ശിഷ്യ​രാ​ക്ക​ലിൽ സന്തോഷം കണ്ടെത്തുന്ന വിധം

ഒരു വ്യക്തിക്കു സന്തോഷം കണ്ടെത്താ​നാ​വുന്ന ഉത്‌കൃഷ്ട വിധങ്ങ​ളി​ലൊ​ന്നു ദൈവ​ത്തി​ന്റെ ഒരു സഹപ്ര​വർത്ത​ക​നാ​യി​രി​ക്കു​ന്ന​താണ്‌. ഇന്ന്‌, ദൈവ​ത്തി​ന്റെ വേലയിൽ നീതി​പ്ര​കൃ​ത​മുള്ള ആളുകളെ ക്രിസ്‌തീയ സഭയി​ലേക്കു കൂട്ടി​ച്ചേർക്കു​ന്ന​തും ക്രിസ്‌ത്യാ​നി​ക​ളാ​യുള്ള ഇപ്പോ​ഴത്തെ ജീവി​ത​ത്തി​നു​വേ​ണ്ടി​യും ഒരു പുതിയ ലോക​ത്തി​ലേ​ക്കുള്ള അതിജീ​വ​ന​ത്തി​നു​വേ​ണ്ടി​യും അവരെ പരിശീ​ലി​പ്പി​ക്കു​ന്ന​തും ഉൾപ്പെ​ടു​ന്നു.—മീഖാ 4:1-4; മത്താ. 28:19, 20; 2 പത്രൊസ്‌ 3:13.

1980 മുതൽ പത്തുലക്ഷം പേർ യേശു​ക്രി​സ്‌തു​വി​ന്റെ ശിഷ്യ​രാ​യി​ത്തീ​രു​ന്നതു കണ്ടതു ലാററി​ന​മേ​രി​ക്ക​യി​ലെ യഹോ​വ​യു​ടെ സാക്ഷി​കൾക്കു സന്തോ​ഷ​ത്തി​ന്റെ ഒരു ഉറവാ​യി​രു​ന്നി​ട്ടുണ്ട്‌. അനേകർ ബൈബി​ളി​നെ ആദരി​ക്കു​ക​യും വിശ്വ​സി​ക്കു​ക​യും ചെയ്യുന്ന ഈ ഫലപൂർണ​മായ വയലിൽ യഹോ​വക്കു തങ്ങളുടെ ജീവനെ സമർപ്പി​ക്കാൻ ഡസൻക​ണ​ക്കി​നാ​ളു​കളെ സഹായി​ക്കു​ന്ന​തി​നു ചില മുഴു​സമയ ശുശ്രൂ​ഷ​കർക്കു കഴിഞ്ഞി​ട്ടുണ്ട്‌. വളരെ​യ​ധി​കം അനുഭ​വ​പ​രി​ച​യ​മു​ള്ള​തി​നാൽ ഒരുപക്ഷേ അവർക്കു ശിഷ്യ​രാ​ക്ക​ലി​ന്റെ സന്തോ​ഷ​ത്തെ​ക്കു​റി​ച്ചു നമ്മോടു ചിലതു പറയാ​നാ​വും. അവരുടെ നിർദേ​ശ​ങ്ങ​ളിൽ ചിലതു നിങ്ങൾ ജീവി​ക്കു​ന്ന​ടത്തു ശിഷ്യരെ ഉളവാ​ക്കു​ന്ന​തിൽ സന്തോഷം കണ്ടെത്തു​ന്ന​തി​നു നിങ്ങളെ സഹായി​ച്ചേ​ക്കാം.

സാധ്യ​ത​യുള്ള “ആടുകളെ” തിരി​ച്ച​റി​യൽ

തന്റെ അപ്പോ​സ്‌ത​ലൻമാ​രെ പ്രസം​ഗി​ക്കാ​ന​യ​ച്ച​പ്പോൾ “ഏതു പട്ടണത്തി​ലോ ഗ്രാമ​ത്തി​ലോ കടക്കു​മ്പോൾ അവിടെ യോഗ്യൻ ആർ എന്നു അന്വേ​ഷി​പ്പിൻ” എന്നു യേശു പറഞ്ഞു. (മത്തായി 10:11) നിങ്ങൾ ആളുകളെ സന്ദർശി​ക്കു​മ്പോൾ ആത്മീയ​മാ​യി സഹായി​ക്കാൻ കഴിയു​ന്ന​വരെ നിങ്ങൾക്ക്‌ എങ്ങനെ​യാ​ണു തിരി​ച്ച​റി​യാൻ സാധി​ക്കു​ന്നത്‌? 50-തിലധി​കം വർഷമാ​യി ഒരു മുഴു​സമയ ശുശ്രൂ​ഷ​ക​നാ​യി​രി​ക്കുന്ന എഡ്വേർഡ്‌ പറയുന്നു: “തങ്ങളുടെ ആത്മാർഥ​മായ ചോദ്യ​ങ്ങ​ളാ​ലും തിരു​വെ​ഴു​ത്തു​ക​ളിൽനിന്ന്‌ ഉത്തരം കൊടു​ക്കു​മ്പോ​ഴത്തെ അവരുടെ സംതൃ​പ്‌തി​യാ​ലും അവർ അതു പ്രകട​മാ​ക്കു​ന്നു.” കാരൾ ഇങ്ങനെ കൂട്ടി​ച്ചേർക്കു​ന്നു: “ഒരാൾ എന്നെ വിശ്വ​സി​ച്ചു വ്യക്തി​പ​ര​മായ ഒരു പ്രശ്‌ന​മോ വ്യഥയോ പറയു​മ്പോൾ അതു യഥാർഥ​ത്തിൽ സഹായ​ത്തി​നുള്ള ഒരു അപേക്ഷ​യാണ്‌. ഞാൻ വാച്ച്‌ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളിൽ സഹായ​ക​മായ വിവരങ്ങൾ കണ്ടെത്താൻ ശ്രമി​ക്കു​ന്നു. അങ്ങനെ​യുള്ള വ്യക്തി​പ​ര​മായ താത്‌പ​ര്യം മിക്ക​പ്പോ​ഴും ഒരു  ബൈബി​ള​ധ്യ​യ​ന​ത്തി​ലേക്കു നയിക്കു​ന്നു.” എന്നിരു​ന്നാ​ലും, ആത്മാർഥ​ത​യു​ള്ള​വരെ എല്ലായ്‌പോ​ഴും അനായാ​സം തിരി​ച്ച​റി​യു​ന്നില്ല. ലൂയിസ്‌ ഇങ്ങനെ വിവരി​ക്കു​ന്നു: “വളരെ താത്‌പ​ര്യ​മു​ള്ള​വ​രാ​യി തോന്നിയ ചിലർ അശേഷം താത്‌പ​ര്യ​മി​ല്ലാ​ത്ത​വ​രാ​യി മാറി, എന്നാൽ ആദ്യം എതിർക്കു​ന്ന​വ​രാ​യി തോന്നി​യവർ ബൈബിൾ യഥാർഥ​മാ​യി പറയു​ന്നത്‌ എന്തെന്നു കേട്ട​പ്പോൾ പരിവർത്തനം ചെയ്‌തു.” അനേകം ലാററി​ന​മേ​രി​ക്ക​ക്കാർ ബൈബി​ളി​നെ ആദരി​ക്കു​ന്ന​തു​കൊണ്ട്‌, അദ്ദേഹം കൂട്ടി​ച്ചേർക്കു​ന്നു, “ബൈബിൾ പഠിപ്പി​ക്കു​ന്നതു ഞാൻ അവരെ കാണി​ച്ച​ശേഷം അനായാ​സം അതു സ്വീക​രി​ക്കു​മ്പോൾ ആത്മീയ​മാ​യി സഹായി​ക്കാ​നാ​വു​ന്ന​വരെ ഞാൻ തിരി​ച്ച​റി​യു​ന്നു.” അങ്ങനെ​യുള്ള ‘യോഗ്യ​രെ’ ആത്മീയ​മാ​യി പുരോ​ഗതി പ്രാപി​ക്കാൻ സഹായി​ക്കു​ന്നതു യഥാർഥ സന്തോ​ഷ​വും സംതൃ​പ്‌തി​യും കൈവ​രു​ത്തു​ന്നു. നിങ്ങൾക്ക്‌ ഇത്‌ എങ്ങനെ ചെയ്യാ​നാ​വും?

ബൈബി​ള​ധ്യ​യ​നങ്ങൾ തുടങ്ങുക

“വിശ്വ​സ്‌ത​നും വിവേ​കി​യു​മായ അടിമ” ഉളവാ​ക്കി​യി​രി​ക്കുന്ന ബൈബി​ള​ധ്യ​യന സഹായി​കൾ ഉപയോ​ഗി​ക്കു​ന്ന​താ​ണു സാധാ​ര​ണ​മാ​യി ബൈബിൾസ​ത്യം ഗ്രഹി​ക്കാൻ ആളുകളെ സഹായി​ക്കു​ന്ന​തി​നുള്ള ഏററം നല്ല മാർഗം. (മത്തായി 24:45, NW) അത്തരം ബൈബി​ള​ധ്യ​യന സഹായി​ക​ളു​ടെ മൂല്യ​ത്തെ​ക്കു​റി​ച്ചു നിങ്ങൾക്ക്‌ എങ്ങനെ വിലമ​തി​പ്പു വർധി​പ്പി​ക്കാൻ കഴിയും? എഡ്വേർഡ്‌ പറയുന്നു: “ആളുക​ളു​ടെ സാഹച​ര്യ​ങ്ങ​ളും വ്യക്തി​ത്വ​ങ്ങ​ളും വീക്ഷണ​ഗ​തി​ക​ളും വളരെ​യ​ധി​കം വ്യത്യ​സ്‌ത​മാ​ക​യാൽ ബൈബി​ള​ധ്യ​യ​നങ്ങൾ തുടങ്ങു​ന്ന​തിൽ വഴക്കമു​ണ്ടാ​യി​രി​ക്കാൻ ഞാൻ ശ്രമി​ക്കു​ന്നു.” എല്ലാവർക്കും ഒരേ രീതി നിങ്ങൾക്ക്‌ ഉപയോ​ഗി​ക്കാ​നാ​വില്ല.

ചിലരു​ടെ കാര്യ​ത്തിൽ ഒരു ബൈബി​ള​ധ്യ​യന പാഠപു​സ്‌തകം അവതരി​പ്പി​ക്കു​ന്ന​തി​നു മുമ്പു തിരു​വെ​ഴു​ത്തു​ക​ളു​ടെ പല അനൗപ​ചാ​രിക ചർച്ചകൾ ആവശ്യ​മാ​യി​വ​രാം. എന്നിരു​ന്നാ​ലും, ഒരു മിഷന​റി​ദ​മ്പ​തി​കൾ ഇങ്ങനെ റിപ്പോർട്ടു ചെയ്യുന്നു: “ഞങ്ങൾ സാധാ​ര​ണ​മാ​യി ആദ്യസ​ന്ദർശ​ന​ത്തിൽ ഒരു ബൈബി​ള​ധ്യ​യനം വാഗ്‌ദാ​നം ചെയ്യുന്നു.” അതു​പോ​ലെ, സമർപ്പ​ണ​ഘ​ട്ട​ത്തോ​ളം 55 പേരെ സഹായി​ച്ചി​ട്ടുള്ള ഒരു സാക്ഷി പറയുന്നു: “ബൈബി​ള​ധ്യ​യ​നങ്ങൾ തുടങ്ങാ​നുള്ള എന്റെ മുഖ്യ രീതി നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തി​ലേക്കു നേരിട്ടു കടക്കു​ന്നത്‌ ആണ്‌.” എന്തെങ്കി​ലും പഠിക്കുന്ന ആശയം ചിലർ ഇഷ്ടപ്പെ​ടു​ന്നി​ല്ലെ​ങ്കി​ലും മററു ചിലർ ജീവി​ത​ത്തിൽ തങ്ങളെ സഹായി​ക്കു​ന്ന​താ​യി വിശ്വ​സി​ക്കുന്ന എന്തും പഠിക്കാൻ ആകാം​ക്ഷ​യു​ള്ള​വ​രാണ്‌. ഭവനത്തിൽ സൗജന്യ ബൈബിൾക്ലാസ്‌ നടത്താ​മെ​ന്നുള്ള വാഗ്‌ദാ​നം മിക്ക​പ്പോ​ഴും ഇവർക്ക്‌ ആകർഷ​ക​മാ​യി തോന്നു​ന്നു. ചില മിഷന​റി​മാർ ഈ വാഗ്‌ദാ​നം വിശദീ​ക​രി​ച്ചി​ട്ടു പറയുന്നു: “ഞങ്ങൾ അതു ചെയ്യു​ന്നത്‌ എങ്ങനെ​യാ​ണെന്നു കാണി​ക്കാൻ ഞാനാ​ഗ്ര​ഹി​ക്കു​ന്നു. നിങ്ങൾക്ക്‌ അതിഷ്ട​പ്പെ​ടു​ന്നു​വെ​ങ്കിൽ, തുടരാ​വു​ന്ന​താണ്‌. ഇഷ്ടപ്പെ​ടു​ന്നി​ല്ലെ​ങ്കിൽ, നിങ്ങളു​ടെ തീരു​മാ​ന​ത്തി​നു വിടുന്നു.” അത്‌ ആ വിധത്തിൽ വാഗ്‌ദാ​നം ചെയ്യു​മ്പോൾ ആളുകൾക്കു സ്വീക​രി​ക്കാൻ ഭയമില്ല.

സ്വത്തും വിദ്യാ​ഭ്യാ​സ​വും തീരെ കുറവുള്ള അനേകരെ സഹായി​ച്ചി​ട്ടുള്ള മറെറാ​രു സാക്ഷി പറയുന്നു: “ബൈബി​ള​ധ്യ​യ​നങ്ങൾ തുടങ്ങു​ന്ന​തി​നു വിശേ​ഷാൽ ഉപയോ​ഗ​പ്ര​ദ​മാ​ണു ലഘു​ലേ​ഖകൾ എന്നു ഞാൻ കണ്ടെത്തി​യി​രി​ക്കു​ന്നു.” ഏതു പ്രസി​ദ്ധീ​ക​രണം ഉപയോ​ഗി​ച്ചാ​ലും മുഴു​സമയ ഉപദേ​ഷ്ടാ​ക്കൾ മുഖ്യ ഊന്നൽ ബൈബി​ളി​നു കൊടു​ക്കാൻ ശ്രമി​ക്കു​ന്നു. കരോളാ പറയുന്നു: “ആദ്യ അധ്യയ​ന​ത്തിൽ ഞാൻ ചിത്ര​ങ്ങ​ളും അഞ്ചു തിരു​വെ​ഴു​ത്തു​ക​ളും മാത്രം ഉപയോ​ഗി​ക്കു​ന്നു, തന്നിമി​ത്തം മുഖ്യ ആശയങ്ങൾ മുന്തി​നിൽക്കു​ന്നു, ബൈബിൾ പ്രയാ​സ​മാ​യി തോന്നു​ന്നു​മില്ല.”

താത്‌പ​ര്യ​ത്തെ സജീവ​മാ​ക്കി​നിർത്തുക

പുരോ​ഗ​മി​ക്കു​ന്നു​ണ്ടെ​ന്നുള്ള തോന്നൽ ആളുകൾ ആസ്വദി​ക്കു​ന്നു, അതു​കൊ​ണ്ടു ജനിഫർ ഇങ്ങനെ ശുപാർശ ചെയ്യുന്നു: “അധ്യയ​നത്തെ ജീവത്താ​ക്കി​ത്തീർക്കുക. പുരോ​ഗ​മി​ക്കുക.” ആഴ്‌ചകൾ നഷ്ടപ്പെ​ടു​ത്താ​തെ ക്രമമാ​യി അധ്യയനം നടത്തു​ന്ന​തും തങ്ങൾ പുരോ​ഗ​മി​ക്കു​ന്നു​ണ്ടെന്നു തോന്നാൻ ബൈബിൾവി​ദ്യാർഥി​കളെ സഹായി​ക്കു​ന്നു. ഗ്രാമ​പ്ര​ദേ​ശത്തു വളർന്ന ഒരു പ്രത്യേക പയനിയർ വളരെ കുറഞ്ഞ പഠിപ്പു​ള്ള​വർക്കു​പോ​ലും പുരോ​ഗ​മി​ക്കാൻ കഴിയ​ത്ത​ക്ക​വണ്ണം വിശദീ​ക​ര​ണങ്ങൾ ലളിത​മാ​ക്കേ​ണ്ട​തി​ന്റെ​യും മുഖ്യ ആശയങ്ങ​ളിൽ ശ്രദ്ധ കേന്ദ്രീ​ക​രി​ക്കേ​ണ്ട​തി​ന്റെ​യും പ്രാധാ​ന്യം വിശദ​മാ​ക്കു​ന്നു. അദ്ദേഹം പറയുന്നു: “എന്റെ ഗ്രാമ​ത്തിൽ വിത്തു വിതച്ച​ശേഷം നിലത്തു വെള്ളം തളി​ക്കേ​ണ്ടി​യി​രു​ന്നു. ഞങ്ങൾ വയലു​ക​ളി​ലേക്കു വെള്ളം ഒഴുക്കി​വി​ട്ടാൽ കിളിർക്കുന്ന വിത്തിനു തുളച്ചു​ക​ട​ക്കാൻ കഴിയാ​ത്ത​വി​ധം മണ്ണു കട്ടിയുള്ള ഉപരി​ഭാ​ഗം രൂപ​പ്പെ​ടു​ത്തു​ന്നു, അവ മൃതി​യ​ട​യു​ന്നു. അതു​പോ​ലെ, നിങ്ങൾ പുതിയ താത്‌പ​ര്യ​ക്കാ​രെ അനേകം ആശയങ്ങൾകൊ​ണ്ടു മുക്കി​ക്ക​ള​ഞ്ഞാൽ അതു വളരെ പ്രയാ​സ​മാ​ണെന്നു തോന്നു​ക​യും അവർ മടുത്തു​പോ​ക​യും ചെയ്യും.” ജിജ്‌ഞാ​സ​യുള്ള ആളുകൾ പോലും ഗ്രാഹ്യ​ത്തിൽ പുരോ​ഗതി പ്രാപി​ക്ക​ണ​മെ​ങ്കിൽ ഒരു സമയത്ത്‌ ഒരു വിഷയ​ത്തിൽ കേന്ദ്രീ​ക​രി​ക്കാൻ പഠി​ക്കേ​ണ്ട​താണ്‌. യേശു തന്റെ അപ്പോ​സ്‌ത​ലൻമാ​രോട്‌: “ഇനിയും വളരെ നിങ്ങ​ളോ​ടു പറവാ​നു​ണ്ടു; എന്നാൽ നിങ്ങൾക്കു ഇപ്പോൾ വഹിപ്പാൻ കഴിവില്ല” എന്നു പറഞ്ഞു.—യോഹ​ന്നാൻ 16:12.

താത്‌പ​ര്യ​ത്തെ സജീവ​മാ​ക്കി നിർത്താ​നുള്ള മറെറാ​രു മാർഗം നിങ്ങൾ പോയി​ക്ക​ഴി​ഞ്ഞും ദൈവ​വ​ച​ന​ത്തെ​ക്കു​റി​ച്ചു തുടർന്നു ചിന്തി​ക്കാൻ നിങ്ങൾ സന്ദർശി​ക്കു​ന്ന​വരെ പ്രോ​ത്സാ​ഹി​പ്പി​ക്കു​ക​യാണ്‌. യോളാൻഡ ഇങ്ങനെ ശുപാർശ​ചെ​യ്യു​ന്നു: “ഒരു ചോദ്യ​ത്തിന്‌ ഉത്തരം കൊടു​ക്കാ​തെ വിടുക. ബൈബി​ളി​ന്റെ ഒരു ഭാഗം വായി​ക്കു​ന്ന​തോ അല്ലെങ്കിൽ അവരെ ബാധി​ക്കുന്ന ഒരു വിഷയം പരി​ശോ​ധി​ക്കു​ന്ന​തോ​പോ​ലെ അവർക്കു കുറെ ഗൃഹപാ​ഠം ചെയ്യാൻ കൊടു​ക്കുക.”

യഹോ​വ​യോ​ടുള്ള സ്‌നേഹം വളർത്തൽ

നിങ്ങൾ നിങ്ങളു​ടെ വിദ്യാർഥി​കളെ ‘വചനം കേൾക്ക​മാ​ത്രം ചെയ്യാതെ, ചെയ്യു​ന്നവർ’ ആയിരി​ക്കാൻ സഹായിക്കു മ്പോൾ നിങ്ങളു​ടെ സന്തോഷം വർധി​ക്കും. (യാക്കോബ്‌ 1:22) നിങ്ങൾക്ക്‌ അത്‌ എങ്ങനെ ചെയ്യാ​നാ​വും? സത്യ​ക്രി​സ്‌ത്യാ​നി​കൾ യഹോ​വ​യോ​ടുള്ള സ്‌നേ​ഹ​ത്താൽ പ്രേരി​ത​രാ​കു​ന്നു. മെക്‌സി​ക്കോ​ക്കാ​ര​നായ പെത്രോ ഇങ്ങനെ വിശദീ​ക​രി​ക്കു​ന്നു: “തങ്ങൾ അറിയാത്ത ഒരു വ്യക്തിയെ ആളുകൾക്കു സ്‌നേ​ഹി​ക്കാ​നാ​വില്ല, അതു​കൊണ്ട്‌ അധ്യയ​ന​ത്തി​ന്റെ തുടക്കം​മു​തൽ ഞാൻ ബൈബി​ളിൽനിന്ന്‌ അവരെ ദൈവ​നാ​മം പഠിപ്പി​ക്കു​ന്നു, യഹോ​വ​യു​ടെ ഗുണങ്ങൾ ഊന്നി​പ്പ​റ​യാ​നുള്ള അവസര​ങ്ങൾക്കു​വേണ്ടി ഞാൻ അന്വേ​ഷി​ക്കു​ന്നു.” സംഭാ​ഷ​ണ​ത്തിൽ, യഹോ​വ​യോ​ടുള്ള നിങ്ങളു​ടെ വികാ​രങ്ങൾ പ്രകടി​പ്പി​ച്ചു​കൊണ്ട്‌ അവനോ​ടുള്ള വിലമ​തി​പ്പു കെട്ടു​പ​ണി​ചെ​യ്യാൻ നിങ്ങൾക്കു കഴിയും. എലിസ​ബത്ത്‌ പറയുന്നു: “യഹോ​വ​യു​ടെ നൻമ​യെ​ക്കു​റി​ച്ചു പറയാൻ ഞാൻ എല്ലായ്‌പോ​ഴും ശ്രമി​ക്കു​ന്നു. എന്റെ അധ്യയ​ന​സ​മ​യ​ങ്ങ​ളിൽ ഞാൻ മനോ​ഹ​ര​മായ ഒരു പുഷ്‌പ​മോ ഭംഗി​യുള്ള ഒരു പക്ഷി​യെ​യോ കളിക്കുന്ന ഒരു പൂച്ചക്കു​ട്ടി​യെ​യോ കാണു​ന്നു​വെ​ങ്കിൽ അതു യഹോ​വ​യു​ടെ സൃഷ്ടി​യാ​ണെന്ന്‌ എല്ലായ്‌പോ​ഴും പറയുന്നു.” “ദൈവ​ത്തി​ന്റെ വാഗ്‌ദത്തം ചെയ്യപ്പെട്ട പുതിയ ലോകം ഒരു യാഥാർഥ്യ​മാ​ണെന്നു നിങ്ങൾക്ക​റി​യാ​വു​ന്ന​തു​പോ​ലെ അതി​നെ​ക്കു​റി​ച്ചു സംസാ​രി​ക്കുക,” ജനിഫർ നിർദേ​ശി​ക്കു​ന്നു. “പുതിയ ലോക​ത്തിൽ അവർ എന്തു ചെയ്യാ​നാ​ഗ്ര​ഹി​ക്കു​ന്നു​വെന്നു ചോദി​ക്കുക.”

യഹോ​വ​യെ​ക്കു​റി​ച്ചു പഠിക്കു​ന്ന​തു​സം​ബ​ന്ധിച്ച്‌ ഒരു വ്യക്തി വിലമ​തി​പ്പോ​ടെ ധ്യാനി​ക്കു​മ്പോൾ അത്‌ അയാളു​ടെ ഹൃദയ​ത്തി​ലേക്ക്‌ ആണ്ടിറ​ങ്ങു​ക​യും അയാളെ പ്രവർത്ത​ന​ത്തി​നു പ്രേരി​പ്പി​ക്കു​ക​യും ചെയ്യുന്നു. എന്നാൽ ഓർത്തി​രി​ക്കു​ന്നി​ല്ലെ​ങ്കിൽ അയാൾക്കു ധ്യാനി​ക്കാൻ കഴിയില്ല. ഓരോ അധ്യയ​ന​ത്തി​നും​ശേഷം മൂന്നോ നാലോ ആശയങ്ങ​ളു​ടെ ഒരു പുനര​വ​ലോ​കനം ഓർമ​ക്കുള്ള ഒരു സഹായ​മാണ്‌. അനേകം ബൈബി​ളു​പ​ദേ​ഷ്ടാ​ക്കൾ പുതി​യ​വ​രെ​ക്കൊണ്ട്‌ അവരുടെ ബൈബി​ളി​ന്റെ പിൻഭാ​ഗത്ത്‌ ഒരു കുറി​പ്പോ​ടെ മുഖ്യ തിരു​വെ​ഴു​ത്തു​കൾ എഴുതി​യി​ടീ​ക്കു​ന്നു. ഇംഗ്ലണ്ടിൽനി​ന്നുള്ള ഒരു മിഷനറി പുനര​വ​ലോ​ക​ന​ങ്ങ​ളു​ടെ മറെറാ​രു പ്രയോ​ജനം വിശദീ​ക​രി​ക്കു​ന്നു: “വിവരങ്ങൾ അവർക്ക്‌ എങ്ങനെ പ്രയോ​ജനം ചെയ്‌തി​രി​ക്കു​ന്നു​വെന്നു ഞാൻ അവരോ​ടു ചോദി​ക്കു​ന്നു. ഇത്‌ അവർ യഹോ​വ​യു​ടെ വഴിക​ളും നിയമ​ങ്ങ​ളും സംബന്ധി​ച്ചു ധ്യാനി​ക്കാൻ ഇടയാ​ക്കു​ന്നു.”

മൂന്നാ​മ​ത്തെ ഗിലെ​യാദ്‌ ക്ലാസിൽനി​ന്നു ബിരു​ദം​നേ​ടിയ ഒരു വിശ്വസ്‌ത സാക്ഷി പറയുന്നു: “നമ്മൾ ഉത്സാഹ​മു​ള്ള​വ​രാ​യി​രി​ക്കണം. നാം പഠിപ്പി​ക്കു​ന്നതു നാം വിശ്വ​സി​ക്കു​ന്നു​ണ്ടെന്നു നമ്മുടെ വിദ്യാർഥി​കൾ തിരി​ച്ച​റി​യണം.” നിങ്ങളെ സന്തോ​ഷ​ത്തോ​ടെ ‘വേല ചെയ്യുന്നവ’നാക്കി​യി​രി​ക്കുന്ന വിശ്വാ​സം നിങ്ങൾ പ്രകട​മാ​ക്കു​ന്നു​വെ​ങ്കിൽ അതിനു സാം​ക്ര​മി​ക​മാ​യി​രി​ക്കാൻ കഴിയും.—യാക്കോബ്‌ 1:25.

“തങ്ങളുടെ പ്രാർഥ​ന​ക​ളു​ടെ ഉത്തരങ്ങൾ തിരി​ച്ച​റി​യാൻ ഞാൻ സഹായി​ക്കു​ന്നു​വെ​ങ്കിൽ ആളുകൾക്കു ദൈവ​ത്തോ​ടു കൂടുതൽ അടുപ്പം തോന്നു​ന്ന​താ​യി ഞാൻ കണ്ടെത്തു​ന്നു”വെന്നു യഹോ​വയെ ആരാധി​ക്കാൻ അനേകരെ സഹായി​ച്ചി​ട്ടുള്ള ഒരു സാക്ഷി പറയുന്നു. “ഈ ഒന്നു​പോ​ലെ, എന്റെ അനുഭ​വ​ങ്ങ​ളിൽനി​ന്നുള്ള ദൃഷ്ടാ​ന്തങ്ങൾ ഞാൻ അവരോ​ടു പറയുന്നു: എന്റെ കൂട്ടു​പ്ര​വർത്ത​ക​യും ഞാനും പയനി​യർമാർ എന്നനി​ല​യിൽ ഒരു പുതിയ നിയമ​ന​സ്ഥ​ല​ത്തെ​ത്തി​യ​പ്പോൾ ഞങ്ങൾക്ക്‌ അല്‌പം പച്ചക്കറി​ക​ളും ഒരു പായ്‌ക്ക​ററു കൃത്രിമ വെണ്ണയും (margarine) മാത്രമേ ഉണ്ടായി​രു​ന്നു​ള്ളൂ, പണമു​ണ്ടാ​യി​രു​ന്നില്ല. ഞങ്ങൾ അത്താഴം കഴിച്ചു​തീർത്തിട്ട്‌ ‘ഇനി നമുക്കു നാള​ത്തേക്ക്‌ ഒന്നുമില്ല’ എന്നു പറഞ്ഞു. ഞങ്ങൾ അതുസം​ബ​ന്ധി​ച്ചു പ്രാർഥി​ച്ചി​ട്ടു കിടന്നു​റങ്ങി. അടുത്ത ദിവസം അതിരാ​വി​ലെ സ്ഥലത്തെ ഒരു സാക്ഷി സന്ദർശി​ച്ചി​ട്ടു ‘പയനി​യർമാ​രെ അയയ്‌ക്കേ​ണമേ എന്നു ഞാൻ യഹോ​വ​യോ​ടു പ്രാർഥി​ച്ചു, ഇനി ദിവസ​ത്തി​ന്റെ അധിക​സ​മ​യ​ത്തും എനിക്കു നിങ്ങ​ളോ​ടു​കൂ​ടെ പോരാൻ കഴിയും, എന്നാൽ ഞാൻ ഗ്രാമ​പ്ര​ദേ​ശത്തു മാറി പാർക്കു​ന്ന​തു​കൊ​ണ്ടു ഞാൻ നിങ്ങ​ളോ​ടു​കൂ​ടെ ഊണു കഴി​ക്കേ​ണ്ടി​യി​രി​ക്കു​ന്നു, അതു​കൊണ്ട്‌ ഞാൻ നമു​ക്കെ​ല്ലാ​വർക്കും​വേണ്ടി ഈ ആഹാരം കൊണ്ടു​വ​ന്നി​രി​ക്ക​യാണ്‌’ എന്നു തന്നേത്തന്നെ പരിച​യ​പ്പെ​ടു​ത്തി​ക്കൊ​ണ്ടു പറഞ്ഞു. ഏറെ മാട്ടി​റ​ച്ചി​യും പച്ചക്കറി​ക​ളും ഉണ്ടായി​രു​ന്നു. നാം അവന്റെ രാജ്യം ഒന്നാമത്‌ അന്വേ​ഷി​ക്കു​ന്നു​വെ​ങ്കിൽ യഹോവ ഒരിക്ക​ലും നമ്മെ ഉപേക്ഷി​ക്ക​യില്ല എന്നു ഞാൻ എല്ലായ്‌പോ​ഴും എന്റെ വിദ്യാർഥി​ക​ളോ​ടു പറയുന്നു.”—മത്തായി 6:33.

പ്രാ​യോ​ഗിക സഹായം കൊടു​ക്കു​ക

ക്രിസ്‌തു​വി​ന്റെ ശിഷ്യരെ ഉളവാ​ക്കു​ന്ന​തിൽ ഒരു ബൈബി​ള​ധ്യ​യനം നടത്തു​ന്ന​തി​നെ​ക്കാൾ കൂടുതൽ അടങ്ങി​യി​രി​ക്കു​ന്നു. ഒരു സഞ്ചാര മേൽവി​ചാ​ര​ക​നാ​യി അനേകം വർഷങ്ങ​ളിൽ സേവിച്ച ഒരു മിഷനറി പറയുന്നു: “അവർക്കു സമയം കൊടു​ക്കുക. അധ്യയനം തീർന്നാൽ ധൃതി​യിൽ പോക​രുത്‌. ഉചിത​മെ​ങ്കിൽ കുറേ​നേരം ഇരുന്നു സംസാ​രി​ക്കുക.” എലിസ​ബത്ത്‌ പറയുന്നു: “ജീവൻ ഉൾപ്പെ​ട്ടി​രി​ക്കു​ന്ന​തു​കൊ​ണ്ടു ഞാൻ അവരിൽ താത്‌പ​ര്യ​മെ​ടു​ക്കു​ന്നു. അവർ എന്റെ മക്കളാ​ണെ​ന്നു​ള്ള​തു​പോ​ലെ ഞാൻ പലപ്പോ​ഴും അവരെ​ക്കു​റിച്ച്‌ ഉത്‌ക​ണ്‌ഠ​പ്പെ​ടു​ന്നു.” മററു സാക്ഷികൾ ഈ നിർദേ​ശങ്ങൾ നൽകി: “അവർക്കു സുഖമി​ല്ലാ​ത്ത​പ്പോൾ അവരെ സന്ദർശി​ക്കുക.” “നിങ്ങൾ അവരുടെ വീടി​നോ​ട​ടു​ത്താ​യി​രി​ക്കു​മ്പോൾ—ദൃഷ്ടാ​ന്ത​ത്തി​നു വയൽശു​ശ്രൂ​ഷ​യിൽ—മററു സാക്ഷി​കളെ അവർക്കു പരിച​യ​പ്പെ​ടു​ത്താൻ അവരെ ചുരു​ങ്ങിയ സമയ​ത്തേക്കു സന്ദർശി​ക്കുക.” ഈവാ പറയുന്നു: “വ്യക്തി​യു​ടെ പശ്ചാത്ത​ല​വും ജീവി​ത​സാ​ഹ​ച​ര്യ​വും മനസ്സി​ലാ​ക്കാൻ അവധാ​ന​പൂർവം ശ്രദ്ധി​ക്കുക. ഇവ സത്യ​ത്തോട്‌ ആളുകൾ പ്രതി​ക​രി​ക്കുന്ന വിധത്തെ ബാധി​ക്കു​ന്നു, അവരുടെ പുരോ​ഗ​തി​ക്കു പ്രതി​ബ​ന്ധ​മു​ണ്ടാ​ക്കാ​നും കഴിയും. അവരുടെ സുഹൃ​ത്താ​യി​രി​ക്കുക, അപ്പോൾ തങ്ങളുടെ പ്രശ്‌ന​ങ്ങ​ളെ​ക്കു​റി​ച്ചു സംസാ​രി​ക്കാൻ അവർക്ക്‌ ആത്മവി​ശ്വാ​സ​മു​ണ്ടാ​യി​രി​ക്കും.” കാരൾ ഇങ്ങനെ കൂട്ടി​ച്ചേർക്കു​ന്നു: “വ്യക്തി​യു​ടെ ജീവി​ത​ത്തിൽ സത്യം വരുത്തുന്ന മാററങ്ങൾ ചില​പ്പോൾ കുടും​ബ​ത്തി​ന്റെ​യും സുഹൃ​ത്തു​ക്ക​ളു​ടെ​യും നഷ്ടം കൈവ​രു​ത്തു​ന്ന​തു​കൊണ്ട്‌ അയാളി​ലുള്ള യഥാർഥ താത്‌പ​ര്യം പ്രധാ​ന​മാണ്‌. നാം എവിടെ പാർക്കു​ന്നു​വെന്നു വിദ്യാർഥി അറിയു​ന്ന​തും ഏതു സമയത്തും നമ്മുടെ അടുക്കൽ  വരാൻ ആത്മവി​ശ്വാ​സ​മു​ണ്ടാ​യി​രി​ക്കു​ന്ന​തും പൊതു​വേ നല്ലതാണ്‌.” സഭയെ തന്റെ പുതിയ കുടും​ബ​മാ​യി വീക്ഷി​ക്കാൻ അയാളെ സഹായി​ക്കുക.—മത്തായി 10:35; മർക്കൊസ്‌ 10:29, 30.

“പ്രാ​യോ​ഗിക സഹായം കൊടു​ക്കാൻ ജാഗ്ര​ത​യു​ള്ള​വാ​രാ​യി​രി​ക്കുക. യോഗ​ങ്ങ​ളിൽ അവരോ​ടു​കൂ​ടെ ഇരിക്ക​യും അവരുടെ കുട്ടി​ക​ളു​ടെ കാര്യ​ത്തിൽ സഹായി​ക്ക​യും ചെയ്യുക,” യോളാണ്ട പറയുന്നു. പുതി​യ​വ​രു​ടെ മക്കളെ എങ്ങനെ പരിശീ​ലി​പ്പി​ക്കാ​മെ​ന്നും അവരുടെ ശുചി​ത്വ​നി​ല​വാ​രങ്ങൾ എങ്ങനെ മെച്ച​പ്പെ​ടു​ത്താ​മെ​ന്നും യോഗ​ങ്ങൾക്ക്‌ അഭി​പ്രാ​യങ്ങൾ എങ്ങനെ തയ്യാറാ​കാ​മെ​ന്നും ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ എങ്ങനെ പ്രസം​ഗങ്ങൾ നടത്താ​മെ​ന്നും കാണി​ച്ചു​കൊ​ടു​ക്കു​ന്ന​തു​മെ​ല്ലാം ശിഷ്യ​രാ​ക്കൽവേ​ല​യു​ടെ ഭാഗമാണ്‌. മറെറാ​രു സഹോ​ദരി ഇങ്ങനെ കൂട്ടി​ച്ചേർക്കു​ന്നു: “പുതി​യ​വരെ ശുശ്രൂ​ഷക്കു പരിശീ​ലി​പ്പി​ക്കു​ന്നതു പ്രധാ​ന​മാണ്‌. പരിശീ​ല​ന​ത്തി​ന്റെ ഈ വശം അവഗണി​ക്കു​മ്പോൾ ചിലർ പ്രസം​ഗ​വേ​ല​യെ​ക്കു​റി​ച്ചു ഭയത്തിൽ കഴിയു​ക​യും യഹോ​വയെ സേവി​ക്കു​ന്ന​തി​ലുള്ള സന്തോഷം നഷ്ടപ്പെ​ടു​ത്തു​ക​യും സഹിച്ചു​നിൽക്കു​ന്ന​തിൽ പരാജ​യ​പ്പെ​ടു​ക​യും ചെയ്യുന്നു.” അതു​കൊ​ണ്ടു വീടു​തോ​റു​മുള്ള വേലയി​ലും മടക്കസ​ന്ദർശ​നങ്ങൾ നടത്തു​ന്ന​തി​ലും ബൈബി​ള​ധ്യ​യ​നങ്ങൾ തുടങ്ങു​ന്ന​തി​ലും ശ്രദ്ധാ​പൂർവ​മായ പരിശീ​ലനം കൊടു​ക്കുക. നിങ്ങളു​ടെ വിദ്യാർഥി നിങ്ങളു​ടെ സഹായ​ത്താ​ലും മാർഗ​നിർദേ​ശ​ത്താ​ലും പുരോ​ഗ​മി​ക്കു​ന്നതു കാണു​മ്പോൾ നിങ്ങളു​ടെ സന്തോഷം വലുതാ​യി​രി​ക്കും.

സഹിച്ചു​നിൽക്കാൻ അവരെ ബലപ്പെ​ടു​ത്തു​ക

“വിദ്യാർഥി സ്‌നാ​പ​ന​മേ​ററു കഴിഞ്ഞാൽ അധ്യയ​നത്തെ അവഗണി​ക്കാ​നുള്ള പ്രവണ​ത​യുണ്ട്‌,” പരിച​യ​സ​മ്പ​ന്ന​യായ ഒരു ശിഷ്യ​രാ​ക്കൽവി​ദഗ്‌ധ മുന്നറി​യി​പ്പു​നൽകു​ന്നു. പുതു​താ​യി സ്‌നാ​പ​ന​മേററ ഒരു ക്രിസ്‌ത്യാ​നി ആത്മീയ​മാ​യി അശേഷം പക്വത​യു​ള്ള​യാ​ളല്ല എന്ന്‌ ഉപദേ​ഷ്ടാ​വും വിദ്യാർഥി​യും ഓർത്തി​രി​ക്കണം. അയാൾ തന്റെ വിശ്വാ​സ​ത്തി​ലും ദൈവ​നി​യ​മ​ങ്ങ​ളോ​ടുള്ള വിലമ​തി​പ്പി​ലും യഹോ​വ​യോ​ടുള്ള സ്‌നേ​ഹ​ത്തി​ലും വളരെ​യ​ധി​കം വളരേ​ണ്ട​തുണ്ട്‌. അയാൾ തുടർന്നു പുരോ​ഗതി പ്രാപി​ച്ചു​കൊ​ണ്ടി​രി​ക്ക​ത്ത​ക്ക​വണ്ണം വ്യക്തി​പ​ര​മായ നല്ല പഠനശീ​ലങ്ങൾ വളർത്തി​യെ​ടു​ക്കാൻ അയാളെ പ്രോ​ത്സാ​ഹി​പ്പി​ക്കു​ന്നതു മർമ​പ്ര​ധാ​ന​മാണ്‌.—1 തിമൊ​ഥെ​യൊസ്‌ 4:15.

പുതിയ ആൾ പുരോ​ഗ​തി​പ്രാ​പിച്ച്‌ സഹോ​ദ​ര​സ​മൂ​ഹ​ത്തി​ലെ സംസർഗ​പ്രി​യ​നായ ഒരു അംഗമാ​യി​ത്തീ​രു​ന്ന​തി​നു സഹായ​മാ​വ​ശ്യ​മാ​യി​രി​ക്കാം. അയാൾ സഹോ​ദ​ര​ങ്ങ​ളോ​ടു കൂടുതൽ അടുക്കു​മ്പോൾ അവരുടെ അപൂർണ​തകൾ കൈകാ​ര്യം ചെയ്യു​ന്ന​തിൽ അയാൾക്കു മാർഗ​നിർദേശം ആവശ്യ​മാ​യി​രി​ക്കാം. (മത്തായി 18:15-35) സ്വന്തമാ​യി ഗവേഷണം നടത്താൻ പ്രാപ്‌തി​യുള്ള ഒരു വിദഗ്‌ധ ഉപദേ​ഷ്ടാ​വാ​യി​ത്തീ​രാൻ അയാൾക്കു സഹായം ആവശ്യ​മാ​യി​രി​ക്കാം. ഒരു മിഷനറി ഇങ്ങനെ വിവരി​ക്കു​ന്നു: “സ്‌നാ​പ​ന​ത്തി​നു​ശേഷം ഒരു ഉപദേ​ഷ്ടാ​വെന്ന നിലയി​ലുള്ള തന്റെ പ്രാപ്‌തി മെച്ച​പ്പെ​ടു​ത്താൻ ഒരു വിദ്യാർഥി​നി ആഗ്രഹി​ച്ചു. അതു​കൊണ്ട്‌ അവൾ എന്നോട്‌, ‘എനിക്ക്‌ അടുത്ത ആഴ്‌ച​യിൽ ഒരു പുതിയ അധ്യയനം നടത്താ​നുണ്ട്‌, എന്നാൽ ഞാൻ പഠിച്ച മുൻ അധ്യാ​യങ്ങൾ സംബന്ധിച്ച്‌ എന്റെ ഓർമ പുതു​ക്കേണ്ട ആവശ്യ​മുണ്ട്‌. ദയവായി നിങ്ങൾക്ക്‌ ഈ അധ്യാ​യങ്ങൾ ഓരോ​ന്നാ​യി വീണ്ടും പഠിപ്പി​ക്കാ​മോ?’ എന്ന്‌ അവൾ എന്നോടു ചോദി​ച്ചു. ‘അങ്ങനെ​യെ​ങ്കിൽ തിരു​വെ​ഴു​ത്തു​ക​ളു​ടെ​യും ദൃഷ്ടാ​ന്ത​ങ്ങ​ളു​ടെ​യും വിശദീ​ക​ര​ണങ്ങൾ കുറി​ക്കൊ​ള്ളു​ക​യും പിന്നീട്‌ എന്റെ അധ്യയ​ന​ത്തി​നു പോകു​മ്പോൾ എനിക്ക്‌ ഉപയോ​ഗി​ക്കു​ക​യും ചെയ്യാ​മ​ല്ലോ?’ അവൾ പ്രഗത്ഭ​യായ ഒരു ഉപദേ​ഷ്ടാ​വാ​യി​ത്തീർന്നി​രി​ക്കു​ന്നു, അവളുടെ അധ്യേ​താ​ക്ക​ളിൽ നാലു​പേർ ഒരു സമ്മേള​ന​ത്തിൽ സ്‌നാ​പ​ന​മേൽക്കു​ക​യു​ണ്ടാ​യി.”

ശിഷ്യ​രാ​ക്കൽ ശ്രമത്തി​നു തക്ക മൂല്യ​മു​ള്ള​താ​യി​രി​ക്കു​ന്ന​തി​ന്റെ കാരണം

“ശിഷ്യ​രാ​ക്ക​ലി​ന്റെ അർഥം യഹോ​വ​യു​ടെ കൂടുതൽ സ്‌തു​തി​പാ​ഠകർ ഉണ്ടാകു​ന്നു എന്നാണ്‌. സത്യം സ്വീക​രി​ക്കു​ന്ന​വർക്ക്‌ അതു ജീവനെ അർഥമാ​ക്കു​ന്നു,” പാമെല പറയുന്നു. “മററു​ള്ള​വരെ സത്യം പഠിപ്പി​ക്കു​ന്നത്‌ എനിക്കു കേവലം ഇഷ്ടമാണ്‌—അതു വളരെ മനോ​ഹ​ര​മാണ്‌! അൽപ്പാൽപ്പ​മാ​യി അധ്യേ​താ​ക്കൾ വളർന്നു​വ​രു​ന്ന​തും തങ്ങളുടെ ജീവി​ത​ത്തിൽ മാററങ്ങൾ വരുത്തു​ന്ന​തും യഹോ​വ​യു​ടെ ആത്മാവി​ന്റെ സഹായ​മി​ല്ലാ​യി​രു​ന്നെ​ങ്കിൽ തരണം​ചെ​യ്യാ​നാ​വാ​ത്ത​താ​യി തോന്നു​മാ​യി​രുന്ന പ്രതി​ബ​ന്ധ​ങ്ങളെ അതിജീ​വി​ക്കു​ന്ന​തും ഒരുവൻ കാണുന്നു. യഹോ​വയെ സ്‌നേ​ഹി​ക്കാൻ ഇടയാ​യി​ട്ടു​ള്ള​വ​രിൽ അനേകർ എന്റെ വളരെ പ്രിയ​പ്പെട്ട സുഹൃ​ത്തു​ക്ക​ളാ​യി​ത്തീർന്നി​ട്ടുണ്ട്‌.”

“ശിഷ്യ​രാ​യി​ത്തീ​രാൻ ഞാൻ സഹായി​ച്ചി​ട്ടു​ള്ള​വ​രെ​ക്കു​റി​ച്ചു വിചി​ന്തനം ചെയ്യു​മ്പോൾ, എനിക്ക്‌ അശേഷം വിശ്വ​സി​ക്കാൻ കഴിയാ​ത്ത​വി​ധം ദൈവ​ത്തി​ന്റെ ശുശ്രൂ​ഷ​ക​രെന്ന നിലയിൽ വളരെ​യ​ധി​കം പുരോ​ഗതി നേടിയ വളരെ ഭയമു​ണ്ടാ​യി​രുന്ന ചിലരെ ഞാൻ കാണുന്നു. സ്‌പഷ്ട​മാ​യും യഹോ​വ​യു​ടെ സഹായ​ത്താൽ ഭയങ്കര പ്രതി​ബ​ന്ധ​ങ്ങളെ തരണം​ചെയ്‌ത ആളുകളെ ഞാൻ കാണുന്നു. പണ്ടു വേർപെ​ട്ടു​നി​ന്നി​രു​ന്നെ​ങ്കി​ലും ഇപ്പോൾ ഐക്യ​പ്പെ​ട്ടി​രി​ക്കുന്ന കുടും​ബ​ങ്ങളെ ഞാൻ കാണുന്നു—ഉത്തരവാ​ദി​ത്വം വഹിക്കുന്ന മാതാ​പി​താ​ക്ക​ളുള്ള സന്തുഷ്ട​രായ കുട്ടികൾ. യഹോ​വയെ സ്‌തു​തി​ച്ചു​കൊണ്ട്‌ അർഥവ​ത്തായ ജീവിതം ആസ്വദി​ക്കുന്ന ആളുകളെ ഞാൻ കാണുന്നു. ഇതാണു ശിഷ്യരെ ഉളവാ​ക്കു​ന്ന​തി​ന്റെ സന്തോഷം,” ജർമനി​യിൽനി​ന്നുള്ള ഒരു മിഷനറി വിവരി​ക്കു​ന്നു.

അതേ, ശിഷ്യ​രാ​ക്കൽവേ​ല​യിൽ യഹോ​വ​യാം ദൈവ​ത്തി​ന്റെ ഒരു സഹപ്ര​വർത്ത​ക​നാ​യി​രി​ക്കു​ന്നത്‌ അതുല്യ​മായ സന്തോ​ഷ​ത്തി​ന്റെ ഒരു ഉറവാണ്‌. മിഷന​റി​മാ​രു​ടെ​യും പയനി​യർമാ​രു​ടെ​യും അനുഭ​വങ്ങൾ അതു തെളി​യി​ച്ചി​രി​ക്കു​ന്നു. ഈ നിർദേ​ശങ്ങൾ ബാധക​മാ​ക്കു​ക​യും അതിൽ മുഴു​ദേ​ഹി​യോ​ടെ പ്രവർത്തി​ക്കു​ക​യും ചെയ്യു​ന്നു​വെ​ങ്കിൽ നിങ്ങൾക്ക്‌ ഇതേ സന്തോ​ഷ​വും സംതൃ​പ്‌തി​യും കണ്ടെത്താൻ കഴിയും. യഹോ​വ​യു​ടെ അനു​ഗ്ര​ഹ​ത്താൽ നിങ്ങളു​ടെ സന്തോഷം പൂർണ​മാ​യി​രി​ക്കും.—സദൃശ​വാ​ക്യ​ങ്ങൾ 10:22; 1 കൊരി​ന്ത്യർ 15:58.