ഞങ്ങളുടെ വായന​ക്കാ​രോട്‌

ഈ ലക്കം മുതൽ ഉണരുക!യുടെ ഉള്ളടക്ക​ത്തിൽ ചില ഭേദഗ​തി​കൾ വരുത്തി​യി​രി​ക്കു​ന്നു. ചില കാര്യങ്ങൾ വ്യത്യ​സ്‌ത​മാ​യി​രി​ക്കു​മെ​ങ്കി​ലും അധിക​വും മാറ്റമി​ല്ലാ​തെ തുടരും.

ദശാബ്ദ​ങ്ങ​ളോ​ളം മുറു​കെ​പ്പി​ടിച്ച അതേ ലക്ഷ്യം പിൻപ​റ്റാൻ ഉണരുക! ഇപ്പോ​ഴും പ്രതി​ജ്ഞാ​ബ​ദ്ധ​മാണ്‌. 4-ാം പേജിൽ വിശദീ​ക​രി​ച്ചി​രി​ക്കു​ന്ന​തു​പോ​ലെ, “ഈ പത്രിക പ്രസി​ദ്ധീ​ക​രി​ക്കു​ന്നത്‌ മുഴു കുടും​ബ​ത്തെ​യും പ്രബു​ദ്ധ​രാ​ക്കു​ന്ന​തി​നു വേണ്ടി​യാണ്‌.” ലോക​സം​ഭ​വങ്ങൾ സശ്രദ്ധം പരി​ശോ​ധി​ക്കുക, വ്യത്യസ്‌ത സംസ്‌കാ​ര​ങ്ങ​ളിൽനി​ന്നുള്ള ആളുക​ളെ​പ്പറ്റി പറയുക, സൃഷ്ടി​യു​ടെ വിസ്‌മ​യങ്ങൾ വിശദീ​ക​രി​ക്കുക, ആരോ​ഗ്യ​ത്തെ​ക്കു​റി​ച്ചു സംസാ​രി​ക്കുക, ശാസ്‌ത്രീയ വിവരങ്ങൾ വിശദീ​ക​രി​ച്ചു​കൊ​ടു​ക്കുക എന്നിങ്ങനെ നമുക്കു ചുറ്റു​മുള്ള ലോക​ത്തെ​പ്പറ്റി കാലാ​നു​സൃ​ത​മായ വിവരങ്ങൾ ഉണരുക! വായന​ക്കാർക്ക്‌ തുടർന്നും പകർന്നു​കൊ​ടു​ക്കും.

1946 ആഗസ്റ്റ്‌ 22 ലക്കത്തിൽ ഉണരുക! ഇപ്രകാ​രം ഉറപ്പു​നൽകി: “സത്യ​ത്തോ​ടു പറ്റിനിൽക്കുക എന്നതാ​യി​രി​ക്കും ഈ മാസി​ക​യു​ടെ പരമ​പ്ര​ധാന ലക്ഷ്യം.” അതിനു ചേർച്ച​യിൽ, വസ്‌തു​നി​ഷ്‌ഠ​മായ വിവരങ്ങൾ പ്രസി​ദ്ധീ​ക​രി​ക്കാൻ ഉണരുക! എല്ലായ്‌പോ​ഴും ശ്രമി​ച്ചി​ട്ടുണ്ട്‌. അതു​കൊണ്ട്‌ സമഗ്ര​മായ ഗവേഷണം നടത്തി, കൃത്യത പരി​ശോ​ധിച്ച്‌ ഉറപ്പു​വ​രു​ത്തി​യ​ശേ​ഷ​മാണ്‌ ലേഖനങ്ങൾ പ്രസി​ദ്ധീ​ക​രി​ക്ക​പ്പെ​ടു​ന്നത്‌. എന്നാൽ ഈ പത്രിക ഇതി​നെ​ക്കാൾ കൂടുതൽ ശ്രദ്ധേ​യ​മായ വിധത്തിൽ ‘സത്യ​ത്തോ​ടു പറ്റിനി​ന്നി​രി​ക്കു​ന്നു.’

എല്ലായ്‌പോ​ഴും ഉണരുക! ബൈബി​ളി​ലേക്കു വായന​ക്കാ​രു​ടെ ശ്രദ്ധ തിരി​ച്ചി​രു​ന്നു. എന്നിരു​ന്നാ​ലും, ഈ ലക്കം മുതൽ ഉണരുക! മുമ്പ​ത്തെ​ക്കാ​ള​ധി​കം ബൈബി​ള​ധി​ഷ്‌ഠിത ലേഖനങ്ങൾ വിശേ​ഷ​വ​ത്‌ക​രി​ക്കു​ന്ന​താ​യി​രി​ക്കും. (യോഹ​ന്നാൻ 17:17) അർഥവ​ത്തും വിജയ​പ്ര​ദ​വു​മായ ജീവിതം നയിക്കാൻ ബൈബി​ളി​ന്റെ പ്രാ​യോ​ഗിക ബുദ്ധി​യു​പ​ദേ​ശ​ത്തി​നു നമ്മെ സഹായി​ക്കാൻ കഴിയു​ന്നത്‌ എങ്ങനെ​യെന്നു കാണി​ച്ചു​ത​രുന്ന ലേഖന​ങ്ങ​ളും ഉണരുക! തുടർന്നും പ്രസി​ദ്ധീ​ക​രി​ക്കും. ഉദാഹ​ര​ണ​ത്തിന്‌, വളരെ​യ​ധി​കം ബൈബി​ള​ധി​ഷ്‌ഠിത മാർഗ​നിർദേ​ശങ്ങൾ പ്രദാ​നം​ചെ​യ്യുന്ന “യുവജ​നങ്ങൾ ചോദി​ക്കു​ന്നു . . . ,” “ബൈബി​ളി​ന്റെ വീക്ഷണം” എന്നീ ലേഖന​പ​ര​മ്പ​രകൾ ഈ പത്രി​ക​യു​ടെ പതിവ്‌ ഇനങ്ങളാ​യി തുടരും. കൂടാതെ, നിയമ​ത്തി​നു വില കൽപ്പി​ക്കാത്ത ഇപ്പോ​ഴത്തെ വ്യവസ്ഥി​തി​യു​ടെ സ്ഥാനത്ത്‌ സമാധാ​ന​പൂർണ​മായ പുതിയ ലോകം സ്ഥാപി​ക്ക​പ്പെ​ടു​മെന്ന ബൈബി​ളി​ന്റെ വാഗ്‌ദാ​ന​ത്തി​ലേക്ക്‌ ഉണരുക! തുടർന്നും വായന​ക്കാ​രു​ടെ ശ്രദ്ധ തിരി​ക്കു​ന്ന​താ​യി​രി​ക്കും.—വെളി​പ്പാ​ടു 21:3-5.

മറ്റു വ്യത്യാ​സങ്ങൾ എന്തൊ​ക്കെ​യാ​യി​രി​ക്കും? ഇപ്പോൾ ഉണരുക! പ്രത്യ​ക്ഷ​പ്പെ​ടുന്ന 82 ഭാഷക​ളിൽ മിക്കവ​യി​ലും ഈ ലക്കം മുതൽ അത്‌ പ്രതി​മാസ പതിപ്പാ​യി​ട്ടാ​യി​രി​ക്കും പ്രസി​ദ്ധീ​ക​രി​ക്കുക (മുമ്പ്‌ പല ഭാഷക​ളി​ലും ഇത്‌ അർധമാസ പതിപ്പാ​യി​രു​ന്നു). a 1946 മുതലുള്ള പതിവ്‌ ഇനമായ “ലോകത്തെ വീക്ഷിക്കൽ” തുടർന്നും എല്ലാ ലക്കത്തി​ലും ഉണ്ടായി​രി​ക്കും, എന്നാൽ രണ്ടു പേജു​ണ്ടാ​യി​രുന്ന അത്‌ ഒരു പേജായി ചുരു​ങ്ങും. 31-ാം പേജിൽ, “ഉത്തരം പറയാ​മോ?” എന്ന രസകര​മായ ഒരു പുതിയ പരമ്പര ഞങ്ങൾ അവതരി​പ്പി​ക്കു​ന്നു. അതിൽ എന്താണ്‌ അടങ്ങി​യി​രി​ക്കു​ന്നത്‌, നിങ്ങൾക്ക്‌ അത്‌ എങ്ങനെ ഉപയോ​ഗി​ക്കാൻ സാധി​ക്കും?

 ഈ ലക്കത്തിലെ 31-ാം പേജി​ലൂ​ടെ ഒന്നു കണ്ണോ​ടി​ക്കുക. ചില ഭാഗങ്ങൾ യുവ വായന​ക്കാർക്ക്‌ ആകർഷ​ക​മാ​യി​രി​ക്കും. ബൈബിൾ നന്നായി അറിയാ​വു​ന്ന​വ​രു​ടെ ഓർമയെ പരി​ശോ​ധി​ക്കു​ന്ന​താ​യി​രി​ക്കും മറ്റു ഭാഗങ്ങൾ. “ചരി​ത്ര​ത്തിൽ എപ്പോൾ?” എന്ന ഭാഗം ബൈബിൾ കഥാപാ​ത്രങ്ങൾ ജീവി​ച്ചി​രു​ന്ന​തും സുപ്ര​ധാന സംഭവങ്ങൾ നടന്നതും എപ്പോ​ഴെന്നു കാണി​ക്കുന്ന ഒരു കാലാ​നു​ക്രമ ചാർട്ട്‌ ഉണ്ടാക്കി​യെ​ടു​ക്കാൻ നിങ്ങളെ സഹായി​ക്കും. “ഈ ലക്കത്തിൽനിന്ന്‌” എന്ന ഭാഗത്തെ ചോദ്യ​ങ്ങൾക്കുള്ള ഉത്തരം മാസി​ക​യി​ലു​ട​നീ​ളം കണ്ടെത്താൻ സാധി​ക്കും. എന്നാൽ മറ്റു ചോദ്യ​ങ്ങൾക്കുള്ള ഉത്തരം അതേ ലക്കത്തിലെ ഒരു നിശ്ചിത പേജിൽ കണ്ടെത്താ​നാ​കും, അവിടെ അവ തലകീ​ഴാ​യി അച്ചടി​ച്ചി​രി​ക്കും. ഉത്തരങ്ങൾ വായി​ക്കു​ന്ന​തി​നു​മുമ്പ്‌ അൽപ്പം ഗവേഷണം നടത്തരു​തോ? പഠിക്കുന്ന കാര്യങ്ങൾ മറ്റുള്ള​വ​രോ​ടു പറയു​ക​യും ചെയ്യാ​വു​ന്ന​താണ്‌. “ഉത്തരം പറയാ​മോ?” എന്ന ഈ പുതിയ പരമ്പരയെ അടിസ്ഥാ​ന​പ്പെ​ടു​ത്തി കുടും​ബാം​ഗ​ങ്ങ​ളു​മാ​യും നിങ്ങൾ സഹവസി​ക്കുന്ന മറ്റുള്ള​വ​രു​മാ​യും ബൈബിൾ ചർച്ചക​ളിൽ ഏർപ്പെ​ടാ​നും സാധി​ക്കും.

ഏകദേശം 60 വർഷം മുമ്പ്‌ ഉണരുക! ഇപ്രകാ​രം വാഗ്‌ദാ​നം ചെയ്‌തു: “ചർച്ച ചെയ്യുന്ന വിഷയ​ങ്ങ​ളെ​ക്കു​റി​ച്ചു പറയു​ക​യാ​ണെ​ങ്കിൽ, പ്രാ​ദേ​ശി​ക​മായ വീക്ഷണ​കോ​ണി​ലൂ​ടെയല്ല മറിച്ച്‌ സാർവ​ലൗ​കി​ക​മായ കാഴ്‌ച​പ്പാ​ടി​ലൂ​ടെ വിവരങ്ങൾ അവതരി​പ്പി​ക്കാ​നാ​യി​രി​ക്കും ഈ മാസിക ശ്രമി​ക്കുക. . . . ഇത്‌ എല്ലാ രാജ്യ​ങ്ങ​ളി​ലു​മുള്ള ആത്മാർഥ​ഹൃ​ദ​യ​രായ ആളുകൾക്ക്‌ ആകർഷ​ക​മാ​യി​രി​ക്കും. ഈ മാസി​ക​യു​ടെ ഉള്ളടക്ക​വും വിവര​ങ്ങ​ളും . . . വളരെ​യ​ധി​കം ആളുകൾക്ക്‌, പ്രായ​മാ​യ​വർക്കും ചെറു​പ്പ​ക്കാർക്കും ഒരു​പോ​ലെ . . . വിജ്ഞാ​ന​പ്ര​ദ​വും വിദ്യാ​ഭ്യാ​സ​മൂ​ല്യ​മു​ള്ള​തും താത്‌പ​ര്യ​ജ​ന​ക​വും ആയിരി​ക്കും.” ഉണരുക! വാക്കു പാലി​ച്ചി​രി​ക്കു​ന്നെന്നു ലോക​മെ​മ്പാ​ടു​മുള്ള വായന​ക്കാർ സമ്മതി​ക്കും. ഇനിയും അത്‌ അങ്ങനെ​തന്നെ തുടരു​മെന്നു ഞങ്ങൾ നിങ്ങൾക്ക്‌ ഉറപ്പു​നൽകു​ന്നു.

പസാധകർ

[അടിക്കു​റി​പ്പു​കൾ]

[3-ാം പേജിലെ ചിത്രങ്ങൾ]

1919-ൽ “സുവർണ​യു​ഗം” എന്ന പേരിൽ അറിയ​പ്പെട്ടു, 1937-ൽ “ആശ്വാസം” എന്നും 1946-ൽ “ഉണരുക!” എന്നും മാറ്റി

[4-ാം പേജിലെ ചിത്രങ്ങൾ]

“ഉണരുക!” കാലങ്ങ​ളാ​യി വായന​ക്കാ​രു​ടെ ശ്രദ്ധ ബൈബി​ളി​ലേക്കു തിരി​ക്കു​ന്നു

[കടപ്പാട്‌]

തോക്കുകൾ: U.S. National Archives photo; വിശന്നു​വ​ല​യുന്ന കുട്ടി: WHO photo by W. Cutting