ധാന ചോദ്യം ഉന്നയി​ക്കു​ന്നു, “വിവാഹം വരെ തങ്ങളുടെ ലൈം​ഗിക പ്രാപ്‌തി​കൾ ഉപയോ​ഗി​ക്കാൻ പാടി​ല്ലെ​ങ്കിൽ പിന്നെ എന്തിനാണ്‌ ദൈവം യുവജ​ന​ങ്ങൾക്കു ലൈം​ഗിക മോഹങ്ങൾ നൽകി​യത്‌?” ലൈം​ഗിക മോഹങ്ങൾ “നവയൗ​വ​ന​ത്തിൽ” വിശേ​ഷാൽ ശക്തമാ​യി​രി​ക്കും എന്നതു ശരിയാണ്‌. (1 കൊരി​ന്ത്യർ 7:36, NW) കൗമാ​ര​പ്രാ​യ​ത്തി​ലു​ള്ള​വർക്ക്‌ പ്രത്യ​ക്ഷ​ത്തിൽ യാതൊ​രു കാരണ​വു​മി​ല്ലാ​തെ പെട്ടെന്നു ലൈം​ഗിക ഉത്തേജനം അനുഭ​വ​പ്പെ​ടാ​നി​ട​യുണ്ട്‌. ഇത്‌ മോശ​മായ ഒരു സംഗതി​യല്ല. പുനരു​ത്‌പാ​ദന അവയവങ്ങൾ വളർച്ച​പ്രാ​പി​ക്കു​ന്ന​തി​ന്റെ ഭാഗമാ​യി സ്വാഭാ​വി​ക​മാ​യി ഉണ്ടാകു​ന്ന​താണ്‌. d

ലൈം​ഗി​ക​ബ​ന്ധ​ങ്ങൾ ആസ്വാ​ദ്യ​മാ​യി​രി​ക്കത്തക്ക വിധത്തി​ലാണ്‌ യഹോവ അതു ക്രമീ​ക​രി​ച്ചി​രി​ക്കു​ന്നത്‌ എന്നതും ശരിയാണ്‌. ഭൂമി ജനവാ​സ​മു​ള്ള​താ​ക്കി നിറയ്‌ക്കാ​നുള്ള ദൈവ​ത്തി​ന്റെ ആദിമ ഉദ്ദേശ്യ​ത്തി​നു ചേർച്ച​യിൽ ആയിരു​ന്നു അത്‌. (ഉല്‌പത്തി 1:28) എന്നിരു​ന്നാ​ലും, നമ്മുടെ പുനരു​ത്‌പാ​ദന പ്രാപ്‌തി​കൾ നാം ദുരു​പ​യോ​ഗം ചെയ്യാൻ ദൈവം ഒരിക്ക​ലും ഉദ്ദേശി​ച്ചില്ല. “ഓരോ​രു​ത്തൻ . . . വിശു​ദ്ധീ​ക​ര​ണ​ത്തി​ലും മാനത്തി​ലും താന്താന്റെ പാത്രത്തെ നേടി​ക്കൊ​ള്ളട്ടെ” എന്നു ബൈബിൾ പറയുന്നു. (1 തെസ്സ​ലൊ​നീ​ക്യർ 4:4, 5) നിങ്ങൾക്കു​ണ്ടാ​കുന്ന ഓരോ ലൈം​ഗിക ആഗ്രഹ​ത്തെ​യും തൃപ്‌തി​പ്പെ​ടു​ത്തു​ന്നത്‌, ഒരർഥ​ത്തിൽ ദേഷ്യം വരുന്ന ഓരോ സന്ദർഭ​ത്തി​ലും നിങ്ങൾ ആരെ​യെ​ങ്കി​ലും പ്രഹരി​ക്കു​ന്ന​തു​പോ​ലെ ബുദ്ധി​ശൂ​ന്യ​മാ​യി​രി​ക്കും.

ലൈം​ഗി​ക​ബ​ന്ധ​ങ്ങൾ ആസ്വദി​ക്കാ​നുള്ള പ്രാപ്‌തി ദൈവ​ത്തിൽനി​ന്നുള്ള ഒരു സമ്മാന​മാണ്‌, ഉചിത​മായ സമയത്ത്‌, അതായത്‌ വിവാ​ഹ​ത്തി​നു ശേഷം ആസ്വദി​ക്കേണ്ട ഒന്ന്‌. വിവാഹം കഴിക്കാ​തെ നാം ലൈം​ഗി​ക​ബ​ന്ധങ്ങൾ ആസ്വദി​ക്കാൻ ശ്രമി​ക്കു​മ്പോൾ ദൈവ​ത്തിന്‌ എന്താണു തോന്നുക? നിങ്ങളു​ടെ ഒരു സുഹൃ​ത്തിന്‌ നിങ്ങൾ ഒരു സമ്മാനം വാങ്ങി​യെ​ന്നി​രി​ക്കട്ടെ. നിങ്ങൾ അത്‌ ആ സുഹൃ​ത്തി​നു കൊടു​ക്കു​ന്ന​തി​നു മുമ്പേ അവനോ അവളോ അതു മോഷ്ടി​ക്കു​ന്നെ​ങ്കി​ലോ? നിങ്ങൾക്ക്‌ വളരെ വിഷമം തോന്നു​ക​യി​ല്ലേ? അങ്ങനെ​യെ​ങ്കിൽ വിവാ​ഹ​പൂർവ ലൈം​ഗി​ക​ത​യിൽ ഏർപ്പെ​ട്ടു​കൊണ്ട്‌ ഒരു വ്യക്തി ദൈവം നൽകി​യി​രി​ക്കുന്ന സമ്മാനം ദുരു​പ​യോ​ഗം ചെയ്യു​മ്പോൾ ദൈവ​ത്തി​നു തോന്നുന്ന വികാ​രത്തെ കുറിച്ചു ചിന്തി​ക്കുക.

അപ്പോൾപ്പി​ന്നെ, നിങ്ങളു​ടെ ലൈം​ഗിക വികാ​രങ്ങൾ സംബന്ധി​ച്ചു നിങ്ങൾ എന്താണു ചെയ്യേ​ണ്ടത്‌? ലളിത​മാ​യി പറഞ്ഞാൽ, അവയെ നിയ​ന്ത്രി​ക്കാൻ പഠിക്കുക. “നേരോ​ടെ നടക്കു​ന്ന​വർക്കു അവൻ [യഹോവ] ഒരു നന്മയും മുടക്കു​ക​യില്ല” എന്ന വസ്‌തുത സ്വയം ഓർമി​പ്പി​ച്ചു​കൊ​ണ്ടി​രി​ക്കുക. (സങ്കീർത്തനം 84:11) “വിവാ​ഹ​ത്തി​നു മുമ്പുള്ള സെക്‌സ്‌ അത്രയ്‌ക്കു തെറ്റൊ​ന്നു​മല്ല എന്ന ചിന്ത എന്നിൽ ഉടലെ​ടു​ക്കാൻ തുടങ്ങു​മ്പോൾ, ഞാൻ അതിന്റെ മോശ​മായ ആത്മീയ പരിണ​ത​ഫ​ല​ങ്ങളെ കുറിച്ചു ചിന്തി​ക്കും. യഹോ​വ​യു​മാ​യുള്ള എന്റെ ബന്ധം നഷ്ടപ്പെ​ടു​ത്തു​ന്ന​തി​നെ ന്യായീ​ക​രി​ക്കത്തക്ക ആസ്വാ​ദ്യ​ത​യുള്ള ഒരു പാപവു​മി​ല്ലെന്ന്‌ ഞാൻ തിരി​ച്ച​റി​യും,” ഗോർഡൻ എന്ന യുവാവു പറയുന്നു. ആത്മനി​യ​ന്ത്രണം പാലി​ക്കുക എന്നത്‌ എളുപ്പ​മ​ല്ലാ​യി​രി​ക്കാം. എന്നാൽ ആത്മനി​യ​ന്ത്ര​ണത്തെ കുറിച്ച്‌ യുവാ​വായ ഏഡ്രിയൻ നമ്മെ ഓർമി​പ്പി​ക്കു​ന്നതു ശ്രദ്ധി​ക്കുക: “അതു നമുക്ക്‌ ഒരു ശുദ്ധ മനസ്സാ​ക്ഷി​യും യഹോ​വ​യു​മാ​യുള്ള ഒരു നല്ല ബന്ധവും നൽകു​ന്ന​തോ​ടൊ​പ്പം കൂടുതൽ പ്രാധാ​ന്യ​മുള്ള കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ തക്കവി​ധ​ത്തിൽ നമ്മുടെ പാതയെ തടസ്സങ്ങൾ ഇല്ലാത്ത​താ​ക്കു​ക​യും ചെയ്യും. കഴിഞ്ഞ കാലത്തു ചെയ്‌തു​പോ​യ​തി​നെ കുറിച്ചു കുറ്റ​ബോ​ധ​മോ മനസ്സാ​ക്ഷി​ക്കു​ത്തോ തോ​ന്നേ​ണ്ടി​വ​രു​ക​യു​മില്ല.”—സങ്കീർത്തനം 16:11.

‘ദുർന്ന​ട​പ്പി​ന്റെ’ അതായത്‌ പരസം​ഗ​ത്തി​ന്റെ എല്ലാ രൂപങ്ങ​ളിൽനി​ന്നും “വിട്ടൊ​ഴി​ഞ്ഞു” നിൽക്കു​ന്ന​തിന്‌ ഒട്ടനവധി നല്ല കാരണങ്ങൾ ഉണ്ട്‌. (1 തെസ്സ​ലൊ​നീ​ക്യർ 4:3) എന്നാൽ എല്ലായ്‌പോ​ഴും അത്‌ എളുപ്പമല്ല എന്നതു ശരിതന്നെ. നിങ്ങ​ളെ​ത്തെന്നെ ‘നിർമ്മ​ല​നാ​യി കാത്തു​കൊ​ള്ളാൻ’ ആവശ്യ​മായ പ്രാ​യോ​ഗിക മാർഗ​ങ്ങളെ കുറിച്ച്‌ ഒരു ഭാവി ലേഖനം ചർച്ച ചെയ്യു​ന്ന​താ​യി​രി​ക്കും.—1 തിമൊ​ഥെ​യൊസ്‌ 5:22. (g04 7/22)

[അടിക്കു​റി​പ്പു​കൾ]

[13-ാം പേജിലെ ആകർഷക വാക്യം]

ഒരു യുവവ്യ​ക്തി പരസം​ഗ​ത്തി​ന്റെ ഏതെങ്കി​ലും രൂപത്തി​ലുള്ള പ്രവൃ​ത്തി​ക​ളിൽ ഏർപ്പെ​ട്ടാൽ അവനോ അവളോ ദൈവ​ദൃ​ഷ്ടി​യിൽ ‘കന്യകാ​ത്വം’ ഉള്ളയാ​ളാ​യി കണക്കാ​ക്ക​പ്പെ​ടു​മോ?

[13-ാം പേജിലെ ചിത്രം]

വിവാഹപൂർവ ലൈം​ഗി​ക​ത​യ്‌ക്ക്‌ ദൈവ​ഭ​ക്ത​രായ യുവജ​ന​ങ്ങ​ളു​ടെ മനസ്സാ​ക്ഷി​ക്കു മുറി​വേൽപ്പി​ക്കാൻ കഴിയും

[14-ാം പേജിലെ ചിത്രം]

വിവാഹപൂർവ ലൈം​ഗി​ക​ത​യിൽ ഏർപ്പെ​ടു​ന്നവർ ലൈം​ഗി​ക​മാ​യി പകരുന്ന രോഗ​ങ്ങ​ളു​ടെ അപകട​ത്തി​ലാണ്‌