മണൽദ്വീ​പിൽ ഒരു പറുദീസ

ഓസ്‌ട്രേലിയയിലെ ഉണരുക! ലേഖകൻ

ബ്രിട്ടീഷ്‌ പര്യ​വേ​ക്ഷ​ക​നായ ക്യാപ്‌റ്റൻ ജെയിംസ്‌ കുക്ക്‌ 1770-ൽ ഓസ്‌​ട്രേ​ലി​യ​യു​ടെ കിഴക്കൻ തീരത്തു​കൂ​ടെ സഞ്ചരി​ക്കു​ക​യാ​യി​രു​ന്നു. ഇപ്പോ​ഴത്തെ ബ്രിസ്‌ബൻ നഗരത്തിൽനിന്ന്‌ 150 കിലോ​മീ​റ്റ​റി​ലും അൽപ്പം​കൂ​ടെ വടക്കു​മാ​റി സ്ഥിതി​ചെ​യ്യുന്ന ഒരു വലിയ മണൽദ്വീ​പിന്‌ അടുത്തു​കൂ​ടെ അദ്ദേഹം കടന്നു​പോ​യി. കാലാ​ന്ത​ര​ത്തിൽ ഈ ദ്വീപ്‌ വർഷം​തോ​റും 3,00,000 സന്ദർശ​കരെ ആകർഷി​ക്കു​മാ​യി​രു​ന്നു. എന്നാൽ കുക്ക്‌ അതിന്‌ അധികം ശ്രദ്ധ​യൊ​ന്നും നൽകി​യില്ല. വാസ്‌ത​വ​ത്തിൽ അദ്ദേഹ​വും മറ്റുള്ള​വ​രും കരുതി​യത്‌ അതൊരു ദ്വീപല്ല മറിച്ച്‌ ഉപദ്വീ​പാണ്‌ എന്നാണ്‌. ഏതാനും വർഷങ്ങൾക്കു​ശേഷം പര്യ​വേ​ക്ഷ​ക​നായ മാത്യു ഫ്‌ളിൻഡേ​ഴ്‌സ്‌ അതിന്റെ കരയ്‌ക്ക്‌ ഇറങ്ങു​ക​പോ​ലും ചെയ്‌തു. അദ്ദേഹം എഴുതി: “ഈ ഉപദ്വീ​പി​നെ​ക്കാൾ തരിശായ മറ്റൊരു സ്ഥലവു​മില്ല.”

കിലോ​മീ​റ്റ​റു​ക​ളോ​ളം വ്യാപി​ച്ചു​കി​ട​ക്കുന്ന സുവർണ മണൽപ്പ​ര​പ്പു​കൾക്കും മണൽക്കു​ന്നു​കൾക്കും അപ്പുറം പോകാൻ കുക്കും ഫ്‌ളിൻഡേ​ഴ്‌സും തുനി​ഞ്ഞി​രു​ന്നെ​ങ്കിൽ തികച്ചും വ്യത്യ​സ്‌ത​മായ ഒരു അഭി​പ്രാ​യം അവർക്ക്‌ ഉണ്ടാകു​മാ​യി​രു​ന്നു. മനുഷ്യ​സ്‌പർശ​മേൽക്കാത്ത മഴക്കാ​ടു​ക​ളും സ്‌ഫടി​ക​തു​ല്യ​മായ ശുദ്ധജല തടാക​ങ്ങ​ളും വർണപ്പ​കി​ട്ടേ​റിയ മണൽത്തി​ട്ട​ക​ളും നൂറു​ക​ണ​ക്കിന്‌ ഇനങ്ങളി​ലുള്ള മൃഗങ്ങ​ളും ഉൾപ്പെ​ടുന്ന ഒരു മാസ്‌മര ലോകത്ത്‌ അവർ എത്തി​ച്ചേ​രു​മാ​യി​രു​ന്നു. ഇപ്പോൾ ഫ്രേസർ ദ്വീപ്‌ എന്നറി​യ​പ്പെ​ടുന്ന അപൂർവ​സു​ന്ദ​ര​മായ ഈ ദ്വീപ്‌ ലോക​ത്തി​ലെ ഏറ്റവും വലിയ മണൽദ്വീ​പാണ്‌. അതു​കൊ​ണ്ടു​തന്നെ അതിനെ 1992-ൽ ലോക പൈതൃക പട്ടിക​യിൽ ഉൾപ്പെ​ടു​ത്തി. a

ഉത്ഭവം ഗിരി​നി​ര​ക​ളിൽ

120 കിലോ​മീ​റ്റർ നീളവും 25 കിലോ​മീ​റ്റർ വരെ വീതി​യു​മുള്ള ഫ്രേസർ ദ്വീപി​ന്റെ വിസ്‌തൃ​തി 3,95,200 ഏക്കറാണ്‌. അവി​ടെ​യുള്ള ഭീമൻ മണൽക്കു​ന്നു​ക​ളു​ടെ ഉയരം സമു​ദ്ര​നി​ര​പ്പിൽനിന്ന്‌ ഏകദേശം 240 മീറ്ററാണ്‌. ഈ മണൽക്കു​ന്നു​കൾ ഫ്രേസർ ദ്വീപി​നെ ലോക​ത്തി​ലെ ഏറ്റവും ഉയരം കൂടിയ മണൽദ്വീപ്‌ എന്ന പദവി​യി​ലേ​ക്കു​യർത്തു​ന്നു. ആശ്ചര്യ​മു​ണർത്തുന്ന ഈ ഭൂപ്ര​ദേ​ശ​ത്തി​നു രൂപം​കൊ​ടുത്ത ശക്തികൾ ഏതാണ്‌?

ഗ്രേറ്റ്‌ ഡി​വൈ​ഡിങ്‌ റേഞ്ചിൽനി​ന്നു വന്ന അസംഖ്യം ടൺ മണലിൽനി​ന്നാണ്‌ ഈ ദ്വീപ്‌ രൂപം​കൊ​ണ്ട​തെന്നു തെളി​വു​കൾ സൂചി​പ്പി​ക്കു​ന്നു. ഓസ്‌​ട്രേ​ലി​യ​യു​ടെ കിഴക്കൻ തീരത്ത്‌ ഒരറ്റം മുതൽ മറ്റേയറ്റം വരെ നീണ്ടു​കി​ട​ക്കുന്ന മലനി​ര​ക​ളാണ്‌ ഗ്രേറ്റ്‌ ഡി​വൈ​ഡിങ്‌ റേഞ്ച്‌. കാലാ​ന്ത​ര​ത്തിൽ ഈ മലകളിൽനി​ന്നുള്ള പാറക്ക​ഷ​ണങ്ങൾ മഴവെ​ള്ള​ത്തി​ന്റെ കുത്തൊ​ഴു​ക്കിൽപ്പെട്ട്‌ നദിക​ളി​ലും പിന്നീട്‌ സമു​ദ്ര​ത്തി​ലും എത്തി​ച്ചേർന്നു. സമുദ്ര ജലപ്ര​വാ​ഹങ്ങൾ പാറക്ക​ഷ​ണ​ങ്ങളെ മണൽത്ത​രി​ക​ളാ​ക്കി മാറ്റി, ക്രമേണ ഈ മണൽ സമു​ദ്ര​ത്തി​ന്റെ അടിത്ത​ട്ടി​ലൂ​ടെ വടക്കോ​ട്ടു നീങ്ങി. മുനമ്പു​ക​ളും സമു​ദ്ര​ത്തി​ന്റെ അടിത്ത​ട്ടിൽനിന്ന്‌ ഉയർന്നു​നിൽക്കുന്ന പാറ​ക്കെ​ട്ടു​ക​ളും തടസ്സമാ​യി നിന്ന​പ്പോൾ മണൽത്ത​രി​കൾ അവിടെ അടിഞ്ഞു​കൂ​ടു​ക​യും അങ്ങനെ ഫ്രേസർ ദ്വീപ്‌ രൂപം​കൊ​ള്ളു​ക​യും ചെയ്‌തു.

അപ്പോൾ മുതൽ, ശാന്തസ​മു​ദ്രം തീരത്തു​ട​നീ​ളം പുതിയ മണൽ നിക്ഷേ​പി​ച്ചു​കൊ​ണ്ടി​രി​ക്കു​ന്നു. കാറ്റടിച്ച്‌ ഉള്ളി​ലേക്കു പറന്നു​കൂ​ടുന്ന മണലിൽനിന്ന്‌ മണൽക്കു​ന്നു​കൾ രൂപ​പ്പെ​ടു​ന്നു. മണൽക്കു​ന്നു​കൾ അതിന്റെ ചുറ്റു​മുള്ള സകലതി​നെ​യും മൂടി​ക്കൊണ്ട്‌ വർഷത്തിൽ ഒരു മീറ്റർ എന്ന തോതിൽ വികസി​ക്കു​ന്നു.

ശുദ്ധജല തടാക​ങ്ങ​ളും അപൂർവ വനങ്ങളും

ആശ്ചര്യ​മെന്നു പറയട്ടെ, ദ്വീപിൽ ഉടനീ​ള​മുള്ള മണൽക്കു​ന്നു​ക​ളി​ലുള്ള കുഴി​ക​ളിൽ 40 ശുദ്ധജല തടാക​ങ്ങ​ളുണ്ട്‌. ഉയർന്ന മണൽക്കു​ന്നു​ക​ളു​ടെ മുകളി​ലുള്ള വലിയ കുഴി​ക​ളിൽ ജലം സംഭരി​ക്ക​പ്പെട്ട്‌ ഉണ്ടായ​താണ്‌ ഇവയിൽ ചിലത്‌. വെള്ളം കിനി​ഞ്ഞി​റ​ങ്ങു​ന്നതു തടയു​ന്നത്‌ എന്താണ്‌? ഭാഗി​ക​മാ​യി ചീഞ്ഞഴു​കിയ ഇലകൾ, മരത്തൊ​ലി, മരച്ചി​ല്ലകൾ എന്നിവ​യു​ടെ ഒരു ജൈവ​പ​ടലം അല്ലെങ്കിൽ ചതുപ്പ്‌, വെള്ളം ചോർന്നു​പോ​കാ​തെ തടഞ്ഞു​നി​റു​ത്തു​ന്നു.

ദ്വീപിൽ ജാലക തടാക​ങ്ങ​ളു​മുണ്ട്‌. മണലി​ലുള്ള കുഴികൾ ഭൂഗർഭ ജലവി​താന നിരപ്പി​നും താഴെ​യാ​കു​മ്പോ​ഴാണ്‌ ഇത്തരം തടാകങ്ങൾ രൂപം​കൊ​ള്ളു​ന്നത്‌. ശുദ്ധജലം കുഴി​ക​ളി​ലേക്കു കിനി​ഞ്ഞി​റ​ങ്ങു​ന്നു. മണലി​ലൂ​ടെ അരി​ച്ചെ​ത്തുന്ന വെള്ളം സ്‌ഫടിക സമാന​മായ തടാക​ങ്ങൾക്കു രൂപം​കൊ​ടു​ക്കു​ന്നു. അങ്ങനെ ഫലത്തിൽ അവ ഭൂഗർഭജല വിതാ​ന​ത്തി​ലെ ജാലക​ങ്ങ​ളാ​യി വർത്തി​ക്കു​ന്നു.

വർഷം​തോ​റും ലഭിക്കുന്ന 150 സെന്റി​മീ​റ്റർ മഴ ദ്വീപി​ലെ തടാക​ങ്ങളെ ജലസമ്പു​ഷ്ട​മാ​ക്കു​ന്നു. തടാക​ങ്ങ​ളിൽ സംഭരി​ക്ക​പ്പെ​ടാ​ത്ത​തും മണലിൽ ഊർന്നി​റ​ങ്ങാ​ത്ത​തു​മായ ജലം അരുവി​ക​ളാ​യി സമു​ദ്ര​ത്തി​ലേക്ക്‌ ഒഴുകു​ന്നു.  ഇത്തരത്തി​ലുള്ള ഒരു അരുവി​യിൽനി​ന്നു മണിക്കൂ​റിൽ 50 ലക്ഷത്തിൽ അധികം ലിറ്റർ ജലം ശാന്തസ​മു​ദ്ര​ത്തി​ലേക്ക്‌ ഒഴുകി​യെ​ത്തു​ന്ന​താ​യി കണക്കാ​ക്ക​പ്പെ​ടു​ന്നു.

ഫ്രേസർ ദ്വീപി​ലെ ജലസമൃ​ദ്ധി അതിനെ സസ്യശ്യാ​മ​ള​മാ​ക്കു​ന്നു. സാധാ​ര​ണ​മാ​യി പോഷ​കങ്ങൾ കുറവായ മണലിൽ മഴക്കാ​ടു​കൾ ഉണ്ടാകാ​റില്ല. എന്നാൽ മണൽപ്പ​ര​പ്പിൽ മഴക്കാ​ടു​കൾ തഴയ്‌ക്കുന്ന ഭൂമി​യി​ലെ ചുരുക്കം ചില സ്ഥലങ്ങളിൽ ഒന്നാണ്‌ ഫ്രേസർ ദ്വീപ്‌. ഒരു കാലത്ത്‌ വനം വൃക്ഷനി​ബി​ഢ​മാ​യി​രു​ന്നു. അതു​കൊ​ണ്ടു​തന്നെ നൂറി​ല​ധി​കം വർഷങ്ങ​ളിൽ തടിവ്യ​വ​സാ​യ​ത്തി​നാ​യി ഇവി​ടെ​നി​ന്നു മരങ്ങൾ മുറി​ച്ചു​മാ​റ്റി​യി​രു​ന്നു. ആ വനത്തിലെ നിവാ​സി​ക​ളാ​യി​രുന്ന ഗോ​ത്ര​വർഗ​ക്കാർക്ക്‌ ഇഷ്ടപ്പെട്ട മരങ്ങളാ​യി​രു​ന്നു ബ്ലാക്ക്‌ബട്ട്‌, കൗരി, റ്റാലോ​വുഡ്‌ എന്നിവ. 1929-ൽ അവരി​ലൊ​രാൾ ഇപ്രകാ​രം പറഞ്ഞു: “45 മീറ്റർ വരെ ഉയരമുള്ള കൂറ്റൻ വൃക്ഷങ്ങ​ളു​ടെ ജീവനുള്ള ഒരു മതിലാണ്‌ ഒരു സഞ്ചാരി​യെ വരവേൽക്കുക. . . . വനത്തിൽ അധീശ​ത്വം പുലർത്തുന്ന ഈ അതികാ​യ​ന്മാർക്ക്‌ രണ്ടുമു​തൽ മൂന്നു​വരെ മീറ്റർ ചുറ്റള​വുണ്ട്‌.” സാറ്റിനെ, ടർപ്പെൻടൈൻ എന്നിവ​പോ​ലുള്ള ചില മരങ്ങൾ സൂയസ്‌ കനാലി​ന്റെ ഭിത്തി​ക​ളു​ടെ നിർമാ​ണ​ത്തി​നാ​യി ഉപയോ​ഗി​ക്ക​പ്പെട്ടു. എന്നിരു​ന്നാ​ലും ഇപ്പോൾ ഇവിടത്തെ മരങ്ങളു​ടെ കടയ്‌ക്കൽ ആരും മഴു​വെ​ക്കു​ന്നില്ല.

ഒരു ദുരന്ത​ക​ഥ​യുള്ള പറുദീസ

ദ്വീപി​ന്റെ പേരിനു പിന്നിൽ ഒരു ദുരന്ത​ക​ഥ​യുണ്ട്‌. 1836-ൽ ക്യാപ്‌റ്റൻ ജെയിംസ്‌ ഫ്രേസ​റും അദ്ദേഹ​ത്തി​ന്റെ ഭാര്യ ഇലിസ​യും സഞ്ചരി​ച്ചി​രുന്ന സ്‌റ്റെർലിങ്‌ കാസിൽ എന്ന പായ്‌ക്കപ്പൽ അപകട​ത്തിൽപ്പെട്ടു. കപ്പൽച്ചേ​തത്തെ അതിജീ​വിച്ച ക്യാപ്‌റ്റ​നും ഭാര്യ​യും ദ്വീപി​ന്റെ കരയിൽ എത്തി​പ്പെട്ടു. തെളി​വ​നു​സ​രിച്ച്‌ അവി​ടെ​യുള്ള തദ്ദേശ​വാ​സി​ക​ളായ ഗോ​ത്ര​വർഗ​ക്കാർ ക്യാപ്‌റ്റനെ വധിച്ചു, എന്നാൽ ഇലിസയെ പിന്നീടു രക്ഷപ്പെ​ടു​ത്തി. ഈ ദുരന്ത​ത്തി​ന്റെ ഓർമ​യ്‌ക്ക്‌, ദ്വീപി​ന്റെ പേര്‌ ഗ്രേറ്റ്‌ സാൻഡി ഐലൻഡിൽ നിന്ന്‌ ഫ്രേസർ ദ്വീപ്‌ എന്നാക്കി മാറ്റി.

തദ്ദേശ​വാ​സി​ക​ളും ദുരന്ത​ത്തിന്‌ ഇരകളാ​യി. ഒരു കാലത്ത്‌ 2,000-ത്തോളം ആദിവാ​സി​കൾ ഫ്രേസർ ദ്വീപിൽ വസിച്ചി​രു​ന്നു. ഒത്ത ശരീര​പ്ര​കൃ​തി​യു​ള്ള​വ​രും ബലിഷ്‌ഠ​കാ​യ​രും എന്നാണ്‌ അവരെ വിശേ​ഷി​പ്പി​ച്ചി​രു​ന്നത്‌. തങ്ങളുടെ വാസസ്ഥ​ലത്തെ അവർ ഗരി അല്ലെങ്കിൽ പറുദീസ എന്നു വിളിച്ചു. ദ്വീപി​ന്റെ സൃഷ്ടി​യെ​ക്കു​റി​ച്ചുള്ള ആദിവാ​സി​ക​ളു​ടെ ഒരു ഐതി​ഹ്യം, അതിനെ സൃഷ്ടി​ക്ക​പ്പെ​ട്ടി​ട്ടു​ള്ള​തിൽവെച്ച്‌ ഏറ്റവും മനോ​ഹ​ര​മായ സ്ഥലമെന്നു വിശേ​ഷി​പ്പി​ക്കു​ന്നു. സങ്കടക​ര​മെന്നു പറയട്ടെ, യൂറോ​പ്പിൽനി​ന്നു കടന്നുവന്ന രോഗങ്ങൾ സംഹാ​ര​താ​ണ്ഡ​വ​മാ​ടി. കൂടാതെ, 20-ാം നൂറ്റാ​ണ്ടി​ന്റെ ആരംഭ​ത്തിൽ, ശേഷി​ച്ച​തിൽ ഭൂരി​ഭാ​ഗം ആദിവാ​സി​ക​ളെ​യും വൻകര​യി​ലെ ആവാസ​കേ​ന്ദ്ര​ങ്ങ​ളി​ലേക്കു മാറ്റി​പ്പാർപ്പി​ച്ചു.

ജന്തുജാ​ല​ങ്ങ​ളു​ടെ പറുദീസ

ഇപ്പോൾ ഈ ദ്വീപ്‌ ജന്തുജാ​ല​ങ്ങ​ളു​ടെ ഒരു പറുദീ​സ​യാണ്‌. അവിടത്തെ ഏറ്റവും വിശ്രു​ത​മായ ജന്തുജാ​ല​ങ്ങ​ളിൽ ഒന്നാണ്‌ ഡിങ്കോ എന്ന ഓസ്‌​ട്രേ​ലി​യൻ കാട്ടു​നാ​യ്‌ക്കൾ. വൻകര​യി​ലെ വളർത്തു​നാ​യ്‌ക്ക​ളു​മാ​യി ഇടകല​രാ​ത്ത​തി​നാൽ, കിഴക്കൻ ഓസ്‌​ട്രേ​ലി​യ​യി​ലെ ഡിങ്കോ​ക​ളിൽ ഏറ്റവും ശുദ്ധമായ ജനുസ്സ്‌ ഫ്രേസർ ദ്വീപി​ലെ ഡിങ്കോ​കൾ ആണെന്നു കരുത​പ്പെ​ടു​ന്നു. വളർത്തു​നാ​യ്‌ക്ക​ളോ​ടു സാദൃ​ശ്യ​മു​ണ്ടെ​ങ്കി​ലും അവ അതല്ലാ​ത്ത​തി​നാൽ ജാഗ്ര​ത​യോ​ടും ശ്രദ്ധ​യോ​ടും കൂടി​വേണം ഇടപെ​ടാൻ.

ദ്വീപിൽ 300-ലധികം ഇനം പക്ഷികളെ കണ്ടിട്ടുണ്ട്‌. ബ്രാഹ്മി​നി പരുന്തു​ക​ളും വയറിന്റെ ഭാഗത്തു വെള്ളനി​റ​മുള്ള കടൽക്ക​ഴു​ക​ന്മാ​രും തീരങ്ങ​ളിൽ വട്ടമിട്ടു പറക്കു​മ്പോൾ വർണപ്പ​കി​ട്ടാർന്ന നീല കാട്ടു​പൊ​ന്മാ​നു​കൾ തടാക​ങ്ങൾക്കു മുകളി​ലൂ​ടെ മിന്നൽപോ​ലെ പായുന്നു. സൈബീ​രി​യ​യിൽ വംശവർധന നടത്തു​ക​യും ശൈത്യ​കാ​ലത്തു ദക്ഷിണ​ഭാ​ഗ​ത്തേക്കു പറക്കു​ക​യും ചെയ്യുന്ന മംഗോ​ളി​യൻ മണൽക്കോ​ഴി​കൾ ഇവിടെ വരുന്ന ദേശാ​ട​ന​പ​ക്ഷി​ക​ളിൽപ്പെ​ടു​ന്നു. യാത്ര പൂർത്തി​യാ​ക്കു​ന്ന​തി​നു മുമ്പ്‌ ചെറി​യൊ​രു വിശ്ര​മ​ത്തി​നാ​യി ഇവ ഫ്രേസർ ദ്വീപിൽ പറന്നി​റ​ങ്ങു​ന്നു. കൂടാതെ, 30,000-മോ അതിൽ കൂടു​ത​ലോ ചാരത്ത​ലയൻ ഫ്‌ളയിങ്‌ ഫോക്‌സു​കൾ അതായത്‌ കരിങ്കാ​ക്ക​യു​ടെ അത്രയും​തന്നെ വലുപ്പ​മുള്ള വവ്വാലു​കൾ ഋതുഭേദമനുസരിച്ചു ദ്വീപിൽ എത്തി​ച്ചേ​രാ​റുണ്ട്‌, യൂക്കാ​ലി​പ്‌റ്റസ്‌ പൂക്കളു​ടെ തേൻ നുകരാ​നുള്ള ആർത്തി​യോ​ടെ.

ഫ്രേസർ ദ്വീപി​നു ചുറ്റു​മുള്ള സമു​ദ്ര​വും ജീവജാ​ല​ങ്ങ​ളു​ടെ വിഹാ​ര​രം​ഗ​മാണ്‌. തണുത്തു​റഞ്ഞ അന്റാർട്ടി​ക്ക​യിൽനി​ന്നു ഗ്രേറ്റ്‌ ബാരിയർ റീഫി​ലേക്കു വരുക​യും അവി​ടെ​വെച്ച്‌ പ്രസവി​ക്കു​ക​യും അവി​ടെ​വെ​ച്ചു​തന്നെ വീണ്ടും ഇണചേ​രു​ക​യും ചെയ്യുന്ന കൂനൻ തിമിം​ഗ​ല​ങ്ങ​ളും അതിൽ ഉൾപ്പെ​ടു​ന്നു. മടക്കയാ​ത്ര​യിൽ തിമിം​ഗ​ലങ്ങൾ ഒരു മോഹ​ന​ദൃ​ശ്യം കാഴ്‌ച​വെ​ക്കു​ന്നു. അവ ഭീമാ​കാര ശരീര​വു​മാ​യി വായു​വി​ലേക്കു കുതി​ക്കു​ക​യും വെള്ളം ചിതറി​ത്തെ​റി​പ്പി​ച്ചു​കൊ​ണ്ടു സമു​ദ്ര​ത്തി​ലേക്കു പതിക്കു​ക​യും ചെയ്യുന്ന കാഴ്‌ച കിലോ​മീ​റ്റ​റു​കൾക്ക്‌ അപ്പുറ​ത്തു​നി​ന്നു​പോ​ലും കാണാൻ സാധി​ക്കും. അതേ, ആ വിസ്‌മയ ദ്വീപിന്‌ അവയുടെ രാജകീയ പ്രണാമം!

[അടിക്കു​റിപ്പ്‌]

[14-ാം പേജിലെ മാപ്പുകൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

ശാന്തസമുദ്രം

ഫ്രേസർ ദ്വീപ്‌

 [15-ാം പേജിലെ ചിത്രങ്ങൾ]

വലത്ത്‌, മുകളിൽനി​ന്നു താഴേക്ക്‌:

കർനങ്ക്‌ അരുവി​യു​ടെ പ്രഭവ​സ്ഥാ​നം

ഫ്രേസർ ദ്വീപിൽ 40 ശുദ്ധജല തടാക​ങ്ങ​ളുണ്ട്‌

മണലിൽ തഴയ്‌ക്കുന്ന മഴക്കാ​ടു​കൾ—ഒരു അപൂർവ പ്രതി​ഭാ​സം

[കടപ്പാട്‌]

എല്ലാ ചിത്രങ്ങളും: Courtesy of Tourism Queensland

 [16, 17 പേജു​ക​ളി​ലെ ചിത്രങ്ങൾ]

ഡിങ്കോ​യും കോലാ​യും

[കടപ്പാട്‌]

Courtesy of Tourism Queensland

[16, 17 പേജു​ക​ളി​ലെ ചിത്രം]

ലോക​ത്തി​ലെ ഏറ്റവും നീളം കൂടിയ കടലോ​ര​ങ്ങ​ളിൽ ഒന്നാണ്‌ ഫ്രേസർ ദ്വീപി​ന്റെ 120 കിലോ​മീ​റ്റർ നീണ്ടു​കി​ട​ക്കുന്ന കടലോ​രം

[17-ാം പേജിലെ ചിത്രം]

വെള്ളവയറൻ കടൽക്ക​ഴു​കൻ

[17-ാം പേജിലെ ചിത്രം]

കൂകബുറകൾ

[17-ാം പേജിലെ ചിത്രം]

ഞാറപ്പക്ഷികൾ

[17-ാം പേജിലെ ചിത്രം]

കൂനൻ തിമിം​ഗലം, അന്റാർട്ടി​ക്ക​യി​ലേ​ക്കുള്ള യാത്ര​യു​ടെ ഇടവേ​ള​യിൽ

[17-ാം പേജിലെ ചിത്ര​ങ്ങൾക്ക്‌ കടപ്പാട്‌]

കഴുകൻ: ©GBRMPA; ഞാറപ്പ​ക്ഷി​ക​ളു​ടേ​തൊ​ഴി​കെ മറ്റെല്ലാ ചിത്രങ്ങളും: Courtesy of Tourism Queensland