കടകളിൽനി​ന്നു കട്ടെടു​ക്കൽ വെറു​മൊ​രു രസമോ അതോ ഗുരു​ത​ര​മായ കുറ്റകൃ​ത്യ​മോ?

പിൻവ​രുന്ന രംഗം മനസ്സിൽക്കാ​ണുക. ഫാഷൻ വസ്‌ത്ര​ങ്ങ​ള​ണിഞ്ഞ രണ്ടു പെൺകു​ട്ടി​കൾ ഒരു സൂപ്പർമാർക്ക​റ്റി​ന്റെ തുറന്നിട്ട വാതി​ലി​ലൂ​ടെ അകത്തു​ക​ട​ക്കു​ന്നു. സൗന്ദര്യ​വർധക വസ്‌തു​ക്കൾ വെച്ചി​രി​ക്കുന്ന ഭാഗ​ത്തേ​ക്കാണ്‌ അവരുടെ പോക്ക്‌. യൂണി​ഫോ​മിട്ട ഒരു സെക്യൂ​രി​റ്റി ഗാർഡ്‌ അവരെ പിന്തു​ട​രു​ന്നു. പെൺകു​ട്ടി​കൾ ലക്ഷ്യസ്ഥാ​ന​ത്തെ​ത്തു​മ്പോൾ ഏകദേശം പത്തു മീറ്റർ അകലെ​യാ​യി ഗാർഡ്‌ നിൽക്കു​ന്നു. അവരെ സുസൂ​ക്ഷ്‌മം നിരീ​ക്ഷി​ച്ചു​കൊണ്ട്‌ കൈ പുറകിൽ കെട്ടി​യാണ്‌ അയാളു​ടെ നിൽപ്പ്‌. മസ്‌കാ​ര​യും ലിപ്‌സ്റ്റി​ക്കും ഒക്കെ അവർ തൊട്ടും​പി​ടി​ച്ചും നോക്കു​മ്പോൾ അയാൾ അവരെ ശ്രദ്ധി​ക്കു​ന്നുണ്ട്‌.

തങ്ങളു​ടെ​മേൽ ദൃഷ്ടി​യു​റ​പ്പി​ച്ചു നിൽക്കുന്ന ഗാർഡി​നെ പെൺകു​ട്ടി​കൾ പാളി​നോ​ക്കു​ന്നു. അവരുടെ ഉള്ളിലാ​കെ ഹരമാണ്‌. ഒരാൾ നെയിൽ പോളീഷ്‌ വെച്ചി​രി​ക്കുന്ന ഭാഗത്തു​പോ​യി രണ്ടുമൂ​ന്നെണ്ണം എടുക്കു​ന്നു. രണ്ടുതരം ചുവപ്പു​ള്ള​തിൽ ഏതു വേണ​മെന്ന്‌ ആലോ​ചി​ക്കു​ന്ന​താ​യി അവൾ നടിക്കു​ന്നു, എന്നിട്ട്‌, അതിൽ ഒരെണ്ണം താഴെ​വെച്ച്‌ അൽപ്പം​കൂ​ടി ഇരുണ്ട നിറമു​ള്ളത്‌ എടുക്കു​ന്നു.

സെക്യൂ​രി​റ്റി ഗാർഡ്‌ തന്റെ നോട്ടം എതിർദി​ശ​യി​ലേക്കു മാറ്റിയ തക്കത്തിന്‌ പെൺകു​ട്ടി​കൾ ലിപ്‌സ്റ്റി​ക്കു​ക​ളും നെയിൽ പോളീ​ഷു​ക​ളും കൈയി​ലുള്ള കൊച്ചു​ബാ​ഗി​ലേ​ക്കി​ടു​ന്നു. മുഖം​ക​ണ്ടാൽ ഞാൻ ഒന്നുമ​റി​ഞ്ഞി​ല്ലേ​യെന്ന ഭാവം, പക്ഷേ മനസ്സിൽ പലതരം വികാ​രങ്ങൾ നുരഞ്ഞു​പൊ​ന്തു​ക​യാണ്‌. നഖം മിനു​ക്കുന്ന എമറി ബോർഡി​ലും ഐബ്രോ പെൻസി​ലി​ലും ഒക്കെ നോക്കി അൽപ്പ​നേ​രം​കൂ​ടി അവർ അവിടെ ചുറ്റി​പ്പറ്റി നിൽക്കു​ന്നു.

പിന്നെ രണ്ടു​പേ​രും പരസ്‌പരം നോക്കി ആംഗ്യങ്ങൾ കൈമാ​റി​യ​ശേഷം സ്റ്റോറി​ന്റെ മുൻവ​ശ​ത്തേക്കു നടക്കുന്നു. സെക്യൂ​രി​റ്റി ഗാർഡ്‌ അവി​ടെ​ത്തന്നെ നിൽപ്പുണ്ട്‌. പോകു​ന്ന​വഴി അയാളെ നോക്കി ഒന്നു പുഞ്ചി​രി​ക്കാൻ അവർ മറക്കു​ന്നില്ല. എന്നിട്ട്‌ കാഷ്യ​റു​ടെ നേരെ എതിർവ​ശത്ത്‌ സെൽഫോ​ണി​നുള്ള കവറു​ക​ളും മറ്റും വെച്ചി​രി​ക്കുന്ന ഭാഗത്തു പോയി അൽപ്പ​നേരം നോക്കി​നിൽക്കു​ന്നു. അവിടെ കണ്ട തുകൽകൊ​ണ്ടുള്ള സെൽഫോൺ കവറി​നെ​ക്കു​റി​ച്ചു രണ്ടു​പേ​രും എന്തൊ​ക്കെ​യോ മന്ത്രി​ക്കു​ന്നു. തുടർന്ന്‌ അവർ പുറ​ത്തേ​ക്കുള്ള വാതിൽക്ക​ലേക്കു നടക്കുന്നു.

ഓരോ ചുവടു വെക്കു​മ്പോ​ഴും അവരുടെ ഉള്ളിൽ വികാ​രങ്ങൾ ഇളകി​മ​റി​യു​ക​യാണ്‌. പരി​ഭ്ര​മ​വും ഹരവും തിങ്ങിയ മനസ്സ്‌ പെരു​മ്പ​റ​കൊ​ട്ടു​ന്നു. പുറ​ത്തേ​ക്കുള്ള വാതിൽ കടക്കു​മ്പോൾ ഉറക്കെ​യൊ​ന്നു കൂക്കി​വി​ളി​ക്കാൻ അവർക്കു തോന്നു​ന്നുണ്ട്‌. പക്ഷേ വായ്‌ അനക്കാ​നാ​കു​ന്നില്ല. പുറത്തി​റ​ങ്ങിയ നിമിഷം വികാ​ര​ങ്ങ​ളു​ടെ തിരത്ത​ള്ള​ലിൽ അവരുടെ മുഖം വല്ലാതെ ചുവക്കു​ന്നു. ഉള്ളിലെ കൊടു​ങ്കാറ്റ്‌ കെട്ടട​ങ്ങു​ക​യാണ്‌. ഇരുവ​രും ദീർഘ​നി​ശ്വാ​സ​മു​തിർക്കു​ന്നു. തിടു​ക്ക​ത്തിൽ നടന്നു​നീ​ങ്ങു​മ്പോൾ രണ്ടു​പേർക്കും അടക്കി​ച്ചി​രി​ക്കാ​തി​രി​ക്കാൻ കഴിയു​ന്നില്ല. ഇരുവ​രു​ടെ​യും മനസ്സു മന്ത്രി​ക്കു​ന്നത്‌ ഇതാണ്‌: ‘പണിപ​റ്റി​ച്ചു രക്ഷപ്പെ​ട്ട​ല്ലോ!’

ഈ രണ്ടു പെൺകു​ട്ടി​കൾ വെറും സങ്കൽപ്പ കഥാപാ​ത്ര​ങ്ങ​ളാണ്‌, പക്ഷേ വിവരിച്ച സാഹച​ര്യ​മാ​കട്ടെ യാഥാർഥ്യ​വും. ഐക്യ​നാ​ടു​ക​ളിൽ മാത്രം ഒരു ദിവസം ഇത്തരം 10 ലക്ഷം കളവുകൾ നടക്കു​ന്നു​ണ്ടെന്നു കണക്കുകൾ സൂചി​പ്പി​ക്കു​ന്നു. വാസ്‌ത​വ​ത്തിൽ, ഇത്‌ ഒരു ആഗോ​ള​പ്ര​ശ്‌ന​മാണ്‌. നാം കാണാൻ പോകു​ന്ന​തു​പോ​ലെ ഇതിന്റെ പ്രത്യാ​ഘാ​തങ്ങൾ കടുത്ത​താണ്‌. പക്ഷേ, ഇത്തരക്കാ​രിൽ പലർക്കും തങ്ങൾ വരുത്തി​വെ​ക്കുന്ന കനത്ത നഷ്ടങ്ങ​ളെ​ക്കു​റി​ച്ചു തെല്ലും ചിന്തയില്ല. പണം​കൊ​ടു​ത്തു സാധനം വാങ്ങാൻ കഴിവു​ള്ള​വർപോ​ലും മോഷ്ടി​ക്കാൻ മുതി​രു​ന്നു. എന്തു​കൊണ്ട്‌?