ഒരു നല്ല നാളെ ഉണ്ടാകു​മോ?

എന്നും തീവ്ര​മായ ആകാം​ക്ഷ​യു​ണർത്തുന്ന ഒന്നാണ്‌ ഭാവി. അടുത്ത മാസം നാം എന്തു ചെയ്യു​ക​യാ​യി​രി​ക്കും? അടുത്ത വർഷമോ? ഒരു ദശകത്തി​നു​ശേ​ഷ​മോ? ഇതൊക്കെ അറിയാൻ നമ്മിലാർക്കാണ്‌ താത്‌പ​ര്യ​മി​ല്ലാ​ത്തത്‌? കുറച്ചു​കൂ​ടി വിശാ​ല​മാ​യി പറഞ്ഞാൽ പത്തോ ഇരുപ​തോ മുപ്പതോ വർഷത്തി​നു​ശേഷം ഈ ലോകം എങ്ങനെ​യാ​യി​രി​ക്കും?

ഭാവി​യെ​ക്കു​റി​ച്ചു നിങ്ങൾക്ക്‌ ശുഭ​പ്ര​തീ​ക്ഷ​യു​ണ്ടോ? കോടി​ക്ക​ണ​ക്കിന്‌ ആളുകൾ ആത്മവി​ശ്വാ​സ​ത്തോ​ടെ ഭാവി​യി​ലേക്കു നോക്കു​ന്നു. ഇവരെ രണ്ടു വിഭാ​ഗ​ങ്ങ​ളാ​യി തിരി​ക്കാം. കാര്യങ്ങൾ ശുഭക​ര​മാ​കു​മെന്നു വിശ്വ​സി​ക്കാൻ ഈടുറ്റ കാരണ​ങ്ങ​ളു​ണ്ടെന്നു പറയുന്ന ഒരുകൂ​ട്ടർ. വേറൊ​ന്നും ചിന്തി​ച്ചി​ട്ടു കാര്യ​മി​ല്ലാ​ത്ത​തി​നാൽ സുന്ദര​മായ ഭാവി​യെ​ക്കു​റി​ച്ചു സ്വപ്‌നങ്ങൾ നെയ്യുന്ന മറ്റൊ​രു​കൂ​ട്ടർ.

ചിലരു​ടെ ദൃഷ്ടി​യിൽ ചക്രവാ​ള​മാ​കെ ഇരുൾ പരന്നി​രി​ക്കു​ക​യാണ്‌, ശുഭവാർത്ത​ക​ളൊ​ന്നും കേൾക്കാ​നില്ല. ഭൂഗ്ര​ഹ​ത്തി​ന്മേൽ ആഞ്ഞടി​ക്കാൻപോ​കുന്ന ഒരു സർവനാ​ശത്തെ വിളം​ബരം ചെയ്യു​ന്ന​തിൽ ഹരം​കൊ​ള്ളുന്ന ദുർവാർത്ത​യു​ടെ പ്രവാ​ച​ക​ന്മാർ ഇവരിൽപ്പെ​ടും. ഏതാനും​പേർ മാത്രമേ വരാനി​രി​ക്കുന്ന നാശത്തെ അതിജീ​വി​ക്കൂ, ചില​പ്പോൾ ആരും​തന്നെ രക്ഷപ്പെ​ട്ടെ​ന്നു​വ​രില്ല; അതാണ്‌ അവരുടെ കാഴ്‌ച​പ്പാട്‌.

അതിരി​ക്ക​ട്ടെ, ഭാവി എങ്ങനെ​യു​ള്ളത്‌ ആയിരി​ക്കു​മെ​ന്നാ​ണു നിങ്ങൾ കരുതു​ന്നത്‌? ഇരുളടഞ്ഞ ഭയാന​ക​മായ ഒന്നാണോ അതോ സമാധാ​ന​വും സുരക്ഷി​ത​ത്വ​വും നിറഞ്ഞ ഒന്നാണോ? ഒടുവിൽ പറഞ്ഞതി​നോ​ടാ​ണു നിങ്ങൾ യോജി​ക്കു​ന്ന​തെ​ങ്കിൽ നിങ്ങൾ അങ്ങനെ ചിന്തി​ക്കാൻ കാരണ​മെ​ന്താണ്‌? വെറുതെ ആശിക്കു​ക​യാ​ണോ അതോ അതിന്‌ ഈടുറ്റ തെളി​വു​കൾ ഉണ്ടോ?

മനുഷ്യ​വർഗം സർവനാ​ശ​ത്തി​ലേക്കു കുതി​ക്കു​ക​യാ​ണെന്ന്‌ ഉണരുക!യുടെ പ്രസാ​ധകർ വിശ്വ​സി​ക്കു​ന്നില്ല. കൊടും​വി​പ​ത്തി​ന്റെ പ്രവാ​ച​ക​ന്മാ​രിൽനി​ന്നു വ്യത്യ​സ്‌ത​മാ​യി അവർ ബൈബിൾ പറയു​ന്നതു വിശ്വ​സി​ക്കു​ന്നു, നമുക്കു മുമ്പിൽ ശോഭ​ന​മായ ഒരു ഭാവി​യു​ണ്ടെ​ന്നു​ള്ള​തിന്‌ ബൈബിൾ ഉറപ്പു​നൽകു​ന്നു.

[5-ാം പേജിലെ ചിത്ര​ങ്ങൾക്ക്‌ കടപ്പാട്‌]

U.S. Department of Energy photograph