സ്‌നേ​ഹ​ത്തി​നാ​യുള്ള ദാഹം

ഇന്നു ടർക്കി എന്നറി​യ​പ്പെ​ടുന്ന ദേശത്തുള്ള ഒരു നഗരത്തിൽ പണ്ടുപണ്ട്‌ ലേയ എന്നു പേരുള്ള ഒരു പെൺകു​ട്ടി ജീവി​ച്ചി​രു​ന്നു. ലേയ കാഴ്‌ച​യിൽ അത്ര സുമു​ഖി​യൊ​ന്നും ആയിരു​ന്നില്ല, എന്നാൽ അവളുടെ അനുജത്തി റാഹേൽ സുന്ദരി​യാ​യി​രു​ന്നു.

റാഹേൽ കണ്ടുമു​ട്ടിയ ഒരു പുരുഷൻ അവളിൽ അനുര​ക്ത​നാ​യി. അവളെ സ്വന്തമാ​ക്കാ​നാ​യി അവളുടെ പിതാ​വി​നു​വേണ്ടി ഏഴു വർഷം വേല​ചെ​യ്യാ​മെന്ന്‌ അദ്ദേഹം സമ്മതിച്ചു. എന്നാൽ വിവാ​ഹ​രാ​ത്രി​യിൽ ആ പെൺകു​ട്ടി​ക​ളു​ടെ പിതാവ്‌ റാഹേ​ലി​നു പകരം ലേയയെ ആ മനുഷ്യ​നു ഭാര്യ​യാ​യി കൊടു​ത്തു. തന്റെ പിതാ​വി​ന്റെ തന്ത്ര​ത്തെ​ക്കു​റി​ച്ചു ലേയയ്‌ക്ക്‌ എന്തു തോന്നി​യെന്നു നമുക്ക്‌ അറിയി​ല്ലെ​ങ്കി​ലും അതു തന്റെ ദാമ്പത്യ​ജീ​വി​ത​ത്തി​നു നല്ലൊരു തുടക്ക​മാ​കു​ക​യി​ല്ലെന്ന്‌ അവൾ ചിന്തി​ച്ചു​കാ​ണണം.

എന്താണു സംഭവി​ച്ച​തെന്നു മനസ്സി​ലാ​ക്കി​യ​പ്പോൾ നവവരൻ ക്ഷുഭി​ത​നാ​യി. മൂത്ത മകളുടെ വിവാഹം ആദ്യം നടത്തുക എന്നതാണ്‌ അവിടത്തെ സമ്പ്രദാ​യ​മെന്നു പിതാവു വിശദീ​ക​രി​ച്ചു. ലേയ അങ്ങനെ ചതിയിൽപെട്ട്‌, തന്റെ അനുജ​ത്തി​യോട്‌ ആദ്യാ​നു​രാ​ഗം തോന്നിയ പുരു​ഷന്റെ ഭാര്യ​യാ​യി. പിന്നീട്‌ അനുജത്തി റാഹേ​ലും ആ മനുഷ്യ​ന്റെ ഭാര്യ​യാ​യി. സ്‌നേ​ഹ​ത്തി​ന്റെ അധിക​പ​ങ്കും തന്റെ സഹോ​ദ​രി​ക്കു ലഭിക്കു​ന്നതു കണ്ടപ്പോൾ ലേയയ്‌ക്ക്‌ എത്രയ​ധി​കം നിരാശ തോന്നി​യി​രി​ക്കണം. പ്രണയ​സ​ല്ലാ​പ​ങ്ങ​ളു​ടെ നിറച്ചാർത്തുള്ള കഥക​ളൊ​ന്നു​മി​ല്ലാ​യി​രു​ന്നു ലേയയ്‌ക്കു പറയാൻ, ഇനി ഉണ്ടെങ്കിൽത്തന്നെ അത്‌ അവളുടെ വിവാ​ഹ​ദി​ന​ത്തി​ന്റെ ഏതാനും മധുര​സ്‌മ​ര​ണകൾ മാത്ര​മാ​യി​രു​ന്നു. റാഹേ​ലി​നു ലഭിക്കു​ന്ന​ത്ര​യും സ്‌നേഹം തനിക്കും ലഭിച്ചി​രു​ന്നെ​ങ്കി​ലെന്ന്‌ അവൾ എത്രയ​ധി​കം വാഞ്‌ഛി​ച്ചു​കാ​ണണം. അതു​കൊ​ണ്ടു​തന്നെ താൻ അനിഷ്ട​യും വേണ്ടാ​ത്ത​വ​ളും ആണെന്ന്‌ പലപ്പോ​ഴും ലേയയ്‌ക്കു തോന്നി​യി​രി​ക്കണം. അവളുടെ നിയ​ന്ത്ര​ണ​ത്തിന്‌ അതീത​മായ സാഹച​ര്യ​ങ്ങ​ളാ​യി​രു​ന്നു ഭാഗി​ക​മാ​യി അതിനു കാരണം. a

ഒരു പരിധി​വരെ, ഇന്നു പലരു​ടെ​യും അവസ്ഥ ലേയയു​ടേ​തി​നു സമാന​മാണ്‌. സ്‌നേ​ഹി​ക്കാ​നും സ്‌നേ​ഹി​ക്ക​പ്പെ​ടാ​നു​മുള്ള രൂഢമൂ​ല​മായ ആഗ്രഹം നമ്മിൽ എല്ലാവ​രി​ലു​മുണ്ട്‌. ഒരുപക്ഷേ സ്‌നേ​ഹ​മ​യി​യായ ഒരു ഇണയ്‌ക്കാ​യി നാം വാഞ്‌ഛി​ക്കു​ന്നു​ണ്ടാ​കാം. മാതാ​പി​താ​ക്കൾ, കുട്ടികൾ, കൂടെ​പ്പി​റ​പ്പു​കൾ, സുഹൃ​ത്തു​ക്കൾ എന്നിവ​രു​ടെ സ്‌നേ​ഹ​ത്തി​നു പാത്ര​മാ​കാ​നും നാം ആഗ്രഹി​ക്കു​ന്നു. നമുക്ക്‌ കിട്ടാത്ത സ്‌നേഹം മറ്റുള്ള​വർക്കു കിട്ടു​ന്നത്‌ ലേയ​യെ​പ്പോ​ലെ നാമും കാണു​ന്നു​ണ്ടാ​യി​രി​ക്കാം.

രൂപലാ​വ​ണ്യ​മു​ള്ള സ്‌ത്രീ​പു​രു​ഷ​ന്മാർ പ്രേമ​ബ​ദ്ധ​രാ​കു​ക​യും ശിഷ്ടകാ​ലം സുഖമാ​യി ജീവി​ക്കു​ക​യും ചെയ്യു​ന്ന​തി​നെ​ക്കു​റി​ച്ചുള്ള പ്രണയ​ക​ഥകൾ നാം ചെറുപ്പം മുതൽ കേൾക്കു​ന്നു. ഗായകർ വികാ​ര​വാ​യ്‌പോ​ടെ പ്രണയ​ത്തെ​ക്കു​റി​ച്ചു പാടുന്നു; കവികൾ അതിനെ പ്രകീർത്തി​ക്കു​ന്നു. എന്നിരു​ന്നാ​ലും ഈ വിഷയ​ത്തിൽ പഠനം നടത്തുന്ന ഒരാൾ ഇപ്രകാ​രം എഴുതി: “പ്രണയം പോലെ, വളരെ​യ​ധി​കം സ്വപ്‌ന​ങ്ങ​ളും പ്രതീ​ക്ഷ​ക​ളു​മാ​യി തുടങ്ങു​ക​യും എന്നാൽ തുടർച്ച​യാ​യി പരാജ​യ​പ്പെ​ടു​ക​യും ചെയ്യുന്ന ഒരു പ്രവർത്ത​ന​മോ സംരം​ഭ​മോ ഇല്ല.” മിക്ക​പ്പോ​ഴും നമ്മുടെ ഉറ്റ ബന്ധങ്ങൾ തന്നെയാണ്‌ നമ്മെ ഏറ്റവു​മ​ധി​കം നിരാ​ശ​പ്പെ​ടു​ത്തു​ന്നത്‌, നിലനിൽക്കുന്ന സന്തോ​ഷ​ത്തി​നു പകരം അവ തീവ്ര​വേദന സമ്മാനി​ക്കു​ന്നു. അനേകം രാജ്യ​ങ്ങ​ളിൽ, 40 ശതമാ​ന​ത്തോ​ളം വിവാ​ഹങ്ങൾ ഇപ്പോൾ വിവാ​ഹ​മോ​ച​ന​ത്തിൽ കലാശി​ക്കു​ന്നു. വിവാ​ഹ​മോ​ചനം നേടാത്ത അനേകം ദമ്പതികൾ അസന്തു​ഷ്ട​രു​മാണ്‌.

മാതാ​പി​താ​ക്ക​ളിൽ ഒരാൾ മാത്ര​മു​ള്ള​തും അതു​പോ​ലെ​തന്നെ ബന്ധങ്ങളിൽ ഇഴയടു​പ്പ​മി​ല്ലാ​ത്ത​തു​മായ കുടും​ബ​ങ്ങ​ളു​ടെ എണ്ണം പല രാജ്യ​ങ്ങ​ളി​ലും വർധി​ച്ചു​വ​രു​ന്നു. ഇത്തരം കുടും​ബ​ങ്ങ​ളിൽ കുട്ടി​ക​ളും ദുരി​ത​ത്തിന്‌ ഇരയാ​കു​ന്നു. കരുത​ലും സ്‌നേ​ഹ​വും നിറഞ്ഞു​നിൽക്കുന്ന ഒരു കുടും​ബാ​ന്ത​രീ​ക്ഷം നൽകുന്ന വൈകാ​രിക സുരക്ഷി​ത​ത്വം കുട്ടി​കൾക്കു വിശേ​ഷാൽ ആവശ്യ​മാണ്‌. എന്നാൽ സ്‌നേ​ഹ​ത്തിന്‌ എന്തു സംഭവി​ച്ചി​രി​ക്കു​ന്നു? അമൂല്യ​മായ ഈ ഗുണ​ത്തെ​ക്കു​റിച്ച്‌ നമുക്ക്‌ എവി​ടെ​നി​ന്നു പഠിക്കാ​നാ​കും? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ പരിചി​ന്തി​ക്കു​ന്ന​താ​യി​രി​ക്കും.

[അടിക്കു​റിപ്പ്‌]