ബൈബി​ളി​ന്റെ വീക്ഷണം

മൃദു​ല​സ്വ​ഭാ​വം ബലഹീ​ന​ത​യു​ടെ ലക്ഷണമോ?

‘കർത്താ​വി​ന്റെ ദാസൻ ശണ്‌ഠ ഇടാതെ എല്ലാവ​രോ​ടും ശാന്തനാ​യി [അഥവാ മൃദു​ല​ഭാ​വം ഉള്ളവനാ​യി] ഇരിക്കണം.’—2 തിമൊ​ഥെ​യൊസ്‌ 2:24.

ജനിക്കു​ന്ന​തി​നു വളരെ മുമ്പു​തന്നെ, സ്‌പർശ​നങ്ങൾ തിരി​ച്ച​റി​യാൻ നമ്മുടെ വളർച്ച പ്രാപി​ച്ചു​കൊ​ണ്ടി​രി​ക്കുന്ന ത്വക്ക്‌ സജ്ജമാ​കു​ന്നു. ജനനത്തി​നു​ശേഷം അമ്മയുടെ മൃദു​ല​മായ തലോ​ട​ലി​നാ​യി നാം വാഞ്‌ഛി​ക്കു​ന്നു. കുട്ടി​ക്കാ​ലത്ത്‌ മാതാ​പി​താ​ക്ക​ളിൽനി​ന്നു ലഭിക്കുന്ന വാത്സല്യ​ത്തി​ന്റെ അളവ്‌, നമ്മുടെ ചിരി​ക്കാ​നുള്ള പ്രവണ​ത​യെ​യും വൈകാ​രി​ക​മാ​യി വളരാ​നുള്ള കഴിവി​നെ​യും എന്തിന്‌, ആശയവി​നി​മയ പ്രാപ്‌തി​കൾ വശമാ​ക്കാ​നുള്ള ആഗ്രഹ​ത്തെ​പ്പോ​ലും സ്വാധീ​നി​ക്കു​ന്നു.

എന്നിരു​ന്നാ​ലും, അന്ത്യകാ​ലത്തു മനുഷ്യർ “അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും” ആയിരി​ക്കു​മെന്നു ബൈബിൾ മുൻകൂ​ട്ടി​പ്പ​റഞ്ഞു. മനുഷ്യർ “സ്വസ്‌നേ​ഹി​ക​ളും . . . ഉഗ്രന്മാ​രും സൽഗു​ണ​ദ്വേ​ഷി​കളു”മായി​രി​ക്കു​മെ​ന്ന​തി​നാൽ മൃദു​ല​ഗു​ണ​ങ്ങ​ളായ ദയ, അനുകമ്പ എന്നിവ തുലോം കുറവാ​യി​രി​ക്കും.—2 തിമൊ​ഥെ​യൊസ്‌ 3:1-3.

ഇന്ന്‌ അനേക​രും വിചാ​രി​ക്കു​ന്നത്‌ കഠിന​ഹൃ​ദ​യ​രും വൈകാ​രി​ക​മാ​യി മരവി​ച്ച​വ​രും ആയിരു​ന്നാൽ മാത്രമേ ഇവിടെ ജീവി​ക്കാ​നാ​വൂ എന്നാണ്‌. മൃദു​ല​സ്വ​ഭാ​വം ബലഹീ​ന​ത​യു​ടെ അടയാ​ള​മാ​ണെന്ന്‌ അവർ അഭി​പ്രാ​യ​പ്പെ​ടു​ന്നു. പക്ഷേ, അത്‌ അങ്ങനെ​ത​ന്നെ​യാ​ണോ?

 മൃദു​ല​സ്വ​ഭാ​വ​മു​ള്ള​വ​രെ​ങ്കി​ലും ശക്തർ

യഹോ​വ​യാം ദൈവത്തെ “യുദ്ധവീ​രൻ” എന്നു വിളി​ച്ചി​രി​ക്കു​ന്നു. (പുറപ്പാ​ടു 15:3) സകല ശക്തിയു​ടെ​യും ആത്യന്തിക ഉറവും അവനാണ്‌. (സങ്കീർത്തനം 62:11; റോമർ 1:20) എന്നിരു​ന്നാ​ലും, വിശ്വ​സ്‌ത​നായ ഇയ്യോ​ബിന്‌ പ്രതി​ഫലം നൽകി​യ​പ്പോൾ ‘മഹാക​രു​ണ​യും മനസ്സലി​വു​മു​ള്ളവൻ’ ആയിരി​ക്കു​ന്ന​തിന്‌ യഹോ​വ​യ്‌ക്ക്‌ തന്റെ ശക്തി ഒരു തടസ്സമാ​യി​രു​ന്നില്ല. (യാക്കോബ്‌ 5:11) ഇസ്രാ​യേ​ലു​മാ​യുള്ള അവന്റെ ഇടപെ​ട​ലിൽ, “താൻ പ്രസവിച്ച മകനോ​ടു” കരുണ തോന്നുന്ന, മുലയൂ​ട്ടുന്ന ഒരമ്മയു​ടെ വികാ​ര​ങ്ങ​ളോട്‌ തന്റെ വികാ​ര​ങ്ങളെ ഉപമി​ച്ചു​കൊണ്ട്‌ തനിക്ക്‌ അവരു​മാ​യി അങ്ങേയറ്റം ആർദ്ര​മായ ഒരു ബന്ധമു​ണ്ടെന്ന്‌ യഹോവ സൂചി​പ്പി​ച്ചു.—യെശയ്യാ​വു 49:15.

സമാന​മാ​യി കരുത്തും മൃദു​ല​സ്വ​ഭാ​വ​വും ഒരു​പോ​ലെ പ്രകട​മാ​ക്കിയ മറ്റൊരു വ്യക്തി​യാണ്‌ യേശു. തന്റെ നാളിലെ കപടഭ​ക്തി​ക്കാ​രായ മതനേ​താ​ക്ക​ന്മാ​രെ അവൻ ശക്തമായി കുറ്റം​വി​ധി​ച്ചു. (മത്തായി 23:1-33) തന്നെയു​മല്ല, അത്യാർത്തി​പൂണ്ട നാണയ​മാ​റ്റ​ക്കാ​രെ ദേവാ​ല​യ​ത്തിൽനി​ന്നു ബലമായി പുറത്താ​ക്കു​ക​യും ചെയ്‌തു. (മത്തായി 21:12, 13) എന്നാൽ അഴിമ​തി​യോ​ടും അത്യാ​ഗ്ര​ഹ​ത്തോ​ടു​മുള്ള യേശു​വി​ന്റെ വെറുപ്പ്‌ അവനെ കഠിന​ഹൃ​ദ​യ​നാ​ക്കി​യോ? അശേഷ​മില്ല! മറ്റുള്ള​വ​രോട്‌ മൃദു​ല​മാ​യി ഇടപെ​ടു​ന്ന​വ​നെന്ന്‌ അവൻ അറിയ​പ്പെട്ടു. അവൻ തന്നെത്തന്നെ “കുഞ്ഞു​ങ്ങളെ ചിറകിൻകീ​ഴിൽ ചേർക്കു”ന്ന തള്ളക്കോ​ഴി​യോട്‌ ഉപമി​ക്കു​ക​പോ​ലും ചെയ്‌തു.—ലൂക്കൊസ്‌ 13:34.

പരുക്കൻ പ്രകൃ​ത​മോ ഉൾക്കരു​ത്തോ?

“ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ” ധരിച്ചു​കൊണ്ട്‌ ക്രിസ്‌തു​വി​നെ അനുക​രി​ക്കാൻ സത്യ​ക്രി​സ്‌ത്യാ​നി​കൾ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. (എഫെസ്യർ 4:20-24) വളർച്ച സാധ്യ​മാ​കു​ന്ന​തി​നു​വേണ്ടി ഞണ്ട്‌ അതിന്റെ പഴയ തോട്‌ പൊഴി​ക്കു​ന്ന​തു​പോ​ലെ “പഴയ മനുഷ്യ​നെ അവന്റെ പ്രവൃ​ത്തി​ക​ളോ​ടു​കൂ​ടെ ഉരിഞ്ഞു​കള”യാൻ നമ്മെ ബുദ്ധി​യു​പ​ദേ​ശി​ച്ചി​രി​ക്കു​ന്നു. (കൊ​ലൊ​സ്സ്യർ 3:9) പഴയ തോട്‌ ഉപേക്ഷി​ച്ചു കഴിഞ്ഞാൽ പെട്ടെ​ന്നു​തന്നെ ഞണ്ടിന്റെ ശരീരം വീണ്ടും കട്ടിയു​ള്ള​താ​യി​ത്തീ​രും. എന്നാൽ ഇതിനു വിപരീ​ത​മാ​യി മൃദു​ല​ഗു​ണ​ങ്ങ​ളായ “മനസ്സലി​വു, ദയ, . . . ദീർഘക്ഷമ” എന്നിവ സ്ഥിരമാ​യി ധരിക്കാ​നാണ്‌ നമ്മോടു കൽപ്പി​ച്ചി​രി​ക്കു​ന്നത്‌. (കൊ​ലൊ​സ്സ്യർ 3:12) ഇതിന്റെ വീക്ഷണ​ത്തിൽ, മൃദു​ല​സ്വ​ഭാ​വം നമ്മെ തിരി​ച്ച​റി​യി​ക്കുന്ന ഒരു സവിശേഷ ഗുണമാ​യി​രി​ക്കണം.

മൃദു​ല​ഗു​ണ​ങ്ങൾ ധരിക്കു​ന്നത്‌ ബലഹീ​ന​ത​യു​ടെ ലക്ഷണമല്ല. മറിച്ച്‌, അവ ധരിക്കു​ന്ന​തിന്‌ ‘[യഹോ​വ​യു​ടെ] ആത്മാവി​നാൽ’ നമ്മുടെ ‘അകത്തെ മനുഷ്യൻ ശക്തി​യോ​ടെ ബലപ്പെ​ടേ​ണ്ടത്‌’ ആവശ്യ​മാണ്‌. (എഫെസ്യർ 3:16) ഉദാഹ​ര​ണ​ത്തിന്‌, ലി എന്നു പേരുള്ള വ്യക്തി പറയുന്നു: “അടുത്ത​കാ​ലം​വരെ ഞാൻ നിഷ്‌ഠു​ര​നും ദുഷ്ടനു​മാ​യി​രു​ന്നു. ശരീര​ഭാ​ഗങ്ങൾ കുത്തി​ത്തു​ളച്ച്‌ ആഭരണങ്ങൾ ധരിച്ചി​രു​ന്ന​തി​നാൽ എന്റെ രൂപം​പോ​ലും ഭയാന​ക​മാ​യി​രു​ന്നു. എങ്ങനെ​യും ധാരാളം പണമു​ണ്ടാ​ക്കുക എന്നതാ​യി​രു​ന്നു എന്റെ ലക്ഷ്യം. അതിനാ​യി അസഭ്യ​ഭാഷ ഉപയോ​ഗി​ക്കാ​നോ അക്രമ​ത്തിൽ ഏർപ്പെ​ടാ​നോ എനിക്ക്‌ മടിയി​ല്ലാ​യി​രു​ന്നു. മനസ്സലിവ്‌ എനിക്ക്‌ ലവലേശം ഇല്ലായി​രു​ന്നു.” എന്നിരു​ന്നാ​ലും, ലി തന്റെ സഹജോ​ലി​ക്കാ​ര​നോ​ടൊത്ത്‌ ബൈബിൾ പഠിക്കാൻ തുടങ്ങു​ക​യും യഹോ​വ​യാം ദൈവത്തെ അറിയാ​നും സ്‌നേ​ഹി​ക്കാ​നും ഇടയാ​കു​ക​യും ചെയ്‌തു. അദ്ദേഹം തന്റെ പഴയ വ്യക്തി​ത്വം ഉരിഞ്ഞു​ക​ള​യു​ക​യും ആത്മനി​യ​ന്ത്രണം പാലി​ക്കാൻ പഠിക്കു​ക​യും ചെയ്‌തി​രി​ക്കു​ന്നു. ഇപ്പോൾ ആളുകളെ ബൈബിൾ പഠിക്കാൻ സഹായി​ക്കു​ന്ന​തി​നാ​യി സമയം സ്വമേ​ധയാ വിനി​യോ​ഗി​ച്ചു​കൊണ്ട്‌ ലി അവരോ​ടുള്ള തന്റെ സ്‌നേഹം പ്രകട​മാ​ക്കു​ന്നു.

ഒരുകാ​ലത്ത്‌ അപ്പൊ​സ്‌ത​ല​നായ പൗലൊ​സും തന്റെ ലക്ഷ്യങ്ങൾ നേടു​ന്ന​തി​നാ​യി അക്രമത്തെ അവലം​ബിച്ച ഒരു ‘നിഷ്‌ഠു​രൻ’ ആയിരു​ന്നു. (1 തിമൊ​ഥെ​യൊസ്‌ 1:13; പ്രവൃ​ത്തി​കൾ 9:1, 2) എന്നിരു​ന്നാ​ലും, യഹോ​വ​യാം ദൈവ​വും യേശു​ക്രി​സ്‌തു​വും തന്നോടു കാണിച്ച കരുണ​യും സ്‌നേ​ഹ​വും മനസ്സി​ലാ​ക്കു​ക​യും വിലമ​തി​ക്കു​ക​യും ചെയ്‌ത​പ്പോൾ ഇതേ ഗുണങ്ങൾ അനുക​രി​ക്കാ​നാ​യി പ്രയത്‌നി​ക്കാൻ അവൻ പ്രേരി​ത​നാ​യി. (1 കൊരി​ന്ത്യർ 11:1) ക്രിസ്‌തീയ തത്ത്വങ്ങൾക്കു​വേണ്ടി ഉറച്ച നിലപാ​ടു സ്വീക​രി​ച്ച​പ്പോൾത്തന്നെ, മറ്റുള്ള​വ​രോ​ടു മൃദു​ല​മാ​യി ഇടപെ​ടാൻ അവൻ പഠിച്ചു. തീർച്ച​യാ​യും, പൗലൊസ്‌ തന്റെ സഹോ​ദ​ര​ങ്ങ​ളോട്‌ കലവറ​യി​ല്ലാത്ത ആർദ്ര സ്‌നേഹം പ്രകട​മാ​ക്കി.—പ്രവൃ​ത്തി​കൾ 20:31, 36-38; ഫിലേ​മോൻ 12.

മൃദു​ല​സ്വ​ഭാ​വം ഉള്ളവരാ​യി​രി​ക്കാ​നുള്ള കരുത്ത്‌ എങ്ങനെ നേടാം?

ലിയു​ടെ​യും പൗലൊസ്‌ അപ്പൊ​സ്‌ത​ല​ന്റെ​യും അനുഭ​വങ്ങൾ കാണി​ക്കു​ന്നത്‌, മറ്റുള്ള​വ​രോ​ടു മൃദു​ല​ഭാ​വ​ത്തോ​ടെ ഇടപെ​ടാൻ പഠിക്കു​മ്പോൾ ഒരാൾ ദുർബ​ല​നാ​യി​ത്തീ​രു​ന്നി​ല്ലെ​ന്നാണ്‌. വാസ്‌ത​വ​ത്തിൽ, നേർ വിപരീ​ത​മാണ്‌ സംഭവി​ക്കു​ന്നത്‌. ചിന്താ​രീ​തി​ക്കും പ്രവർത്ത​ന​ങ്ങൾക്കും പാടേ മാറ്റം വരുത്താ​നും “തിന്മെക്കു പകരം, തിന്മ ചെയ്യാ”നുള്ള ജഡിക ചായ്‌വി​നെ​തി​രെ പോരാ​ടാ​നും ഒരാൾ ശരിക്കും കരുത്ത​നാ​യി​രി​ക്കേ​ണ്ട​തുണ്ട്‌.—റോമർ 12:2, 17.

ദൈവ​വ​ച​നം ക്രമമാ​യി വായി​ച്ചു​കൊ​ണ്ടും യഹോ​വ​യാം ദൈവ​വും അവന്റെ പുത്ര​നായ യേശു​ക്രി​സ്‌തു​വും ഇപ്പോൾത്തന്നെ നമ്മോടു പ്രകടി​പ്പി​ച്ചി​രി​ക്കുന്ന സ്‌നേ​ഹ​ത്തെ​യും കരുണ​യെ​യും കുറിച്ചു ധ്യാനി​ച്ചു​കൊ​ണ്ടും ആർദ്രാ​നു​കമ്പ വളർത്തി​യെ​ടു​ക്കാൻ നമുക്കും സാധി​ക്കും. അങ്ങനെ ചെയ്യു​ക​വഴി നമ്മുടെ ഹൃദയ​ങ്ങളെ അലിയി​ക്കാൻ അഥവാ മയപ്പെ​ടു​ത്താൻ നാം ദൈവ​വ​ച​ന​ത്തി​ന്റെ ശക്തിയെ അനുവ​ദി​ക്കു​ന്നു. (2 ദിനവൃ​ത്താ​ന്തം 34:26, 27; എബ്രായർ 4:12) നമ്മുടെ കുടുംബ പശ്ചാത്തലം എന്തായി​രു​ന്നാ​ലും ജീവി​താ​നു​ഭ​വങ്ങൾ എത്രതന്നെ കയ്‌പേ​റി​യ​താ​യി​രു​ന്നാ​ലും, എല്ലാവ​രോ​ടും മൃദു​ല​ഭാ​വ​മു​ള്ള​വ​രാ​യി​രി​ക്കുന്ന​തി​നു പഠിക്കാൻ നമുക്കു കഴിയും.—2 തിമൊ​ഥെ​യൊസ്‌ 2:24.

[18-ാം പേജിലെ ചിത്രം]

ഒരു നല്ല പിതാവ്‌ തന്റെ മക്കളോട്‌ മൃദു​ല​ഭാ​വ​ത്തോ​ടെ ഇടപെ​ടു​ന്നു