“അത്യുഗ്രൻ”
“അത്യുഗ്രൻ”
യു.എസ്.എ-യിലെ ജോർജിയായിൽനിന്നുള്ള ദമ്പതികൾ, ബൈബിൾ യഥാർഥത്തിൽ എന്തു പഠിപ്പിക്കുന്നു? എന്ന പുസ്‌തകത്തെക്കുറിച്ച്‌ എഴുതിയതാണത്‌. 2005-ൽ പ്രസിദ്ധീകരിച്ച മനോഹരമായ ചിത്രങ്ങളടങ്ങിയ ഈ 224 പേജ്‌ പുസ്‌തകത്തെക്കുറിച്ച്‌ അവർ പറയുന്നു: “മിക്കവാറും എല്ലാവർക്കുംതന്നെ ഉപയോഗിക്കാനാകുംവിധം അത്ര ലളിതമാണ്‌ ഈ പുസ്‌തകം. അതേസമയം ഉന്നത വിദ്യാഭ്യാസം ഉള്ളവരുടെപോലും ആത്മീയ ആവശ്യങ്ങൾ തൃപ്‌തിപ്പെടുത്താൻപോന്ന ഗഹനമായ വിവരങ്ങൾ ഇതിലുണ്ടുതാനും.”
പുസ്‌തകത്തിന്റെ ശീർഷകംതന്നെ വളരെ ആകർഷകമാണ്‌. അതിനൊരു ഉദാഹരണമാണ്‌ യു.എസ്.എ.-യിലെ ന്യൂ ജെഴ്‌സിയിലെ ഒരു ദമ്പതികൾക്കുണ്ടായ അനുഭവം. ഫ്‌ളോറിഡായിൽ നടന്ന യഹോവയുടെ സാക്ഷികളുടെ ഒരു കൺവെൻഷനിൽ വെച്ചാണ്‌ അവർക്ക്‌ ഈ പുസ്‌തകം ലഭിച്ചത്‌. അതിനുശേഷം, അവർ തങ്ങളുടെ അവധിക്കാലം ചെലവഴിക്കാനായി ബഹാമസിലേക്കു പറന്നു. അവരുടെ സാധനങ്ങൾ പരിശോധിച്ച കസ്റ്റംസ്‌ ഉദ്യോഗസ്ഥ ഈ പുസ്‌തകം കാണാനിടയായി. അതിന്റെ ശീർഷകം വായിച്ചിട്ട്‌ അവർ ഇപ്രകാരം പറഞ്ഞു: “ഈ ചോദ്യത്തിന്റെ ഉത്തരം അറിയാൻ ഞാൻ എന്നും ആഗ്രഹിച്ചിട്ടുണ്ട്‌.” ആ സാക്ഷികൾ പുസ്‌തകത്തിന്റെ ഒരു പ്രതി കൊടുത്തപ്പോൾ ആ ഉദ്യോഗസ്ഥയ്‌ക്കുണ്ടായ സന്തോഷം ഒന്നാലോചിച്ചു നോക്കൂ.
തൊട്ടടുത്ത ദിവസം അതേ ദമ്പതികൾ ഒരു ബീച്ചിലിരുന്ന്‌ പ്രസ്‌തുത പുസ്‌തകം വായിക്കുകയായിരുന്നു. വിനോദ സഞ്ചാരികൾക്കു സാധനങ്ങൾ വിൽക്കുകയായിരുന്ന ഒരു സ്‌ത്രീ അതു ശ്രദ്ധിക്കാനിടയായി. ബൈബിൾ യഥാർഥത്തിൽ എന്താണു പഠിപ്പിക്കുന്നതെന്നു മനസ്സിലാക്കാൻ സഹായിക്കേണമേ എന്ന്‌ കുറച്ചു സമയംമുമ്പ്‌ താൻ പ്രാർഥിച്ചതായി ആ സ്‌ത്രീ അവരോടു പറഞ്ഞു. എന്നിട്ട്‌ അതിന്റെ ഒരു പ്രതി കിട്ടാൻ എന്താണു മാർഗം എന്നു ചോദിച്ചു. അവർ ആ പുസ്‌തകത്തിന്റെ ഒരു പ്രതി നൽകിയപ്പോൾ ആ സ്‌ത്രീക്കുണ്ടായ സന്തോഷത്തിന്‌ അതിരില്ലായിരുന്നു.
ഇപ്പോൾ 145-ലധികം ഭാഷകളിൽ ലഭ്യമായ ഈ പ്രസിദ്ധീകരണത്തിന്റെ നാലു കോടിയിലധികം പ്രതികൾ ഇതിനോടകം അച്ചടിച്ചിട്ടുണ്ട്‌. ഈ പുസ്‌തകത്തെക്കുറിച്ച്‌ കൂടുതൽ വിവരങ്ങൾ അറിയാൻ ആഗ്രഹിക്കുന്നെങ്കിൽ ദയവായി ഇതോടൊപ്പം നൽകിയിരിക്കുന്ന കൂപ്പൺ പൂരിപ്പിച്ച്‌ ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയയ്‌ക്കുക.
□ കടപ്പാടുകളൊന്നും കൂടാതെ, ഇവിടെ കാണിച്ചിരിക്കുന്ന പുസ്‌തകത്തെക്കുറിച്ചു കൂടുതൽ വിവരങ്ങൾ അറിയാൻ ഞാൻ ആഗ്രഹിക്കുന്നു.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്‌പര്യമുണ്ട്‌. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു: