ബൈബി​ളി​ന്റെ വീക്ഷണം

ദൈവം എല്ലായി​ട​ത്തു​മു​ണ്ടോ?

ദൈവത്തെ സർവശ​ക്ത​നും സർവജ്ഞാ​നി​യും എന്നു വിശേ​ഷി​പ്പി​ക്കാ​റുണ്ട്‌. അത്‌ ഉചിത​വു​മാണ്‌. എന്നിരു​ന്നാ​ലും ദൈവ​ത്തി​ന്റെ മഹത്ത്വത്തെ കൂടു​ത​ലാ​യി വർണി​ക്കാൻ ശ്രമി​ക്കു​മ്പോൾ ചിലർ മൂന്നാ​മ​തൊ​രു പദം കൂടി ഉപയോ​ഗി​ക്കു​ന്നു—സർവവ്യാ​പി. ദൈവം ഒരേസ​മയം എല്ലായി​ട​ത്തു​മു​ണ്ടെന്ന്‌ അവർ വിശ്വ​സി​ക്കു​ന്നു.

മുകളിൽ പറഞ്ഞി​രി​ക്കു​ന്ന​തിൽ ആദ്യ രണ്ടു പദങ്ങളെ വ്യക്തമാ​യും തിരു​വെ​ഴു​ത്തു പഠിപ്പി​ക്ക​ലു​കൾ പിന്താ​ങ്ങു​ന്നുണ്ട്‌. (ഉല്‌പത്തി 17:1; എബ്രായർ 4:13; വെളി​പ്പാ​ടു 11:17) ദൈവം തീർച്ച​യാ​യും സർവശ​ക്ത​നാണ്‌. യാതൊ​ന്നും അവനിൽനി​ന്നു മറച്ചു​വെ​ക്കാൻ കഴിയു​ക​യില്ല എന്ന അർഥത്തിൽ അവൻ സർവജ്ഞാ​നി​യു​മാണ്‌. എന്നാൽ അവൻ സർവവ്യാ​പി​യാ​ണോ? ദൈവം എല്ലായി​ട​ത്തു​മു​ണ്ടോ, അതോ അവൻ നിശ്ചിത വാസസ്ഥ​ല​മുള്ള ഒരു വ്യക്തി​യാ​ണോ?

ദൈവം എവി​ടെ​യാണ്‌?

അനേകം ബൈബിൾ വാക്യങ്ങൾ, ദൈവ​ത്തി​ന്റെ “വാസസ്ഥലം” “സ്വർഗ്ഗ”മാണെന്നു പരാമർശി​ച്ചി​രി​ക്കു​ന്നു. (1 രാജാ​ക്ക​ന്മാർ 8:39, 43, 49; 2 ദിനവൃ​ത്താ​ന്തം 6:33, 39) എന്നിരു​ന്നാ​ലും ഒരു ബൈബിൾ വിവരണം യഹോ​വ​യാം ദൈവ​ത്തെ​ക്കു​റിച്ച്‌ ഇങ്ങനെ പറയുന്നു: “എന്നാൽ ദൈവം യഥാർത്ഥ​മാ​യി ഭൂമി​യിൽ മനുഷ്യ​രോ​ടു​കൂ​ടെ വസിക്കു​മോ? സ്വർഗ്ഗ​ത്തി​ലും സ്വർഗ്ഗാ​ധി​സ്വർഗ്ഗ​ത്തി​ലും നീ അടങ്ങു​ക​യി​ല്ല​ല്ലോ.”—2 ദിനവൃ​ത്താ​ന്തം 6:18.

“ദൈവം ആത്മാവു ആകുന്നു,” എന്ന്‌ ബൈബിൾ പറയുന്നു. (യോഹ​ന്നാൻ 4:24) അതു​കൊണ്ട്‌ ഭൗതിക പ്രപഞ്ച​ത്തിൽനി​ന്നു തികച്ചും വേറിട്ട ഒരു ആത്മ മണ്ഡലത്തി​ലാണ്‌ അവൻ വസിക്കു​ന്നത്‌. ദൈവ​ത്തി​ന്റെ വാസസ്ഥലം “സ്വർഗ്ഗ”മാണെന്നു ബൈബിൾ പറയു​മ്പോൾ, നാം ജീവി​ക്കുന്ന ഭൗതിക പരിസ്ഥി​തി​യോ​ടുള്ള വിപരീത താരത​മ്യ​ത്തിൽ യഹോവ വസിക്കുന്ന സ്ഥലത്തിന്റെ ഔന്നത്യ​ത്തെ​യാണ്‌ അതു പരാമർശി​ക്കു​ന്നത്‌. സർവ​പ്ര​ധാ​ന​മാ​യി, ദൈവ​ത്തി​ന്റെ വാസസ്ഥലം ഭൗതിക പ്രപഞ്ച​ത്തിൽനി​ന്നു തികച്ചും വേർപെ​ട്ട​തും അതേസ​മയം സുനി​ശ്ചി​ത​മായ ഒരു സ്ഥാനവും ആണെന്ന്‌ ബൈബിൾ പഠിപ്പി​ക്കു​ന്നു.—ഇയ്യോബ്‌ 2:1, 2.

ദൈവം ഒരു വ്യക്തി​യാണ്‌

“എന്റെ പിതാ​വി​ന്റെ ഭവനത്തിൽ അനേകം വാസസ്ഥ​ലങ്ങൾ ഉണ്ടു; . . . ഞാൻ നിങ്ങൾക്കു സ്ഥലം ഒരുക്കു​വാൻ പോകു​ന്നു” എന്ന്‌ യേശു തന്റെ ശിഷ്യ​ന്മാ​രോ​ടു പറഞ്ഞ​പ്പോൾ അവൻ യഹോ​വ​യു​ടെ വാസസ്ഥ​ല​ത്തെ​ക്കു​റി​ച്ചു സംസാ​രി​ക്കു​ക​യാ​യി​രു​ന്നു. (യോഹ​ന്നാൻ 14:2) യേശു എവി​ടേ​ക്കാണ്‌ പോയത്‌? അവൻ “ഇപ്പോൾ നമുക്കു വേണ്ടി ദൈവ​സ​ന്നി​ധി​യിൽ പ്രത്യ​ക്ഷ​നാ​വാൻ സ്വർഗ്ഗ​ത്തി​ലേ​ക്ക​ത്രേ പ്രവേ​ശി​ച്ചത്‌.” (എബ്രായർ 9:24) ഈ വിവരണം യഹോ​വ​യാം ദൈവ​ത്തെ​പ്പറ്റി രണ്ടു സുപ്ര​ധാന വസ്‌തു​തകൾ നമ്മെ പഠിപ്പി​ക്കു​ന്നു. ഒന്ന്‌, അവന്‌ അക്ഷരീ​യ​മായ ഒരു വാസസ്ഥ​ല​മുണ്ട്‌. രണ്ട്‌, അവൻ എല്ലായി​ട​ത്തും  വ്യാപി​ച്ചി​രി​ക്കുന്ന ഒരു അനിർവ​ച​നീയ ശക്തിയല്ല, മറിച്ച്‌ ഒരു വ്യക്തി​യാണ്‌.

അതു​കൊ​ണ്ടാണ്‌ “സ്വർഗ്ഗ​സ്ഥ​നായ ഞങ്ങളുടെ പിതാവേ” എന്നു പ്രാർഥി​ക്കാൻ യേശു തന്റെ അനുഗാ​മി​കളെ പഠിപ്പി​ച്ചത്‌. അതിനർഥം ആത്മീയ സ്വർഗ​ത്തിൽ വസിക്കുന്ന, യഹോവ എന്ന വ്യക്തി​യോ​ടു പ്രാർഥി​ക്കണം എന്നായി​രു​ന്നു. (മത്തായി 6:9;12:50) ഈ പഠിപ്പി​ക്കൽ 1,500-ലധികം വർഷമാ​യി ദൈവ​ജനം പിന്തു​ട​രുന്ന പ്രാർഥ​നാ​രീ​തി​യോ​ടു യോജി​പ്പി​ലാ​യി​രു​ന്നു. ഏറ്റവും പഴക്കം​ചെന്ന ദൈവ​നി​ശ്വസ്‌ത ലിഖി​ത​ങ്ങ​ളിൽ പിൻവ​രുന്ന പ്രാർഥന അടങ്ങി​യി​രി​ക്കു​ന്നു: ‘നിന്റെ വിശു​ദ്ധ​വാ​സ​സ്ഥ​ല​മായ സ്വർഗ്ഗ​ത്തിൽനി​ന്നു നോക്കി നിന്റെ ജനത്തെ അനു​ഗ്ര​ഹി​ക്കേ​ണമേ.’—ആവർത്ത​ന​പു​സ്‌തകം 26:15.

എല്ലാവ​രി​ലും, എല്ലായി​ട​ത്തും എത്തുന്ന ദൈവ​ത്തി​ന്റെ പരിശു​ദ്ധാ​ത്മാവ്‌

ദൈവത്തെ ഒരു നിശ്ചിത വാസസ്ഥ​ല​മു​ള്ള​വ​നാ​യി എല്ലായ്‌പോ​ഴും പരാമർശി​ക്കു​മ്പോൾത്തന്നെ, അവന്റെ പരിശു​ദ്ധാ​ത്മാവ്‌ സർവവ്യാ​പി​യാ​ണെന്നു ബൈബിൾ പറയുന്നു. “നിന്റെ ആത്മാവി​നെ ഒളിച്ചു ഞാൻ എവി​ടേക്കു പോകും? തിരു​സ​ന്നി​ധി വിട്ടു ഞാൻ എവി​ടേക്കു ഓടും?” എന്ന്‌ സങ്കീർത്ത​ന​ക്കാ​ര​നായ ദാവീദ്‌ ചോദി​ച്ചു. (സങ്കീർത്തനം 139:7) ഇത്തരം പരാമർശങ്ങൾ ചിലരെ ആശയക്കു​ഴ​പ്പ​ത്തി​ലാ​ക്കി​യി​രി​ക്കു​ന്നു. തന്നിമി​ത്തം, ദൈവം സർവവ്യാ​പി​യാ​ണെന്ന നിഗമ​ന​ത്തിൽ അവർ എത്തി​ച്ചേർന്നേ​ക്കാം. എന്നിരു​ന്നാ​ലും ഈ വാക്യ​ത്തി​ന്റെ​യും മറ്റു വാക്യ​ങ്ങ​ളു​ടെ​യും സന്ദർഭം പരി​ശോ​ധി​ക്കു​ക​യാ​ണെ​ങ്കിൽ, യഹോ​വ​യ്‌ക്ക്‌ തന്റെ നിശ്ചിത വാസസ്ഥ​ല​ത്തു​നി​ന്നും തന്റെ പരിശു​ദ്ധാ​ത്മാ​വി​നെ—അല്ലെങ്കിൽ പ്രവർത്ത​ന​നി​ര​ത​മായ ശക്തിയെ—ഭൗതിക പ്രപഞ്ച​ത്തി​ലെ ഏതൊരു സ്ഥലത്തേ​ക്കും വ്യാപി​പ്പി​ക്കാൻ സാധി​ക്കും എന്നുള്ളത്‌ വ്യക്തമാ​കും.

മക്കളെ ആശ്വസി​പ്പി​ക്കാ​നും താങ്ങാ​നും ഒരു പിതാ​വി​ന്റെ കരങ്ങൾ നീളു​ന്ന​തു​പോ​ലെ, യഹോ​വ​യ്‌ക്ക്‌ തന്റെ കൈകളെ—പരിശു​ദ്ധാ​ത്മാ​വി​നെ—തന്റെ ഉദ്ദേശ്യ​ങ്ങൾ നിവർത്തി​ക്കു​ന്ന​തി​നു​വേണ്ടി ആത്മമണ്ഡ​ല​ത്തി​ന്റെ​യോ ഭൗതിക പ്രപഞ്ച​ത്തി​ന്റെ​യോ ഏതൊരു ഭാഗ​ത്തേ​ക്കും നീട്ടാൻ സാധി​ക്കും. അതു​കൊണ്ട്‌ സങ്കീർത്ത​ന​ക്കാ​രന്‌ ഇങ്ങനെ പറയാൻ സാധിച്ചു: “ഞാൻ ഉഷസ്സിൻ ചിറകു ധരിച്ചു, സമു​ദ്ര​ത്തി​ന്റെ അറ്റത്തു ചെന്നു പാർത്താൽ അവി​ടെ​യും നിന്റെ കൈ എന്നെ നടത്തും; നിന്റെ വലങ്കൈ എന്നെ പിടി​ക്കും.”—സങ്കീർത്തനം 139:9, 10.

നിങ്ങൾക്കു ദൈവ​ത്തി​ന്റെ സ്‌നേ​ഹി​ത​നാ​യി​രി​ക്കാൻ കഴിയും

താൻ എവിടെ വസിക്കു​ന്നു​വെ​ന്നും ഏതുതരം അസ്‌തി​ത്വ​മാണ്‌ തനിക്കു​ള്ള​തെ​ന്നും ഉചിത​മാ​യി വെളി​പ്പെ​ടു​ത്തു​ന്ന​തിന്‌ തന്നെക്കു​റി​ച്ചും തന്റെ വാസസ്ഥ​ല​ത്തെ​ക്കു​റി​ച്ചും മാനു​ഷി​ക​മായ രീതി​യിൽ വർണി​ക്കാൻ താഴ്‌മ​യോ​ടും സ്‌നേ​ഹ​ത്തോ​ടും കൂടെ യഹോവ അനുവ​ദി​ച്ചി​രി​ക്കു​ന്നു. ഈ വിധത്തി​ലും മറ്റു വിധങ്ങ​ളി​ലും ‘ആകാശ​ത്തി​ലും ഭൂമി​യി​ലും ഉള്ളവയെ അവൻ കുനി​ഞ്ഞു​നോ​ക്കു​ന്നു.’ (സങ്കീർത്തനം 113:6) എന്നിരു​ന്നാ​ലും, ദൈവം എങ്ങനെ​യു​ള്ള​വ​നാ​ണെന്നു പൂർണ​മാ​യി ഗ്രഹി​ക്കുക മനുഷ്യർക്ക്‌ അസാധ്യ​മാണ്‌.

പൂർണ​മാ​യും മാനു​ഷി​ക​മായ രീതി​യിൽ വർണി​ക്കാ​നാ​വാ​ത്തത്ര ശ്രേഷ്‌ഠ​നും മഹാനും വിശി​ഷ്ട​നു​മാണ്‌ യഹോവ. അതു​കൊണ്ട്‌ ദൈവ​ത്തി​ന്റെ സ്വർഗീയ വാസസ്ഥലം ഒരു സുനി​ശ്ചിത സ്ഥാനമാ​ണെന്നു തിരു​വെ​ഴു​ത്തു​കൾ പറയു​മ്പോൾ, അത്തര​മൊ​രു ആത്മമണ്ഡ​ല​ത്തെ​ക്കു​റി​ച്ചു പൂർണ​മാ​യി മനസ്സി​ലാ​ക്കുക മനുഷ്യർക്ക്‌ അസാധ്യ​മാണ്‌.—സങ്കീർത്തനം 139:6.

യഹോവ യഥാർഥ​ത്തിൽ എങ്ങനെ​യു​ള്ള​വ​നാണ്‌ എന്നതു സംബന്ധിച്ച ന്യായ​മായ അളവി​ലുള്ള അറിവ്‌, അതായത്‌ അവൻ പ്രപഞ്ച​ത്തി​ലുള്ള എല്ലാറ്റി​ലും സ്ഥിതി​ചെ​യ്യുന്ന അനിർവ​ച​നീ​യ​വും അമൂർത്ത​വു​മായ ഒരു ശക്തിയ​ല്ലെ​ന്നുള്ള തിരി​ച്ച​റിവ്‌, വലിയ ആശ്വാ​സ​ത്തി​നു വക നൽകുന്നു. സ്‌നേഹം, ആർദ്രത എന്നീ ഗുണങ്ങൾ മുഖമു​ദ്ര​യാ​യുള്ള സുനി​ശ്ചിത വ്യക്തി​ത്വ​വും പ്രത്യേക വാസസ്ഥ​ല​വു​മുള്ള ഒരു വ്യക്തി​യാണ്‌ അവൻ. ഇത്തരം അറിവ്‌ എല്ലാ വ്യക്തി​കൾക്കും, സങ്കൽപ്പി​ക്കാ​വു​ന്ന​തിൽവെച്ച്‌ ഏറ്റവും വിസ്‌മ​യ​ക​ര​വും മഹത്തര​വു​മായ ഒരു പദവി വെച്ചു​നീ​ട്ടു​ന്നു—സർവശ​ക്ത​നായ അഖിലാ​ണ്ഡ​പ​ര​മാ​ധി​കാ​രി​യു​മാ​യി ജീവി​ത​കാ​ലം മുഴുവൻ നിലനിൽക്കുന്ന വ്യക്തി​പ​ര​മായ സൗഹൃദം വളർത്തി​യെ​ടു​ക്കു​ന്ന​തി​നുള്ള പദവി.—യാക്കോബ്‌ 4:8.