യുവജ​നങ്ങൾ ചോദി​ക്കു​ന്നു . . .

എനിക്കു വികാ​ര​ങ്ങളെ എങ്ങനെ നിയ​ന്ത്രി​ക്കാൻ കഴിയും?

“മാതാ​പി​താ​ക്ക​ളു​ടെ നേരെ ഞാൻ പൊട്ടി​ത്തെ​റി​ക്കു​ക​യും വായിൽവ​രു​ന്ന​തെ​ല്ലാം വിളി​ച്ചു​പ​റ​യു​ക​യും ചെയ്യും. പിന്നെ എല്ലാ​മൊന്ന്‌ കെട്ടട​ങ്ങു​ന്ന​തു​വരെ ഞാൻ അവരിൽനിന്ന്‌ ഒഴിഞ്ഞു​മാ​റി​ന​ട​ക്കും.”—കെയ്‌റ്റ്‌, 13 വയസ്സ്‌.

“അരക്ഷി​ത​ത്വ​ബോ​ധ​മാണ്‌ എന്റെ ഏറ്റവും വലിയ പ്രശ്‌നം. ഉള്ളിൽ ഞാൻ മരിച്ചു​കൊ​ണ്ടി​രി​ക്കു​ക​യാ​ണെന്ന്‌ ചില​പ്പോൾ എനിക്കു തോന്നാ​റുണ്ട്‌.” —ഐവൻ, 19 വയസ്സ്‌.

വികാ​രങ്ങൾ ശക്തമാണ്‌. നിങ്ങളു​ടെ ചിന്ത​യെ​യും പ്രവർത്ത​ന​ത്തെ​യും അവ സ്വാധീ​നി​ക്കു​ന്നു. നല്ലതും മോശ​വു​മായ കാര്യ​ങ്ങൾക്ക്‌ നിങ്ങളെ പ്രചോ​ദി​പ്പി​ക്കാൻ അവയ്‌ക്കു സാധി​ക്കും. ചില അവസര​ങ്ങ​ളിൽ, അവ നിങ്ങളു​ടെ ചിന്താ​പ്രാ​പ്‌തി​യെ​പ്പോ​ലും കീഴ്‌പെ​ടു​ത്തി​യേ​ക്കാം. 20 വയസ്സു​കാ​ര​നായ ജേക്കബ്‌ പറയുന്നു: “ഒന്നിനും കൊള്ളാ​ത്ത​വ​നാ​ണെന്ന തോന്നൽ എന്നെ വിടാതെ പിന്തു​ട​രു​ന്നു. പലപ്പോ​ഴും എന്റെതന്നെ പ്രതീ​ക്ഷ​കൾക്കൊത്ത്‌ ഉയരാൻ എനിക്കു സാധി​ക്കു​ന്നില്ല. ചില​പ്പോൾ ഞാൻ കരയും. മറ്റവസ​ര​ങ്ങ​ളിൽ എനിക്ക്‌ എന്തെന്നി​ല്ലാത്ത അരിശം തോന്നു​ക​യും അത്‌ മറ്റാ​രോ​ടെ​ങ്കി​ലും തീർക്കു​ക​യും ചെയ്യും. എന്റെ വികാ​ര​ങ്ങളെ നിയ​ന്ത്രി​ക്കുക ബുദ്ധി​മു​ട്ടാണ്‌.”

എന്നാൽ, ഒരുവന്റെ വികാ​ര​ങ്ങളെ നിയ​ന്ത്രി​ക്കാൻ പഠിക്കു​ന്നത്‌ പക്വത​യും ഉത്തരവാ​ദി​ത്വ​ബോ​ധ​വു​മുള്ള ഒരു വ്യക്തി​യാ​യി വളരു​ന്ന​തി​ന്റെ ഭാഗമാണ്‌. വികാ​ര​ങ്ങളെ നിയ​ന്ത്രി​ക്കാ​നും അതു​പോ​ലെ​തന്നെ ആളുക​ളു​മാ​യി ഇടപെ​ടാ​നു​മുള്ള കഴിവ്‌ ബുദ്ധി​സാ​മർഥ്യ​ത്തെ​ക്കാ​ളും മൂല്യ​വ​ത്താ​ണെന്നു ചില വിദഗ്‌ധർ ഇപ്പോൾ വിചാ​രി​ക്കു​ന്നു. എന്തായി​രു​ന്നാ​ലും, ഒരുവന്റെ വികാ​ര​ങ്ങളെ നിയ​ന്ത്രി​ക്കു​ന്നത്‌ അങ്ങേയറ്റം പ്രാധാ​ന്യ​മുള്ള സംഗതി​യാ​ണെന്ന്‌ ബൈബിൾ പറയുന്നു. ഉദാഹ​ര​ണ​ത്തിന്‌, സദൃശ​വാ​ക്യ​ങ്ങൾ 25:28 പറയുന്നു: ‘നിന്റെ കോപം നിയ​ന്ത്രി​ക്കാ​നാ​യി​ല്ലെ​ങ്കിൽ, നീ ആക്രമ​ണ​ങ്ങൾക്കു വിധേ​യ​മാ​കുന്ന മതിലി​ല്ലാത്ത നഗരം​പോ​ലെ നിസ്സഹാ​യ​നാണ്‌.’ (ടുഡേ​യ്‌സ്‌ ഇംഗ്ലീഷ്‌ ഭാഷാ​ന്തരം) ഒരുവന്റെ വികാ​ര​ങ്ങളെ നിയ​ന്ത്രി​ക്കു​ന്നത്‌ ഇത്ര ബുദ്ധി​മു​ട്ടാ​ക്കി​ത്തീർക്കു​ന്നത്‌ എന്താണ്‌?

യുവാ​ക്കൾക്ക്‌ ഒരു വെല്ലു​വി​ളി

എല്ലാ പ്രായ​ത്തി​ലും പശ്ചാത്ത​ല​ത്തി​ലു​മുള്ള ആളുകൾ തങ്ങളുടെ വികാ​ര​ങ്ങളെ നിയ​ന്ത്രി​ക്കാൻ പോരാ​ടു​ന്നു. എന്നിരു​ന്നാ​ലും ഒരുവൻ കൗമാ​ര​ത്തിൽനി​ന്നു പ്രായ​പൂർത്തി​യി​ലേക്കു കടക്കുന്ന ഘട്ടത്തിൽ ഈ പോരാ​ട്ടം പ്രത്യേ​കാൽ വെല്ലു​വി​ളി നിറഞ്ഞ​താ​യി​രു​ന്നേ​ക്കാം. രൂത്ത്‌ ബെലിന്റെ മാറുന്ന ശരീരങ്ങൾ, മാറുന്ന ജീവി​തങ്ങൾ (ഇംഗ്ലീഷ്‌) എന്ന പുസ്‌തകം പറയുന്നു: “ഉന്മാദം, സന്തോഷം, ഭയം എന്നിവ​യു​ടെ സമ്മി​ശ്ര​വി​കാ​രങ്ങൾ തങ്ങളെ കുഴക്കു​ന്ന​താ​യി മിക്ക കൗമാ​ര​പ്രാ​യ​ക്കാർക്കും തോന്നു​ന്നു. ഒരേ കാര്യത്തെ സംബന്ധി​ച്ചു​തന്നെ ഒരേ സമയം വ്യത്യസ്‌ത വിധത്തിൽ തോന്നുന്ന നിരവധി ആളുക​ളുണ്ട്‌. . . . നിമി​ഷ​ങ്ങൾകൊണ്ട്‌ വികാ​രങ്ങൾ മാറി​മ​റി​ഞ്ഞേ​ക്കാം. ഒരു നിമിഷം തോന്നു​ന്ന​തിൽനിന്ന്‌ തികച്ചും വ്യത്യ​സ്‌ത​മാ​യി​ട്ടാ​യി​രി​ക്കാം അടുത്ത നിമിഷം തേന്നു​ന്നത്‌.

ഒരു യുവവ്യ​ക്തി​യെ​ന്ന​നി​ല​യിൽ, നിങ്ങൾക്ക്‌ അനുഭ​വ​പ​രി​ച​യ​ത്തി​ന്റെ കുറവു​മു​ണ്ടാ​യി​രി​ക്കാം. (സദൃശ​വാ​ക്യ​ങ്ങൾ 1:4) അതു​കൊണ്ട്‌ പുതിയ സാഹച​ര്യ​ങ്ങ​ളെ​യും വെല്ലു​വി​ളി​ക​ളെ​യും ആദ്യമാ​യി അഭിമു​ഖീ​ക​രി​ക്കു​മ്പോൾ, അൽപ്പം അരക്ഷി​ത​ത്വ​ബോ​ധം തോന്നു​ന്ന​തോ ഒരുപക്ഷേ വികാ​രാ​ധീ​ന​നാ​കു​ന്ന​തോ  സ്വാഭാ​വി​കം മാത്രം. സന്തോ​ഷ​ക​ര​മെന്നു പറയട്ടെ, നിങ്ങളു​ടെ സ്രഷ്ടാവ്‌ നിങ്ങളു​ടെ വികാ​ര​ങ്ങളെ നല്ലവണ്ണം മനസ്സി​ലാ​ക്കു​ന്നു. നിങ്ങളു​ടെ “നിനവു​കൾ,” ഏറെ കൃത്യ​മാ​യി പറഞ്ഞാൽ നിങ്ങളെ അസ്വസ്ഥ​മാ​ക്കുന്ന ചിന്തകൾപോ​ലും അവന്‌ അറിയാം. (സങ്കീർത്തനം 139:23) വികാ​രങ്ങൾ നിയ​ന്ത്രി​ക്കു​ന്ന​തി​നോ​ടുള്ള ബന്ധത്തിൽ നിങ്ങളെ സഹായി​ക്കാൻ കഴിയുന്ന ചില തത്ത്വങ്ങൾ അവൻ തന്റെ വചനത്തിൽ നൽകി​യി​രി​ക്കു​ന്നു.

വികാ​ര​ങ്ങളെ നിയ​ന്ത്രി​ക്കു​ന്ന​തി​നുള്ള ഒരു സുപ്ര​ധാന മാർഗം

വികാ​ര​ങ്ങളെ നിയ​ന്ത്രി​ക്കു​ന്ന​തി​നുള്ള ഒരു സുപ്ര​ധാന പടി നിങ്ങളു​ടെ ചിന്തകളെ നിയ​ന്ത്രി​ക്കാൻ പഠിക്കു​ക​യെ​ന്ന​താണ്‌. നിഷേ​ധാ​ത്മക ചിന്തകൾ പ്രവർത്ത​ന​ത്തിന്‌ ആവശ്യ​മായ ഊർജം ചോർത്തി​ക്ക​ള​യും. (സദൃശ​വാ​ക്യ​ങ്ങൾ 24:10) എന്നാൽ ക്രിയാ​ത്മ​ക​മാ​യി ചിന്തി​ക്കാൻ പഠിക്കു​ന്ന​തി​നും അതുവഴി വികാ​ര​ങ്ങളെ നിയ​ന്ത്രി​ക്കു​ന്ന​തി​നും നിങ്ങൾക്ക്‌ എങ്ങനെ കഴിയും?

നിങ്ങൾക്കു വിഷാ​ദ​മോ അരക്ഷി​ത​ത്വ​ബോ​ധ​മോ തോന്നാൻ ഇടയാ​ക്കുന്ന നിഷേ​ധാ​ത്മക കാര്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കാ​തി​രി​ക്കു​ന്ന​താണ്‌ ഒരു മാർഗം. “ഘന”മായതും “നീതി”യായതു​മായ കാര്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കുക എന്ന ബൈബിൾ ബുദ്ധി​യു​പ​ദേശം അനുസ​രി​ക്കു​ക​യാ​ണെ​ങ്കിൽ നിങ്ങൾക്ക്‌ നിഷേ​ധാ​ത്മ​ക​മാ​യി ചിന്തി​ക്കു​ന്ന​തി​നു പകരം ക്രിയാ​ത്മ​ക​മാ​യി ചിന്തി​ക്കാൻ കഴിയും. (ഫിലി​പ്പി​യർ 4:8) ഇങ്ങനെ ചെയ്യു​ന്നത്‌ ഒരുപക്ഷേ എളുപ്പ​മാ​യി​രി​ക്കില്ല, എങ്കിലും ശ്രമി​ക്കു​ന്ന​പക്ഷം നിങ്ങൾക്ക്‌ അതിനു സാധി​ക്കും.

ജാസ്‌മിൻ എന്ന യുവതി​യു​ടെ കാര്യ​മെ​ടു​ക്കുക. ഒരിക്കൽ അവൾ ഇങ്ങനെ വിലപി​ക്കു​ക​യു​ണ്ടാ​യി: “എനിക്കു ചെയ്യേ​ണ്ടി​വ​രുന്ന കാര്യങ്ങൾ എന്നെ അങ്ങേയറ്റം ക്ഷീണി​ത​യാ​ക്കു​ന്നു. പുതിയ ജോലി, പുതിയ ഉത്തരവാ​ദി​ത്വ​ങ്ങൾ. വൈകാ​രി​ക​മാ​യി ഞാനാകെ തളർന്നു​പോ​കു​ന്നു. നേരെ ഒന്നു ശ്വാസം​വി​ടാൻപോ​ലും എനിക്കു കഴിയു​ന്നില്ല.” അരക്ഷി​ത​ത്വ​ബോ​ധ​ത്തി​നും ആത്മവി​ശ്വാ​സ​ക്കു​റ​വി​നും ഇടയാ​ക്കുന്ന ഇത്തരത്തി​ലുള്ള തോന്ന​ലു​കൾ ചില സന്ദർഭ​ങ്ങ​ളിൽ യുവജ​ന​ങ്ങൾക്ക്‌ ഉണ്ടാകു​ന്ന​തിൽ ആശ്ചര്യ​പ്പെ​ടാ​നില്ല. യുവാ​വായ തിമൊ​ഥെ​യൊ​സി​നെ​ക്കു​റിച്ച്‌ ബൈബിൾ നമ്മോടു പറയുന്നു. അവൻ തന്നെ ഭരമേൽപ്പിച്ച ചുമത​ലകൾ ഏറ്റെടു​ക്കാൻ ഏറ്റവും യോഗ്യ​നാ​യി​രു​ന്നു. എന്നിട്ടും തനിക്ക്‌ വേണ്ടത്ര കഴിവില്ല എന്നൊരു ചിന്ത അവന്‌ ഉണ്ടായി​രു​ന്ന​താ​യി തോന്നു​ന്നു.—1 തിമൊ​ഥെ​യൊസ്‌ 4:11-16; 2 തിമൊ​ഥെ​യൊസ്‌ 1:6, 7.

പുതി​യ​തോ പരിച​യ​മി​ല്ലാ​ത്ത​തോ ആയ ജോലി​കൾ ഏറ്റെടു​ക്കേ​ണ്ടി​വ​രു​മ്പോൾ സുരക്ഷി​ത​ത്വ​മി​ല്ലായ്‌മ തോന്നാൻ സാധ്യ​ത​യുണ്ട്‌. ‘എന്നെ​ക്കൊണ്ട്‌ ഇത്‌ ഒരിക്ക​ലും ചെയ്യാ​നാ​വില്ല’ എന്നു നിങ്ങൾ പറഞ്ഞേ​ക്കാം. എന്നിരു​ന്നാ​ലും നിഷേ​ധാ​ത്മക ചിന്തക​ളിൽ മനസ്സു കേന്ദ്രീ​ക​രി​ക്കു​ന്നത്‌ ഒഴിവാ​ക്കു​ക​യാ​ണെ​ങ്കിൽ സുരക്ഷി​ത​ത്വ​മി​ല്ലാ​യ്‌മ​യു​ടെ ഇത്തരം വികാ​രങ്ങൾ നിയ​ന്ത്രി​ക്കാ​നാ​കും. ജോലി വൈദ​ഗ്‌ധ്യ​ത്തോ​ടെ ചെയ്യാൻ പഠിക്കു​ന്ന​തിൽ ശ്രദ്ധ​കേ​ന്ദ്രീ​ക​രി​ക്കുക. ചോദ്യ​ങ്ങൾ ചോദി​ക്കു​ക​യും നിർദേ​ശങ്ങൾ അനുസ​രി​ക്കു​ക​യും ചെയ്യുക.—സദൃശ​വാ​ക്യ​ങ്ങൾ 1:5, 7.

ഒരു ജോലി​യിൽ എത്രയ​ധി​കം വൈദ​ഗ്‌ധ്യം നേടു​ന്നു​വോ അത്ര കുറച്ചേ നിങ്ങൾക്കു സുരക്ഷി​ത​ത്വ​മി​ല്ലായ്‌മ അനുഭ​വ​പ്പെ​ടു​ക​യു​ള്ളൂ. നിങ്ങളു​ടെ ബലഹീ​ന​ത​ക​ളെ​ക്കു​റി​ച്ചു മാത്രം സദാ ചിന്തി​ച്ചു​കൊ​ണ്ടി​രി​ക്ക​രുത്‌. അങ്ങനെ ചെയ്യു​ന്നത്‌ മെച്ച​പ്പെ​ടാൻ കഠിന​ശ്രമം ചെയ്യു​ന്ന​തിൽനി​ന്നു നിങ്ങളെ തടയും. ഒരിക്കൽ വിമർശി​ക്ക​പ്പെ​ട്ട​പ്പോൾ അപ്പൊ​സ്‌ത​ല​നായ പൗലൊസ്‌ പറഞ്ഞു: “ഞാൻ വാക്‌സാ​മർത്ഥ്യ​മി​ല്ലാ​ത്തവൻ എങ്കിലും പരിജ്ഞാ​ന​മി​ല്ലാ​ത്ത​വനല്ല.” (2 കൊരി​ന്ത്യർ 10:10; 11:6) ഇതു​പോ​ലെ, നിങ്ങൾക്കുള്ള കഴിവു​കൾ തിരി​ച്ച​റി​ഞ്ഞു​കൊ​ണ്ടും ബലഹീ​ന​തകൾ തരണം ചെയ്യാ​നുള്ള സഹായ​ത്തി​നാ​യി ദൈവ​ത്തി​ലേക്കു തിരി​ഞ്ഞു​കൊ​ണ്ടും നിങ്ങൾക്കും ആത്മവി​ശ്വാ​സം വളർത്തി​യെ​ടു​ക്കാൻ കഴിയും. കഴിഞ്ഞ​കാ​ലത്ത്‌ ദൈവം ആളുകളെ സഹായി​ച്ച​തു​പോ​ലെ​തന്നെ അവനു നിങ്ങ​ളെ​യും സഹായി​ക്കാൻ കഴിയും.—പുറപ്പാ​ടു 4:10.

ന്യായ​വും പ്രാ​യോ​ഗി​ക​വു​മായ ലക്ഷ്യങ്ങൾ വെക്കു​ക​യും നിങ്ങളു​ടെ പരിമി​തി​കൾ തിരി​ച്ച​റി​യു​ക​യും ചെയ്യുക എന്നതാണു വികാ​ര​ങ്ങളെ നിയ​ന്ത്രി​ക്കാൻ സഹായി​ക്കുന്ന മറ്റൊരു കാര്യം. അതു​പോ​ലെ​തന്നെ നിങ്ങളെ മറ്റുള്ള​വ​രു​മാ​യി അന്യാ​യ​മാ​യി താരത​മ്യ​പ്പെ​ടു​ത്തു​ന്ന​തും ഒഴിവാ​ക്കുക. ഗലാത്യർ 6:4-ൽ (NW) ബൈബിൾ ഇതു സംബന്ധിച്ച്‌ നല്ല ബുദ്ധി​യു​പ​ദേശം നൽകുന്നു: “ഓരോ​രു​ത്ത​നും തന്റെ സ്വന്തം പ്രവൃത്തി എന്തെന്നു തെളി​യി​ക്കട്ടെ. അപ്പോൾ അവനു തന്നേക്കു​റി​ച്ചു​തന്നെ ആഹ്ലാദ​ത്തി​നു കാരണ​മു​ണ്ടാ​യി​രി​ക്കും, മറ്റേയാ​ളി​നോ​ടുള്ള താരത​മ്യ​ത്തി​ലല്ല.”

കോപ​ത്തി​നു താമസ​മു​ള്ള​വ​രാ​യി​രി​ക്കുക

കോപം അടക്കുക എന്നത്‌ ദുഷ്‌ക​ര​മായ മറ്റൊരു വെല്ലു​വി​ളി​യാ​യി​രു​ന്നേ​ക്കാം. തുടക്ക​ത്തിൽ പരാമർശിച്ച കെയ്‌റ്റി​നെ​പ്പോ​ലെ, വ്രണ​പ്പെ​ടു​ത്തു​ന്ന​തോ വിനാ​ശ​ക​ര​മോ ആയ വിധത്തിൽ സംസാ​രി​ക്കു​ക​യും പ്രവർത്തി​ക്കു​ക​യും ചെയ്യു​ന്ന​തി​നു കോപം പല യുവജ​ന​ങ്ങ​ളെ​യും പ്രേരി​പ്പി​ക്കു​ന്നു.

ചില സമയങ്ങ​ളിൽ കോപം തോന്നു​ന്നതു സ്വാഭാ​വി​ക​മാണ്‌ എന്നതു ശരിതന്നെ. എന്നിരു​ന്നാ​ലും ആദ്യ കൊല​പാ​ത​കി​യായ കയീ​നെ​ക്കു​റിച്ച്‌ ഓർക്കുക. അവന്‌ “ഏറ്റവും കോപ​മു​ണ്ടായ”പ്പോൾ അത്തരം കോപം അവനെ ഗുരു​ത​ര​മായ പാപം ചെയ്യു​ന്ന​തി​ലേക്കു നയിക്കു​മെന്ന്‌ ദൈവം മുന്നറി​യി​പ്പു നൽകി. ദൈവം അവനോ​ടു കൽപ്പിച്ചു: “നീയോ അതിനെ [പാപത്തെ] കീഴട​ക്കേണം.” (ഉല്‌പത്തി 4:5-7) ഈ ദിവ്യ ഉപദേശം അനുസ​രി​ക്കു​ന്ന​തിൽ കയീൻ പരാജ​യ​പ്പെട്ടു, എന്നിരു​ന്നാ​ലും ദൈവ​ത്തി​ന്റെ സഹായ​ത്തോ​ടെ നിങ്ങൾക്കു കോപത്തെ നിയ​ന്ത്രി​ക്കാ​നും പാപം ചെയ്യു​ന്നത്‌ ഒഴിവാ​ക്കാ​നും സാധി​ക്കും!

നിങ്ങളു​ടെ ചിന്തകളെ നിയ​ന്ത്രി​ക്കു​ന്ന​താണ്‌ ഇവി​ടെ​യും ഉൾപ്പെ​ട്ടി​രി​ക്കു​ന്നത്‌. സദൃശ​വാ​ക്യ​ങ്ങൾ 19:11-ൽ ബൈബിൾ പറയുന്നു: “വിവേ​ക​ബു​ദ്ധി​യാൽ മനുഷ്യ​ന്നു ദീർഘ​ക്ഷ​മ​വ​രു​ന്നു; ലംഘനം ക്ഷമിക്കു​ന്നതു അവന്നു ഭൂഷണം.”  ആരെങ്കി​ലും നിങ്ങളെ വേദനി​പ്പി​ക്കു​മ്പോൾ അവൻ അല്ലെങ്കിൽ അവൾ എന്തു​കൊണ്ട്‌ ആ വിധത്തിൽ പെരു​മാ​റി എന്നു മനസ്സി​ലാ​ക്കാൻ ശ്രമി​ക്കുക. ആ വ്യക്തി മനഃപൂർവം നിങ്ങളെ വേദനി​പ്പി​ക്കാൻ ശ്രമി​ക്കു​ക​യാ​യി​രു​ന്നോ? അതോ അറിവി​ല്ലായ്‌മ മൂലം അല്ലെങ്കിൽ ചിന്തി​ക്കാ​തെ എടുത്തു​ചാ​ടി പ്രവർത്തി​ച്ച​താ​യി​രി​ക്കു​മോ? മറ്റുള്ള​വ​രു​ടെ പിഴവു​കൾ സഹിക്കു​ന്നത്‌ ദൈവ​ത്തി​ന്റെ കരുണയെ പ്രതി​ഫ​ലി​പ്പി​ക്കു​ക​യും കോപ​ത്തി​നു താമസ​മു​ള്ള​വ​രാ​യി​രി​ക്കാൻ നിങ്ങളെ സഹായി​ക്കു​ക​യും ചെയ്യും.

ഇനി കോപി​ക്കു​ന്ന​തി​നു തക്കതായ കാരണ​മു​ണ്ടെ​ങ്കി​ലോ? തിരു​വെ​ഴു​ത്തു​കൾ പറയുന്നു: “കോപി​ച്ചാൽ പാപം ചെയ്യാ​തി​രി​പ്പിൻ.” (എഫെസ്യർ 4:26) ആവശ്യ​മെ​ങ്കിൽ മറ്റേ വ്യക്തി​യു​മാ​യി കാര്യം തുറന്നു സംസാ​രി​ക്കുക. (മത്തായി 5:23, 24) അല്ലെങ്കിൽ ഒരുപക്ഷേ ചെയ്യാൻ കഴിയുന്ന ഏറ്റവും നല്ല സംഗതി ആ കാര്യം മറന്നു​ക​ള​യു​ന്ന​താണ്‌. അതേ, കോപം വിട്ടു​ക​ളഞ്ഞ്‌ നിങ്ങളു​ടെ അനുദിന ജീവിത കാര്യാ​ദി​ക​ളു​മാ​യി മനസ്സമാ​ധാ​ന​ത്തോ​ടെ മുന്നോ​ട്ടു പോകുക.

രസാവ​ഹ​മാ​യി, നിങ്ങൾ കോപം കൈകാ​ര്യം ചെയ്യുന്ന വിധത്തി​ന്മേൽ നിങ്ങളു​ടെ സുഹൃ​ത്തു​ക്കൾക്കു സ്വാധീ​ന​മു​ണ്ടാ​യി​രി​ക്കും. ബൈബിൾ ഇങ്ങനെ മുന്നറി​യി​പ്പു നൽകുന്നു: “കോപ​ശീ​ല​നോ​ടു സഖിത്വ​മ​രു​തു; ക്രോ​ധ​മുള്ള മനുഷ്യ​നോ​ടു​കൂ​ടെ നടക്കയും അരുതു. നീ അവന്റെ വഴികളെ പഠിപ്പാ​നും നിന്റെ പ്രാണൻ കെണി​യിൽ അകപ്പെ​ടു​വാ​നും സംഗതി വരരുതു.”—സദൃശ​വാ​ക്യ​ങ്ങൾ 22:24, 25.

കോപം നിയ​ന്ത്രി​ക്കാൻ ശ്രമം ചെയ്യു​ന്ന​വ​രോ​ടൊ​പ്പം സഹവസി​ക്കു​ന്നത്‌ ആത്മനി​യ​ന്ത്രണം വളർത്തി​യെ​ടു​ക്കാൻ നിങ്ങളെ സഹായി​ക്കും. യഹോ​വ​യു​ടെ സാക്ഷി​ക​ളു​ടെ ക്രിസ്‌തീയ സഭകൾ പക്വത​യുള്ള ഇത്തരം വ്യക്തി​ക​ളെ​ക്കൊ​ണ്ടു സമ്പന്നമാണ്‌. അവരിൽ പലരും നിങ്ങ​ളെ​ക്കാൾ പ്രായ​വും അനുഭ​വ​പ​രി​ച​യ​വു​മു​ള്ള​വ​രാണ്‌. അവരിൽ ചിലരെ അടുത്ത​റി​യാൻ ശ്രമി​ക്കുക. അവർ പ്രശ്‌ന​ങ്ങളെ എങ്ങനെ കൈകാ​ര്യം ചെയ്യു​ന്നു​വെന്നു നിരീ​ക്ഷി​ക്കുക. ബുദ്ധി​മു​ട്ടു​കൾ നേരി​ടു​മ്പോൾ നിങ്ങൾക്ക്‌ ‘വിദഗ്‌ധ മാർഗ​നിർദേശം’ നൽകാ​നും അവർക്കു കഴി​ഞ്ഞേ​ക്കാം. (സദൃശ​വാ​ക്യ​ങ്ങൾ 24:6, NW) നേരത്തേ ഉദ്ധരിച്ച ജേക്കബ്‌ പറയുന്നു: “എന്നെ ദൈവ​വ​ച​ന​ത്തെ​ക്കു​റിച്ച്‌ ഓർമി​പ്പി​ക്കുന്ന പക്വത​യുള്ള ഒരു സുഹൃത്ത്‌ അങ്ങേയറ്റം വില​പ്പെ​ട്ട​വ​നാണ്‌. യഹോവ എന്റെ കുറവു​കൾ കണക്കി​ലെ​ടു​ക്കാ​തെ എന്നെ സ്‌നേ​ഹി​ക്കു​ന്നു​ണ്ടെന്ന്‌ ഓർക്കു​മ്പോൾ, വികാ​ര​ങ്ങളെ നിയ​ന്ത്രി​ക്കാ​നും ശാന്തനാ​യി​രി​ക്കാ​നും എനിക്കു സാധി​ക്കു​ന്നു.”

മറ്റു പ്രാ​യോ​ഗിക പടികൾ

ഏറെ പ്രചാ​ര​മുള്ള ഒരു വ്യായാമ പുസ്‌തകം പറയുന്നു: “ശരീരം ചലിപ്പി​ക്കുന്ന വിധം മാനസ്സി​ക​ഭാ​വത്തെ സ്വാധീ​നി​ക്കു​ന്നു​വെന്ന്‌ അസംഖ്യം പഠനങ്ങൾ തെളി​യി​ച്ചി​രി​ക്കു​ന്നു. ജീവര​സ​ത​ന്ത്രം മുഖാ​ന്ത​ര​മാണ്‌ ഇതു സാധ്യ​മാ​കു​ന്നത്‌. ശരീര​ച​ല​ന​ങ്ങ​ളു​ടെ രീതി​യ​നു​സ​രിച്ച്‌ ഹോർമോ​ണു​ക​ളു​ടെ​യും ഓക്‌സി​ജ​ന്റെ​യും അളവു​കൾക്കു മാറ്റം സംഭവി​ക്കു​ന്നു.” വ്യായാ​മം പ്രയോ​ജ​ന​പ്ര​ദ​മാ​ണെ​ന്നു​ള്ള​തി​നു സംശയ​മില്ല. ബൈബിൾ നമ്മോടു പറയുന്നു: “ശരീരാ​ഭ്യാ​സം അല്‌പ​പ്ര​യോ​ജ​ന​മു​ള്ള​ത​ത്രേ” (1 തിമൊ​ഥെ​യൊസ്‌ 4:8) ന്യായ​മായ രീതി​യിൽ ക്രമമാ​യി വ്യായാ​മം ചെയ്യു​ക​യെ​ന്നത്‌ എന്തു​കൊണ്ട്‌ ഒരു ശീലമാ​ക്കി​ക്കൂ​ടാ? അതിന്‌ നിങ്ങളു​ടെ വികാ​ര​ങ്ങ​ളു​ടെ​മേൽ നല്ല ഫലമു​ള​വാ​ക്കാ​നാ​കും. അതു​പോ​ലെ​തന്നെ ആരോ​ഗ്യ​ക​ര​മായ ഭക്ഷണ​ക്ര​മ​മു​ണ്ടാ​യി​രി​ക്കു​ന്ന​തും പ്രയോ​ജ​നങ്ങൾ കൈവ​രു​ത്തും.

സംഗീ​ത​വും വിനോ​ദ​വും സംബന്ധിച്ച നിങ്ങളു​ടെ തിര​ഞ്ഞെ​ടു​പ്പു​കൾക്കും ശ്രദ്ധ നൽകുക. ദ ഹാർവാർഡ്‌ മെന്റൽ ഹെൽത്ത്‌ ലെറ്ററിൽ പ്രസി​ദ്ധീ​ക​രിച്ച ഒരു പഠന റിപ്പോർട്ട്‌ ഇപ്രകാ​രം പറയുന്നു: “അക്രമം വീക്ഷി​ക്കു​ന്നത്‌ . . . കോപ​ത്തെ​യും അക്രമ​വി​കാ​ര​ങ്ങ​ളെ​യും ഉണർത്തു​ന്നു. . . . അക്രമാ​സ​ക്ത​മായ ചലച്ചി​ത്രങ്ങൾ വീക്ഷി​ക്കുന്ന ആളുക​ളിൽ അക്രമ ചിന്തകൾ കൂടു​ത​ലാ​യി​രു​ന്നു. മാത്രമല്ല അവരുടെ രക്തസമ്മർദം ഉയരു​ക​യും ചെയ്‌തു.” അതു​കൊണ്ട്‌ എന്തു കാണു​ക​യും കേൾക്കു​ക​യും വേണ​മെ​ന്നതു സംബന്ധിച്ച്‌ ജ്ഞാനപൂർവ​ക​മായ തീരു​മാ​ന​ങ്ങ​ളെ​ടു​ക്കുക.—സങ്കീർത്തനം 1:1-3; 1 കൊരി​ന്ത്യർ 15:33, NW.

അവസാ​ന​മാ​യി, വികാ​ര​ങ്ങളെ നിയ​ന്ത്രി​ക്കാൻ പഠിക്കു​ന്ന​തി​നുള്ള ഏറ്റവും നല്ല വഴി സ്രഷ്ടാ​വു​മാ​യി ഒരു അടുത്ത ബന്ധം വളർത്തി​യെ​ടു​ക്കുക എന്നതാണ്‌. പ്രാർഥ​ന​യിൽ അവനോ​ടു സംസാ​രി​ക്കാ​നും നമ്മുടെ ചിന്തക​ളും വികാ​ര​ങ്ങ​ളും അവനെ അറിയി​ക്കാ​നും അവൻ നമ്മെ ഓരോ​രു​ത്ത​രെ​യും ക്ഷണിക്കു​ന്നു. പൗലൊസ്‌ അപ്പൊ​സ്‌തലൻ ഇങ്ങനെ ഉദ്‌ബോ​ധി​പ്പി​ച്ചു: “ഒന്നി​നെ​ക്കു​റി​ച്ചും വിചാ​ര​പ്പെ​ട​രു​തു; . . . നിങ്ങളു​ടെ ആവശ്യങ്ങൾ . . . ദൈവ​ത്തോ​ടു അറിയി​ക്ക​യ​ത്രേ വേണ്ടതു. എന്നാൽ സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും . . . കാക്കും.” അതേ, ജീവി​ത​ത്തിൽ ഏതൊരു സാഹച​ര്യ​ത്തെ​യും നേരി​ടാ​നുള്ള ഉൾക്കരുത്ത്‌ നിങ്ങൾക്ക്‌ ആർജി​ച്ചെ​ടു​ക്കാൻ സാധി​ക്കും. അപ്പൊ​സ്‌ത​ല​നായ പൗലൊസ്‌ കൂട്ടി​ച്ചേർത്തു: “എന്നെ ശക്തനാ​ക്കു​ന്നവൻ മുഖാ​ന്തരം ഞാൻ സകലത്തി​ന്നും മതിയാ​കു​ന്നു.”—ഫിലി​പ്പി​യർ 4:6, 7, 13.

ചെറു​പ്പ​ക്കാ​രി​യായ മലികാ പറയുന്നു: “ഞാൻ കൂടെ​ക്കൂ​ടെ പ്രാർഥി​ക്കാൻ പഠിച്ചി​രി​ക്കു​ന്നു. യഹോവ കരുതു​ന്നു​ണ്ടെന്ന അറിവ്‌ ശാന്തയാ​യി​രി​ക്കാ​നും വികാ​ര​ങ്ങളെ മെച്ചമാ​യി നിയ​ന്ത്രി​ക്കാ​നും എന്നെ സഹായി​ക്കു​ന്നു.” ദൈവ​ത്തി​ന്റെ സഹായ​ത്താൽ നിങ്ങൾക്കും വികാ​ര​ങ്ങളെ നിയ​ന്ത്രി​ക്കാൻ പഠിക്കാ​നാ​കും.

[19-ാം പേജിലെ ആകർഷക വാക്യം]

വികാ​ര​ങ്ങ​ളെ നിയ​ന്ത്രി​ക്കു​ന്ന​തി​നുള്ള ഒരു സുപ്ര​ധാന പടി ചിന്തകളെ നിയ​ന്ത്രി​ക്കാൻ പഠിക്കു​ക​യെ​ന്ന​താണ്‌

[20-ാം പേജിലെ ചിത്രം]

മുതിർന്നവരോടു സഹവസി​ക്കു​ന്ന​തി​ലൂ​ടെ വികാ​ര​ങ്ങളെ കൈകാ​ര്യം ചെയ്യേണ്ട വിധം പഠിക്കാ​നാ​കും