“നാം ആരെയാണ്‌ അനുസരിക്കേണ്ടത്‌?” എന്ന പരസ്യപ്രസംഗം കേൾക്കാനായി വരിക
“നാം ആരെയാണ്‌ അനുസരിക്കേണ്ടത്‌?” എന്ന പരസ്യപ്രസംഗം കേൾക്കാനായി വരിക
അനുസരണം എന്ന പദം കേൾക്കുമ്പോൾത്തന്നെ പലരും മുഖം ചുളിക്കും. ‘എനിക്ക്‌ ഞാൻ ഇഷ്ടപ്പെടുന്ന രീതിയിൽ കാര്യങ്ങൾ ചെയ്യണം,’ പരക്കെയുള്ള വീക്ഷണം അതാണ്‌. എന്നിരുന്നാലും ദൈനംദിന ജീവിതത്തിൽ നാം എല്ലാവരും അനുസരണത്തെ വിലമതിക്കുന്നുണ്ട്‌ എന്നതാണു വാസ്‌തവം. ഒരു മുന്നറിയിപ്പിൻ സൂചനയ്‌ക്കു ചെവികൊടുക്കുമ്പോൾ, നിർദേശങ്ങൾ പിൻപറ്റുമ്പോൾ ഒക്കെ നിങ്ങൾ ഒരളവോളം അനുസരണം പ്രകടമാക്കുകയാണ്‌. മാനവസമുദായത്തിൽ ക്രമസമാധാനം നിലനിറുത്താൻ ലൗകിക അധികാരികളുടെ നിയമങ്ങൾ അനുസരിക്കേണ്ടത്‌ അനിവാര്യമാണെന്ന വസ്‌തുതയെ നിഷേധിക്കാൻ ആർക്കെങ്കിലും കഴിയുമോ? ഇനി, ഗതാഗതനിയമങ്ങൾ അനുസരിക്കാൻ ആളുകൾ തയ്യാറായില്ലെങ്കിൽ എന്തു സംഭവിക്കുമെന്ന്‌ ഒന്ന്‌ ഊഹിച്ചു നോക്കൂ!
എന്നാൽ മനുഷ്യൻ സഹമനുഷ്യരുടെമേൽ അധികാരം പ്രയോഗിക്കുമ്പോൾ അതിന്റെ ഫലം എല്ലായ്‌പോഴും പ്രയോജനപ്രദമായിരിക്കുന്നില്ല. ‘മനുഷ്യൻ മനുഷ്യന്റെ മേൽ അവന്റെ ദോഷത്തിനായി അധികാരം’ പ്രയോഗിക്കുന്നുവെന്ന്‌ ദീർഘനാൾ മുമ്പ്‌ ബൈബിൾ പ്രസ്‌താവിച്ചു. (സഭാപ്രസംഗി 8:9) നമുക്കു വിശ്വാസം അർപ്പിക്കാനാകുന്ന, നാം അനുസരിക്കേണ്ട ഒരു ഭരണാധികാരി ഉണ്ടോ? ഉണ്ടെങ്കിൽ ആ വ്യക്തിയെ നമുക്ക്‌ എങ്ങനെ തിരിച്ചറിയാൻ കഴിയും? ആ ഭരണാധികാരിയുടെ വാഴ്‌ചയിൻകീഴിൽ നമുക്ക്‌ എന്തൊക്കെ പ്രയോജനങ്ങൾ പ്രതീക്ഷിക്കാൻ കഴിയും? “നാം ആരെയാണ്‌ അനുസരിക്കേണ്ടത്‌?” എന്ന ആവേശജനകമായ പരസ്യപ്രസംഗം പ്രസ്‌തുത ചോദ്യങ്ങൾക്കുള്ള ഉത്തരം നൽകുന്നതായിരിക്കും. ഈ മാസം ആരംഭിക്കുന്ന, യഹോവയുടെ സാക്ഷികളുടെ ഡിസ്‌ട്രിക്‌റ്റ്‌ കൺവെൻഷനുകളിലായിരിക്കും മേൽപ്പറഞ്ഞ പ്രസംഗം നടത്തപ്പെടുക. ലോകമെമ്പാടും ഇത്തരം നൂറുകണക്കിനു കൺവെൻഷനുകൾ ഉണ്ടായിരിക്കുന്നതാണ്‌. നിങ്ങളുടെ വീടിനടുത്തുള്ള കൺവെൻഷൻ സ്ഥലം കണ്ടുപിടിക്കുന്നതിന്‌ നിങ്ങളുടെ പ്രദേശത്തെ യഹോവയുടെ സാക്ഷികളെ സമീപിക്കുകയോ ഈ മാസികയുടെ 5-ാം പേജിൽ നൽകിയിരിക്കുന്ന മേൽവിലാസത്തിൽ അതിന്റെ പ്രസാധകർക്ക്‌ എഴുതുകയോ ചെയ്യുക.