ഗതാഗ​ത​ക്കു​രുക്ക്‌—നിങ്ങൾക്ക്‌ എന്തു ചെയ്യാ​നാ​കും?

ഫിലിപ്പീൻസിലെ ഉണരുക! ലേഖകൻ

മുന്നറി​യിപ്പ്‌: നിരവധി വൻനഗ​ര​ങ്ങളെ ഒരു ബാധ ഗ്രസി​ച്ചി​രി​ക്കു​ന്നു. അത്‌ ഏതെങ്കി​ലും പകർച്ച​വ്യാ​ധി​യല്ല, തിന്നു​മു​ടി​ക്കാ​നാ​യി ഇരമ്പി​യെ​ത്തിയ വെട്ടു​ക്കി​ളി​പ്പ​റ്റ​വു​മല്ല. പക്ഷേ, അത്‌ ജനകോ​ടി​ക​ളു​ടെ സ്വസ്ഥത കെടു​ത്തു​ന്നു. എന്താണത്‌? ഗതാഗ​ത​ക്കു​രുക്ക്‌!

കൂടെ​ക്കൂ​ടെ ഗതാഗ​ത​ക്കു​രു​ക്കിൽ പെടു​ന്നത്‌ ആരോ​ഗ്യ​ത്തി​നു ഹാനി​ക​ര​മാ​യേ​ക്കാ​മെന്ന്‌ ഗവേഷകർ അഭി​പ്രാ​യ​പ്പെ​ടു​ന്നു. ഗതാഗ​ത​ക്കു​രു​ക്കിൽപ്പെ​ടുന്ന ഒരാൾക്ക്‌ അതിനു​ശേഷം കുറഞ്ഞത്‌ ഒരു മണിക്കൂർ നേര​ത്തേക്ക്‌ ഹൃദയാ​ഘാ​ത​ത്തി​നുള്ള വർധിച്ച സാധ്യ​ത​യു​ണ്ടെ​ന്നു​പോ​ലും അടുത്ത​കാ​ലത്തെ ഒരു പഠനം സൂചി​പ്പി​ക്കു​ന്നു. ദ ന്യൂസി​ലൻഡ്‌ ഹെറാൾഡ്‌ റിപ്പോർട്ടു ചെയ്യു​ന്ന​ത​നു​സ​രിച്ച്‌ “വാഹന​ങ്ങ​ളിൽനി​ന്നുള്ള പുക, ശബ്ദകോ​ലാ​ഹ​ലങ്ങൾ, സമ്മർദം എന്നിവ​യാ​യി​രി​ക്കാം [ഹൃദയാ​ഘാത] സാധ്യ​ത​യ്‌ക്കു പെട്ടെന്ന്‌ ആക്കംകൂ​ട്ടുന്ന മുഖ്യ ഘടകങ്ങൾ.”

വിഷമ​യ​മായ വായു

മിക്ക മോ​ട്ടോർ വാഹന​ങ്ങ​ളും നൈ​ട്രജൻ ഓക്‌​സൈ​ഡു​ക​ളും കാൻസ​റി​നു കാരണ​മാ​കാ​വുന്ന ചില പദാർഥ​ങ്ങ​ളും വായു​വി​ലേക്കു പുറന്ത​ള്ളു​ന്നു. വലിയ അളവിൽ സൂക്ഷ്‌മ​ക​ണങ്ങൾ അന്തരീ​ക്ഷ​ത്തി​ലേക്കു തുപ്പു​ന്ന​വ​യാണ്‌ പല വാഹന​ങ്ങ​ളും, പ്രത്യേ​കിച്ച്‌ ഡീസൽവ​ണ്ടി​കൾ. ഇത്‌ പൊതു​ജ​നാ​രോ​ഗ്യ​ത്തിന്‌ ഗുരു​ത​ര​മായ ഹാനി​വ​രു​ത്തു​ന്നു. വർഷം​തോ​റും 30 ലക്ഷത്തോ​ളം ആളുകൾ വായു​മ​ലി​നീ​ക​രണം നിമിത്തം മരണമ​ട​യു​ന്ന​താ​യി കണക്കാ​ക്ക​പ്പെ​ടു​ന്നു, ഏറെയും മോ​ട്ടോർവാ​ഹ​നങ്ങൾ മൂലമുള്ള മലിനീ​ക​ര​ണ​മാണ്‌. യൂറോ​പ്പി​ലെ കുട്ടി​ക​ളിൽ ഉണ്ടാകുന്ന ശ്വാസ​കോ​ശ​രോ​ഗ​ങ്ങ​ളിൽ 10 ശതമാനം അന്തരീ​ക്ഷ​ത്തിൽ തങ്ങിനിൽക്കുന്ന സൂക്ഷ്‌മ​ക​ണങ്ങൾ നിമി​ത്ത​മാ​ണെന്ന്‌ ഒരു റിപ്പോർട്ടു​പ​റ​യു​ന്നു, ഗതാഗ​ത​ക്കു​രു​ക്കിൽ വീർപ്പു​മു​ട്ടുന്ന നഗരങ്ങ​ളിൽ ഇതിലും ഉയർന്ന നിരക്കാ​ണു​ള്ളത്‌.

പരിസ്ഥി​തി​ക്കു വരുത്തുന്ന ക്ഷതമോ? വാഹന​ങ്ങ​ളിൽനി​ന്നു ബഹിർഗ​മി​ക്കുന്ന നൈ​ട്രജൻ ഓക്‌​സൈ​ഡു​ക​ളും സൾഫർ ഡൈ ഓക്‌​സൈ​ഡും ആസിഡ്‌ മഴയ്‌ക്കു കാരണ​മാ​കു​ന്നു. ജലാശ​യ​ങ്ങളെ മലിന​മാ​ക്കുന്ന ഈ മഴ ജലജീ​വി​കൾക്കും നാനാ​ത​ര​ത്തിൽപ്പെട്ട സസ്യല​താ​ദി​കൾക്കും നാശം​വ​രു​ത്തു​ന്നു. വാഹനങ്ങൾ പുറന്ത​ള്ളുന്ന കാർബൺ ഡൈ ഓക്‌​സൈ​ഡി​ന്റെ ഭീമമായ അളവു​കൂ​ടി​യാ​കു​മ്പോൾ സ്ഥിതി കൂടുതൽ വഷളാ​കു​ന്നു. ഭൂഗ്ര​ഹത്തെ മറ്റ്‌ ആപത്തു​ക​ളി​ലേക്കു തള്ളിവി​ടു​മെന്നു കരുത​പ്പെ​ടുന്ന ആഗോ​ള​ത​പ​ന​ത്തി​ന്റെ പിന്നിലെ മുഖ്യ വില്ലൻ ഈ വാതക​മാണ്‌.

വർധി​ക്കുന്ന അപകടങ്ങൾ

വാഹന​ഗ​താ​ഗതം വർധി​ക്കു​മ്പോൾ മനുഷ്യ​ജീ​വന്‌ അപകട​വും വർധി​ക്കു​ന്നു. വാഹനാ​പ​ക​ട​ങ്ങ​ളിൽ വർഷം​തോ​റും പത്തുല​ക്ഷ​ത്തി​ലേ​റെ​പ്പേ​രാണ്‌ കൊല്ല​പ്പെ​ടു​ന്നത്‌, ഈ സംഖ്യ അടിക്കടി ഉയരു​ക​യും ചെയ്യുന്നു. ചില സ്ഥലങ്ങളിൽ അപകട​നി​രക്ക്‌ വിശേ​ഷി​ച്ചും കൂടു​ത​ലാണ്‌. ഉദാഹ​ര​ണ​ത്തിന്‌, “ഗ്രീസിൽ ഓരോ പത്തുലക്ഷം പേരി​ലും 690 പേർ റോഡ​പ​ക​ട​ങ്ങ​ളിൽ മരണമ​ട​യു​ന്നു, സ്വീഡ​നിൽ ഇത്‌ 120 ആണ്‌” എന്ന്‌ യൂറോ​പ്യൻ കമ്മീഷന്റെ ഗവേഷകർ കണ്ടെത്തു​ക​യു​ണ്ടാ​യി.

അടുത്ത​കാ​ല​ങ്ങ​ളിൽ വളരെ​യ​ധി​കം ശ്രദ്ധി​ക്ക​പ്പെ​ടാ​നി​ട​യാ​യി​ട്ടുള്ള ദോഷ​ക​ര​മായ ഒരു പ്രവണ​ത​യാണ്‌ റോഡു​ക​ളി​ലെ രോഷം. ചില ഡ്രൈ​വർമാർ തങ്ങളുടെ രോഷം മുഴു​വ​നും മറ്റു ഡ്രൈ​വർമാ​രു​ടെ നേർക്ക്‌ തീർക്കു​ന്നു, ഇത്‌ ഇന്നു കൂടുതൽ സാധാ​ര​ണ​മാ​യി​ക്കൊ​ണ്ടി​രി​ക്കു​ക​യാണ്‌. ഡ്രൈ​വർമാ​രു​ടെ അക്രമാ​സ​ക്തി​യു​ടെ ഒരു കാരണം “ഗതാഗ​ത​ത്തി​രക്കു വർധി​ക്കു​ന്ന​തോ ഗതാഗ​ത​ക്കു​രു​ക്കോ ആണ്‌” എന്ന്‌ ഡ്രൈ​വർമാർ കരുതു​ന്ന​താ​യി ഐക്യ​നാ​ടു​ക​ളിൽ നാഷണൽ ഹൈവേ ട്രാഫിക്‌ സേഫ്‌റ്റി അഡ്‌മി​നി​സ്‌​ട്രേഷൻ നടത്തിയ സർവേ​യിൽ കണ്ടെത്തി.

ഒരു സാമ്പത്തിക പ്രഹരം

ഗതാഗ​ത​ക്കു​രുക്ക്‌ സാമ്പത്തിക നഷ്ടവു​മു​ണ്ടാ​ക്കു​ന്നു. കാലി​ഫോർണി​യ​യി​ലെ ലോസാ​ഞ്ച​ല​സിൽ മാത്രം ഗതാഗ​ത​ക്കു​രു​ക്കു മൂലം വർഷം 400 കോടി​യി​ല​ധി​കം ലിറ്റർ ഇന്ധനം പാഴാ​കു​ന്ന​താ​യി ഒരു പഠനം വെളി​പ്പെ​ടു​ത്തി. ബിസി​നസ്സ്‌ അവസര​ങ്ങ​ളു​ടെ നഷ്ടം, മലിനീ​ക​രണം നിമിത്തം ആരോ​ഗ്യ​പ​രി​ച​ര​ണ​ത്തി​നു മുട​ക്കേ​ണ്ടി​വ​രുന്ന അധിക ചെലവു​കൾ, വർധി​ച്ചു​വ​രുന്ന ട്രാഫിക്‌ അപകടങ്ങൾ വരുത്തി​വെ​ക്കുന്ന ഹാനി എന്നിങ്ങനെ നേരി​ട്ടു​ള്ള​ത​ല്ലാത്ത നഷ്ടങ്ങൾ വേറെ​യും.

 ഈ നഷ്ടങ്ങ​ളെ​ല്ലാം കൂടി ചേർന്ന്‌ ദേശീയ സമ്പദ്‌വ്യ​വ​സ്ഥ​യ്‌ക്ക്‌ ഒരു പ്രഹര​മാ​കു​ക​യാണ്‌. ഗതാഗ​ത​ക്കു​രു​ക്കു​ക​ളിൽ നഷ്ടമാ​കുന്ന സമയത്തി​ന്റെ​യും ഇന്ധനത്തി​ന്റെ​യും മാത്രം വിലക​ണ​ക്കാ​ക്കി​യാൽ അമേരി​ക്ക​ക്കാർക്ക്‌ വർഷം​തോ​റും ഏകദേശം 6,800 കോടി ഡോള​റാണ്‌ (4.6 ലക്ഷം കോടി രൂപ) നഷ്ടമാ​കു​ന്ന​തെന്ന്‌ ഒരു പഠനം വെളി​പ്പെ​ടു​ത്തു​ന്നു. വിദൂ​ര​പൂർവ ദേശങ്ങ​ളി​ലെ കാര്യ​മോ? ഫിലി​പ്പീൻ സ്റ്റാർ എന്ന പത്രത്തിൽ വന്ന ഒരു റിപ്പോർട്ട്‌ ഇങ്ങനെ പറയുന്നു: “ടാക്‌സി​യു​ടെ മീറ്റർ കറങ്ങു​ന്ന​തു​പോ​ലെ​യാണ്‌ ഗതാഗ​ത​ക്കു​രു​ക്കു​ക​ളിൽ വർഷം​തോ​റും രാജ്യ​ത്തിന്‌ ശതകോ​ടി​ക്ക​ണ​ക്കിന്‌ പെസോ​കൾ [ഫിലി​പ്പീൻസി​ലെ നാണയം] നഷ്ടപ്പെ​ടു​ന്നത്‌.” യൂറോ​പ്പി​ന്റെ നഷ്ടം ഒരു ഭീമമായ തുകയാണ്‌, ഏകദേശം 10 ലക്ഷം​കോ​ടി രൂപ.

ഭാവി​യി​ലേക്കു നീളുന്ന ഗതാഗ​ത​ക്കു​രു​ക്കോ?

ഈ കുരുക്ക്‌ അഴിക്കാ​നുള്ള പോം​വ​ഴി​കൾക്കാ​യി എത്ര ശ്രമി​ച്ചി​ട്ടും കാര്യങ്ങൾ പൂർവാ​ധി​കം വഷളാ​യി​രി​ക്കു​ക​യാണ്‌. ഐക്യ​നാ​ടു​ക​ളി​ലെ 75 നഗര​പ്ര​ദേ​ശ​ങ്ങളെ ഉൾപ്പെ​ടു​ത്തി​ക്കൊണ്ട്‌ ടെക്‌സാസ്‌ ട്രാൻസ്‌പോർട്ടേഷൻ ഇൻസ്റ്റി​സ്റ്റ്യൂട്ട്‌ ഒരു ദേശീയ സർവേ നടത്തു​ക​യു​ണ്ടാ​യി. അതിൽ ഒരു വ്യക്തി ഗതാഗ​ത​ക്കു​രു​ക്കിൽപ്പെ​ട്ടു​പോ​കുന്ന സമയത്തി​ന്റെ അളവ്‌ വർധി​ക്കു​ക​യാ​ണെന്ന്‌, 1982-ൽ പ്രതി​വർഷം ശരാശരി 16 മണിക്കൂർ ആയിരു​ന്നത്‌ 2000-ത്തിൽ 62 ആയി വർധി​ച്ചു​വെന്ന്‌ റിപ്പോർട്ടു ചെയ്യ​പ്പെട്ടു. ദിവസേന യാത്ര​ക്കാർ ഗതാഗ​ത​ക്കു​രു​ക്കിൽപ്പെ​ടാൻ സാധ്യ​ത​യുള്ള സമയത്തി​ന്റെ ദൈർഘ്യ​വും വർധിച്ചു, 4.5 മണിക്കൂർ ആയിരു​ന്നത്‌ 7 മണിക്കൂർ ആയി. “പഠനവി​ധേ​യ​മാ​ക്കിയ എല്ലാ പ്രദേ​ശ​ങ്ങ​ളി​ലും പഠനം നടന്ന വർഷങ്ങ​ളിൽ ഗതാഗ​ത​ക്കു​രുക്ക്‌ വർധി​ച്ചു​കൊ​ണ്ടി​രു​ന്നു. കുരു​ക്കി​ന്റെ സമയം ദീർഘി​ക്കു​ക​യാണ്‌, കഴിഞ്ഞ​കാ​ല​ത്തെ​ക്കാൾ കൂടുതൽ റോഡു​ക​ളിൽ ഗതാഗ​ത​ക്കു​രു​ക്കു​ണ്ടാ​കു​ന്നു, വാഹന​ത്തി​ര​ക്കും ഏറിയി​രി​ക്കു​ന്നു,” റിപ്പോർട്ടു പറയുന്നു.

മറ്റു രാജ്യ​ങ്ങ​ളിൽനി​ന്നു​ള്ള​തും സമാന​മായ റിപ്പോർട്ടു​ക​ളാണ്‌. യൂറോ​പ്യൻ കമ്മീഷന്റെ കീഴിൽ പ്രവർത്തി​ക്കുന്ന ഗവേഷകർ ഇപ്രകാ​രം അഭി​പ്രാ​യ​പ്പെ​ടു​ന്നു: “നമ്മുടെ യാത്രാ​സം​വി​ധാ​ന​ങ്ങ​ളിൽ സമൂല പരിവർത്തനം വരുത്തി​യി​ല്ലെ​ങ്കിൽ അടുത്ത ദശകത്തിൽ ട്രാഫിക്‌ കുരു​ക്കു​ക​ളിൽ നഗരങ്ങൾ നിശ്ചല​മാ​കും.”

ഏഷ്യൻ രാജ്യ​ങ്ങൾക്കും വളരെ സമാന​മായ പ്രശ്‌ന​ങ്ങ​ളാണ്‌ ഉള്ളത്‌. യാത്രാ​ക്കു​രു​ക്കി​നു പേരു​കേ​ട്ട​താണ്‌ ടോക്കി​യോ നഗരം, ജപ്പാനിൽ ഉടനീ​ള​മുള്ള മറ്റു നഗരങ്ങ​ളിൽ ഇപ്പോൾ ഗതാഗത നിരക്ക്‌ വർധി​ക്കു​ക​യാണ്‌. ഫിലി​പ്പീൻസി​ലെ കാര്യ​മെ​ടു​ക്കുക. “സൂചി​കു​ത്താ​നി​ട​യി​ല്ലാ​ത​വണ്ണം തൊട്ടു​തൊ​ട്ടാണ്‌ തെരു​വു​ക​ളിൽ വാഹനങ്ങൾ കുടു​ങ്ങി​ക്കി​ട​ക്കു​ന്നത്‌, ഏറ്റവും യാത്രാ​തി​ര​ക്കേ​റിയ മണിക്കൂ​റു​ക​ളു​ടെ ദൈർഘ്യം കൂടു​ക​യാണ്‌, ആയിര​ക്ക​ണ​ക്കി​നു സ്ഥിരയാ​ത്ര​ക്കാ​രാണ്‌ വാഹന​മൊ​ന്നു നീങ്ങി​ക്കി​ട്ടാൻ കാത്തു​കെ​ട്ടി​ക്കി​ട​ക്കു​ന്നത്‌,” മനിലാ ബുള്ളറ്റി​നിൽവന്ന ഇത്തരം റിപ്പോർട്ടു​കൾ സാധാ​ര​ണ​മാ​ണ​വി​ടെ.

ഇപ്പോൾ ഈ പ്രതി​സ​ന്ധിക്ക്‌ ഒരു പൂർണ​പ​രി​ഹാ​രം ഉള്ളതായി കാണു​ന്നില്ല എന്നു പറയേ​ണ്ടി​യി​രി​ക്കു​ന്നു. ഗതാഗ​ത​ക്കു​രു​ക്കിൽ—തിര​ക്കേ​റിയ മണിക്കൂ​റു​ക​ളി​ലെ യാത്രാ​ക്കു​രു​ക്കു​മാ​യി പൊരു​ത്ത​പ്പെടൽ (ഇംഗ്ലീഷ്‌) എന്ന പുസ്‌ത​ക​ത്തി​ന്റെ എഴുത്തു​കാ​ര​നായ ആന്തണി ഡൗൺസ്‌ ഇപ്രകാ​രം പറയുന്നു: “ഭാവി​യിൽ ഉണ്ടാകാ​നി​രി​ക്കുന്ന യാത്രാ​ക്കു​രു​ക്കി​നെ​തി​രെ എന്തൊക്കെ പൊതു​നയം രൂപീ​ക​രി​ച്ചാ​ലും, ലോക​ത്തി​ന്റെ എല്ലാ ഭാഗങ്ങ​ളി​ലും​തന്നെ സാഹച​ര്യം കൂടുതൽ വഷളാ​കാ​നാ​ണു സാധ്യത. അതു​കൊണ്ട്‌ എനിക്കു പറയാ​നു​ള്ളത്‌ ഇതാണ്‌: അതുമാ​യി​ട്ടങ്ങ്‌ പൊരു​ത്ത​പ്പെ​ടുക.”

നിങ്ങൾക്ക്‌ എന്തു​ചെ​യ്യാൻ കഴിയും?

കാര്യ​ങ്ങ​ളു​ടെ നിജസ്ഥി​തി ഇതായ​തി​നാൽ നിങ്ങൾക്ക്‌ ഈ ദുഷ്‌ക​ര​മായ സാഹച​ര്യ​ത്തോ​ടു പൊരു​ത്ത​പ്പെ​ടാൻ എന്തു​ചെ​യ്യാൻ കഴിയും? കൂടെ​ക്കൂ​ടെ യാത്രാ​ക്കു​രു​ക്കിൽപ്പെ​ട്ടു​പോ​കുന്ന ജനകോ​ടി​ക​ളിൽ ഒരാളാ​ണു നിങ്ങ​ളെ​ങ്കിൽ ശാരീ​രി​ക​വും മാനസി​ക​വും ആയ ആരോ​ഗ്യം സംരക്ഷി​ക്കു​ന്ന​തി​നാ​യി നിങ്ങൾക്കു ചിലത്‌ ചെയ്യാൻ കഴിയും.

◼ തയ്യാ​റെ​ടു​ക്കുക. യാത്രാ​ക്കു​രു​ക്കിൽപ്പെ​ടു​ന്ന​തി​നു മുമ്പേ​തന്നെ പലരും പിരി​മു​റു​ക്ക​ത്തി​ലാ​യി​രി​ക്കും. താമസിച്ച്‌ എഴു​ന്നേൽക്കുന്ന ഇവർ ധൃതി​യിൽ കുളി​ച്ചൊ​രു​ങ്ങി എന്തെങ്കി​ലും ഭക്ഷണം പെട്ടെന്ന്‌ അകത്താക്കി പുറ​പ്പെ​ടു​ന്നു. ജോലിക്ക്‌ എത്താൻ വൈകു​മ​ല്ലോ  എന്ന വേവലാ​തി​യു​മാ​യാണ്‌ വീട്ടിൽനി​ന്നി​റ​ങ്ങു​ന്നത്‌, ഇക്കൂട്ടർക്ക്‌ യാത്രാ​ക്കു​രു​ക്കിൽപ്പെ​ടു​മ്പോൾ സമ്മർദം ഒന്നുകൂ​ടെ കൂടുന്നു. ഗതാഗത തടസ്സം ഉണ്ടാ​യേ​ക്കു​മെന്ന്‌ ധാരണ​യു​ണ്ടെ​ങ്കിൽ യാത്ര​യ്‌ക്കു​വേണ്ടി മാറ്റി​വെ​ച്ചി​രി​ക്കുന്ന സമയം കൂട്ടുക. നേരത്തേ പുറ​പ്പെ​ടു​ന്നെ​ങ്കിൽ ഗതാഗ​ത​ക്കു​രുക്ക്‌ ഉണ്ടാകു​ന്ന​തി​നു മുമ്പു​തന്നെ നിങ്ങൾക്ക്‌ അപ്പുറം കടക്കാൻപോ​ലും കഴി​ഞ്ഞേ​ക്കും. പതിവു​യാ​ത്ര​യു​ടെ സമ്മർദം—കാരണങ്ങൾ, ഫലങ്ങൾ, പൊരു​ത്ത​പ്പെടൽ രീതികൾ (ഇംഗ്ലീഷ്‌) എന്ന പുസ്‌തകം അനുസ​രിച്ച്‌, “സമ്മർദം കുറയ്‌ക്കാൻ ആഗ്രഹി​ക്കുന്ന ഒരു പതിവു​യാ​ത്ര​ക്കാ​രൻ കാര്യങ്ങൾ മുന്നമേ ചെയ്‌തു​വെ​ക്കും.” “ഇടാനുള്ള വസ്‌ത്രങ്ങൾ, ബ്രീഫ്‌കെ​യ്‌സ്‌, തന്റെയും കുട്ടി​ക​ളു​ടെ​യും ഉച്ചഭക്ഷണം എന്നിവ​യെ​ല്ലാം രാത്രി​യിൽത്തന്നെ തയ്യാറാ​ക്കി​വെ​ക്കും. അതാകു​മ്പോൾ രാവി​ലത്തെ തിരക്ക്‌ ഒഴിവാ​ക്കാം,” പുസ്‌തകം തുടരു​ന്നു. നന്നായി ഉറങ്ങണ​മെന്ന്‌ പ്രത്യേ​കം പറയേ​ണ്ട​തി​ല്ല​ല്ലോ. നേരത്തേ എഴു​ന്നേൽക്ക​ണ​മെ​ങ്കിൽ രാത്രി അധികം വൈകാ​തെ ഉറങ്ങാൻ പോ​യേ​പറ്റൂ.

നേരത്തേ എഴു​ന്നേൽക്കു​ന്ന​തു​കൊണ്ട്‌ മറ്റുചില പ്രയോ​ജ​ന​ങ്ങ​ളു​മുണ്ട്‌. ഉദാഹ​ര​ണ​ത്തിന്‌, ഗതാഗ​ത​ക്കു​രു​ക്കിൽ  കുടുങ്ങി ഏറെ​നേരം വാഹന​ത്തി​ലി​രി​ക്കു​മ്പോൾ നിങ്ങളു​ടെ പേശി​കൾക്കു സമ്മർദം ഏറുക​യും അവയുടെ വഴക്കം കുറയു​ക​യും ചെയ്യുന്നു. സാഹച​ര്യ​ങ്ങൾ അനുവ​ദി​ക്കു​ന്നെ​ങ്കിൽ രാവിലെ വ്യായാ​മം ചെയ്യരു​തോ? പതിവാ​യി വ്യായാ​മം ചെയ്യു​ന്നത്‌ നിങ്ങളു​ടെ മൊത്തം ആരോ​ഗ്യ​സ്ഥി​തി മെച്ച​പ്പെ​ടു​ത്തു​ക​യും ഗതാഗ​ത​ക്കു​രു​ക്കിൽ പെട്ടു​പോ​കു​മ്പോ​ഴുള്ള ശാരീ​രിക അസ്വസ്ഥ​തകൾ തരണം​ചെ​യ്യാൻ നിങ്ങളെ സഹായി​ക്കു​ക​യും ചെയ്യും. നേരത്തേ എഴു​ന്നേ​റ്റാൽ പോഷ​ക​പ്ര​ദ​മായ ഭക്ഷണം കഴിക്കു​ന്ന​തി​നുള്ള സമയവും കിട്ടും. എന്തെങ്കി​ലു​മൊ​ക്കെ ചവറു​ഭ​ക്ഷ​ണ​വും കഴിച്ച്‌, അല്ലെങ്കിൽ വെറും​വ​യ​റോ​ടെ വഴിയിൽ പെട്ടു​പോ​യാൽ അതു സമ്മർദം കൂടാനേ ഇടയാ​ക്കു​ക​യു​ള്ളൂ.

ഇനി, നിങ്ങളു​ടെ വാഹനം കേടു​പാ​ടു​കൾ പോക്കി നല്ലനി​ല​യി​ലാ​ണോ എന്ന്‌ ഉറപ്പു​വ​രു​ത്തു​ന്നത്‌ സമ്മർദം കുറയ്‌ക്കാൻ സഹായി​ക്കും. ഗതാഗ​ത​ക്കു​രു​ക്കിൽ, അതും നടു​റോ​ഡിൽ വണ്ടിനി​ന്നു​പോ​കു​ന്ന​ത്ര​യും ദുഷ്‌ക​ര​മാ​യത്‌ വേറെ അധിക​മില്ല, രൂക്ഷമായ കാലാ​വ​സ്ഥ​യാ​ണെ​ങ്കിൽ പ്രത്യേ​കി​ച്ചും. അതു​കൊണ്ട്‌ ബ്രേക്കു​കൾ, ടയറുകൾ, എസി, ഹീറ്റർ, വിൻഡ്‌ഷീൽഡ്‌ വൈപ്പ​റു​കൾ, മഞ്ഞ്‌ ഉരുക്കി​ക്ക​ള​യുന്ന ഉപകര​ണങ്ങൾ, മറ്റു പ്രധാ​ന​ഭാ​ഗങ്ങൾ തുടങ്ങി​യ​വ​യെ​ല്ലാം കാലാ​കാ​ല​ങ്ങ​ളിൽ കേടു​പോ​ക്കി പ്രവർത്ത​ന​സ​ജ്ജ​മാ​ണെന്ന്‌ ഉറപ്പു​വ​രു​ത്തുക. ഗതാഗ​ത​ക്കു​രു​ക്കിൽവെ​ച്ചു​ണ്ടാ​കുന്ന ചെറി​യൊ​രു അപകടം​പോ​ലും നിങ്ങളു​ടെ സമ്മർദം അത്യധി​ക​മാ​യി വർധി​പ്പി​ച്ചേ​ക്കാം. ഇന്ധനടാ​ങ്കിൽ ആവശ്യ​ത്തിന്‌ ഇന്ധനമു​ണ്ടെന്ന്‌ എപ്പോ​ഴും ഉറപ്പാ​ക്കുക.

◼ കാര്യങ്ങൾ അറിഞ്ഞി​രി​ക്കുക. ദിവസ​വും വണ്ടിയു​മെ​ടു​ത്തു പുറ​പ്പെ​ടു​ന്ന​തി​നു മുമ്പേ, മോശ​മായ കാലാവസ്ഥ, എവി​ടെ​യെ​ങ്കി​ലും റോഡു​പണി നടക്കു​ന്നു​ണ്ടോ, ഇടയ്‌ക്ക്‌ എവി​ടെ​യെ​ങ്കി​ലും റോഡ്‌ അടച്ചി​ട്ടു​ണ്ടോ, അപകട​മു​ണ്ടാ​യി​ട്ടു​ണ്ടോ, മറ്റ്‌ ട്രാഫിക്‌ വിവരങ്ങൾ എന്നിവ​യെ​ക്കു​റി​ച്ചൊ​ക്കെ അറിഞ്ഞി​രി​ക്കു​ന്നത്‌ സഹായ​ക​മാ​യി​രു​ന്നേ​ക്കാം. വാർത്ത കേൾക്കു​ക​യോ പത്രം​വാ​യി​ക്കു​ക​യോ ആരോ​ടെ​ങ്കി​ലും അന്വേ​ഷി​ക്കു​ക​യോ ഒക്കെ ചെയ്‌താൽ നിങ്ങൾക്ക്‌ ഇത്തരം വിവരങ്ങൾ ലഭി​ച്ചേ​ക്കും. പ്രദേ​ശ​ത്തി​ന്റെ ഒരു മാപ്പ്‌ ഉണ്ടായി​രി​ക്കു​ന്ന​തും നല്ലതാണ്‌. മറ്റ്‌ വഴിക​ളെ​ക്കു​റി​ച്ചൊ​ക്കെ അറിഞ്ഞി​രി​ക്കുക, തടസ്സങ്ങ​ളുള്ള സ്ഥലങ്ങൾ ഒഴിവാ​ക്കി ലക്ഷ്യസ്ഥാ​ന​ത്തെ​ത്താൻ ഈ വഴികൾ നിങ്ങളെ സഹായി​ച്ചേ​ക്കും.

◼ വാഹന​ത്തി​ലെ ഇരിപ്പ്‌ സൗകര്യ​പ്ര​ദ​മാ​ക്കുക. വാഹന​ത്തി​നു​ള്ളി​ലെ വായു​സ​ഞ്ചാ​ര​മാർഗ​ങ്ങ​ളും സീറ്റും ക്രമീ​ക​രി​ച്ചു​കൊണ്ട്‌ അതിനു​ള്ളി​ലെ ഇരിപ്പ്‌ കഴിയു​ന്നത്ര സുഖ​പ്ര​ദ​മാ​ക്കുക. ഒരു റേഡി​യോ​യോ, കാസെറ്റ്‌/സിഡി-പ്ലെയറോ ഉണ്ടെങ്കിൽ നിങ്ങൾക്കി​ഷ്ട​പ്പെട്ട പാട്ടു​കേൾക്കാ​മ​ല്ലോ. ചിലതരം സംഗീതം മനസ്സിനെ ശാന്തമാ​ക്കി, പിരി​മു​റു​ക്കം കുറയ്‌ക്കും. ഇവയൊ​ക്കെ ഗതാഗ​ത​ക്കു​രു​ക്കി​ന്റെ ശബ്ദകോ​ലാ​ഹ​ല​ങ്ങ​ളിൽനിന്ന്‌ ഒരുപ​രി​ധി​വരെ നിങ്ങളു​ടെ ശ്രദ്ധതി​രി​ച്ചു​വി​ടു​ക​യും ചെയ്യും. *

◼ സമയം ഫലകര​മാ​യി ഉപയോ​ഗി​ക്കുക. ഗതാഗ​ത​ക്കു​രു​ക്കിൽപ്പെ​ട്ടു​കി​ടക്കു​മ്പോൾ ക്രിയാ​ത്മ​ക​മാ​യി ചിന്തി​ക്കുക, അതാണ്‌ നിങ്ങൾക്കു ചെയ്യാ​വുന്ന ഏറ്റവും ഫലകര​മായ സംഗതി​ക​ളി​ലൊന്ന്‌. ഗതാഗ​ത​ക്കു​രു​ക്കി​ന്റെ തലവേ​ദ​ന​ക​ളെ​ക്കു​റി​ച്ചു ചിന്തിച്ച്‌ ആവലാ​തി​പ്പെ​ടു​ന്ന​തി​നു പകരം അന്നത്തെ നിങ്ങളു​ടെ കാര്യാ​ദി​ക​ളെ​ക്കു​റി​ച്ചു ചിന്തി​ക്കാൻ ശ്രമി​ക്കുക. നിങ്ങൾ തനിയെ ആണെങ്കിൽ ആ സമയത്ത്‌ നിങ്ങൾക്ക്‌ ഒരു അസുലഭ അവസര​മാ​ണു വീണു​കി​ട്ടു​ന്നത്‌. നിങ്ങളു​ടെ ചിന്താ​മ​ണ്ഡ​ല​ത്തിൽ കുരു​ങ്ങി​ക്കി​ട​ക്കുന്ന ചില പ്രധാ​ന​പ്പെട്ട കാര്യ​ങ്ങ​ളെ​ക്കു​റി​ച്ചു ചിന്തി​ക്കാ​നും എന്തിന്‌ തീരു​മാ​നങ്ങൾ എടുക്കാൻ പോലു​മുള്ള അവസരം, അതും മറ്റാരു​ടെ​യും കൈക​ട​ത്ത​ലി​ല്ലാ​തെ.

ഇനി നിങ്ങൾ ഒരു യാത്ര​ക്കാ​രൻ ആണെന്നി​രി​ക്കട്ടെ, കണ്ണെത്താ​ദൂ​ര​ത്തോ​ളം നീണ്ടു​കി​ട​ക്കുന്ന വാഹന​നി​ര​യെ​നോ​ക്കി നെടു​വീർപ്പി​ടു​ന്നത്‌ നിങ്ങളു​ടെ പിരി​മു​റു​ക്കം കൂട്ടു​ക​യേ​യു​ള്ളൂ. അതു​കൊണ്ട്‌ ഇത്തരം സന്ദർഭങ്ങൾ പ്രയോ​ജ​ന​പ്ര​ദ​മാ​യി ഉപയോ​ഗി​ക്കാൻ മുന്നമേ പ്ലാൻ ചെയ്യുക. നിങ്ങളു​ടെ പ്രിയ​പ്പെട്ട പുസ്‌ത​ക​മോ പത്രമോ കൂടെ കരുത​രു​തോ? കൈയിൽ കൊണ്ടു​ന​ട​ക്കാ​വുന്ന ഒരു ചെറിയ കമ്പ്യൂ​ട്ട​റിൽ കത്തുകൾ എഴുതാ​നോ ചില ജോലി​കൾ ചെയ്യാ​നോ തലേദി​വസം കിട്ടിയ കത്തുകൾ പരി​ശോ​ധി​ക്കാ​നോ ഈ സമയം ഉപയോ​ഗി​ക്കാൻ ചിലർ ഇഷ്ടപ്പെ​ട്ടേ​ക്കാം.

◼ യാഥാർഥ്യ​ബോ​ധം ഉണ്ടായി​രി​ക്കുക. നിങ്ങളു​ടെ പ്രദേ​ശത്ത്‌ ഗതാഗ​ത​ക്കു​രുക്ക്‌ ഒരു നിത്യ​സം​ഭ​വ​മാ​ണെ​ങ്കിൽ, അതു പ്രതീ​ക്ഷിച്ച്‌ അതിന​നു​സൃ​ത​മാ​യി കാര്യങ്ങൾ ആസൂ​ത്രണം ചെയ്യുക. മിക്ക നഗരങ്ങൾക്കും ഇതിന്റെ പിടി​യിൽനിന്ന്‌ മോച​ന​മു​ണ്ടെന്നു തോന്നു​ന്നില്ല. ഗതാഗ​ത​ക്കു​രു​ക്കിൽ—തിര​ക്കേ​റിയ മണിക്കൂ​റു​ക​ളി​ലെ യാത്രാ​ക്കു​രു​ക്കു​മാ​യി പൊരു​ത്ത​പ്പെടൽ എന്ന പുസ്‌തകം പറയുന്നു: “തിര​ക്കേ​റിയ മണിക്കൂ​റു​ക​ളി​ലെ യാത്രാ​ക്കു​രുക്ക്‌ ഇപ്പോൾത്തന്നെ നിലനിൽക്കുന്ന വൻനഗ​ര​ങ്ങൾക്കൊ​ന്നി​നും അടുത്ത​ഭാ​വി​യി​ലെ​ങ്ങും അതിൽനി​ന്നു കാര്യ​മായ മോച​ന​മു​ണ്ടാ​കു​മെന്നു തോന്നു​ന്നില്ല.” അതു​കൊണ്ട്‌ ഗതാഗ​ത​ക്കു​രുക്ക്‌ നിങ്ങളു​ടെ സാധാ​ര​ണ​ജീ​വി​ത​ത്തി​ന്റെ ഭാഗമാ​യി കരുതുക. ആ സമയം കഴിയു​ന്നത്ര ഫലപ്ര​ദ​മാ​ക്കാൻ വേണ്ട​തെ​ല്ലാം ചെയ്യുക.

[അടിക്കു​റിപ്പ്‌]

[26-ാം പേജിലെ ചിത്രം]

മുന്നമേ കാര്യങ്ങൾ ആസൂ​ത്രണം ചെയ്‌ത്‌ ഗതാഗ​ത​ക്കു​രുക്ക്‌ ഒഴിവാ​ക്കു​ക

[26-ാം പേജിലെ ചിത്രം]

പുറപ്പെടുന്നതിനു മുമ്പ്‌ അനു​യോ​ജ്യ​മായ ഒരു കാസെ​റ്റോ സിഡി-യോ തിര​ഞ്ഞെ​ടു​ക്കു​ക

[26-ാം പേജിലെ ചിത്രം]

യാത്രക്കാരനാണെങ്കിൽ, സമയം ഫലപ്ര​ദ​മാ​യി ഉപയോ​ഗി​ക്കു​ക

[26-ാം പേജിലെ ചിത്രം]

നിങ്ങളുടെ നിയ​ന്ത്ര​ണ​ത്തിന്‌ അതീത​മായ കാര്യ​ങ്ങ​ളെ​പ്രതി അസ്വസ്ഥ​രാ​ക​രുത്‌