കുഴപ്പ​ങ്ങൾനി​റഞ്ഞ ഒരു ലോക​ത്തിൽ അവർ സമാധാ​നം കണ്ടെത്തി

ബോസ്‌നിയ-ഹെർട്‌സെ​ഗോ​വി​ന​യിൽനി​ന്നുള്ള അത്യു​ഗ്ര​മായ ഒരു യുദ്ധരം​ഗ​മാണ്‌ ഈ മാസി​ക​യു​ടെ പുറം​താൾ ചിത്രീ​ക​രി​ക്കു​ന്നത്‌. അത്തര​മൊ​രു സ്ഥലത്തു സമാധാ​നം ഉണ്ടായി​രി​ക്കാൻ കഴിയു​മോ? വിസ്‌മ​യാ​വ​ഹം​തന്നെ, കഴിയും എന്നതാണ്‌ ഉത്തരം. ആ ദുരന്ത​രാ​ജ്യ​ത്തെ റോമൻ കത്തോ​ലി​ക്കർ, ഈസ്റ്റേൺ ഓർത്ത​ഡോ​ക്‌സ്‌, മുസ്ലീം എന്നീ സമുദാ​യ​ക്കാർ പ്രദേ​ശ​ത്തി​നു​വേണ്ടി കടിപി​ടി​കൂ​ടു​മ്പോൾ സമാധാ​ന​ത്തി​നാ​യി വാഞ്‌ഛി​ക്കു​ന്ന​വ​രാ​യി അനേക​രുണ്ട്‌, ചിലർ അതു കണ്ടെത്തു​ക​യും ചെയ്‌തി​രി​ക്കു​ന്നു.

സാര​യെ​വോ നിവാ​സി​ക​ളാ​യി​രുന്ന ഈ ഡോരം ദമ്പതികൾ യഹോ​വ​യു​ടെ സാക്ഷി​ക​ളാ​യി​രു​ന്നു. ആ നഗരത്തി​ലെ എല്ലാ കുഴപ്പ​ങ്ങൾക്കും​മ​ധ്യേ, ദൈവ​രാ​ജ്യ സുവാർത്ത പങ്കു​വെ​ക്കാൻ അവർ തങ്ങളുടെ അയൽക്കാ​രെ നിരന്തരം സന്ദർശി​ച്ചു​പോ​ന്നു. (മത്തായി 24:14) എന്തു​കൊണ്ട്‌? എന്തു​കൊ​ണ്ടെ​ന്നാൽ, ദൈവ​രാ​ജ്യം യാഥാർഥ്യ​മാ​ണെ​ന്നും അത്‌ ഇതി​നോ​ട​കം​തന്നെ സ്വർഗ​ത്തിൽ സ്ഥാപി​ത​മാ​യി​രി​ക്കു​ന്നു​വെ​ന്നും സമാധാ​ന​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ ഏറ്റവും നല്ലതും ഒരേ ഒരു പ്രത്യാ​ശ​യും അതാ​ണെ​ന്നും ഡോരം ദമ്പതി​കൾക്ക്‌ അറിയാ​മാ​യി​രു​ന്നു. “സമാധാ​ന​ത്തി​ന്റെ സുവാർത്ത” എന്നു പൗലോസ്‌ അപ്പോ​സ്‌തലൻ വിളി​ക്കുന്ന സംഗതി​യിൽ യഹോ​വ​യു​ടെ സാക്ഷി​കൾക്കു പരിപൂർണ വിശ്വാ​സ​മുണ്ട്‌. (എഫേസ്യർ 2:17, NW) ബോസോ ഡോരം, ഹെന ഡോരം എന്നിവ​രെ​പ്പോ​ലെ​യു​ള്ളവർ നിമിത്തം ബോസ്‌നി​യ​യി​ലും ഹെർട്‌സെ​ഗോ​വി​ന​യി​ലും അനേക​രും സമാധാ​നം കണ്ടെത്തു​ക​യാണ്‌.

വരാനി​രി​ക്കുന്ന യഥാർഥ സമാധാ​നം

ഡോരം കുടും​ബ​ത്തെ​പ്പറ്റി പറയാൻ ഇനിയു​മുണ്ട്‌. എന്നാൽ ദൈവ​രാ​ജ്യ​ത്തിൽ വിശ്വാ​സം വന്ന മറ്റൊരു ദമ്പതി​കളെ കുറിച്ചു നമുക്ക്‌ ആദ്യം പറയാം. ആർതർ എന്നും അറിന എന്നുമാ​യി​രു​ന്നു അവരുടെ പേരുകൾ. മുൻ സോവി​യറ്റ്‌ യൂണി​യന്റെ പ്രദേ​ശ​ത്തുള്ള ഒരു റിപ്പബ്ലി​ക്കി​ലാ​യി​രു​ന്നു അവരും അവരുടെ യുവാ​ക്ക​ളായ രണ്ടു പുത്ര​ന്മാ​രും താമസി​ച്ചി​രു​ന്നത്‌. ആഭ്യന്തര യുദ്ധം പൊട്ടി​പ്പു​റ​പ്പെ​ട്ട​പ്പോൾ, ഒരു പക്ഷത്ത്‌ ആർതറും പോരാ​ടി. എന്നിരു​ന്നാ​ലും, താമസി​യാ​തെ അദ്ദേഹം സ്വയം ചോദി​ച്ചു, ‘എന്റെ അയൽക്കാ​രാ​യി​രുന്ന ഈ ആളുകൾക്കെ​തി​രെ ഞാനെ​ന്തി​നു പോരാ​ടണം?’ പിന്നെ അദ്ദേഹം രാജ്യം വിട്ടു​പോ​ന്നു. അനേകം വിഷമ​തകൾ സഹിച്ച്‌ തന്റെ കൊച്ചു കുടും​ബ​വു​മൊത്ത്‌ എസ്‌തോ​ണി​യ​യി​ലെത്തി.

സെൻറ്‌ പീറ്റേ​ഴ്‌സ്‌ബർഗി​ലേ​ക്കുള്ള ഒരു സന്ദർശന സമയത്ത്‌ യഹോ​വ​യു​ടെ സാക്ഷി​കളെ കണ്ടുമു​ട്ടിയ ആർതർക്കു ദൈവ​രാ​ജ്യ​ത്തെ​പ്പറ്റി താൻ മനസ്സി​ലാ​ക്കിയ കാര്യ​ത്തിൽ മതിപ്പു തോന്നി. വളരെ പെട്ടെ​ന്നു​തന്നെ ദൈവ​രാ​ജ്യം മനുഷ്യ​വർഗ​ത്തി​ന്മേ​ലുള്ള ഒരേ ഒരു ഭരണാ​ധി​പ​ത്യ​മാ​യി​രി​ക്കു​മെ​ന്നതു യഹോ​വ​യു​ടെ ഇഷ്ടമാണ്‌. (ദാനീ​യേൽ 2:44) അപ്പോൾ ഭൂമി ആഭ്യന്തര യുദ്ധങ്ങ​ളോ അന്താരാ​ഷ്ട്ര പോരാ​ട്ട​ങ്ങ​ളോ ഇല്ലാത്ത സമാധാ​ന​പൂർണ​മായ ഒരു സ്ഥലമാ​യി​ത്തീ​രും. ആ സമയ​ത്തെ​ക്കു​റിച്ച്‌ യെശയ്യാ​വു പ്രവചി​ച്ചത്‌ ഇങ്ങനെ​യാ​യി​രു​ന്നു: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:9.

ബൈബിൾപ​ഠ​ന​സ​ഹാ​യി​യായ ഒരു പ്രസി​ദ്ധീ​ക​ര​ണ​ത്തിൽനി​ന്നു ഭാവി​യി​ലെ ആ സമാധാ​ന​പൂർണ​മായ ഭൂമി​യെ​ക്കു​റി​ച്ചുള്ള കലാകാ​രന്റെ ചിത്രം ഒരു സാക്ഷി ആർതർക്കു കാണി​ച്ചു​കൊ​ടു​ത്ത​പ്പോൾ, അതു​പോ​ലൊ​രു  സ്ഥലത്താ​യി​രു​ന്നു താൻ താമസി​ച്ചി​രു​ന്നത്‌ എന്ന്‌ അദ്ദേഹം അഭി​പ്രാ​യ​പ്പെട്ടു. എന്നാൽ ഇപ്പോൾ ആ പ്രദേശം ആഭ്യന്തര യുദ്ധത്താൽ താറു​മാ​റാ​യി​ക്കൊ​ണ്ടി​രി​ക്കു​ക​യാണ്‌. എസ്‌തോ​ണി​യ​യിൽ യഹോ​വ​യു​ടെ സാക്ഷി​ക​ളോ​ടൊ​ത്തുള്ള ബൈബിൾപ​ഠ​ന​ത്തി​ലൂ​ടെ ആർതറും കുടും​ബ​വും ദൈവ​രാ​ജ്യ​ത്തെ​ക്കു​റി​ച്ചു കൂടുതൽ വിവരങ്ങൾ മനസ്സി​ലാ​ക്കി​വ​രു​ക​യാണ്‌.

കുഴപ്പ​ങ്ങൾക്കു​മ​ധ്യേ സമാധാ​നം

സങ്കീർത്തനം 37:37 [NW] ഇങ്ങനെ പറയുന്നു: “കുറ്റമ​റ്റ​വനെ ശ്രദ്ധി​ക്കു​ക​യും നേരു​ള്ള​വരെ കാഴ്‌ച​യിൽ നിർത്തു​ക​യും ചെയ്യുക, എന്തെന്നാൽ ആ മനുഷ്യ​ന്റെ ഭാവി സമാധാ​ന​പൂർണ​മാ​യി​രി​ക്കും.” വാസ്‌ത​വ​ത്തിൽ, ദൈവ​ദൃ​ഷ്ടി​യിൽ കുറ്റമ​റ്റ​വ​നും നേരു​ള്ള​വ​നു​മാ​യ​വനു സമാധാ​നം ലഭിക്കു​ന്നതു ഭാവി​യിൽ മാത്രമല്ല. അവൻ അത്‌ ഇപ്പോൾത്തന്നെ ആസ്വദി​ക്കു​ക​യാണ്‌. അതെങ്ങ​നെ​യാ​ണു സാധി​ക്കുക? പോൾ എന്നു പേരുള്ള ഒരു മനുഷ്യ​ന്റെ അനുഭവം പരിചി​ന്തി​ക്കുക.

ഒരു അയൽവക്ക രാജ്യ​ത്തു​നി​ന്നു​ള്ള​വ​നെ​ങ്കി​ലും തെക്കു​പ​ടി​ഞ്ഞാ​റൻ എത്യോ​പ്യ​യി​ലെ ഒരു വിദൂര അഭയാർഥി ക്യാമ്പി​ലാ​ണു പോൾ താമസി​ക്കു​ന്നത്‌. തന്റെ മാതൃ​രാ​ജ്യ​ത്തു​വെച്ച്‌ അദ്ദേഹം ഒരു യഹോ​വ​യു​ടെ സാക്ഷിയെ കണ്ടുമു​ട്ടി. ഒരു പെ​ട്രോ​ളി​യം കമ്പനി​യിൽ ജോലി​നോ​ക്കി​യി​രുന്ന ഈ സാക്ഷി നിത്യ​ജീ​വ​നി​ലേക്കു നയിക്കുന്ന സത്യം എന്ന ബൈബിൾപഠന സഹായി അദ്ദേഹ​ത്തി​നു കൊടു​ത്തു. a പിന്നീട്‌ ഒരിക്ക​ലും പോൾ ഈ സാക്ഷി​യു​മാ​യി കണ്ടുമു​ട്ടി​യില്ല. എങ്കിലും അയാൾ ശ്രദ്ധാ​പൂർവം പുസ്‌തകം പഠിച്ചു. ആഭ്യന്തര യുദ്ധം പൊട്ടി​പ്പു​റ​പ്പെ​ട്ട​പ്പോൾ, അയാൾക്ക്‌ എത്യോ​പ്യ​യി​ലുള്ള അഭയാർഥി ക്യാമ്പി​ലേക്കു പോ​കേ​ണ്ടി​വന്നു. താൻ മനസ്സി​ലാ​ക്കി​യി​ട്ടുള്ള കാര്യങ്ങൾ അയാൾ അവിടെ മറ്റുള്ള​വ​രോ​ടു സംസാ​രി​ക്കാൻ തുടങ്ങി. സംഗതി സത്യമാ​ണെന്നു മനസ്സി​ലാ​ക്കിയ കുറേ​പ്പേർ അതു സ്വീക​രി​ക്കു​ക​യും ചെയ്‌തു. തങ്ങൾ മനസ്സി​ലാ​ക്കിയ സംഗതി​കളെ അടിസ്ഥാ​ന​മാ​ക്കി, ഉടനെ​തന്നെ അവർ ക്യാമ്പി​ലുള്ള മറ്റുള്ള​വ​രോ​ടു പ്രസം​ഗി​ക്കാൻ ആരംഭി​ച്ചു.

പോൾ സഹായം അഭ്യർഥി​ച്ചു​കൊണ്ട്‌ വാച്ച്‌ ടവർ സൊ​സൈ​റ്റി​യു​ടെ ലോകാ​സ്ഥാ​ന​ത്തേക്ക്‌ എഴുതി. ദൈവ​രാ​ജ്യ​ത്തെ​ക്കു​റി​ച്ചു കൂടുതൽ മനസ്സി​ലാ​ക്കാൻ തയ്യാറാ​യി തന്നെയും കാത്തി​രി​ക്കുന്ന 35 പേരെ കണ്ടപ്പോൾ ആഡിസ്‌ അബാബ​യിൽനിന്ന്‌ അയയ്‌ക്ക​പ്പെട്ട ഒരു ശുശ്രൂ​ഷകൻ അതിശ​യി​ച്ചു​പോ​യി. അതോടെ ക്രമമായ ഒരടി​സ്ഥാ​ന​ത്തിൽ സഹായം കൊടു​ക്കാ​നുള്ള ഏർപ്പാ​ടു​കൾ ചെയ്‌തു.

പോളി​നെ​പ്പോ​ലുള്ള ആളുകൾ സമാധാ​നം ആസ്വദി​ക്കു​ന്നു​വെന്നു പറയാൻ കഴിയു​ന്ന​തെ​ങ്ങനെ? ജീവിതം അവർക്ക്‌ അനായാ​സ​ക​ര​മ​ല്ലെ​ങ്കി​ലും, അവർക്കു ദൈവ​ത്തിൽ വിശ്വാ​സ​മുണ്ട്‌. ഈ ലോക​ത്തി​ന്റെ കുഴപ്പങ്ങൾ അവരെ ബാധി​ക്കു​മ്പോൾ, അവർ ബൈബി​ളി​ന്റെ ഈ ബുദ്ധ്യു​പ​ദേശം ബാധക​മാ​ക്കു​ന്നു: “ഒന്നി​നെ​ക്കു​റി​ച്ചും വിചാ​ര​പ്പെ​ട​രു​തു; എല്ലാറ്റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു.” തത്‌ഫ​ല​മാ​യി, അവർക്കു ലഭിക്കു​ന്ന​തോ ഇന്നു വിരള​മാ​യി​രി​ക്കുന്ന സംതൃ​പ്‌തി​യും. ഫിലി​പ്പി​യ​രു​ടെ സഭയ്‌ക്കു പൗലോസ്‌ അപ്പോ​സ്‌തലൻ എഴുതിയ ഈ വാക്കുകൾ അവർക്കു ബാധക​മാണ്‌: “സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കും.” തീർച്ച​യാ​യും, “സമാധാ​ന​ത്തി​ന്റെ ദൈവ”മായ യഹോ​വ​യു​മാ​യി അവർക്ക്‌ ഒരു അടുത്ത ബന്ധം തോന്നു​ന്നു.—ഫിലി​പ്പി​യർ 4:6, 7, 9.

ഈ സമയത്തെ സമാധാ​നം

ബൈബി​ളിൽ “സമാധാന പ്രഭു” എന്നു വിളി​ച്ചി​രി​ക്കുന്ന യേശു​ക്രി​സ്‌തു​വാ​ണു ദൈവ​രാ​ജ്യ​ത്തി​ന്റെ സിംഹാ​സ​ന​സ്ഥ​നാ​യി​രി​ക്കുന്ന രാജാവ്‌. (യെശയ്യാ​വു 9:6) അവനെ​ക്കു​റി​ച്ചു പുരാതന പ്രവാ​ചകൻ ഇങ്ങനെ പറഞ്ഞി​രി​ക്കു​ന്നു: “അവൻ ജാതി​ക​ളോ​ടു സമാധാ​നം കല്‌പി​ക്കും; അവന്റെ ആധിപ​ത്യം സമു​ദ്രം​മു​തൽ സമു​ദ്രം​വ​രെ​യും നദിമു​തൽ ഭൂമി​യു​ടെ അറ്റങ്ങ​ളോ​ള​വും ആയിരി​ക്കും.” (സെഖര്യാ​വു 9:10) ഇതു​പോ​ലുള്ള നിശ്വസ്‌ത വചനങ്ങൾ ഹോസെ എന്നു പേരായ ഒരു മനുഷ്യ​ന്റെ ജീവി​ത​ത്തിൽ ആഴമായ സ്വാധീ​ന​മാ​ണു ചെലു​ത്തി​യത്‌.

ഹോസെ തടവി​ലാ​യി​രുന്ന ഒരു സമയമു​ണ്ടാ​യി​രു​ന്നു. ഭീകര​പ്ര​വർത്ത​ക​നാ​യി​രുന്ന അദ്ദേഹം ഒരു പൊലീസ്‌ സ്റ്റേഷൻ ബോംബു വെച്ചു തകർക്കാ​നുള്ള പരിപാ​ടി​യി​ലേർപ്പെ​ട്ടി​രി​ക്കെ അറസ്റ്റു ചെയ്യ​പ്പെട്ടു. തന്റെ രാജ്യത്തെ സ്ഥിതി​ഗ​തി​കൾക്കു പുരോ​ഗതി വരുത്തു​ന്ന​തി​നു ഗവൺമെൻറി​നെ പ്രേരി​പ്പി​ക്കാൻ അക്രമം​കൊ​ണ്ടേ കഴിയൂ എന്നായി​രു​ന്നു അദ്ദേഹ​ത്തി​ന്റെ ചിന്താ​ഗതി. അദ്ദേഹം തടവി​ലാ​യി​രി​ക്കു​മ്പോൾ, യഹോ​വ​യു​ടെ  സാക്ഷികൾ അദ്ദേഹ​ത്തി​ന്റെ ഭാര്യയെ ബൈബിൾ പഠിപ്പി​ക്കാൻ തുടങ്ങി.

തടവിൽനി​ന്നു പുറത്തു​വ​ന്ന​ശേഷം, ഹോ​സെ​യും ബൈബിൾ പഠിച്ചു. താമസി​യാ​തെ, സങ്കീർത്തനം 85:8 [NW] അദ്ദേഹ​ത്തി​നു ബാധക​മാ​കാൻ തുടങ്ങി: “സത്യ​ദൈ​വ​മായ യഹോവ അരുളി​ച്ചെ​യ്യു​ന്നതു ഞാൻ കേൾക്കും, എന്തെന്നാൽ അവൻ തന്റെ ജനത്തോ​ടും തന്റെ വിശ്വ​സ്‌ത​രോ​ടും സമാധാ​നം അരുളും.” എന്നാൽ ആ വാക്യം ഉപസം​ഹ​രി​ക്കു​ന്നത്‌ ഈ മുന്നറി​യി​പ്പോ​ടെ​യാണ്‌: “അവർ ആത്മവി​ശ്വാ​സ​ത്തി​ലേക്കു മടങ്ങാ​തി​രി​ക്കട്ടെ.” അതു​കൊണ്ട്‌, യഹോ​വ​യു​ടെ സമാധാ​നം തേടുന്ന ഒരുവൻ സ്വത​ന്ത്ര​മാ​യോ അവന്റെ ഹിതത്തിന്‌ എതിരാ​യോ പ്രവർത്തി​ക്കാൻ ഒരു​മ്പെ​ടു​ക​യില്ല.

ഇന്ന്‌, ഹോ​സെ​യും ഭാര്യ​യും ക്രിസ്‌തീയ ശുശ്രൂ​ഷ​ക​രാണ്‌. മുമ്പ്‌ ഹോസെ സ്വന്തമാ​യി നിർമിച്ച ബോം​ബു​കൾകൊണ്ട്‌ പരിഹ​രി​ക്കാ​മെന്നു വിചാ​രി​ച്ചി​രുന്ന പ്രശ്‌ന​ങ്ങൾക്കുള്ള പരിഹാ​ര​മെ​ന്ന​നി​ല​യിൽ അവർ മറ്റുള്ള​വരെ യഹോ​വ​യു​ടെ രാജ്യ​ത്തി​ലേക്കു തിരി​ച്ചു​വി​ടു​ക​യാണ്‌. “യഹോവ നന്മ നല്‌കു”മെന്നു പറയുന്ന ബൈബി​ളിൽ ആശ്രയം​വെ​ക്കാൻ അവർ ഒരുക്ക​മാണ്‌. (സങ്കീർത്തനം 85:12) വാസ്‌ത​വ​ത്തിൽ, മുമ്പു താൻ തകർക്കാൻ പരിപാ​ടി​യി​ട്ടി​രുന്ന പൊലീസ്‌ ബാരക്ക്‌ ഹോസെ ഈയിടെ സന്ദർശി​ച്ചു. എന്തിന്‌? അവി​ടെ​യുള്ള കുടും​ബ​ങ്ങ​ളോ​ടു ദൈവ​രാ​ജ്യ​ത്തെ​ക്കു​റി​ച്ചു സംസാ​രി​ക്കാൻ വേണ്ടി.

സമാധാ​ന​മുള്ള ജനം

സങ്കീർത്തനം 37:10, 11-ൽ ബൈബിൾ പറയുന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷിച്ചു നോക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” എന്തൊരു മഹത്തായ പ്രതീക്ഷ!

എന്നാൽ യഹോ​വ​യു​ടെ സമാധാ​നം “സൌമ്യ​ത​യു​ള്ളവർ”ക്കു മാത്ര​മാ​ണെ​ന്നതു ശ്രദ്ധി​ക്കുക. സമാധാ​നം തേടു​ന്നവർ സമാധാ​ന​പ്രി​യ​രാ​യി​രി​ക്കാൻ പഠി​ക്കേ​ണ്ടി​വ​രും. ന്യൂസി​ലൻഡിൽ താമസി​ക്കുന്ന കീത്തിന്റെ കാര്യ​ത്തിൽ ഇതു ശരിയാ​യി​രു​ന്നു. “കരുത്തുറ്റ ശരീര​വും വ്യക്തി​ത്വ​വു​മു​ള്ള​വ​നും അക്രമ​വാ​സ​ന​യും തർക്കസ്വ​ഭാ​വ​വു​മു​ള്ളവ”നെന്നു​മാ​യി​രു​ന്നു കീത്തി​നെ​പ്പറ്റി പറഞ്ഞി​രു​ന്നത്‌. ഒരു തസ്‌ക​ര​സം​ഘ​ത്തിൽ അംഗമാ​യി​രുന്ന അദ്ദേഹം താമസി​ച്ചി​രു​ന്ന​തോ, ആരും അതി​ക്ര​മി​ച്ചു​ക​ട​ക്കാ​തി​രി​ക്കാൻ മൂന്നു കാവൽനാ​യ്‌ക്കൾ റോന്തു​ചു​റ്റുന്ന തോട്ട​മുള്ള, ഒരു കോട്ട​പോ​ലുള്ള വീട്ടി​ലും. തന്റെ ആറു കുട്ടി​ക​ളു​ടെ അമ്മയായ, അയാളു​ടെ ഭാര്യ വിവാ​ഹ​മോ​ചനം വഴി അയാളെ ഉപേക്ഷി​ച്ചി​രു​ന്നു.

കീത്ത്‌ യഹോ​വ​യു​ടെ സാക്ഷി​കളെ കണ്ടുമു​ട്ടി​യ​പ്പോൾ, സുവാർത്ത അദ്ദേഹത്തെ ആഴമായി സ്വാധീ​നി​ച്ചു. പെട്ടെ​ന്നു​തന്നെ അദ്ദേഹ​വും മക്കളും സാക്ഷി​ക​ളോ​ടൊ​പ്പം യോഗ​ങ്ങൾക്കു ഹാജരാ​കാൻ തുടങ്ങി. അരവരെ നീണ്ടു​കി​ട​ന്നി​രുന്ന തലമു​ടി​യെ​ല്ലാം അദ്ദേഹം വെട്ടി​നീ​ക്കി. തുടർന്ന്‌ അദ്ദേഹം തന്റെ മുൻസ​ഹ​കാ​രി​ക​ളോ​ടൊ​ക്കെ ദൈവ​രാ​ജ്യ​ത്തെ​ക്കു​റി​ച്ചു സംസാ​രി​ക്കാൻ തുടങ്ങി. ഇവരിൽ ചിലരും ബൈബിൾ പഠിക്കാ​നാ​രം​ഭി​ച്ചു.

ലോക​മെ​മ്പാ​ടു​മുള്ള പരമാർഥ​ഹൃ​ദ​യ​രായ ലക്ഷക്കണ​ക്കി​നാ​ളു​ക​ളെ​പ്പോ​ലെ, അപ്പോ​സ്‌ത​ല​നായ പത്രോ​സി​ന്റെ ഈ വാക്കുകൾ കീത്ത്‌ ബാധക​മാ​ക്കാൻ തുടങ്ങി: “ജീവനെ ആഗ്രഹി​ക്ക​യും ശുഭകാ​ലം കാണ്മാൻ ഇച്ഛിക്ക​യും ചെയ്യു​ന്നവൻ . . . ദോഷം വിട്ടകന്നു ഗുണം ചെയ്‌ക​യും സമാധാ​നം അന്വേ​ഷി​ച്ചു പിന്തു​ട​രു​ക​യും ചെയ്യട്ടെ.” (1 പത്രൊസ്‌ 3:10, 11) കീത്തിന്റെ മുൻഭാ​ര്യ അദ്ദേഹത്തെ പുനർവി​വാ​ഹം ചെയ്യാൻ സമ്മതിച്ചു. അദ്ദേഹ​മി​പ്പോൾ “സമാധാ​നം അന്വേ​ഷി​ച്ചു പിന്തു​ടരാ”ൻ പഠിക്കു​ക​യാണ്‌.

മുൻ യു.എസ്‌.എസ്‌.ആറിൽ ജനിച്ച ഒരു മുൻ കായി​ക​താ​ര​മുൾപ്പെ​ടെ​യുള്ള അനേകർക്കും യഹോ​വ​യു​ടെ സമാധാ​നം ജീവര​ക്ഷാ​ക​ര​മാ​യി​രി​ക്കു​ന്നു. ഒളിമ്പിക്‌ മത്സരങ്ങ​ളിൽനി​ന്നു മെഡലു​കൾ വാരി​ക്കൂ​ട്ടി​യവൻ. പക്ഷേ പിന്നീട്‌ അതി​നോ​ടുള്ള കമ്പമെ​ല്ലാം മാറി മിഥ്യാ​ബോ​ധം വിട്ടകന്നു. അതോടെ അയാൾ മയക്കു​മ​രു​ന്നി​ലേ​ക്കും മദ്യത്തി​ലേ​ക്കും തിരിഞ്ഞു. ലേബർ ക്യാമ്പിൽ മൂന്നു വർഷത്തെ ശിക്ഷ, കാനഡ​യി​ലേക്കു ടിക്ക​റ്റെ​ടു​ക്കാ​തെ​യൊ​രു കപ്പൽയാ​ത്ര, മയക്കു​മ​രു​ന്നു ദുശീ​ല​വു​മാ​യി ബന്ധപ്പെട്ട്‌ മരണത്തെ മുഖാ​മു​ഖം കണ്ട രണ്ടു സന്ദർഭങ്ങൾ എന്നിവ​യുൾപ്പെട്ട സംഭവ​ബ​ഹു​ല​മായ 19 വർഷങ്ങൾക്കു​ശേഷം, ജീവി​ത​ത്തിൽ ഒരു യഥാർഥ ഉദ്ദേശ്യം കണ്ടെത്താ​നുള്ള സഹായ​ത്തി​നാ​യി അദ്ദേഹം ദൈവ​ത്തോ​ടു പ്രാർഥി​ച്ചു. റഷ്യൻഭാഷ സംസാ​രി​ക്കുന്ന, യഹോ​വ​യു​ടെ സാക്ഷി​ക​ളു​മൊ​ത്തുള്ള ബൈബിൾപ​ഠനം തന്റെ ചോദ്യ​ങ്ങൾക്കെ​ല്ലാ​മുള്ള ഉത്തരം കണ്ടെത്താൻ അയാളെ സഹായി​ച്ചു. മറ്റു ലക്ഷങ്ങ​ളെ​പ്പോ​ലെ, ഇന്ന്‌ ഇയാളും ദൈവ​ത്തോ​ടും തന്നോ​ടു​മുള്ള ബന്ധത്തിൽ സമാധാ​നം കണ്ടെത്തി​യി​രി​ക്കു​ന്നു.

പുനരു​ത്ഥാന പ്രത്യാശ

അവസാ​ന​മാ​യി, നമുക്കു സാര​യെ​വോ​യി​ലെ ബോസോ ഡോര​മി​ന്റെ​യും ഹെന ഡോര​മി​ന്റെ​യും കാര്യം വീണ്ടു​മെ​ടു​ക്കാം. ഈ ദമ്പതി​കൾക്ക്‌ അഞ്ചുവ​യ​സ്സുള്ള ഒരു പുത്രി​യു​ണ്ടാ​യി​രു​ന്നു, മാഗ്‌ദ​ലേന. കഴിഞ്ഞ ജൂ​ലൈ​യിൽ, വീണ്ടും പ്രസം​ഗ​വേ​ല​യിൽ പങ്കെടു​ക്കാൻ വീട്ടിൽനി​ന്നി​റ​ങ്ങി​യ​താ​യി​രു​ന്നു അവർ മൂവരും. ഒരു ബോം​ബു​സ്‌ഫോ​ട​ന​ത്താൽ അവരെ​ല്ലാ​വ​രും കൊല്ല​പ്പെട്ടു. അവർ മറ്റുള്ള​വ​രോ​ടു പ്രസം​ഗിച്ച സമാധാ​ന​ത്തിന്‌ എന്തുപറ്റി? ഇതൊരു യഥാർഥ സമാധാ​ന​മാ​യി​രു​ന്നില്ല എന്നാണോ അവരുടെ ജീവന​പ​ഹ​രിച്ച ബോം​ബ്‌ഷെൽ പ്രകട​മാ​ക്കി​യത്‌?

ഒരിക്ക​ലു​മല്ല! ഈ വ്യവസ്ഥി​തി​യിൽ ദുരന്ത​ങ്ങ​ളു​ണ്ടാ​വും. ബോംബ്‌ സ്‌ഫോ​ട​ന​ങ്ങ​ളി​ലും ഷെൽവർഷ​ങ്ങ​ളി​ലും​പെട്ട്‌ ആളുകൾ കൊല്ല​പ്പെ​ടു​ന്നു. മറ്റുള്ളവർ രോഗ​ങ്ങ​ളും അപകട​ങ്ങ​ളും നിമിത്തം മരിക്കു​ന്നു.  അനേകർ വയസ്സു​ചെന്നു മരിക്കു​ന്നു. ദൈവ​സ​മാ​ധാ​നം ആസ്വദി​ക്കു​ന്നവർ ഇതിൽനി​ന്നെ​ല്ലാം മുക്തരാ​ണെന്നല്ല, എന്നാൽ അത്തരം സംഭവങ്ങൾ നടന്നേ​ക്കാ​മെ​ന്നത്‌ അവരെ പ്രത്യാ​ശാ​ര​ഹി​ത​രാ​ക്കു​ന്നില്ല.

യേശു തന്റെ സ്‌നേ​ഹി​ത​യായ മാർത്ത​യോട്‌ ഇപ്രകാ​രം വാഗ്‌ദാ​നം ചെയ്‌തു: “ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും.” (യോഹ​ന്നാൻ 11:25) എല്ലാ യഹോ​വ​യു​ടെ സാക്ഷി​ക​ളെ​യും​പോ​ലെ, ഡോരം കുടും​ബ​വും ഇതു വിശ്വ​സി​ച്ചു. തങ്ങൾ മരിച്ചാ​ലും, വാസ്‌ത​വ​ത്തിൽ സമാധാ​ന​പൂർണ​മായ ഒരു സ്ഥലമാ​യി​ത്തീർന്നി​രി​ക്കുന്ന ഒരു ഭൂമി​യി​ലേക്കു തങ്ങൾ പുനരു​ത്ഥാ​നം പ്രാപി​ച്ചു​വ​രു​മെന്നു ഡോരം കുടും​ബ​ത്തി​നു വിശ്വാ​സ​മു​ണ്ടാ​യി​രു​ന്നു. യഹോ​വ​യാം ദൈവം “അവരുടെ കണ്ണിൽനി​ന്നു കണ്ണുനീർ എല്ലാം തുടച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:4.

മരിക്കു​ന്ന​തി​നു തൊട്ടു​മു​മ്പാ​യി, യേശു തന്റെ അനുഗാ​മി​ക​ളോ​ടു പറഞ്ഞു: “എന്റെ സമാധാ​നം ഞാൻ നിങ്ങൾക്കു തരുന്നു; . . . നിങ്ങളു​ടെ ഹൃദയം കലങ്ങരു​തു.” (യോഹ​ന്നാൻ 14:27) ആ സമാധാ​നം ഉണ്ടായി​രുന്ന, പുനരു​ത്ഥാ​ന​ത്തിൽ അതു കൂടുതൽ തികവിൽ തീർച്ച​യാ​യും ആസ്വദി​ക്കാ​നി​രി​ക്കുന്ന, ഡോരം കുടും​ബ​ത്തോ​ടൊ​പ്പം നാം ആഹ്ലാദി​ക്കു​ന്നു. സമാധാ​ന​ത്തി​ന്റെ ദൈവ​മായ യഹോ​വയെ ആരാധി​ക്കുന്ന സകല​രെ​യും പ്രതി നാം സന്തുഷ്ട​രാണ്‌. അത്തരക്കാർക്കു മനസ്സമാ​ധാ​നം ഉണ്ട്‌. അവർ ദൈവ​വു​മാ​യി സമാധാ​നം ആസ്വദി​ക്കു​ന്നു. അവർ മറ്റുള്ള​വ​രു​മാ​യും സമാധാ​നം നട്ടുവ​ളർത്തു​ന്നു. സമാധാ​ന​പൂർണ​മായ ഭാവി​യിൽ അവർക്കു വിശ്വാ​സ​മുണ്ട്‌. അതേ, കുഴപ്പ​ങ്ങൾനി​റഞ്ഞ ഒരു ലോക​ത്താ​ണു ജീവി​ക്കു​ന്ന​തെ​ങ്കി​ലും, അവർ സമാധാ​നം കണ്ടെത്തി​യി​രി​ക്കു​ന്നു. നിശ്ചയ​മാ​യും, സത്യത്തി​ലും ആത്മാവി​ലും ദൈവത്തെ ആരാധി​ക്കുന്ന സകലരും സമാധാ​നം ആസ്വദി​ക്കു​ന്നു. അത്തരം സമാധാ​നം നിങ്ങളും കണ്ടെത്തു​മാ​റാ​കട്ടെ.

[അടിക്കു​റിപ്പ്‌]

[7-ാം പേജിലെ ചിത്രങ്ങൾ]

കുഴപ്പങ്ങൾനിറഞ്ഞ ഒരു ലോക​ത്താ​ണു ജീവി​ക്കു​ന്ന​തെ​ങ്കി​ലും അവർ സമാധാ​നം കണ്ടെത്തി​യി​രി​ക്കു​ന്നു