“ഈ വീഡി​യോ ആളുകളെ നാശത്തിൽനി​ന്നു രക്ഷിക്കു​ന്നു!”

യഹോ​വ​യു​ടെ സാക്ഷികൾ 1999-ൽ യുവജ​ന​ങ്ങൾക്കു​വേണ്ടി ഒരു വീഡി​യോ പുറത്തി​റക്കി, യുവജ​നങ്ങൾ ചോദി​ക്കു​ന്നു—എനിക്ക്‌ യഥാർഥ സുഹൃ​ത്തു​ക്കളെ എങ്ങനെ നേടാൻ കഴിയും? എന്നായി​രു​ന്നു അതിന്റെ പേര്‌. 30-ലധികം ഭാഷക​ളിൽ ഇന്ന്‌ ഇതു ലഭ്യമാണ്‌. “ഈ വീഡി​യോ ഞങ്ങളുടെ ഏവരു​ടെ​യും മേൽ പ്രഭാവം ചെലു​ത്തി​യി​രി​ക്കു​ന്നു!” യൂ​ക്രെ​യി​നി​ലെ ഒരു സഭാ​മേൽവി​ചാ​രകൻ എഴുതു​ന്നു. “ചിലർ അത്‌ അഞ്ചു പ്രാവ​ശ്യം കണ്ടു, വേറെ ചിലരാ​കട്ടെ ഏഴു പ്രാവ​ശ്യം പോലും! പിന്നീട്‌ യുവ​പ്രാ​യ​ക്കാ​രിൽ അനേക​രും ഉത്സാഹ​പൂർവം അതിലെ വിശേ​ഷാ​ശ​യങ്ങൾ ചർച്ച ചെയ്‌തു. പലരു​ടെ​യും കണ്ണുകൾ നിറഞ്ഞി​രു​ന്നു. യുവജ​ന​ങ്ങ​ളോട്‌ യഹോ​വ​യ്‌ക്കുള്ള സ്‌നേ​ഹ​വും ആത്മാർഥ താത്‌പ​ര്യ​വും ഞങ്ങൾക്കെ​ല്ലാം അനുഭ​വ​വേ​ദ്യ​മാ​യി​രു​ന്നു. യുവ​പ്രാ​യ​ക്കാ​രു​ടെ ആവശ്യങ്ങൾ കുറെ​ക്കൂ​ടെ മനസ്സി​ലാ​ക്കാൻ എനിക്കി​പ്പോൾ കഴിയു​ന്നുണ്ട്‌. അവരെ കൂടുതൽ സഹായി​ക്കാ​നും അവരുടെ അടുത്ത സുഹൃ​ത്താ​യി​രി​ക്കാ​നും ഞാൻ ആഗ്രഹി​ക്കു​ന്നു.”

ലോക​ത്തി​ന്റെ എല്ലാ ഭാഗങ്ങ​ളി​ലുള്ള യുവജ​ന​ങ്ങ​ളെ​യും ഈ വീഡി​യോ ആഴമായി സ്വാധീ​നി​ക്കു​ക​യു​ണ്ടാ​യി. ഉദാഹ​ര​ണ​ത്തിന്‌ ഉറു​ഗ്വേ​യിൽനി​ന്നുള്ള പതി​നേഴു വയസ്സു​കാ​രി (ചിത്ര​ത്തിൽ ഇടതു​വ​ശ​ത്താ​യി കാണി​ച്ചി​രി​ക്കുന്ന) ലെറ്റീഷ്യ എഴുതു​ന്നു: “ഞാൻ വല്ലാതെ വികാ​രാ​ധീ​ന​യാ​യി. അതിലെ വിവരങ്ങൾ മാത്രമല്ല, യഹോ​വ​യും അവന്റെ സംഘട​ന​യും യുവ​പ്രാ​യ​ക്കാ​രായ ഞങ്ങളിൽ എടുക്കുന്ന താത്‌പ​ര്യ​വും എന്നെ സ്‌പർശി​ച്ചു. ഈ അമൂല്യ വീഡി​യോ ലഭ്യമാ​ക്കി​യ​തിൽ ഞാൻ എത്ര നന്ദിയു​ള്ള​വ​ളാ​ണെന്ന്‌ വാക്കു​ക​ളാൽ വിവരി​ക്കാൻ എനിക്കു കഴിയില്ല. വളരെ, വളരെ നന്ദി!”

ഐക്യ​നാ​ടു​ക​ളി​ലുള്ള പ്രായ​പൂർത്തി​യെ​ത്തിയ ഒരു സാക്ഷി പല പ്രാവ​ശ്യം ഈ വീഡി​യോ കണ്ടു, ഇരട്ട ജീവിതം നയിച്ചു​കൊ​ണ്ടി​രുന്ന ഒരു പെൺകു​ട്ടി​യെ അത്‌ ഉപയോ​ഗി​ച്ചു സഹായി​ക്കാ​നും അവർക്കു സാധിച്ചു. അവർ എഴുതു​ന്നു: “ആന്നെറ്റ്‌ മദ്യപാ​നി​യായ, മോശ​മായ കൂട്ടു​കെ​ട്ടു​ക​ളുള്ള ഒരു പെൺകു​ട്ടി​യാ​യി​രു​ന്നു. അവൾ മയക്കു​മ​രു​ന്നു​കൾ പരീക്ഷി​ച്ചു നോക്കു​ക​പോ​ലും ചെയ്‌തി​രു​ന്നു. * എന്നാൽ ആ വീഡി​യോ അവളെ ശക്തമായി സ്വാധീ​നി​ച്ചു. കുറഞ്ഞ​കാ​ലം​കൊണ്ട്‌ അവൾ ആ കൂട്ടു​കെ​ട്ടു​ക​ളും തെറ്റായ നടപടി​ക​ളും ഉപേക്ഷി​ച്ചു. ആറു മാസത്തി​നു ശേഷം അവൾ സ്‌നാ​പ​ന​മേറ്റു. അതേ, ഈ വീഡി​യോ ആളുകളെ നാശത്തിൽനി​ന്നു രക്ഷിക്കു​ന്നു!”

◼ യഹോ​വ​യു​ടെ സാക്ഷികൾ 2004-ൽ യുവജ​ന​ങ്ങൾക്കു​വേണ്ടി മറ്റൊരു വീഡി​യോ പുറത്തി​റക്കി. യുവജ​നങ്ങൾ ചോദി​ക്കു​ന്നു—ഞാൻ ജീവിതം എങ്ങനെ വിനി​യോ​ഗി​ക്കും? എന്നായി​രു​ന്നു അതിന്റെ പേര്‌. (ഈ ലേഖന​ത്തിൽ പരാമർശി​ച്ചി​രി​ക്കുന്ന രണ്ടു വീഡി​യോ​ക​ളും മലയാ​ള​ത്തിൽ ലഭ്യമല്ല) ഈ ഡിവിഡി വീഡി​യോ​യു​ടെ സഹായ​ത്താൽ യഹോ​വ​യു​ടെ ആരാധ​ന​യ്‌ക്ക്‌ ജീവി​ത​ത്തിൽ പ്രഥമ സ്ഥാനം നൽകാൻ ഒട്ടനവധി യുവജ​നങ്ങൾ പ്രോ​ത്സാ​ഹി​പ്പി​ക്ക​പ്പെ​ടു​മെന്നു പ്രതീ​ക്ഷി​ക്കു​ന്നു.—മത്തായി 6:33.

[അടിക്കു​റിപ്പ്‌]