ഭയത്തിൽനി​ന്നുള്ള മോചനം അതു സാധ്യ​മോ?

അപകട​ക​ര​മായ ഈ ലോക​ത്തിൽ ജീവി​ക്കുന്ന ആർക്കെ​ങ്കി​ലും ഭയത്തിൽനി​ന്നു പൂർണ​മാ​യി സ്വത​ന്ത്ര​നാ​യി​രി​ക്കാൻ കഴിയു​മോ? അതിനു സാധ്യത തീരെ കുറവാണ്‌. ദൈവ​വി​ശ്വാ​സം ഉള്ളവർപോ​ലും ഉത്‌ക​ണ്‌ഠ​പ്പെ​ടു​ത്തുന്ന അപകടങ്ങൾ അഭിമു​ഖീ​ക​രി​ക്കു​ന്നു. ഉദാഹ​ര​ണ​ത്തിന്‌, പൊതു​യു​ഗം ഒന്നാം നൂറ്റാ​ണ്ടിൽ വളരെ​യേറെ യാത്രകൾ നടത്തിയ അപ്പൊ​സ്‌ത​ല​നായ പൗലൊസ്‌, തനിക്കു കപ്പൽച്ചേ​ത​വും നദിക​ളി​ലെ ആപത്തും കള്ളന്മാ​രിൽനി​ന്നും പട്ടണങ്ങ​ളിൽനി​ന്നും ഉള്ള ആപത്തും നേരി​ട്ട​താ​യി ചൂണ്ടി​ക്കാ​ട്ടി. (2 കൊരി​ന്ത്യർ 11:25-28) സമാന​മാ​യി ഇന്നു നമ്മിൽ മിക്കവർക്കും അപകട​ക​ര​മായ സാഹച​ര്യ​ങ്ങൾ നേരി​ടേ​ണ്ട​താ​യി​വ​രു​ന്നു.

എന്നിരു​ന്നാ​ലും ജ്ഞാനപൂർവം ചില മുൻക​രു​ത​ലു​കൾ എടുക്കാൻ നമുക്കു കഴിയും. അങ്ങനെ അപകട​സാ​ധ്യ​തകൾ പരിമി​ത​പ്പെ​ടു​ത്തി​ക്കൊണ്ട്‌ ഉത്‌കണ്‌ഠ ലഘൂക​രി​ക്കാ​വു​ന്ന​താണ്‌. ബൈബിൾ ഇങ്ങനെ പറയുന്നു: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ നേരെ ചെന്നു ചേത​പ്പെ​ടു​ന്നു.” (സദൃശ​വാ​ക്യ​ങ്ങൾ 22:3) നമുക്കു സ്വീക​രി​ക്കാൻ കഴിയുന്ന ചില പ്രാ​യോ​ഗിക നടപടി​കൾ ഏവയാണ്‌?

മുൻക​രു​തൽ നടപടി​കൾ

ബൈബിൾ എഴുത​പ്പെ​ട്ടതു വളരെ​ക്കാ​ലം​മുമ്പ്‌ ആയിരു​ന്നെ​ങ്കി​ലും, അപകടങ്ങൾ ഒഴിവാ​ക്കു​ന്ന​തിൽ ഇന്നും പ്രാ​യോ​ഗി​ക​മായ അനേകം തത്ത്വങ്ങൾ അതിൽ ഉണ്ടെന്നതു ശ്രദ്ധേ​യ​മാണ്‌. ഉദാഹ​ര​ണ​ത്തിന്‌ “ജ്ഞാനിക്കു തലയിൽ കണ്ണുണ്ടു; ഭോഷൻ ഇരുട്ടിൽ നടക്കുന്നു” എന്ന്‌ അതു പറയുന്നു. (സഭാ​പ്ര​സം​ഗി 2:14) ആരൊ​ക്കെ​യാ​ണു സമീപ​ത്തു​ള്ളത്‌ എന്നതു സംബന്ധി​ച്ചു ശ്രദ്ധയു​ള്ളവർ ആയിരി​ക്കു​ന്ന​തും സാധ്യ​മാ​കു​ന്നി​ട​ത്തോ​ളം ഇരുട്ടുള്ള സ്ഥലങ്ങൾ ഒഴിവാ​ക്കു​ന്ന​തും ബുദ്ധി​യാണ്‌. ഉള്ളതിൽ ഏറ്റവു​മ​ധി​കം വെളി​ച്ച​മുള്ള വഴിക​ളി​ലൂ​ടെ വീട്ടി​ലേക്കു നടക്കാൻ നിങ്ങൾക്കു കഴി​ഞ്ഞേ​ക്കും—അത്‌ അൽപ്പം ദൂരക്കൂ​ടു​തൽ ആണെങ്കിൽപ്പോ​ലും. “ഒരുവ​നെ​ക്കാൾ ഇരുവർ ഏറെ നല്ലതു; . . . ഒരുത്തനെ ആരെങ്കി​ലും ആക്രമി​ച്ചാൽ രണ്ടു​പേർക്കും അവനോ​ടു എതിർത്തു​നി​ല്‌ക്കാം” എന്നും ബൈബിൾ പറയുന്നു. (സഭാ​പ്ര​സം​ഗി 4:9, 12) നിങ്ങൾ പാർക്കു​ന്നത്‌ അപകട​ക​ര​മായ ഒരു സ്ഥലത്താ​ണെ​ങ്കിൽ വീട്ടി​ലേക്കു നടക്കു​ന്ന​തി​നു മറ്റൊ​രാ​ളു​ടെ കൂട്ടു തരപ്പെ​ടു​ത്താൻ നിങ്ങൾക്കു കഴിയു​മോ?

ഒരു പിടി​ച്ചു​പ​റി​ക്കാ​രൻ നിങ്ങളെ ആക്രമി​ക്കു​ന്ന​പക്ഷം, വസ്‌തു​വ​ക​ക​ളെ​ക്കാൾ ജീവൻ വില​യേ​റി​യ​താ​ണെന്ന കാര്യം ഓർക്കു​ന്നതു ജ്ഞാനമാണ്‌. (മത്തായി 16:26) തന്നെയു​മല്ല, കോപാ​കു​ല​രായ ആളുകൾ തടിച്ചു​കൂ​ടു​മ്പോൾ സാഹച​ര്യം അപകട​കരം ആണെന്നും അവർ എന്തും ചെയ്‌തേ​ക്കാ​മെ​ന്നും ഓർത്തി​രി​ക്കു​ന്നതു മൂല്യ​വ​ത്താണ്‌.—പുറപ്പാ​ടു 23:2.

അശ്ലീല​ച്ചു​വ​യു​ള്ള പ്രസ്‌താ​വ​നകൾ നടത്തി​ക്കൊ​ണ്ടോ അസഭ്യ​മായ തമാശകൾ  പറഞ്ഞു​കൊ​ണ്ടോ അനുചി​ത​മാ​യി ദേഹത്തു സ്‌പർശി​ക്കാൻ ശ്രമി​ച്ചു​കൊ​ണ്ടോ ആരെങ്കി​ലും നിങ്ങളെ ഉപദ്ര​വി​ക്കു​ന്ന​പക്ഷം ദൃഢമാ​യി അയാളെ ചെറു​ക്കു​ന്ന​താണ്‌ ഏറ്റവും ഉചിതം. ഒരു അധാർമിക സ്‌ത്രീ യോ​സേ​ഫി​നെ കടന്നു​പി​ടി​ച്ച​പ്പോൾ അവൻ അവി​ടെ​നി​ന്നു മാറി​പ്പോ​യ​തു​പോ​ലെ നിങ്ങളും ചെയ്യേ​ണ്ട​തു​ണ്ടാ​യി​രി​ക്കാം. അവൻ “പുറ​ത്തേക്കു ഓടിക്കള”യുകയാ​ണു ചെയ്‌തത്‌. (ഉല്‌പത്തി 39:12) മാറി​പ്പോ​കാൻ കഴിയാത്ത സാഹച​ര്യ​മാ​ണെ​ങ്കിൽ “അരുത്‌,” “കയ്യെടുക്ക്‌,” “ഇത്തരം സംസാരം എനിക്കി​ഷ്ടമല്ല” എന്നൊക്കെ നിങ്ങൾക്കു പറയാ​വു​ന്ന​താണ്‌. കഴിയു​മെ​ങ്കിൽ, ശല്യമു​ണ്ടെന്ന്‌ അറിയാ​വുന്ന സ്ഥലങ്ങൾ ഒഴിവാ​ക്കാൻ ശ്രദ്ധി​ക്കുക.

വീട്ടിലെ ഭയം നേരിടൽ

ഭർത്താവ്‌ അക്രമാ​സ​ക്ത​നാ​ണെ​ങ്കിൽ നിങ്ങൾക്ക്‌ എന്തു ചെയ്യാൻ കഴിയും? നിങ്ങളു​ടെ​യോ മക്കളു​ടെ​യോ ആരോ​ഗ്യ​ത്തി​നോ ജീവനോ അയാൾ പെട്ടെന്നു ഭീഷണി​യാ​യി​ത്തീ​രു​ന്ന​പക്ഷം വീട്ടിൽനി​ന്നു രക്ഷപ്പെ​ടാൻ ഒരു മാർഗം നേര​ത്തേ​തന്നെ ആലോ​ചി​ച്ചു​വെ​ക്കു​ന്നതു ബുദ്ധി​യാ​യി​രു​ന്നേ​ക്കാം. * തന്റെ സഹോ​ദ​ര​നായ ഏശാവ്‌ അക്രമാ​സ​ക്ത​നാ​യി​ത്തീർന്നാൽ പിൻപ​റ്റാ​നാ​യി യാക്കോബ്‌ ഒരു പദ്ധതി സുസൂ​ക്ഷ്‌മം ആസൂ​ത്രണം ചെയ്‌ത​താ​യി ബൈബിൾ വിവരി​ക്കു​ന്നു. ആ പദ്ധതി പ്രാവർത്തി​ക​മാ​ക്കേ​ണ്ടി​വ​ന്നി​ല്ലെ​ങ്കി​ലും ജ്ഞാനപൂർണ​മായ ഒരു മുൻക​രു​തൽ ആയിരു​ന്നു അത്‌. (ഉല്‌പത്തി 32:6-8) ഒരു അടിയ​ന്തി​ര​ഘ​ട്ട​ത്തിൽ നിങ്ങൾക്ക്‌ അഭയം നൽകാൻ മനസ്സൊ​രു​ക്ക​മുള്ള ഒരാളെ കണ്ടുപി​ടി​ക്കു​ന്നത്‌ രക്ഷാമാർഗം ആസൂ​ത്രണം ചെയ്യു​ന്ന​തിൽ ഉൾപ്പെ​ട്ടേ​ക്കാം. നിങ്ങൾക്ക്‌ എന്തു സഹായം ആവശ്യ​മാ​യി വന്നേക്കാം എന്നതു സംബന്ധിച്ച്‌ അദ്ദേഹ​വു​മാ​യി നേര​ത്തേ​തന്നെ ചർച്ച​ചെ​യ്യാൻ കഴിയും. പ്രധാ​ന​പ്പെട്ട പ്രമാ​ണ​ങ്ങ​ളും മറ്റ്‌ അത്യാ​വശ്യ സംഗതി​ക​ളും എളുപ്പ​ത്തിൽ എടുക്കാ​വുന്ന ഒരു സ്ഥലത്തു സൂക്ഷി​ക്കു​ന്ന​തും സഹായകം ആയിരു​ന്നേ​ക്കാം.

ഭർത്താ​വി​ന്റെ ഉപദ്ര​വ​ത്തെ​ക്കു​റിച്ച്‌ അധികാ​രി​ക​ളോ​ടു റിപ്പോർട്ടു ചെയ്യു​ന്ന​തും അവരുടെ സംരക്ഷണം തേടു​ന്ന​തും മറ്റൊരു മാർഗ​മാണ്‌. * സകലരും സ്വന്തം പ്രവൃ​ത്തി​യു​ടെ അനന്തര​ഫലം അനുഭ​വി​ക്കു​മെന്നു ബൈബിൾ പഠിപ്പി​ക്കു​ന്നു. (ഗലാത്യർ 6:7) ഗവൺമെന്റ്‌ അധികാ​രി​കളെ സംബന്ധി​ച്ചു ബൈബിൾ ഇങ്ങനെ പറയുന്നു: “നിന്റെ നന്മെക്കാ​യി​ട്ട​ല്ലോ അവൻ ദൈവ​ശു​ശ്രൂ​ഷ​ക്കാ​ര​നാ​യി​രി​ക്കു​ന്നതു. നീ തിന്മ ചെയ്‌താ​ലോ ഭയപ്പെ​ടുക.” (റോമർ 13:4) വീട്ടി​നു​ള്ളി​ലെ അക്രമം തെരു​വിൽ നടക്കുന്ന അക്രമം പോ​ലെ​ത​ന്നെ​യുള്ള ഒരു കുറ്റകൃ​ത്യ​മാണ്‌. പല രാജ്യ​ങ്ങ​ളി​ലും, ദ്രോ​ഹി​ക്കാൻവേണ്ടി ആളുകളെ പിന്തു​ട​രു​ന്ന​തും കുറ്റക​ര​മാണ്‌.

നാം ചർച്ച ചെയ്‌തു​ക​ഴിഞ്ഞ നടപടി​കൾ കൈ​ക്കൊ​ള്ളു​ന്നതു ഭയത്തെ ഒരള​വോ​ളം ദൂരീ​ക​രി​ച്ചേ​ക്കാം. എന്നാൽ ബൈബിൾ നമുക്കു നീട്ടി​ത്ത​രു​ന്നത്‌ പ്രാ​യോ​ഗിക ബുദ്ധി​യു​പ​ദേശം മാത്രമല്ല. ദൈവം ഇപ്പോൾ എന്തു ചെയ്‌തു​കൊ​ണ്ടി​രി​ക്കു​ന്നു​വെ​ന്നും ഭാവി​യിൽ എന്തു ചെയ്യു​മെ​ന്നും വെളി​പ്പെ​ടു​ത്തുന്ന പിഴവറ്റ ഒരു പ്രവചന പുസ്‌ത​ക​മാണ്‌ അത്‌. ഭയത്തിൽ ജീവി​ക്കു​ക​യ​ല്ലാ​തെ മറ്റു മാർഗ​മി​ല്ലാ​ത്ത​വർക്കു ബൈബിൾ എന്തു പ്രത്യാ​ശ​യാ​ണു നൽകു​ന്നത്‌?

ഭയത്തിന്റെ അന്തരീക്ഷം എന്ത്‌ അർഥമാ​ക്കു​ന്നു?

ശ്രദ്ധേ​യ​മാ​യി, അപ്പൊ​സ്‌ത​ല​നായ പൗലൊസ്‌ ഇങ്ങനെ എഴുതി: ‘അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും വാത്സല്യ​മി​ല്ലാ​ത്ത​വ​രും [സ്വാഭാ​വിക പ്രിയം ഇല്ലാത്ത​വ​രും] ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും [ആത്മനി​യ​ന്ത്രണം ഇല്ലാത്ത​വ​രും] ഉഗ്രന്മാ​രും സൽഗു​ണ​ദ്വേ​ഷി​ക​ളും ആയിരി​ക്കും.’ (2 തിമൊ​ഥെ​യൊസ്‌ 3:1-5)  എത്രമാ​ത്രം പേടി​പ്പെ​ടു​ത്തുന്ന ഒരു കാലഘ​ട്ട​ത്തെ​യാണ്‌ ആ വാക്കുകൾ വരച്ചു​കാ​ട്ടു​ന്നത്‌!

“ലോകാ​വ​സാന”ത്തെക്കു​റി​ച്ചു സംസാ​രി​ച്ച​പ്പോൾ യേശു ഇങ്ങനെ പറയു​ക​യു​ണ്ടാ​യി: “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും. വലിയ ഭൂകമ്പ​വും ക്ഷാമവും മഹാവ്യാ​ധി​ക​ളും അവിട​വി​ടെ ഉണ്ടാകും; ഭയങ്കര​കാ​ഴ്‌ച​ക​ളും ആകാശ​ത്തിൽ മഹാല​ക്ഷ്യ​ങ്ങ​ളും ഉണ്ടാകും.” (മത്തായി 24:3, 7, 8; ലൂക്കൊസ്‌ 21:10, 11) അതു​കൊണ്ട്‌ നാം പരിചി​ന്തി​ച്ചു​ക​ഴി​ഞ്ഞ​തും ഇന്നുള്ള ഭീതി​യു​ടെ അന്തരീ​ക്ഷ​ത്തിന്‌ ഇടയാ​ക്കു​ന്ന​തും ആയ “ഭയങ്കര​കാഴ്‌ച”കൾ നമ്മെ ആശ്ചര്യ​പ്പെ​ടു​ത്ത​രുത്‌. എന്നാൽ അവ എന്താണ്‌ അർഥമാ​ക്കു​ന്നത്‌?

യേശു ഇങ്ങനെ പറഞ്ഞു: “ഇതു സംഭവി​ക്കു​ന്നതു കാണു​മ്പോൾ ദൈവ​രാ​ജ്യം അടുത്തി​രി​ക്കു​ന്നു എന്നു ഗ്രഹി​പ്പിൻ.” (ലൂക്കൊസ്‌ 21:31) നമ്മുടെ കാലത്ത്‌ ദൈവ​ത്തി​ന്റെ ഒരു ഗവൺമെന്റ്‌ സ്വർഗ​ത്തിൽനി​ന്നു മുഴു മനുഷ്യ​വർഗ​ത്തെ​യും ഭരിക്കു​മെന്നു നമുക്കു പ്രതീ​ക്ഷി​ക്കാൻ കഴിയും. (ദാനീ​യേൽ 2:44) അന്നു ജീവിതം എങ്ങനെ​യു​ള്ളത്‌ ആയിരി​ക്കും?

ഭയത്തിൽനി​ന്നു മോചനം!

യുദ്ധങ്ങൾ ഇല്ലാത്ത, ദുഷ്ടന്മാർ ഇല്ലാത്ത, ദൈവത്തെ സ്‌നേ​ഹി​ക്കുന്ന മനുഷ്യ​രാൽ ഭൂമി നിറയുന്ന സമാധാ​ന​പൂർണ​മായ ഒരു ഭാവി​കാ​ല​ത്തെ​ക്കു​റി​ച്ചു ബൈബിൾ വർണി​ക്കു​ന്നു. “ന്യായ​വി​ധി​യും ഭക്തികെട്ട മനുഷ്യ​രു​ടെ നാശവും സംഭവി​പ്പാ​നുള്ള ദിവസ”ത്തെക്കു​റിച്ച്‌ യേശു​വി​ന്റെ ഒരു അപ്പൊ​സ്‌ത​ല​നായ പത്രൊസ്‌ എഴുതി. ഭൂമി​യിൽ “നീതി വസിക്കുന്ന”തിനാൽ ഭയപ്പെ​ടാൻ യാതൊ​രു ദുഷ്ടനും അവിടെ ഉണ്ടായി​രി​ക്കില്ല. (2 പത്രൊസ്‌ 3:7, 9, 13) ആശ്രയ​യോ​ഗ്യ​രും പരസ്‌പരം ആത്മാർഥ​മാ​യി സ്‌നേ​ഹി​ക്കു​ന്ന​വ​രും ആയ ആളുക​ളോ​ടൊ​പ്പം ജീവി​ക്കു​ന്നത്‌ എത്ര ആശ്വാ​സ​പ്രദം ആയിരി​ക്കു​മെന്നു ചിന്തി​ച്ചു​നോ​ക്കൂ! ഇന്നത്തെ അപകട​ക​ര​മായ കാലഘ​ട്ടത്തെ മറ്റൊരു കാഴ്‌ച​പ്പാ​ടിൽ നിന്നു​കൊ​ണ്ടു വീക്ഷി​ക്കാൻ ഈ പ്രത്യാശ നമ്മെ സഹായി​ക്കു​ന്നു. ഇന്നുള്ള സ്ഥിതി​വി​ശേഷം ശാശ്വ​ത​മാ​യി തുടരു​ക​യില്ല.—സങ്കീർത്തനം 37:9-11.

യഹോവ തന്റെ പ്രവാ​ച​ക​നോട്‌ അരുളി​ച്ചെയ്‌ത പിൻവ​രുന്ന വാക്കുകൾ, കടുത്ത ഉത്‌കണ്‌ഠ അനുഭ​വി​ക്കു​ന്ന​വർക്ക്‌ ആശ്വാസം പ്രദാനം ചെയ്യുന്നു: “മനോ​ഭീ​തി​യു​ള്ള​വ​രോ​ടു: ധൈര്യ​പ്പെ​ടു​വിൻ, ഭയപ്പെ​ടേണ്ടാ; ഇതാ, നിങ്ങളു​ടെ ദൈവം! പ്രതി​കാ​ര​വും ദൈവ​ത്തി​ന്റെ പ്രതി​ഫ​ല​വും വരുന്നു! അവൻ വന്നു നിങ്ങളെ രക്ഷിക്കും എന്നു പറവിൻ.” (യെശയ്യാ​വു 35:4) അതു​കൊണ്ട്‌ സത്യ​ദൈ​വ​ത്തി​ന്റെ ദാസർക്ക്‌ ശുഭാ​പ്‌തി​വി​ശ്വാ​സ​ത്തോ​ടെ ഭാവി​യി​ലേക്കു നോക്കാൻ കഴിയും. (ഫിലി​പ്പി​യർ 4:6, 7) ദൈവത്തെ അറിയു​ന്ന​വ​രും അവന്റെ സ്‌നേ​ഹ​നിർഭ​ര​മായ ഗുണങ്ങൾ പ്രതി​ഫ​ലി​പ്പി​ക്കു​ന്ന​വ​രും ആയവ​രെ​ക്കൊണ്ട്‌ ഭൂമി നിറയ്‌ക്കാ​നുള്ള തന്റെ ആദിമ ഉദ്ദേശ്യം യഹോവ തള്ളിക്ക​ള​ഞ്ഞി​ട്ടി​ല്ലെന്ന്‌ അറിയു​ന്നത്‌, ഭയത്തിന്റെ തടവറ​യിൽ കഴി​യേണ്ടി വന്നിട്ടു​ള്ള​വർക്ക്‌ എന്തെന്നി​ല്ലാത്ത ആശ്വാസം പകരുന്നു.—ഉല്‌പത്തി 1:26-28; യെശയ്യാ​വു 11:9.

മനുഷ്യ​വർഗ​ത്തെ സംബന്ധി​ച്ചുള്ള സ്‌നേ​ഹ​നിർഭ​ര​മായ തന്റെ ഉദ്ദേശ്യ​ങ്ങൾ നിവർത്തി​ക്കു​ന്ന​തിൽനി​ന്നു യഹോ​വയെ തടയാൻ യാതൊ​ന്നി​നും കഴിയി​ല്ലെന്നു നമുക്ക​റി​യാം. (യെശയ്യാ​വു 55:10, 11; റോമർ 8:35-39) ഇതു നാം തിരി​ച്ച​റി​യു​മ്പോൾ, സുപ്ര​സി​ദ്ധ​മായ ഒരു സങ്കീർത്ത​ന​ത്തി​ലെ വാക്കു​കൾക്കു സവിശേഷ അർഥം കൈവ​രു​ന്നു. അവിടെ നാം ഇപ്രകാ​രം വായി​ക്കു​ന്നു: “യഹോവ എന്റെ ഇടയനാ​കു​ന്നു; . . . എന്റെ പ്രാണനെ അവൻ തണുപ്പി​ക്കു​ന്നു; തിരു​നാ​മം​നി​മി​ത്തം എന്നെ നീതി​പാ​ത​ക​ളിൽ നടത്തുന്നു. കൂരി​രുൾതാ​ഴ്‌വ​ര​യിൽ കൂടി നടന്നാ​ലും ഞാൻ ഒരു അനർത്ഥ​വും ഭയപ്പെ​ടു​ക​യില്ല; നീ എന്നോ​ടു​കൂ​ടെ ഇരിക്കു​ന്നു​വ​ല്ലോ.” (സങ്കീർത്തനം 23:1-4) ഭീതി​ദ​മായ സമയങ്ങൾ ഏറെ വഷളാ​യി​ത്തീർന്നേ​ക്കാ​മെ​ങ്കി​ലും ഭയത്തിൽനി​ന്നു മുക്തമായ ഒരു ലോകം സമീപ​മാണ്‌, അതു വരു​മെന്ന്‌ ഉറപ്പാണ്‌.

[അടിക്കു​റി​പ്പു​കൾ]

[8-10 പേജു​ക​ളി​ലെ ചിത്രങ്ങൾ]

ദൈവം ഉടൻതന്നെ ഭയരഹി​ത​മായ ഒരു ലോകം ആനയി​ക്കും