“മിച്ചംവന്ന” ഡിഎൻഎ-യോ?

ഗവേഷ​ക​രിൽ അനേക​രും പരിണാമ സിദ്ധാ​ന്ത​ത്തി​ന്റെ ചുവടു​പി​ടി​ച്ചാണ്‌ ജീവശാ​സ്‌ത്രം, ജനിത​ക​ശാ​സ്‌ത്രം തുടങ്ങി​യ​വ​യെ​യും അവയോ​ടു ബന്ധപ്പെട്ട മേഖല​ക​ളെ​യും പഠനവി​ധേ​യ​മാ​ക്കു​ന്നത്‌. ഫലമോ? പലപ്പോ​ഴും ഇത്‌ അവരെ തെറ്റായ നിഗമ​ന​ങ്ങ​ളി​ലേക്കു നയിച്ചി​ട്ടുണ്ട്‌. ഉദാഹ​ര​ണ​ത്തിന്‌, അപ്പെൻഡി​ക്‌സ്‌, പിറ്റ്യൂ​ട്ടറി ഗ്രന്ഥി, ടോൺസിൽസ്‌ തുടങ്ങിയ ചില ശരീര​ഭാ​ഗങ്ങൾ യാതൊ​രു ധർമവും നിർവ​ഹി​ക്കു​ന്നി​ല്ലെ​ന്നാണ്‌ ആദ്യകാല ഡാർവിൻ അനുഭാ​വി​കൾ കരുതി​യി​രു​ന്നത്‌. അതു​കൊണ്ട്‌ അവ പരിണാ​മ​പ്ര​ക്രി​യ​യിൽ മിച്ചം വന്നതാ​ണെന്ന്‌ അവർ നിഗമനം ചെയ്‌തു. എന്നാൽ കാലാ​ന്ത​ര​ത്തിൽ ഈ അവയവ​ങ്ങ​ളു​ടെ സുപ്ര​ധാന ധർമം കണ്ടുപി​ടി​ക്ക​പ്പെട്ടു. അപ്പോൾ, പരിണാമ വാദി​കൾക്ക്‌ അവരുടെ മുൻധാ​ര​ണകൾ മാറ്റേ​ണ്ടി​വന്നു.

ജനിത​ക​ശാ​സ്‌ത്ര മേഖല​യിൽ അടുത്ത​കാ​ലത്ത്‌ സമാന​മായ ഒരു സംഗതി സംഭവി​ച്ചു. മനുഷ്യ​നി​ലെ​യും മറ്റു ജീവി​ക​ളി​ലെ​യും ഡിഎൻഎ-യുടെ ഏതാണ്ട്‌ 98 ശതമാനം യാതൊ​രു ധർമവും നിർവ​ഹി​ക്കു​ന്നി​ല്ലെ​ന്നാ​യി​രു​ന്നു ഗവേഷ​ക​രു​ടെ അഭി​പ്രാ​യം. അതു​കൊണ്ട്‌, പരിണാമ സിദ്ധാ​ന്ത​ത്താൽ സ്വാധീ​നി​ക്ക​പ്പെട്ട പലരും ഈ ഡിഎൻഎ-യെ “പരിണാ​മ​പ്ര​ക്രി​യ​യിൽ മിച്ചംവന്ന”തായി കരുതി. ഈ വീക്ഷണ​മാ​കട്ടെ പൊടു​ന്നനെ അംഗീ​ക​രി​ക്ക​പ്പെ​ടു​ക​യും ചെയ്‌തു.

എന്നിരു​ന്നാ​ലും, ഡാർവി​ന്റെ സിദ്ധാ​ന്ത​ത്തിൽ വേരൂ​ന്നിയ ആ സങ്കൽപ്പ​വും കാലം പിഴു​തെ​റി​ഞ്ഞു. ‘മിച്ചം​വ​ന്നത്‌’ എന്നു മുദ്ര​കു​ത്ത​പ്പെട്ട ഡിഎൻഎ, ജീവന്‌ അതി​പ്ര​ധാ​ന​മായ പ്രത്യേക തരങ്ങളി​ലുള്ള ആർഎൻഎ (റൈബോ ന്യൂക്ലിക്‌ അമ്ലം) ഉത്‌പാ​ദി​പ്പി​ച്ചു​കൊണ്ട്‌ ശരീര​ത്തിൽ മർമ​പ്ര​ധാ​ന​മായ ഒരു ധർമം നിർവ​ഹി​ക്കു​ന്ന​താ​യി അടുത്ത​യി​ടെ ശാസ്‌ത്രജ്ഞർ കണ്ടെത്തി. “മിച്ചംവന്ന” ഡിഎൻഎ-യെ സംബന്ധി​ച്ചുള്ള സിദ്ധാന്തം തിടു​ക്ക​ത്തിൽ സ്വീക​രി​ച്ചത്‌, “സ്ഥാപിത അഭി​പ്രാ​യ​ത്തിൽ കടിച്ചു​തൂ​ങ്ങു​ന്നതു വസ്‌തു​തകൾ വസ്‌തു​നി​ഷ്‌ഠ​മാ​യി അപഗ്ര​ഥി​ക്കു​ന്ന​തി​നെ എങ്ങനെ വികല​മാ​ക്കും എന്നതിന്റെ ഒരു ഉത്തമോ​ദാ​ഹ​ര​ണ​മാണ്‌. ഈ കേസിൽ അത്‌ കാൽനൂ​റ്റാ​ണ്ടു കാലം നിലനി​ന്നു,” എന്ന്‌ ഓസ്‌​ട്രേ​ലി​യ​യി​ലെ ക്വീൻസ്‌ലാൻഡ്‌ സർവക​ലാ​ശാ​ല​യി​ലെ തന്മാത്രാ ബയോ​സ​യൻസ്‌ ഇൻസ്റ്റി​റ്റ്യൂ​ട്ടി​ന്റെ ഡയറക്ട​റായ ജോൺ എസ്‌. മാറ്റിക്‌ അഭി​പ്രാ​യ​പ്പെ​ടു​ന്നു. ഈ പരാജയം, “തന്മാത്രാ ജീവശാ​സ്‌ത്ര​ത്തി​ന്റെ ചരി​ത്ര​ത്തി​ലെ ഏറ്റവും വലിയ പാളി​ച്ച​ക​ളിൽ ഒന്നായി സ്‌മരി​ക്ക​പ്പെ​ടാൻ വളരെ സാധ്യ​ത​യുണ്ട്‌,” അദ്ദേഹം കൂട്ടി​ച്ചേർക്കു​ന്നു.

ഡിഎൻഎ-യ്‌ക്ക്‌ ബുദ്ധി​ശാ​ലി​യായ ഒരു രൂപര​ച​യി​താവ്‌ ഉണ്ടെന്നു വിശ്വ​സി​ക്കു​ന്ന​തല്ലേ കൂടുതൽ ജ്ഞാനമാ​യി​രി​ക്കു​ന്നത്‌? അങ്ങനെ വിശ്വ​സി​ക്കു​ന്നവർ, ദൈവ​ത്തി​ന്റെ കരവേ​ല​യു​ടെ പിടി​കി​ട്ടാത്ത വശങ്ങൾ സാധാ​ര​ണ​ഗ​തി​യിൽ കാലം ചുരു​ള​ഴി​ക്കു​മെന്നു തിരി​ച്ച​റി​യു​ന്നു. അത്തരം കണ്ടെത്ത​ലു​കൾ അവരെ നിരാ​ശ​പ്പെ​ടു​ത്തു​ന്ന​തി​നു പകരം അവരിൽ കൂടുതൽ ഭയാദ​രവു നിറയ്‌ക്കു​ന്നു.—സദൃശ​വാ​ക്യ​ങ്ങൾ 1:7; സഭാ​പ്ര​സം​ഗി 3:11.

[21-ാം പേജിലെ ചിത്ര​ങ്ങൾക്ക്‌ കടപ്പാട്‌]

ഡിഎൻഎ: ചിത്രം: www.comstock.com; ഗവേഷകൻ: Agricultural Research Service, USDA