നിങ്ങൾ രക്ഷിക്ക​പ്പെ​ട്ടു​വോ?

ജോണി​ക്കു പത്തു വയസ്സു​ണ്ടാ​യി​രു​ന്ന​പ്പോ​ഴാണ്‌ ഒരു മത്സര​മേ​ള​യിൽവെച്ച്‌ ഒരാൾ അവനെ പിടി​ച്ചു​നിർത്തി “യുവാവേ, നീ യേശു​ക്രി​സ്‌തു​വി​നെ നിന്റെ കർത്താ​വും രക്ഷിതാ​വു​മാ​യി സ്വീക​രി​ക്കു​ന്നു​ണ്ടോ?” എന്നു ചോദി​ച്ചത്‌. ജോണി​യെ സംബന്ധി​ച്ചി​ട​ത്തോ​ളം ആ ചോദ്യം വളരെ വിചി​ത്ര​മാ​യി തോന്നി. കാരണം, അവനു യേശു​വിൽ എപ്പോ​ഴും വിശ്വാ​സ​മു​ണ്ടാ​യി​രു​ന്നു. അതു​കൊണ്ട്‌ അവൻ, “ഞാൻ തീർച്ച​യാ​യും സ്വീക​രി​ക്കു​ന്നു” എന്ന്‌ ഉത്തരം കൊടു​ത്തു. “കർത്താ​വി​നു സ്‌തോ​ത്രം!” ആ മനുഷ്യൻ എല്ലാവ​രും കേൾക്കെ ഉച്ചത്തിൽ വിളി​ച്ചു​പ​റഞ്ഞു. “ക്രിസ്‌തു​വി​നാ​യി മറ്റൊരു ദേഹി കൂടി രക്ഷിക്ക​പ്പെ​ട്ടി​രി​ക്കു​ന്നു!”

വാസ്‌ത​വ​ത്തിൽ രക്ഷ അത്രയ്‌ക്കു ലളിത​മാ​ണോ? ജോണി തന്റെ ശിഷ്ട ജീവകാ​ലത്ത്‌ എന്തുതന്നെ ചെയ്‌താ​ലും, അയാൾ ആ വാക്കുകൾ പറഞ്ഞ സമയം​മു​തൽ അവൻ “രക്ഷിക്കപ്പെ”ട്ടോ? ആത്മാർഥ​രായ പല ആളുക​ളും ഉവ്വ്‌ എന്ന്‌ ഉത്തരം പറയും. നിങ്ങൾ “രക്ഷിക്ക​പ്പെട്ട” തീയതി ഓർത്തി​രി​ക്കു​ന്ന​തിന്‌ അതു കുറി​ച്ചി​ടാൻ ചില മതങ്ങളു​ടെ ലഘു​ലേ​ഖകൾ പറയുന്നു.

“ക്രിസ്‌തു​വിൽ ലളിത​മാ​യി വിശ്വ​സി​ക്കുന്ന നിമി​ഷം​തന്നെ . . . ഒരുവന്റെ ഭാഗ​ധേയം എന്നേക്കു​മാ​യി ഉറപ്പാ​ക്ക​പ്പെ​ടു​ന്നു” എന്ന്‌ ഒരു വൈദി​കൻ എഴുതി. രക്ഷ ആശ്രയി​ച്ചി​രി​ക്കു​ന്നത്‌ ഒരു സമയത്തെ ഒരൊറ്റ “വിശ്വാസ പ്രവൃ​ത്തി​യെ” ആണ്‌, “തുടർച്ച​യാ​യുള്ള വിശ്വാ​സ​ത്തെയല്ല” എന്നു ബൈബിൾ പറയു​ന്ന​താ​യി അദ്ദേഹം അവകാ​ശ​പ്പെട്ടു. മറ്റൊരു മത എഴുത്തു​കാ​രൻ ഇങ്ങനെ എഴുതി: “അതു പൂർത്തി​യായ ഒരു പ്രവൃ​ത്തി​യാണ്‌. അതു നിങ്ങൾക്കു വേണ്ടി ഇപ്പോൾതന്നെ നിറ​വേ​റ്റ​പ്പെ​ട്ടി​രി​ക്കു​ന്നു. . . . നിങ്ങളു​ടെ ‘യുദ്ധം അവസാ​നി​ച്ചി​രി​ക്കു​ന്നു.’ നിങ്ങളു​ടെ അകൃത്യം നീക്ക​പ്പെ​ട്ടി​രി​ക്കു​ന്നു.’” എന്നാൽ ഇതു സത്യമാ​ണെന്ന്‌ ഉറപ്പായി ബോധ്യ​പ്പെ​ട്ടി​രി​ക്കു​ന്നവർ പോലും ഇവിടെ ഒരു കുഴപ്പം കണ്ടേക്കാം. തങ്ങൾ “രക്ഷിക്കപ്പെ”ട്ടിരി​ക്കു​ന്നു എന്നു പറയ​പ്പെ​ടുന്ന പല ആളുക​ളും, അവർ എങ്ങനെ ജീവി​ക്ക​ണ​മെന്നു ബൈബിൾ പറയു​ന്നു​വോ ആ വിധത്തിൽ ജീവി​ക്കു​ന്നില്ല എന്നതു സ്‌പഷ്ട​മാണ്‌. അതിനുള്ള പൊതു​വായ ഒരു വിശദീ​ക​രണം, അവർ ഒരുപക്ഷേ ക്രിസ്‌തു​വി​നെ യഥാർഥ​ത്തിൽ “സ്വീകരി”ച്ചിരു​ന്നില്ല എന്നതാണ്‌.

അതു​കൊണ്ട്‌, യേശു​വി​നെ “സ്വീക​രി​ക്കൽ” വാസ്‌ത​വ​ത്തിൽ എന്താണ്‌ അർഥമാ​ക്കു​ന്നത്‌? അത്‌ ഒരിക്കൽ മാത്ര​മുള്ള വിശ്വാസ പ്രവൃ​ത്തി​യാ​ണോ, അതോ തുടർച്ച​യായ ഒരു ജീവി​ത​രീ​തി​യാ​ണോ? പ്രവൃ​ത്തി​ക്കു നമ്മെ പ്രേരി​പ്പി​ക്കാൻ പോന്ന​വി​ധം ശക്തമാ​യി​രി​ക്ക​ണ​മോ നമ്മുടെ വിശ്വാ​സം? യേശു​വി​നെ അനുഗ​മി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന ഉത്തരവാ​ദി​ത്വം കൂടാ​തെ​തന്നെ അവന്റെ ബലിയു​ടെ പ്രയോ​ജ​നങ്ങൾ നമുക്കു വാസ്‌ത​വ​ത്തിൽ സ്വീക​രി​ക്കാൻ കഴിയു​മോ?

അനു​ഗ്ര​ഹ​ങ്ങൾ ലഭിക്കാൻ പലരും ആഗ്രഹി​ക്കു​ന്നു, എന്നാൽ യേശു​വി​നെ അനുഗ​മി​ക്കു​ന്ന​തി​ലും അനുസ​രി​ക്കു​ന്ന​തി​ലും ഉൾപ്പെ​ട്ടി​രി​ക്കുന്ന ഉത്തരവാ​ദി​ത്വം കയ്യേൽക്കാൻ അവരാ​ഗ്ര​ഹി​ക്കു​ന്നില്ല. വാസ്‌ത​വ​ത്തിൽ, “അനുസ​രി​ക്കുക” എന്ന വാക്ക്‌ അവരിൽ മിക്ക​പ്പോ​ഴും അസ്വസ്ഥ​ത​യാണ്‌ ഉളവാ​ക്കു​ന്നത്‌. പക്ഷേ, “വന്നു എന്നെ അനുഗ​മിക്ക” എന്നു യേശു പറഞ്ഞു. (ലൂക്കൊസ്‌ 18:18-23) മാത്രമല്ല, ബൈബിൾ ഇങ്ങനെ പ്രസ്‌താ​വി​ക്കു​ന്നു: ‘നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്തവർ നിത്യ​നാ​ശം എന്ന ശിക്ഷാ​വി​ധി അനുഭ​വി​ക്കും.’—2 തെസ്സ​ലൊ​നീ​ക്യർ 1:7, 10; മത്തായി 10:38; 16:24.

രക്ഷയെ​ക്കു​റി​ച്ചു പഠിപ്പി​ച്ചി​രി​ക്കുന്ന കാര്യങ്ങൾ സംബന്ധി​ച്ചു ഗൗരവാ​വ​ഹ​മായ ചോദ്യ​ങ്ങൾ ഉയർത്തുന്ന പല സംഗതി​ക​ളും ബൈബിൾ പറയു​ന്നുണ്ട്‌. ഈ വിഷയ​ത്തെ​ക്കു​റി​ച്ചു ബൈബിൾ വാസ്‌ത​വ​ത്തിൽ എന്തു പറയു​ന്നു​വെന്ന്‌ ഉറപ്പാ​ക്കാൻ ആഗ്രഹി​ക്കു​ന്നു​വെ​ങ്കിൽ, പിൻവ​രുന്ന പേജുകൾ പ്രത്യേ​കി​ച്ചും താത്‌പ​ര്യ​ജ​ന​ക​മാ​ണെന്നു നിങ്ങൾ കണ്ടെത്തും. ഈ മർമ​പ്ര​ധാ​ന​മായ വിഷയ​ത്തെ​ക്കു​റി​ച്ചു യേശു​വും അവന്റെ അപ്പോ​സ്‌ത​ല​ന്മാ​രും പഠിപ്പിച്ച കാര്യങ്ങൾ മനസ്സി​ലാ​ക്കു​ന്ന​തി​നു പരാമർശി​ച്ചി​രി​ക്കുന്ന വാക്യങ്ങൾ നിങ്ങളു​ടെ ബൈബിൾ തുറന്നു വായി​ക്കുക.