നിങ്ങളു​ടെ ഭാഗ​ധേ​യം

“ഒരു കുഞ്ഞിന്‌, അവൻ പൊ​ന്നോ​മ​ന​യാ​ണെ​ന്നും ഊഷ്‌മ​ള​മായ കുടും​ബ​ബ​ന്ധ​ത്തി​ന്റെ അവിഭാ​ജ്യ​ഘ​ട​ക​മാ​ണെ​ന്നും ഉള്ള തോന്നൽ നൽകാൻ നിങ്ങൾക്കു കഴിയു​ന്നെ​ങ്കിൽ, ആ കൊച്ചു​ജീ​വി​തം ഉദ്ദേശ്യ​പൂർണ​മാ​ക്കു​ന്നെ​ങ്കിൽ, അവനെ അന്വേഷണ കുതു​കി​യാ​ക്കി മാറ്റു​ന്നെ​ങ്കിൽ, കുഞ്ഞിന്റെ മസ്‌തി​ഷ്‌ക​വി​ക​സനം നിശ്ചയ​മാ​യും സാധ്യ​മാണ്‌” എന്ന്‌ ഹാർവാർഡ്‌ മെഡിക്കൽ സ്‌കൂ​ളി​ലെ പീറ്റർ ഗോർസ്‌കി പറയുന്നു. “മാതാ​പി​താ​ക്ക​ളെന്ന നിലയി​ലുള്ള നമ്മുടെ പങ്ക്‌ മസ്‌തി​ഷ്‌ക​ത്തി​ന്റെ പ്രവർത്തനം കുറ്റമ​റ്റ​താ​ണെന്ന്‌ ഉറപ്പാ​ക്കു​കയല്ല, മറിച്ച്‌ ആരോ​ഗ്യ​വും വൈകാ​രിക സമനി​ല​യു​മുള്ള, സഹാനു​ഭൂ​തി പ്രകട​മാ​ക്കാൻ പ്രാപ്‌ത​രായ മനുഷ്യ​ജീ​വി​കളെ വാർത്തെ​ടു​ക്കുക എന്നതാണ്‌,” അദ്ദേഹം കൂട്ടി​ച്ചേർത്തു.

മറ്റുള്ള​വ​രോ​ടു പരിഗ​ണ​ന​യുള്ള, ധാർമിക നൈർമ​ല്യം കാത്തു​സൂ​ക്ഷി​ക്കുന്ന, ഒരു വ്യക്തി​യാ​യി നിങ്ങളു​ടെ കുട്ടി വളർന്നു​വ​രു​ന്നതു കാണു​ന്നത്‌ മാതാ​വോ പിതാ​വോ എന്ന നിലയിൽ നിങ്ങൾക്ക്‌ എത്രമാ​ത്രം ചാരി​താർഥ്യം നൽകും അല്ലേ! എന്നാൽ അത്തര​മൊ​രു സത്‌ഫലം ലഭിക്കു​ന്നത്‌ കുട്ടിക്ക്‌ ഒരു മാതൃ​ക​യും സുഹൃ​ത്തും അധ്യാ​പ​ക​നും ആയിരി​ക്കു​ക​യും അവനോട്‌ ആശയവി​നി​മയം നടത്തു​ക​യും ചെയ്യാൻ നിങ്ങൾ എങ്ങനെ മുൻകൈ എടുക്കു​ന്നു എന്നതിനെ ആശ്രയി​ച്ചി​രി​ക്കും. സന്മാർഗം പിന്തു​ട​രാ​നുള്ള ഒരു അടിസ്ഥാന പ്രാപ്‌തി​യോ​ടെ​യാണ്‌ എല്ലാ കുഞ്ഞു​ങ്ങ​ളും ജനിക്കു​ന്ന​തെ​ങ്കി​ലും അവർ വളർന്നു​വ​രു​മ്പോൾ ക്രമാ​നു​ഗ​ത​മാ​യി ധാർമിക മൂല്യങ്ങൾ അവരിൽ ഉൾന​ടേ​ണ്ടതു മാതാ​പി​താ​ക്ക​ളു​ടെ ഉത്തരവാ​ദി​ത്വ​മാണ്‌.

കുട്ടി​ക​ളു​ടെ സ്വഭാവം രൂപ​പ്പെ​ടു​ത്തു​ന്നത്‌ ആരാണ്‌?

കുട്ടി​ക​ളു​ടെ സ്വഭാ​വ​രൂ​പീ​ക​ര​ണ​ത്തിൽ കാതലായ സ്വാധീ​നം ചെലു​ത്തു​ന്നത്‌ ആരാണെന്ന കാര്യ​ത്തിൽ ഗവേഷ​കർക്കു ഭിന്നാ​ഭി​പ്രാ​യ​മാ​ണു​ള്ളത്‌. ഇതിൽ മുഖ്യ​പങ്ക്‌ വഹിക്കു​ന്നത്‌ സമപ്രാ​യ​ക്കാ​രായ അവരുടെ കൂട്ടു​കാ​രാ​ണെന്നു ചിലർ വിശ്വ​സി​ക്കു​ന്നു. എന്നാൽ, ഒരു കുഞ്ഞിന്റെ ശൈശ​വ​ദ​ശ​യിൽ ആർദ്ര​പ​രി​പാ​ലനം  നൽകി​ക്കൊണ്ട്‌ ഒരു മാതാവ്‌ അല്ലെങ്കിൽ പിതാവ്‌ വഹിക്കുന്ന ധർമവും അതി​പ്ര​ധാ​ന​മാണ്‌ എന്ന്‌ കുട്ടി​ക​ളു​ടെ വ്യക്തി​ത്വ​വി​ക​സ​ന​ത്തെ​ക്കു​റി​ച്ചു പഠനം നടത്തുന്ന ഡോ. റ്റി. ബെറി ബ്രാ​സെൽട്ട​ണും ഡോ. സ്റ്റാൻലി ഗ്രീൻസ്‌പാ​നും വിശ്വ​സി​ക്കു​ന്നു.

അനുഭ​വ​പാ​ഠ​ങ്ങ​ളു​ടെ ഭണ്ഡാര​ത്തി​ലേക്ക്‌ കൂട്ടു​കാ​രിൽനി​ന്നുള്ള സ്വാധീ​ന​വും കൂടെ ചേരു​മ്പോൾ കുട്ടി​യു​ടെ ആദ്യവർഷ​ങ്ങ​ളി​ലെ വ്യക്തി​ത്വ​വി​കാ​സം ഏതാണ്ടു പൂർണ​മാ​കു​ന്നു. ഗൃഹാ​ന്ത​രീ​ക്ഷ​ത്തിൽ കുട്ടി​യോ​ടു മനസ്സലി​വോ​ടെ ഇടപെ​ടു​ക​യും അവനെ മനസ്സി​ലാ​ക്കു​ന്നു​ണ്ടെ​ന്നുള്ള തോന്നൽ നൽകു​ക​യും വേണം. ഉള്ളിൽ നുരഞ്ഞു​പൊ​ന്തുന്ന വികാ​ര​ങ്ങളെ പക്വമായ വിധത്തിൽ എങ്ങനെ നേരി​ടാ​മെ​ന്നും അവരെ പഠിപ്പി​ച്ചു​കൊ​ടു​ക്കേ​ണ്ട​താണ്‌. ഇത്തരം സഹായം ലഭിക്കുന്ന കുട്ടികൾ മറ്റുള്ള​വ​രോ​ടൊ​പ്പം ജോലി​ചെ​യ്യു​മ്പോൾ സഹകര​ണ​മ​നോ​ഭാ​വ​വും സമാനു​ഭാ​വ​വും മനസ്സലി​വും കാണി​ക്കാൻ കൂടുതൽ സജ്ജരാ​യി​രി​ക്കും.

കുഞ്ഞു​ങ്ങ​ളെ ശൈശ​വം​മു​തൽ പരിശീ​ലി​പ്പി​ക്കുക എന്നത്‌ കഠിനാ​ധ്വാ​നം തന്നെയാണ്‌. എന്നാൽ നിങ്ങൾ ഇതിൽ വിജയം വരിക്ക​ണ​മെ​ങ്കിൽ—പ്രത്യേ​കി​ച്ചും നിങ്ങൾ ആദ്യമാ​യാണ്‌ അച്ഛനും അമ്മയും ആയതെ​ങ്കിൽ—മക്കളെ വളർത്തി പരിച​യ​മു​ള്ള​വ​രോ​ടു മാർഗ​നിർദേ​ശങ്ങൾ ആരായു​ന്ന​തും തുടർന്ന്‌ ഒരു നിശ്ചിത പ്രവർത്ത​ന​രീ​തി പിൻപ​റ്റു​ന്ന​തും ജ്ഞാനമാ​യി​രി​ക്കും. കുട്ടി​ക​ളു​ടെ വ്യക്തി​ത്വ​വി​ക​സ​ന​ത്തെ​ക്കു​റി​ച്ചു പ്രതി​പാ​ദി​ക്കുന്ന, വിദഗ്‌ധ​രു​ടേ​താ​യി​ട്ടുള്ള എണ്ണമറ്റ പുസ്‌ത​കങ്ങൾ ലഭ്യമാണ്‌. ഒട്ടുമി​ക്ക​പ്പോ​ഴും അത്തരം ഉപദേ​ശ​ങ്ങ​ളിൽ പ്രതി​ധ്വ​നി​ക്കു​ന്നത്‌ ബൈബി​ളി​ന്റെ താളു​ക​ളിൽ കാണുന്ന ആശ്രയ​യോ​ഗ്യ​മായ മാർഗ​നിർദേ​ശ​ങ്ങ​ളാണ്‌. ദൈവ​വ​ച​ന​ത്തി​ലെ ഘനമേ​റിയ തത്ത്വങ്ങൾ പ്രവൃ​ത്തി​പ​ഥ​ത്തിൽ വരുത്തി​യത്‌ മക്കളെ വിജയ​പ്ര​ദ​മാ​യി വളർത്തി​ക്കൊ​ണ്ടു​വ​രാൻ അനേകം മാതാ​പി​താ​ക്കൾക്കു തുണയാ​യി​ട്ടുണ്ട്‌. പിൻവ​രുന്ന പ്രാ​യോ​ഗിക നിർദേ​ശങ്ങൾ ശ്രദ്ധി​ക്കുക.

സ്‌നേഹം പ്രകടി​പ്പി​ക്കു​ന്ന​തിൽ പിശുക്കു കാണി​ക്കാ​തി​രി​ക്കുക

സ്‌നേ​ഹ​ലാ​ള​ന​ങ്ങ​ളോ​ടെ നിത്യം പരിപാ​ലി​ക്കു​ക​യും പോഷി​പ്പി​ക്കു​ക​യും ചെയ്യു​മ്പോൾ തഴച്ചു​വ​ള​രു​ക​യും പുഷ്ടി​പ്പെ​ടു​ക​യും ചെയ്യുന്ന ഇളം ചെടി​കൾപോ​ലെ​യാണ്‌ കുട്ടികൾ. സൂര്യ​പ്ര​കാ​ശ​വും വെള്ളവും ഇളം ചെടി​കളെ പോഷി​പ്പി​ക്കു​ക​യും അവയുടെ വളർച്ചയെ ഉത്തേജി​പ്പി​ക്കു​ക​യും ദൃഢത നൽകു​ക​യും ചെയ്യുന്നു. സമാന​മാ​യി, മാതാ​പി​താ​ക്കൾ തങ്ങളുടെ വാത്സല്യം വാക്കു​ക​ളി​ലൂ​ടെ​യും ആശ്ലേഷം പോ​ലെ​യുള്ള സ്‌നേ​ഹ​പ്ര​ക​ട​ന​ങ്ങ​ളി​ലൂ​ടെ​യും കുട്ടി​ക​ളു​ടെ​മേൽ ചൊരി​യു​മ്പോൾ മാനസി​ക​വും വൈകാ​രി​ക​വു​മായ വളർച്ച​യും ദൃഢത​യും കൈവ​രി​ക്കാൻ അത്‌ ഒരു പ്രേര​ക​മാ​യി വർത്തി​ക്കും.

“സ്‌നേ​ഹ​മോ, പടുത്തു​യർത്തു​ന്നു” എന്ന ബൈബി​ളി​ന്റെ സരളമായ പ്രസ്‌താ​വന ശ്രദ്ധി​ക്കുക. (1 കൊരി​ന്ത്യർ 8:1, ഓശാന ബൈബിൾ) വാത്സല്യ​പ്ര​ക​ട​ന​ങ്ങ​ളി​ലൂ​ടെ തങ്ങളുടെ കുഞ്ഞു​ങ്ങൾക്ക്‌ സ്‌നേഹം വാരി​ക്കോ​രി നൽകുന്ന മാതാ​പി​താ​ക്കൾ ഫലത്തിൽ അവരുടെ സ്രഷ്ടാ​വായ യഹോ​വ​യാം ദൈവത്തെ അനുക​രി​ക്കു​ക​യാ​ണു ചെയ്യു​ന്നത്‌. യേശു സ്‌നാ​പ​ന​മേറ്റ സന്ദർഭ​ത്തിൽ, പിതാ​വി​നു തന്നോ​ടുള്ള സ്‌നേ​ഹ​ത്തി​ന്റെ​യും അംഗീ​കാ​ര​ത്തി​ന്റെ​യും വാക്കുകൾ പിതാ​വിൽനിന്ന്‌ അവൻ നേരിട്ടു കേൾക്കു​ക​യു​ണ്ടാ​യി. യേശു അപ്പോൾ ഒരു മുതിർന്ന വ്യക്തി ആയിരു​ന്നെ​ങ്കി​ലും ആ സംഭവം അവനെ എത്രമാ​ത്രം ധൈര്യ​പ്പെ​ടു​ത്തി​യി​രി​ക്കണം!—ലൂക്കൊസ്‌ 3:22.

നിങ്ങൾ കുഞ്ഞി​നോ​ടു കാണി​ക്കുന്ന വാത്സല്യം, ഉറങ്ങാൻ പോകു​ന്ന​തി​നു മുമ്പ്‌ നിങ്ങൾ അവനു വായി​ച്ചു​കൊ​ടു​ക്കുന്ന കഥകൾ, എന്തിന്‌ നിങ്ങൾ അവനോ​ടൊ​പ്പം ഏർപ്പെ​ടുന്ന കളികൾപോ​ലും അവന്റെ വ്യക്തി​ത്വ​വി​ക​സ​ന​ത്തിൽ നിർണാ​യക പങ്കുവ​ഹി​ക്കുന്ന ഘടകങ്ങ​ളാണ്‌. ഡോ. ജെ. ഫ്രേസർ മസ്റ്റാഡ്‌ പറയുന്നു: ‘ഒരു കുഞ്ഞു ചെയ്യുന്ന ഓരോ സംഗതി​യും തന്റെ ജീവി​താ​നു​ഭ​വ​ങ്ങ​ളു​ടെ ശൃംഖ​ല​യിൽ അവൻ കൂട്ടി​ച്ചേർക്കുന്ന കണ്ണിക​ളാണ്‌. മുട്ടി​ലി​ഴ​യാൻ പഠിക്കുന്ന ഒരു കുഞ്ഞിന്‌ നിങ്ങൾ എങ്ങനെ പ്രോ​ത്സാ​ഹനം നൽകും, എങ്ങനെ അതി​നോ​ടു പ്രതി​ക​രി​ക്കും എന്നതെ​ല്ലാം പ്രധാ​ന​മാണ്‌.’ മാതാ​പി​താ​ക്ക​ളിൽനി​ന്നുള്ള സ്‌നേ​ഹ​വും ശ്രദ്ധയും കുഞ്ഞിന്റെ വ്യക്തി​ത്വം വികസി​ക്കാ​നും, ഉത്തരവാ​ദി​ത്വ​വും പക്വത​യു​മുള്ള ഒരു മുതിർന്ന വ്യക്തി​യാ​യി വളർന്നു​വ​രാ​നും ഉറച്ച അടിത്തറ പാകുന്നു.

സുഹൃ​ത്താ​യി​രി​ക്കുക, ആശയവി​നി​മയം ചെയ്യുക

മക്കളോ​ടൊ​ത്തു സമയം ചെലവ​ഴി​ക്കു​മ്പോൾ നിങ്ങൾക്കി​ട​യിൽ ഒരു ഗാഢബന്ധം ഇതൾവി​രി​യു​ന്നു. കൂടാതെ, അത്‌ ആശയവി​നി​മയ പാടവം പരിപു​ഷ്ടി​പ്പെ​ടു​ത്തു​ന്നു. വീട്ടി​ലോ മറ്റെവി​ടെ​യോ ആയിരു​ന്നാ​ലും  ഏതു സമയത്താ​യി​രു​ന്നാ​ലും ഈ ഗാഢബന്ധം, തിരു​വെ​ഴു​ത്തു​കൾ പ്രോ​ത്സാ​ഹി​പ്പി​ക്കുന്ന ഒന്നാണ്‌.—ആവർത്ത​ന​പു​സ്‌തകം 6:6, 7; 11:18-21.

മാതാ​പി​താ​ക്കൾ കുട്ടി​ക​ളോ​ടൊ​ത്തു ചെലവ​ഴി​ക്കുന്ന സമയം, വിലകൂ​ടിയ ഏതു കളിപ്പാ​ട്ട​ങ്ങ​ളെ​ക്കാ​ളും മാതാ​പി​താ​ക്കൾ അവർക്കു​വേണ്ടി തീരു​മാ​നി​ക്കുന്ന ഏതു സവിശേഷ പ്രവർത്ത​ന​ത്തെ​ക്കാ​ളും പതിന്മ​ടങ്ങു പ്രധാ​ന​പ്പെ​ട്ട​താ​ണെന്ന്‌ കുട്ടി​ക​ളു​ടെ വ്യക്തി​ത്വ​വി​ക​സ​ന​ത്തെ​ക്കു​റി​ച്ചു പഠിക്കുന്ന വിദഗ്‌ധർ സമ്മതി​ക്കു​ന്നു. ദൈനം​ദിന കാര്യാ​ദി​ക​ളോ ചെല​വേ​തു​മി​ല്ലാത്ത മറ്റു പ്രവർത്ത​ന​ങ്ങ​ളോ ഒക്കെ കുട്ടി​ക​ളു​മാ​യി ആശയവി​നി​മയം നടത്തു​ന്ന​തി​നുള്ള വേദി​യാ​ക്കി മാറ്റാൻ നിങ്ങൾക്കു കഴിയും. ഉദാഹ​ര​ണ​ത്തിന്‌, പ്രകൃ​തി​യു​മാ​യി സല്ലപി​ക്കാൻ കുട്ടി​ക​ളു​മൊ​ന്നിച്ച്‌ എവി​ടെ​യെ​ങ്കി​ലു​മൊ​ക്കെ പോകു​ന്ന​തി​നെ​ക്കു​റി​ച്ചു ചിന്തി​ക്കുക. മാതാ​പി​താ​ക്കൾക്കു കുട്ടി​ക​ളോട്‌ അർഥവ​ത്തായ ചോദ്യ​ങ്ങൾ ചോദി​ക്കു​ന്ന​തി​നും അങ്ങനെ ആശയവി​നി​മ​യ​ത്തി​ലേ​ക്കുള്ള വാതിൽ തുറക്കു​ന്ന​തി​നും ഉള്ള ഒരു സുവർണാ​വ​സ​ര​മാ​ണത്‌.

“നൃത്തം​ചെ​യ്‌വാൻ [തുള്ളി​ച്ചാ​ടി നടക്കാൻ] ഒരു കാലം” ഉണ്ടെന്ന്‌ തിരു​വെ​ഴു​ത്തു​കൾ പറയുന്നു. (സഭാ​പ്ര​സം​ഗി 3:1, 4) അതേ, കുട്ടി​യു​ടെ ബൗദ്ധി​ക​വും വൈകാ​രി​ക​വും സാമൂ​ഹി​ക​വു​മായ കഴിവു​ക​ളും പ്രാപ്‌തി​ക​ളും വളർന്നു വികാസം പ്രാപി​ക്കാൻ അവൻ കളിച്ചു​വ​ള​രേ​ണ്ട​തുണ്ട്‌. കളികൾ മൂല്യ​വ​ത്താ​ണെന്നു മാത്രമല്ല ഒഴിച്ചു​കൂ​ടാ​നാ​വാ​ത്ത​തു​മാ​ണെന്ന്‌ ഡോ. മസ്റ്റാഡ്‌ പറയുന്നു. അദ്ദേഹം തുടരു​ന്നു: “കളിക​ളി​ലൂ​ടെ​യാ​ണു മുഖ്യ​മാ​യും കുട്ടി​ക​ളു​ടെ മസ്‌തി​ഷ്‌കം അതിന്റെ നാനാ​വിധ ധർമങ്ങൾക്കു​വേ​ണ്ടി​യുള്ള നാഡീ​ബ​ന്ധങ്ങൾ ഇഴചേർത്തെ​ടു​ക്കു​ന്നത്‌.” കുട്ടികൾ തങ്ങളുടെ സ്വതസി​ദ്ധ​മായ ശൈലി​യിൽ കളിക​ളിൽ ഏർപ്പെ​ടു​മ്പോൾ ഒരു കാർഡ്‌ബോർഡ്‌ പെട്ടി​പോ​ലെ വളരെ ലളിത​മായ കളിപ്പാ​ട്ടങ്ങൾ മതിയാ​കും. വിലകൂ​ടിയ, തിളങ്ങുന്ന കളിപ്പാ​ട്ട​ങ്ങളേ കുട്ടി​കൾക്കു ഇഷ്ടമാകൂ എന്നില്ല. വീട്ടിലെ അപകട​ക​ര​മ​ല്ലാത്ത, സാധാരണ സാധന​സാ​മ​ഗ്രി​ക​ളും കുഞ്ഞു​ങ്ങ​ളിൽ വിസ്‌മയം ഉളവാ​ക്കാൻ പോന്ന​വ​ത​ന്നെ​യാണ്‌. a

കുട്ടി​കൾക്ക്‌ ഇടംവ​ലം​തി​രി​യാൻ നേരമി​ല്ലാ​ത്ത​വി​ധം മാതാ​പി​താ​ക്കൾ അവർക്കാ​യി എണ്ണമറ്റ പരിപാ​ടി​കൾ ആസൂ​ത്രണം ചെയ്‌തു​കൂ​ട്ടു​ന്നെ​ങ്കിൽ കുട്ടി​ക​ളു​ടെ ഭാവന​യെ​യും സർഗാ​ത്മ​ക​ത​യെ​യും അവർ തല്ലി​ക്കെ​ടു​ത്തു​ക​യാ​യി​രി​ക്കും ചെയ്യു​ന്ന​തെന്ന്‌ വിദഗ്‌ധർ അഭി​പ്രാ​യ​പ്പെ​ടു​ന്നു. എല്ലാറ്റി​നും ഒരു മിതത്വം നല്ലതാണ്‌, അതാണു വേണ്ടതും. കുട്ടിയെ അവന്റെ കൊച്ചു​ലോ​ക​ത്തി​ലൂ​ടെ തനിയെ സഞ്ചരി​ക്കാൻ വിടുക, അവന്റെ പ്രാഗ​ത്ഭ്യ​വും കർമകു​ശ​ല​ത​യും അവൻതന്നെ പരീക്ഷി​ച്ചു​നോ​ക്കട്ടെ. മിക്ക​പ്പോ​ഴും തനിക്കു രസിക്കത്തക്ക എന്തെങ്കി​ലു​മൊ​ക്കെ അവൻ സ്വയം കണ്ടുപി​ടി​ക്കും. അവനെ ശ്രദ്ധി​ക്കാ​തെ വിടണം എന്നല്ല അതിനർഥം. കളിക്കുന്ന സ്ഥലത്ത്‌ അവന്‌ അപകട​മൊ​ന്നും സംഭവി​ക്കാ​തി​രി​ക്കേ​ണ്ട​തിന്‌, അവൻ ചെയ്യുന്ന കാര്യ​ങ്ങ​ളിൽ നിങ്ങളു​ടെ കണ്ണും കാതും പതിയണം.

പഠിപ്പി​ക്കാൻ സമയം മാറ്റി​വെ​ക്കു​ക

സാഹച​ര്യ​ങ്ങ​ളോ​ടു നന്നായി പൊരു​ത്ത​പ്പെ​ടാൻ കഴിയു​ന്ന​വ​രാ​യി കുട്ടി​കളെ വളർത്തി​ക്കൊ​ണ്ടു​വ​രു​ന്ന​തിന്‌ ഒഴിച്ചു​കൂ​ടാ​നാ​വാത്ത ഒരു ഘടകമാണ്‌ അവരെ പഠിപ്പി​ക്കുക എന്നത്‌. കുട്ടി​കളെ ഉറക്കെ വായി​ച്ചു​കേൾപ്പി​ക്കു​ന്ന​തിന്‌ അനേകം മാതാ​പി​താ​ക്ക​ളും ഓരോ ദിവസ​വും ഏതെങ്കി​ലും ഒരു നിശ്ചിത സമയം ക്രമീ​ക​രി​ക്കു​ന്നു. മാന്യ​മായ പെരു​മാ​റ്റ​ത്തെ​യും നമ്മുടെ സ്രഷ്ടാവ്‌ നമുക്കു നൽകി​യി​രി​ക്കുന്ന ധാർമിക മൂല്യ​ങ്ങ​ളെ​യും കുറിച്ച്‌ അവരെ പഠിപ്പി​ച്ചു​കൊ​ടു​ക്കാൻ പറ്റിയ അവസര​ങ്ങ​ളാ​ണിവ. ഒരു വിശ്വസ്‌ത അധ്യാ​പ​ക​നും മിഷന​റി​യു​മാ​യി​രുന്ന തിമൊ​ഥെ​യൊസ്‌ ‘തിരു​വെ​ഴു​ത്തു​കളെ ബാല്യം​മു​തൽ അറിഞ്ഞി​രു​ന്നു’ എന്ന്‌ ബൈബിൾ പറയുന്നു.—2 തിമൊ​ഥെ​യൊസ്‌ 3:14.

കുഞ്ഞിന്‌ ഉറക്കെ വായി​ച്ചു​കൊ​ടു​ക്കു​ന്നത്‌ അവന്റെ മസ്‌തി​ഷ്‌ക​ത്തി​ലെ സിനാ​പ്‌റ്റിക്‌ ബന്ധങ്ങൾ ഉദ്ദീപി​ക്കാൻ ഇടയാ​ക്കും. എന്നാൽ വായി​ച്ചു​കൊ​ടു​ക്കുന്ന വ്യക്തി കുഞ്ഞിനെ അതീവ​വാ​ത്സ​ല്യ​ത്തോ​ടെ പരിപാ​ലി​ക്കുന്ന ഒരാൾ ആയിരി​ക്കണം എന്നതു സുപ്ര​ധാന ഘടകമാണ്‌. എന്താണു വായി​ച്ചു​കേൾപ്പി​ക്കേ​ണ്ടത്‌ എന്നതി​നെ​ക്കു​റിച്ച്‌ വിദ്യാ​ഭ്യാ​സ മേഖല​യി​ലെ ഒരു പ്രൊ​ഫ​സ​റായ ലിൻഡ സീഗൽ പറയുന്നു: “അത്‌ കുഞ്ഞുങ്ങൾ ആസ്വദി​ക്കുന്ന തരത്തി​ലു​ള്ളത്‌ ആയിരി​ക്കണം.” കുട്ടിക്കു വായി​ച്ചു​കൊ​ടു​ക്കു​ന്നത്‌ ക്രമമാ​യി, ഒരേ സമയത്തു​തന്നെ ചെയ്യാൻ ശ്രദ്ധി​ക്കുക.  അങ്ങനെ​യാ​കു​മ്പോൾ അവൻ അതിനാ​യി കാത്തി​രി​ക്കാൻ തുടങ്ങും.

പഠിപ്പി​ക്ക​ലിൽ ഉൾപ്പെ​ട്ടി​രി​ക്കുന്ന മറ്റൊരു സംഗതി ശിക്ഷണ​മാണ്‌. സ്‌നേ​ഹ​പൂർവം ശിക്ഷണം നൽകു​ന്നത്‌ കുഞ്ഞുങ്ങൾ മിടു​ക്ക​രാ​യി വളരാൻ സഹായി​ക്കും. സദൃശ​വാ​ക്യ​ങ്ങൾ 13:1 പറയു​ന്നതു ശ്രദ്ധി​ക്കുക: “ജ്ഞാനമുള്ള മകൻ അപ്പന്റെ പ്രബോ​ധ​നാ​ഫലം.” എന്നാൽ ഒന്നോർക്കുക, ശിക്ഷണ​ത്തിൽ പല സംഗതി​കൾ ഉൾപ്പെ​ടു​ന്നു. ഉദാഹ​ര​ണ​ത്തിന്‌, വാക്കാ​ലോ ചില പദവികൾ നൽകാ​തി​രു​ന്നു​കൊ​ണ്ടോ മറ്റു തരത്തി​ലുള്ള ശിക്ഷാ​ന​ട​പ​ടി​കൾ കൈ​ക്കൊ​ണ്ടു​കൊ​ണ്ടോ തെറ്റു​തി​രു​ത്തു​ന്നത്‌ അതിൽ ഉൾപ്പെ​ടു​ന്നു. മുമ്പു പരാമർശിച്ച ഡോ. ബ്രാ​സെൽട്ടൻ പറയു​ന്നത്‌, ശിക്ഷണം എന്നു​വെ​ച്ചാൽ “തന്റെ വികാ​രങ്ങൾ എങ്ങനെ കൈകാ​ര്യം ചെയ്യണം, പൊട്ടി​ത്തെ​റി​ക്കുന്ന രീതി​യി​ലുള്ള പെരു​മാ​റ്റങ്ങൾ ഒഴിവാ​ക്കേ​ണ്ടത്‌ എങ്ങനെ​യാണ്‌ എന്നൊക്കെ കുട്ടിയെ പഠിപ്പി​ക്ക​ലാണ്‌. തങ്ങൾക്കു​മേൽ പരിധി​ക​ളും നിയ​ന്ത്ര​ണ​ങ്ങ​ളും ഉണ്ടായി​രി​ക്കു​മെന്നു കുട്ടി​ക​ളെ​ല്ലാം പ്രതീ​ക്ഷി​ക്കു​ന്നുണ്ട്‌. അതു​കൊ​ണ്ടു​തന്നെ വാത്സല്യം കഴിഞ്ഞാൽ നിങ്ങൾ അവർക്കു നൽകേണ്ട സർവ​പ്ര​ധാന ഘടകമാണ്‌ ശിക്ഷണം.”

മാതാ​വോ പിതാ​വോ എന്ന നിലയിൽ നിങ്ങളു​ടെ ശിക്ഷണം ഫലപ്ര​ദ​മാ​ണോ എന്ന്‌ നിങ്ങൾക്ക്‌ എങ്ങനെ തീരു​മാ​നി​ക്കാൻ കഴിയും? ഒരു സംഗതി, ശിക്ഷണം നൽകി​യത്‌ എന്തിനാ​ണെന്ന്‌ നിങ്ങളു​ടെ കുട്ടി​കൾക്കു മനസ്സി​ലാ​കണം. നിങ്ങൾ അവരുടെ തെറ്റു തിരു​ത്തു​മ്പോൾ, സ്‌നേ​ഹ​വും പിന്തു​ണ​യും നൽകുന്ന ഒരു മാതാ​വോ പിതാ​വോ ആണു നിങ്ങ​ളെന്നു കുട്ടികൾ തിരി​ച്ച​റി​യുന്ന രീതി​യിൽ വേണം അതു ചെയ്യാൻ.

വിജയ​പ്ര​ദ​മെന്നു തെളിഞ്ഞ ഉദ്യമങ്ങൾ

എല്ലാ ദിവസ​വും തന്റെ കുഞ്ഞു​മകൾ ഉറങ്ങു​ന്ന​തി​നു മുമ്പ്‌ ഫ്രെഡ്‌ അവൾക്കു വായി​ച്ചു​കൊ​ടു​ക്കു​മാ​യി​രു​ന്നു. അത്‌ ദിനച​ര്യ​യു​ടെ ഭാഗമാ​യി മാറി. കുറെ​ക്കാ​ലം കഴിഞ്ഞ​പ്പോൾ, അവൾ ആ കഥകളിൽ മിക്കതും മനപ്പാ​ഠ​മാ​ക്കി​യി​രു​ന്ന​താ​യും താൻ വായി​ക്കു​ന്ന​തി​നൊ​പ്പം വാക്കു​ക​ളും വാക്കു​കളെ വ്യത്യാ​സ​പ്പെ​ടു​ത്തുന്ന ശബ്ദങ്ങളും തിരി​ച്ച​റിഞ്ഞ്‌ ശ്രദ്ധി​ച്ചി​രു​ന്ന​താ​യും അദ്ദേഹം മനസ്സി​ലാ​ക്കി. തന്റെ കുട്ടി​കൾക്കു​വേണ്ടി വായി​ച്ചു​കൊ​ടു​ക്കു​ന്ന​തിൽ അതീവ ശ്രദ്ധ പുലർത്തി​യി​രുന്ന മറ്റൊരു പിതാ​വാ​യി​രു​ന്നു ക്രിസ്‌. അദ്ദേഹം അവരെ വ്യത്യസ്‌ത വിഷയങ്ങൾ വായി​ച്ചു​കേൾപ്പി​ക്കു​മാ​യി​രു​ന്നു. അവർ കൊച്ചു​കു​ട്ടി​കൾ ആയിരു​ന്ന​പ്പോൾ അദ്ദേഹം എന്റെ ബൈബിൾ കഥാ പുസ്‌തകം പോലുള്ള പ്രസി​ദ്ധീ​ക​ര​ണ​ങ്ങ​ളി​ലെ ചിത്രങ്ങൾ ഉപയോ​ഗിച്ച്‌ സന്മാർഗ​പാ​ഠങ്ങൾ പഠിപ്പി​ക്കു​ക​യും ദൈവ​ത്തോ​ടുള്ള ഭക്തി​യെ​ക്കു​റിച്ച്‌ അവർക്കു വിശദീ​ക​രി​ച്ചു​കൊ​ടു​ക്കു​ക​യും ചെയ്‌തി​രു​ന്നു. b

മറ്റു ചില മാതാ​പി​താ​ക്കൾ കുട്ടി​കൾക്കു വായി​ച്ചു​കൊ​ടു​ക്കു​ന്ന​തോ​ടൊപ്പം​തന്നെ അവർക്കു​വേണ്ടി വൈവി​ധ്യ​മാർന്ന പരിപാ​ടി​കൾ ക്രമീ​ക​രി​ച്ചു​കൊണ്ട്‌ എല്ലാം സമനി​ല​യിൽ നിറു​ത്താൻ ഇഷ്ടപ്പെ​ടു​ന്നു. അതിനാ​യി അവർ ചിത്ര​രചന, പെയി​ന്റിങ്‌, സംഗീതം, കുടും​ബം ഒന്നിച്ചുള്ള മൃഗശാല സന്ദർശനം, ക്യാമ്പി​ങ്ങി​നു പോകുക തുടങ്ങിയ കാര്യാ​ദി​കൾക്കും സമയം കണ്ടെത്തു​ന്നു. ഈ സന്ദർഭ​ങ്ങളെ കുട്ടി​കളെ പലപല കാര്യങ്ങൾ പഠിപ്പി​ക്കാ​നും ഉദാത്ത​മായ ധാർമിക മൂല്യ​ങ്ങ​ളും സത്‌പെ​രു​മാ​റ്റ​വും അവരുടെ കുരുന്നു മനസ്സി​ലും ഹൃദയ​ത്തി​ലും ഉൾനടാ​നു​മുള്ള സുവർണാ​വ​സ​ര​ങ്ങ​ളാ​ക്കാൻ കഴിയും.

അതിരി​ക്ക​ട്ടെ, ഇങ്ങനെ​യെ​ല്ലാം ചെയ്യു​ന്ന​തി​നു തക്ക മൂല്യ​മു​ണ്ടോ? ഉവ്വ്‌, സുരക്ഷി​ത​ത്വ​ബോ​ധ​വും പ്രശാ​ന്ത​ത​യും കളിയാ​ടുന്ന ഒരു കുടും​ബാ​ന്ത​രീ​ക്ഷ​ത്തിൽ മേൽപ്പറഞ്ഞ പ്രാ​യോ​ഗിക മാർഗ​നിർദേ​ശങ്ങൾ പിന്തു​ട​രാൻ തങ്ങളാ​ലാ​വതു ചെയ്യുന്ന മാതാ​പി​താ​ക്കൾ അവരുടെ മക്കൾ ആത്മവി​ശ്വാ​സ​മു​ള്ള​വ​രാ​യി വളർന്നു​വ​രു​ന്നത്‌ കൺനി​റയെ കണ്ടാന​ന്ദി​ക്കാ​നുള്ള വളരെ​യേറെ സാധ്യ​ത​യുണ്ട്‌. കുഞ്ഞു​ങ്ങ​ളു​ടെ ജീവി​ത​ത്തി​ന്റെ ആദ്യവർഷ​ങ്ങ​ളിൽ നിങ്ങൾ അവരിൽ ബൗദ്ധിക പ്രാപ്‌തി​യും ആശയവി​നി​മയ പാടവ​ങ്ങ​ളും നട്ടുവ​ളർത്തു​ന്നെ​ങ്കിൽ അവരുടെ ധാർമി​ക​വും ആത്മീയ​വു​മാ​യുള്ള സ്വഭാ​വ​രൂ​പീ​ക​ര​ണ​ത്തിൽ നിങ്ങൾ വലി​യൊ​രു പങ്ക്‌ നിർവ​ഹി​ക്കു​ക​യാ​യി​രി​ക്കും.

നൂറ്റാ​ണ്ടു​കൾക്കു മുമ്പ്‌ ബൈബിൾ സദൃശ​വാ​ക്യ​ങ്ങൾ 22:6-ൽ ഇപ്രകാ​രം പറഞ്ഞു: “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.” കുട്ടി​കളെ പരിശീ​ലി​പ്പി​ക്കു​ന്ന​തിൽ മാതാ​പി​താ​ക്കൾക്ക്‌ അതി​പ്ര​ധാ​ന​മായ ഒരു ഭാഗ​ധേയം നിവർത്തി​ക്കാ​നുണ്ട്‌. മക്കളോ​ടുള്ള വാത്സല്യ​പ്ര​ക​ട​ന​ങ്ങ​ളിൽ പിശുക്കു കാണി​ക്ക​രുത്‌. അവരോ​ടൊ​ത്തു സമയം ചെലവി​ടുക, അവരെ പരിപാ​ലി​ക്കുക, അവരെ പഠിപ്പി​ക്കുക. അത്‌ നിങ്ങൾക്കും അവർക്കും ആനന്ദം പകരും.—സദൃശ​വാ​ക്യ​ങ്ങൾ 15:20. (g04 10/22)

[അടിക്കു​റി​പ്പു​കൾ]

[7-ാം പേജിലെ ചതുരം]

നിങ്ങളുടെ കുഞ്ഞി​നോ​ടൊ​പ്പം കളിക്കു​മ്പോൾ

◼ കൊച്ചു​കു​ഞ്ഞു​ങ്ങൾക്ക്‌ അൽപ്പ​നേരം മാത്രമേ എന്തെങ്കി​ലും കാര്യ​ത്തിൽ ശ്രദ്ധി​ച്ചി​രി​ക്കാൻ പറ്റുക​യു​ള്ളൂ. അതു​കൊണ്ട്‌ അവർ ആസ്വദി​ക്കും എന്നു തോന്നുന്ന സമയത്തു മാത്രം കളിക​ളിൽ ഏർപ്പെ​ടുക.

◼ കളിപ്പാ​ട്ടങ്ങൾ ഉപയോ​ഗി​ക്കു​ന്നു​ണ്ടെ​ങ്കിൽ അവ സുരക്ഷി​ത​വും കുഞ്ഞിന്റെ ഇന്ദ്രി​യ​പ്രാ​പ്‌തി​കളെ ഉദ്ദീപി​പ്പി​ക്കാൻ മതിയാ​യ​തും ആണെന്ന്‌ ഉറപ്പു​വ​രു​ത്തുക.

◼ ഫലങ്ങൾ കാണാൻ കഴിയു​ന്ന​തരം കളിക​ളിൽ ഏർപ്പെ​ടുക. കുഞ്ഞു​ങ്ങൾക്കു നിങ്ങ​ളെ​ക്കൊണ്ട്‌ ഒരുകാ​ര്യം ആവർത്തി​ച്ചു ചെയ്യി​ക്കു​ന്നതു വലിയ ഇഷ്ടമാണ്‌, കളിപ്പാ​ട്ടം താഴെ​യി​ട്ടിട്ട്‌ നിങ്ങ​ളെ​ക്കൊ​ണ്ടു വീണ്ടും വീണ്ടും എടുപ്പി​ക്കു​ന്ന​തു​പോ​ലെ.

[കടപ്പാട്‌]

ഉറവിടം: ക്ലിനിക്കൽ റഫറൻസ്‌ സിസ്റ്റംസ്‌

[10-ാം പേജിലെ ചതുരം/ചിത്രം]

കുട്ടിക്കു വായി​ച്ചു​കൊ​ടു​ക്കു​മ്പോൾ ശ്രദ്ധി​ക്കേണ്ട കാര്യങ്ങൾ

◼ വ്യക്തമാ​യി സംസാ​രി​ക്കുക, ശരിയാ​യി ഉച്ചരി​ക്കുക. കുട്ടി ഭാഷ പഠിക്കു​ന്നത്‌ മാതാ​പി​താ​ക്കൾ സംസാ​രി​ക്കു​ന്നതു കേട്ടാണ്‌.

◼ പിഞ്ചു​കു​ഞ്ഞു​ങ്ങൾക്ക്‌ കഥപ്പു​സ്‌ത​ക​ങ്ങ​ളിൽ കാണി​ച്ചി​രി​ക്കുന്ന വസ്‌തു​ക്ക​ളെ​യും ആളുക​ളെ​യും ചൂണ്ടി​ക്കാ​ട്ടി, പേരു​പ​റഞ്ഞു കൊടു​ക്കുക.

◼ കുട്ടി വളരു​ന്ന​ത​നു​സ​രിച്ച്‌ അവനു പ്രിയ​ങ്ക​ര​മായ വിഷയ​ങ്ങളെ അടിസ്ഥാ​ന​പ്പെ​ടു​ത്തി​യുള്ള പുസ്‌ത​കങ്ങൾ തിര​ഞ്ഞെ​ടു​ക്കുക.

[കടപ്പാട്‌]

ഉറവിടം: പിഡി​യാ​ട്രി​ക്‌സ്‌ ഫോർ പേരന്റ്‌സ്‌

[8, 9 പേജു​ക​ളി​ലെ ചിത്രങ്ങൾ]

ആസ്വാ​ദ്യ​മായ വിനോ​ദ​ങ്ങ​ളിൽ ഏർപ്പെ​ട്ടു​കൊണ്ട്‌ മക്കളോ​ടൊ​ത്തു സമയം ചെലവി​ടു​ക