ഇതാ അവ പറന്നക​ലു​ക​യാ​യി!

കുളി​രാർന്ന ഒരു ശരത്‌കാ​ലം. സന്ധ്യ മയങ്ങി​വ​രു​ന്നു. താമസി​യാ​തെ ഒരു കൂട്ടം വാത്തക​ളു​ടെ ഉച്ചത്തി​ലുള്ള ചിലയ്‌ക്കൽശബ്ദം ആ സ്വച്ഛമായ സന്ധ്യാ​സ​മ​യത്തെ നിശ്ശബ്ദ​തയെ ഭേദിച്ചു. പൊടു​ന്നനെ അവ ആകാശത്തു പ്രത്യ​ക്ഷ​മാ​യി—20-ഓളം വാത്തകൾ. ആകർഷ​ക​വും ശക്തവു​മായ ചിറക​ടി​ക​ളോ​ടെ പറന്നു​തു​ട​ങ്ങിയ അവ ഒരു വമ്പൻ ‘V’ ആകൃതി കൈവ​രി​ച്ചു. ഒരു വാത്ത മെല്ലെ ഇടത്തോ​ട്ടു തിരിഞ്ഞ്‌ കൂട്ടത്തി​ന്റെ പുറകി​ലേക്കു നീങ്ങി. ഈ വിസ്‌മ​യ​ക്കാഴ്‌ച്ച എന്നിൽ കൗതു​ക​മു​ണർത്തി. എന്തു​കൊ​ണ്ടാണ്‌ വാത്തകൾ പ്രത്യേക ആകൃതി​യി​ലുള്ള കൂട്ടങ്ങ​ളാ​യി പറക്കു​ന്നത്‌? അവ എവി​ടേ​ക്കാ​ണു പോകു​ന്നത്‌?

താറാവ്‌, അരയന്നം എന്നിവ​യു​മാ​യി അടുത്തു ബന്ധമുള്ള ജലപക്ഷി​യാണ്‌ വാത്ത. ലോക​മെ​മ്പാ​ടും 40-ഓളം ഇനം വാത്തക​ളുണ്ട്‌. ഏഷ്യയി​ലും യൂറോ​പ്പി​ലും വടക്കേ അമേരി​ക്ക​യി​ലു​മാണ്‌ ഇവ സാധാരണ കാണ​പ്പെ​ടു​ന്നത്‌. കറുത്തു നീണ്ട കഴുത്തും കണ്‌ഠ​ത്തി​നു ചുറ്റും വെളുത്ത നിറവു​മുള്ള കാനഡ വാത്ത ആണ്‌ പരക്കെ അറിയ​പ്പെ​ടുന്ന ഇനങ്ങളി​ലൊന്ന്‌. ജയന്റ്‌ കനേഡി​യൻ വാത്ത എന്ന ഉപവർഗ​ത്തി​ലെ പൂർണ വളർച്ച​യെ​ത്തിയ ആൺപക്ഷി​കൾക്ക്‌ 8 കിലോ​ഗ്രാം​വരെ ഭാരവും 2 മീറ്റർ ചിറകു​വി​രി​വും ഉണ്ടായി​രി​ക്കും. ഇത്‌ വടക്ക്‌ അലാസ്‌ക​യി​ലും വടക്കൻ കാനഡ​യി​ലും വേനൽക്കാ​ലം ചെലവ​ഴി​ക്കു​ക​യും ശൈത്യ​കാ​ലം ചെലവി​ടു​ന്ന​തി​നാ​യി തെക്ക്‌ മെക്‌സി​ക്കോ​യി​ലേക്കു ദേശാ​ടനം നടത്തു​ക​യും ചെയ്യുന്നു.

വാത്തകളെ സംബന്ധി​ച്ചി​ട​ത്തോ​ളം ദേശാ​ടനം നടത്തുന്ന സമയം വളരെ നിർണാ​യ​ക​മാണ്‌. വളരെ നേര​ത്തേ​യാണ്‌ അവ വടക്ക്‌ എത്തി​ച്ചേ​രു​ന്ന​തെ​ങ്കിൽ, വെള്ളം അപ്പോ​ഴും തണുത്തു​റ​ഞ്ഞി​രി​ക്കു​ക​യും ഭക്ഷണ ദൗർല​ഭ്യം നേരി​ടു​ക​യും ചെയ്യും. അതു​കൊ​ണ്ടു​തന്നെ അന്തരീക്ഷ ഊഷ്‌മാവ്‌ വർധി​ക്കു​ന്ന​തിന്‌ അനുസ​രി​ച്ചാ​യി​രി​ക്കും കാനഡ വാത്തയു​ടെ വടക്കോ​ട്ടുള്ള മുന്നേ​റ്റ​വും. ലക്ഷ്യസ്ഥാ​നത്ത്‌ എത്തി​ച്ചേ​രു​മ്പോൾ, വാത്തകൾ ജോഡി​യാ​യി തിരി​യു​ക​യും ഓരോ  ജോഡി​യും ഇണചേ​രു​ന്ന​തി​നു സ്വന്തമായ പ്രദേശം കൈയ​ട​ക്കു​ക​യും ചെയ്യുന്നു.

പ്രത്യേക ആകൃതി​യി​ലുള്ള കൂട്ടങ്ങ​ളാ​യി പറക്കു​മ്പോൾ വാത്തകൾക്കു പരസ്‌പരം കാണാൻ സാധി​ക്കു​ന്നു. ഇത്‌, മുമ്പിൽ പറക്കുന്ന പക്ഷി ഗതിയി​ലോ വേഗത്തി​ലോ ഉയരത്തി​ലോ വരുത്തുന്ന മാറ്റങ്ങ​ളോട്‌ എളുപ്പം പ്രതി​ക​രി​ക്കാൻ അവയെ സഹായി​ക്കു​ന്നു. കൂടാതെ, മുമ്പിൽ പറക്കുന്ന പക്ഷി സൃഷ്ടി​ക്കുന്ന വായു​വി​ന്റെ മുകളി​ലേ​ക്കുള്ള ആക്കം വായു​വി​ലെ വിക്ഷുബ്ധത കുറയ്‌ക്കു​ന്ന​തി​നാൽ കൂട്ടത്തി​ലെ മറ്റു പക്ഷികൾക്കു പറക്കൽ എളുപ്പ​മാ​കു​ന്നെന്നു ചില വിദഗ്‌ധർ വിശ്വ​സി​ക്കു​ന്നു. എന്തായാ​ലും ദേശാ​ടനം നടത്തുന്ന പക്ഷിക്കൂ​ട്ട​ങ്ങ​ളിൽ ഒട്ടേറെ കുടും​ബങ്ങൾ ഉള്ളതാ​യും മുതിർന്നവർ ഊഴമ​നു​സ​രി​ച്ചു നേതൃ​ത്വ​മെ​ടു​ക്കു​ന്ന​താ​യും കാണ​പ്പെ​ടു​ന്നു.

കാനഡ വാത്ത എല്ലാ വർഷവും ഒരേസ്ഥ​ല​ത്താ​ണു കൂടൊ​രു​ക്കു​ന്നത്‌. സാധാ​ര​ണ​മാ​യി ചുള്ളി​ക്ക​മ്പു​കൾ, പുല്ല്‌, പായൽ എന്നിങ്ങനെ ലളിത​മായ സാമ​ഗ്രി​കൾ ഉപയോ​ഗി​ച്ചാ​ണു കൂടു​കെ​ട്ടു​ന്നത്‌. വാത്തകൾക്ക്‌ ജീവി​ത​കാ​ലം മുഴുവൻ ഒരു ഇണ മാത്രമേ ഉണ്ടായി​രി​ക്കു​ക​യു​ള്ളൂ. ഒരു ഇണ ചത്തു​പോ​കു​ക​യാ​ണെ​ങ്കിൽ, ശേഷി​ച്ചി​രി​ക്കുന്ന വാത്ത മറ്റൊരു ഇണയെ സ്വീക​രി​ച്ചെ​ന്നു​വ​രും. എന്നിരു​ന്നാ​ലും, സാധാ​ര​ണ​ഗ​തി​യിൽ അത്‌ ഏകാകി​യാ​യി​ത്തന്നെ തുടരു​ന്നു.

പെൺപക്ഷി നാലു മുതൽ എട്ടു വരെ മുട്ടക​ളി​ടു​ന്നു. ഏകദേശം 28 ദിവസം അവൾ അതിന്‌ അടയി​രി​ക്കു​ന്നു. ആൺപക്ഷി​യും പെൺപ​ക്ഷി​യും നല്ല സംരക്ഷ​ക​രു​മാണ്‌. അവയ്‌ക്കോ കുഞ്ഞു​ങ്ങൾക്കോ ഭീഷണി നേരി​ടു​മ്പോൾ അവ വല്ലാത്ത ആക്രമ​ണ​സ്വ​ഭാ​വ​മു​ള്ള​വ​രാ​യി മാറും. ചിറകു​കൾകൊണ്ട്‌ ഇരപി​ടി​യ​ന്മാ​രെ ശക്തമായി പ്രഹരി​ക്കാൻ അവയ്‌ക്കു കഴിയും.

മുട്ടയ്‌ക്കു​ള്ളിൽ ആയിരി​ക്കു​മ്പോൾത്തന്നെ വാത്തക്കു​ഞ്ഞു​ങ്ങൾ ആശയവി​നി​മയം നടത്താൻ തുടങ്ങും. സംതൃ​പ്‌തി​യെ സൂചി​പ്പി​ക്കുന്ന ഉച്ചത്തി​ലുള്ള വിറയൽ ശബ്ദംമു​തൽ സഹായം അഭ്യർഥി​ക്കുന്ന തരത്തി​ലുള്ള ശബ്ദങ്ങൾവരെ അവ പുറ​പ്പെ​ടു​വി​ക്കാ​റുണ്ട്‌. കുഞ്ഞു​ങ്ങ​ളു​മാ​യും പരസ്‌പ​ര​വും ആശയവി​നി​മയം നടത്തു​ന്ന​തി​നു മുതിർന്ന​വ​രും പല തരത്തി​ലുള്ള ശബ്ദങ്ങൾ പുറ​പ്പെ​ടു​വി​ക്കാ​റുണ്ട്‌. വാസ്‌ത​വ​ത്തിൽ, കാനഡ വാത്തക​ളു​ടെ കുറഞ്ഞ​പക്ഷം 13 വ്യത്യസ്‌ത ശബ്ദങ്ങൾ ഗവേഷകർ തിരി​ച്ച​റി​ഞ്ഞി​ട്ടുണ്ട്‌.

സഹജ“ജ്ഞാനമു​ള്ളവ” ആണെന്ന​തി​നു വാത്തകൾ യഥാർഥ​ത്തിൽ തെളിവു നൽകുന്നു. (സദൃശ​വാ​ക്യ​ങ്ങൾ 30:24) തീർച്ച​യാ​യും ഇതി​ന്റെ​യെ​ല്ലാം ബഹുമതി യഹോ​വ​യാം ദൈവ​ത്തിന്‌, ആകാശ​ത്തി​ലെ പറവജാ​തി​കളെ ഉൾപ്പെടെ സകല​ത്തെ​യും സൃഷ്ടി​ച്ച​വന്‌, ഉള്ളതാണ്‌.—സങ്കീർത്തനം 104:24.

[17-ാം പേജിലെ ചതുരം/ചിത്രങ്ങൾ]

നിങ്ങൾ അറിഞ്ഞി​രു​ന്നോ?

● മുട്ടകൾ വിരി​ഞ്ഞാ​ലു​ടനെ, വാത്തക്കു​ഞ്ഞു​ങ്ങൾ തങ്ങളുടെ അച്ഛനോ​ടും അമ്മയോ​ടു​മൊ​പ്പം കൂടു​വി​ട്ടു​പോ​കു​ന്നു. കുടും​ബങ്ങൾ സാധാരണ ഒരുമി​ച്ചു കഴിയു​ന്നു.

● ബാർ-ഹെഡഡ്‌ വാത്തകൾ ഏകദേശം 8,900 മീറ്റർ ഉയരമുള്ള എവറസ്റ്റ്‌ കൊടു​മു​ടി​ക്കു മുകളി​ലൂ​ടെ ദേശാ​ടനം നടത്തു​ന്ന​താ​യി പറയ​പ്പെ​ടു​ന്നു.

● ചില ഇനം വാത്തകൾക്ക്‌ 1,600 കിലോ​മീ​റ്റ​റെ​ങ്കി​ലും വിശ്ര​മി​ക്കാ​തെ പറക്കാൻ സാധി​ക്കും.

● ‘V’ ആകൃതി​യിൽ കൂട്ടങ്ങ​ളാ​യി പറക്കു​മ്പോൾ വാത്തകൾക്ക്‌ കൂടെ​ക്കൂ​ടെ ചിറക​ടി​ക്കേണ്ടി വരുന്നില്ല. അതു​കൊണ്ട്‌ ഒറ്റയ്‌ക്കു പറക്കു​മ്പോ​ഴ​ത്തേ​തി​നെ അപേക്ഷിച്ച്‌ അവയുടെ ഹൃദയ​മി​ടി​പ്പി​ന്റെ എണ്ണം കുറവാ​യി​രി​ക്കും.

[കടപ്പാട്‌]

മുകളിൽ ഇടത്ത്‌: U.S. Fish & Wildlife Service, Washington, D.C./Duane C. Anderson

[16-ാം പേജിലെ ചിത്ര​ങ്ങൾക്ക്‌ കടപ്പാട്‌]

പറക്കുന്ന വാത്തകൾ: © Tom Brakefield/CORBIS