ഞങ്ങളുടെ വായന​ക്കാ​രിൽനിന്ന്‌

പരിസ്ഥി​തി “പരിസ്ഥി​തി​യെ രക്ഷിക്കാൻ നമുക്കാ​കു​മോ?” എന്ന ലേഖന പരമ്പര എനിക്ക്‌ വിശേ​ഷാൽ ഇഷ്ടപ്പെട്ടു. (2003 ഡിസംബർ 8) യഹോവ മനോ​ഹ​ര​മായ ഭൂമിയെ ശുദ്ധീ​ക​രിച്ച്‌ അതിന്റെ ആദിമ അവസ്ഥയി​ലേക്കു പുനഃ​സ്ഥി​തീ​ക​രി​ക്കുന്ന സമയത്തി​നാ​യി ഞാൻ ആകാം​ക്ഷ​യോ​ടെ കാത്തി​രി​ക്കു​ന്നു. മനുഷ്യർ നമ്മുടെ ഭവനത്തെ എത്രമാ​ത്രം താറു​മാ​റാ​ക്കി​യി​രി​ക്കു​ന്നു എന്നു കാണു​മ്പോൾ എനിക്കു സങ്കടം തോന്നു​ന്നു.

ഡി. എൽ., ബ്രിട്ടൻ (g04 9/8)

എനിക്ക്‌ 15 വയസ്സുണ്ട്‌. ഉണരുക!യുടെ ചില ലക്കങ്ങൾ ഞാൻ വായി​ക്കാ​തെ വിടാ​റു​ണ്ടാ​യി​രു​ന്നു. എന്നാൽ ഈ ലേഖന പരമ്പര വായി​ച്ച​തോ​ടെ, ഇതു മുടങ്ങാ​തെ വായി​ക്കാ​നുള്ള ആഗ്രഹം എനിക്കു​ണ്ടാ​യി! നമ്മുടെ ഗ്രഹത്തെ കുറിച്ച്‌ താത്‌പ​ര്യ​ജ​ന​ക​മായ അനേകം കാര്യങ്ങൾ ആ ലേഖന​ങ്ങ​ളിൽനിന്ന്‌ എനിക്കു പഠിക്കാൻ കഴിഞ്ഞു. പിന്നീട്‌ ഞാൻ ആ വിവരങ്ങൾ സ്‌കൂ​ളിൽ ഉപയോ​ഗി​ച്ചു. നല്ല മാർക്കും ലഭിച്ചു.

എസ്‌. വി., യൂ​ക്രെ​യിൻ (g04 9/8)

മൾട്ടി​പ്പിൾ സ്‌ക്ലീ​റോ​സിസ്‌ “മൾട്ടി​പ്പിൾ സ്‌ക്ലീ​റോ​സി​സു​മാ​യി പൊരു​ത്ത​പ്പെട്ടു ജീവിക്കൽ” എന്ന ലേഖനം എനിക്കു വളരെ ഇഷ്ടപ്പെട്ടു. (2003 ഡിസംബർ 8) ഹൃദയം​ഗ​മ​മായ നന്ദി. എനിക്ക്‌ ആ രോഗം ഉണ്ടെന്നു കണ്ടുപി​ടി​ച്ചിട്ട്‌ ഏതാണ്ട്‌ ഒരു വർഷമാ​യി. എന്റെ കൈകാ​ലു​ക​ളു​ടെ ശേഷി​യും ഇടതു​ക​ണ്ണി​ന്റെ കാഴ്‌ച​യും നഷ്ടമാ​യി​രി​ക്കു​ക​യാണ്‌. മുമ്പ്‌ ഞാൻ പലപ്പോ​ഴും നിഷേ​ധാ​ത്മ​ക​മാ​യി ചിന്തി​ക്കു​മാ​യി​രു​ന്നു. എന്നാൽ ഇപ്പോൾ ഞാൻ, നിങ്ങളു​ടെ ലേഖനം നിർദേ​ശി​ച്ചതു പോലെ, എന്റെ നർമ​ബോ​ധം നിലനി​റു​ത്താ​നും ക്രിയാ​ത്മ​ക​മായ കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും ശ്രമി​ച്ചു​കൊ​ണ്ടി​രി​ക്കു​ക​യാണ്‌. പ്രോ​ത്സാ​ഹ​ജ​ന​ക​മായ ആ ലേഖന​ത്തി​നു നന്ദി.

എം. എ., ജപ്പാൻ (g04 9/8)

ഈ ലേഖനം രോഗ​ത്തെ​യും അതിന്റെ പടിപ​ടി​യാ​യുള്ള വളർച്ച​യെ​യും പരിണ​ത​ഫ​ല​ങ്ങ​ളെ​യും വളരെ കൃത്യ​മാ​യി പ്രതി​പാ​ദി​ച്ചു! വർഷങ്ങ​ളാ​യി എന്റെ മനസ്സി​ലു​ണ്ടാ​യി​രുന്ന ചോദ്യ​ങ്ങൾക്ക്‌ ഒടുവിൽ ഉത്തരം ലഭിച്ചു. ഈ രോഗം പിടി​പെ​ട്ടു​ക​ഴി​ഞ്ഞാൽ എന്താണ്‌ സംഭവി​ക്കു​ന്ന​തെന്ന്‌ അറിയി​ല്ലാ​യി​രു​ന്നു​വെന്ന്‌ എന്റെ ഏറ്റവും അടുത്ത കൂട്ടു​കാ​രിൽ പലരും എന്നോടു പറഞ്ഞു.

എം. ഡബ്ലിയു., ജർമനി (g04 9/8)

ഞാൻ മൂന്നു മക്കളുള്ള ഒറ്റയ്‌ക്കുള്ള മാതാ​വാണ്‌. മൾട്ടി​പ്പിൾ സ്‌ക്ലീ​റോ​സി​സി​ന്റെ ലക്ഷണങ്ങൾ നാലാ​മത്തെ പ്രാവ​ശ്യ​വും കണ്ടുതു​ട​ങ്ങി​യ​തി​നെ തുടർന്ന്‌ ആശുപ​ത്രി​യിൽ കഴിയു​മ്പോ​ഴാണ്‌ ഞാൻ ഈ ലേഖനം വായി​ക്കു​ന്നത്‌. അതെന്നെ ആഴത്തിൽ സ്‌പർശി​ച്ചു. വിചി​ത്ര​മാ​യി തോന്നി​യേ​ക്കാം എങ്കിലും, ഈ മാറാ​രോ​ഗം യഹോ​വ​യു​മാ​യുള്ള എന്റെ ബന്ധത്തെ​യും അവനി​ലുള്ള എന്റെ ആശ്രയ​ത്തെ​യും വളരെ​യ​ധി​കം ശക്തി​പ്പെ​ടു​ത്തി​യി​രി​ക്കു​ന്നു.

എം. എച്ച്‌., ജർമനി (g04 9/8)

മൾട്ടി​പ്പിൾ സ്‌ക്ലീ​റോ​സിസ്‌ ബാധി​ച്ചി​ട്ടുള്ള ഞങ്ങളെ​പ്പോ​ലെ​യുള്ള എല്ലാവർക്കും ഈ ലേഖനം സഹായ​ക​ര​മാ​യി​രി​ക്കും. ഞാനി​പ്പോൾ വീൽച്ചെ​യ​റി​ലാ​ണെ​ങ്കി​ലും, മുഴു​സമയ പ്രസം​ഗ​വേല ചെയ്യുന്നു. വീട്ടി​ലി​രുന്ന്‌ ഫോൺചെ​യ്‌തു കൊണ്ടാണ്‌ ഞാൻ അതിൽ ഏറെയും നിർവ​ഹി​ക്കു​ന്നത്‌. എന്റെ ശരീരം തളർന്നി​രി​ക്കു​ന്നതു നിമിത്തം, ഒരു ക്രിസ്‌തീയ സഹോ​ദ​രി​യാണ്‌ എനിക്കു വേണ്ടി ഈ കത്തെഴു​തി​യത്‌.

എം. ജി., ഫ്രാൻസ്‌ (g04 9/8)

ഏതാണ്ട്‌ 21 വർഷം മുമ്പാണ്‌ എനിക്ക്‌ ഈ രോഗം ഉള്ളതായി കണ്ടെത്തി​യത്‌. ഞാനൊ​രു ക്രിസ്‌തീയ മൂപ്പനാ​യി സേവി​ക്കു​ന്നു. എന്നിരു​ന്നാ​ലും, രോഗം വഷളാ​കാ​തി​രി​ക്കു​ന്ന​തി​നാ​യി, സഹോ​ദ​ര​ന്മാർ സ്‌നേ​ഹ​പു​ര​സ്സരം എന്റെ ജോലി​ഭാ​രം ലഘൂക​രി​ച്ചി​രി​ക്കു​ന്നു. യെശയ്യാ​വു 33:24-ൽ പറയുന്ന, ‘എനിക്കു ദീനം എന്നു യാതൊ​രു നിവാ​സി​യും പറകയി​ല്ലാത്ത’ ആ കാലം എത്ര ആശ്ചര്യ​ക​ര​മാ​യി​രി​ക്കും!

ഇ. സി., ഐക്യ​നാ​ടു​കൾ (g04 9/8)

പ്രപഞ്ചത്തെ കാത്തി​രി​ക്കുന്ന ഭാവി എന്ത്‌? “ശാസ്‌ത്രം ആയിരു​ന്നു എന്റെ മതം” എന്ന ലേഖന​ത്തിൽ (2003 ഒക്ടോബർ 8), കെന്നെത്ത്‌ തനാകാ, പ്രപഞ്ചം എന്നേക്കും വികസി​ച്ചു​കൊ​ണ്ടി​രി​ക്കും എന്ന ശാസ്‌ത്ര​കാ​ര​ന്മാ​രു​ടെ വിശ്വാ​സത്തെ കുറിച്ച്‌ അജ്ഞനാ​ണെന്നു തോന്നു​ന്നു.

ആർ. ജി., ഐക്യ​നാ​ടു​കൾ

“ഉണരുക!”യുടെ പ്രതി​ക​രണം: പ്രപഞ്ച​ശാ​സ്‌ത്ര​ജ്ഞ​ന്മാ​രു​ടെ കാഴ്‌ച​പ്പാ​ടു​കൾ പരസ്‌പരം യോജി​പ്പി​ലല്ല. ഉദാഹ​ര​ണ​ത്തിന്‌, ചിലർ, വികസന പ്രക്രിയ ക്രമേണ മന്ദഗതി​യി​ലാ​യി നിലയ്‌ക്കു​മെ​ന്നും അതിനു ശേഷം നേർവി​പ​രീ​ത​മായ പ്രക്രിയ തുടങ്ങി ഒടുവിൽ പ്രപഞ്ചം ഒന്നാകെ സങ്കോ​ചി​ക്കു​മെ​ന്നും നിഗമനം ചെയ്യുന്നു. കെന്നെത്ത്‌ തനാകാ​യു​ടെ പ്രസ്‌താ​വന രണ്ടു സങ്കൽപ്പ​ങ്ങ​ളി​ലേ​ക്കും ശ്രദ്ധ ക്ഷണിച്ചു, അവയിൽ ഒന്നി​നെ​യും പിന്തു​ണ​യ്‌ക്കാ​തെ​തന്നെ. എല്ലാ ചോദ്യ​ങ്ങൾക്കും ഉത്തരം നൽകാ​നുള്ള ശാസ്‌ത്ര​ത്തി​ന്റെ പരാജ​യ​ത്തി​ന്റെ വെളി​ച്ച​ത്തിൽ, ജീവി​ത​ത്തി​ന്റെ അർഥത്തെ കുറി​ച്ചുള്ള തന്റെ അന്വേ​ഷണം എടുത്തു​കാ​ണി​ക്കു​ക​യാ​യി​രു​ന്നു അദ്ദേഹ​ത്തി​ന്റെ പ്രസ്‌താ​വ​ന​യു​ടെ ഉദ്ദേശ്യം. (g04 9/22)