യുവജ​നങ്ങൾ ചോദി​ക്കു​ന്നു . . .

ഞാൻ ജീവിതം എങ്ങനെ വിനി​യോ​ഗി​ക്കണം?

“ആദ്യ​മൊ​ക്കെ ഭാവി​യെ​ക്കു​റിച്ച്‌ എനിക്കു വലിയ ചിന്ത​യൊ​ന്നു​മി​ല്ലാ​യി​രു​ന്നു. എന്നാൽ സ്‌കൂൾ വിദ്യാ​ഭ്യാ​സം പൂർത്തി​യാ​കാ​റാ​യ​തോ​ടെ ജീവി​ത​യാ​ഥാർഥ്യ​ങ്ങളെ നേരി​ടാൻ തുടങ്ങു​ക​യാ​ണെന്നു ഞാൻ തിരി​ച്ച​റി​ഞ്ഞു, ജോലി​ചെ​യ്‌ത്‌ ജീവി​ത​ച്ചെ​ല​വൊ​ക്കെ വഹി​ക്കേ​ണ്ടി​വ​രുന്ന ഒരു യഥാർഥ ജീവിതം.”—അലിക്‌സ്‌, 17.

ഭാവി​യിൽ ആരായി​ത്തീ​രു​മെന്ന്‌ കുട്ടി​ക്കാ​ലത്തു നിങ്ങൾ ദിവാ​സ്വ​പ്‌നം കണ്ടിട്ടു​ണ്ടോ? അതേക്കു​റിച്ച്‌ ഇപ്പോൾ നിങ്ങൾക്ക്‌ എന്താണ്‌ തോന്നു​ന്നത്‌? പ്രായ​പൂർത്തി​യാ​കു​മ്പോൾ എങ്ങനെ സ്വന്തം​കാ​ര്യം നോക്കാം എന്നതി​നെ​പ്പറ്റി നിങ്ങൾക്ക്‌ ആശയക്കു​ഴ​പ്പ​മു​ണ്ടോ? അങ്ങനെ​യെ​ങ്കിൽ നിങ്ങൾ ഒറ്റയ്‌ക്കല്ല. കരിയർ തിര​ഞ്ഞെ​ടു​ക്കാൻ കുട്ടി​കളെ സഹായി​ക്കുക (ഇംഗ്ലീഷ്‌) എന്ന പുസ്‌തകം പറയുന്നു: “ഏതു കരിയർ തിര​ഞ്ഞെ​ടു​ക്ക​ണ​മെ​ന്ന​താണ്‌ യുവജ​നങ്ങൾ നേരി​ടുന്ന ഒരു പ്രധാന വെല്ലു​വി​ളി.”

എന്നാൽ നിങ്ങളു​ടെ കാര്യ​ത്തിൽ സംഗതി വ്യത്യ​സ്‌ത​മാ​യി​രി​ക്കാം. ഒരുപക്ഷേ കരിയ​റി​നെ​ക്കു​റിച്ച്‌ നിങ്ങൾ ചിന്തി​ച്ചി​ട്ടു​പോ​ലും ഉണ്ടാകില്ല. ‘അടിച്ചു​പൊ​ളി​ച്ചു ജീവി​ക്കുക’ എന്നതു മാത്ര​മാ​യി​രി​ക്കാം നിങ്ങളു​ടെ മനസ്സു​നി​റയെ. ജീവിതം ആസ്വദി​ക്കു​ന്ന​തിൽ തെറ്റൊ​ന്നു​മില്ല. കാരണം “യൗവന​ക്കാ​രാ, നിന്റെ യൗവന​ത്തിൽ സന്തോ​ഷിക്ക” എന്നു ബൈബിൾ പറയുന്നു. (സഭാ​പ്ര​സം​ഗി 11:9) എന്നിരു​ന്നാ​ലും നിങ്ങളു​ടെ ജീവിതം എങ്ങനെ വിനി​യോ​ഗി​ക്കും എന്നു ചിന്തിച്ചു തുടങ്ങു​ന്ന​തി​നുള്ള ഏറ്റവും അനു​യോ​ജ്യ​മായ സമയം ഇതാണ്‌. “സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു” എന്ന്‌ സദൃശ​വാ​ക്യ​ങ്ങൾ 14:15 പറയുന്നു. നിങ്ങൾക്കത്‌ എങ്ങനെ ചെയ്യാ​നാ​കും?

“നിങ്ങളു​ടെ പോക്ക്‌ എങ്ങോ​ട്ടെന്ന്‌ അറിയുക”

നിങ്ങൾ ഒരു ദൂരയാ​ത്ര​യ്‌ക്ക്‌ ഒരുങ്ങു​ക​യാ​ണെന്നു സങ്കൽപ്പി​ക്കുക. ഏറ്റവും നല്ല വഴി ഏതെന്ന​റി​യാൻ സാധ്യ​ത​യ​നു​സ​രിച്ച്‌ ആദ്യം​തന്നെ നിങ്ങൾ ഒരു റോഡ്‌ മാപ്പ്‌ പരി​ശോ​ധി​ക്കി​ല്ലേ? അതു​പോ​ലെ​ത​ന്നെ​യാണ്‌ ഭാവി​യെ​ക്കു​റിച്ച്‌ ആസൂ​ത്രണം ചെയ്യുന്ന കാര്യ​ത്തി​ലും. “നിങ്ങളു​ടെ മുമ്പിൽ നിരവധി മാർഗങ്ങൾ തുറന്നു കിടപ്പുണ്ട്‌,” യഹോ​വ​യു​ടെ സാക്ഷി​ക​ളു​ടെ ബ്രാഞ്ച്‌ ഓഫീ​സു​ക​ളിൽ ഒന്നിൽ സേവി​ക്കുന്ന മൈക്കിൾ എന്ന യുവാവ്‌ പറയുന്നു. അത്തര​മൊ​രു സാഹച​ര്യ​ത്തിൽ നിങ്ങൾ എന്തു​ചെ​യ്യും? “അതെല്ലാം നിങ്ങളു​ടെ ലാക്കു​കളെ ആശ്രയി​ച്ചാ​ണി​രി​ക്കു​ന്നത്‌,” മൈക്കിൾ കൂട്ടി​ച്ചേർക്കു​ന്നു.

നിങ്ങളു​ടെ ലാക്കിനെ ഒരു ലക്ഷ്യസ്ഥാ​ന​മാ​യി സങ്കൽപ്പി​ക്കുക. ലക്ഷ്യ​ബോ​ധ​മി​ല്ലാ​തെ അലഞ്ഞു​തി​രി​യു​ക​വഴി നിങ്ങൾ അവിടെ എത്തി​പ്പെ​ടാൻ സാധ്യ​ത​യില്ല. പകരം ‘ഒരു റോഡ്‌ മാപ്പ്‌’ നോക്കി ഗതി തിര​ഞ്ഞെ​ടു​ക്കു​ന്ന​താണ്‌ ഏറെ മെച്ചം. അപ്രകാ​രം പ്രവർത്തി​ക്കു​മ്പോൾ “നിന്റെ കാലു​ക​ളു​ടെ പാതയെ നിരപ്പാ​ക്കുക” എന്ന സദൃശ​വാ​ക്യ​ങ്ങൾ 4:26-ലെ ഉദ്‌ബോ​ധനം പിൻപ​റ്റു​ക​യാ​യി​രി​ക്കും നിങ്ങൾ ചെയ്യു​ന്നത്‌. “നിങ്ങളു​ടെ പോക്ക്‌ എങ്ങോ​ട്ടെന്ന്‌ അറിയുക” എന്നാണ്‌ സമകാ​ലീന ഇംഗ്ലീഷ്‌ ഭാഷാ​ന്തരം ആ ഭാഗം വിവർത്തനം ചെയ്‌തി​രി​ക്കു​ന്നത്‌.

വരും വർഷങ്ങ​ളിൽ ആരാധന, തൊഴിൽ, വിവാഹം, കുടും​ബം എന്നിവ​യോ​ടു ബന്ധപ്പെ​ട്ട​തോ മറ്റു നിർണാ​യക  കാര്യങ്ങൾ ഉൾപ്പെ​ടു​ന്ന​തോ ആയ പല സുപ്ര​ധാന തീരു​മാ​ന​ങ്ങ​ളും നിങ്ങൾക്ക്‌ എടു​ക്കേ​ണ്ടി​വ​രും. നിങ്ങളു​ടെ പോക്ക്‌ എങ്ങോ​ട്ടാ​ണെന്ന്‌ ആദ്യ​മേ​തന്നെ അറിയാ​മെ​ങ്കിൽ ബുദ്ധി​പൂർവ​ക​മായ തിര​ഞ്ഞെ​ടു​പ്പു നടത്തുക എളുപ്പ​മാ​യി​രി​ക്കും. നിങ്ങളു​ടെ ജീവി​ത​ഗതി തിര​ഞ്ഞെ​ടു​ക്കു​മ്പോൾ അവഗണി​ക്കാ​നാ​വാത്ത ഒരു ഘടകമുണ്ട്‌.

“നിന്റെ സ്രഷ്ടാ​വി​നെ ഓർത്തു​കൊൾക”

യഥാർഥ​ത്തിൽ സന്തോ​ഷ​മു​ള്ള​വ​രാ​യി​രി​ക്കാൻ ജ്ഞാനി​യായ ശലോ​മോ​ന്റെ പിൻവ​രുന്ന വാക്കു​കൾക്കു നിങ്ങൾ ശ്രദ്ധ നൽകേ​ണ്ട​തുണ്ട്‌: “നിന്റെ യൗവന​കാ​ലത്തു നിന്റെ സ്രഷ്ടാ​വി​നെ ഓർത്തു​കൊൾക.” (സഭാ​പ്ര​സം​ഗി 12:1) ദൈവത്തെ പ്രസാ​ദി​പ്പി​ക്കുക എന്ന ആഗ്രഹ​ത്താൽ പ്രചോ​ദി​ത​രാ​യി​ട്ടാ​യി​രി​ക്കണം നിങ്ങൾ ജീവി​ത​ഗതി തിര​ഞ്ഞെ​ടു​ക്കാൻ.

അതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? വെളി​പ്പാ​ടു 4:11-ൽ ബൈബിൾ പറയുന്നു: “കർത്താവേ, നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ.” സ്വർഗ​ത്തി​ലും ഭൂമി​യി​ലു​മുള്ള എല്ലാ സൃഷ്ടി​ക​ളും സ്രഷ്ടാ​വി​നോ​ടു നന്ദിയു​ള്ള​വ​രാ​യി​രി​ക്കാൻ തീർച്ച​യാ​യും ബാധ്യ​സ്ഥ​രാണ്‌. “ജീവനും ശ്വാസ​വും സകലവും” നൽകി​യ​തിന്‌ നിങ്ങൾ അവനോ​ടു നന്ദിയു​ള്ള​വ​രാ​ണോ? (പ്രവൃ​ത്തി​കൾ 17:25) യഹോവ നിങ്ങൾക്കു നൽകി​യി​രി​ക്കുന്ന എല്ലാറ്റി​നോ​ടു​മുള്ള വിലമ​തി​പ്പു നിമിത്തം അവന്‌ എന്തെങ്കി​ലും തിരികെ നൽകാൻ നിങ്ങൾ നിർബ​ന്ധി​ത​രാ​കു​ന്നി​ല്ലേ?

തങ്ങളുടെ സ്രഷ്ടാ​വി​നെ ഓർത്തു​കൊണ്ട്‌ യഹോ​വ​യു​ടെ സാക്ഷി​ക​ളു​ടെ ഇടയിൽ അനേകം യുവജ​നങ്ങൾ മുഴു​സ​മ​യ​ശു​ശ്രൂഷ ഏറ്റെടു​ത്തി​രി​ക്കു​ന്നു. മുഴു​സ​മ​യ​ശു​ശ്രൂഷ വാസ്‌ത​വ​ത്തിൽ ആദരണീ​യ​മായ ഒരു ലാക്കാണ്‌. കൂടാതെ അത്‌ എണ്ണമറ്റ അനു​ഗ്ര​ഹ​ങ്ങ​ളും കൈവ​രു​ത്തു​ന്നു. (മലാഖി 3:10) എങ്കിലും അതിനാ​യി മുന്നമേ ആസൂ​ത്രണം ചെയ്യേ​ണ്ടത്‌ ആവശ്യ​മാണ്‌. ഉദാഹ​ര​ണ​ത്തിന്‌, ‘മുഴു​സ​മ​യ​സേ​വ​ന​ത്തിന്‌ സഹായ​ക​മായ എന്തെല്ലാം കഴിവു​ക​ളും വൈദ​ഗ്‌ധ്യ​ങ്ങ​ളു​മാണ്‌ എനിക്കു​ള്ളത്‌?’ എന്ന്‌ നിങ്ങ​ളോ​ടു​തന്നെ ചോദി​ക്കുക.

ഇപ്പോൾ 27 വയസ്സുള്ള കെലി ഭാവി പ്രവർത്ത​നങ്ങൾ ചെറു​പ്പ​ത്തിൽത്തന്നെ ആസൂ​ത്രണം ചെയ്‌തു. മുഴു​സ​മ​യ​സേ​വ​ന​ത്തിൽ ഏർപ്പെ​ടുക എന്ന വ്യക്തമായ ഒരു ലാക്ക്‌ അവൾക്കു​ണ്ടാ​യി​രു​ന്നു. തന്റെ കൗമാ​ര​ത്തി​ന്റെ  അവസാന നാളു​ക​ളിൽത്തന്നെ ഏതു തൊഴിൽ തിര​ഞ്ഞെ​ടു​ക്കണം എന്നതി​നെ​ക്കു​റിച്ച്‌ അവൾ ചിന്തി​ക്കാൻ തുടങ്ങി. അവൾ പറയുന്നു: “ശുശ്രൂ​ഷ​യിൽ എന്നെ സഹായി​ക്കുന്ന എന്തെങ്കി​ലും ഞാൻ തിര​ഞ്ഞെ​ടു​ക്കേ​ണ്ട​തു​ണ്ടാ​യി​രു​ന്നു.”

ഹൈസ്‌കൂ​ളിൽവെച്ച്‌ കെലി ഒരു ദന്ത ഡോക്ട​റു​ടെ സഹായി​യാ​യി പ്രവർത്തി​ക്കു​ന്ന​തി​നുള്ള തൊഴിൽ പരിശീ​ലനം നേടി. ദേശീ​യ​ത​ല​ത്തിൽ നടന്ന മത്സരത്തിൽ അവൾ വിജയി​ക്കു​ക​പോ​ലും ചെയ്‌തു. അവളുടെ ഈ വലിയ വിജയം പ്രഥമ ലാക്കിൽനി​ന്നും അവളെ വ്യതി​ച​ലി​പ്പി​ച്ചില്ല. “മുഴു​സ​മ​യ​ശു​ശ്രൂ​ഷ​യാ​യി​രു​ന്നു എന്റെ ലാക്ക്‌,” അവൾ പറയുന്നു. “മറ്റെന്തി​നും രണ്ടാം സ്ഥാനമേ ഉണ്ടായി​രു​ന്നു​ള്ളൂ.” കെലി ഇപ്പോ​ഴും തന്റെ മുഴു​സ​മ​യ​ശു​ശ്രൂഷ ആസ്വദി​ക്കു​ന്നു. “എനിക്കു ചെയ്യാ​വു​ന്ന​തിൽവെച്ച്‌ ഏറ്റവും നല്ല ഒരു തീരു​മാ​ന​മാ​യി​രു​ന്നു അത്‌,” അവൾ പറയുന്നു.

‘വഴി’ ചോദി​ച്ച​റി​യു​ക

പരിച​യ​മി​ല്ലാത്ത ഒരു പ്രദേ​ശ​ത്തു​കൂ​ടി​യാണ്‌ നിങ്ങൾ യാത്ര ചെയ്യു​ന്ന​തെ​ങ്കിൽ വഴി ചോദി​ച്ച​റി​യേ​ണ്ടത്‌ ആവശ്യ​മാ​യി​രു​ന്നേ​ക്കാം, ഒരു റോഡ്‌ മാപ്പ്‌ ഉണ്ടെങ്കിൽപ്പോ​ലും. ഭാവി​പ്ര​വർത്ത​നങ്ങൾ ആസൂ​ത്രണം ചെയ്യു​മ്പോ​ഴും നിങ്ങൾക്ക്‌ അതുതന്നെ ചെയ്യാ​വു​ന്ന​താണ്‌. മറ്റുള്ള​വ​രു​ടെ നിർദേ​ശങ്ങൾ ആരായുക. സദൃശ​വാ​ക്യ​ങ്ങൾ 20:18 പറയുന്നു: ‘ഉദ്ദേശ്യ​ങ്ങൾ ആലോ​ച​ന​കൊ​ണ്ടു സാധി​ക്കു​ന്നു.’ അതിനുള്ള ഒരു ഉത്തമ സ്രോ​ത​സ്സാ​ണു നിങ്ങളു​ടെ മാതാ​പി​താ​ക്കൾ. ദൈവിക ജ്ഞാനം പ്രതി​ഫ​ലി​പ്പി​ക്കുന്ന പക്വത​യുള്ള ക്രിസ്‌തീയ സഹോ​ദ​ര​ങ്ങ​ളു​ടെ നിർദേ​ശ​ങ്ങ​ളും നിങ്ങൾക്കു തേടാ​വു​ന്ന​താണ്‌. “നിങ്ങളു​ടെ സഭയി​ലോ അടുത്ത പ്രദേ​ശ​ത്തോ നല്ല മാതൃ​ക​ക​ളാ​യി​രി​ക്കുന്ന മുതിർന്ന​വരെ നോക്കുക,” റോബർട്ടോ നിർദേ​ശി​ക്കു​ന്നു. “നിങ്ങൾ ഒരിക്ക​ലും ചിന്തി​ച്ചി​ട്ടി​ല്ലാത്ത ചില കാര്യങ്ങൾ അവരിൽനി​ന്നു കേൾക്കാ​നാ​യേ​ക്കും.”

ജീവി​ത​ത്തിൽ ഏറ്റവും അധികം സന്തോഷം നൽകുന്ന തിര​ഞ്ഞെ​ടു​പ്പു​കൾ നടത്തു​ന്ന​തി​നു നിങ്ങളെ സഹായി​ക്കാൻ മറ്റാ​രേ​ക്കാ​ളു​മു​പ​രി​യാ​യി യഹോ​വ​യാം ദൈവം ആഗ്രഹി​ക്കു​ന്നു. ആയതി​നാൽ നിങ്ങളു​ടെ ഭാവിയെ സംബന്ധിച്ച്‌ “കർത്താ​വി​ന്റെ ഇഷ്ടം ഇന്നതെന്നു ഗ്രഹി”ക്കേണ്ടതി​നു അവനോ​ടു ചോദി​ക്കുക. (എഫെസ്യർ 5:17) പൂർണ​ഹൃ​ദ​യ​ത്തോ​ടെ നിങ്ങൾ യഹോ​വ​യിൽ ആശ്രയി​ക്കു​ന്നെ​ങ്കിൽ “അവൻ നിന്റെ പാതകളെ നേരെ​യാ​ക്കും.”—സദൃശ​വാ​ക്യ​ങ്ങൾ 3:5, 6.

“യുവജ​നങ്ങൾ ചോദി​ക്കു​ന്നു . . . ” എന്ന പരമ്പര​യിൽനി​ന്നുള്ള കൂടുതൽ ലേഖനങ്ങൾ www.watchtower.org/ypa എന്ന വെബ്‌​സൈ​റ്റിൽ കാണാ​വു​ന്ന​താണ്‌.

ചിന്തിക്കാൻ:

◼ നിങ്ങൾക്ക്‌ എന്തെല്ലാം കഴിവു​ക​ളും വൈദ​ഗ്‌ധ്യ​ങ്ങ​ളു​മുണ്ട്‌?

◼ ആ കഴിവു​കളെ യഹോ​വ​യു​ടെ മഹത്ത്വ​ത്തി​നാ​യി എങ്ങനെ​യെ​ല്ലാം ഉപയോ​ഗി​ക്കാ​മെന്ന്‌ നിങ്ങൾക്കു ചിന്തി​ക്കാ​നാ​കു​മോ?

◼ ഈ ലേഖന​ത്തിൽ പരിചി​ന്തിച്ച ഏതു മുഴു​സ​മ​യ​സേ​വ​ന​മാ​ണു നിങ്ങൾക്കി​ഷ്ടം?

[23-ാം പേജിലെ ചതുരം]

വഴിമുട്ടിയ ജീവിതം

ബൈബിൾ പറയുന്നു: “ധനിക​ന്മാ​രാ​കു​വാൻ ആഗ്രഹി​ക്കു​ന്നവർ പരീക്ഷ​യി​ലും കണിയി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തീ​രു​ക​യും ചെയ്യുന്നു.” ധനസമ്പാ​ദന മാർഗങ്ങൾ പ്രശ്‌ന​പൂ​രി​ത​ങ്ങ​ളാണ്‌! ആത്യന്തി​ക​മാ​യി അവ നമ്മെ കടത്തി​ലും ഉത്‌ക​ണ്‌ഠ​യി​ലും ആത്മീയ തകർച്ച​യി​ലും കൊ​ണ്ടെ​ത്തി​ക്കു​ക​യും അങ്ങനെ ജീവിതം വഴിമു​ട്ടിയ ഒരവസ്ഥ​യിൽ ആയിത്തീ​രു​ക​യും ചെയ്‌തേ​ക്കാം.—1 തിമൊ​ഥെ​യൊസ്‌ 6:9, 10.

[24, 25 പേജു​ക​ളി​ലെ ചതുരം/ചിത്രങ്ങൾ]

പയനിയറിങ്‌

ദൈവരാജ്യ സുവാർത്ത പ്രസം​ഗ​ത്തിൽ മാസം​തോ​റും കുറഞ്ഞത്‌ 70 മണിക്കൂർ ചെലവ​ഴി​ക്കുന്ന സ്‌നാ​പ​ന​മേറ്റ മാതൃ​കാ​യോ​ഗ്യ​രായ പ്രസാ​ധ​ക​രാണ്‌ പയനി​യർമാർ. പരിശീ​ല​ന​ത്താ​ലും അനുഭ​വ​പ​രി​ച​യ​ത്താ​ലും പയനി​യർമാർ ബൈബി​ളി​ന്റെ അധ്യാ​പ​ക​രെന്ന നിലയിൽ കൂടുതൽ വൈദ​ഗ്‌ധ്യം നേടി​യെ​ടു​ക്കു​ന്നു.

ബെഥേൽ സേവനം

ബെഥേൽ കുടും​ബാം​ഗങ്ങൾ യഹോ​വ​യു​ടെ സാക്ഷി​ക​ളു​ടെ ബ്രാഞ്ച്‌ ഓഫീ​സു​ക​ളിൽ സേവി​ക്കു​ന്നു. അവിടെ അവർ ബൈബിൾ സാഹി​ത്യ​ങ്ങ​ളു​ടെ തയാറാ​ക്കൽ, ഉത്‌പാ​ദനം, വിതരണം എന്നിവ​യിൽ സഹായി​ക്കു​ന്നു. ബെഥേ​ലി​ലെ ഓരോ നിയമ​ന​വും ഒരു വിശുദ്ധ സേവന​പ​ദ​വി​യാണ്‌.

ആവശ്യം അധിക​മു​ള്ളി​ടത്തു സേവിക്കൽ

ചില പയനി​യർമാർ രാജ്യ​ഘോ​ഷ​ക​രു​ടെ ആവശ്യം കൂടു​ത​ലുള്ള പ്രദേ​ശ​ത്തേക്ക്‌ മാറി​പ്പാർക്കു​ന്നു. മറ്റു ചിലർ വേറൊ​രു ഭാഷ പഠിച്ചു​കൊണ്ട്‌ വിദേ​ശ​ത്തോ ആ ഭാഷ ഉപയോ​ഗി​ക്കുന്ന ഒരു സഭയോ​ടൊ​പ്പ​മോ സേവി​ക്കു​ന്നു.

അന്താരാഷ്‌ട്ര സേവനം

അന്താരാഷ്‌ട്ര സേവകർ രാജ്യ​ഹാൾ നിർമാ​ണ​ത്തി​ലോ ബ്രാഞ്ച്‌ സൗകര്യ​ങ്ങ​ളു​ടെ നിർമാ​ണ​ത്തി​ലോ സഹായി​ക്കു​ന്ന​തി​നു മറ്റു ദേശങ്ങ​ളി​ലേക്കു പോകു​ന്നു. ശലോ​മോ​ന്റെ ആലയ നിർമാ​ണ​ത്തിൽ പങ്കെടു​ത്തവർ ചെയ്‌ത​തി​നു തുല്യ​മായ ഒരു വിശുദ്ധ സേവന​മാണ്‌ ഇത്‌.—1 രാജാ​ക്ക​ന്മാർ 8:13-18.

ശുശ്രൂഷാ പരിശീ​ലന സ്‌കൂൾ

യോഗ്യരായ അവിവാ​ഹിത മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും സംഘട​നാ​പ​ര​മായ കാര്യ​ങ്ങ​ളി​ലും പ്രസം​ഗങ്ങൾ നടത്തു​ന്ന​തി​ലും പരിശീ​ലനം നൽകുന്ന എട്ടാഴ്‌ചത്തെ ഒരു കോഴ്‌സാ​ണിത്‌. ഈ സ്‌കൂ​ളിൽനി​ന്നു ബിരുദം നേടിയ ചിലർ സ്വദേ​ശ​ത്തു​തന്നെ സേവി​ക്കു​ന്നു; മറ്റുചി​ലർ വിദേ​ശ​ത്തും.

മിഷനറി സേവനം

നല്ല ശാരീ​രിക ആരോ​ഗ്യ​വും ഓജസ്സും ഉള്ള യോഗ്യ​രായ പയനി​യർമാർക്ക്‌ വിദേ​ശ​നി​യ​മ​ന​ങ്ങൾക്കാ​യി പരിശീ​ലനം നൽകുന്നു. മിഷന​റി​മാർ ആവേശ​ക​ര​വും സംതൃ​പ്‌തി​ക​ര​വു​മായ ജീവിതം നയിക്കു​ന്നു.

[24-ാം പേജിലെ ചതുരം/ചിത്രം]

ഞാൻ ജീവിതം എങ്ങനെ വിനി​യോ​ഗി​ക്കും?

യഹോ​വ​യു​ടെ സാക്ഷികൾ നിർമിച്ച ഈ വീഡി​യോ പ്രോ​ഗ്രാം ഐക്യ​നാ​ടു​കൾ, ജർമനി, ബ്രസീൽ, ബ്രിട്ടൻ എന്നിവി​ട​ങ്ങ​ളിൽ നിന്നുള്ള യുവജ​ന​ങ്ങ​ളു​ടെ സത്യസ​ന്ധ​മായ അഭിമു​ഖ​ങ്ങ​ളാണ്‌. താമസി​യാ​തെ ഇത്‌ അനേകം ഭാഷക​ളിൽ ലഭ്യമാ​കും.

[23-ാം പേജിലെ ചിത്രം]

“അതെല്ലാം നിങ്ങളു​ടെ ലാക്കു​കളെ ആശ്രയി​ച്ചാ​ണി​രി​ക്കു​ന്നത്‌.”—മൈക്കിൾ, ഒരു ബെഥേൽ അംഗം

[24-ാം പേജിലെ ചിത്രം]

“എനിക്കു ചെയ്യാ​വു​ന്ന​തിൽവെച്ച്‌ ഏറ്റവും നല്ല ഒരു തീരു​മാ​ന​മാ​യി​രു​ന്നു അത്‌.”—കെലി, ആറു വർഷമാ​യി പയനി​യ​റാണ്‌

[25-ാം പേജിലെ ചിത്രം]

“നല്ല മാതൃ​ക​ക​ളാ​യ​വ​രെ​നോ​ക്കുക.”—റോബർട്ടോ, ഒരു ബെഥേൽ അംഗം