“അത്‌ എന്റെ സ്വഭാവത്തിന്‌ ഏറെ മാറ്റം വരുത്തി”
“അത്‌ എന്റെ സ്വഭാവത്തിന്‌ ഏറെ മാറ്റം വരുത്തി”
മഹാനായ അധ്യാപകനിൽനിന്നു പഠിക്കുക (ഇംഗ്ലീഷ്‌) എന്ന പുതിയ പുസ്‌തകത്തെ കുറിച്ച്‌ യു.എസ്‌.എ-യിലെ വിർജീനിയയിൽനിന്നുള്ള ഒരു 12 വയസ്സുകാരൻ എഴുതിയതാണ്‌ അത്‌. തനിക്ക്‌ അറിയില്ലായിരുന്ന, താൻ കേട്ടിട്ടുപോലുമില്ലാത്ത ചില കാര്യങ്ങൾ ഈ പുസ്‌തകത്തിലൂടെ പഠിക്കാൻ കഴിഞ്ഞെന്ന്‌ അവൻ പറഞ്ഞു. അവൻ വിവരിച്ചു:
“മഹാനായ അധ്യാപകനിൽനിന്നു പഠിക്കുക എന്ന പുസ്‌തകം, ദൈവത്തെ എല്ലായ്‌പോഴും സ്‌നേഹിക്കാനും അവനെ കുറിച്ച്‌ എല്ലാവരോടും പറയാനും പ്രാർഥനയിൽ അവനോടു സംസാരിക്കാനും എന്നെ പഠിപ്പിച്ചു. കൂടാതെ, സഹായത്തിനും സംരക്ഷണത്തിനുമായി ദൈവത്തോട്‌ അപേക്ഷിക്കാനും അത്‌ എന്നെ പഠിപ്പിച്ചു. ദൈവത്തെ സ്‌നേഹിക്കുകയും അവൻ പറയുന്ന കാര്യങ്ങൾ അനുസരിക്കുകയും ചെയ്യുന്ന എല്ലാവരും പറുദീസയിൽ ഉണ്ടായിരിക്കുമെന്നും ഞാൻ പഠിച്ചു.
“അത്‌ എന്റെ സ്വഭാവത്തിന്‌ ഏറെ മാറ്റം വരുത്തി. ഞാൻ എപ്പോഴും നുണ പറയുമായിരുന്നു. പക്ഷേ ഈ പുസ്‌തകം വായിക്കാൻ തുടങ്ങിയപ്പോൾ ഞാൻ നുണ പറയുന്നതു നിറുത്തി. ഈ പുസ്‌തകത്തിൽനിന്നു പഠിച്ച കാര്യങ്ങൾ നിമിത്തം ഇതുപോലെയുള്ള മറ്റു പുസ്‌തകങ്ങളും വായിക്കാനുള്ള ആഗ്രഹം എനിക്കുണ്ടായി. അതുകൊണ്ട്‌ ഞാൻ ഇനി കൂടുതൽ വായിച്ച്‌ ദൈവത്തെ കുറിച്ചു കൂടുതൽ കാര്യങ്ങൾ അറിയാൻ ശ്രമിക്കുകയാണ്‌.”
ഈ മാസികയുടെ വലുപ്പത്തിൽ, മനോഹരമായ ചിത്രങ്ങൾ അടങ്ങുന്ന 256 പേജുള്ള ഈ പുസ്‌തകം വായിക്കുമ്പോൾ നിങ്ങൾക്കും ഈ കുട്ടിയുടെ വികാരങ്ങൾതന്നെ അനുഭവപ്പെടാനിടയുണ്ട്‌. ‘യേശു നമ്മെ പ്രാർഥിക്കാൻ പഠിപ്പിക്കുന്നു,’ ‘ദയയുള്ളവർ ആയിരിക്കുന്നതിനെ കുറിച്ച്‌ ഒരു പാഠം,’ ‘സന്തുഷ്ടരായിരിക്കാനുള്ള മാർഗം,’ ‘നാം നുണ പറയരുതാത്തതിന്റെ കാരണം,’ തുടങ്ങിയ അധ്യായങ്ങൾ വായിക്കുന്നത്‌ നിങ്ങളും ആസ്വദിച്ചേക്കാം. ഈ പുസ്‌തകത്തെ കുറിച്ചു കൂടുതൽ വിവരങ്ങൾ ലഭിക്കുന്നതിന്‌ ഇതോടൊപ്പമുള്ള കൂപ്പൺ പൂരിപ്പിച്ച്‌ ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയച്ചാൽ മതിയാകും. (g04 8/22)
□ കടപ്പാടുകളൊന്നും കൂടാതെ, മഹാനായ അധ്യാപകനിൽനിന്നു പഠിക്കുക എന്ന പ്രസിദ്ധീക രണത്തെ കുറിച്ചു കൂടുതൽ വിവരങ്ങൾ അറിയാൻ ഞാൻ ആഗ്രഹിക്കുന്നു.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്‌പര്യമുണ്ട്‌. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു:
[32-ാം പേജിലെ ചിത്രം]
നുണ പറയരുതാത്തതിനെ കുറിച്ചുള്ള പാഠം പഠിപ്പിച്ചുകൊടുക്കുന്നു