പൊണ്ണ​ത്തടി പരിഹാ​ര​മെന്ത്‌?

ഉണരുക! ഒരു ഡയറ്റീ​ഷ്യ​നായ ഡയനു​മാ​യും ഒരു രജി​സ്റ്റേർഡ്‌ നഴ്‌സായ എലെനു​മാ​യും അഭിമു​ഖം നടത്തു​ക​യു​ണ്ടാ​യി. തൂക്കക്കൂ​ടു​ത​ലും പൊണ്ണ​ത്ത​ടി​യും ഉള്ളവരെ ചികി​ത്സി​ക്കു​ന്ന​തിൽ പ്രത്യേക വൈദ​ഗ്‌ധ്യം നേടി​യ​വ​രാ​യി​രു​ന്നു ഇവർ. കാർബോ​ഹൈ​ഡ്രേറ്റ്‌ പൂർണ​മാ​യും ഒഴിവാ​ക്കി​ക്കൊ​ണ്ടു​ള്ള​തും മാംസം​പോ​ലുള്ള പ്രോ​ട്ടീൻ അടങ്ങിയവ കൂടുതൽ ഉൾപ്പെ​ടു​ത്തി​ക്കൊ​ണ്ടു​ള്ള​തു​മായ ചില ആഹാര​ക്ര​മങ്ങൾ തൂക്കം കുറയ്‌ക്കാൻ സഹായ​ക​മാ​കും എന്നതി​നോ​ടു രണ്ടു​പേ​രും യോജി​ച്ചു. എന്നിരു​ന്നാ​ലും, കാലാ​ന്ത​ര​ത്തിൽ അതിനു വിപരീത ഫലങ്ങൾ ഉണ്ടാകു​മെന്ന്‌ അവർ പറയുന്നു. a ‘ആരോ​ഗ്യ​ക​ര​മായ തൂക്കം നിലനി​റു​ത്തുക’ എന്ന ഒരു മെഡിക്കൽ ചാർട്ട്‌ ഈ സംഗതി ഉറപ്പു​വ​രു​ത്തി​യി​ട്ടുണ്ട്‌. അത്‌ ഇങ്ങനെ പറയുന്നു: “തീരെ കുറഞ്ഞ അളവിൽ കാർബോ​ഹൈ​ഡ്രേറ്റ്‌ അടങ്ങിയ ആഹാര​ക്രമം പിൻപ​റ്റു​ന്നത്‌, വിശേ​ഷിച്ച്‌ അത്‌ ഒരു ഡോക്ട​റു​ടെ മേൽനോ​ട്ട​ത്തി​ല​ല്ലെ​ങ്കിൽ, അപകട​ക​ര​മാ​യി​രു​ന്നേ​ക്കാം.” അതു തുടരു​ന്നു: “[അത്തരത്തി​ലുള്ള ഒരു ഭക്ഷണ​ക്രമം] പൊടു​ന്നനെ തൂക്കം കുറയ്‌ക്കാൻ ഉദ്ദേശി​ച്ചു​ള്ള​താണ്‌, ഇതാകട്ടെ (കൊഴു​പ്പി​ന്റെ ഉപാപചയ പ്രവർത്ത​ന​ങ്ങ​ളു​ടെ ഒരു ഉപോ​ത്‌പ​ന്ന​മായ) കീറ്റോൺ വസ്‌തു​ക്കൾ ഉയർന്ന അളവിൽ ഉത്‌പാ​ദി​പ്പി​ക്കും.” അതു​കൊണ്ട്‌, നിങ്ങൾ കാർബോ​ഹൈ​ഡ്രേ​റ്റി​ന്റെ അളവു തീരെ കുറച്ചു​കൊ​ണ്ടുള്ള ആഹാര​ക്രമം പിൻപ​റ്റു​ന്ന​തി​നെ​ക്കു​റി​ച്ചു ചിന്തി​ക്കു​ന്നെ​ങ്കിൽ ആദ്യം​തന്നെ ഒരു ഡോക്ടറെ കാണുക.

എന്നാൽ തൂക്കം കുറയ്‌ക്കാൻ നിങ്ങൾ ലക്ഷ്യം വെച്ചി​ട്ടു​ണ്ടെ​ങ്കിൽ നിരാ​ശ​പ്പെ​ടേ​ണ്ട​തില്ല. “തൂക്കം​കു​റ​യ്‌ക്കൽ അസാധ്യ​മായ ഒന്നല്ല. അതിനു നിങ്ങൾ മനംമ​ടു​പ്പി​ക്കു​ന്ന​തും രുചി​ക​ര​മ​ല്ലാ​ത്ത​തും ആയ ഒരേ ഭക്ഷണ​ക്രമം പിൻപ​റ്റണം എന്നുമില്ല,” ഡോ. വാൾട്ടർ സി. വില്ലെറ്റ്‌ പറയുന്നു. “ബോധ​പൂർവം ശ്രമി​ച്ചു​കൊ​ണ്ടും വിദഗ്‌ധ​മാ​യി കാര്യങ്ങൾ ചെയ്‌തു​കൊ​ണ്ടും മിക്കയാ​ളു​കൾക്കും തൂക്കം കുറയ്‌ക്കു​ന്ന​തി​നും  ദീർഘ​കാ​ല​ത്തേക്ക്‌ അതു നിലനി​റു​ത്തു​ന്ന​തി​നും കഴിയും. മിതമായ, എന്നാൽ ആസ്വാ​ദ്യ​മായ ഭക്ഷണം കഴിച്ചു​കൊ​ണ്ടും ദിവ​സേ​ന​യെ​ന്ന​വണ്ണം വ്യായാ​മം ചെയ്‌തു​കൊ​ണ്ടും അതു സാധി​ക്കും. ആയുരാ​രോ​ഗ്യ​ത്തോ​ടെ​യുള്ള ജീവിതം ശ്രമത്തി​നു തക്ക മൂല്യ​മു​ള്ള​താണ്‌.” b—ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.

വ്യായാ​മം എത്ര പ്രധാനം?

ഡോ. വില്ലെറ്റ്‌ പറയുന്നു: “ആരോ​ഗ്യം ഉള്ളവരാ​യി​രി​ക്കാ​നും മാറാ​രോ​ഗ​ങ്ങളെ പടിക്കു​പു​റത്തു നിറു​ത്താ​നും ഏറ്റവും നല്ല ഒറ്റമൂ​ലി​യാ​ണു വ്യായാ​മം, പുകവ​ലി​ക്കാ​തി​രി​ക്കു​ന്ന​തു​പോ​ലെ​തന്നെ.” എത്ര കൂടെ​ക്കൂ​ടെ വ്യായാ​മം ചെയ്യണം? കായിക പ്രവർത്ത​ന​ങ്ങ​ളു​ടെ പ്രയോ​ജ​നങ്ങൾ എന്തെല്ലാ​മാണ്‌?

നിത്യ​വും വ്യായാ​മം ചെയ്യു​ന്നത്‌, അതു വെറും 30 മിനിട്ടു മാത്ര​മാ​ണെ​ങ്കിൽപ്പോ​ലും വളരെ പ്രയോ​ജ​ന​ക​ര​മാ​ണെ​ന്നാ​ണു ചില വിദഗ്‌ധ​രു​ടെ അഭി​പ്രാ​യം. ഇനി, ആഴ്‌ച​യിൽ മൂന്നു​പ്രാ​വ​ശ്യം വ്യായാ​മം ചെയ്യു​ന്ന​തു​പോ​ലും ഭാവി​യിൽ ഗുരു​ത​ര​മായ ആരോ​ഗ്യ​പ്ര​ശ്‌നങ്ങൾ വരാതി​രി​ക്കാൻ നിങ്ങളെ സഹായി​ക്കും. വ്യായാ​മം ശരീര​ത്തി​ലെ കലോറി കത്തിച്ചു​ക​ള​യു​ന്നു. അതു​കൊണ്ട്‌ തൂക്കം കുറയ്‌ക്കാൻ ശ്രമി​ക്കുന്ന ഒരാൾ സ്വയം ചോദി​ക്കേണ്ട ചോദ്യ​മി​താണ്‌: ഓരോ ദിവസ​വും അകത്തേ​ക്കെ​ടു​ക്കു​ന്ന​തി​നെ​ക്കാൾ കൂടുതൽ കലോറി ഞാൻ ഉപയോ​ഗി​ച്ചു തീർക്കു​ന്നു​ണ്ടോ? ഇല്ലെങ്കിൽ നിങ്ങളു​ടെ തൂക്കം കൂടി​ക്കൊ​ണ്ടി​രി​ക്കും. അതു​കൊണ്ട്‌ വാഹന​ത്തിൽ പോകു​ന്ന​തി​നു പകരം നടന്നോ സൈക്കി​ളി​ലോ പോകുക. ലിഫ്‌റ്റ്‌ ഉപയോ​ഗി​ക്കാ​തെ നടന്നു​തന്നെ ഗോവ​ണി​പ്പ​ടി​കൾ കയറുക. അതേ, വ്യായാ​മം ചെയ്യുക! കലോറി കത്തിച്ചു​ക​ള​യുക!

ഡോ. വില്ലെറ്റ്‌ ഇപ്രകാ​രം വിശദീ​ക​രി​ക്കു​ന്നു: “അനേകരെ സംബന്ധി​ച്ചും മറ്റു  കായിക പ്രവർത്ത​ന​ങ്ങൾക്കു പകരം ചെയ്യാൻ കഴിയുന്ന ഏറ്റവും മികച്ച വ്യായാ​മ​മാ​ണു നടപ്പ്‌. കാരണം അതിനു പ്രത്യേക ഉപകര​ണ​ങ്ങ​ളൊ​ന്നും വേണ്ടതില്ല, ഏതുസ​മ​യ​ത്തും ഏതുസ്ഥ​ല​ത്തും ചെയ്യാ​വു​ന്ന​തേ​യു​ള്ളൂ, പൊതു​വേ സുരക്ഷി​ത​വു​മാണ്‌.” വെറുതെ ഉലാത്തു​ന്ന​തി​നെ​ക്കു​റി​ച്ചല്ല മറിച്ച്‌, നല്ല ചുറു​ചു​റു​ക്കോ​ടെ നടക്കു​ന്ന​തി​നെ​ക്കു​റി​ച്ചാണ്‌ അദ്ദേഹം പറയു​ന്നത്‌. സാധ്യ​മെ​ങ്കിൽ നിത്യ​വും 30 മിനിട്ട്‌ കായിക പ്രവർത്ത​നങ്ങൾ ചെയ്യാൻ അദ്ദേഹം ശുപാർശ ചെയ്യുന്നു.

ഏറ്റവും നല്ല പരിഹാ​രം ശസ്‌ത്ര​ക്രി​യ​യോ?

വല്ലാതെ പൊണ്ണ​ത്ത​ടി​യുള്ള ചിലർ തൂക്കം കുറയ്‌ക്കു​ന്ന​തി​നും ഭാവി​യിൽ തൂക്കം കൂടാ​തെ​യി​രി​ക്കു​ന്ന​തി​നും ചില ശസ്‌ത്ര​ക്രി​യ​കൾക്കു വിധേ​യ​രാ​യി​ട്ടുണ്ട്‌. ഇങ്ങനെ​യു​ള്ള​വരെ ചികി​ത്സി​ക്കുന്ന വിദഗ്‌ധ​രു​ടെ ഉപദേ​ശ​പ്ര​കാ​ര​മാണ്‌ അവർ ഇതു ചെയ്‌തി​രി​ക്കു​ന്നത്‌. എങ്ങനെ​യു​ള്ള​വ​രി​ലാ​യി​രി​ക്കും ശസ്‌ത്ര​ക്രിയ നടത്തു​ന്നത്‌? മേയോ ക്ലിനിക്‌ ഓൺ ഹെൽതി വെയ്‌റ്റ്‌ എന്ന പുസ്‌ത​ക​ത്തി​ന്റെ എഴുത്തു​കാർ ഇപ്രകാ​രം പറയുന്നു: “നിങ്ങളു​ടെ ബോഡി മാസ്സ്‌ ഇൻഡക്‌സ്‌ 40-ൽ കൂടു​ത​ലാ​ണെ​ങ്കിൽ അത്‌ ഗുരു​ത​രാ​വ​സ്ഥ​യി​ലുള്ള പൊണ്ണ​ത്തടി ഉണ്ടെന്നുള്ള സൂചന​യാണ്‌. അപ്പോൾ ശസ്‌ത്ര​ക്രി​യ​യെ​പ്പറ്റി ഡോക്ടർ ചിന്തി​ച്ചേ​ക്കാം.” (5-ാം പേജിലെ ചാർട്ട്‌ കാണുക.) മേയോ ക്ലിനിക്‌ ഹെൽത്‌ ലെറ്റർ ഇങ്ങനെ നിർദേ​ശി​ക്കു​ന്നു: “ബോഡി മാസ്സ്‌ ഇൻഡക്‌സ്‌ 40-നു മുകളി​ലുള്ള, 18-നും 65-നും ഇടയ്‌ക്കു പ്രായ​മു​ള്ള​വർക്കാണ്‌ സാധാ​ര​ണ​ഗ​തി​യിൽ ശസ്‌ത്ര​ക്രിയ ശുപാർശ ചെയ്യു​ന്നത്‌, അതും പൊണ്ണ​ത്തടി ഗുരു​ത​ര​മായ ആരോ​ഗ്യ​പ്ര​ശ്‌നങ്ങൾ സൃഷ്ടി​ക്കുന്ന അവസ്ഥയിൽ എത്തി​യെ​ങ്കിൽ.”—ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.

ഇത്തരം ശസ്‌ത്ര​ക്രി​യാ നടപടി​ക​ളിൽ ചിലത്‌ എന്തൊ​ക്കെ​യാണ്‌? ചെറു​കു​ട​ലിൽ ബൈപാസ്‌ ശസ്‌ത്ര​ക്രിയ ചെയ്യുക, ഗാസ്‌ട്രിക്‌ പാർട്ടി​ഷ​നിങ്‌, ഗാസ്‌​ട്രോ​പ്ലാ​സ്റ്റി, ഗാസ്‌ട്രിക്‌ ബൈപാസ്‌ തുടങ്ങി​യവ ഇതിൽ പെടുന്നു. ഒടുവിൽ പറഞ്ഞ ഈ നടപടി​യിൽ അര ഔൺസ്‌ ഭക്ഷണം മാത്രം ഉൾക്കൊ​ള്ളാൻ പറ്റിയ ഒരു ചെറിയ ഭാഗം മുകളിൽ ഒഴിച്ചി​ട്ടു​കൊണ്ട്‌ ആമാശയം കുറുകെ സ്റ്റാപ്പിൾ ചെയ്യുന്നു. എന്നിട്ട്‌ ചെറു​കു​ട​ലി​നെ മുറിച്ച്‌ ഈ മുകൾഭാ​ഗ​വു​മാ​യി യോജി​പ്പി​ക്കു​ന്നു. അങ്ങനെ, പക്വാ​ശയം (duodenum) ഉൾപ്പെടെ ആമാശ​യ​ത്തി​ന്റെ മിക്ക ഭാഗങ്ങ​ളും ബൈപാസ്‌ ചെയ്യ​പ്പെ​ടു​ന്നു.

ഇനി, തങ്ങളുടെ അമിത​തൂ​ക്കം കുറയ്‌ക്കു​ന്ന​തിൽ വിജയി​ച്ച​വ​രെ​ക്കു​റി​ച്ചെന്ത്‌? അത്‌ തക്ക മൂല്യ​മു​ള്ളത്‌ ആയിരു​ന്നോ? (g04 11/8)

[അടിക്കു​റി​പ്പു​കൾ]

[7-ാം പേജിലെ ചതുരം/ചിത്രങ്ങൾ]

ആരോഗ്യകരമായ ഭക്ഷണ പിരമിഡ്‌

മധുര​പ​ദാർഥങ്ങൾ മധുര​ത്തിൽ കുതിർന്നിരിക്കുന്നതോ

പ്രൊ​സസ്‌ ചെയ്‌ത​തോ ആയ മധുരപദാർഥങ്ങൾ

(വിരള​മാ​യി; ദിവസം 75 കലോ​റി​വരെ)

കൊഴുപ്പ്‌ ഒലിവെണ്ണ, നട്‌സ്‌, കനോലാ എണ്ണ,

അവക്കാ​ഡോ പഴങ്ങൾ (ദിവസം 3-5 സേർവി​ങ്‌സ്‌;

ഒരു ടീസ്‌പൂൺ എണ്ണയോ 2 ടേബിൾസ്‌പൂൺ

നട്‌സോ ആണ്‌ ഒരു സേർവിങ്‌)

മാംസ്യ​വും പാലും പാലു​ത്‌പ​ന്ന​ങ്ങ​ളും ബീൻസു​കൾ,

മത്സ്യം, കൊഴു​പ്പി​ല്ലാത്ത മാംസം, മുട്ട,

കൊഴു​പ്പു കുറഞ്ഞ പാൽ, ചീസ്‌

(ദിവസം 3-7 സേർവി​ങ്‌സ്‌; പാകം​ചെയ്‌ത ഇറച്ചിയോ

മീനോ 85 ഗ്രാം; അതാണ്‌ ഒരു സേർവിങ്‌)

കാർബോ​ഹൈ​ഡ്രേ​റ്റു​കൾ പ്രത്യേ​കിച്ച്‌ തവിടു കളയാത്ത

ധാന്യങ്ങൾ—പാസ്റ്റ, ബ്രെഡ്‌, ചോറ്‌, സിറീയലുകൾ

(ദിവസം 4-8 സേർവി​ങ്‌സ്‌; ഒരു കഷണം

ബ്രെഡ്‌ ആണ്‌ ഒരു സേർവിങ്‌)

പഴങ്ങളും പച്ചക്കറി​ക​ളും പല തരത്തി​ലു​ള്ളവ ധാരാളം കഴിക്കുക (ദിവസം എത്ര സേർവി​ങ്‌സ്‌ വേണ​മെ​ങ്കി​ലും ആകാം, ഓരോ​ന്നും കുറഞ്ഞത്‌ 3 എണ്ണം വീതം)

തൂക്കം കുറയ്‌ക്കു​ന്ന​തിന്‌ ഏതെങ്കി​ലും പ്രത്യേക നടപടി​ക​ളോ ആഹാര​ക്ര​മ​മോ ഉണരുക! ശുപാർശ ചെയ്യു​ന്നില്ല. മറിച്ച്‌ അത്‌, ലഭ്യമായ ചില വിവരങ്ങൾ അതിന്റെ വായന​ക്കാ​രു​ടെ ശ്രദ്ധയിൽപ്പെ​ടു​ത്തുക മാത്രമേ ചെയ്യു​ന്നു​ള്ളൂ. എന്തെങ്കി​ലും വ്യായാമ ചികി​ത്സ​യോ ആഹാര​ക്ര​മ​മോ പിൻപ​റ്റു​ന്ന​തി​നു​മുമ്പ്‌ ഓരോ വ്യക്തി​ക​ളും തങ്ങളുടെ ഡോക്ടറെ കാണേ​ണ്ട​താണ്‌.

[കടപ്പാട്‌]

മേയോ ക്ലിനി​ക്കി​ന്റെ നിർദേ​ശ​ങ്ങളെ അടിസ്ഥാ​ന​മാ​ക്കി​യു​ള്ളത്‌

[8, 9 പേജു​ക​ളി​ലെ ചതുരം/ചിത്രങ്ങൾ]

തൂക്കം കുറയ്‌ക്കാൻ ചിലർ പിൻപ​റ്റിയ നിർദേ​ശങ്ങൾ:

1 നിങ്ങൾ കഴിക്കുന്ന ആഹാര​പ​ദാർഥ​ങ്ങ​ളി​ലും കുടി​ക്കുന്ന പാനീ​യ​ങ്ങ​ളി​ലും എത്രമാ​ത്രം കലോറി ഉണ്ടെന്ന്‌ അറിഞ്ഞി​രി​ക്കുക. കുറിപ്പ്‌: പാനീ​യങ്ങൾ കലോ​റി​യു​ടെ കലവറ​തന്നെ ആയിരി​ക്കാൻ കഴിയും, പ്രത്യേ​കിച്ച്‌ മധുര​മുള്ള ജ്യൂസു​കൾ. ലഹരി​പാ​നീ​യ​ങ്ങ​ളി​ലും ഉയർന്ന കലോറി അടങ്ങി​യി​ട്ടുണ്ട്‌. പരസ്യങ്ങൾ വാനോ​ളം പുകഴ്‌ത്തുന്ന ശീതള​പാ​നീ​യ​ങ്ങ​ളു​ടെ പിന്നാലെ പോകു​മ്പോൾ സൂക്ഷി​ക്കുക. അവയുടെ ലേബലിൽ കൊടു​ത്തി​രി​ക്കുന്ന, കലോ​റി​യു​ടെ അളവു പരി​ശോ​ധി​ച്ചാൽ നിങ്ങൾ ഒരുപക്ഷേ ഞെട്ടി​പ്പോ​യേ​ക്കാം.

2 പ്രലോ​ഭനം ഒഴിവാ​ക്കുക. ചിപ്‌സു​കൾ, ബിസ്‌ക​റ്റു​കൾ, ചോക്ക​ലേറ്റ്‌ എന്നിവ നിങ്ങളു​ടെ എത്തുപാ​ടി​ലു​ണ്ടെ​ങ്കിൽ നിങ്ങൾ അവ തിന്നു​മെ​ന്ന​തി​നു സംശയ​മില്ല! ഇടഭക്ഷ​ണ​മാ​യി ആപ്പിൾ, കാരറ്റ്‌, ധാന്യം​കൊണ്ട്‌ ഉണ്ടാക്കിയ ബിസ്‌കറ്റ്‌ എന്നിങ്ങനെ കലോറി കുറവുള്ള ഭക്ഷണസാ​ധ​നങ്ങൾ കഴിക്കുക.

3 പ്രധാ​ന​ഭ​ക്ഷണം കഴിക്കു​ന്ന​തി​നു​മുമ്പ്‌ ലളിത​മായ ഒരു ഇടഭക്ഷ​ണ​മോ അപ്പി​റ്റൈ​സ​റോ കഴിക്കുക. ഇത്‌ വയറു വിശന്നു പൊരി​യു​ന്നത്‌ ഒഴിവാ​ക്കും, തുടർന്നു കഴിക്കുന്ന ഭക്ഷണത്തി​ന്റെ അളവു കുറയ്‌ക്കാൻ ഇതു നിങ്ങളെ സഹായി​ച്ചേ​ക്കാം.

4 മുന്നിൽ വിളമ്പി​യി​രി​ക്കു​ന്ന​തെ​ല്ലാം അകത്താ​ക്കാൻ ശ്രമി​ക്ക​രുത്‌. തിര​ഞ്ഞെ​ടു​ത്തു കഴിക്കുക. വേണ്ടതി​ല​ധി​കം കലോറി അടങ്ങി​യി​ട്ടു​ണ്ടെന്നു നിങ്ങൾക്ക്‌ അറിയാ​വു​ന്നവ ഒഴിവാ​ക്കു​ക​തന്നെ ചെയ്യുക.

5 സാവധാ​നം ഭക്ഷണം കഴിക്കുക. എന്തിനാ​ണു ധൃതി​പി​ടി​ക്കു​ന്നത്‌? ആഹാര​പ​ദാർഥ​ത്തി​ന്റെ നിറം, മണം, രുചി, വിഭവങ്ങൾ തമ്മിലുള്ള ചേർച്ച എന്നിവ​യൊ​ക്കെ നോക്കി​യും മനസ്സി​ലാ​ക്കി​യും ആസ്വദി​ച്ചു കഴിക്കുക. “വയറ്‌ നിറഞ്ഞു, ഇനി ഒട്ടും വേണ്ട” എന്ന ശരീര​ത്തി​ന്റെ സൂചന​കളെ അവഗണി​ക്ക​രുത്‌.

6 വയറ്‌ നിറയു​ന്ന​തു​വരെ ഭക്ഷിക്കുന്ന ശീലം ഒഴിവാ​ക്കുക.

7 ചില രാജ്യ​ങ്ങ​ളിൽ ഇഷ്ടം​പോ​ലെ ഭക്ഷണം വിളമ്പുന്ന റസ്റ്ററന്റു​ക​ളുണ്ട്‌. പാത്ര​ത്തിൽ വിളമ്പി​വെ​ച്ചി​രി​ക്കു​ന്ന​തി​ന്റെ പകുതി​മാ​ത്രം കഴിക്കുക, അല്ലെങ്കിൽ അത്‌ മറ്റാ​രെ​ങ്കി​ലു​മാ​യി പങ്കിടുക.

8 പ്രധാന ഭക്ഷണം കഴിഞ്ഞ്‌ എപ്പോ​ഴും മധുര​പ​ദാർഥങ്ങൾ കഴിക്ക​ണ​മെ​ന്നില്ല, പഴമോ കലോറി കുറഞ്ഞ എന്തെങ്കി​ലു​മോ ആകാമ​ല്ലോ.

9 ആഹാര​സാ​ധ​ന​ങ്ങ​ളു​ടെ ഉത്‌പാ​ദകർ നിങ്ങളെ വല്ലാതെ തീറ്റി​ച്ചു​ക​ള​യും. അതിനു പിന്നിൽ കച്ചവട​ക്ക​ണ്ണാണ്‌. ഇക്കാര്യ​ത്തി​ലുള്ള നിങ്ങളു​ടെ ബലഹീ​ന​തയെ അവർ മുത​ലെ​ടു​ക്കും. അവരുടെ കൗശലം​പൂണ്ട പരസ്യ​ങ്ങൾക്കും മോഹി​പ്പി​ക്കുന്ന ചിത്ര​ങ്ങൾക്കും വശംവ​ദ​രാ​ക​രുത്‌. വേണ്ട എന്നുതന്നെ പറയുക!

[കടപ്പാട്‌]

ഡോ. വാൾട്ടർ സി. വില്ലെ​റ്റി​ന്റെ, തിന്നുക, കുടി​ക്കുക, ആരോ​ഗ്യ​വാ​ന്മാ​രാ​യി​രി​ക്കുക എന്ന പുസ്‌ത​ക​ത്തോ​ടു ചേർച്ച​യി​ലാണ്‌ ഈ വിവരങ്ങൾ.

[8, 9 പേജു​ക​ളി​ലെ ചിത്രങ്ങൾ]

വ്യായാ​മം ചെയ്യുക!