അടിയ​ന്തിര വൈദ്യ​സ​ഹാ​യം ലണ്ടൻ

ബ്രിട്ടനിലെ ഉണരുക! ലേഖകൻ

“ലണ്ടന്റെ 1,600 ചതുരശ്ര കിലോ​മീ​റ്റർ ചുറ്റള​വിൽ എവി​ടെ​യും ഗുരു​ത​രാ​വ​സ്ഥ​യി​ലാ​യി​രി​ക്കുന്ന രോഗി​ക​ളു​ടെ​യും പരു​ക്കേ​റ്റ​വ​രു​ടെ​യും അടുക്കൽ എട്ടു മിനി​ട്ടി​നകം എത്തി​ച്ചേ​രുക എന്നതാണ്‌ ഞങ്ങളുടെ ലക്ഷ്യം. വർഷം​തോ​റും ഇത്തരം കേസു​ക​ളു​ടെ എണ്ണം വർധി​ക്കു​ക​യാ​ണെ​ങ്കി​ലും 75 ശതമാ​ന​ത്തി​ല​ധി​കം കേസു​ക​ളി​ലും ഞങ്ങൾ ലക്ഷ്യം കൈവ​രി​ക്കു​ന്നു” എന്ന്‌ ലണ്ടൻ ആംബു​ലൻസ്‌ സർവീ​സി​ലെ, ആംബു​ലൻസ്‌ ഓപ്പ​റേ​ഷൻസ്‌ മാനേജർ റോബ്‌ ആഷ്‌ഫാർഡ്‌ വിശദീ​ക​രി​ക്കു​ന്നു.

ലണ്ടന്റെ സെൻട്രൽ ആംബു​ലൻസ്‌ കേന്ദ്രം സന്ദർശി​ക്കാ​നുള്ള ക്ഷണം എനിക്കു ലഭിച്ചു. തെംസ്‌ നദിയു​ടെ ദക്ഷിണ തീരത്തുള്ള വാട്ടർലൂ​വി​ലാണ്‌ അതു സ്ഥിതി​ചെ​യ്യു​ന്നത്‌. യൂറോ​പ്പി​ലു​ള്ള​തിൽവെച്ച്‌ ഏറ്റവും വലിയ കേന്ദ്ര​മായ ഇത്‌ ദിവസ​വും അടിയ​ന്തിര സഹായം ആവശ്യ​പ്പെ​ട്ടു​കൊ​ണ്ടുള്ള ഏകദേശം 3,000 ടെലി​ഫോൺ കോളു​കൾ കൈകാ​ര്യം ചെയ്യുന്നു. 300-ലധികം ഭാഷകൾ സംസാ​രി​ക്കുന്ന ഏകദേശം 70 ലക്ഷം ആളുകൾ ഉൾപ്പെ​ടുന്ന ജനസമൂ​ഹ​ത്തിൽനി​ന്നാണ്‌ ഈ കോളു​കൾ വരുന്നത്‌. ഈ കൺ​ട്രോൾ റൂമിൽ 300 പേർ ജോലി ചെയ്യുന്നു. വെല്ലു​വി​ളി​യെ നേരി​ടാൻ ഇവർ എങ്ങനെ​യാണ്‌ സംഘടി​പ്പി​ക്ക​പ്പെ​ട്ടി​രി​ക്കു​ന്നത്‌?

കോളു​കൾ തരംതി​രി​ക്കു​ന്നു

അടിയ​ന്തിര സാഹച​ര്യ​ങ്ങ​ളിൽ ബന്ധപ്പെ​ടേണ്ട ടെലി​ഫോൺ നമ്പർ 999 ആയതി​നാൽ ബ്രിട്ട​നിൽ ഇത്തരം കോളു​കൾ “999 അടിയ​ന്തിര കോളു​കൾ” എന്ന പേരി​ലാണ്‌ അറിയ​പ്പെ​ടു​ന്നത്‌. കേന്ദ്ര​ത്തി​ലേക്കു വന്ന ഇത്തരം കോളു​കൾക്കു മറുപടി കൊടു​ത്തു​കൊ​ണ്ടി​രുന്ന ഒരു ഓപ്പ​റേ​റ്ററെ ഞാൻ നിരീ​ക്ഷി​ച്ചു. പ്രശ്‌ന​ത്തി​ന്റെ കൃത്യ​സ്ഥ​ല​വും അവി​ടെ​നിന്ന്‌ ഏറ്റവും അടുത്തുള്ള ജങ്‌ഷൻ ഏതാ​ണെ​ന്നും ഓപ്പ​റേറ്റർ സത്വരം ചോദി​ച്ച​റി​ഞ്ഞു. പെട്ടെ​ന്നു​തന്നെ അവളുടെ കമ്പ്യൂട്ടർ സ്‌ക്രീ​നിൽ ഒരു റോഡ്‌ മാപ്പ്‌ തെളി​ഞ്ഞു​വന്നു. മുൻഗ​ണ​നാ​ക്രമം നിശ്ചയി​ക്കേ​ണ്ട​തിന്‌ അവൾ ചില ചോദ്യ​ങ്ങൾ ചോദി​ച്ചു: എത്ര ആളുകൾക്കു സഹായം ആവശ്യ​മാണ്‌? അവരുടെ പ്രായം എത്രയാണ്‌? സ്‌ത്രീ​ക​ളാ​ണോ പുരു​ഷ​ന്മാ​രാ​ണോ? അവർക്കു ബോധ​മു​ണ്ടോ? അവർ ശ്വസി​ക്കു​ന്നു​ണ്ടോ? അവർക്കു നെഞ്ചു​വേദന അനുഭ​വ​പ്പെ​ടു​ന്നു​ണ്ടോ? ശരീര​ത്തിൽനി​ന്നു രക്തം വാർന്നു​പോ​കു​ന്നു​ണ്ടോ?

ഓപ്പ​റേ​റ്റർ ഈ വിവരങ്ങൾ കമ്പ്യൂ​ട്ട​റിൽ രേഖ​പ്പെ​ടു​ത്തു​മ്പോൾ, കമ്പ്യൂട്ടർ സന്ദർഭത്തെ വിലയി​രു​ത്തു​ക​യും  അടിയ​ന്തി​ര​ത​യു​ടെ അടിസ്ഥാ​ന​ത്തിൽ തരംതി​രി​ക്കു​ക​യും ചെയ്യുന്നു. ഉടൻതന്നെ ജീവനു ഭീഷണി​യു​ണ്ടാ​കും എന്നതിനെ സൂചി​പ്പി​ക്കാ​നാണ്‌ ചുവപ്പു​നി​റം. ഗുരു​ത​ര​മാണ്‌ എന്നാൽ ഉടൻ ജീവനു ഭീഷണി ഉണ്ടാകു​ക​യില്ല എന്നതിനെ കുറി​ക്കാൻ തവിട്ടു​മ​ഞ്ഞ​നി​റം, ഗുരു​ത​ര​മോ ജീവനു ഭീഷണി ഉയർത്തു​ന്ന​തോ അല്ല എന്നതിനെ കുറി​ക്കാൻ പച്ചനിറം. ഓപ്പ​റേറ്റർ ഈ വിലയി​രു​ത്തൽ ഒരു സഹപ്ര​വർത്ത​കനു കൈമാ​റു​ന്നു, അദ്ദേഹം സഹായം ലഭ്യമാ​ക്കാൻ വേണ്ട ക്രമീ​ക​ര​ണങ്ങൾ ചെയ്യുന്നു.

സംഭവ​സ്ഥ​ലത്തു സഹായ​മെ​ത്തി​ക്കൽ

ഈ സന്നദ്ധ സംഘട​ന​യ്‌ക്ക്‌ 395 ആംബു​ലൻസു​ക​ളും സത്വരം സഹായ​മെ​ത്തി​ക്കുന്ന 60 കാറു​ക​ളു​മുണ്ട്‌. ഒരു അടിയ​ന്തിര സാഹച​ര്യം റിപ്പോർട്ടു ചെയ്യ​പ്പെ​ടു​മ്പോൾ, സംഭവ​സ്ഥ​ല​ത്തേക്കു പോകാൻ ഏറ്റവും പറ്റിയ​തും സമീപ​ത്തു​ള്ള​തു​മായ വാഹന​ത്തി​നു നിർദേശം ലഭിക്കു​ന്നു. വൈദ്യ​സം​ബ​ന്ധ​മായ വിദഗ്‌ധ പരിശീ​ലനം ലഭിച്ച രക്ഷാ​പ്ര​വർത്ത​ക​രും ഇരുച​ക്ര​വാ​ഹ​ന​ങ്ങ​ളു​മാ​യി തയ്യാറാ​യി​രി​ക്കും. ഗതാഗ​ത​ത്തി​ര​ക്കേ​റിയ സ്ഥലങ്ങളിൽ ട്രാഫി​ക്കി​നി​ട​യിൽക്കൂ​ടി എളുപ്പം ഓടി​ച്ചു​പോ​കാൻ ഇവർക്കു സാധി​ക്കും. കൂടാതെ രക്ഷാ​പ്ര​വർത്ത​കരെ സഹായി​ക്കാൻ 12 ഡോക്ടർമാർ 24 മണിക്കൂ​റും സജ്ജരാണ്‌.

ഞാൻ കേന്ദ്ര​ത്തി​ലു​ണ്ടാ​യി​രുന്ന സമയത്ത്‌, തിരക്കു​പി​ടിച്ച ഒരു ഹൈ​വേ​യിൽ ഉണ്ടായ ഗുരു​ത​ര​മായ ഒരു അപകടം പ്രാ​ദേ​ശിക പോലീസ്‌ റിപ്പോർട്ടു ചെയ്‌തു. ആംബു​ലൻസ്‌ അപ്പോ​ഴേ​ക്കും സംഭവ​സ്ഥ​ലത്ത്‌ എത്തി​ച്ചേർന്നി​രു​ന്നു, എങ്കിലും പോലീസ്‌ ആംബു​ലൻസ്‌ ആസ്ഥാന​ത്തേക്കു വിളിച്ചു. അത്‌ എന്തിനാ​യി​രു​ന്നു? ഹെലി​കോ​പ്‌റ്റ​റി​ന്റെ സേവനം ആവശ്യ​മാ​യി വന്നേക്കാ​മെന്ന്‌ അവിടത്തെ ജോലി​ക്കാ​രെ മുന്നമേ അറിയി​ക്കു​ന്ന​തി​നു വേണ്ടി​യാ​യി​രു​ന്നു അത്‌. വിശേ​ഷ​ത​ര​മായ ഈ ചുവപ്പ്‌ ഹെലി​കോ​പ്‌റ്റർ ഒരു വർഷം ഏകദേശം 1,000 ദൗത്യ​ങ്ങ​ളിൽ ഏർപ്പെ​ടു​ന്നു. അതിൽ ഒരു ഡോക്ട​റും വൈദ്യ​പ​രി​ശീ​ലനം ലഭിച്ച ഒരു രക്ഷാ​പ്ര​വർത്ത​ക​നും ഉണ്ടായി​രി​ക്കും. സാധാരണ, ഗുരു​ത​ര​മാ​യി പരു​ക്കേ​റ്റ​വരെ റോയൽ ലണ്ടൻ ആശുപ​ത്രി​യി​ലേക്കു മാറ്റുന്നു. അവിടെ അവർക്കു സത്വര​ശ്രദ്ധ ലഭിക്കു​ന്നു.

2004-ൽ മറ്റൊരു ഉദ്യമ​ത്തി​നു നാന്ദി കുറിച്ചു—ലണ്ടനിലെ ഹീത്രോ വിമാ​ന​ത്താ​വ​ള​ത്തിൽ പരീക്ഷ​ണാർഥം ഒരു സൈക്കിൾ ആംബു​ലൻസ്‌ യൂണിറ്റ്‌. നഗരത്തി​ന്റെ പടിഞ്ഞാ​റേ അറ്റത്ത്‌ അപ്പോൾത്തന്നെ പ്രവർത്തി​ച്ചി​രുന്ന ആംബു​ലൻസ്‌ സേവന​ത്തി​ന്റെ ഭാഗമാ​യി​രു​ന്നു അതും. അടിയ​ന്തിര സഹായ​മെ​ത്തി​ക്കുന്ന മെഡിക്കൽ ടെക്‌നീ​ഷ്യ​ന്മാ​രും വൈദ്യ​പ​രി​ശീ​ലനം സിദ്ധിച്ച രക്ഷാ​പ്ര​വർത്ത​ക​രും അടങ്ങുന്ന സംഘത്തി​നാണ്‌ അതിന്റെ ചുമതല, ആംബു​ലൻസു​കളെ അപ്പോൾ മറ്റു സേവന​ങ്ങൾക്കാ​യി വിട്ടു​കൊ​ടു​ക്കാൻ സാധി​ക്കും. ഓരോ സൈക്കി​ളി​ലും നീല ലൈറ്റും സൈറ​നും പിടി​പ്പി​ച്ചി​ട്ടുണ്ട്‌. ഡിഫി​ബ്രി​ലേ​റ്റ​റും (പേശീ​കോ​ശ​ങ്ങ​ളു​ടെ താത്‌കാ​ലിക സങ്കോചം നിറു​ത്താൻ ഉപയോ​ഗി​ക്കുന്ന ഉപകരണം) ഓക്‌സി​ജ​നും വേദന​സം​ഹാ​രി​ക​ളും ഉൾപ്പെടെ 35 കിലോ​ഗ്രാം സാധന​സാ​മ​ഗ്രി​കൾ ഉൾക്കൊ​ള്ളുന്ന പെട്ടി​ക​ളും അതിൽ ഘടിപ്പി​ച്ചി​ട്ടുണ്ട്‌.

തുടക്കം​കു​റിച്ച്‌ ഏതാനും ദിവസ​ങ്ങൾക്കകം സൈക്കിൾ യൂണിറ്റ്‌ അതിന്റെ ഫലപ്ര​ദ​ത്വം തെളി​യി​ച്ചു. ഹീത്രോ വിമാ​ന​ത്താ​വ​ള​ത്തി​ലെ ടെർമി​നൽ 4-ൽവെച്ച്‌ 35 വയസ്സുള്ള ഒരു സ്‌ത്രീ രോഗ​ബാ​ധി​ത​യാ​യി അവരുടെ ശ്വസന​പ്ര​ക്രിയ നിലച്ചു. 999 കോൾ ലഭിച്ച്‌ സെക്കൻഡു​കൾക്കകം യൂണി​റ്റി​ലെ രണ്ടു പ്രവർത്തകർ അവർക്കു സഹായ​മെ​ത്തി​ച്ചു. ഓക്‌സി​ജൻ നൽകി​യ​തി​നെ തുടർന്ന്‌ അവരുടെ ശ്വസനം പുനരാ​രം​ഭി​ച്ചു. ആംബു​ലൻസ്‌ അവരെ​യും​കൊണ്ട്‌ ഏറ്റവും അടുത്ത ആശുപ​ത്രി​യി​ലേക്കു കുതിച്ചു. ആരോ​ഗ്യം വീണ്ടെ​ടു​ത്ത​പ്പോൾ, തന്റെ ജീവൻ രക്ഷിച്ച​തിന്‌ പ്രവർത്ത​ക​രോട്‌ അവർ വ്യക്തി​പ​ര​മാ​യി നന്ദി അറിയി​ച്ചു.

സേവനം വിപു​ല​മാ​ക്കു​ന്നു

999-ൽ വിളി​ക്കു​ന്നവർ ഇംഗ്ലീഷ്‌ അല്ല സംസാ​രി​ക്കു​ന്ന​തെ​ങ്കിൽ, ആ ഫോൺകോ​ളു​കൾ ഒരു പരിഭാ​ഷ​കനു കൈമാ​റു​ന്നു. വിളി​ക്കു​ന്ന​യാ​ളു​ടെ ഭാഷ തിരി​ച്ച​റി​യുക ഒരു വെല്ലു​വി​ളി​യാണ്‌, പ്രത്യേ​കി​ച്ചും ആധി കയറി​യോ പരി​ഭ്രാ​ന്തി നിമി​ത്ത​മോ അയാൾ വേഗത്തി​ലാ​ണു സംസാ​രി​ക്കു​ന്ന​തെ​ങ്കിൽ!

അടിയ​ന്തി​ര വൈദ്യ​സ​ഹാ​യം സംബന്ധിച്ച്‌ പൊതു​ജന അവബോ​ധം വർധി​പ്പി​ക്കാൻവേണ്ടി ഇംഗ്ലീ​ഷിൽ ലിഖി​ത​സൂ​ച​ന​ക​ളോ​ടു കൂടിയ ഒരു ഹ്രസ്വ ചലച്ചി​ത്രം ഡിവിഡി-യിൽ ലഭ്യമാ​ക്കി​യി​ട്ടുണ്ട്‌. “കാർഡി​യോ-പൾമനറി പുനരു​ജ്ജീ​വനം നിർവ​ഹി​ക്കേണ്ട വിധം പഠിക്കാൻ” ദക്ഷിണ ഏഷ്യയിൽനി​ന്നു ലണ്ടനിൽ വന്നു പാർക്കു​ന്ന​വരെ പ്രോ​ത്സാ​ഹി​പ്പി​ക്കുക എന്നതാണ്‌ അതിന്റെ ലക്ഷ്യ​മെന്ന്‌ ലണ്ടൻ ആംബു​ലൻസ്‌ സർവീ​സി​ന്റെ പ്രസി​ദ്ധീ​ക​ര​ണ​മായ എൽഎഎസ്‌ ന്യൂസ്‌ പറയുന്നു. ഒരു 999 കോൾ ലഭിക്കു​ന്ന​തി​നെ തുടർന്ന്‌ എന്തു സംഭവി​ക്കു​ന്നെ​ന്നും ഡിവിഡി കാണി​ക്കു​ന്നു.

സംഭവ​ത്തിൽ ഉൾപ്പെ​ട്ടി​രി​ക്കു​ന്ന​വ​രു​ടെ എണ്ണം ഒന്നോ അതില​ധി​ക​മോ ആണെങ്കി​ലും, അതു നടക്കു​ന്നത്‌ ഭൂമി​ക്ക​ടി​യി​ലോ ഒരു അംബര​ചും​ബി​യു​ടെ മുകളി​ലോ ആണെങ്കി​ലും, വൈദ്യ​സ​ഹാ​യം ആവശ്യ​മുള്ള ഒരു അടിയ​ന്തിര സാഹച​ര്യം ഉടലെ​ടു​ക്കു​മ്പോൾ തങ്ങൾക്കു ലഭ്യമാ​കുന്ന സത്വര പ്രതി​ക​ര​ണ​ത്തിന്‌ ഇംഗ്ലണ്ടി​ന്റെ തലസ്ഥാന നഗരി​യി​ലു​ള്ളവർ നന്ദിയു​ള്ള​വ​രാണ്‌. ലണ്ടൻ ആംബു​ലൻസ്‌ സർവീ​സിൽ ജോലി​ചെ​യ്യുന്ന സ്‌ത്രീ​പു​രു​ഷ​ന്മാ​രെ​ക്കു​റിച്ച്‌ സന്നദ്ധ​സേ​വ​ക​നായ ഒരു ഡോക്ടർ ഇങ്ങനെ അഭി​പ്രാ​യ​പ്പെട്ടു: “എന്നോ​ടൊ​പ്പം ജോലി ചെയ്‌തി​ട്ടുള്ള ഏറ്റവും മികച്ച വൈദ്യ​ശാ​സ്‌ത്ര വിദഗ്‌ധ​രിൽ ചിലരാണ്‌ അവർ.” ലോക​ത്തി​ലെ ഏറ്റവും വലിയ സൗജന്യ ആംബു​ലൻസ്‌ സർവീ​സി​ലെ ജോലി​ക്കാർക്ക്‌ ഈ വാക്കുകൾ ഹൃദ്യ​മായ ഒരു അനു​മോ​ദ​ന​മാണ്‌.

[11-ാം പേജിലെ ചതുരം]

നേരിടുന്ന പ്രശ്‌ന​ങ്ങൾ

വ്യക്തി​പ​ര​മായ വിവരങ്ങൾ ചോദി​ച്ചു​കൊ​ണ്ടുള്ള അനാവശ്യ വിളികൾ, രോഗ​മോ പരുക്കോ നിസ്സാ​ര​മാ​ണെ​ങ്കിൽപ്പോ​ലും വിളി​ക്കു​ന്നത്‌, അബദ്ധവ​ശാൽ അല്ലെങ്കിൽ വെറും തമാശ​യ്‌ക്കു വേണ്ടി 999 കറക്കു​ന്നത്‌, ഇവയെ​ല്ലാം ഈ അടിയ​ന്തിര സേവന​ങ്ങൾക്കു പ്രശ്‌നങ്ങൾ സൃഷ്ടി​ക്കു​ന്നു. അതി​നെ​ക്കാ​ളും പരിതാ​പ​ക​ര​മായ മറ്റൊരു കാര്യം, ചില രോഗി​ക​ളും അവരുടെ കുടും​ബാം​ഗങ്ങൾ ഉൾപ്പെ​ടെ​യുള്ള മറ്റുള്ള​വ​രും സഹായി​ക്കാൻ എത്തിയ വൈദ്യ​സം​ഘ​ത്തോ​ടു കുപി​ത​രാ​യി സംസാ​രി​ക്കു​ക​യോ അവരെ കൈ​യേറ്റം ചെയ്യു​ക​പോ​ലു​മോ ചെയ്‌തി​ട്ടുണ്ട്‌ എന്നുള്ള​താണ്‌. സമ്മർദം, മയക്കു​മ​രു​ന്നി​ന്റെ ദുരു​പ​യോ​ഗം, സഹായം എത്തി​ച്ചേ​രാൻ വളരെ​യ​ധി​കം വൈകി​യെന്ന തോന്ന​ലിൽനിന്ന്‌ ഉളവാ​കുന്ന അക്ഷമ എന്നിവ​യിൽ ഏതെങ്കി​ലും ആയിരി​ക്കാം ഇത്തരം വ്യക്തി​ക​ളു​ടെ കോപ​ത്തി​നു കാരണം. ഇത്തരം പ്രശ്‌നങ്ങൾ പരിഹ​രി​ക്കാൻ എളുപ്പ​മാർഗ​ങ്ങ​ളൊ​ന്നു​മില്ല, പക്ഷേ പൊതു​ജ​ന​ങ്ങളെ ബോധ​വ​ത്‌ക​രി​ക്കു​ന്നത്‌ സഹായ​ക​മാ​യി​രു​ന്നി​ട്ടുണ്ട്‌.

[10-ാം പേജിലെ ചിത്രങ്ങൾ]

ദിവസവും 3,000-ത്തോളം അടിയ​ന്തിര കോളു​കൾ കേന്ദ്രം കൈകാ​ര്യം​ചെ​യ്യു​ന്നു

[10-ാം പേജിലെ ചിത്ര​ങ്ങൾക്ക്‌ കടപ്പാട്‌]

എല്ലാ ചിത്രങ്ങളും: Courtesy of London Ambulance Service NHS Trust