ജീവിതം ഭയത്തിന്റെ നിഴലിൽ

ഒരു അംശകാല ജോലി ചെയ്യാൻ താൻ ആഗ്രഹി​ക്കു​ന്ന​താ​യി ഭർത്താ​വി​നോ​ടു പറയാൻ റോക്‌സാനായ്‌ക്കു * ഭയമാണ്‌. ഒരിക്കൽ അമ്മയുടെ അടുത്തു പോകാൻ വണ്ടിക്കൂ​ലി ചോദിച്ച അവരെ ഭർത്താവ്‌ ശക്തമായി ഇടിച്ചു. അതിനു ചികിത്സ തേടേ​ണ്ട​താ​യി​വന്നു. അതേ, റോക്‌സാ​നാ​യു​ടെ ജീവിതം ഭയത്തിന്റെ നിഴലി​ലാണ്‌.

രാത്രി​യിൽ വീട്ടി​ലേക്കു വരു​മ്പോൾ പൊതു​വാ​ഹ​ന​ങ്ങ​ളിൽ യാത്ര ചെയ്യാൻ റോലാൻഡോ മുമ്പൊ​ക്കെ ഭാര്യയെ അനുവ​ദി​ച്ചി​രു​ന്നു. എന്നാൽ ഇപ്പോൾ അദ്ദേഹം​തന്നെ അവരെ കാറിൽ കൂട്ടി​ക്കൊ​ണ്ടു വരിക​യാ​ണു ചെയ്യു​ന്നത്‌. ആ പ്രദേ​ശത്ത്‌ അനേകം അക്രമ​പ്ര​വർത്ത​നങ്ങൾ നടക്കു​ന്ന​താ​യി കേട്ടതിൽപ്പി​ന്നെ ഭാര്യക്ക്‌ എന്തെങ്കി​ലും സംഭവി​ച്ചേ​ക്കു​മോ​യെന്ന്‌ അദ്ദേഹം ഭയപ്പെ​ടു​ന്നു.

ഒരു തലസ്ഥാന നഗരി​യു​ടെ ഹൃദയ​ഭാ​ഗ​ത്താണ്‌ ഐഡേ ജോലി ചെയ്യു​ന്നത്‌. ഒരു ദിവസം വീട്ടി​ലേക്കു മടങ്ങവേ, അവർ ഒരു പ്രതി​ഷേധ ജാഥയ്‌ക്കി​ട​യിൽ കുടു​ങ്ങി​പ്പോ​യി. പെട്ടെ​ന്നു​തന്നെ പ്രകട​ന​ക്കാർ അക്രമാ​സ​ക്ത​രാ​യി. അതിൽപ്പി​ന്നെ മുദ്രാ​വാ​ക്യ​ങ്ങൾ കേൾക്കു​ന്ന​മാ​ത്ര​യിൽ ഐഡേ​യു​ടെ ഹൃദയ​മി​ടി​പ്പു വർധി​ക്കു​ന്നു. “എനിക്കു യാതൊ​രു സുരക്ഷി​ത​ത്വ​വും തോന്നു​ന്നില്ല. ഇവിടെ ജോലി ചെയ്യാൻ എനിക്കു തീരെ ഇഷ്ടമില്ല. എന്നാൽ വേറെ വഴിയില്ല,” അവർ പറയുന്നു.

റോക്‌സാ​നാ, റോലാൻഡോ, ഐഡേ എന്നിവർ ഭയത്തിന്റെ പിടി​യി​ലാണ്‌. ഒരു അടിയ​ന്തിര സാഹച​ര്യ​ത്തിൽ മാത്രമല്ല ഭയം അവരെ ഗ്രസി​ക്കു​ന്നത്‌, അതു നിരന്തരം അവരെ വേട്ടയാ​ടു​ക​യാണ്‌. സദാ ഭയത്തിൽ കഴി​യേ​ണ്ടി​വ​രു​ന്ന​വർക്കു ശക്തി ചോർന്നു​പോ​കു​ന്ന​താ​യി അനുഭ​വ​പ്പെ​ട്ടേ​ക്കാം. ആഗ്രഹി​ക്കുന്ന കാര്യങ്ങൾ ചെയ്യു​ന്ന​തിൽനിന്ന്‌ ആളുകളെ തടഞ്ഞു​കൊണ്ട്‌ ഭയം അവരുടെ സന്തുഷ്ടി കവർന്നു​ക​ള​ഞ്ഞേ​ക്കാം. അതു ചിന്തയെ കീഴ്‌പെ​ടു​ത്തു​ക​യും മറ്റു കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തിൽനിന്ന്‌ ആളുകളെ തടയു​ക​യും ചെയ്യും.

സദാ ഭയത്തിന്റെ നിഴലിൽ കഴിയു​ന്ന​വ​രു​ടെ ജീവിതം അങ്ങേയറ്റം സമ്മർദ​പൂ​രി​ത​മാണ്‌. അവർ മിക്ക​പ്പോ​ഴും വിഷാ​ദ​ത്തിൽ ആണ്ടു​പോ​കു​ന്നു. ഒരു വ്യക്തി​യു​ടെ ആരോ​ഗ്യം നശിപ്പി​ക്കാ​നും സമ്മർദ​ത്തി​നു കഴിയും. ഒരു ആരോഗ്യ മാസിക ഇപ്രകാ​രം വിശദീ​ക​രി​ക്കു​ന്നു: “സമ്മർദം പ്രതി​രോധ വ്യവസ്ഥയെ ദുർബ​ല​മാ​ക്കു​ന്നു, ഒട്ടുമിക്ക രോഗ​ങ്ങ​ളി​ലും അതിനു പങ്കുണ്ട്‌. ശരീര​ത്തിൽ, പ്രത്യേ​കി​ച്ചും സമ്മർദ​ത്താൽ ബാധി​ക്ക​പ്പെ​ടുന്ന അവയവ​ങ്ങ​ളു​ടെ കാര്യ​ത്തിൽ, ജീർണ​ത​യു​ടെ ലക്ഷണങ്ങൾ പ്രകട​മാ​കും. ഉയർന്ന രക്തസമ്മർദം, ഹൃ​ദ്രോ​ഗം, വൃക്ക രോഗം, ഉദര-കുടൽ സംബന്ധ​മായ ക്രമ​ക്കേ​ടു​കൾ, കുടൽപ്പുണ്ണ്‌, തലവേദന, ഉറക്കമി​ല്ലായ്‌മ, വിഷാദം, ഉത്‌കണ്‌ഠ എന്നിവ തലപൊ​ക്കി​യേ​ക്കാം. ദീർഘ​നേരം സമ്മർദ​ത്തിൽ കഴിയു​ന്നത്‌ ആളുകളെ തളർത്തി​ക്ക​ള​യു​ന്നു.”

ഇക്കാലത്ത്‌ പലരും ഭയത്തിന്റെ നിഴലിൽ ജീവിതം തള്ളിനീ​ക്കു​ന്നു. ഭയരഹി​ത​മായ ജീവിതം ആസ്വദി​ക്കാൻ കഴിയുന്ന ഒരു ലോകം നാം എന്നെങ്കി​ലും കാണു​മോ?

[അടിക്കു​റിപ്പ്‌]