ബൈബി​ളി​ന്റെ വീക്ഷണം

മാർഗ​ദർശ​ന​ത്തി​നാ​യി ബൈബി​ളി​ലേക്കു നോ​ക്കേ​ണ്ടത്‌ എന്തു​കൊണ്ട്‌?

“എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ . . . ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും . . . പ്രയോ​ജ​ന​മു​ള്ളതു ആകുന്നു.” —2 തിമൊ​ഥെ​യൊസ്‌ 3:16, 17.

ജീവി​ത​ത്തിൽ മാർഗ​നിർദേ​ശ​ത്തി​നാ​യി നിങ്ങൾ എങ്ങോ​ട്ടാ​ണു നോക്കു​ന്നത്‌? മിക്കവാ​റും എല്ലാ വിഷയ​ങ്ങ​ളെ​ക്കു​റി​ച്ചും ഉപദേ​ശ​ങ്ങ​ളു​ടെ ഒരു പ്രളയം​തന്നെ ഇന്നു നമുക്കു ചുറ്റു​മുണ്ട്‌. എന്നിട്ടും പലരും മാർഗ​ദർശ​ന​ത്തി​നാ​യി ബൈബി​ളി​ലെ പുരാതന ലിഖി​ത​ങ്ങ​ളി​ലേക്കു നോക്കു​ന്നു.

എന്നിരു​ന്നാ​ലും ഭൂരി​ഭാ​ഗം​പേ​രും ബൈബി​ളി​നെ അത്ര ഗൗനി​ക്കാ​റില്ല. വിശേ​ഷിച്ച്‌ വിവരങ്ങൾ വിരൽത്തു​മ്പിൽ എത്തിക്കുന്ന, നൂതന​സാ​ങ്കേ​തി​ക​വി​ദ്യ​യു​ടെ ഇക്കാലത്ത്‌. വിദ്യാ​ഭ്യാ​സ-ശാസ്‌ത്ര രംഗങ്ങ​ളി​ലെ ചില ആദരണീയ വ്യക്തികൾ ഇനിയ​ങ്ങോ​ട്ടു ബൈബിൾ പ്രാ​യോ​ഗി​ക​മേയല്ല എന്ന ആശയത്തെ പിന്താ​ങ്ങു​ന്ന​വ​രാണ്‌. അവർ പറയു​ന്നതു ശരിയാ​ണോ? ഇന്ന്‌ മാർഗ​നിർദേ​ശ​ത്തി​ന്റെ നിരവധി ഉറവി​ടങ്ങൾ വ്യാപ​ക​മാ​ണെ​ന്നി​രി​ക്കെ ബൈബി​ളി​ലേക്കു തിരി​യേ​ണ്ടത്‌ എന്തു​കൊ​ണ്ടാണ്‌?

സത്യത്തി​ന്റെ ഒരു പുസ്‌ത​കം

യേശു​ക്രി​സ്‌തു ഒരിക്കൽ ഒരു കിണറ്റു​ക​ര​യിൽ വിശ്ര​മി​ക്കവേ അവിടെ വന്ന ഒരു ശമര്യ​ക്കാ​രി​യോ​ടു സംസാ​രി​ച്ചു​തു​ടങ്ങി. അവൻ പറഞ്ഞു: “ദൈവം ആത്മാവു ആകുന്നു; അവനെ നമസ്‌ക​രി​ക്കു​ന്നവർ ആത്മാവി​ലും സത്യത്തി​ലും നമസ്‌ക​രി​ക്കേണം.” (യോഹ​ന്നാൻ 4:24) ദൈവ​ത്തി​നു സ്വീകാ​ര്യ​മായ ഒരു ആരാധ​നാ​രീ​തി​യു​ണ്ടെന്ന്‌ ഈ വാക്കുകൾ കാണി​ച്ചു​ത​രു​ന്നു. നമ്മുടെ ആരാധന സത്യ​ത്തോ​ടു​കൂ​ടെ​യു​ള്ളത്‌ ആയിരി​ക്ക​ണ​മെ​ങ്കിൽ ദൈവം തന്നെക്കു​റി​ച്ചു ബൈബി​ളിൽ വെളി​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളോ​ടു ചേർച്ച​യി​ലാ​യി​രി​ക്കണം അത്‌. ദൈവ​വ​ച​ന​ത്തി​ലാണ്‌ സത്യം അടങ്ങി​യി​രി​ക്കു​ന്നത്‌.—യോഹ​ന്നാൻ 17:17.

എന്നാൽ ബൈബി​ളിൽ വിശ്വ​സി​ക്കു​ന്നെന്ന്‌ അവകാ​ശ​പ്പെ​ടുന്ന നിരവധി മതങ്ങളുണ്ട്‌, ഇവയുടെ ഓരോ​ന്നി​ന്റെ​യും പഠിപ്പി​ക്ക​ലു​ക​ളോ വ്യത്യ​സ്‌ത​വും. തന്നിമി​ത്തം, ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു എന്നതു സംബന്ധിച്ച്‌ ഏറെ ആശയക്കു​ഴ​പ്പ​ങ്ങ​ളുണ്ട്‌. യേശു ദൈവ​മാ​ണോ അതോ ദൈവ​ത്തി​ന്റെ പുത്ര​നാ​ണോ? മരണാ​ന​ന്തരം ഒരു ജീവി​ത​മു​ണ്ടോ? മരണാ​ന​ന്തരം ആളുകളെ ദണ്ഡിപ്പി​ക്കുന്ന ശരിക്കു​മുള്ള ഒരു സ്ഥലമാ​ണോ നരകം? സാത്താൻ ഒരു യഥാർഥ വ്യക്തി​യാ​ണോ? ക്രിസ്‌ത്യാ​നി​യാ​യി​രി​ക്കു​ക​യെ​ന്നാൽ എന്താണ്‌ അർഥം? നാം ചെയ്യു​ന്ന​തും ചിന്തി​ക്കു​ന്ന​തു​മായ കാര്യങ്ങൾ ദൈവം കണക്കി​ലെ​ടു​ക്കു​ന്നു​വോ? ആത്മാർഥ പ്രണയം  വിവാ​ഹ​ത്തി​നു മുമ്പേ​യുള്ള ലൈം​ഗി​ക​ത​യ്‌ക്കു ന്യായീ​ക​ര​ണ​മാ​കു​മോ? മദ്യം കഴിക്കു​ന്നതു തെറ്റാ​ണോ? a ഈ കാര്യ​ങ്ങ​ളെ​ല്ലാം സംബന്ധിച്ച്‌ തങ്ങൾ സത്യമാ​ണു പഠിപ്പി​ക്കു​ന്ന​തെന്ന്‌ പല മതങ്ങളും അവകാ​ശ​പ്പെ​ടു​ന്നു. പക്ഷേ മതോ​പ​ദേ​ശങ്ങൾ പലപ്പോ​ഴും പരസ്‌പര വിരു​ദ്ധ​മാ​ണെന്നു മാത്രം. അവയെ​ല്ലാം​കൂ​ടെ ഏതായാ​ലും സത്യമാ​യി​രി​ക്കു​ക​യില്ല.—മത്തായി 7:21-23.

അങ്ങനെ​യാ​ണെ​ങ്കിൽ നിങ്ങൾ ദൈവ​ത്തെ​ക്കു​റി​ച്ചുള്ള സത്യവും അവനു പ്രസാ​ദ​ക​ര​മായ ആരാധ​നാ​രീ​തി​യും എവി​ടെ​നി​ന്നു മനസ്സി​ലാ​ക്കും? ഉദാഹ​ര​ണ​ത്തിന്‌ ഒരു ഗുരു​ത​ര​മായ രോഗം ഭേദമാ​ക്കാൻ നിങ്ങൾക്കൊ​രു ശസ്‌ത്ര​ക്രിയ ആവശ്യ​മാ​ണെന്നു നിങ്ങൾ മനസ്സി​ലാ​ക്കി​യെ​ന്നി​രി​ക്കട്ടെ. നിങ്ങൾ എന്തു ചെയ്യും? സാധ്യ​മെ​ങ്കിൽ ഇക്കാര്യ​ത്തിൽ ഏറ്റവും നിപു​ണ​നായ ഒരു ശസ്‌ത്ര​ക്രി​യാ​വി​ദ​ഗ്‌ധനെ കണ്ടുപി​ടി​ക്കാൻ നിങ്ങൾ കഴിയു​ന്നത്ര ശ്രമി​ക്കും. അദ്ദേഹ​ത്തി​ന്റെ യോഗ്യ​ത​ക​ളും അനുഭ​വ​പ​രി​ച​യ​വും നിങ്ങൾ കണക്കി​ലെ​ടു​ക്കും, അദ്ദേഹത്തെ സമീപിച്ച്‌ നിങ്ങൾ കാര്യ​ങ്ങ​ളെ​ല്ലാം സംസാ​രി​ക്കും. തെളി​വു​ക​ളെ​ല്ലാം പരിചി​ന്തിച്ച്‌ അദ്ദേഹ​മാണ്‌ ഏറ്റവും സമർഥൻ എന്നു ബോധ്യ​പ്പെ​ടു​മ്പോൾ പിന്നെ നിങ്ങൾക്ക്‌ അദ്ദേഹത്തെ പൂർണ വിശ്വാ​സ​മാണ്‌, നിങ്ങളു​ടെ ശസ്‌ത്ര​ക്രിയ അദ്ദേഹ​ത്തെ​ക്കൊ​ണ്ടു നടത്തി​ക്കാൻ നിങ്ങൾക്കു സമ്മതമാണ്‌. മറ്റുള്ള​വർക്കു ചില​പ്പോൾ വേറൊ​രു അഭി​പ്രാ​യം ഉണ്ടായി​രു​ന്നേ​ക്കാം. പക്ഷേ ഈ ഡോക്ട​റു​ടെ​മേൽ ഇപ്പോൾ നിങ്ങൾക്കുള്ള വിശ്വാ​സം നിങ്ങളു​ടെ ബോധ്യ​ത്തി​ന്റെ അടിസ്ഥാ​ന​ത്തി​ലു​ള്ള​താണ്‌.

സമാന​മാ​യി, ലഭ്യമായ തെളി​വു​കൾ പരമാർഥ​ത​യോ​ടെ സൂക്ഷ്‌മ​മാ​യി പരി​ശോ​ധി​ക്കു​ന്നെ​ങ്കിൽ ദൈവ​ത്തി​ലും ബൈബി​ളി​ലും നിങ്ങൾക്കു വിശ്വാ​സം വളർത്തി​യെ​ടു​ക്കാ​നാ​കും. (സദൃശ​വാ​ക്യ​ങ്ങൾ 2:1-4) ദൈവ​ത്തി​നു സ്വീകാ​ര്യ​മായ ആരാധന സംബന്ധിച്ച്‌ നിങ്ങൾക്കുള്ള ചോദ്യ​ങ്ങ​ളു​ടെ ഉത്തരം അന്വേ​ഷി​ക്കവേ നിങ്ങൾക്കു തിര​ഞ്ഞെ​ടു​ക്കാ​നുള്ള സ്വാത​ന്ത്ര്യ​മുണ്ട്‌. ഒന്നുകിൽ ആളുക​ളു​ടെ പരസ്‌പര വിരു​ദ്ധ​മായ പഠിപ്പി​ക്ക​ലു​ക​ളും അഭി​പ്രാ​യ​ങ്ങ​ളും നിങ്ങൾക്കു പരിചി​ന്തി​ക്കാം, അതല്ലെ​ങ്കിൽ ബൈബി​ളി​ന്റെ വീക്ഷണം മനസ്സി​ലാ​ക്കാം.

കൃത്യ​ത​യു​ള്ള​തും പ്രാ​യോ​ഗി​ക​വും

ബൈബിൾ ശ്രദ്ധാ​പൂർവം പരിചി​ന്തി​ക്കു​മ്പോൾ “എല്ലാതി​രു​വെ​ഴു​ത്തും ദൈവ​ശ്വാ​സീയ”വും “പ്രയോ​ജ​ന​മുള്ള”തുമാണ്‌ എന്നതിനു നിങ്ങൾക്കു ഗണ്യമായ തെളി​വു​കൾ ലഭിക്കും. b (2 തിമൊ​ഥെ​യൊസ്‌ 3:16, 17) ഉദാഹ​ര​ണ​ത്തിന്‌, ബൈബി​ളിൽ വിശദാം​ശങ്ങൾ സഹിത​മുള്ള ഒട്ടനവധി പ്രവച​ന​ങ്ങ​ളുണ്ട്‌. ചരി​ത്ര​രേ​ഖകൾ അവയുടെ സത്യത ശരി​വെ​ക്കു​ന്നു. (യെശയ്യാ​വു 13:19, 20; ദാനീ​യേൽ 8:3-8, 20-22; മീഖാ 5:2) ബൈബിൾ ഒരു ശാസ്‌ത്ര​പു​സ്‌ത​ക​മ​ല്ലെ​ങ്കി​ലും ശാസ്‌ത്രീയ വസ്‌തു​ത​ക​ളോ​ടു തികച്ചും യോജി​പ്പി​ലാണ്‌. പ്രകൃതി, ആരോ​ഗ്യം എന്നീ വിഷയ​ങ്ങ​ളോ​ടു ബന്ധപ്പെട്ട വസ്‌തു​തകൾ ഇന്നത്തെ ശാസ്‌ത്രജ്ഞർ മനസ്സി​ലാ​ക്കു​ന്ന​തിന്‌ ആയിര​ക്ക​ണ​ക്കി​നു വർഷം​മു​മ്പേ ബൈബി​ളിൽ എഴുത​പ്പെ​ട്ടി​രു​ന്നു.—ലേവ്യ​പു​സ്‌തകം 11:27, 28, 32, 33; യെശയ്യാ​വു 40:22.

മാത്രമല്ല, ബൈബിൾ നമ്മെ ജ്ഞാനപൂർവ​ക​മായ തീരു​മാ​നങ്ങൾ എടുക്കാൻ സഹായി​ക്കു​ന്നു. കുടും​ബ​ജീ​വി​തം, ശാരീ​രി​ക​വും വൈകാ​രി​ക​വു​മായ ആരോ​ഗ്യം, ബിസി​നസ്‌, മറ്റ്‌ ദൈനം​ദിന കാര്യാ​ദി​കൾ എന്നീ മേഖല​ക​ളിൽ ആവശ്യ​മായ പ്രാ​യോ​ഗിക നിർദേ​ശ​ങ്ങ​ളു​ടെ ഒരു കലവറ​ത​ന്നെ​യാ​ണു ബൈബിൾ. സദൃശ​വാ​ക്യ​ങ്ങൾ 2:6, 7 പറയുന്നു: “യഹോ​വ​യ​ല്ലോ ജ്ഞാനം നല്‌കു​ന്നതു; അവന്റെ വായിൽനി​ന്നു പരിജ്ഞാ​ന​വും വിവേ​ക​വും വരുന്നു. അവൻ നേരു​ള്ള​വർക്കു രക്ഷ [“പ്രാ​യോ​ഗിക ജ്ഞാനം,” NW] സംഗ്ര​ഹി​ച്ചു വെക്കുന്നു.” മാർഗ​നിർദേ​ശ​ത്തി​നാ​യി ബൈബി​ളി​ലേക്കു നോക്കു​ന്ന​തു​വഴി “നന്മതി​ന്മ​കളെ തിരി​ച്ച​റി​വാൻ” നിങ്ങൾക്കു നിങ്ങളു​ടെ ഗ്രഹണ​പ്രാ​പ്‌തി​കളെ പരിശീ​ലി​പ്പി​ക്കാൻ കഴിയും.—എബ്രായർ 5:14.

ജീവി​ത​ത്തി​ന്റെ ഉദ്ദേശ്യം മനസ്സി​ലാ​ക്കാ​നും ദൈവ​വ​ചനം നമ്മെ സഹായി​ക്കു​ന്നു. (യോഹ​ന്നാൻ 17:3; പ്രവൃ​ത്തി​കൾ 17:26, 27) ഇന്നത്തെ ലോകാ​വ​സ്ഥ​ക​ളു​ടെ അർഥം അതു വിശദീ​ക​രി​ക്കു​ന്നു. (മത്തായി 24:3, 7, 8, 14; 2 തിമൊ​ഥെ​യൊസ്‌ 3:1-5) ഭൂമി​യിൽനി​ന്നു താൻ തിന്മ തുടച്ചു​നീ​ക്കാൻ പോകു​ന്നത്‌ എങ്ങനെ​യെ​ന്നും മനുഷ്യ​വർഗ​ത്തി​നു പൂർണ ആരോ​ഗ്യ​ത്തോ​ടെ എന്നേക്കും ജീവി​ക്കാൻ കഴിയു​ന്നത്‌ എങ്ങനെ​യെ​ന്നും ദൈവം അതിലൂ​ടെ വിവരി​ച്ചി​രി​ക്കു​ന്നു.—യെശയ്യാ​വു 33:24; ദാനീ​യേൽ 2:44; വെളി​പ്പാ​ടു 21:3-5.

ബൈബിൾ പ്രാ​യോ​ഗിക ജ്ഞാനത്തി​ന്റെ വിശ്വ​സ​നീ​യ​വും ആശ്രയ​യോ​ഗ്യ​വു​മായ ഒരു ഉറവാ​ണെന്ന്‌ ലക്ഷക്കണ​ക്കിന്‌ ആളുകൾ നേരിട്ടു മനസ്സി​ലാ​ക്കി​യി​രി​ക്കു​ന്നു. ഉണരുക! മാസി​ക​യു​ടെ എല്ലാ ലക്കങ്ങളി​ലു​മുള്ള “ബൈബി​ളി​ന്റെ വീക്ഷണം” എന്ന പതിവ്‌ ഇനത്തിൽ വരുന്ന ലേഖന പരമ്പരകൾ ക്രമമാ​യി വായി​ക്കാൻ ഇതിന്റെ പ്രസാ​ധകർ നിങ്ങളെ ക്ഷണിക്കു​ന്നു. അങ്ങനെ ചെയ്യു​മ്പോൾ നിങ്ങളു​ടെ ജീവി​ത​ത്തിൽ മാർഗ​ദർശ​ന​ത്തി​നാ​യി നോക്കാൻ കഴിയുന്ന ഉത്തമ ഉറവി​ട​മാണ്‌ ബൈബിൾ എന്നുള്ള​തി​നു കൂടുതൽ തെളി​വു​കൾ നിങ്ങൾക്കു കണ്ടെത്താ​നാ​യേ​ക്കും.

[അടിക്കു​റി​പ്പു​കൾ]

നിങ്ങൾ ചിന്തി​ച്ചി​ട്ടു​ണ്ടോ?

◼ ഏതു വിധത്തി​ലുള്ള ആരാധ​ന​യാണ്‌ ദൈവ​ത്തി​നു സ്വീകാ​ര്യം?—യോഹ​ന്നാൻ 4:24.

◼ ദൈവ​ത്തി​ന്റെ ജ്ഞാനത്തിൽനി​ന്നു പ്രയോ​ജനം നേടാൻ നിങ്ങൾ എന്തു​ചെ​യ്യണം?—സദൃശ​വാ​ക്യ​ങ്ങൾ 2:1-4.

◼ ബൈബിൾ പ്രാ​യോ​ഗിക മാർഗ​നിർദേ​ശ​ത്തി​ന്റെ ഉറവാ​യി​രി​ക്കു​ന്നത്‌ ഏതുവി​ധ​ത്തിൽ?—എബ്രായർ 5:14.